Guutip oqaasia aalajangiulluinnaruk
Kapiteli 3
Guutip oqaasia aalajangiulluinnaruk
1. (a) Itsaq Israelikkut qanoq ilillutik paasivaat Guutip oqaasia ilumoortuusoq? (b) Tamanna sooq uagutsinnut soqutiginartuua?
’UUMMATISSIGUT iluunngarlusi tarnissigullu iluunngarlusi ilisimassaasi, oqaatsimik ataatsimilluunniit atunngitsoqanngitsoq oqaatsit ajunngitsut tamarmik ilaannik, Jehovap Guutissi ilissinnut oqaaserisaasa; tamarmik ilissinnut eqquupput.’ Nunami neriorsuutigisaasumi nunasereerlutillu Josuap Israelikkut utoqqaanertaat taama oqaaqqissaarpai. Tamatumali kingorna ukiut ingerlaneranni Guutip oqaasia aalajaatsumik naalaarniarlugu maleruarniarlugulu iliuuseqanngillat. Tamanna qanoq kinguneqarpa? Bibelimi ersersinneqarpoq soorlu Jehova pilluaqqusaanissamik neriorsuutiminik eqquutitsisarsimasoq, aammattaaq naalannginnerup kinguneriumaagassai pillugit oqaaserisarsimasani eqquutittarsimagai. (Jôrs. 23:14-16) Oqaluttuaq tamanna, soorluttaaq Bibeli tamarmi taamaattoq, uagutsinnut ilinniutissaalluni atatinneqarsimavoq — ’neriussinnaaqqulluta’ aammalu neriuummik tamatuminnga annaatitsisinnaasumik iliuuseqarnaveersaaqqulluta. — Rûm. 15:4.
2. (a) Qanoq ililluni Bibeli ’Guutimit isumassarsiarititaava’? (b) Tamanna nalunngikkutsigu taava sumik akisussaaffeqarpugut?
2 Naak ’allatsinit’ nunamiunit 40-t missaanniittunit Bibeli allanneqarsimagaluartoq taamaattoq Jehova nammineq taassumunnga Atuakkiortuuvoq. Tamanna ima paasisariaqarpa nammineerluni tamatuma allanneqarneranik tamanik siulersuisimasoq? Aap. Soorlulu apustili Paulus ilumoortumik ima oqarsimasoq: „Allakkat illernartut tamarmik Guutip sunniineratigut isumassarsiarititaapput.“ Tamanna qularutiginnginnatsigu inuit sumi tamaaniittut kajumissaarpavut Bibeli misissoqqullugu inuunertillu tassani allassimasunut 2 Tim. 3:16, NV; 1 Tás. 2:13.
naapertuuttunngorsaqqullugu, soorlu uagut taamaaliorniartugut. —Inuit allat tamatuminnga pingaartitsilernissaannut suup ikiussavai?
3. Inuit Bibelip Guutiminngaanneersuuneranik qularutiginnittut ilarpassui qanoq ililluta pitsaanerpaamik ikiorsinnaavavut?
3 Inuppassuilli oqaluuttakkavut Bibelip Guutiminngaanneersuuneranik uagutsitulli qularutiginninngitsiginngillat. Qanoq ililluta taakku ikiorsinnaavavut? Amerlasuutigut pitsaanerpaasarpoq Bibeli qupperlugu qanorlu allassimasoqarnersoq takutillugu. ’Guutip oqaasia uumavoq killinnartorsuullunilu pananillu illuttut kiinalinnit tamanit ipinnerulluni uummatillu eqqarsaatai isumaalu killisiorsinnaallugit.’ (Epr. 4:12) ’Guutip oqaasia’ uani tassaavoq taassuma neriorsuutai Bibelimi allanneqarsimasut. ’Oqaaseq’ tamanna tassaanngilaq oqaluttuarisaaneq toqungasoq, kisianni uumavoq akiugassaananilu eqquuffissaminut ingerlalluni. Inuillu tamatuminnga sammisaqaleraangamik uummataasa ilorpiaat qulaarneqartarput, paasinarsilluni tassani piumasarineqartunik naammassinninnissaminnut piareersimanersut. Uagut oqaaserisinnaasatsinnit tamanit oqaaseq tamanna sunniisinnaaneroqaaq.
4. Bibelimi ajoqersuutinik ilumoortunik nassuiaatit paasiuminartut suut inuit amerlasuut Bibelimik isumaqarfiginninnerannik allanngortitsisimappat — sooq?
4 Inuppassuit Guutip aqqanik Bibelimi allassimasumik takunninnerinnartik inuunerminnik allanngortitsinissaminnut killissutigisimavaat. Inuit allat aalajangersimapput Bibeli atuaqqissaarniarlugu takuleramikku tassani qanoq allassimasoqartoq inuunerup siunertaa pillugu, sooq Guutip ajussutsimik ilaginnaagallarnera pillugu, ullumikkut pisut pingaaruteqassusiat pillugu, imaluunniit neriuut piviusoq Guutip naalagaaffianik tunngaveqartoq pillugu. Nunani, upperisarsiornermi ileqqulersuutaasartut pissutaallutik inuppassuit anersaapilunnit naalliutsitaaffigisaanni, tamakkununnga pissutaasunik aammalu ikiuutaasinnaasunik nassuiaat Bibelimiittoq soqutigineqalersimavoq. Sooq tamakkununnga tunngasut inunnit taama maluginiarneqartigaat? Tuss. 119:130.
Bibeli tassaammat apeqqutit pingaaruteqartut tamakku pillugit tutsuiginartumik paasissutissiisinnaasutuaq. —5. Inuit ilaasa Bibelimik upperinninnginnerannut suna pissutaasinnaava? Qanoq ililluta taama ittut ikiorniarsinnaavavut?
5 Qanormi iliussaagut Bibeli upperinngilluinnarlugu oqartumik naapitaqarutta? Taava oqaloqatigiinneq ingerlaqqissinnaajunnaassava? Tunngaveqarluartumik oqaloqatigerusuppatit oqaloqatigiinneq ingerlariaqqissinnaavoq. Bibelimut tunngasunik qularuteqarpasinnata oqalunnissarput akisussaaffittut misigisimasariaqarparput. Imaassinnaavoq pulaakkavit Bibeli kristumiuuneraqatigiit atuagaattut isigigaa, aammalu akerliuniarnerata peqqutigigaa ilagiit nalinginnaat ilumoortuusaarnerat naalakkersuinermillu ingerlatsinermut akuliusimanerat aammalu aningaasanik piumasaqarpallaarnerat. Aperisinnaavat tamanna pissutaanersoq. Immaqa soqutiginnilissaaq tusaruniuk kristumiuuneraqatigiit iliuusii silamiorpaluttut Bibelimi qanoq avoqqaarineqartut, aammalu takulissallugu kristumiuuneraqatigiit kristumiullu ilumoortut qanoq assigiinngissuteqartigisut. — Naleqqiuguk Matîuse 15:7-9; Jâko 4:4; Migga 3:11, 12.
6. (a) Bibelip Guutiminngaanneersuuneranik illit suup qularunnaarsippaatit? (b) Bibelip ilumut Guutiminngaanneersuuneranik inuit allat paasilersinniarlugit tunngaviit allat suut atorsinnaavavut?
6 Bibelip isumassarsiarititaaneranut uppernarsaatinik oqaluuserinninneq aamma iluaqutaasarpoq. Bibelip Guutiminngaanneersuuneranik ilinnut suna ersarissumik qularunnaarsitsisuua? Bibelip pilersimanerminik nammineq oqaaserisai? (2 Tim. 3:16, 17; sarĸ. 1:1) Imaluunniit siulittuuterpassuit, annikitsualuttaat allaat ilanngullugit siunissamik siulittuutaasut, aammalu inuinnarnit piginnaaneqarnerusumit saqqummiussaarpasissut? (2 Pîtr. 1:20, 21; Is. 42:9) Immaqaluunniit Bibelip, naak ukiut 1610-nit amerlanerusut ingerlaneranni inuppassuarnit allanneqarsimagaluarluni, imminnut akerleriissunik imaqannginnera — ataqatigiilluinnassusia? Imaluunniit allakkatut itsarnitsatut allatut innani ilisimatuussutsimut naapertuuttuunera? Imaluunniit allattut unneqqarissusiat? Imaluunniit naak nungutinniarlugu ilungersortoqartarsimagaluaqisoq manna tikillugu piunera? Illit maluginiarsimasatit aammattaaq allat maluginiarsinnaavaat.
Nammineq Bibelimik atuartarnerput
7, 8. (a) Tamatta immikkut Bibeli susariaqarparput? (b) Nammineq Bibelimik atuartarnitta saniatigut suna pisariaqarparput, tamannalu qanoq ililluni Bibelimi ersersinneqarpa? (c) Qanoq ilillutit illit Jehovap siunertarisai paasilersimavigit?
7 Inuit allat Bibelimik upperinnilersinniarlugit ikiornerisa saniatigut uagut nammineq aalajangersimasumik akuttunngitsumik atuartariaqarparput. Illit taama iliortarpit? Atuakkanit allanneqarsimasunit tamanit Bibeli pingaarnersaavoq. Taamatut oqaratta imaanngilaq atuaannartassagipput allamillu iliuuseqarnata. Bibelimi mianersoqquneqarpugut ataasiakkaarluta immikkoorniaqqunata isumaqaqqunatalu nammineq atuarnitsigut suna tamaat paasisinnaallugu. Kristumiuussagutta isummamikkut aalajasuunngitsut nammineerluta atuaqqissaartariaqarpugut aammalu ilagiit ataatsimiittarneri tamatigut najuuffigisariaqarlugit. — úss. 18:1; Epr. 10:24, 25.
8 Iluaqutissatsinnut Bibelimi oqaluttuarineqarpoq kunngip kiffarsuata Ætiopiamiup Esajasip siulittuutai atuarai, atuartillugulu tusagassamik nuannersumik oqaluussisartoq, Filip, inngilimit taassumunngartinneqartoq. Filipip taanna ima aperaa: ’Atuakkatit paasivigit?’ Ætiopiamiu maniguuppasilluni akivoq: ’Ajoqersorneqanngikkuma qanoq ilillunga paasissavakka?’ Ilungersorluni Filip qinnuigaa allassimaffik atuakkani nassuiaqqullugu. Imaanngilaq Filip tassaasoq Bibelimik atuartartoq sumulluunniit attaveqanngitsoq maannalu Guutip oqaasia pillugu nammineq isummaminik anitsisoq. Aap, oqaluttuami erserpoq apustilinut, Jerusalemimi ilagiinniittunut, qanittumik attaveqartuusoq aammalu Jehovap peqatigiissortaanut takussaasunut ilaasortaasoq. Taamaattumik Ætiopiamiu ikiorsinnaasimavaa Jehovap peqatigiissortani aqqutigalugit unnersuussutigisaanik iluaqutiginnissinnaaqqullugu. (ap. sul. 6:5, 6; 8:5, 14, 15, 26-35) Ullumikkut aamma taamatut ippoq. Arlatta nammineerluni Jehovap siunertarisai ersarissumik eqqortumillu paasisimavai? Jehovap ikiuinera, peqatigiissortamigut takussaasutigut asannittumik tunniuttagaa, pisariaqartissimavarput, sulilu pisariaqartillugu.
9. Bibelimik atuartarnitsinnut suut tamatta iluaqutigisinnaavavut?
9 Bibelimik paasinninnissatsinnut taassuminngalu atuinissatsinnut ikiorniarluta Jehovap peqatigiissortaasa Napasuliaq Alapernaarsuiffik-mi atuagassianilu allani atortussatsinnik pitsaasunik tunisarpaatigut. Aammattaaq Jehovap Nalunaajaasuisa ilagiivini ingerlanneqartartumi, Teokratiimik Ilinniarfimmi, aalajangersimasumik Bibelimik atuarneq ingerlanneqartarpoq. Tamatuma saniatigut Jehovap Nalunaajaasuisa ilaat namminneq piffissamik aalajangersimasumik atuarfeqartarput Bibeli tamaat atuarniarlugu. Piffissami Bibelimik misissuiffigisami pissarsiat annertoorujussuusinnaasarput. (Tuss. 1:1-3; 19:8, 9) Illit nammineq Bibeli tamaat atuarsimaviuk? Taamaaliorsimanngikkuit taava taamaaliornissat anguniarniaruk. Naak tamaviisa paasilluanngikkaluarlugit Bibelip ataatsitut imarisaanik taamatut misissuineq naleqartorujussuuvoq. Ullormut quppernerit arfiniliinnaat arfineq-marluinnaalluunniit atuartarukkit ukiup ataatsip missaata ingerlanerani Bibeli tamaat atuarsinnaassavat.
10. (a) Qaqugukkut Bibeli atuartarpiuk? (b) Aalajangersimasumik taamaaliortarnissaq sooq taama pingaartigaa?
10 Qaqugukkut illit nammineq Bibelimik atuartarsinnaavit? Ullormut minuttit 10-t 15-iinnaalluunniit atuarfigisarukkit pissarsiaqartorujussuussaatit. Taamaaliornissat ajornarpat taava sapaatip-akunneranut piffissamik aalajangersimasumik atuarfigisartagassannik aalajangiisinnaavutit, piffissarlu tamanna eqqorlugu atuartarit. Nerisarnitsitut imertarnitsitullu Bibelimik atuartarnerput inuuneq tamaat ileqqorisariaqarparput. Soorlu nalunngikkit peqqinnanngitsunik nerineq peqqissutsimut ajoqutaasarpoq. Aammattaaq anersaamut tunngasut eqqarsaatigalugit taamaappoq. Inuujuassagutta ’oqaaseq sunaluunniit Guutip qarnanit anisoq’ pisariaqartipparput. — Mat. 4:4.
11. Suna siunertaralugu Bibeli atuartariaqarparput?
11 Bibelimik atuarnitsinni suna siunertarisariaqarparput? Quppernerit aalajangersimasumik amerlassusillit anguniaannarlugit Juán. 5:39-42) Bibelimik allaqataasut ilaattut ima oqartutut isumaqartariaqarpugut: „Ingerlavigisannik ilinniartinnga, [Jehova], aqqutigisannik ajoqersuunnga!“ — Tuss. 25:4.
imaluunniit inuuneq naassaanngitsoq anguniaannarlugu atuarneq kukkunerussaaq. Atuartarnerput soraajuitsumik iluaqutissarsiffigissagutsigu ajunnginnerusunik pissuteqartariaqarpugut — Guutimik asanninneq, taassuminnga ilisarsinerunissamik kissaateqarneq, taassuma piumasaanik paasinnikkusunneq aammalu taassuma akuerisinnaasaanik taassuminnga pallorfiginnikkusunneq. (12. (a) „Eqqorluartumik ilisima“lernissaq sooq taama pisariaqartigaa, aammalu atuarnitsinni qanoq iliorsinnaavugut ilisimassut taama ittoq anguniarlugu? (b) Sammiviit, qupperneq 27-mi takutinneqartut, suut tunngavigalugit Bibelimi atuakkavut iluaqutaasumik paasiniaqqissaarsinnaavavut? (c) Apeqqutit immikkoortup matuma naggataani ilanngunneqarsimasut akisarnerisigut takutiguk sammiviit tamakku qanoq atorneqarsinnaasut. Bibeli atorlugu ataasiakkaarlugit sammikkit.
12 Guutimit ajoqersorneqaraangatta kissaatigisariaqarparput „eqqorluartumik ilisima“lernissarput. Tassami „eqqorluartumik ilisima“nngikkutta qanoq ililluta Guutip oqaasia nammineq inuunitsinni eqqortumik atorsinnaassavarput inunnullu allanut eqqortumik nassuiarsinnaallugu? (Kul. 3:10, NV; 2 Tim. 2:15) Eqqorluartumik ilisimalissagutta oqaasia peqqissaartumik atuartariaqarparput, eqqarsaatinillu itisuunik imalimmik nalaataqaraangatta isumaa paasisinnaajumallugu arlaleriarlugu atuartariaqarparput. Atuagarput aammattaaq eqqarsaatigeqqissaarutsigu pissarsiaqarfigissavarput, sammivinnit assigiinngitsunit isigalugu eqqarsaatigalugu. Sammiviit pingaaruteqartut tallimat taasinnaasavut uani atuakkami qupperneq 27-mi takutinneqarput. Bibelimi immikkoortut ilarpassui iluaqutaasumik sammivinnit assigiinngitsunit isigalugit paasiniaqqissaarneqarsinnaapput. Apeqqutit tulliuttut akigukkit tamanna paasilissavat.
(1) Bibelimi atuakkanni arlalitsigut Jehovap kinaassusilittut qanoq ittuunera oqaluttuarineqartarpoq.
Jehovap pinngortitarsua pillugu Bibelimi allassimasut qujamasulluta eqqarsaatigeqqissaaraangatsigik Jehovamut pissuserput qanoq attorneqartarpa? (Tuss. 139:13, 14; Jûpe ilanngullugu, ingammik malugikkit kapitali 38-mit 42Jûpe 38:1, 2; 40:2, 8, taavalu Jûpe 42:1-6.)
Juánase 14:9, 10-mi Jesusip oqaasii eqqarsaatigigutsigik pisimasoq Lúkarse 5:12, 13-imi allaaserineqartoq tunngavigalugu Jehova pillugu qanoq isummersinnaavugut?
(2) Eqqarsaatigeqqissaartaruk oqaluttuaq atuakkat Bibelimi ajoqersuutit pingaarnersaannik, tassa Naalagaaffik kinguaassamit neriorsuutigineqartumit, Jesus Kristusimit, aqunneqartoq aqqutigalugu Jehovap aqqanik qutsissisitsinissamik, erseqqinnerujartuinnartumik eqqartuinermut qanoq ililluni naleqquttuunersoq.
Ægyptenip perlussiortinneqarnera qanoq ililluni ajoqersuutit pingaarnersaannut tamatumunnga attuumassuteqarpa? (Takukkit Môrsasip agdlagaisa áipait 5:2; 9:16; 12:12.)
Moabimiu Rut pillugu oqaluttuaq killitsinnartoq qanoq pingaaruteqarpa? (Rúte 4:13-17; Mat. 1:1, 5)
Mariap Jesusimik erninissaa pillugu Gabrielip oqaasii qanoq ilillutik ajoqersuutit pingaarnersaannut naleqquppat? (Lúk. 1:26-33)
Ullormi piinsimi Jesusip ajoqersugaasa anersaamik iluartumik taninneqarnerat qanoq pingaaruteqarpa? (ap. sul. 2:1-4; 1 Pîtr. 2:4, 5, 9; 2 Pîtr. 1:10, 11)
(3) Versit ilaat ataqatigisaminnut atallutik aatsaat paasineqarsinnaapput.
Rûmamiunut agdlagkat 5:1-imi aamma 8:16-imi allassimasut kikkunnut-una tunngatinneqartut? (Takuuk Rûmamiunut agdlagkat 1:7.)
Korintumiunut agdlagkat sujugdlît 2:9-p ataqatigisaasa ersersippaat tassani eqqartorneqartoq tassaasoq Guutip aaqqissuussaani nutaami inuuneq? Versini 6-imiit 8 ilanngullugu allassimasut naapertorlugit kikkut-uku isaasa siutaasalu Paulusip allaaserisai paasisinnaanngikkaat?
(4) Imminut apereriarit qanoq ilillutit atuakkatit nammineq inuuninni atorsinnaanerlugit.
Kainip Abelimik toqutsinera pillugu oqaluttuaq oqaluttuaannartut soqutigissavarput, imaluunniit uagutsinnut unnersuussummik imaqarpa? (1 Môrs. 4:3-12; 1 Juán. 3:10-15; Epr. 11:4)
Puilasuitsumi Israelikkut misigisimasaat (Môrsasip agdlagaisa áipait-nit tatdlimait-nut) atuarutsigik, tassani paasissutissat 1 Kor. 10:6-11)
qanoq ililluta nammineq atorsinnaavavut? (Kristumiut tanitaasut inooriaasertik pillugu unnersuunneqarnerat aammattaaq nunami naassaanngitsumik inuunissamik neriugisaqartunut tunngava? (Naleqqiutikkit Môrsasip agdlagaisa sisamait 15:16; Juánase 10:16.)
Maanna ilagiit kristumiut iluanni ajunngitsumik oqaatigisaareersimalersimagutta taava suli annertunerusumik Bibelimi unnersuussutigineqartut nalunngeriikkatta qanoq ililluta annertunerujartortumik maleruarsinnaanissaat eqqarsaatigeqqissaassallugit pissutissaqarpugut? (2 Kor. 13:5; 1 Tás. 4:1)
(5) Eqqarsaatigiuk atuakkatit qanoq ilillutit inunnut allanut ikiuutissatut atorsinnaanerlugit.
Assersuutigalugu Jairusip panianik makititsinermik oqaluttuaq kikkunnut ikiuutitut atorsinnaavarput? (Lúk. 8:41, 42, 49-56)
13. Bibelimik atuartarnerput Jehovallu peqatigiissortaanik atuaqqissaaqateqartarnerput ingerlatiinnarutsigu qanoq kinguneqarnissaa ilimagisinnaavarput?
13 Taamatut atuartarutta Bibelimik atuarnerput pissarsiaqarfigingaassavarput. Ilumoorpoq Bibelimik atuarneq imaannaanngitsuummat — inuunitsinni tamatigut iluaqutiginiarlugu sulissutigisassaammat. Taamaalioruttali anersaakkut nukittunerulissaagut. Ataatatsinnut asannittumut, Jehovamut, aammalu qatanngutitsinnut kristumiuusunut qaninnerulissaagut. ’Oqaatsimik inuussutaasumik aalajangiussinissamik’ unnersuussummut maleruaanissatsinnut iluaqutigissavarput. — Fil. 2:16.
Uteqqiineq
● Sooq Bibeli allanneqarsimava nalitsinnullu allaat atatinneqarsimalluni?
● Inuit allat tamatuminnga pingaartitsilersinniarlugit qanoq ikiorsinnaavavut?
● Aalajangersimasumik Bibelimik nammineq atuartarneq qanoq pissarsiffiusarpa? Sammiviit tallimat suut tunngavigalugit atuakkavut paasiniaqqissaarsinnaavavut?
[Atuaqqissaarnermi apeqqutit]
[Qupp. 27-mi ungalusaq/assiliartaq]
Bibeli atuaraangakku eqqarsaatigeqqissaartaruk . . .
Immikkoortut tamarmik immikkut Jehovap kinaassusilittut qanoq ittuuneranik qanoq oqaluttuarnersut
Qanoq ilillutik Bibelimi ajoqersuutigisaasumut pingaarnermut attuumassuteqarnersut
Ataqatigisai eqqarsaatigalugit immikkoortut qanoq paasisariaqarnersut
Illit nammineq inuuninnut qanoq sunniuteqartariaqarnersut
Qanoq ilillutit inunnut allanut ikiuutissatut atorneqarsinnaanersut