Kapiteli 20

Inuuneq aallu illernartutut isigaagit?

1. (a) Guutip inuuneq qanoq isigaa? (b) Qanoq ilil­luta ersersis­sin­naavar­put inuuneq Guutimit tunis­sutaasoq pingaar­til­lutigu?

GUUTIP inuunermut isigin­nit­taasiata silarsuup inuisa  inuunermut isigin­nit­taasian­nit al­laanerus­susia tupaal­laatigin­ngilar­put. Inuup inuunera Guutip isaani il­ler­nar­tuuvoq. Il­lit­taaq taamatut isigaajuk? Guuti ’inuunermik anersaar­nermil­lu sunil­lu tamanik’ tunisisoq pin­ngitsoorsin­naan­ngil­luin­nar­par­put. (ap. sul. 17:25-28; Tuss. 36:10) Guutip inuunermut isigin­nit­taasiatut inuuneq il­ler­nar­tutut isigigutsigu inuuner­put ser­nis­sorumas­savar­put. Inuunitsin­nil­li ser­nis­suiner­put ima ingasaatsiginias­san­ngilar­put al­laat maan­nak­kut inuuner­put an­naan­niaan­narlugu Guutip inatsisaanik unioq­qutitsil­luta. Er­nerminut up­perin­nil­luin­nar­tunut inuunermik naas­saan­ngitsumik taas­suma neriorsuutaa ilisimavar­put pingaar­til­lugulu. — Mat. 16:25, 26; Juán. 6:40; Jût. 21.

2. Kia inuunermut isigin­nit­taasiatut silarsuaq isigin­nit­taaseqar­pa, taman­nalu ilaatigut qanoq tun­ngavilersuisitsisar­pa?

² Jesus oqarsimavoq Satan Diaavulu, silap matuma naalagaa, ’pileq­qaar­nerminit inun­nik toqutsisuusoq’. (Juán. 8:44; 12:31) Pikitsitsiumatus­sutsimut saan­nini ilutigalugu inuiaat toqumit qulanger­neqar­tis­simavai. Silarsuup oqalut­tuarisaanera nakuuser­ner­taqaqisoq taas­suma pis­susianut as­singul­luin­nar­poq. Aam­mat­taarli Satan al­latorluin­naq isik­koqar­tumik pis­susilersorsin­naavoq. Inuit taas­suma eq­qarsar­taasianit sun­ner­neqarsimasut oqarajup­put naak up­perisarsior­tuuneq ajun­ngis­sin­naagaluar­toq taamaat­toq inuunerup aarlerinar­torsior­tin­neqaler­nerani Bibelip is­suaaf­figinis­saanut taarsiul­lugu nam­min­neq „paasisimasalis­suar­tut siun­nersuutimik“ malin­neqar­nis­saat pitsaanerusar­toq. (Naleq­qiuguk Korintumiunut agdlagkat áipait 11:14, 15.) Il­lit inuunerit pineqaraluar­pat kina malik­kumanerus­sagaluar­piuk? Soorunami  Jehovap iluarisaanik ilior­nis­sar­put kis­saatigisariaqar­par­put.

3. (a) Sooq aap Bibelimi oqaatigineqar­nera im­mik­kut soqutigisariaqar­par­put? (b) Môrsasip agdlagai sujugdlît 9:3-6 aam­ma apustilit suliáinik agdlagkat 15:28, 29 atuak­kit, apeq­qutil­lu im­mik­koor­tumi matumaniit­tut akik­kit.

³ Bibelimi ersersin­neqar­poq inuuneq aal­lu qanimut im­min­nut at­tuumas­suteqar­tuusut, ima al­las­simagami: ’Uinil­lup tar­naa [imaluun­niit inuus­sutaa] aavaniim­mat.’ Soorlu inuuneq il­ler­nar­tuusoq taamat­taaq aak Guutip il­ler­nar­tun­ngor­tis­simavaa. Aak Guutip pigaa, taas­sumalu iluarisaatut taamaal­laat ator­neqar­tus­saal­luni. (3 Môrs. 17:3, 4, 11; 5 Môrs. 12:23) Taamaat­tumik eq­qarsaatigeq­qis­saar­tariaqar­par­put aam­mut tun­ngatil­lugu sunik piumasaqarfigineraatigut.

Môrsasip agdlagai sujugdlît 9:3-6 atuaruk

Nunami maani ileq­qut suut pis­sutigalugit uumasup aavanik nerisoor­nis­saq mianersuutigisariaqar­pa?

Uumasup aava pil­lugu 1 Môrs. 9 versi 4-mi oqaatigineqar­toq eq­qarsaatigalugu inuup aavanik imer­neq (soorlu itsaq Romami isigin­naar­titsivin­ni sak­kuaat­toqar­nerani taama pisoqar­tarsimasoq) qanoq qisuariarfigis­sagaluar­piuk?

1 Môrs. 9 Versit 5 aam­ma 6 naaper­tus­sagaan­ni inuup aavanik kuisigaan­ni kimut nas­suer­tus­saasariaqar­pa?

apustilit suliáinik agdlagkat 15:28, 29

Oqaatigineqar­pa piumasarisaasut tamak­ku pif­fis­sami aalajangersimasumiin­naq ator­tuusus­saasut? Uagutsin­nut atuup­pat?

Al­las­simaf­fim­mi ersersin­neqar­pa inuup aava pineqan­ngitsoq?

Al­las­simaf­fim­mi ersersin­neqar­pa ajor­nar­toorluin­nar­nermi aak ator­neqarsin­naasoq?

4. Soorlu im­mik­koor­tumi matumani taaneqar­toq, aam­mut pil­laatisias­saqaleruman­ngik­kut­ta qanoq ilior­tariaqar­tugut Bibelimi ersersin­neqar­pa?

⁴ Inuup aava eq­qarsaatigalugu, oqarsin­naaner­pugut taamaal­laat inuar­nik­kut aam­mut pil­laatisisoqar­tar­toq? Bibelimi ersersin­neqar­poq peqatigiif­fim­mut Guutip isaani aam­mut pil­laatisias­saqar­tumut ilaasor­taagut­ta qimat­tariaqarip­put ajor­tuliaanut peqataajuman­ngik­kut­ta. (sarĸ. 18:4, 24;  Migga 4:3) Tamatumani pinasuar­tumik iliuuseqar­nis­saq pisariaqar­poq.

5. Oqaluus­sinermi aal­lus­sil­luar­neq qanoq ilil­luni aam­mut pil­laatisias­saqalin­ngitsoor­nis­samut at­tuumas­suteqar­pa?

⁵ Guutip kif­fai, an­nikil­lior­nar­tumi angisuumi aseruinis­samik mianersoq­qusisus­saasut, aam­mut pil­laatisias­saq pin­ngitsoorumagunik­ku aalajaal­lutik nalunaarut mianersoq­qus­sutaasoq taman­na oqaluus­sis­sutigiuar­tariaqar­paat. (Naleq­qiuguk Hisĩkiale 3:17-21.) Paulusip im­minut sulias­siis­sutaasimasoq pis­sutigalugu inun­nik kik­kun­nil­luun­niit ikiuisus­saasutut misigisimavoq. Guutip an­nas­sutis­samik aaq­qis­suus­saanik peq­qis­saar­tumik nalunaajaaf­figereeraangamigit aatsaat misigisar­poq taak­kua aavan­nut akisus­saajun­naarluni. (Rûm. 1:14, 15; ap. sul. 18:5, 6; 20:26, 27) Jehovap Nalunaajaasuisa akisus­saas­sutsimik misigisimanerat­tut it­tumik misigisimal­lutit il­lit eqiasuil­lutit oqaluus­sisar­pit?

6. Ajutoor­ner­nik pin­ngitsoor­titsiniar­neq inuunerul­lu il­ler­nas­susianik ataq­qin­nin­neq qanoq im­min­nut at­tuumas­suteqar­pat?

⁶ Ajutoor­nik­kut toqunerit aam­mat­taaq ilungersor­nar­tuup­put. Mosesip inatsisaasa atuun­nerisa nalaan­ni mianersuaal­lior­nik­kut inoqam­min­nik toqutsisut pin­ngitsuutin­neqar­neq ajor­put. Pil­laatisisar­put. (2 Môrs. 21:29, 30; 5 Môrs. 22:8; 4 Môrs. 35:22-25) Tamatumani najoq­qutas­saasoq malugigutsigu, aq­qusinik­kut angal­lan­nermi, ingasat­tumik sapiiser­nik­kut, imaluun­niit angerlarsimaf­fim­mi sulif­fim­miluun­niit navianaatilin­nik atuinik­kut toqutaasoqar­neranut pisuunis­sar­put imaluun­niit pisooqataanis­sar­put sapin­ngisar­put tamaat pin­ngitsoor­niar­tariaqar­par­put. Tamak­kunun­nga tun­ngasunut il­lit isigin­nin­nik­kut erser­pa inuunerup il­ler­nas­susia paasil­luin­narit?

Nakorsarneqarnermi aak atorneqarsinnaava?

7. (a) Inuup aavanik inum­mut al­lamut pisitsineq aap il­ler­nar­titaaneranut naleq­qut­tuua? (b) Sooq ’aam­mik nereq­qusin­ngis­sutip’ taamaal­laat ukiuni hundredelin­ni siul­ler­ni iliuuserineqar­tunut nalingin­naasunut tun­ngasuunerar­neqar­nis­saa naleq­qutin­ngila?

⁷ Inuup inuunera an­naan­niarlugu aalersuisar­neq ingam­mik ukiut 20 hundredes­saan­ni ator­neqar­torujus­suan­ngorsimavoq. Aak tamarmiusoq aal­lu akui tamatumani ator­neqar­tar­put.  Taamaalior­nerli nap­parsimasup aniguinis­saanik qulak­keerisuun­ngilaq. Al­laal­lu ilaatigut taamatut aak atorlugu suliarin­nin­nerup toq­qaan­nar­tumik kingunerisar­paa suliaritit­tup toqunera. Apeq­qul­li tamatuman­nga pingaaruteqar­neroqisoq unaavoq: Bibelimi ’aam­mik nereq­qusin­ngis­sut’ aam­mat­taaq nakorsamit aalersor­tin­nermut tun­ngava? Akis­sut aap­piuvoq! Pin­ngor­titap al­lap, inuup uumasul­luun­niit, aavanik nam­mineq timimut pisitsineq Guutip inatsisaanik unioq­qutitsineruvoq. Aap il­ler­nas­susianik ataq­qin­nin­ngin­nermut ersiutaavoq. (ap. sul. 15:19, 20) Tun­ngavis­saqan­ngilaq oqas­sal­luni ’aam­mik nereq­qusin­ngis­sut’ ul­lumik­kut nakorsamit suliarineqariaatsinut nutaaliaasunut tun­nganani taamaal­laat ukiuni hundredelin­ni siul­ler­ni iliuutsinut tun­ngasuusoq. Mak­kua eq­qarsaatigeriak­kit: Kina oqarumas­sava Bibelimi inuaq­qusin­ngis­sut aal­laam­mik toqutsinermut tun­ngas­suteqan­ngitsuusoq, aal­laasit aatsaat kingunerujus­suatigut ator­neqaler­nerat pis­sutigalugu? Kinalu oqarumas­sava imerajut­tuunis­samik iner­teq­qut ukiuni hundredelin­ni siul­ler­ni imigas­sanut ator­neqar­tunut taamaal­laat tun­ngas­suteqar­tuusoq, ul­lumik­kut imigas­sanut kimit­tuunut piusunut tun­ngas­suteqar­nani? Guutip iluarisaanik iliorusut­tumut ’aam­mik nereq­qusin­ngis­sut’ paatsuugas­saan­ngil­luin­nar­poq.

8. (a) Qanoq ilil­luni aalajanger­niar­neqarsin­naava nakorsamit suliarineqariaaseq aalajangersimasoq kristumiumit akuerineqarsin­naanersoq akuerineqarsin­naan­ngin­nersorluun­niit? (b) Aap­pit ilaata maqeriarlugu toq­qor­neqaral­lar­nis­saa pilat­tar­neqar­nin­nilu aap­pit kaaviiaar­neranut uter­teq­qin­nis­saa nakorsap kis­saatigip­pagu il­lit eq­qor­tumik aalajangiiniar­nin­ni Bibelimi najoq­qutas­sat suut atus­sagaluar­pigit? (c) Suliarineqariaatsimi aap ator­toris­saarutik­kut ingerlaar­tin­neqar­nis­saa pisariaqar­pat qanoq isum­merfigis­saviuk?

⁸ Nakorsamil­li suliarineqariaatsit ilaat ima pisariul­lutil­lu ajor­nakusoor­tar­tigip­put ilaatigut qular­titsilersoor­tarlutik. Qulalersoor­nerit taama it­tut qanoq aaq­qin­neqarsin­naap­pat? Siul­lermik nakorsaq qin­nuigisin­naavat suliarineqar­nis­san­nik neqeroorum­minik ersaris­sumik nas­suiaateq­qul­lutit. Taava qinoriarlutit Bibelimi najoq­qutas­sat tun­ngavigalugit misis­sueq­qis­saarit. Im­maqa nakorsap siun­nersuutigis­savaa aap­pit ilaa maqeriarlugu toq­qor­neqas­sasoq kingor­na pilat­tar­neqas­saguit ator­neqar­nias­sam­mat. Taman­na akueris­sagaluar­piuk?  Eq­qaamajuk Guutip inatsisai Mosesik­kut tun­niun­neqar­tut malil­lugit, pin­ngor­titap suul­luun­niit aavanik peersigaan­ni, nunamut kuutsin­neqar­tus­saam­mat. (5 Môrs. 12:24) Uagut ul­lumik­kut pin­ngitsoorata Mosesip Inatsisaanik maleruaasus­saatitaan­ngilagut, oqariar­tuul­li tun­ngaviusoq tas­saavoq aak il­ler­nar­tuusoq, taamaat­tumil­lu pin­ngor­titap suul­luun­niit timaanit peer­neqaruni tum­marfianut, nunamut, kuutsin­neratigut Guutimut uter­tin­neqar­tus­saavoq. (Naleq­qiuguk Matîuse 5:34, 35.) Taava qanoq ilil­luni eq­qor­tuusin­naava aat toq­qor­neqar­pat (sivikitsuin­naagaluamil­luun­niit) taavalu aap­pit kaaviiaar­neranut ilan­ngutiteq­qin­neqarluni? Nakorsarmi oqar­pat pilatsin­nin­ni (imaluun­niit suliaritin­nin­ni suugaluar­tumiluun­niit) aat ator­toris­saarutik­kut timivit avataaniit­tuk­kut ingerlaar­tin­neqarluni toq­qaan­nar­tumik timin­nut uter­tin­neqas­sasoq? Taman­na akueris­sagaluar­piuk? Ilavut misigisimap­put ator­toris­saarut imer­palasumik, aam­mik aal­luun­niit akuinik akulim­mik, imaqan­ngip­pat ilerasuuteqaratik taman­na akuerisin­naal­lugu. Ator­toris­saarut nam­min­neq aam­mik kaaviiaar­neranut sak­kor­tusisitsisutut isigaat. Soorunamili pis­sutsit as­sigiin­ngiiaar­put, aalajangiisus­sarlu tas­saavoq il­lit. Aalajanger­neril­lu Guutimut ilerasun­naveerutaasariaqar­poq. — 1 Pîtr. 3:16; 1 Tim. 1:19.

9. (a) ’Aam­mik nerin­ngin­nis­san­nik’ aalajanger­nivit ataq­qineqar­nis­saa qulak­keerumal­lugu qanoq ilior­tariaqar­pit? (b) Qanoq ilil­luni, al­laat navianar­torsior­nermi, oq­qan­neq nuan­niitsoq ilaatigut pin­ngitsoor­tin­neqarsin­naasar­pa? (c) Qanoq ilius­savit nakorsap imaluun­niit eq­qar­tuus­sisut pin­ngitsaalil­lutit aalersor­tin­niaraluar­patsit?

⁹ ’Aam­mik nerin­ngin­nis­san­nik’ aalajangiusiman­nin­nin­nut nakorsap ataq­qin­nin­nis­saa qulak­keerumal­lugu navianar­torsior­nar­tumik pisoqar­tin­nagu oqaloqatigisariaqar­pat. Suliaritis­sal­lutit nap­parsim­mavim­mut unit­tariaqas­sagaluaruit taman­na sioq­qul­lugu allakkatigut qin­nutigisariaqar­pat aap ator­neqan­ngin­nis­saa, nakorsarlu ilin­nik suliarin­nit­tus­saq nammineerlutit oqaloqatigisariaqar­pat nas­suiaal­lugulu. Qanormi ilius­savit ilimagin­ngisamik navianar­torsiulis­sagaluaruit? Silatusaar­tumik ataq­qin­nit­tumil­lu nakorsap oqaloqatigineratigut kristumiutul­lu nalun­ngeqatigin­nis­sutsin­nut akerliusumik iliun­ngik­kaluarluni ikior­niarlutit sapin­ngisaminik ilior­nis­saanik kajumis­saar­neratigut oq­qan­nerit nuan­niitsut  pin­ngitsoor­tis­sin­naavatit. (úss. 15:1; 16:21, 23) Qanormi ilius­saagut nap­parsim­mavim­mi sulisut ajun­ngitsumik isumaqarlutik oqalup­pata aalersor­tik­kuman­ngin­ner­put pis­sutigalugu inuuner­put navianar­torsior­tik­kip­put, akuersiin­nar­tin­niarsarip­patigul­lu? Jehovap aq­qutigeq­qusaasa eq­qor­tuuneran­nik up­perin­nin­nit­ta nakus­satsit­tariaqar­paatigut. Jehovamut ilumoorfigin­nin­nit­ta aalajaatsit­tariaqar­paatigut taamaalil­lutalu Guutip inun­nit naalan­nerunis­saa qiner­tariaqarlugu. — ap. sul. 5:29; naleq­qiutik­kit Jûpe 2:4; ús­satit 27:11.

Qanoq pingaaruteqartigaa?

10. Aalersor­tin­nerup inuunermik an­naas­sinis­samut pisariaqar­tuunerar­neqar­nera tamatumun­nga isigin­nin­nitsin­nut sooq al­lan­nguutaanavian­ngila?

¹⁰ Jehovamik suli ilisarsin­ngitsut ilaatigut isumaqarsin­naap­put aalersor­tin­nis­samik tapersersuisut tun­ngavilersuutaat inuunerup il­ler­nas­susianik ataq­qin­nin­nermut ersiutaal­luar­tuusut. Puius­san­ngilar­pul­li inuit tamatumin­nga tapersersuisut ilar­pas­sui aam­mat­taaq naar­tuersin­nik­kut inuunerup suujun­naarsin­neqar­tar­neranik tapersersuisuum­mata. Tamatumun­nga tun­ngasunik „paasisimasalis­suar­nit“ tamanit Jehova inuunermut aam­mul­lu tun­ngasunik ilisimasaqar­neruvoq. Paasereersimavar­put taas­suma inas­sutai tamarmik uagutsin­nut iluaqutis­saasut. Maan­nak­kut inuunitsin­ni ser­nis­sor­tigaavut, inuunermil­lu naas­saan­ngitsumik siunis­saqar­tilersimavaatigut. (Is. 48:17; 1 Tim. 4:8) Inas­sut ’aam­mik nereq­qusin­ngis­sutaasoq’ taamatut iluaqutigin­ngin­ner­par­put?

11. (a) Suna ataasiin­naq siuner­taralugu Jehovap Israelik­kut aam­mik atuisit­tarsimavai? (b) Sooq taman­na uagutsin­nut kristumiuusunut taama pingaaruteqar­tigaa?

¹¹ Aap il­ler­nar­tuuneranik ataq­qin­nin­nis­sap qanoq pingaaruteqas­susia erseq­qis­sar­neqar­poq aap ator­neqar­nis­saanik siunertaasutuaq pil­lugu Jehovap oqaaserisaanit ukunan­nga: ’Uinil­lup tar­naa aavaniim­mat, taman­nalu ilis­sin­nut tun­niuk­kak­ku tunisivim­mut peq­qul­lugu, tarnissinnut saammaannartitaassutigeqqullugu; aak tas­saam­mat tar­nip saam­maan­nar­titaas­sutis­saa. Taman­na pil­lugu Israelip kinguaanut  oqar­punga: Kimil­luun­niit ilagisas­sin­nik aat­tor­toqas­san­ngilaq.’ (3 Môrs. 17:11, 12) Uumasut aavat inas­sut taman­na naaper­torlugu Jehovap tunisivianut kuineqarsimasoq Jesus Kristusip aavanut naleqangaar­tumut as­sersuutaavoq. (Epr. 9:11, 12; 1 Pîtr. 1:18, 19) Al­latigut aam­mik atuinis­sap suul­luun­niit iner­teq­qutigineratigut Guutip inatsisaasa taamaalil­lutik Jesusip aavata il­ler­nas­susia erseq­qis­sar­paat. Tamatumuuna takuneqarsin­naavoq aam­mik ator­nerluineq sunaluun­niit Jehovap er­nermigut an­nas­sutis­samik aaq­qis­suus­saanik ingasat­tumik ataq­qin­nin­ngitsulior­nermut ersiutaasoq.

12. Sooq kristumiu ilumoor­toq inuunini an­naan­niaraluarlugu aam­mik ator­nerluis­san­ngila?

¹² Inuunerup navianar­torsior­nerani sivikitsuin­narmik iluaqutaasus­samik qinersinik­kut Guutimik tunus­sineq isumaatsulior­neruvoq an­ner­tooq! Naak nakorsat peq­qis­saar­tut suliaat pingaar­tik­kaluarlutigu, nam­mineq imaluun­niit asasat­ta ul­lualuin­nan­nguani imaluun­niit ukiualuin­nan­nguani inuusin­naas­sal­luni uumatitaanis­saa piin­narlugu Guutip inatsisai uisakajaarluta, isumaqarlutalusooq maan­nak­kut inuuner­put tas­sungaan­naq kil­leqas­sasoq, unioq­qutik­kumas­san­ngilavut. Jesusip aavata kuisap naleqas­susia inuunermil­lu naas­saan­ngitsumik periarfis­siinera up­peraavut. Uum­matitsigut iluun­ngarluta up­peraar­put Guutip kif­fai aalajaatsut — aam­mat­taaq kif­fai toqusimasut — inuunermik naas­saan­ngitsumik akis­sarsisin­neqarumaar­tut. — Juán. 11:25; 1 Tim. 4:10.

Uteqqiineq

● Sooq inuuneq aal­lu il­ler­nar­tuup­pat? Sooq silarsuarmi taamatuun­ngitsoq isumaqar­toqar­pa?

● Uumasut aavata il­ler­nas­susianik ataq­qin­nin­nermik qanoq ilil­luta ersersitsisin­naavugut?

● Inuup inuuneranik il­ler­nar­tutut isigin­nin­nermik sutigut as­sigiin­ngitsutigut tamat­ta ersersitsisariaqar­pugut? Taamaalior­nis­saq qanoq pingaaruteqar­tigaa?

[Atuaqqissaarnermi apeqqutit]