Kapiteli 15

Jehovap peqatigiissortani qanoq siulersorpai?

1. Jehovap peqatigiis­sor­tai pil­lugit Bibelimi sumik paasis­sutis­saqar­pa, aam­ma paasis­sutis­sat tamak­ku sooq uagutsin­nut pingaaruteqar­pat?

AL­LAK­KAT isumas­sarsiarititaasut aq­qutigalugit Jeho-  vap qilam­mi peqatigiis­sor­taminik tupin­nangaar­tunik takusaqal­latsiar­tit­tar­paatigut. (Is. 6:2, 3; Hsk. 1:1, 4-28; Dân. 7:9, 10, 13, 14) Naak pin­ngor­titat anersaajusut takusin­naan­ngik­kaluarivut taamaat­toq in­ngilit iluar­tut sulinerat Jehovamik pal­lorfigin­nit­tunut ilumoor­tunut nunarsuarmiit­tunut amerlasuutigut iluaqutaavoq. (1 Môrs. 28:12, 13; 2 kúng. 6:15-17; Tuss. 34:8; Mat. 13:41, 42; 25:31, 32) Aam­mat­taaq Jehovap peqatigiis­sor­taasa takus­saasor­tai Bibelimi eq­qar­tor­neqar­put, Jehoval­lu taak­kunin­nga qanoq siulersuinera tas­sani al­las­simasut ikior­tigalugit paasisin­naavar­put. Anersaak­kut it­tumik tamak­kunin­nga paasin­nil­luin­narsimagut­ta ’Jehovami ileq­qorisariaqar­toq naaper­torlugu tamatigut iluarisas­saanik saqisin­naas­saagut’. — Kul. 1:9, 10.

Peqatigiissortaasa takussaasortai kikkuusut

2. Ukiumi 33-mi piinsi aal­lar­nerfigalugu kik­kut Guutip ilagiis­serisimavai?

² Ukiuni 1545-ni inuiaat Israelik­kut Guutip ilagiis­serisimavai. Israelik­kul­li Angeruseq tun­ngavigalugu Inatsisit maleruan­ngilaat, Guutil­lu nam­mineq er­nera ajat­torlugu. Taamaat­tumik ilagiis­sinik nutaanik Jehova pilersitsivoq, taak­kunun­ngalu angerusisaamik atulersitsil­luni. Ilagiit taak­ku Kristusip ’nulias­saatut’, 144.000-inik amerlas­susilit­tut Guutimit toq­qar­neqarlutik qilam­mi taas­suma er­neranik peqateqalersus­satut, Bibelimi eq­qar­tor­neqar­put. (Evf. 5:22-32; sarĸ. 14:1; 21:9, 10) Katersanut taak­kunun­nga  ilaasus­sat siul­liit ukiumi 33-mi piinsimi anersaaq-iluar­tumik tanin­neqar­put. Anersaaq iluar­toq ikior­tigalugu paatsoor­neqarsin­naan­ngitsumik Jehovap nalunaajaatigaa siuner­taminik naam­mas­sin­nin­niar­nermini maan­na ilagiit taak­ku ator­tus­san­ngorini. — Epr. 2:2-4.

3. Ul­lumik­kut kik­kut tas­saap­pat Jehovap peqatigiis­sor­tai takus­saasut?

³ Ul­lumik­kut 144.000-init sin­nerut­tut ikit­tuin­naat nunamiip­put. Bibelimili siulit­tuutigineqarsimasutut ’savanit al­lanit’ amerlangaar­tunit suleqatigineqalersimap­put. Jesus Kristusip, paarsisup ajun­ngitsup, ’savat al­lat’ taak­ku ajoqersuk­kaminit anersaak­kut kinguaas­siarititaasunit sin­nerut­tunut ilan­ngus­simavai, taamaalil­luni tas­saalersil­lugit ’savaatit ataatsit’ ’paarsisumit ataatsimit’, nam­minermit, paarsiseqar­tut. (Juán. 10:11, 16; sarĸ. 7:9, 10) Taak­ku tamarmik ataatsimut tas­saap­put peqatigiis­sor­tat ataasius­suseqar­tut — tas­sa ul­lumik­kut Jehovap peqatigiis­sor­tai takus­saasut.

Teokratiimik aaqqissuussaaneq

4. Peqatigiis­sor­tat kimit aqun­neqar­pat, aam­ma qanoq?

⁴ Oqariaatsip Bibelimiit­tup ’Guutip uumasup ilagiis­sai’-ta erseq­qis­sumik paasinarsisip­paa ilagiit taak­ku kia siulersugarigai. Peqatigiif­fik taan­na teokratiskiuvoq, tas­sa Guutimit siulersor­neqar­tuuvoq. Jehovap ilagiin­nut takus­saanani qul­lersaasus­satut toq­qarsimasani, Jesus Kristus, aq­qutigalugu aam­malu nam­mineq oqaatsini isumas­sarsiarititaasoq, Bibeli, ikior­tigalugu in­nut­tani siulersor­pai. — 1 Tim. 3:14, 15; Evf. 1:22, 23; 2 Tim. 3:16, 17.

5. (a) Ilagiit qilam­mit siulersor­neqar­nerat ukiuni hundredelin­ni siul­ler­ni qanoq ilil­luni ersip­pa? (b) Jesusip ilagiin­nut suli maan­namut qul­lersaanera sumit paasineqarsin­naava?

⁵ Ilagiin­nut ilaasor­taasut siul­liit ukiumi 33-mi piinsip ul­luani anersaaq-iluar­tumit kajumis­sisitaal­lutik sulinialermata teokratiimik siulersuineq taman­na malun­naqaaq. (ap. sul. 2:1-4, 32, 33) Jehovap in­ngiliata tusagas­saq nuan­nersoq Afrikamut siaruar­til­lugu pisut siulersormagit teokratiimik siulersuineq malun­nar­por­taaq. (ap. sul. 8:26-39) Aam­mat­taaq taama ip­poq Saulusip Tarsusimiup isumataar­nerani Jesusip nipaa un­nersuus­sim­mat, aam­malu  ajoqersuiar­tor­titatut sulineq juutiun­ngitsut akor­nan­ni aal­lar­tin­neqarmat. (ap. sul. 9:3-7, 10-17; 10:9-16, 19-23; 11:12) Kisian­ni un­nersuus­sutit pisariaqar­tut taama takus­saatigisumik ingerlaan­nan­ngil­lat. Pif­fis­sap ingerlanerani qilam­mit nipit tutsiut­tarun­naar­put, in­ngilit inun­nut takutit­tarun­naar­put, aam­malu anersaap tunis­sutaanik tupin­nar­tulior­toqar­tarun­naarluni. Jesusil­li ajoqersuk­kani aalajaatsut ima neriorsorsimavai: ’Ata, ul­lut tamaasa najor­pas­si silarsuup naggatis­saanut al­laat,’ pisimasul­lu ersersip­paat neriorsuun­ni taman­na eq­qor­tis­simagaa. (Mat. 28:20; 1 Kor. 13:8) Jehovap Nalunaajaasuisa taan­na qul­lersamit­tut akueraat, taak­kunun­ngalu malun­nar­poq taan­na ikior­tiginagu Naalagaaf­fik pil­lugu tusarliinermin­ni silarsuarmi as­sor­tor­neqar­tar­nitik sak­kor­tuut akiorsin­naan­ngik­kitik.

6. (a) Kik­kut tas­saap­pat ’inus­siaq aalajaal­lunilu silatooq’, taman­nalu qanoq ilil­luta up­per­narsarsin­naavar­put? (b) „Inus­siaq“ taan­na Jesusimit sumik sulias­sin­neqar­pa?

⁶ Toqunis­si sioq­qutitsiarlugu Jesusip ’inus­siaq aalajaal­lunilu silatooq’ akisus­saaf­fim­mik im­mik­kut it­tumik sulias­sik­kumaagas­sani pil­lugu ajoqersuk­kani oqaluup­pai. „Inus­siaq“ taan­na, Jesusip eq­qar­tuinera naaper­torlugu, Naalagaq qilam­mukar­pat najuutis­saaq, tikiuteq­qip­pal­lu suli najuutis­sal­luni. Taman­na inum­mut ataasiin­narmut naleq­qutin­ngilaq. Kristusil­li ilagiis­saanut tanitaasunut aalajaatsunul­lu ataatsitut isigineqar­tunut naleq­qup­poq. Taamani Jesusip nalun­ngilaa er­niin­naq ajoqersuk­kani nam­mineq aam­minik pisiarisus­saal­lugit, taamaat­tumil­lu naleq­qul­luar­tumik taak­ku ataatsitut eq­qar­tor­pai ’inus­siaam­misut’. Naam­mas­sisas­saan­nik sulias­sip­pai, tamarmik ajoqersugan­ngor­titsior­tor­nis­saan­nik ajoqersuk­kamin­nil­lu anersaak­kut inuus­sutis­sanik ’pif­fis­saq eq­qor­toq nal­liut­taraangat tunisinis­saan­nik’ peq­qul­lugit. Taamatut sulias­siineq ukiumi 33-mi piinsip ul­luani anersaaq-iluar­tumit up­per­narsar­neqar­poq. — Mat. 24:45-47, NV; 28:19, 20; 1 Kor. 6:19, 20; naleq­qiuguk Isaia 43:10.

7. (a) „Inus­siaq“ taan­na maan­na aam­ma sumik al­lamik akisus­saaf­feqar­pa? (b) Un­nersuus­sutit „inus­siaq“ taan­na aq­qutigalugu pisar­tak­kat­ta ilas­sil­luar­nis­saat sooq taama pingaaruteqar­tigaa?

⁷ Naalak­kap tikiuteq­qin­nermini „inus­siaq“ aalajaal­luni  sulias­saminik suliarin­nit­toq naam­mat­tooruniuk akisus­saaf­fim­mik aam­ma al­lamik tunisus­saasimavaa. Ukiuni tul­liut­tuni silarsuaq tamak­kerlugu Naalagaaf­fim­mik nalunaajaas­sutigin­nit­toqar­tus­saasimavoq, ’amerlangaar­tul­lu’ Jehovamik pal­lorfigin­nit­tut, ’an­nikil­lior­nar­tumi angisuumi’ an­naan­neqarumaar­tus­sat, katersor­neqar­tus­saasimal­lutik. (Mat. 24:14; sarĸ. 7:9, 10) Aam­mat­taaq taak­ku anersaak­kut inuus­sutis­sanik pisariaqar­titsis­sap­put, anersaak­kul­lu inuus­sutis­sat tamak­ku ’inus­siamit’ katitigaasumit, Kristusip kif­faanit anersaamik-tanitaasunit, tun­niun­neqar­tas­sap­put. Jehovamit iluarisaas­sagut­ta inus­siaq taan­na aq­qutigalugu taas­suma un­nersuus­sutai ilas­sisariaqar­pavut, maleruaq­qis­saar­tariaqarlugil­lu.

8, 9. (a) Ukiuni hundredelin­ni siul­ler­ni apeq­qutit ajoqersuutinut tun­ngasut qanoq ilil­luni isum­merfigineqar­tar­pat aam­ma tusagas­samik nuan­nersumik oqaluus­sinermut atatil­lugu un­nersuus­sinerit qanoq pisar­pat? (b) Aaq­qis­suus­sineq tamatumun­nga as­singusoq suna ul­lumik­kut atuup­pa?

⁸ Soorunami ilaan­nik­kooriarluni apeq­qutit ajoqersuutinut periaatsinul­lu tun­ngasut saq­qum­mer­tas­sap­put. Taamaat­toqar­til­lugu qanoq ilior­tariaqar­pa? apustilit suliáinik agdlagkat kapitali 15-imi oqalut­tuarineqar­poq taamanik­kut juutiun­ngitsunut isumataarsimasunut suut piumasaqaataanis­saan­nik apeq­qutip qanoq ilil­luni aaq­qin­neqarsimanera. Apustilinut utoq­qaaner­tanul­lu Jerusalemimiit­tunut, qitiusumik siulersuisoqatigiit­tut sulisunut, apeq­qut taman­na saq­qum­miun­neqarsimavoq. Utoq­qaaner­tat taak­ku kuk­kujuitsuun­ngil­lat; inuup­put kuk­kun­ngisaan­nan­ngitsut. (Naleq­qiuguk Galâsiamiunut agdlagkat 2:11-14.) Guutimil­li ator­neqar­put. Pineqar­tumut tun­ngasut al­lak­kani isumas­sarsiarititaasuni qanoq oqaatigineqar­nersut misis­soq­qis­saar­paat Guutil­lu anersaavata juutiun­ngitsunut oqaluus­sisitsisaler­nermigut nalunaajaataa isumaliutigeq­qis­saarlugu, taavalu aalajangiil­lutik. Aaq­qis­suus­sineq taman­na Guutip pil­luaq­qusimavaa. (ap. sul. 15:1-29; 16:4, 5) Naalak­kap nam­mineq un­nersuus­sutai naaper­torlugit tusagas­samik nuan­nersumik oqaluus­sis­sutigin­nin­nermik siuarsaasus­sanik aam­mat­taaq qitiusumik siulersuisoqatigiin­nit taak­kunan­nga aal­lar­titsisoqar­tar­poq. — ap. sul. 8:14; Gal. 2:9.

 ⁹ Ul­lumik­kut siulersuisoqatigiit qatan­ngutinik anersaamik-tanitaasunik nunanit tamalaaneersunit ilaasor­taqar­put. Taak­ku Jehovap Nalunaajaasuisa qul­lersaqarfian­ni inis­sisimaf­feqar­put, Jesus Kristusimil­lu siulersor­neqarlutik pal­lorfigin­nin­nerup minguitsup soqutigisai ilumoorlutik siuarsar­paat. Qatan­ngutit taak­ku apustili Paulusitut, kristumioqatiminut anersaak­kut un­nersuus­sil­luni al­lagaqar­nermini ima al­lat­tutut, isigin­nit­taaseqar­put: ’Up­persutsis­sin­nut naalagaanian­ngik­kaluar­pugut, tipaatsus­sutsis­sin­nil­li suleqatigaatsigut aalajangerlusi up­peras­si.’ — 2 Kor. 1:24.

10. (a) Kik­kut utoq­qaaner­tan­ngus­sanersut aam­ma ilagiin­ni kif­far­tuuteqar­tun­ngus­sanersut qanoq ilil­luni aalajanger­neqar­tar­pa? (b) Taamatut suliaqar­tus­satut toq­qar­neqarsimasut sooq qanimut suleqatigisariaqar­pavut?

¹⁰ Teokratiimik aaq­qis­suus­saaneq taman­na Jehovap Nalunaajaasuinit silarsuarmi tamaneersunit akuerisaavoq. Taak­kua ilagiis­saat tamarmik qanimut suleqatigiiup­put aam­malu utoq­qaaner­tanik ilagiin­nilu kif­far­tuuteqar­tunik, ilagiit sulinerata ajun­ngitsumik ingerlanis­saanik isumagin­nit­tuusus­sanik, siulersuisoqatigiit toq­qaasus­saaneran­nik akuerin­nit­tuul­lutik. Taamatut suliaqar­tus­sanik toq­qaanermi suut tun­ngaviusar­pat? Piumasarisat Bibelimi ersaris­sumik taaneqar­put. Utoq­qaaner­tat taamatut suliaqar­tus­sanik piuk­kus­sisut aam­malu toq­qaanis­samik pigin­naatin­neqar­tut tamarmik pin­ngitsooratik piumasarisat tamak­ku naaper­torlugit pinis­samin­nik Guutimit pisus­saatin­neqar­put. (1 Tim. 3:1-10, 12, 13; 5:22; Tít. 1:5-9) Ilagiin­nut ilaasor­taasut akor­nan­ni qineq­qusaar­toqar­neq ajor­poq, ilagiin­nilu taasisitsisoqar­neq ajorluni. Apustilil­li ukiuni hundredelin­ni siul­ler­ni inuusut toq­qaaniar­nermin­ni pisar­nerat­tut, ul­lumik­kut ilagiin­ni nak­kutil­liisut piuk­kus­sisuusut, aam­malu kingusin­nerusuk­kut toq­qaasar­tut, toq­qaaniar­nermin­ni Guutip anersaavanit ikior­neqar­nis­sar­tik qin­nutigisar­paat taas­sumalu oqaasia isumas­sarsiarititaasoq siunersiorfigisarlugu. (ap. sul. 6:2-4, 6; 14:23; naleq­qiuguk Tus­siaat 75:7, 8.) Kristusip asan­nil­luni ’ataasius­susis­samut up­peqatigiil­luta’ pisin­naaq­qul­luta ’inun­nik tunis­sutaasunik’ taak­kunin­nga uagutsin­nut tunis­suteqarsimaneranik pingaar­titsiner­put  utoq­qaaner­tanit un­nersuus­sutigineqar­tar­tut naalan­nerisigut ersersis­sin­naavar­put. — Evf. 4:8, NV, 11-16.

11. (a) Teokratiimik aaq­qis­suus­saanermi kif­far­tor­nerit eriaginar­tut suut ar­nanit suliarineqar­tar­pat? (b) Qaquguk­kut ar­naq niaqoquteqar­tus­saava? Sooq?

¹¹ Bibelimi ersersin­neqar­poq ilagiin­ni nak­kutil­liinermik suliaqar­tus­sat tas­saasut angutit. Tamatumani imaan­ngil­luin­nar­poq ar­nat am­mut isigineqar­tut, tas­sami qilam­mi naalagaaf­fim­mik kingor­nus­seqataasus­sat ilar­pas­sui ar­naap­put. Pilimanian­ngitsuunermik­kut ileq­qumik­kul­lu minguitsuunermik­kut aam­malu eqiasuil­lutik ilaqut­tamin­nik isumas­suinermik­kut ar­nat kristumiut ilagiit ajun­ngitsumik tusaamaneqar­neran­nut ilasaasin­naap­put. (Tít. 2:3-5) Aam­mat­taaq soqutigin­nit­tunik nas­saar­tor­nermik­kut taak­kunin­ngalu ilagiin­nut at­taveqalersitsinermik­kut suliap ilarujus­suanik naam­mas­sin­nit­tar­put. (Tuss. 68:12) Ilagiin­nil­li ajoqersuineq angutinit toq­qar­neqarsimasunit suliarineqar­tar­poq. (1 Tim. 2:12, 13) Ataatsimiin­nermili ilagiin­nit aaq­qis­sor­neqarsimasumi angutinik pisin­naas­susilin­nik najuut­toqan­ngip­pat ar­naq niaqoquserluni ataatsimiin­nermik siulersuisin­naavoq imaluun­niit qin­nus­sisin­naal­luni. * Taamaalil­luni Jehovap aaq­qis­suus­saanut ataq­qin­nin­nini ersersis­savaa, soorlu Jesus Ataataminut naalan­nermigut tamanut maligas­siuisimasoq. — 1 Kor. 11:3-16; Juán. 8:28, 29.

12. (a) Utoq­qaaner­tat inis­sisimaf­fim­min­nik qanoq isigin­nin­nis­saan­nik Bibelimi kajumis­saar­neqar­pat? (b) Pisin­naatitaaf­fik angingaar­toq suna tamat­ta peqataaf­figisin­naavar­put?

¹² Nuimasumik atorfil­lit silarsuarmi pingaar­tin­neqar­tar­put, Guutil­li peqatigiis­sor­taani man­na najoq­qutaavoq: „Min­ner­tut  akor­nas­sin­ni ilior­toq, taan­na angivoq.“ (Lúk. 9:46-48, NV; 22:24-26) Taamaat­tumik utoq­qaaner­tat Bibelimi siun­nersor­neqar­put Guutip kingor­nus­sisus­saanut naalagaaniar­tooq­qunagit, ilagiin­nul­li maligas­siuisooq­qul­lugit. (1 Pîtr. 5:2, 3) Maniguul­lutik aq­qanik naalagaaf­fianil­lu inun­nut tamanut oqaluuserin­nin­nik­kut qilam­mi nunamilu kisimi Oqar­tus­saasumut sin­niisuuner­tik toq­qak­kat ikit­tuin­naan­ngitsut, Jehovap Nalunaajaasuisali tamarmik, angutit ar­nal­lu, pisin­naatitaaf­figaat angingaar­toq.

13. Al­las­simaf­fiit ilan­ngun­neqarsimasut aal­laavigalugit apeq­qutit im­mik­koor­tup kingor­nagut ilan­ngun­neqarsimasut oqaloqatigiis­sutigisigik.

¹³ Pitsaas­saaq im­minut ima aperis­sagut­ta: „Jehovap peqatigiis­sor­taminik takus­saasunik siulersueriaasia ilumut paasil­lugulu pingaar­tin­ner­par­put? Isigin­nit­taatsitsigut, oqaluutsitsigut iliuutsitsigul­lu paasin­nis­simaner­put pingaar­titsiner­pul­lu ersip­pat?“ Taamatut paasiniaaq­qis­saar­nis­satsin­nut im­mik­koor­tut tul­liut­tut tamat­ta im­mik­kut iluaqutigis­savavut:

Kristus ilagiin­nut qul­lersaasutut naalal­luin­narutsigu taava al­las­simaf­fiit tul­liut­tut naaper­tus­sagaan­ni qanoq iliorumas­saagut? (Mat. 24:14; 28:19, 20; Lúk. 21:34-36; Juán. 13:34, 35)

Jehovap peqatigiis­sor­taanut ilaasut tamarmik kristumiutut inerititaqar­niarlutik ilungersor­nermin­ni qanoq an­ner­tutigisumik misigisimasariaqar­pat Guuti Kristusilu pin­ngitsoorsin­naanagit? (Juán. 15:5; 1 Kor. 3:5-7)

Guutip peqatigiis­sor­taanut ilaasut tamarmik pis­sutsinik isigin­nit­taasiat­tut isigin­nit­taaseqalersin­naaq­qul­lugit kristumiut ilaat utoq­qaaner­tanit un­nersuun­neqaraangata eq­qor­tumik oqaatigalugu kinar­piaq-una asan­nit­tumik isumas­suisar­toq? (Evf. 4:7, 8, 11-13; 2 Kor. 13:11)

Anersaak­kut aaq­qis­suus­sat ’inus­siamit katersaasumit’ siulersuisoqatigiin­nil­lu tun­niun­neqar­tar­tut ilas­sigaangatsigik kina ataq­qisar­par­put? Aaq­qis­suus­sal­li tamak­ku nikager­pasil­lugit oqaluk­kaan­ni kina ataq­qin­nin­ngitsumik pineqar­tar­pa? (Lúk. 10:16; naleq­qiuguk Juánasip agdlagaisa pingajue 9, 10.)

Sooq utoq­qaaner­tanik toq­qak­kanik isor­nar­torsiuiumatuus­san­ngilagut? (ap. sul. 20:28; Rûm. 12:10)

14. (a) Guutip peqatigiis­sor­taanut teokratiimik aaq­qis­suus­saasunut isigin­nin­ner­put sumut takus­sutis­saava? (b) Tamatumun­nga atatil­lugu qanoq ilil­luta periarfis­saqar­pugut Diaavulup sal­lutuuneranik up­per­narsaanis­satsin­nut aam­ma Jehovamik uum­mataagut nuan­naar­titsinis­satsin­nut?

 ¹⁴ Peqatigiis­sor­tani takus­saasut Kristusimit siulersor­neqar­tut aq­qutigalugit ul­lumik­kut Jehovap iliuuseqarfigisar­paatigut. Taamaat­tumik peqatigiis­sor­taanut taak­kunun­nga isigin­nin­ner­put kia nunami qilam­milu kisimi oqar­tus­saanera pil­lugu akerleriis­sum­mut qanoq isigin­nin­nitsin­nut takus­sutis­saavoq. (Epr. 13:17) Satan oqarsimavoq nam­mineq inut­tut iluanaar­nis­sar­put kisiat kis­saatigalugu ingerlasugut, im­minut tun­ngasut siul­liutil­lugit eq­qarsaatigisarivut. Nuan­naarlutali sulias­saq sunaluun­niit pisariaqar­titsif­fiusoq suliarisarutsigu, taman­nalu ilutigalugu oqalun­nitsigut iliuutsitsigul­luun­niit im­mitsin­nut nit­tarsaan­naveersaarut­ta, Diaavulup sal­lutuunera up­per­narsas­savar­put. ’Siulersor­tivut’ asal­lugil­lu ataq­qil­lugil­lu up­persusiat malik­kutsigu, aam­malu ’inuit iluaqutis­sarsif­figiniarlugit nersor­tuusaan­ngik­kutsigik’, Jehova uum­mataatigut nuan­naar­tis­savar­put. (Epr. 13:7; Jût. 16) Jehovap peqatigiis­sor­taanik eq­qor­tumik ataq­qin­nin­neq im­mitsin­ni ineriar­tor­tik­kutsigu sulias­siis­sutaanil­lu uum­matitsigut iluun­ngarluta naam­mas­sin­nin­niar­tarut­ta, takutis­savar­put Jehova ilumut Guutigigip­put ataasius­suseqarlutalu pal­lorfigigip­put. — 1 Kor. 15:58.

[Quppernerup ataani ilanngussaq]

Uteqqiineq

● Ul­lumik­kut kik­kut tas­saap­pat Jehovap peqatigiis­sor­tai takus­saasut? Peqatigiis­sor­taqar­nerata suna siuner­taraa?

● Ilagiin­nut qul­lersaasutut kina toq­qar­neqarsimava? Aaq­qis­suus­sinerit takus­saasut suut aq­qutigalugit asan­nit­tumik taas­suma un­nersuut­tar­paatigut?

● Guutip peqatigiis­sor­taani inun­nut akisus­saaf­fin­nul­lu qanoq isigin­nit­tariaqar­pugut?

[Atuaqqissaarnermi apeqqutit]