Jehovap siunertarisaa alutornangaartumik naammassineqassaaq
Kapiteli 24
Jehovap siunertarisaa alutornangaartumik naammassineqassaaq
1, 2. (a) Pinngortitani sianissusillit Jehovap sumik siunertaqarfigai? (b) Guutip ilaqutariissortaanut ataasiussuseqartunut taassuminnga pallorfiginnittunut kikkut ilaasimagaluarpat? (c) Tamatumunnga atatillugu apeqqut suna tamatta immikkut eqqarsaatigeqqissaartariaqarparput?
PINNGORTITAMI sianissusillit tamarmik ataasiussuseqarlutik ilumoortumik pallorfiginninnissaat aammalu Guutip qitornaasa kiffaanngissusiata naalannaataanik nuannaarutiginninnissaat Jehovap ilisimasumik asannittumillu siunertaraa. Tamannalumi tassaavoq pinngortitaasa naapertuilluassutsimik nuannarisaqartut tamarmik qamuuna kissaatigisaat.
2 Pinngortitsiortornini aallarneramiuk Jehovap siunertarisani angingaartoq tamanna suliaralugu aallartippaa. Pinngortitaa siulleq tassaavoq erneq, tassaalersoq ’naalannassusiata akisunnera qanoq-issusiatalu ersinnera’. (Epr. 1:1-3) Erneq taanna Guutip kisimiilluni pinngortitatuaraa. Taanna ikiortigalugu kingorna erninik allanik pinngortitsivoq — siullermik qilammi inngilinik, taavalu nunami inummik. (Jûpe 38:7; Lúk. 3:38) Ernerit taakku qilammiittut nunamiittorlu tamarmik ataatsimut ilaqutariiupput. Jehova taakkununnga tamanut Guutiuvoq, taannalu kisiat pallorfigisassaraat. Qilammi nunamilu taanna kisimi oqartussaalluni Naalagaavoq. Aammattaaq taakkununnga Ataataavoq asannittoq. Illittaaq taanna Ataatagaajuk, taassumalu qitornaanut ilaavit? Tamanna ilinnut tassaalersinnaavoq attaveqarneq naleqangaartoq!
3. (a) Sooq tamatta Guutip ernerisut inunngorsimanngilagut? (b) Adamilli kinguaavi pillugit Jehova asannilluni sumik aaqqissuussisimava?
3 Misiutigisariaqanngilarpulli siuaasavut nunamiut siulliit 1 Môrs. 3:22-24; naleqqiuguk Môrsasip agdlagaisa tatdlimait 32:4, 5.) Ajortuliortumut Adamimut kinguaajusutut ajortilittut periaaseqarneq inunnguuseraarput. Guutillu ilaqutariissortaanit anisitaasimasunut kinguaajugatta inuttut inunngorsimanerput pissutigiinnarlugu Guutimut ernerunissarput piumasarisinnaanngilarput. Jehovalli nalunngilaa Adamip kinguaavisa ilaat naapertuilluassutsimik nuannarisaqarumaartut, Guutillu qitornaasa kiffaanngissusiata naalannaataanik angusisinnaaqqullugit asannittumik aaqqissuussivoq. — Rûm. 8:20, 21.
piaaralutik ajortuliortutut toqusussanngortitaagamik Edeniminngaanniit anisitaasimammata Guutimillu ajattorneqalerlutik. Jehovap qilammi nunamilu ilaqutariissortaanut ilaajunnaarput. (Israelip salliutitaanera
4. (a) Suna tunngavigalugu Israelikkut Guutip ’ernerisimavai’? (b) Tamannali sumik kinguneqanngila?
4 Adamip pinngortitaaneranit ukiut 2500-t qaangiuttullu Jehovap inuit ilaat ernermisut imminut attaveqarsinnaanissaannik pisinnaatitaaffeqalerseqqippai. Abrahamimik angerutsi naapertorlugu Israelikkut innuttamisut toqqarpai. Taamaattumik Ægyptenimi Faraomut Israel ’ernermisut’ eqqartorpaa. (2 Môrs. 4:22, 23; 1 Môrs. 12:1, 2) Kingorna qaqqami Sinajimi inatsisiminik Israel tunivaa siunertarisaminullu atatillugu atugassamisut inuianngortillugu. Israelikkut Jehovamit ’immikkut pigisaaleramik’ inuiattut Guutip ’qitornaasut’ taaneqartalerput. (5 Môrs. 14:1, 2, NV; Is. 43:1) Aammattaaq inuit ataasiakkaat inuiannit taakkunaneersut Jehovamit immikkut ittumik atorneqarnertik pissutigalugu taassuma erneratut taaneqarsimapput. (1 nal. 22:9, 10) Israelikkut salliutitaanerat tamanna angeruseq tunngavigalugu Guutimut attaveqarnermik tunngaveqarpoq. Imaanngilarli Guutimut ernerusutut kiffaanngissutsip naalannaataa Adamip pigisarisimasaralua angusimagaat. Suli ajortimut toqumullu inussiaataapput.
5. Qanoq ililluni Israelip Guutimit salliutitaanini annaasimavaa?
5 Ernertulli Guutimit salliutitaasimapput. Aammattaaq Mat. 5:43-48; Mal. 1:6) Inuiattulli ataatsimut juutit taamaaliunngillat. Taamaattumik ukiumi Jesusip nunami kiffartuussiffigisaani kingullermi juutit Jesusimik toqutseriaraluartut ima nalunaarmata: ’Ataaseq Ataatagaarput, Guuti,’ Jesusip ersarissumik ilisimatippai iliuusii periaasiallu allarluinnarmik ersersitsisut. (Juán. 8:41, 44, 47) Inatsisinik Angeruseq Guutip ukiumi 33-mi atorunnaarsippaa, taamaalillunilu Israelip immikkut ittumik taassumunnga attaveqarneranut tunngaviusoq peerneqarpoq. Sulili inoqarpoq Jehovap ernermisut akuerisaanik.
akisussaaffeqarsimapput — Ataatartik ataqqisussaasimavaat taassumalu siunertarisaanut naapertuuttumik sulisariaqartussaasimallutik. Guutip Ataatamittut taaneratiguinnaanngitsoq aammattaarli taassumunnga ernerunerminnik ersersitsinermikkut — akisussaaffimmik tamatuminnga naammassinninnissaata pingaaruteqassusia Jesusip erseqqissarsimavaa. (Jehovap innuttani ataasiussuseqalersikkai
6. ’Nakkutilliisoqarfik’ suna Paulusip Evfisumiunut agdlagkat 1:9, 10-mi eqqartorpaa, sunalu tamatumunnga siunertaava?
6 Kristumiunut Efesusimiittunut apustili Paulusip allakkamini eqqartorpaa pilersaarusiaq Jehovap innuttani ataasiussuseqalersinniarlugit pilersissimasaa — aaqqissuussaaneq uppernerminnik ersersitsisut asanarsillutik inoqutiminut ilaasortanngussutigisinnaasaat: „[Guutip nalunaarfigigaatigut] anngigisamik illernartumik piumasami pianik. Tamanna aalajangiussaanut, nammineq siunertarisaanut, naapertuuppoq, ullut aalajangersagaasut naammatsiffissaanni nakkutilliisoqarfeqalersitsiumalluni [inoqutigiinnik aaqqissuussiumalluni], suut tamaasa, qilammiittut nunamiittullu, Messiasimi ataatsimut katiteqqikkumallugit.“ (Evf. 1:9, 10, NV) ’Nakkutilliisoqarfimmut’ tamatumunnga Jesus Kristus qitiuvoq. Taanna aqqutigalugu inuit Guutimut ajunngitsumik attaveqalersinneqarput — ilaat qilaliartussanngorlugit, ilaallu nunami inuusussanngorlugit — Guutip erneri qilammiusut, inngilit taassumunnga ilumoorfiginnittuartut, peqatigalugit kiffartorsinnaaqqullugit.
7. „Qilammiittut“ kikkuuppat, ’Messiasimilu ataatsimut katitinneqarnerat’ inunnut taakkununnga sumik nassataqarpa?
Rûm. 5:1, 2) Taava ’ernioqqipput’, imaluunniit qilammi inuunermik naassaanngitsumik siunissaqarlutik Guutip ernerisut kinguaassiarineqarput. (Juán. 3:3; 1:12, 13) Taakku anersaakkut inuiattut angerfigeqatigalugit angerusisaamik Guuti atulersitsivoq. Inuiannut anersaakkut ittunut taakkununnga ilaasortaasut juutit juutiunngitsullu ukiut ingerlaneranni katillugit 144.000-inngortussaasimapput. — Gal. 3:26-29; sarĸ. 14:1.
7 Siullermik, ukiumi 33-mi ulloq piinsi aallarnerfigalugu, „qilammiittut“, tassa naalagaaffimmi qilammiittumi Kristusimik kingornusseqatiginnittussat, sammineqalerput. Jesusip pilliutaata nalinganik upperinninnertik tunngavigalugu Guutimit naapertuilluartuunerarneqarput. (8. Juutit Mosesip inatsisaasa atuunnerisa nalaanni Ataatamut attaveqarnerannut naleqqiullugu Naalagaaffimmik kingornussisussat qanoq ittumik taassumunnga attaveqarpat?
8 Naalagaaffimmik qilammiittumik kingornussisussat taakku naak suli timikkut naammalluinnartuunngikkaluarlutik naleqaqisumik tatigeqatigiiffiusumillu Ataatamut attaveqarput. Paulusip tamanna ima allaatigaa: ’Qitornaagassi Guutip ernermi anersaa uummatitsinnut aallartippaa torlulasoq: „Abba, Ataataq.“ Taamaattumik kiffaajunnaarputit, qitornaallutilli; qitornaagavilli kingornussisussaavutittaaq Guutikkut.’ (Gal. 4:6, 7) Oqaaseq aramæerisooq „Abba“ isumaqarpoq „ataata“, taasiniutaavorli tunniusimanermik ersersitsisoq — taasiniut meeraaqqap ataataminut atortagaa. Jesusip pilliutaa pitsaanerusoq Guutillu nammineq ajunngissusia pisassarinngisaraluarput pissutigalugit kristumiut anersaamik-tanitaasut taakku inuit naammalluinnanngitsut Mosesip inatsisaasa atuunneranni angusinnaasaannit tatigeqatigiiffiunerungaartumik Guutimut attaveqarput. Sulili misinnarnerungaartumik atugassaqarput.
9. Ernisut attaveqarnermik naammassineqarluinnarnera qanoq misigissavaat, sumillu nassataqassava?
9 Toqu tikillugu aalajaattuaannarunik Guutip ernerisut taassumunnga attaveqarnermik naammassineqarluinnarnera misigissavaat, tassa makititaallutik qilammi toqusuitsumik Rûm. 8:14, 23; 1 Juán. 3:1, 2.
inuuneqalersitaassallutik. Tappavani Jehova Guutip nammineq eqqaani ataasiussuseqarluni kiffartorneq pisinnaatitaaffigilissavaat. Guutip ernerisa taakkua ilaat nunami sinneruttut maanna amerlavallaarunnaarput. —’Nunamiittunik’ ataatsimoortitsineq
10. (a) ’Nunamiittut’ kikkuuppat, qangalu inuit taakku ataasiussuseqartumik pallorfiginninnermut katersorneqalerpat? (b) Qanoq ittumik Jehovamut attaveqarpat?
10 ’Nakkutilliisoqarfik’ qilammi inuunissaq siunertaralugu Guutip inoqutaanut inunnik ilanngussinnaalersitsisoq aammattaaq ’nunamiittunut’ tunngalersussaasimavoq. Ingammik 1935-miilli inuit Kristusip pilliutaanut uppertunngorsimasut nunami naassaanngitsumik inuunissamik neriugisaqartut katersorneqalersimapput. Taakkua katersat tanitaasut sinneruttut suleqatigilluarlugit Jehovap aqqanik unnersiutiginneqatigalugillu taassuminnga pallorfiginninnermik qutsissisitseqatigaat. (Sivf. 3:9; Is. 2:2, 3) Ataqqinnilluinnarlutik Jehova ’Ataatamissut’ taagorpaat, inuunerup pilerfiatut isigalugu, taassumalu ernermi iliuusissaattut naatsorsuutigisaatut ilumoorlutik ilungersorlutillu taassuma pissusiinik malinninniarput. Jesusip aavanut kuisamut uppernertik tunngavigalugu iluarisaasumik Guutimut attaveqarput. (Mat. 6:9; sarĸ. 7:9, 14) Nalunngilaalli Guutip qitornaasut akuerisaalluinnarnermik nammineq nuannaarutiginninnissartik aatsaat siunissami piumaartoq.
11. (a) Inunnut neriorsuut suna Rûmamiunut agdlagkat 8:19-21-mi saqqummiunneqarpa? (b) ’Guutip qitornaasa saqqummersitaanissaat’ taakkunannga erinigineqaqisoq suua?
11 Rûmamiunut agdlagkat 8:19-21-mi taaneqartutut ’Guutip qitornaasa saqqummersitaanissaat’ pissangallutik utaqqivaat, taamanikkussamummi pinngortitanut inunnut ilaasutut ’aserujasumut kiffaallutik kiffaajunnaarsinneqarumaaramik’. ’Saqqummersitaanissaq’ tamanna pissaaq inuit nunamiittut uppernarsillugu takulerpassuk Guutip erneri anersaamik-tanitaasut qilammilu inuunermik akissarsisinneqarsimasut, Naalagartik naalannarsisitaq, Jesus Kristus, ilagalugu iliuuseqalereersimasut. Tamatumunnga ersitsumik takussutaassaaq aaqqissuussaanerup ajortup tamakkerluni suujunnaarsinneqarnera, tamatumalu kingorna Kristusip ukiuni tuusintini naalagaaffiani — ’Guutip ernerisa’ taakkua kunngisut palasisullu peqataaffigisaanni — inuiaat pilluaqqusaanerat. — sarĸ. 2:26, 27; 20:6.
12. Annikilliornartup angisuup kingorna Guutip erneri anersaamik-tanitaasut ajugaasimaartut unnersiutiginnilluni erinarsuummik sumik erinarsoqataassappat, erinarsugaallu qanoq isumaqarpa?
12 Nuanningaassaaq annikilliornartoq angisooq naammassippat Guutillu erneri Kristusimik ataasioqatiginnilersimasut Guutimik unnersiutiginnillutik ima appippata: ’Angeqaat tupinnaqalutillu suliatit, Jehova Guuti ajugaqanngitsutit; iluarput ilumoorlutillu aqqutigisatit, inuiaqatigiit kunngiat-aa. Kia mianerissannginneraatit, Jehova, aqqillu unnersiutiginagu? Kisivit illernartorsuugavit. Inuiaqatigiimmi tamarmik aggerumaarput kiinnavit saani pallorlutik, peqqussutitit iluartut ersermata.’ (sarĸ. 15:3, 4) Aap, inuiaat tamarmik, inuiaqatigiiusimasunit tamaneersut, ataasiussuseqarlutik Guuti ilumoortoq pallorfigilissavaat. Allaat iliverni eqqaassutissaasuniittut makititaassapput Jehovamillu unnersiutiginneqataanissaminnut periarfissaqassallutik.
13. Kiffaanngissuseq nuanningaartoq suna annikilliornartumit angisuumit aniguisut misiginasuassavaat?
13 Satan Diaavulu tassaajunnaassaaq ’silap matuma guutia’. Jehovamik pallorfiginnittut nunamiittut taassuma sunniipilunneranut akiuuttariaarutissapput. (2 Kor. 4:4; sarĸ. 20:1-3) Guutitsinnik asannittumik eqqunngitsumik saqqummiiniartunik inuiannillu avissaartuutsitsisunik eqqunngitsumik upperisarsiortoqarunnaassaaq. Guutip kiffai ilumoortut siuttuusunit naapertuilluanngitsuliorfigineqarunnaassapput iluanaarniarfigipilunneqarunnaassallutillu. Annikilliornartumit angisuumit aniguisut kiffaanngissusissaat ila nuannerunangaarami!
14. Suut iluaqutigalugit ajortimit tamatumalu sunniutaanit tamanit aniguisinneqassappat?
14 ’Guutip savaaraatut silamiut ajortaannik peersisutut’ Juán. 1:29) Ilaanni Jesusip nunami kiffartornermi nalaani inuk ajortimigut isumakkeerfigineqarneranik nalunaarfigigamiuk tamanna uppernarsarniarlugu isumakkeerfigineqartoq ajorunnaarsippaa. (Mat. 9:1-7) Taamatuttaaq tappiitsut, tusilartut, oqajuitsut, iloqiaat, sianissutsimikkut nappaatillit allanillu innarluutillit tamaasa qilammit tupinnartuliorluni ajorunnaarsikkumaarpai. Inuit pitseriartut naalattullu ilumoorlutik pissutsiminnik Guutip inatsisaanut naapertuilluartunut naapertuunnerulersitsiartuinnartillugit ’ajortip inatsisaanit’ sunnerneqarnerat nungukkiartuinnassaaq, taamaalilluni iliuusii, eqqarsaataat kissaataallu imminerminnut Guutimullu iluarinarsiartuinnassallutik. (Rûm. 7:21-23; naleqqiutikkit Isaia 25:7, 8 aamma sarĸúmersitat 21:3, 4.) Ukiuni tuusintini Naalagaaffiup naalakkersuinera naammassitinnagu inuttut naammalluinnartunngorsagaassapput. Ajortimit tamatumalu kingunerinit alianartunit aniguisitaalluinnassapput. Nunarsuarmi tamarmi paratiisiusumi najugaqarlutik ’Guuti assilillugu Guutitullu ittumik’ taassuma pissusiinik eqqortumik malinnissinnaassapput. — 1 Môrs. 1:26.
Jesus Kristusip pilliummi nalinga atorlugu inuit siornatigut ajortuliarisimasaat peerumaarpai. (15. Ukiuni tuusintini naalakkersuinerup naammassinerani Kristus qanoq iliussava — sooq?
15 Kristusip inuiaat naammalluinnartunngorsareerunigit oqartussaassuseq suliaq tamanna siunertaralugu Ataatami tunniussimasaa taassumunnga utertissavaa, tamannalu Korintumiunut agdlagkat sujugdlît 15:28-mi ima allaaserineqarpoq: ’Suut tamarmik taassumunnga [Ernermut] naalatsigititaappata taava Ernertaaq nammineq naalatsigitissaaq tamanik imminut naalatsigititsisumut, Guuti tamani tamarsooqqullugu.’
16. Taava inuit naammalluinnartunngorsagaasimasut tamarmik suneqassappat — sooq?
16 Taava inuit naammalluinnartunngorsagaasimasut periarfissinneqassapput Guutip uumasutuap ilumoortutuallu naassaanngitsumik kiffartuunnissaanik qinersisimanerminnik aalajangernermillu tamatuma aalajaattuaannarnissaanik sarĸ. 20:7-10.
ersersitsinissaminnut. Inuit naammalluinnartunngorsagaasimasut taakku Jesus Kristus aqqutigalugu ernermisut qitornarsiarilinnginnerini Jehovap naggataarutaasumik annertuumik misilinneqartissavai. Satan inngilipiluilu itinersuarmit iperagaassapput. Tamanna Jehovamik asannilluinnartunut ataavartussamik ajoqusiinavianngilaq. Jehovamulli naalannginnermut tammartitaasut tamarmik aallaqqaataaniilli pikitsitsisoq taassumalu inngilipilui peqatigalugit naassaanngitsussamut nungutitaalluinnassapput. —17. Taava Jehovap siunertarisaata eqquunneratut pinngortitaasa sianissusillit akornanni pissuseq qanoq ittoq atuutileqqissava?
17 Taava inuit naammalluinnartunngorsagaasimasut naggataarutaasumik aalajangiisuusumillu misilinneqarnerminnit aniguisimasut tamaasa Kristus aqqutigalugu Jehovap asannilluni ernermisut qitornarsiarilissavai. Taamanikkussamut ’Guutip qitornaasa kiffaanngissusiata naalannaataat’ tamakkiisumik peqataaffigisinnaalissavaat. (Rûm. 8:21) Kiisami Guutip qilammi nunamilu ilaqutariissortaanut ataasiussuseqartunut, qilammi nunamilu kisimi oqartussaalluni Naalagaalluni Ataataallunilu asannittup, Jehovap naassaanngitsumik Guutituaaffigisaanut, ilaalissapput. Taava Jehovap pinngortitai sianissusillit tamarmik, qilammiittut nunamiittullu, Guutimik ilumoortutuamik pallorfiginninnermi ataasiussuseqaleqqissapput.
Uteqqiineq
● Edenimi pikitsitsineqanngikkallarmat Jehovamik pallorfiginnittut tamarmik taassumunnga attaveqarnerat qanoq ittuusimava?
● Guutip erneri tamarmik sumik akisussaaffeqarpat?
● Ullumikkut kikkut Guutip ernerai? Aammattaaq kikkut Guutip qitornarilissavai, ataasiussuseqartumillu pallorfiginninnermut atatillugu Jehovap siunertarisaanut tamanna qanoq naapertuuppa?
[Atuaqqissaarnermi apeqqutit]