Kapiteli 23

Jehovap ullussaa eqqarsaatigiuaannaruk

1. (a) Aaq­qis­suus­saanitoq­qami maan­nak­kut atuut­tumi ajor­nar­torsiutaasunit inuiaat aniguisin­neqar­nis­saat tusaq­qaarak­ku qanoq qisuariar­pit? (b) Tamatumun­nga atatil­lugu apeq­qutit suut ilumoorul­lugu eq­qarsaatigeq­qis­saar­tariaqar­pavut?

BIBELI atuaq­qis­saarlugu aal­lar­tik­kavit ilik­kak­kavit  siul­liit qular­nan­ngitsumik ilagaat aaq­qis­suus­saanermi maan­nak­kut atuut­tumi ajor­nar­torsiutaasunit inuiaat qanit­tuk­kut aniguisin­neqar­nis­saat. (Lúk. 21:28) Paasiler­pat Guutip nunarsuarmik paratiisin­ngor­titsinis­si siuner­tarigaa. Sorsun­nerit, inatsisaatsulior­nerit, nap­paatit toqulu peerutis­sap­put, al­laal­lu toqusimasut uum­maq­qis­sal­lutik. Siunis­sap ila qaamas­susia! Tamak­ku tamarmik qanit­tuk­kut pisus­saanerat ilin­nut erseq­qis­sar­neqar­poq Kristusip takus­saanani kun­ngitut naalak­kersuisutut najuun­nerata 1914-imi aal­lar­tis­simanera aam­malu taamanimiit silap matuma ajor­tup ul­luini kingul­ler­ni inuulersimaner­put up­per­narsaatigalugit. Tamak­kunin­nga ilisimasaqaler­nerit inuunin­nik al­lan­nguis­sutigisimaviuk? Inooriaatsik­kut takuneqarsin­naava „Jehovap ul­lus­saata“ qanin­nera qularutigin­ngik­kit?

2. (a) „Jehovap ul­lus­saa“ qaqugu nal­liutis­sava? (b) ’Ul­lormik pif­fis­samil­lu’ Jehovap saq­qum­mersitsisiman­ngin­nera qanoq iluaqutaava?

² Bibelimi nas­suitsumik ersersin­neqar­poq ’eq­qarleriit’, imaluun­niit „kinguaariit“, Kristusip najuun­nerata aal­lar­tin­neranik takun­nit­tut aam­mat­taaq ’Jehovap ul­lus­saarsua’, naaper­tuil­luan­ngitsulior­tunik tamanik Jehovap eq­qar­tuus­sif­figisas­saa, takujumaaraat. (Mat. 24:34, NV; Sivf. 1:14-imit 2:3 ilan­ngul­lugu) „Kinguaarii“n­nut taak­kunun­nga ilaasut maan­nak­kut utoq­qarsuan­ngorsimap­put. Ul­lorli Satanip nunami aaq­qis­suus­saanut Jehovap eq­qar­tuus­sutaanik Jesusip naam­mas­sin­nif­fis­saa Bibelimi ersaris­sumik  taaneqan­ngilaq. ’Ul­lus­samik taas­sumin­nga ul­lul­luun­niit qanoq ilinis­saanik ilisimasoqan­ngilaq, in­ngilil­luun­niit qilam­miit­tut ilisiman­ngilaat, er­nerul­luun­niit ilisiman­ngilaa, Ataatap kisimi nalun­ngilaa,’ Jesus oqarsimavoq. (Mák. 13:32) Paasinarsisimavoq taman­na as­sut iluaqutaasoq. Qanoq ilil­luni? Aap, inuit qanoq uum­mam­mioqar­neran­nik ersersitseqataasimavoq. Jehovamik asan­nil­luin­nan­ngitsut taas­suma ’ul­lus­saa’ taman­na eq­qarsaatimin­ni kinguar­teq­qajaasar­paat iliuutsil­lu silarsuup piinut tun­nganerusut kajungerisatik pingaar­nerutil­lugit aal­lut­tarlugit. Jehoval­li im­minik asan­nil­luin­nar­tut aaq­qis­suus­saanerul­lu ajor­tup naggatis­saata qaqugu nal­liun­nis­saa apeq­qutaatin­nagu tar­nik­kut iluun­ngarlutik im­minut kif­far­tor­nermik­kut asan­nil­luin­nar­nermin­nik tamatumin­nga ersersitsisut kisiisa iluarai. Akun­nat­tuusut marloqiusamil­lu isumal­lit Guutimit er­neranil­lu iluarisaaler­navian­ngil­lat. — sarĸ. 3:16; Tuss. 37:4; 1 Juán. 5:3.

3. Mianersoq­quniarluta Jesus taman­na pil­lugu qanoq oqarsimava?

³ Jehovamik asan­nit­tunut mianersoq­qusil­luni Jesus ima oqarsimavoq: ’Misis­soritsi, eq­qumaniarlusilu qinugitsi, taamaaf­fis­saa qaqugu nal­lius­sasoq nalugas­siuk.’ (Mák. 13:33-37) Kajumis­saar­paatigut nerineq imer­nerlu imaluun­niit ’inuunerup matuma piinik isumakulun­neq’ ingasaateq­qunagit, pif­fis­sap pingaaruteqas­susia puioqinagatsigu. — Lúk. 21:34-36; Mat. 24:37-42.

4. Peterip oqaasii naaper­torlugit, „Jehovap ul­lus­saa“ sumik nas­sataqas­sava?

⁴ Kingor­na apustili Peterip up­per­tut tamaasa kajumis­saar­pai ’Jehovap ul­lus­saata nal­liuf­fis­saa, qilaat ikumasut suujun­naarumaarfis­saat pin­ngoq­qaar­tul­lu kis­sas­simaqisut aak­kumaarfis­saat, ilimagalugulu eq­qarsaatigiuaan­naq­qul­lugu’. (NV) Ilumut „Jehovap ul­lus­saata“ qanin­nera arlaan­nat­taluun­niit pingaan­ngitsutut isigisariaqan­ngilaa. Naalak­kersuisut takus­saasut qilat­tut taaneqar­tut inuiaal­lu ajor­tut ungasin­ngitsuk­kut ’qilas­sanik nutaanik nunas­samil­lu nutaamik’ Guutip pilersik­kumaagas­saanik taarser­neqas­sap­put, ’pin­ngoq­qaar­tul­lu’ silarsuarmi aaq­qis­suus­saanermut maan­nak­kut atuut­tumut atasut — silamiut siulersor­neqaruman­ngis­susiat,  inooriaasiat kan­ngunar­toq pigisanil­lu pingaar­titsival­laarfiusoq — „Jehovap ul­lus­saata“ kis­sangaar­neranit suujun­naarsin­neqas­sap­put. (2 Pîtr. 3:10-13) Eq­qumasariaqar­pugut, aap pisus­sat sak­kor­tungaar­tut silarsuarmik aseruiumaar­tut tamak­kua suk­kul­luun­niit aal­lar­tis­sin­naanerat ilisimasariaqar­par­put. — Mat. 24:44.

Pisut nalunaaqqummik eqquutitsisut eqqumaffigikkit

5. (a) Matîuse 24:3-mi apeq­qum­mut Jesusip akis­sutaa qanoq an­ner­tutigisumik juutit aaq­qis­suus­saanerata atorun­naarsitaaneranut tun­ngava? (b) Akis­sutaata im­mik­koor­tui sorliit 1914-imiit pisunut tun­ngap­pat?

⁵ Ingam­mik pif­fis­saq maan­nak­kut inuuf­figisar­put eq­qarsaatigalugu ’ul­lunut kingul­ler­nut’ imaluun­niit „pis­sutsit aaq­qis­suus­saanerata naggatis­saanut“ nalunaaq­qutaasut katitik­kat an­nikitsualut­taat ilisimal­luar­tariaqar­pavut. Nalunaaq­qut eq­qor­tumik paasisin­naajumal­lugu eq­qaamasariaqar­par­put Matîuse 24:3-mi ajoqersuk­kat apeq­qutaat Jesusip akigamiuk oqaasiisa ilaat juutit aaq­qis­suus­saanerata ukiuni hundredelin­ni siul­ler­ni atorun­naarsitaaneranut tun­ngam­mata, oqaasiisali pingaar­nerusor­taat pif­fis­samut ungasin­nerusumut tun­ngal­lutik. Versini 4-mit 22 ilan­ngul­lugu eq­qar­tugai ukiup 33-p ukiul­lu 70-ip akor­nan­ni pingaan­ngin­nerusumik eq­quup­put, nalitsin­nili pingaar­nerusumik eq­quup­put ersersil­lugulu 1914 aal­lar­nerfigalugu Kristusip ’najuun­nera pis­sutsinil­lu aaq­qis­suus­saanerup naggatis­saa’ aal­lar­tis­simasut. (Aam­ma Mákorse 13:5-20-mi aam­ma Lúkarse 21:8-24-mi) Ukiumit 70-imit Kristusip najuun­nis­saa tikil­lugu tamatumalu kingor­na susoqar­nis­saa Matîuse 24:23-28-mi oqalut­tuarineqar­poq. (Aam­ma Mákorse 13:21-23-mi) Matîuse 24:29-miil­lu kapitali 25-p naaneranut eq­qar­tor­neqar­tut pif­fis­samut 1914-ip kingor­nanut tun­ngap­put. — Aam­ma Mákorse 13:24-37-mi Lúkarse 21:25-36-milu.

6. (a) Pisut ’nalunaaq­qum­mik’ qanoq eq­quutitsinerat sooq tamat­ta im­mik­kut eq­qumaf­figisariaqar­par­put? (b) Apeq­qutit im­mik­koor­tup matuma kingulianiit­tut akinerisigut ’nalunaaq­qutip’ 1914-imiit qanoq eq­quus­simanera nas­suiaruk.

⁶ Pisut ’nalunaaq­qum­mik’ eq­quutitsisut tamat­ta im­mik­kut  eq­qumaf­figisariaqar­pavut. ’Jehovap ul­lus­saanik eq­qarsaatigin­nit­tuaan­nar­nis­satsin­nut’ aam­malu ’Guutit­ta ul­luata akiniaaf­fiusup’ qanin­neranik inun­nut al­lanut mianersoq­qusisar­nitsin­ni suli qularuteqan­ngin­nerul­luta oqalun­nis­satsin­nut silarsuarmi pisar­tunik Bibelimi siulit­tuutinut naleq­qius­sisar­ner­put iluaqutigisar­par­put. (Is. 61:1, 2) Taman­na eq­qarsaatigiitigalugu ’nalunaaq­qutip’ im­mik­koor­tor­tai matuma kingulianiit­tut uteq­qeriar­tigik:

’Inuiaat inuiaqatimin­nut naalagaaf­fiil­lu naalagaaf­feqatimin­nut pikitsitsiumaar­nis­saan­nik’ siulit­tuut qanoq im­mik­kut it­tumik 1914 aal­lar­nerfigalugu eq­quup­pa? Siulit­tuum­mut tamatumun­nga eq­quutitsisunik al­lanik sunik qaam­matini kingul­liunerusuni qanoq pisoqarsimava?

Ukiut 20 hundredes­saan­ni naak ilisimatuus­sutsik­kut siuariar­neqarsimagaluar­toq silarsuaq nerisas­saaleqinermik qanoq an­ner­tutigisumik eq­qor­neqarsimava?

Tamatigut tamaana nunap sajut­tar­neri 1914-imiil­li ilumut akulikin­nerulersimap­pat?

1918-imi nap­paalanersuaq tunil­laas­suut­toq suna sorsun­nersuarmi siul­lermi inun­nit toqutaasunit amerlanerusunik toqus­sutaasimava? Naak nakorsaatinut tun­ngasunik ilisimatusaatitigut siuariar­neqarsimagaluar­toq ul­lumik­kut nap­paas­suit suut nap­paalas­sutaap­pat?

Lúkarse 21:26-mi siulit­tuutigineqar­tutut inuit ersinermit tuman­nguneran­nut suut takus­sutis­saap­pat?

Pis­sutsit qangatut ik­kun­naarlutik Timûtiusimut agdlagkat áipait 3:1-5-imi eq­qar­tor­neqar­tutut ul­lut kingul­liit naajar­tor­til­lugit uis­suum­minaqisumik ajorsiar­torsimaneran­nut suna qularun­naas­sutigaajuk?

Inuit avissaartiterneqartut

7. (a) Pisoq Matîuse 13:36-43-mi eq­qar­tor­neqar­toq al­la suna pis­sutsit aaq­qis­suus­saanerata naggatis­saanut Jesusip at­tuumas­suser­paa? (b) As­sersuusiaq taman­na qanoq paasisariaqar­pa?

⁷ Aam­mat­taaq pisut al­lat pingaaruteqar­tut pis­sutsit aaq­qis­suus­saanerata naggatis­saanut Jesusip atas­suser­pai. As­sersuutigalugu, ’naalagaaf­fim­mi qitor­naasut’ ’ajor­tup qitor­naanit’ avis­saar­titer­neqar­nis­saat eq­qar­tor­paa. Narsaat akeq­qap naasupilun­nik siaruar­terif­figisaa as­sersuutigalugu  Jesusip taman­na eq­qar­tor­paa. As­sersuusiaani tamatumani ’qajuusias­sat’ kristumiunut tanitaasunut ilumoor­tunut as­sersuutigineqar­put. ’Naasupiluit’ tas­saap­put kristumiut ilumuun­ngitsut kristumiunik ilumoor­tunik ilaarsiniar­tut. Pis­sutsit aaq­qis­suus­saanerata naggatis­saani ’naasupiluit’ — kristumiuuneraraluarlutik silarsuarmik Diaavulup naalagaaf­figisaanik ungagin­nin­ner­tik pis­sutigalugu ’ajor­tumut qitor­naanermin­nik’ ersersitsisimasut — ’Guutip naalagaaf­fiani qitor­naasunit’ avis­saar­titer­neqarlutil­lu suujun­naarsitas­san­ngor­tin­neqar­tus­saasimap­put. (Mat. 13:36-43) Taman­na ilumut pisimava?

8. (a) Im­mik­koor­tunut marlun­nut sunut kristumiutut im­min­nut taasut sorsun­nersuup siul­liup kingor­na avin­neqar­pat? (b) Kristumiut tanitaasut ilumoor­tut qanoq ilil­lutik ersersip­paat ilumut tas­saal­lutik ’Naalagaaf­fim­mi qitor­naasut’?

⁸ Aap, sorsun­nersuup siul­liup kingor­na kristumiutut taasut tamarmik im­mik­koor­tunut marlun­nut avin­neqar­put: (1) Kristumiuunerar­tut palaser­taat taak­kualu tapersersor­taat, tamarmik im­mik­kut inuiaas­sutsimin­nik pingaar­titsiitigalutik Folkeforbundimik (maan­nak­kut Naalagaaf­fiit Peqatigiit-nik) tapersersuil­luin­nar­tuusut. (2) Kristumiut tanitat ilumoor­tut ikit­tun­nguit, Guutip naalagaaf­fianik Mes­siasik­koor­tumik tapersersuil­luin­nar­tuusut. Eq­qis­sinermik isuman­naas­sutsimil­lu pilersitsisin­naasutuatut isigalugit silarsuarmi naalak­kersuisunik saq­qumisumik tapersersuinermik­kut taaneqar­tut siul­liit ersaris­sumik ersersip­paat tas­saanatik kristumiut ilumoor­tut. (Juán. 17:16) Taak­kunan­nga al­laanerul­lutik Jehovap kif­faasa Folkeforbundi tas­saanerar­paat ul­lumik­kut ’maajun­nar­toq nungutitsisoq’ Jesusip Matîuse 24:15-imi eq­qar­tugaa. ’Guutip naalagaaf­fiani qitor­naasutut’ ilumoor­tutut „naalagaaf­fim­mik tusagas­saq nuan­nersoq taman­na . . . nunarsuarmi inuit najugarisaan­ni tamarsuarmi“ oqaluus­sis­sutigiler­paat. (Mat. 24:14, NV) Qanoq kingulim­mik?

9. Naalagaaf­fim­mik oqaluus­sis­sutigin­nin­nerup tamatuma kingunera siul­leq suua?

⁹ Siul­lermik ’qinik­kat’, kristumiut anersaamik-tanitaasut, sin­nerut­tut katersor­neqar­put. Naak inuian­ni as­sigiin­ngitsuni, imaluun­niit ’anorlersarfin­ni sisamani’, siam­marsimagaluarlutik,  in­ngilit siulersuineratigut peqatigiif­fit­tut ataasius­suseqalersin­neqar­put. — Mat. 24:31.

10. (a) Avis­saar­titerineq al­la suna pisimava, siulit­tuul­lu suna naaper­torlugu? (b) Siulit­tuutit tamak­kua eq­quun­nerat sumut takus­sutis­saava?

¹⁰ Taava siulit­tuutigineqareersutut Jesusip inuit inuian­nit tamaneersut avis­saar­titiler­pai, „soorlu nersutaatinik paarsisup savat savaasanit avis­saar­titer­tarai“. Suliaq taman­na, Kristusip qilam­mi is­siavis­saarsuarminit siulersugaa, suli ingerlavoq, il­lil­lu tamatuman­nga at­tor­neqar­putit. Inuit amerlanersaasa Guutip naalagaaf­fia tamatumalu ’qitor­nai’ anersaamik-tanitaasut ilas­siuman­ngilaat taamaat­tumil­lu „naas­saan­ngitsumik uter­naveersitaas­sal­lutik“, toquk­kut suujun­naarsitaal­luin­nas­sal­lutik. Al­lal­li Naalak­kap nunarsuarmik nam­mineq naalagaaf­figisaminik inuunermik naas­saan­ngitsumik siunis­saqarlutik kingor­nus­sinis­saan­nut neqeroorfigisimavai. ’Naalagaaf­fim­mi qitor­naasut’ tanitaasut, naak peq­qar­niitsumik malersugaagaluar­tut, peqatigalugit savatut it­tut taak­ku neqeroorum­mik tamatumin­nga ilas­sin­nis­simap­put. (Mat. 25:31-46, NV) Tanitat tusagas­samik pingaaruteqar­tumik Guutip naalagaaf­fianut tun­ngasumik oqaluus­sis­sutigin­nin­neran­nut taak­ku ilumoorlutik ikiuup­put. Amerlangaar­tut mil­lioninik arlaqar­tunik ilaasor­taqar­tut maan­na suliamut tamatumun­nga suleqataap­put. Tusagas­saq Naalagaaf­fim­mut tun­ngasoq nunarsuarmi tamarmi tusarliun­neqar­poq. Tamatumuuna suna erser­pa? ’Ul­lut kingul­liit’ naalivis­sut, aam­malu „Jehovap ul­lus­saa“ qaneqisoq.

Siunissami sumik pisoqassava?

11. „Jehovap ul­lus­saata“ nal­liutin­ngin­nerani suli oqaluus­sisoqar­tus­saava?

¹¹ Suli al­lanik siulit­tuuteqar­pa Jehovap ul­lus­sarsuata amiilaar­nar­tup nal­liutin­ngin­nerani eq­quut­tus­saasunik? Aap! Naalagaaf­fik pil­lugu apeq­qut akerleriis­sutaasoq eq­qarsaatigalugu inuit ataasiak­kaat qanoq aalajangersimanerat tun­ngavigalugu inun­nik avis­saar­titerineq suli naam­mas­sineqan­ngilaq. Nunat ilaan­ni ukior­pas­suar­ni sak­kor­tuumik akerlilersuif­fiusimasuni maan­na amerlaqisunik  ajoqersugan­ngor­titsior­tor­neqar­poq. Al­laal­lu tusagas­samik nuan­nersumik ilas­sin­nik­kuman­ngif­fiusuni Jehovap naaper­tuil­luas­susia naak­kin­nis­susialu suli nalunaajaatigineqar­tuar­tariaqar­put. Taamaat­tumik suliaq ingerlat­tuar­tigu! Jesusip neriorsoq­qis­saar­paatigut taman­na suliarineqareer­pat ’naggatis­saq nal­liuk­kumaar­toq’. — Mat. 24:14.

12. (a) Pisus­saq malugisariaqar­toq Tásalûníkamiunut agdlagkat sujugdlît 5:2, 3-mi eq­qar­tor­neqar­toq suna suli pin­ngila? (b) Uagut taman­na qanoq qisuariarfigis­savar­put?

¹² Bibelimi siulit­tuutigineqar­toq pingaaruteqar­torujus­suaq al­la unaavoq: ’Oqar­pata: „Eq­qis­sinar­poq, siooranar­toqan­ngilaq,“ taava perlus­sap tas­san­ngaan­naq tikik­kumaar­pai, soorlu nal­lisar­nerit er­nisulersoq tikit­taraat; aniguinavian­ngil­lal­lu.’ (1 Tás. 5:2, 3) Eq­qis­sinermik suaarutigin­nin­nis­sap tamatuma qanoq it­tuujumaar­nis­saa paasiumaar­par­put. Tas­saanavian­ngilarli silarsuarmi siut­tuusut inuiaat ajor­nar­torsiutaan­nik aaq­qiil­luin­nar­nis­saat. ’Jehovap ul­lus­saanik eq­qarsaatigin­nit­tuaan­nar­tut’ suaarum­mit tamatuman­nga nakutitaanavian­ngil­lat. Nalun­ngilaat suaarutigin­nin­nerup tamatuma kingunitsian­nguagut ’perlus­saq tas­san­ngaan­naq’ nal­liuk­kumaar­toq.

13. Eq­qis­sinermik suaarutigin­nin­nerup tamatuma kingunitsian­nguagut sunik pisoqas­sava, qanoq tul­leriin­nilin­nik?

¹³ Siul­lermik, soorlu Bibelimi ersersin­neqar­toq, silarsuarmi tamarmi naalak­kersuinermik suliaqar­tut Babylon Angisuumut, silarsuarmi eq­qun­ngitsumik up­perisarsior­nerup naalagaaf­fis­suanut, saas­sus­sis­sap­put suujun­naarsil­lugulu. (sarĸ. 17:15, 16) Malugisariaqar­poq up­perisarsior­nermut, ingam­mik kristumiuuneraqatigiit ilagiis­saan­nut, maan­nangaaq akeq­qersimaar­neqalereermat. Naalak­kersuisut up­perisarsior­nermut sak­kor­tuumik akerliusumik politik­keqar­tut Naalagaaf­fiit Peqatigiit-ni an­ner­tuumik sun­niuteqalereersimap­put, nunanilu up­perisarsior­nermik pingaar­titsif­fiusimagaluaqisuni najugaqar­tut amerlaqisut siuaasamik up­perisaan­nik qimatsisimap­put. Tamak­ku tamarmik qanoq paasisariaqar­pat? Eq­qun­ngitsumik up­perisarsior­nerup suujun­naarsin­neqar­nis­saa qanil­lisoq. Taava naalagaaf­fiit ataatsimut Jehovap kisimi oqar­tus­saal­luni naalagaaneranik  tapersersuisunik tamaviaarlutik saas­sus­sis­sap­put, taman­nalu pip­pat Jehovap kaman­nini nunujun­naarlugu politik­kik­kut naalak­kersuisunut taak­kualu tapersersor­taan­nut tutsis­savaa, tamarmik nungutitaal­luin­nar­neran­nik kinguneqar­tumik. Naggataatigut Satan nam­mineq in­ngilipiluilu itinersuarmut igin­neqas­sap­put inun­nik sun­niisin­naajun­naarsin­neqarluin­narlutik. Taman­na ilumut tas­saas­saaq „Jehovap ul­lus­saa“, ul­loq aterminik nersor­narsisitsif­fia. — Hsk. 38:18, 22, 23; sarĸ. 19:11-mit 20:3 ilan­ngul­lugu.

14. Sooq silatusaar­nerun­ngila isumaqas­sal­luni Jehovap ul­lus­saa suli ungaseqisoq?

¹⁴ Pif­fis­saq Jehovap aalajangersarsimasaa eq­qorluin­narlugu ul­loq taman­na nal­liutis­saaq. Kingusinaar­navian­ngilaq. (Hâb. 2:3) Eq­qaamajuk Jerusalemip ukiumi 70-imi aseror­neqar­nera tas­san­ngaan­narluin­naq, juutit navianar­torsior­ner­tik qaangius­sorigamik­ku ilimasun­ngil­luin­narfian­ni, pisimam­mat. Babylonitoqarmi? Il­loqarfik nukit­tuujusimavoq qarmarsuanilu qajan­naatsut isuman­naas­sutigisutut is­simal­lugit. Un­num­mili ataasiin­navim­mi tiguar­neqar­poq. Taamatut­taaq aaq­qis­suus­saanermut matumun­nga ajor­tumut ’perlus­saq tas­san­ngaan­naq’ nal­liutis­saaq. Qanor­toq Jehovap ul­lus­saa eq­qarsaatigiuaan­narsimal­lugu taman­na nal­liup­pat ilumoor­tumik pal­lorfigin­nin­nermi ataasius­suseqar­tut akor­nan­niik­kisa.

Uteqqiineq

● ’Jehovap ul­lus­saata eq­qarsaatigiuaan­nar­nis­saa’ sooq taama pingaaruteqar­tigaa? Qanoq ilil­luta taamaaliorsin­naavugut?

● Inuit avis­saar­titer­neqar­neran­nit qanoq tamat­ta im­mik­kut at­tor­neqar­pugut?

● Jehovap ul­lus­saata aal­lar­tin­ngin­nerani aam­ma sunik pisoqar­tus­saava? Taamaat­tumik tamat­ta im­mik­kut qanoq ilior­tariaqar­pugut?

[Atuaqqissaarnermi apeqqutit]