Kiffaanngissuseq Jehovamik pallorfiginnittut atugaat
Kapiteli 5
Kiffaanngissuseq Jehovamik pallorfiginnittut atugaat
1, 2. (a) Kiffaanngissutsimik qanoq ittumik inuit siulliit Guutip tunivai? (b) Inatsisit taakkua iliuusiinik aqutsisut ilaannik taasaqarit.
INUIT siulliit Jehovamit pinngortinneqaramik kiffaan- ngissuseq, kiffaanngissutsinit tamanit inuit ullumikkut atugaannit annerungaartoq, nuannaarutigalugu atorpaat. Najugaat paratiisiuvoq. Inuunerat nappaatinit sunilluunniit avaanngunarsagaanngilaq. Toqujartunngillat. Kiffaanngissuserli tamanna pigiinnassagunikku Guutip inatsisaanik ataqqinnittuusariaqarput.
2 Inatsisit, imaluunniit maleruagassat, tamakkua ilaat immaqa oqaatsikkut saqqummiunneqarsimasuunngikkaluarput, kisianni Adam Evalu ima pinngortitaapput inatsisinut tamakkununnga naalanneq pissusissamisuuginnartutut isigalugu. Kaaleraangamik naluneq ajorpaat nerisariaqarlutik, imerusuleraangamillu, imertariaqarlutik. Seqinerlu tarrikkaangat misigisarput qasuersaarnissartik sininnissartillu pisariaqalersut. Aammattaaq Jehovap oqaluffigisarpai suliassillugillu. Suliassiineq tamanna eqqortumik oqaatigalugu inatsisaavoq, tassami taakkua iliuusissaannik najoqqutassiigami. Tamannali inatsisaavoq asassutaasoq iluaqutaasorlu! Tassuuna nalerisimaarnartumik suliassinneqarput piginnaasatik imminnut peqqinnartumik ajunngitsumillu tamakkiisumik atorsinnaaqqullugit . Meeqqiortussaapput, uumasunullu naalagaasussaallutik nunarsuarlu tamaat paratiisinngortikkiartuaartussaallugu. (1 Môrs. 1:28; 2:15) Guutip pisariaqanngitsumik pisarissersunngilai. Namminneq aalajangiinissaminnut periarfissaqartinneqaqaat. Suli allanik kissaateqarnerusinnaanerpat?
3. Aalajangiiniarnermini kiffaanngissutsimik isumatuumik atuisinnaaneq qanoq ililluni Adamip ilinniarsinnaasimagaluarpaa?
1 Môrs. 1:26, 27; naleqqiuguk Juánase 8:29.
3 Nammineq aalajangiinissaminut Adam kiffaanngissuseqartinneqarami imaanngilaq aalajangigaa suugaluartorluunniit ajunngitsumik kinguneqartassasoq. Aalajangiinissaminut kiffaanngissusia akisussaaffimmik nassataqarpoq. Ataataminut qilammiusumut tusarnaarnermigut taassumalu suliaanik qimerluuinermigut ilinniarsinnaasimagaluarpoq, aammalu silaqarsusermik tunineqarsimagami ilinniakkani iliuutsimigut atorluarsinnaasimagaluarlugit. ’Guuti assilillugu’ pinngortitaagami aalajangiiniarnermini Guutitut ilioqqajaasassagaluarpoq. Aap, Guutip imminut iliuuserisimasai ilumut pingaartissimasuugunigit Guutillu iluarisaanik iliornissani kissaatigisimasuuguniuk Guutip pissusiinik malinneqqissaarniarsimassagaluarpoq. —4. (a) Guutip Adamimut killiliinera taassuma kiffaanngissusianut ajoqutaava? (b) Piumasarisaq tamanna sooq naleqquttuua?
4 Pinngortitsisertik Inuunermillu Tunisisertik attaviginagu ingerlasinnaannginnerannik eqqaasinniarlugit Jehovap Adam ima inappaa: ’Naatsiiviup orpii nalinginnaat neriffigisinnaavatit, kisianni orpik ajunngitsumillu ajortumillu sianinartoq neriffigissanngilat; massa neriffigigaluarukku toqumik toqujumaarputit.’ (1 Môrs. 2:16, 17) Inatsisip tamatuma inuk kiffaanngissusianik arsaarpaa? Naamerluinnaq. Adam piumasaminik iliorsinnaasimavoq, naalassinnaasimavoq imaluunniit akerlianik. Inerteqqutip tamatuma sumilluunniit artukkinngilaa. Orpik taanna pinngitsoorluarsinnaasimagaluarpaa, allanimmi naammattunik nerisassaqarpoq. Aammattaarlu pissusissamisuuginnarpoq akuerissallugu nuna najugaqarfigisani Guutip pigigaa, aammalu Guuti, Pinngortitsisutut, pinngortitaminut Naalagaasussaviusoq. — Tuss. 24:1, 10.
5. (a) Adamip Evallu kiffaanngissusertik nuannersoq qanoq ilillutik annaavaat? (b) Kiffaanngissutsimut tamatumunnga taartaalluni suna atuutilerpa, uagullu qanoq ililluta tamatumannga attorneqarpugut?
5 Qanorli pisoqarpa? Inngili namminissarsiortumik ataqqinaateqarusussutsiminit killinneqarluni peqquserluttumik siunnersuivoq Rûm. 5:12; Jûpe 14:1; sarĸ. 12:9.
Guutillu piumasaanut akerliusumik Eva neriorsoqqissaarlugu, taamaalillunilu Eva salloqittartippoq. Ataataminut naalannissaminut taarsiullugu Adamip Eva unioqqutitsinerani peqatigilerpaa. Piginngisaminnik tigusinermikkut Adamip Evallu nuanningaartumik kiffaanngissuseqarnertik annaavaat. Ajorti naalagarilerpaat, soorlulu Guutip mianersoqqussutigereersimagaa, toqujartulerput. Kinguaassatillu sumik kingornussassaqartilerpaat? Ajorti, inunnguuseralugu ajortulioqqajaasarnermik, nappaatinik, aammalu sanngiillinermik taamaalillunilu utoqqaliartornermik, nassataqartoq. Naggataagullu toqumik. Eqqunngitsumik ilioqqajaasarneq inunnguusaasoq, Satanillu sunniineratigut annertusiartorsimasoq, maanna inuiaqatigiinnik nalorninartorsiortunik pilersitsisimavoq. Kiffaanngissutsimit, Guutip aallaqqaammut inunnut tunniussaanit, ila tamatuma allaanerussusia! —Kiffaanngissuseq sumi nassaassaasoq
6. (a) Kiffaanngissuseq piviusoq sumi nassaassaava? (b) Juánase 8:31, 32-mi Jesusip kiffaanngissuseq qanoq ittoq eqqartorpaa?
6 Ullumikkut pissutsit eqqarsaatigalugit tupinnanngilaq inuit kiffaanngissutsimik annerusumik maqaasisaqarmata. Kiffaanngissuserli piviusoq sumi nassaassaava? Jesus Kristus ima oqarsimavoq: ’Oqaatsikka attavigiuarussigik ilumut ajoqersugarissavassi; sallusuissullu ilisarissavarsi, sallusuissutillu inussiaajunnaarsissavaasi [kiffaajunnaarsissavaasi].’ (Juán. 8:31, 32) Kiffaanngissuseq tamanna tassaanngilaq kiffaanngissuseq killilik inuit naalakkersuinermik suliaqartumik naalakkersueriaatsimilluunniit taarsiigaangamik angussallugu kissaatigisartagaat. Kiffaanngissuserli tamanna inuit ajornartorsiutaasa aallaaviannut attuumassuteqarpoq. Jesusip eqqartugaa tassaavoq ajortimut kiffaajunnaarneq, ajortimut inussiaajunnaarneq. (Takuuk Juánase 8:24, 34-36.) Jesus Kristusimut ilumoortumik ajoqersuganngornerup nassatarisarpaa malunnartumik inuunerup allanngornera, eqqissiallanneq imaluunniit aniguisitaaneq.
7. (a) Qanoq ililluta maannakkut ’ajortimut kiffaajunnaarsitaasinnaavugut’? (b) Taamatut kiffaanngissuseqalerniarluta qanoq iliortariaqarpugut?
7 Tamanna ima paasisariaqanngilaq maannakkut kristumiut Rûm. 7:21-25) Jesusilli ajoqersuutaanik maleruaalluinnartoq ajortimut inussiakuluujunnaartarpoq. Taassumunnga ajorti kunngiujunnaartarpoq taassuma naalatassaanik naalakkersuisoq. Inooriaaseq siunertaqanngitsoq ilerasuuteqartitsisorlu iperartarpaa. Guutimut ilerasuutaaruttarpoq Kristusip pilliutaanik upperfiginninnini tunngavigalugu ajortuliarisimasaminik isumakkeerfigineqarami. Immaqa iliuutsit ajortilippalaartut ilaatigooriarlutik malunniuteriartarsinnaapput, Kristusilli ajoqersuutaanik minguitsumik eqqaamanninnini pissutigalugu tamakku malikkusunngikkunigit ersersippaa ajorti naalagariunnaarsimallugu. — Rûm. 6:12-17.
ilumoortut ajortulioqqajaasarnerup inunnguusaasup sunniutai malugisimajunnaarsimagaat. Akerlianilli, tamanna pisuulluni akiuuttariaqarput. (8. (a) Kristumiutut qanoq ittumik allamik aamma kiffaanngissuseqarpugut? (b) Silamiut naalakkersuisuinut isumaqarfiginninnerput tamatuma qanoq attortariaqarpaa?
8 Kristumiutut kiffaanngissuseqangaarneq nuannaarluta atorparput. Eqqunngitsumik ajoqersuutinit tamakkualu sunniutaannit, upperisapalaanit ajortillu inussiaatiginninneranit aniguisitaasimavugut. Toqungasut makititaaffissarlu pillugit sallusuissutip nuanningaartup anniartitaalluni toqumik ilimasupilunnermit, inuit nalunngeqatiginnissutaannik naqisimannittumit, aniguisissimavaatigut. Inuit naalakkersuisuisa naammalluinnanngitsut Guutip naalagaaffianik naapertuilluartumik taarserneqarumaarnissaannik ilisimanninnitta neriuutaarulluinnarnitsinnit aniguisissimavaatigut. Aaqqissuussaanitoqqap matuma peerneqarnissaa nalunnginnatsigu kiffaanngissuserlu tamanna pigigatsigu imaanngilaq inatsisinik oqartussaasunillu ataqqinninngitsuliorfiginnittassasugut. — 1 Pîtr. 2:16, 17; Tít. 3:1, 2.
9. (a) Kiffaanngissutsit annersaannik, maannakkut inuit angusinnaasaannik, nuannaarluta atuinissatsinnut qanoq ililluni Jehovap asannilluni ikiorpaatigut? (b) Arlaannik aalajangiigaangatta qanoq ililluta ersersissinnaavarput Adamip kiffaanngissutsiminik atornerluinerata kingunerisaanik paasinnilluarsimalluta?
9 Nammineq misileraanitsigut qanoq ajunnginnerpaamik inuunissatsinnik paasiniaatinnginnamisigut Jehovap ilaginnaannanngilaatigut. Qanoq pinngortitaasugut, suup nalerisimaarnermik piviusumik tunisinnaagaatigut suullu inuttut Gal. 5:19-23; Mák. 13:10; naleqqiuguk Timûtiusimut agdlagkat sujugdlît 1:12, 13.) Taava nammineq aalajangiisinnaassuserput Guutimit pisarput atorlugu nammineq aalajangissavarput qanoq qisuariassanerluta. Inuilli aallaqqaammulli kiffaanngissusiannik Adamip annaasaqarnera pillugu Bibelimi oqaluttuaq ilinniutigisimagutsigu silatusaartumik aalajangiiumassaagut. Taava takutissavarput uagutsinnut pingaarnerpaaq tassaasoq Jehovamut ajunngitsumik attaveqarneq.
naleqassutsimik misigisimanermik tunisinnaagaatigut, aammalu ungasinnerusoq eqqarsaatigalugu suup iluaqusersinnaanerpaagaatigut taassuma nalunngilaa. Aammattaaq piumasaminik naammassinninnissaminut piffissaq aalajangersarsimasani ilisimavaa, taamaattumillu nalunngilaa sunik suliaqarutta iluaqutaanerpaasoq. Nalunngilaattaaq eqqarsaatit suut ileqqullu qanoq ittut Guutip naalagaaffiata pilluaqqussutissaanik angusinngitsoornermik kingunilimmik inoqatitsinnut attaveqarnerput aserorsinnaagaat. Tamakkununnga tunngasunik asannissutsimigut ilisimatippaatigut Bibeli peqatigiissortanilu takussaasut aqqutigalugit. (Kiffaanngissutsimut allatut ittumut kajungerneq
10. Inuit ilaasa kristumiuunerartut kiffaanngissuseq qanoq ittoq ujartorsimavaat?
10 Ilaatigut inuusuttut Jehovap Nalunaajaasuini alliartorsimasut, imaluunniit allat inuusuppallaanngitsut, kiffaanngissutsimut allatut ittumut kajungilersoortarput. Immaqa silarsuaq kajungerilersarpaat, tamannalu eqqarsaatigiuartillugu silarsuarmi inuit iliuuserisartagaasut iliornissaminnik kissaataat sakkortusiartuinnartarpoq. Immaqa ikiaroornissartik, imerpallaarnissartik imaluunniit kanngunartuliornissartik toqqaannartumik pilersaarutiginngikkaluarpaat. Immaqa akulikinnerujartortumik atuareernermik kingorna imaluunniit sulereernermik kingorna silamiunik ikinngutissarsiortalerput. Ikinngutitaaminnillu akuerineqarnissartik soorunami kissaatigigamikku oqaloriaasiat ileqquilu issuartalerpaat. — 3 Juán. 11.
11. Silamiutut ileqqulersornissamik ussernartorsiorneq ilaatigut sumit pisarpa?
11 Silamiutut ileqqulersorusunnermik ussernartorsiorneq ilaannikkut tassaasinnaavoq Jehovamut kiffartornerartup ileqquanik silamiorpaluttumik ilaarsinissamik ussernartorsiorneq. Taamatut pisoqarpoq Edenimi Satanip Eva tammartimmagu, Evallu ajortuliornermini peqatigileqqulluni Adam kajumissaarmagu. Aammattaaq kristumiuni siullerni taama pisoqarsimavoq, ullutsinnilu taamatut pisoqartarpoq. Inuit taamatut iliortut tassaagajuttarput pissanganartorsiornermik nuannarisaqartut inuulluataarutinullu sakkortuumik kajungersut. Inuit taama ittut inunnut allanut kajumissaarisarput „nuannataalaarnissamik“. ’Namminneq aserornartumut inussiaagaluarlutik kiffaajunnaarnermik neriorsuisarput’. —12. (a) Silamiutut ileqqulersornerup kinguneri alianartut suuppat? (b) Naak nalunngikkaluarlugu qanoq kinguneqassasoq sooq inuit taamaaliortarpat?
12 Tamatumali inerititaa tassaanngilaq inuulluataarneq. Aapparinngisamik kinguaassiuutitigut atoqateqartarnerup kingunerisarpaa misigissutsikkut nuanniilliorneq. Kingunerisarpaattaaq nappaatit, kissaatiginngisamik naartulersoorneq immaqalu aappariit avissaarnerat. (úss. 6:32-35; 1 Kor. 6:18; 1 Tás. 4:3-8) Ikiaroornartunik atornerluinerup kingunerisinnaavai isumaloqqajaaneq, ersarluttumik oqalunneq, isigisamik ajornartorsiorneq, uissannguneq, anersaartornerliorneq, takorruuineq aammalu toqu. (Naleqqiuguk ússatit 23:29-35.) Ikiaroornartunik atornerluineq uerisoornarsinnaavoq, kingunerisinnaallugulu aningaasanik ikiaroornartumut atugasssanik tillinniartalerneq. Tamakkuninnga sammisaqalersut naluneq ajorpaat qanoq kinguneqarsinnaasoq. Kisianni pissanganartorsiorumanermit nuannaarniutinullu kajungernermit iliuutsimik kinguneriumaagassaat takujumaneq ajorpaat. Imminnut oqarfigisarput taamaaliornertik kiffaanngissuseqarnerusoq, kingusinaareerlutilli paasilersarpaat ajortimut inussiaallutik aammalu ajorti naalagaralugu qanoq naakkittaatsigisoq! Pissutsit tunngaveqarluartumik massakkut eqqarsaatigeqqissaarnerisigut taamatut nuanniitsunik misigisaqarnissarput pinngitsoorsinnaavarput. — Gal. 6:7, 8.
Ajornartorsiutit sumit aallartittartut
13. (a) Pilerissuseq ajornartorsiutinik tamakkuninnga kinguneqartartoq qanoq ililluni pilersinneqartarpa? (b) ’Ikinngutit ajortut’ suunerannik paasiniaanitsinni kia isumaa atortariaqarparput? (c) Apeqqutit immikkoortup matuma kingulianiittut akisarnerisigut Jehovap pissutsinut isiginnittaasia ersersiguk. Apeqqutit ataasiakkaarlugit sammikkit.
13 Unillutit eqqarsaatigeriaruk ajornartorsiutit taama ittut suminngaanniit aallartikkajuttartut. Bibelimi ima nassuiaateqarpoq: ’Kinaluunniit usserneqararaaq, nammineq pilerissutsiminit qiisagaangami uerillunilu, taavalu pilerissusia pilereeraangat ajorti pinngoraraaq; ajortilu naammatsittaraangami toqumik kingunissisaraaq.’ (Jâk. 1:14, 15) Pilerissuserli tamanna qanoq ililluni takkuttarpa? Isummamut immiunneqartunit pilersinneqartarpoq — tamannalu pisarpoq inunnik Bibelimi najoqqutassiaasunik maleruaanngitsunik peqateqartarnikkut. Tamatta nalunngilarput ’ikinngutit ajortut’ ingalassimasussaallutigik. Unali apeqqutaalerpoq: Ajortunik ikinnguteqarneq qanoq paasisariaqarpa? Jehovap tamanna qanoq isigaa? Atagu apeqqutit allassimaffiillu tulliuttut tunngaveqartumik eqqarsaatigeqqissaariartigik. Eqqortumik isummertarnissatsinnik tamakkua ikiussavaatigut.
Inuit ataqqinarpasillutillu ileqqorippasiinnaraangamik tassaasarpat ikinngutit ajunngitsut? (Naleqqiuguk Môrsasip agdlagai sujugdlît 34:1, 2, 18, 19.)
Oqaloqatigiinnerisigut, immaqa quiasaarnerisigut, paasineqarsinnaava taakku ikinngutaalluarnersut? (Evf. 5:3, 4)
Guutip siunertarisaanik uagutsitut paasinnittaaseqanngippata sianinissatsinnut pissutissaqarpugut? (Naleqqiuguk Korintumiunut agdlagkat sujugdlît 15:12, 32, 33.)
Jehovap imminut asanninngitsunik ikinngutilersorutta qanoq isigissavaa? (Naleqqiuguk nalunaerssûtigdlit áipait 19:1, 2.)
Naak uppinngitsut suleqatigigaluarlugit imaluunniit atuaqatigigaluarlugit qanoq ililluta takutissinnaavarput taakku ikinngutissarsiorfiginngikkivut? (1 Pîtr. 4:3, 4)
Aammattaaq oqartoqarsinnaavoq fjernsynimi isiginnaakkat aammalu atuakkani, atuagassiani aviisinilu atuakkat peqatigineqarsinnaasut. Aallakaatitassiat atuagassiallu qanoq ittut úss. 3:31; Is. 8:19; Evf. 4:17-19)
ullumikkut mianersorfiginerusariaqarpavut? (Ikinngutissatsinnik toqqaanitta qanoq ittuunersugut Jehova paasitippaa? (Tuss. 26:1, 4, 5; 97:10)
14. Guutip oqaasiani unnersuussutinik aalajaallutik maannakkut maleruaasut kiffaanngissuseq nuanningaartoq suna pissarsiariumaarpaat?
14 Guutip aaqqissuussinissaa nutaaq aajunaararsuanngorpoq. Taassuma naalagaaffia ikiortigalugu inuit Satanip aaqqissuussaanerullu taassumunnga atasup sunniutipiluinit aniguisinneqassapput. Ajortip sunniutai peeriartuaartinneqassapput. Inuuneq naassaanngitsoq nunami paratiisiusumi angusinnaassavarput. Naggataatigut pinngortitat tamarmik kiffaanngissuseq ’Jehovap anersaavanut’ naapertuulluinnartoq nuannaarutigalugu atulerumaarpaat. (2 Kor. 3:17) Guutip unnersuussutaanik maannakkut ilungersorluni malinninngitsoornikkut tamakkuninnga tamanik annaasaqarnissaq silatusaartumik iliornerussava? Kristumiutut kiffaanngissutsitsinnik maannakkut atueriaatsitsigut tamatta ersarissumik takutissinnaavarput ’Guutip qitornaasa kiffaanngissusiata naalannaataannik’ angusinissarput ilumut kissaatigalugu. — Rûm. 8:21.
Uteqqiineq
● Inuit siulliit kiffaanngissuseq qanoq ittoq nuannaarutigalugu atorpaat? Kiffaanngissuseq tamanna pissutsinit ullumikkut inuit atugaannit qanoq allaanerua?
● Kiffaanngissuseq silamiut atugaannit allaanerusoq suna kristumiut ilumoortut atorpaat? Qanoq ililluni tamanna pisinnaava?
● Silarsuup kiffaanngissusianik ujartuineq qanoq kinguneqartarpa?
● ’Ikinngutit ajortut’ ingalassimanissaat sooq taama pingaaruteqartigaa? Adamip iliorsimaneranut akerliusumik, uagut kia suup ajunngitsuuneranik suullu ajortuuneranik naliliisarnera atorparput?
[Atuaqqissaarnermi apeqqutit]