Kapiteli 12

Kuissutivit isumaa

1, 2. (a) Imermi kuisin­neq sooq tamat­ta im­mik­kut nam­mineq soqutigisariaqar­par­put? (b) Apeq­qutit im­mik­koor­toq 2-mi apeq­qutigineqarsimasut naatsun­nguak­kuutaarlugit qanoq akiumas­savigit?

UKIUMI 29-mi Jesus Jordanip kuus­suani morsutsi-  taal­luni kuisip­poq. Jehova nam­mineq pisumut tamatumun­nga isigin­naar­poq, kuisit­tumil­lu iluarin­nin­nini nalunaarlugu. (Mat. 3:16, 17) Ukiut pingasut af­farlu tamatuma kingor­na, makin­nermi kingor­na, Jesusip ajoqersuk­kani ima peq­quai: „Qilam­mi nunamilu pigin­naaneq tamarmi uan­nut tun­nius­saavoq. Taamaat­tumik aal­laritsi inun­nil­lu inuian­nit tamaneersunik ajoqersugan­ngor­titsigitsi, . . . kuil­lugit.“ (Mat. 28:18, 19, NV) Jesusip peq­qus­sutaa taman­na naaper­torlugu il­lit kuisimavit? Imaluun­niit taamaalior­nis­san­nut piareersar­pit?

² Kuisimagaluaruit kuisin­nis­san­nul­luun­niit piareersaraluaruit kuis­sutip isumaanik paasin­nil­luin­narsimanis­sat pingaaruteqar­poq. Ilaatigut apeq­qutit mak­ku eq­qarsaatigeq­qis­saar­tariaqar­patit: Ul­lumik­kut kristumiut kuis­sutaat Jesusip kuis­sutaatut isumaqar­pa? Kuis­sum­mut tun­ngasut Bibelimi eq­qar­tor­neqar­tut tamarmik ilin­nut ator­tus­saap­pat? Kristumiut imermi kuis­sutaata isumaa naaper­torlugu inuuneq qanoq paasisariaqar­pa?

Kuissutit Johannesimit kuissutaasarsimasut

3. Johan­nesip kuis­sutaa kik­kun­nuin­naq ator­tus­saava?

³ Jesusip kuisin­nis­saa qaam­matinik arfinil­lit mis­saan­niit­tunik sioq­qul­lugu Johan­nes Kuisisoq Judæap puilasuitsuanukar­poq imalu oqaluus­sil­luni: ’Al­lamik isumataaritsi, qilam­miup naalagaaf­fia qanil­lim­mat.’ (Mat. 3:1, 2) Inuit tamaani najugaqar­tut Johan­nesip oqaasii tusar­paat, ajor­timin­nik tamanut nas­suerutigin­nil­lutik Jordanil­lu kuus­suani  taas­suman­nga kuisil­lutik. — ap. sul. 13:23, 24; Lúk. 1:13-16.

4. (a) Juutit al­lamik isumataar­nis­saat sooq pisariaqarluin­narsimava? (b) ’In­nermik kuineqas­san­ngik­kunik’ qanoq ilior­tariaqarsimap­pat?

⁴ Juutit taak­kua al­lamik isumataar­nis­saat pisariaqarluin­narsimavoq. Ukioq 1513 u.n.a.s. qaq­qami Sinajimi taak­kua siuaasaat inuiat­tut Jehova Guutimik angerfigeqatigin­nis­simap­put. Angerutsil­li tamatuma iluani pisus­saaf­fitik eq­qor­tis­siman­ngilaat taamaat­tumil­lu angerutsimit tamatuman­nga ajor­tilit­tut pil­lagas­saatin­neqarsimal­lutik. Nalor­ninar­torsiorluin­narsimap­put. ’Jehovap ul­lua angeqisoq siooranar­toq,’ Malakiasimit siulit­tuutigineqarsimasoq, qanil­lisimavoq — taman­nalu ukiumi 70-imi pivoq, tas­suuguin­narlu Jerusalem aseror­neqar­poq. Johan­nes Kuisisoq, eq­qor­tumik pal­lorfigin­nin­nermik Eliasisul­li aal­lus­sil­luar­tigisoq, aseruinis­saq taman­na sioq­qul­lugu aal­lar­tin­neqarsimavoq ’inuit pigin­naan­ngor­tus­sat Jehovamut piareersas­sal­lugit’. Juutit angeruseq tun­ngavigalugu inatsisit unioq­qutil­lugit ajor­tuliatik peq­qis­simis­sutigisariaqarsimavaat Guutil­lu er­neranik, Jehovap im­min­nut aal­lar­titas­saanik, ilas­sin­nin­nis­samin­nut isumamik­kut uum­matimik­kul­lu piareersar­tariaqarlutik. (Mal. 4:4-6; Lúk. 1:17; ap. sul. 19:4) Soorlu Johan­nesip nas­suiaraa Guutip er­nera anersaamik iluar­tumik kuisisus­saasimavoq (ukiumi 33-mi ul­lormi piinsimi ajoqersuk­kanut aalajaatsunut siul­ler­paamik kuis­sutigineqar­tumik) aam­malu in­nermik kuisisus­saasimal­luni (aseruineq isumataaruman­ngitsunik ukiumi 70-imi eq­quisoq). (Lúk. 3:16) ’In­nermik kuis­sut’ taman­na inut­tut ataasiak­kaatut pin­ngitsoorumagunik­ku juutit ukiuni hundredelin­ni siul­ler­ni inuusut isumataarsimanermin­nut as­sersuutaasumik imermi kuisit­tariaqarsimap­put, periarfis­sarlu tak­kup­pat Jesus Kristusimut ajoqersugan­ngor­tariaqarlutik.

5. (a) Jesus kuisin­niarluni tikium­mat sooq Johan­nes akerliliigaluar­pa? (b) Jesusip imermi kuisin­nera sumut as­sersuutaava? (c) Guutip piumasaanik ilior­nis­sani Jesusip qanoq isigaa?

⁵ Kuisin­niarlutik Johan­nesimut or­nigut­tut ilagaat Jesus nam­mineq. Soorliuna? Johan­nesip nalun­ngilaa Jesus ajor­tuliaqan­ngitsoq  nas­suerutigisas­saminik, taamaat­tumik ima oqarfigaa: ’Uanga ilin­nut kuisit­tariaqaraluar­punga, taamaat­toq il­lit or­nip­parma?’ Jesusil­li kuisin­nera al­lamut as­sersuutaasus­saavoq. Taamaat­tumik ima akivoq: ’Maan­na akueriin­nan­nga, taamaalil­lugu iluar­tus­saq tamarmi uatsin­nut naam­mas­sisariaqarmat.’ (Mat. 3:13-15) Jesusip kuisin­nera ajor­tulianik peq­qis­simis­sutigin­nin­nermut imaluun­niit al­lamik isumataar­nermut as­sersuutaasin­naan­ngilaq; aam­mat­taaq Guutimut tun­niul­luin­nar­tariaqan­ngilaq inuian­nut Jehovamut tun­niul­luin­nareersimasunut ilaasor­taagami. Akerlianil­li 30-nik ukioqarluni, inuiaqatigiit juutit iluan­ni inersimasutut naatsorsuus­saalerami, kuisin­nera Ataatami qilam­miusup piumasaa immik­kut ittoq naam­mas­siumallugu taas­sumunnga sassar­neranut as­sersuutaavoq. Guutip piumasaa tas­saavoq ’inuup Kristus Jesusip’ sulias­samik Naalagaaf­fim­mut tun­ngasumik naam­mas­sin­nin­nis­saa aam­malu inuiaat uter­tin­neqarsin­naaq­qul­lugit angerusisaamil­lu pilersitsisoqarsin­naaq­qul­lugu inuunerminik naam­mal­luin­nar­tumik pil­liutigin­nin­nis­saa. (Lúk. 8:1; 17:20, 21; Epr. 10:5-10; Mat. 20:28; 26:28; 1 Tim. 2:5, 6) Imermi kuisin­nerminut as­sersuutaasoq Jesusip pingaar­tingaar­paa. Kuisin­nermi kingor­na al­lanik pingaar­nerutitaqalin­ngilaq. Nunami inuunermi naanis­saa tikil­lugu Guutip piumasaa naam­mas­siuaan­narsimavaa. — Juán. 4:34.

Toqumut kuisinneq

6. Kuis­sut al­la suna Jesusip kuis­sutigaa, pif­fis­sal­lu suup ingerlanerani taman­na pisimava?

⁶ Imermi kuisin­nermi sumut as­sersuutaanera ilutigalugu Jesus kuis­sum­mik al­lamit­taaq kuisip­poq. Nalun­ngilaa sulias­saq Guutip im­minut tun­nius­saa nam­mineq inut­tut inuunermi pil­liutigineranik kinguneqarumaar­toq, aam­mat­taarli nalun­ngilaa ul­lut pingajus­saan­ni anersaak­kut makititaajumaarluni. Taman­na kuisin­ner­tut eq­qar­tor­paa. ’Kuis­sut’ taman­na ukiumi 29-mi aal­lar­tip­poq, kisian­ni toqum­mat makititaal­lunilu aatsaat naam­mas­sineqarluni. Taamaat­tumik ukiut pingasut mis­saata imermi kuisin­nermi  kingor­nagut eq­qor­tumik ima oqarsin­naasimavoq: ’Kuis­sum­mik [kuis­sutis­san­nik, NV] kuisit­tariaqar­punga, atalu qus­salangaarama naam­mas­sisimatin­nagu!’ — Lúk. 12:50.

7. (a) Aam­ma kik­kut toqumut kuisip­pat? (b) Kuisineq taman­na kia suliaraa?

⁷ Kristusip naalagaaf­fiani qilam­miit­tumi naalak­kersueqataasus­sat aam­mat­taaq toqumut kuineqar­tariaqar­put. (Mák. 10:37-40; Kul. 2:12) Toqunermik­kut inut­tut inuuner­tik naas­saan­ngitsumik iperar­paat, soorlu aam­ma Jesus taamatut pisimasoq. Makititaanermin­nilu Jesus qilam­mi naalak­kersueqatigis­sal­lugu ilagiler­paat. Kuis­sut taman­na inum­mit kimil­luun­niit suliarineqan­ngilaq, kisian­ni Guutimit, er­nini qilam­miusoq aq­qutigalugu, suliarineqarluni.

8. ’Kristus Jesusimut kuisit­tut’ qanoq paasisariaqar­pa?

⁸ Jesusip toquanut kuisit­tut aam­mat­taaq oqaatigineqar­put ’Kristus Jesusimut kuisit­tut’. Anersaaq iluar­toq, Kristus aq­qutigalugu pisar­tik, ikior­tigalugu taas­suma ilagiis­saanut anersaamik-tanitaasunut ilaasor­tatut, taas­suma ’timaatut’, qul­lersar­tik najulersar­paat. Taak­ku anersaap tamatuma Kristusip pis­susiinik ajun­ngingaar­tunik malin­nis­sin­naalersim­magit ataatsimut oqaatigineqarsin­naaler­put ’Kristus Jesusimi ataasiusut’. — Rûm. 6:3-5; 1 Kor. 12:13; Gal. 3:27, 28; ap. sul. 2:32, 33.

Kristusip ajoqersugaasa imermi kuissutaat

9. (a) Matîuse 28:19-imi al­laatigineqar­tumut naaper­tuut­tumik qanga kuisisoqar­taler­pa? (b) Apeq­qutit al­las­simaf­fiil­lu ilan­ngun­neqarsimasut ikior­tigalugit nas­suiaruk kuisin­niar­tut Jesusip peq­qusinera naaper­torlugu suut akuerisariaqaraat.

⁹ Jesusip ajoqersugai siul­liit Johan­nesimit imermi kuineqar­put, kuisereeramil­lu Jesusip anersaak­kut nulias­saanut ilaasor­taasus­satut taas­sumun­ngaan­neqarlutik. (Juán. 3:25-30) Aam­mat­taaq ajoqersuk­kat taak­ku Jesusimit siulersor­neqarlutik Johan­nesip kuis­sutaatut isumalim­mik inun­nik arlalin­nik kuisisimap­put. (Juán. 4:1-3) Ul­lormili piinsimi, ukiumi 33-mi, „Ataatap Er­nerul­lu anersaal­lu iluar­tup aq­qanut“ kuiseq­qusis­sut malerualer­paat. (Mat. 28:19, NV) Al­las­simaf­fiit apeq­qutil­lu matuma kingulianiit­tut ikior­tigalugit  tamatuma qanoq paasisariaqar­nera uteq­qis­saguk­ku iluaqutigis­savat:

’Ataatap aq­qanut’ kuisis­sagaan­ni Ataatamut tun­ngatil­lugu suut akuerisariaqar­pat? (2 kúng. 19:15; Tuss. 3:8; 73:28; Is. 6:3; Rûm. 15:6; Epr. 12:9; Jâk. 1:17)

’Er­nerup aq­qanut’ kuisis­sagaan­ni suut akuerisariaqar­pat? (Mat. 16:16, 24; Fil. 2:9-11; Epr. 5:9, 10)

’Anersaap iluar­tup aq­qanut’ kuisis­sagaan­ni suut up­perisariaqar­pat? (Lúk. 11:13; Juán. 14:16, 17; ap. sul. 1:8; 10:38; Gal. 5:22, 23; 2 Pîtr. 1:21)

10. (a) Ul­lumik­kut kristumiut kuis­sutaat sumut as­sersuutaava? (b) Taman­na Jesusip kuis­sutaanit qanoq al­laas­suteqar­pa? (c) Bibelimi piumasarineqar­tut naam­mas­sisimagaan­ni kuisin­nik­kut sun­ngor­toqar­tar­pa?

¹⁰ Jesusip ilitsersuus­sutaa taman­na naaper­torlugu kuisit­tut siul­liit tas­saap­put juutit (juutinul­lu ilan­ngus­simasut), inuiat­tut Guutimut tun­niul­luin­nareersimasut ukiorlu 36 tikil­lugu taas­suman­nga im­mik­kut isumas­sugaasut. Samariamiul­li juutiun­ngitsul­lu kristumiutut ajoqersugan­ngorsin­naalermata kuisin­ngin­nermin­ni tamarmik im­mik­kut inut­tut Jehova, erneranut ajoqer­sugaasutut, kiffar­tuuk­kumal­lugu tamak­kiisumik taas­sumun­nga tun­niulluin­nar­tariaqar­taler­simapput. Kristumiut imermi kuis­sutaat suli ul­lumimut taama isumaqar­poq, juutinut juutiun­ngitsunul­lu. Kristumiun­ngor­tut ilumoor­tut tamarmik ’kuis­sum­mik ataatsimik’ tamatumin­nga kuineqar­tar­put. Taamaalil­lutik tas­saalersar­put Jehovamut nalunaajaasut kristumiuusut, Guutip kif­fan­ngor­titai. — Evf. 4:5; 2 Kor. 6:3, 4.

11. (a) Kristumiutut imermi kuisin­neq suup naligaa, qanorlu ilil­luni? (b) Taamaalil­luni kristumiut sumit aniguisin­neqar­tar­pat?

¹¹ Kuis­sut taman­na Guutip isaani naleqaqaaq. Taman­na apustili Peterimit tik­kuar­neqar­poq qanoq ilil­luni Noap nam­mineq ilaqut­tanilu Ulersuak­kut an­nas­sutigisamin­nik umiarsualiorsimanera eq­qaareerlugulu. Taan­na ima al­lap­poq: ’Akerlia maan­na an­naf­figigis­si kuis­sut, timimut eq­qiarfiun­ngitsoq, Guutimul­li ilerasun­naveerutis­samik angeruseqarfiusoq [qin­nuteqarfiusoq, NV] Jesus Kristusip makin­nera  pis­sutigalugu.’ (1 Pîtr. 3:21) Guutip piumasaa naam­mas­siumal­lugu Noap taas­sumun­nga tun­niul­luin­narsimaneranut Guutil­lu sulias­siis­sutaanik aalajaal­luni suliarin­nis­simaneranut umiarsuaq takus­sutis­saavoq. Taman­na an­nan­neranik kinguneqar­poq. Taamatut­taaq Kristusimut makis­simasumut up­per­ner­tik tun­ngavigalugu Jehovamut tun­niul­luin­nar­tut, tun­niul­luin­narsimaner­tik ersersik­kumal­lugu kuisit­tut tamatumalu kingunerisaanik Guutip ul­lumik­kut kif­faminut piumasaanik ilior­tut, aaq­qis­suus­saanermit ajor­tumit maan­nak­kut atuut­tumit aniguisin­neqarsimap­put. (Gal. 1:3, 4) Taak­ku silarsuarmiut aserorsimaf­fim­mut ingerlaar­neran­nut peqataajun­naarsimap­put. Silarsuarmit aniguisin­neqarsimap­put Guutimil­lu ilerasuuteqan­ngis­sutsimik tunineqarsimal­lutik.

Akisussaaffipput qanoq eqqortikkipput

12. Sooq kuisin­neq im­mini an­nan­nis­samut qulak­keerutaan­ngila?

¹² Kuk­kunerus­saaq isumaqas­sal­luni kuisin­neq an­nan­nis­samut qulak­keerutaasoq. Ilumoorluni Jesus Kristus aq­qutigalgu Jehovamut tun­niul­luin­narsimagaan­ni naggatis­samul­lu al­laat aalajaal­luni Guutip piumasaanik ilior­tuaraan­ni aatsaat kuis­sut naleqas­saaq. — Mat. 24:13.

13. (a) Guutip piumasaa naaper­tus­sagaan­ni kristumiut kuisimasut qanoq inuuner­tik atus­savaat? (b) Kristumiutut ajoqersugaaner­put qanoq pingaar­titsigis­savar­put?

¹³ Guutip Jesusimut piumasaanut ilaavoq taas­suma inut­tut inuunerminik qanoq atuinis­saa. Pil­liutigineratigut inut­tut inuunini iperar­tariaqarsimavaa. Uagut Guutip piumasaanik ilior­nit­ta ersiutigisariaqar­paa im­minut tunul­liul­luta inuujumal­luta timit­ta Guutimut kif­far­tor­tin­nera. Timer­put tamak­kiisumik Guutip piumasaanik ilior­nitsin­nut ator­tariaqar­par­put. (Rûm. 12:1, 2) Taamaalior­navian­ngilagut ilaan­nik­kuin­narluun­niit piaaraluta silamiutut pis­susilersor­tarut­ta, imaluun­niit nam­minis­sarsior­tumik inuul­luta Guuti sapin­ngisamik an­nikitsumik kif­far­tuuk­kutsigu. (1 Pîtr. 4:1-3; 1 Juán. 2:15-17) Inuuneq naas­saan­ngitsoq angujumal­lugu qanoq ilior­tariaqar­nerluni angutip juutiusup aperim­mani ileq­qus­satigut ipiitsumik inuunerup  pingaaruteqas­susianik Jesusip eq­qaasip­paa, tik­kuarlugulu im­minik malin­nin­neq, kristumiutut ajoqersugaaneq, inuunermini pingaar­ner­paan­ngor­tit­tariaqaraa. Taman­na timip piinik noq­qaaniar­nermit pingaan­ngin­nerutin­neqas­san­ngilaq. — Mat. 19:16-21.

14. (a) Naalagaaf­fim­mut tun­ngasumik kristumiut tamarmik sumik akisus­saaf­feqar­pat? (b) Qup­per­neq 101-imi takutin­neqar­tutut qanoq ilil­luni sulias­saq taman­na kinguneqarluar­tumik suliarineqarsin­naava? (c) Uum­matitsigut iluun­ngarluta suliamut tamatumun­nga peqataagut­ta suna ersersis­savar­put?

¹⁴ Aam­mat­taaq puius­san­ngilar­put Jesus, Guutip piumasaanik ilior­niar­nermini, sulias­samik Naalagaaf­fim­mut tun­ngasumik pingaaruteqar­tumik naam­mas­sin­nit­tariaqarsimam­mat. Naalagaaf­fim­mi tas­sani kun­ngiusus­satut Jesus nam­mineq tanin­neqarsimavoq. Nunamiin­ninili tamaat aam­mat­taaq aal­lus­sil­luarluni Naalagaaf­fim­mut nalunaajaasuusimavoq. Uagut­taaq tamatuma as­singanik nalunaajaas­suteqar­pugut, uum­matitsigul­lu iluun­ngarluta tamatumun­nga peqataanis­satsin­nut pis­sutis­saqarluar­pugut. Taamaalioraangat­ta ersersit­tar­par­put Jehovap kisimi oqar­tus­saas­susia pingaar­til­lugu inoqatitsin­nil­lu asan­nit­tuul­luta. Aam­mat­taaq naalagaaf­fiup aqutsinerani inuunis­samik naas­saan­ngitsumik ataasius­suseqarluta anguniagaqar­nitsigut ersersit­tar­par­put silarsuaq tamak­kerlugu up­peqativut, tamarmik Naalagaaf­fim­mut nalunaajaasuusut, qanit­tumik at­taveqarfigalugit.

Uteqqiineq

● Jesusip kuis­sutaata ul­lumik­kul­lu imermi kuis­sutip suut as­sigiis­sutigaat, suul­lu as­sigiin­ngis­sutigaat?

● Johan­nesip kuis­sutaa kik­kun­nuin­naq ator­tus­saasimava? Kik­kut toqumut kuisip­pat? Kik­kul­lu ’Kristus Jesusimut kuisip­pat’?

● Kristumiutut imermi kuisin­nerup kingunerisaanik akisus­saaf­fim­mik eq­qor­titsineq suua?

[Atuaqqissaarnermi apeqqutit]

 [Qupp. 101-mi ungalusaq/​assiliartat]

Qanoq ilillutit naalagaaffik oqaluussissutigaajuk?

Matumiit matumut

Soqutigin­nit­tunik pulaaq­qiisar­nik­kut

Bibelimik atuaq­qis­saaqatigin­nit­tar­nik­kut

Aq­qusinermi

Atuaqatinut

Suleqatinut