Kapiteli 9

Makititaanissamik neriuutip kimittussusia

1. Makititaaf­fis­saqar­neratigut siunis­sami pisus­sat suut ajor­narun­naarsin­neqar­pat?

MAKITITAAF­FIS­SAQAN­NGITSUUP­PAT toqusunut  siunis­sami inuunis­samik neriuutis­saqas­san­ngik­kaluar­poq. Jehoval­li ajun­ngis­sutsimigut pisas­sarin­ngisaraluatsigut inuit toqungasut mil­liardilik­kuutaat naleqangaar­tumik periarfis­sis­simavai inuunermik naas­saan­ngitsumik angusinis­saan­nik. Tamatuma kinguneranik uagut­taaq nuan­ningaar­tumik neriuuteqar­pugut asasat­ta toqusimasut takoq­qik­kumaar­nis­saan­nik. — Naleq­qiutik­kit Mákorse 5:35, 41, 42; apustilit suliáinik agdlagkat 9:36-41.

2. (a) Jehovap siuner­tarisaata naam­mas­sineqar­nis­saanut makititaaf­fis­sap suk­kut pingaaruteqas­susia nalunarun­naarsimava? (b) Makititaanis­samik neriuut ingam­mik qaquguk­kut nakus­satsis­sutaasar­pa?

² Makititaaf­fis­saq iluaqutigalugu Jehovap, kif­faminut naas­saan­ngitsumik ajoqutaan­ngitsumik, Satan ajoqusiiumatuul­luni oqaatsiminik ukunin­nga: ’Pigisani tamaasa inuup tun­niut­tar­pai inuujumal­luni,’ up­per­narsaaniaraluar­nerani ilagin­naan­naral­laq­qavaa. (Jûpe 2:4) Jesusip toqusunit makin­nermigut uagutsin­nut inuus­sutis­saasumik iluaqutis­saasumil­lu inut­tut inuunermi pil­liutigisami nalinga Ataataminut qilam­miusumut is­siavis­saarsuata saani tun­nius­sin­naasimavaa. Makititaaf­fis­saq tun­ngavigalugu Kristusip naalak­kersueqatis­saasa naalagaaf­fim­mi qilam­miit­tumi taan­na ilagilersin­naas­savaat. Aam­malu misilin­neqar­ner­ni toqumik kinguneqarsin­naasuni up­per­tunut tamanut makititaanis­saq nakus­satsis­sutaangaar­tar­poq.

Kristumiut upperisaata tunngavippiaa

3. (a) Makititaaf­fis­saq qanoq ilil­luni ’ajoqersuutaasut aal­laq­qaataan­nut’ ilaava? (b) Inun­nit silamiunit makititaaf­fis­saq nalingin­naasumik qanoq isumaqarfigineqar­pa?

³ Soorlu Eprîarinut agdlagkat 6:1, 2-mi al­las­simasoq makititaanis­saq  ’ajoqersuutaasut aal­laq­qaataan­nut’ ilaavoq, tas­sa tun­ngaviusumik up­perisap ilagaa kristumiutut inersimasun­ngus­sagut­ta pisariaqagar­put. Silarsuarmiul­li nalingin­naasumik eq­qarsariar­taasian­nut taman­na takor­nar­taavoq. Inuit amerliar­tuin­nar­tut anersaak­kut pigisaqan­ngin­namik inuul­luar­niutinik pingaar­titseqalutik inuup­put. Inuuneq man­na kisiat piviusutut isigaat. (1 Kor. 15:32) Ileq­quusumil­lu up­perisarsior­ner­nut, kristumiuuneraqatigiin­nut avataan­niit­tunul­lu, ilaasor­taasut isumaqar­put toqusuitsumik tar­neqarlutik, taamaalil­luni makititaanis­saq pisariaqarani. Paasin­nit­taatsinik marlun­nik tamak­kunin­nga, tas­sa makititaanis­samik aam­ma toqusuitsumik tar­neqarsorin­nin­nermik, kat­tus­siniaraluar­tup kialuun­niit paasilis­savaa kat­tus­siniaraluar­nini taman­na neriun­nermik pin­nani paatsiveerun­nermik pilersitsiin­nar­toq. Qanorli ilil­luta tusarusut­tut ikiorsin­naavavut? — ap. sul. 17:32.

4. (a) Inuit makititaaf­fis­samik paasin­nin­ngin­neran­ni suna oqal­lisigeq­qaar­tariaqar­par­put? (b) Tar­nip suunera toqungasul­lu qanoq oqaatigisariaqar­nerat nas­suiar­niarlugu al­las­simaf­fiit suut atus­sagaluar­pigit? (c) Qanormi ilius­savit Bibelimik nutsigaq al­las­simaf­fiit tamak­kua ilumoor­tor­taan­nik matusisoq ator­neqar­pat?

⁴ Makititaanis­sap nuan­ningaar­tumik aaq­qis­suus­saaneranik paasin­niler­tin­natik tar­nip suunera aam­malu toqungasut qanoq oqaatigisariaqar­nerat paaseq­qaar­tariaqar­paat. Inum­mut sal­lusuis­sum­mut kajungersumut al­las­simaf­fialun­nguaan­naat atorlugit taman­na nas­suiar­neqarsin­naavoq. (1 Kor. 15:45; Hsk. 18:4; ak. oĸ. 9:5, 10) Bibelil­li nutsik­kat nutaanerusut ilaan­ni ajoqersuutit ilumoor­tut tamak­ku matoor­neqarsimap­put. Taamaat­tumik pisariaqarsin­naavoq oqaatsit Bibelip al­lan­neqaq­qaataani ator­neqar­tut misis­sus­sal­lugit.

5. Inuk Bibelimik nutsik­kamik taama it­tumik atuisoq tar­nip suuneranik paasitin­niarlugu qanoq ilius­savit?

⁵ Tar­nimut tun­ngatil­lugu Ny Verden-nutsigaq ingam­mik pingaaruteqar­torujus­suuvoq, tas­sanimi oqaaseq hebræerisooq neʹfesj aam­malu oqaatsip tamatuma grækerisuua psykheʹ tamatigorluin­naq „tar­neq“-mik nutser­neqarsimam­mata; nutsik­kal­lu tamatuma ilan­ngus­saani al­las­simaf­fiit oqaatsit tamak­kua ator­neqarfiisa ilar­pas­sui nalunaarsor­neqarsimap­put.  Nutsik­kani nutaanerusuni al­lani oqaatsit tamak­ku as­sigiin­ngitsunik nutser­neqarsimap­put, tas­sa „tar­neq“-miin­naan­ngitsoq aam­mat­taarli „pin­ngor­titaq“-mik, „pis­susilik“-mik, „kinaas­susilik“-mik aam­malu „inuuneq“-mik; „neʹfesj-era“ nutser­neqarsimagajut­tar­poq „uanga“-mik, aam­malu „neʹfesj-it“ nutser­neqarsimasarluni „il­lit“-mik. Bibelit taama it­tut bibelinut nutsik­kanut qanganisaanerusunut imaluun­niit Ny Verden-nutsigaq-mut naleq­qiut­tuuguk­kit paasilis­sagaluar­pat oqaatsip, Bibelip al­lan­neqaq­qaataani ator­neqar­tup, „tar­neq“-mil­lu nutser­neqarsimasup pigai (1) kinaas­susil­lit (2) uumasut aam­ma (3) inuuneq taak­kua inut­tut imaluun­niit uumasutut pigisaat. Oqaatsil­li tamak­kua arlaan­naataluun­niit ersersin­ngilaa tar­nip takus­saan­ngitsuuneranik tigus­saan­ngitsuuneranil­lu aam­malu toqup kingor­na timimik qimatsisar­neranik al­lamilu sianis­suseqarluni ingerlaq­qit­tar­neranik eq­qarsaat pineqar­nersoq.

6. (a) Sooq nutsik­kat ilaat Sheolip, Hadesip aam­ma Gehen­nap suuneri pil­lugit paatsiveerutitsip­pat? (b) Bibeli atorlugu qanoq ilil­lutit nas­suiarsin­naaviuk Sheolimi imaluun­niit Hadesimi toqungasut qanoq oqaatigisariaqar­nersut? Gehen­namimi?

⁶ Ny Verden-nutsigaq-mi taamatut­taaq oqaaseq hebræerisooq sh^eōlʹ al­lan­ngor­tin­neqar­nani Sheolimik nutser­neqarsimavoq aam­malu oqaatsit grækerisuut haʹdes aam­ma geʹenna Hadesimik Gehen­namil­lu nutser­neqarsimal­lutik. Kisian­ni bibelit nutsigar­pas­suit al­lat atuar­toq paatsiveerutsit­tar­paat haʹdes geʹenna-lu TAMAASA „an­niarfik“-mik nutser­nerisigut, tamatumalu saniatigut sh^eōlʹ-ip haʹdes-il­lu „iliveq“-mik aam­malu „toqusut-inaat“-nik nutser­nerisigut. Pisariaqar­pat nutsik­kat as­sigiin­ngitsut im­min­nut naleq­qiun­nerisigut takutin­neqarsin­naavoq Sheol tas­saasoq Hades. (Tuss. 16:10, NV; ap. sul. 2:27) Bibelimi ersaris­sumik takutin­neqar­poq Sheol, imaluun­niit Hades, inuiaat ataatsimut ilerrat, inuunermut pin­nani toqumul­li at­tuumas­suteqar­tuusoq. (Tuss. 89:49; sarĸ. 20:13) Aam­mat­taaq tik­kuar­neqar­poq makititaaf­fis­sami tas­san­ngaan­niit uter­nis­samut neriuutis­saqar­toq. (Jûpe 14:13; ap. sul. 2:31) Akerlianil­li Gehen­namut pisut makin­nis­samik neriuutis­saqan­ngitsut Bibelimi ersersin­neqar­poq, aam­malu tar­nip Gehen­namiitil­luni sianis­suseqar­neranik eq­qaasaqarani. — Mat. 18:9; 10:28.

7. Makititaanis­samik neriuut pil­lugu eq­qor­tumik paasin­nin­nerup qanoq ilil­luni inuk isumaatigut suliaasigul­lu sun­nersin­naavaa?

 ⁷ Taman­na paasineqaraangami Kristusip toquata makin­neratalu pingaaruteqas­susiat paasineqalersar­poq. Taamaaligaangat soqutigin­nit­toq aatsaat paasitin­neqarsin­naalersar­poq makin­nis­sap im­minut qanoq pingaaruteqar­tigisin­naas­susianik, aam­malu paasiar­tulis­sal­lugu Jehova qanoq asan­nitsigisimasoq taamatut angingaar­tumik aaq­qis­suus­sisimagami. Asasaminik toquk­kut an­naasaqar­nini pil­lugu aliasungaar­nis­saminut taarsiul­lugu maan­na nuan­naarluni Guutip aaq­qis­suus­saanis­saani nutaami najoq­qiler­nis­saan­nut qilanaarsin­naalis­saaq. Kristumiut siul­liit paasisimavaat Jesus Kristusip makin­nera kristumiut up­perisaata tun­ngaviisa ilagigaat. Eqiasuil­lutik taas­suma makin­nera neriuul­lu tamatuma at­tatarisaa nalunaajaas­sutigisimavaat. Ul­lumik­kut tamatumin­nga paasin­nit­tut pingaar­titsisul­lu aam­ma taama aal­lus­sil­luar­tigalutik suliaqar­put ajoqersuut ilumoor­toq erlin­nangaar­toq taman­na inoqatimin­nut ingerlateq­qin­niarlugu. — ap. sul. 5:30-32; 10:40-43; 13:32-39; 17:31.

Hadesimut matuersaat Jesusip atorpaa

8. Jesusip ’toqumut toqusut-inaan­nul­lu [Hadesimut] matuersaateqar­nera’ taas­suma ajoqersugaanut anersaamik-tanitaasunut qanoq pingaaruteqar­pa?

⁸ Qilam­mi naalagaaf­fiani Kristusimik naalak­kersueqataasus­sat tamarmik qaquguluun­niit toqujumaar­put. Kisian­ni Kristusip apustili Johan­nesimut oqar­nermigut neriorsueq­qis­saar­nera taak­kua ilisimavaat: ’Toqugaluaramalu tamas­sa naas­saan­ngil­luin­nar­tumik uumavunga; toqumul­lu toqusut-inaan­nul­lu [Hadesimut] matuersaatit uanga pigaak­ka.’ (sarĸ. 1:18) Taamatut oqarami suna isumagaa? Nam­mineq misigisimasani eq­qar­tor­paa. Nam­mineq toqusimagaluar­poq. Kisian­ni Hadesimiigin­nan­ngin­nis­saa Guutip isumagisimavaa. Ul­lut pingajus­saan­ni anersaatut inuunermut Jehovap nam­mineq makitis­simavaa toqusuis­sutsimil­lu tunil­lugu. Taman­naan­naan­ngilarlu; aam­mat­taaq ’toqumut toqusut-inaan­nul­lu [Hadesimut] matuersaatinik’ tunisimavaa, taamaalil­luni al­lat inuiaat ataatsimut ilerran­nit aam­malu Adamip ajor­tulinerata kingunerisaanit aniguisis­sin­naaq­qul­lugit.  Matuersaatit taak­ku pigigamigit Jesusip ajoqersuk­kani aalajaatsut toqusunit makitis­sin­naavai. Taamaalioruni anersaamik-tanitaasut ilagiis­siminut ilaasor­taasut qilam­mi toqusuitsumik inuuneqalersis­savai — tunis­sutip erlin­nar­tup Ataataminit pisimasami as­singanik. — Rûm. 6:5; Fil. 3:20, 21.

9. Kristumiut tanitaasut aalajaatsut makititaaf­fiat qanga aal­lar­tip­pa?

⁹ Tanitanik aalajaatsunik taak­kunin­nga makititsineq qaqugu pis­sava? Taman­na aal­lar­tereer­poq. Apustili Paulus nas­suiaavoq tanitat taak­ku „Mes­siasip najuun­nerani“, 1914-imi aal­lar­tit­tumi, makititaajumaar­tut. (1 Kor. 15:23, NV) Nunarsuarmi inuunermin­nik mas­sak­kut naam­mas­sin­nit­tut makititaanis­samin­nut Naalak­kamik tikiun­nis­saa utaq­qisariaqas­san­ngilaat. Toqugunik ingerlaan­naq anersaan­ngorlutik uum­mar­tin­neqas­sap­put, ’al­lan­ngor­tin­neqas­sal­lutik, tas­san­ngaan­naq, uisoriin­naq’. Ilumut pil­luas­sap­put, ’suliaasami malis­savaat’! — 1 Kor. 15:51, 52; sarĸ. 14:13.

10. Makititaaf­fis­saq al­la suna pis­sava, qaqugulu aal­lar­tis­sava?

¹⁰ Kisian­ni taak­kua makititaanerat kisiar­taan­ngilaq. Taak­kua makititaanerata ’makif­fik siul­leq’-mik taaneqar­nerata nalunaar­paa aam­ma al­lamik makititaaf­fis­saqar­toq. (sarĸ. 20:6) Makititaaf­fis­sami tamatumani kingusin­nerusuk­kut pisus­sami makititaasus­sat nunarsuarmi paratiisiusumi naas­saan­ngitsumik inuunis­samin­nut periarfis­saqas­sap­put. Makititaaf­fis­saq taman­na qaqugu pis­sava? sarĸúmersitat-ni ersersin­neqar­poq ’nunalu qilal­lu’, tas­sa pis­sutsit aaq­qis­suus­saanerat ajor­toq maan­nak­kut atuut­toq, peer­neqareer­pata taman­na piumaar­toq. Aaq­qis­suus­saanerup ajor­tup naggatis­saa taman­na qanit­tuararsuuvoq. Tamatuma kingor­na, pif­fis­sami Guutip aalajangersarsimasaani, nunarsuarmi makititaaf­fis­saq aal­lar­tis­saaq. — sarĸ. 20:11, 12.

11. Aalajaatsut nunarsuarmi makititaasus­sat ilaat kik­kuus­sap­pat, aam­ma sooq taman­na taama pis­sanganar­tigaa?

¹¹ Makititaaf­fis­sami tas­sani kik­kut makitin­neqas­sap­pat? Makititaas­sap­put Guutip kif­fai aalajaatsut itsarsuaq inuusimasut. Taak­kunun­nga ilaas­sap­put inuit makititaanis­samik up­perin­nin­ner­tik sak­kor­tooq pis­sutigalugu ’iperar­neqarsin­naagaluar­tik piumasiman­ngitsut’ — naal­liutsin­neqarlutik  toqutaanis­sar­tik pin­ngitsoor­niaan­narlugu Guutimut as­suar­naas­sutsimin­nik iperaasiman­ngitsut. (Epr. 11:35) Taak­kua ilisarisimaler­nis­saata aam­malu pisimasunik Bibelimi naatsun­nguaan­narmik oqalut­tuarineqarsimasunik erseq­qin­nerusumik oqalut­tuar­tut tusar­nis­saata ila pis­sanganas­susis­saa! Taak­kunun­nga ilaas­sap­put Abel, Jehovamut nalunaajaasoq aalajaatsoq siul­leq; Enok aam­ma Noa, Ulersuaq sioq­qul­lugu Guutip mianersoq­qus­sutaanik qunusuil­lutik tusarlius­sisimasut; Abraham, in­ngilinik sas­saal­liisimasoq; Moses, qaq­qami Sinajimi Inatsisinik tunineqarsimasoq; pruf­fiitit qunusuitsut, soorlu Jeremias, 607-imi u.n.a.s. Jerusalemip aseror­neqar­neranik takun­nis­simasoq; aam­ma Johan­nes Kuisisoq, Guutip Jesusimik er­nermisut nalunaarutigin­nin­neranik tusar­naarsimasoq. Aam­mat­taaq ilaas­sap­put kristumiut ilumoor­tut aaq­qis­suus­saanerup maan­nak­kut atuut­tup ul­luini kingul­ler­ni toqusimasut. — Epr. 11:4-38; Mat. 11:11.

12. (a) Toqusut Hadesimiit­tut qanoq amerlatigisut makititaas­sap­pat? (b) Taamaat­tumik kik­kut makititaas­sap­pat, sunalu siuner­taralugu?

¹² Aam­mat­taaq inuit al­lat makititaajumaar­put. Inuiaat iluaqutis­saan­nut ’toqusut-inaata [Hadesip] matuersaataanik’ qanoq an­ner­tutigisumik Jesusip atuinis­saa erser­poq takorruuk­kamit Johan­nesip takorruugaanit, tas­sani takugamiuk Hades ’tatsimut in­nerusumut igitaasoq’. Taman­na qanoq paasisariaqar­pa? Aap, Hades piuneerun­neqas­saaq; imaarluin­nar­neqar­nini pis­sutigalugu peerutis­saaq. Inuit aalajaal­lutik Jehovamik pal­lorfigin­nis­simasut saniatigut Jesusip naak­kin­nil­luni aam­mat­taaq inuit naaper­tuil­luan­ngitsuusimasut Hadesimit, imaluun­niit Sheolimit, uter­tik­kumaar­pai. Taak­kua arlaan­naal­luun­niit toqumut eq­qar­tuuteq­qin­niaan­narlugu makitin­neqas­san­ngilaq. Guutip naalagaaf­fiata naalak­kersuinerani naaper­tuil­luar­tunik avatangiiseqarluni inuit makit­tut ikior­neqas­sap­put Jehovap aq­qutigeq­qusaanut inuunermin­nik naaper­tuut­tun­ngorsaanis­samin­nut. Takorruuisitaanermini tas­sani Johan­nesip takuaa ’map­persak­kat inuunerup pii’ map­per­neqar­tut, inuil­lu makis­simasut periarfis­sin­neqas­sap­put map­persak­kami tas­sani atimik al­lan­neqar­nis­saanut. Tamarmik im­mik­kut ’suliatik naaper­torlugit’ eq­qar­tuun­neqas­sap­put,  tas­sa makin­nermik kingorna suliatik naaper­torlugit. (sarĸ. 20:12-14; ap. sul. 24:15) Iner­niviusut naaper­torlugit makin­nerat tas­saasin­naavoq ’inuunermut’ makin­neq pin­ngitsoor­nanilu tas­saasariaqar­nani „eq­qar­tuun­neqar­nermut“ (NV) pil­lagaas­sal­luni makin­neq. — Juán. 5:28, 29.

13. (a) Kik­kut makititaas­san­ngil­lat? (b) Makititaaf­fis­saq pil­lugu sal­lusuis­sut inuunitsin­nut qanoq sun­niuteqar­tariaqar­pa?

¹³ Kisian­ni toqusimasut tamak­keratik makitin­neqas­sap­put. Ilaat isumak­keerfigineqarsin­naan­ngitsumik ajor­tuliorsimap­put. ’An­nikil­lior­nar­tumi angisuumi,’ maan­na qaneqisumi, toqutaasus­sat naas­saan­ngitsumik piuneerun­neqar­tus­sanut ilaas­sap­put. (Mat. 12:31, 32; 23:33; 24:21, 22; 25:41, 46; 2 Tás. 1:6-9; sarĸ. 7:14) Naak Hadesimiit­tut tamarmik aniguisin­neqar­nerisigut inuit naak­kin­nin­nermik im­mik­korluin­naq it­tumik ersersitsif­figineqaraluar­tut, taamaat­toq maan­nak­kut qanoq inuunitsin­nik suusupagin­nin­nis­satsin­nut makititaaf­fis­sap tun­ngavis­sin­ngilaatigut. Akerlianil­li Guutip ajun­ngis­susianik pisas­sarin­ngisaraluatsin­nik qanoq pingaar­titsitiginitsin­nik ersersitsinis­satsin­nut kajumis­saar­paatigut.

Makititaanissamik neriuummit nakussatsinneqartut

14. Inum­mut, maan­nak­kut inuunermi naggatis­saanut qanil­lisumut, makititaanis­saq qanoq ilil­luni nakus­satsis­sutaangaarsin­naava?

¹⁴ Makititaanis­samik neriuum­mik pigisaqalersimasut tamatuman­nga nakus­satsin­neqangaarsin­naap­put. Inuunermik naggatis­saat qanil­ligaangat naluneq ajor­paat qanorluun­niit nakorsar­neqaraluarunik toqus­sar­tik naas­saan­ngitsumut kinguar­tis­sin­naanagu. (ak. oĸ. 8:8) Aal­lus­sil­luarlutil­li Naalak­kamut suliaqarsimagunik aam­malu taas­suma peqatigiis­sor­tai peqatigalugit ilumoorlutik kif­far­torsimagunik isumal­luangaarlutik siunis­sar­tik qilanaarisin­naavaat. Nalun­ngilaat pif­fis­saq Guutip aalajangersarsimasaa nal­ler­pat inooq­qilerumaarlutik. Inuunerul­lu tamatuma nuan­nis­susis­saa! Apustili Paulusip taman­na taavaa ’inuuneq piviusoq’. — 1 Tim. 6:19; 1 Kor. 15:58; Epr. 6:10-12.

15. Malersuisunit angutaasersunit toqumik sioorasaar­neqarut­ta Jehovamut as­suar­naas­sutsit­ta pigiin­nar­nis­saanut suup ikius­savaatigut?

 ¹⁵ Uagutsin­nik nukit­tuun­ngor­titsisoq tas­saagin­nan­ngilaq makititaaf­fis­saqar­neranik ilisiman­nin­ner­put, aam­mat­taarli tas­saal­luni aaq­qis­suus­sinermik tamatumin­nga Aaq­qis­suus­sisumik ilisarsiner­put. Ilisiman­nin­nit­ta ilisarsinit­talu tamatuma Guutimik ilumoorfigin­nin­nis­satsin­nut nakus­satsip­paatigut, naak malersuisut angutaasersut toqumik sioorasaarisaraluar­tut. Satanip inun­nik inus­siaatitsiniar­nermini toqujaar­nis­samik siooraneq ator­toriuarsimavaa. Jesusil­li siooraneq taman­na nak­kaan­narfigin­ngilaa; toqunis­si tikivil­lugu Jehovamut aalajaat­tuarsimavoq. Toqunermigut angusamigut inuit al­lat siooranermit tamatuman­nga aniguisin­neqar­nis­saan­nut tun­ngavis­siivoq. (Epr. 2:14, 15) Aaq­qis­suus­sinermik tamatumin­nga up­perin­nin­nermik­kut taas­suma ajoqersugai malun­nar­tumik as­suar­naas­sutsimin­nik aalajangius­sisimap­put. Naqisimaneqar­nermin­ni up­per­narsarsimavaat ’tar­nimin­nit’ (NV) Jehova asanerugitsik. (sarĸ. 12:11) Kristumiunut najoq­qutas­sanik sak­kukil­lisitsinermik­kut maan­nak­kut inuuner­tik an­naan­niarsarin­ngilaat, taamaalioraluarunil­lu inuunermik naas­saan­ngitsumik neriugisar­tik an­naagin­nas­sagaluar­paat. (Lúk. 9:24, 25) Taamatut up­persuseqar­pit? Jehova ilumut asal­luin­naruk­ku aam­malu makititaaf­fis­samik neriuutip ilin­nut pingaaruteqas­susia eq­qarsaatigeq­qis­saar­taruk­ku taamatut up­persuseqarsimas­saatit.

Uteqqiineq

● Sooq makititaaf­fis­sap paasin­ngin­nerani tar­nip suunera aam­malu toqungasut qanoq oqaatigisariaqar­nerat paaseq­qaar­tariaqar­pat?

● Kik­kut toqusunit makis­sap­pat? Tamatumin­nga ilisimasaqar­nit­ta qanoq sun­ner­tariaqar­paatigut?

● Makititaanis­samik neriuum­mit qanoq nakus­satsin­neqar­pugut?

[Atuaqqissaarnermi apeqqutit]