Kapiteli 19

Mosesip inatsisai qanoq ilinnut pingaaruteqartut

1. (a) Suk­kut paasineqarsin­naasimava ukioq 36 aal­lar­nerfigalugu Jehovap juutiun­ngitsut kipineqan­ngitsut kristumiutut akuerisimagai? (b) Kisian­nili kristumiut siul­liit ilaasa suna aalajangiusimal­luin­nar­paat?

APUSTILI Paulusip nalaani apeq­qut as­sor­tuus­sutaaqi-  soq tas­saavoq kristumiut juutiun­ngitsut Mosesip inatsisaanik pin­ngitsooratik maleruaasus­saanersut. Ukiumi 36-mi anersaaq iluar­toq juutiun­ngitsunut kipineqan­ngitsunut kuineqarsimavoq, kisian­nili kristumiut ilaat juutisut tunuliaqutaqar­tut isumaqavis­simap­put ajoqersuk­kat juutiun­ngitsut kipineqar­tariaqar­tut Mosesil­lu inatsisaanik maleruaanis­sar­tik ilin­niar­tariaqaraat. Inatsisinik tamak­kunin­nga, im­maqaluun­niit ilaan­naan­nik, maleruaanis­saat pisariaqarsimava? Ukiup 49-p mis­saani apeq­qut taman­na siulersuisoqatigiin­nit Jerusalemimiit­tunit suliarineqar­poq. — ap. sul. 10:44-48; 15:1, 2, 5.

2. Apeq­qut akerleriis­sutaasoq taman­na sooq uagutsin­nut soqutiginar­pa?

² Taamani aalajangigaq uagutsin­nut soqutiginar­torujus­suuvoq. Sooq? Inun­nik Mosesip inatsisaasa ilaan­nik, soorlu sapaatisior­nis­samik inas­sutip, kristumiunit maleruar­neqar­tariaqar­neraasunik naapitsisar­ner­put pis­sutigiin­nar­nagu, aam­mat­taarli Bibelimi nam­minermi oqaatigineqarmat ’inatsisit il­ler­nar­tuusut, inas­sul­lu il­ler­narlunilu iluarlunilu [naaper­tuil­luarlunilu] ajun­ngitsuusoq’. (Rûm. 7:12) Inatsisit tun­ngavigalugit angerutsimut Mosesip akun­nermiliut­tuunera pis­sutigalugu naak inatsisit tamak­ku katitik­kat Mosesip inatsisaanik taaneqar­taraluar­tut taamaat­toq Jehova Guutimit nam­minermeersuup­put. — 2 Môrs. 24:3, 8.

Inatsisitigut suna siunertaava?

3. Sooq Mosesip inatsisai Israelik­kun­nut tun­niun­neqarsimap­pat?

³ Sooq Jehovap inatsisinik katitik­kanik Israelik­kun­nut  tun­nius­sisimaneranik paasin­nis­simaner­put ul­lumik­kut inatsisinik tamak­kunin­nga qanoq isigin­nin­nitsin­nut aalajangiisuuvoq. Bibelimi ima nas­suiar­neqar­poq: ’[Abrahamimik angerutsimut] ilan­ngus­saap­put uniuinerit pil­lugit [ilisimaneqalersik­kumal­lugit, NV], kinguaas­saq un­nersuutitigut pineqar­toq tikiutserlugu. Taamaat­tumik inatsisit Kristusimut perorsaasigaavut up­per­nik­kut iluar­tuutin­neqaq­qul­luta.’ (Gal. 3:19, 24) Taman­na Mosesip inatsisaanit qanoq ilil­luni naam­mas­sineqarsimava?

4. (a) Qanoq ilil­luni Inatsisit ’uniuinerit ilisimaneqalersip­paat’? (b) Qanorlu ilil­luni up­per­tut Kristusimut siulersor­paat?

⁴ Inuunermut iliuutsinul­lu as­sigiin­ngitsunut naam­mal­luin­nar­tumik najoq­qutas­siinermik­kut Mosesip inatsisaasa juutit ajor­tiliunerat ersersip­paat. Tas­sami nalunarun­naarsin­neqar­poq qanorluun­niit ajun­ngitsigisumik siuner­taqarlutik eqiasuil­lutil­lu ilungersoraluarunik inatsisini piumasarineqar­tut naam­mas­sisin­naan­ngik­kaat. Juutit inuian­nut tamanut as­sersuutitut atorlugit silarsuarmiut tamarmik, aap tamarluin­nat­ta, Guutimit pil­lar­neqar­tariaqar­tutut ajor­tiliuner­put Mosesip inatsisaanit qulaar­neqar­poq. (Rûm. 3:19, 20) Taamaalil­lutik erseq­qis­sar­paat inuiaat an­naas­sisumik pisariaqar­titsisuusut, aam­malu inuit up­per­tut Jesus Kristusip taamatut an­naas­sisus­saaneranik up­perin­nin­nis­saan­nut siulersor­paat. Qanoq ilil­lutik? Taas­suma inut­tut ajor­teqan­ngitsutuatut toq­qar­neratigut, taan­na Mosesip inatsisaanik naam­mal­luin­nar­tumik maleruaasimasutuaam­mat. Inatsisit tun­ngavigalugit angerutsip atuun­nerata nalaani uumasunik pil­liutit taamaal­laat kil­lilim­mik naleqarsimap­put, Jesusil­li inut­tut naam­mal­luin­nar­tutut inuunini pil­liutitut ajor­timik peerutitsil­luin­nar­tus­satut up­per­tunul­lu tamanut naas­saan­ngitsumik inuunermut am­maas­sisus­satut tun­nius­sin­naasimavaa. — Juán. 1:29; 3:16; 1 Pîtr. 1:18, 19.

5. Al­las­simaf­fiit ilan­ngun­neqarsimasut tun­ngavigalugit apeq­qutit im­mik­koor­tumi matumaniit­tut akik­kit.

⁵ Taman­na tunuliaqutaralugu apeq­qutit matuma kingulianiit­tut qanoq akiumas­savigit?

Mosesip inatsisaasa inun­nit tamanit pin­ngitsoorani maleruagas­saanis­saat siuner­tarineqarsimava? (Tuss. 147:19, 20; 2 Môrs. 31:12, 13)

 Jehovap Israelik­kun­nut taatsiarsimavaa inatsisit tun­ngavigalugit angeruseq taamaatik­kumaar­toq? (Jer. 31:31-33; Epr. 8:13)

Inatsisit ator­tus­saajun­naarsin­neqar­nerisa kingor­na inatsisit qulit, ilaatigut sapaatisior­tar­nis­samik inas­sut, atuutiin­nar­pat? (Kul. 2:13, 14, 16; 2 Kor. 3:7-11 [Môrsasip agdlagaisa áipait 34:28-30-mi ersarin­nerusumik eq­qar­tor­neqar­toq]; Rûm. 7:6, 7)

Qanoq ilil­luni Jehovap inatsisit tun­ngavigalugit angeruseq atorun­naarsip­paa? (Kul. 2:13-17; Mat. 5:17, 18; Rûm. 10:4)

6. Mosesip inatsisaanik suli ator­tus­saaneraasut eq­qor­tumik qanoq oqaatigisariaqar­pat?

⁶ Paasisat tamak­ku tun­ngavigalugit eq­qor­tumik oqaatigis­sagaan­ni Mosesip inatsisaanik suli ator­tus­saaneraasut qanoq ilior­pat? Eq­qor­tumik oqaatigis­sagaan­ni taamaalior­nermik­kut Jesus Kristusimut up­per­nermik miserratigin­nip­put. Qanoq ilil­lutik? Aap, taamaan­neraanermik­kut Mosesip inatsisaanik Jesusip naam­mas­sin­nis­simanera taamaalil­lunilu inatsisinik tamak­kunin­nga Guutip taamaatitsisin­naanis­saanut aq­qutis­siuisimanera akueriuman­ngilaat. Kristumiutut im­min­nut naatsorsuutigisut Mosesil­li inatsisaanik imaluun­niit tamak­kua ilaan­nik maleruar­neqar­tariaqar­neraanermit sun­ner­tis­simasut apustili Paulusip sak­kor­tuumik ima al­laf­figai: ’Kristus ilagis­saar­parsi, inatsisitigut iluar­tun­ngorumasusi; saam­maan­neq [taas­suma saam­maan­nera, NV] at­tavigiun­naar­parsi.’ — Gal. 5:4; aam­ma takuuk Rûmamiunut agdlagkat 10:2-4.

7. (a) Mosesip inatsisaasa ilaan­nik aalajangersimasunik suli ator­tus­saaneraasunit suna paasil­luar­neqarsiman­ngila? (b) Kristumiutut suliaqar­nis­saq qanoq pingaaruteqar­tigaa, aam­malu suliat taamaat­tut inuunerul­lu naas­saan­ngitsup tunis­sutaanik angusineq qanoq im­min­nut at­tuumas­suteqar­pat?

⁷ Mosesip inatsisaasa ilaan­nik aalajangersimasunik suli ator­tus­saaneraasut paasil­luarsiman­ngilaat Guutimi naaper­tuil­luar­tumik inis­sisimaf­feqaler­neq inatsisit malil­lugit suliaqar­nik­kut pin­nani Jesusil­li pil­liutaata nalinganut up­per­nik­kut pisarmat. (Gal. 3:11, 12) Isumaqar­put tamak­kunin­nga suliaqar­nermik­kut naaper­tuil­luar­tuuner­tik up­per­narsarsin­naagitsik — mas­sa taman­na inun­nut ajor­tilin­nut ajor­narluin­nar­toq. Soorunami inas­sutinut Guutip Kristusil­lu kristumiunut inas­sutigisaan­nut naalal­luta suliaqar­nis­sar­put pingaaruteqar­poq. (Jâk. 2:15-17; Mat. 28:19, 20) Taamaalior­nitsigut  asan­nin­ner­put up­per­ner­pul­lu ersersit­tar­par­put, tamak­kunin­ngalu suliaqan­ngik­kut­ta nalunas­san­ngilaq up­per­ner­put toqungasuusoq. Qanorluun­niil­li suleruloor­tigigaluarut­ta qaquguluun­niit an­naan­neqar­nis­sap nalinganik suliaqar­sin­naanavian­ngilagut. Jesus Kristusip pil­liutaa kisimi ajor­timit toqumil­lu aniguisitsisin­naavoq. Taamaalil­luni inuuneq naas­saan­ngitsoq Jesus Kristus aq­qutigalugu Guutimit tunissutaavoq ajun­ngis­sutsimut, imaluun­niit saam­maan­nermut pisas­sarin­ngisaraluatsin­nut im­mik­korluin­naq it­tumut, ersiutaal­luni tas­saananilu suliatsin­nut akis­sarsiar­put. — Evf. 2:8, 9; Rûm. 3:23, 24; 6:23.

8. Kristumiut juutiun­ngitsut Mosesip inatsisaanik maleruaanis­saat maleruaan­ngin­nis­saal­luun­niit pil­lugu ukiuni hundredelin­ni siul­ler­ni siulersuisoqatigiit qanoq aalajangiip­pat?

⁸ Kristumiut juutiun­ngitsut Mosesip inatsisaanik maleruaanis­saan­nik imaluun­niit maleruaan­ngin­nis­saan­nik akerleriis­sut siulersuisoqatigiit Jerusalemimiit­tut ukiuni hundredelin­ni siul­ler­ni suliarigamik­ku aalajangiinerat pis­sutsinut piviusunut matuma siuliani taaguk­katsin­nut naaper­tuut­tuusimavoq. Ilaasor­taasut isumaqatigiil­lutik akueraat up­per­tut juutiun­ngitsut anersaamik iluar­tumik kuineqar­nis­sar­tik sioq­qul­lugu pin­ngitsooratik Mosesip inatsisaanut naalal­lutik suliaqar­nis­saat Jehovap piumasarisiman­ngik­kaa. Ilumoor­poq aalajangiinermi tamatumani iner­teq­qutit inatsisinut tamak­kunun­nga naaper­tuut­tut ’pisariaqar­tutut’ aalajangersar­neqarmata, Bibelimili oqalut­tuarineqar­tunik, Mosesip inatsisaasa tun­niun­neqar­nerat sioqqullugu pisimasunik, tun­ngaveqar­tuul­lutik. Tas­sa kristumiut juutiun­ngitsut Mosesip inatsisaanik tamanik imaluun­niit ilaan­naan­nik maleruaanis­saat siulersuisoqatigiit peq­qus­sutigin­ngilaat, najoq­qutas­sanil­li Mosesip sior­nagut akuerisaasimasunik up­per­narsaal­lutik. — ap. sul. 15:28, 29; naleq­qiutik­kit Môrsasip agdlagai sujugdlît 9:3, 4; 34:2-7; 35:2-5.

9. (a) Juutit Mosesip inatsisaanik maleruaanis­saat Guutip suli piumasaraa? (b) Kristusip qisum­mut kikiat­tor­neqarluni toquneragut taak­ku sumik im­mik­kut it­tumik aaq­qis­suus­sif­figineqar­pat?

⁹ Ukiumi 33-mi ul­lup piinsip kingor­nagut Mosesip inatsisaasa al­laat juutinit nam­minermit maleruar­neqar­nis­saat Guutip piumasariun­naar­paa. Juutil­lu up­per­nermin­nik ersersitsisut tamatuma im­mik­kut it­tumik nuan­naarutis­saanera paasivaat.  Sooq? Aap, naak juutiun­ngitsut aam­mat­taaq ajor­tiliugaluar­tut taamaat­tumil­lu toqup pis­saaneranit qulangersimaneqaraluar­tut, taamaat­toq juutit kisimik, inatsisit tun­ngavigalugit angerutsimik unioq­qutitsisimaner­tik pis­sutigalugu, Guutip perloq­qusineranit qulanger­neqarsimap­put. Pinerlut­tutut perloq­qusaasutut qisum­mut kikiat­tor­neqarluni toqun­neqar­nermigut Kristus juutit im­minut up­perumasut sin­nerlugit toquvoq, Mosesil­lu inatsisaanut naalan­ngin­nermik­kut pil­lagas­saanerigaluan­nit aniguisil­lugit. (Gal. 3:10-13) Taamaalil­luni Mosesip inatsisaasigut angusin­naan­ngisaan­nagaraluan­nik isumak­keerfigineqar­nis­samut aq­qutis­siuup­pai. — ap. sul. 13:38, 39.

10. Mosesip inatsisaasa atorun­naarsin­neqar­neratigut ataasius­suseqarluni pal­lorfigin­nin­nis­saq qanoq ilil­luni periarfis­sin­neqar­pa?

¹⁰ Eq­qor­tumik oqaatigis­sagaan­ni Mosesip inatsisai juutit juutiun­ngitsul­lu akor­nan­ni as­siaqutaasimap­put. Piumasarisat juutiun­ngitsunut piumasarisaan­ngitsut juutit naam­mas­sisariaqarsimavaat, aam­malu juutiun­ngitsut kipineqan­ngitsut juutit naligalugit Guutimik pal­lorfigin­nin­nis­samin­nit avis­saaq­qasimap­put. (Naleq­qiutik­kit Môrsasip agdlagaisa áipait 12:48; apustilit suliáinik agdlagkat 10:28.) Mosesil­li inatsisaasigut siuner­taasoq naam­mas­sineqareermat inatsisil­lu peer­neqareerlutik, juutit juutiun­ngitsul­lu kipineqan­ngitsut Kristus aq­qutigalugu Guutimik ilumoor­tutuamik pal­lorfigin­nin­nermi ataasius­suseqarsin­naaler­put. — Evf. 2:11-18.

Inatsisinik ilisimanninneq iluaqutigaarput

11. Mosesip inatsisaanik ilisiman­nin­ner­put qanoq ilil­luni Jesusip ajoqersuutaanik paasin­nin­nerulersitseqataava?

¹¹ Naak ul­lumik­kut Mosesip inatsisaanik maleruaasus­saatitaan­ngik­kaluarluta tamak­kunin­nga ilisiman­nin­neq tamat­ta im­mik­kut iluaqutigis­savar­put. Sooq? Aap, eq­qaamajuk Jesus juutiusumik anaanaqarmat taamaalil­lunilu Mosesip inatsisaanik maleruaasus­saasimal­luni. Inatsisit tamak­kua piumasaqaataan­nik ilisiman­nin­neq tun­ngavigalugu aatsaat taas­suma iliuuserisimasaasa ilaat paasil­luin­nar­neqarsin­naap­put. (Gal. 4:4; takuuk Lúkarse 22:7, 8.) Aam­mat­taaq inuit inatsisinik tamak­kunin­nga maleruaasus­saatitaasut akor­nan­ni nunami kif­far­tor­nini ingerlas­simavaa. Taamaat­tumik pis­sutsit  Mosesip inatsisaanut atas­suteqar­tut ajoqersuutaasa tun­ngavigigajut­tar­paat. — Naleq­qiuguk Matîuse 5:23, 24.

12. (a) Nam­mineq inuunermi Mosesil­lu inatsisaasa im­min­nut atas­suteqar­nerat suna Jesusip tik­kuar­paa? (b) Mosesip inatsisaanik ilisiman­nin­nerup naleqas­susia qanoq ilil­luni apustili Paulusip tik­kuar­paa? (c) Mosesip inatsisaani piumasaqaatigineqar­tut anersaak­kut pingaaruteqar­neran­nik paasin­nin­ner­put qanoq ilil­luta iluanaarutigisin­naavar­put?

¹² Makititaanermi kingor­na Jesusip ajoqersuk­kani eq­qaasip­pai Mosesip inatsisaani, pruf­fiitit al­lagaan­ni Tus­siaatinilu al­las­simasut im­minut tun­ngasut inut­tut inuunermini naam­mas­sisimal­lugit. (Lúk. 24:44) Kingor­na apustili Paulusip inatsisit tun­ngavigalugit angerutsimut at­tuumas­suteqar­tut ilaat ’as­siliaasutut qilaap piisa tarraasut’ eq­qar­tor­pai, oqarlunilu ’inatsisit ajun­ngitsuutit nal­liut­tus­sat tarraan­naan­nik peqar­tut’. (Epr. 8:4, 5; 10:1) Mosesip inatsisaani an­nikitsualun­nik tupin­nar­tunik siulit­tuuteqar­poq Jesus Kristusip palasitut kif­far­tor­neragut aam­malu pil­liutaagut eq­quut­tunik. Tamak­ku paasigutsigik Jesusip kif­far­tuutaanik pingaar­titsiner­put an­ner­tusisin­naavoq. Najoq­qutas­sat siulit­tuutaasut akor­nan­ni aam­mat­taaq an­nikitsualoqar­poq aaq­qis­suus­saanermut, ul­lumik­kut Jehovap iluarisaanik anersaak­kut naalaf­fis­suani taas­sumin­nga pal­lorfigin­nin­nitsin­ni malit­tarisatsin­nut, tik­kuar­tuus­sisunik. An­nikitsualun­nut tamak­kunun­nga tun­ngasunik paasisaqar­nerujar­tor­til­luta aam­mat­taaq ilagiin­nik anersaak­kut-tanitaasunik taak­kualu Jesus Kristusimit siulersor­neqarlutik pal­lorfigin­nin­nitsin­nut atatil­lugu sulineran­nik pingaar­titsiner­put al­liar­tus­saaq.

13. Najoq­qutas­sianik pitsaasunik Mosesip inatsisaasa tun­ngavigisaan­nik eq­qarsaatigin­neq­qis­saar­neq sooq iluaqutaava?

¹³ Mosesip inatsisai Al­lak­kanut ’Guutip sun­niineratigut isumas­sarsiarititaal­lutil­lu iluaqutaal­lutik ajoqersuutaal­lutil­lu iner­teq­qutaal­lutil­lu iluarsiar­tuutaasunut’ ilaap­put. (2 Tim. 3:16, NV) Najoq­qutas­sanik naas­saan­ngitsumik ator­tus­saasunik Mosesip inatsisaasa tun­ngavigisaan­nik paasiniaal­lutalu eq­qarsaatigin­neq­qis­saarut­ta Guutip iluarisaanik ilior­nis­satsin­nik qamuuna kis­saatigin­niler­nis­satsin­nut ilasaataasin­naavoq. Aap, Mosesip inatsisaasa anersaavat paasigutsigu anersaarlu taman­na inuunitsin­ni ersersik­kutsigu ilumut iluaqutigis­saqaar­put!

14. (a) Mosesip inatsisaasa piumasaqaataasa anersaavan­nik paasin­nin­nerup naleqas­susia qanoq ilil­luni Jesusip erseq­qis­sar­paa? (b) Najoq­qutas­sat pitsaasut Mosesip inatsisaaniit­tut qup­per­nermilu 152-imi al­lat­tor­neqarsimasut ilaan­nik erseq­qis­saagit. (c) Suli an­ner­tunerusumik Guutip iluarisaanik ilior­nis­satsin­nut tamak­kunin­nga paasisimasaqar­ner­put qanoq ilil­luta iluaqutigisin­naavar­put?

 ¹⁴ Qaq­qami oqaluutsimini Jesus tamatumun­nga tun­ngasunik pitsaasunik as­sersuusior­poq. Inun­nut taamanik­kut Mosesip inatsisaanik maleruaasus­saasunut oqalul­luni ersersip­paa toqutsinaveersaar­nerin­naq naam­man­ngitsoq, aam­mat­taarli kamas­saris­suujuaan­nar­neq taamaatit­tariaqar­toq qatan­ngutinil­lu nikas­saal­luni oq­qamik atuinaveersaar­tariaqar­toq. Al­lasior­naveersaagin­naratik aam­mat­taarli ar­nap al­lap pileritsaal­lugu nak­kun­nis­saa pin­ngitsoor­tariaqar­paat. Taamatut­taaq uagut ilungersuutigisariaqar­par­put avatitsin­nik tamanik Jehovap najoq­qutas­siaanut naaper­tuil­luar­tunut naaper­tuut­tumik atuinis­sar­put. (Mat. 5:21, 22, 27-30; aam­ma takuuk Rûmamiunut agdlagkat 13:8-10.) Taamaaliorut­ta ersersis­savar­put aam­mat­taaq Mosesip inatsisaasa inas­sutaasa an­nersaata pingaaruteqas­susia paasisimal­lutigu: ’Jehova Guutit asas­savat uum­matik­kut iluun­ngarlutit tar­nik­kul­lu iluun­ngarlutit isumak­kul­lu iluun­ngarlutit.’ (Mat. 22:36, 37) Taman­na maleruarutsigu Jehova Guutimut qanil­lis­sutigil­luin­nas­savar­put. Mosesip inatsisaanik maleruaasus­saan­ngik­kaluarluta najoq­qutas­sanik tamak­kua tun­ngavigisaan­nik siulit­tuutinil­lu najoq­qutas­saasunik tamak­kua imarisaan­nik ilisiman­nin­ner­put iluaqutigingaas­savar­put.

Uteqqiineq

● Qanoq ilil­luni oqar­toqarsin­naava Mosesip inatsisaanik naalan­neqar­tus­saaneraasut eq­qor­tumik oqaatigis­sagaan­ni Kristusimik tunuar­titsisuusut?

● Jehovap siuner­tarisaani Jesusip inis­sisimaneranik paasin­nin­nis­satsin­nut Mosesip inatsisaanik ilisiman­nin­ner­put qanoq ilil­luta iluaqutigis­savar­put?

● Mosesip inatsisaanik maleruaasus­saan­ngik­kaluarluta tamak­kunin­nga paasiniaaner­put sumik ilin­niutigis­savar­put?

[Atuaqqissaarnermi apeqqutit]

 [Qupp. 152-mi ungalusaq]

Mosesip inatsisaani najoqqutassat tunngaviusut ilaat

Guutimut pisussaaffitit

Jehova kisiat pal­lorfigiuk 2 Môrs. 20:3; 22:20

Aq­qanut ataq­qin­nin­nermik 2 Môrs. 20:7;

ersersitsigit 3 Môrs. 24:16

Uum­matik­kut iluun­ngarlutit, 5 Môrs. 6:5; 10:12; 30:16

tar­nik­kut iluun­ngarlutit nukin­nil­lu

tamanik asajuk kif­far­tuul­lugulu

Inatsisaanik unioq­qutitsinis­sat 5 Môrs. 5:29; 6:24

mianeriuk; taan­na ataq­qin­nit­tumik

mianeriuk

Taamaal­laat iluarisaanik 3 Môrs. 1:1-5;

saaf­figisaruk 4 Môrs. 16:1-50; 5 Môrs. 12:5-14

Pigisavit pitsaaner­paar­taan­nik 2 Môrs. 23:19; 34:26

tuniuk; taak­ku taas­suman­nga

pisimavatit

Pal­lorfigin­nin­nermi timik­kut 2 Môrs. 19:10, 11; 30:20

minguitsuunis­saq pisariaqar­poq

Soqutigisat iluar­tut silamiutut 2 Môrs. 20:8-10; 34:21;

anguniak­kanit 4 Môrs. 15:32-36

pingaar­tin­nerusariaqar­put

Upperisarsiornikkut iliuutsit inerteqqutaasut

Guutipilus­sior­neq 2 Môrs. 20:4-6; 5 Môrs. 7:25

Al­lamik up­perisalin­nik 2 Môrs. 23:13; 34:12-15;

peqateqar­neq 5 Môrs. 6:14, 15; 13:1-5

Anersaarsior­neq, 2 Môrs. 22:18; 3 Môrs. 20:27;

angak­kuar­niar­neq, 5 Môrs. 18:10-12

siulit­tuiniar­neq, ilisiin­neq,

siumut ilisimatitsiniar­neq, serraneq

Aappariinneq ilaqutariittullu inuuneq

Al­lasior­nermik iner­teq­qut 2 Môrs. 20:14; 3 Môrs. 20:10

Jehovamut kif­far­tun­ngitsumik 5 Môrs. 7:1-4

aap­paneqinak

Qitor­nariit qatan­ngutigiil­luun­niit 3 Môrs. 18:6-16; 20:11

atoqatigiin­neran­nik iner­teq­qut

Kinguaas­siuutitigut iliuutsit 3 Môrs. 18:23; 20:13

kan­ngunar­tut ingalak­kit

Meeq­qap inun­ngorsiman­ngitsup 2 Môrs. 21:22, 23, NV

inuunera ataq­qiuk

Angajoq­qaatit ataq­qik­kit 2 Môrs. 20:12; 21:15, 17;

5 Môrs. 21:18-21

Jehovap aq­qutigeq­qusaanik 5 Môrs. 6:4-9; 11:18-21

meeq­qatit ajoqersuk­kit

Inunnut allanut pisussaaffitit

Inuup inuunera il­ler­nar­tutut 2 Môrs. 20:13;

isigiuk 4 Môrs. 35:9-34

Tul­lit asas­savat; 3 Môrs. 19:17, 18, NV

put­tarsisaqaqinak

Utoq­qaat isumas­suk­kit 3 Môrs. 19:32

Akis­saatikitsunik, uil­lar­ner­nik 3 Môrs. 25:35-37;

iliarsun­nil­lu isumas­suisuugit 5 Môrs. 15:7-11; 24:19-21

Tusilar­tut tap­piitsul­lu 3 Môrs. 19:14; 5 Môrs. 27:18

ajor­tumik iliorfigineqas­san­ngil­lat

Niuer­nermut tun­ngasutigut 3 Môrs. 19:35, 36; 25:14

un­neq­qaris­suugit

Pigin­nit­tus­saas­suseq ataq­qiuk 2 Môrs. 20:15; 22:1, 6; 23:4;

5 Môrs. 22:1-3

Al­lat pigisaan­nik pilerituujoqinak 2 Môrs. 20:17

Ingasat­tumik ajor­tulior­tut 3 Môrs. 5:1; 5 Môrs. 13:6-11

iser­tuun­neqas­san­ngil­lat

Peq­qusersuitsuugit; sal­lusumik 2 Môrs. 20:16; 23:1, 2

nalunaajaas­san­ngilatit

Nakerisarsior­tuus­san­ngilatit 2 Môrs. 23:3, 6; 3 Môrs. 19:15