Naalagaaffik ’aserujuitsoq’
Kapiteli 10
Naalagaaffik ’aserujuitsoq’
1, 2. (a) Silarsuarmi pisut ullut tamaasa suna erseqqissartuarpaat, qanorlu ilillutik? (b) Suna aaqqiissutissatuaava?
SILARSUARMI tamarmi pisut ullut tamaasa erseqqis- sartarpaat Jehovap kisimi oqartussaaneranik suusupaginninnermikkut imminnullu aqunniaraluarnerminni inuit pilluarneq nanisimanngikkaat. Inuit naalakkersueriaasiisa arlaannaataluunniit inuit naligiissumik iluaqusersinnaasimanngilaat. Naak ilisimatuussutsikkut siuariartoqarsimagaluaqisoq ajorti, nappaatit toqulu peerneqarsinnaasimanngillat, inummut ataasiinnarmulluunniit naamik. Akerlianilli inuiaat sakkussiarsuarnik nutaalianik amiilaarnarnerujartuinnartunillu sanaartortuarsinnarput. Angutaaserneq pinerluttuliornerlu annertusiartuinnarput. Ilisimatusaatit najoqqutaralugit atortussiorneq, ilisimaatsussutsimik aningaaseritussutsimillu ilaqartoq, nunarsuarmik, imermik silaannarmillu mingutsitsivoq. Suliffissaaleqinerup annertusiartuinnartup aningaasallu naleerukkiartupiloornersuata inuunermi pisariaqartunik pissarsiniarneq inuppassuarnut ajornakusoornartunngortissimavaat. Inuit neriuutaarullutik aniguiffissarsiorput. — ak. oĸ. 8:9.
2 Suna tamakkuninnga aaqqiisinnaava? Guutip naalagaaffia, Jesusip ajoqersukkaminut qinnutigisaqqullugu ilinniartitsissutigisimasaa. (Mat. 6:9, 10) Qujamasuutigisinnaavarput aniguisitaaneq Naalagaaffiup nassatariumaagassaa maanna qanittuararsuummat.
3. (a) Naalagaaffimmut tamatumunnga atatillugu 1914-imi qilammi sumik pisoqarpa? (b) Sooq tamanna uagutsinnut taama pingaaruteqartigaa?
3 Guutip naalagaaffia Jesus Kristusikkoortoq 1914-imiilli naalakkersuilerpoq. Danielip siulittuutikkut takorroorsimasaani pisimasut ukiumi tassani pipput. ’Ullut utoqqaasuata’, Jehova Guutip, Inuup Ernera, Jesus Kristus, ’naalagaassusermik naalannassusermillu naalagaaffimmillu tunivaa, Dân. 7:13, 14) Naalagaaffik, imaluunniit naalakkersuineq, tamanna ikiortigalugu ajunngitsorsiassarpassuit, siuaasavut siulliit Paratiisimut inissikkamigit inunnut pissamaartitarisimasani, Guutip inunnut naapertuilluassutsimik nuannarisaqartunut pineqarsinnaatilissavai.
inuiaqatigiit tamarmik akimanngitsullu immikkullu oqaasillit’ kiffartuutissammassuk. Takorruukkaminik oqaluttuarinninnermini Daniel ima allappoq: ’Naalagaassusia soraarnavianngilaq aserfallassananilu, naalagaaffialu aserujuippoq.’ (4. Naalagaaffimmut tunngasut suut soqutigingaarpavut — sooq?
4 Naalakkersuinerup tamatuma qanoq aaqqissugaanera qanorlu sulinera naalagaaffiup innuttaasa ilumoortut soqutigilluinnarpaat. Paaserusuppaat maannakkut sunik suliaqarnersoq, siunissami sunik suliaqarumaarnersoq, aammalu sunik imminnut piumasaqarnersoq. Tamanna misissoqqissaarpaat, taamaalillutillu Naalagaaffimmik pingaartitsinerulerput tamatuminngalu inunnut allanut oqaluttuarinnilluarsinnaanerulerlutik. — Tuss. 48:14, 15.
Misissuineq uummammik attuisoq
5. (a) Bibelimi qanoq ililluni ersersinneqarpa naalagaaffik Messiasikkoortoq Jehovap qilammi nunamilu oqartussaanerata ersernerigaa? (b) Taamaattumik Naalagaaffik pillugu ilikkakkatta qanoq sunnerpaatigut?
5 Taamatut misissuinermi paasisaq siulleq tassaasarpoq naalagaaffik Messiasikkoortoq tassaasoq Jehovap qilammi nunamilu kisimi oqartussaassusianut ersiutaasoq. Taanna tassaavoq ernerminik ’naalagaassusermik naalannassusermillu naalagaaffimmillu’ tunisisoq. Naalagaaffiup naalakkersuilereernerata kingorna qilammi nipituumik suaarutiginninnerit eqqorluartumik ima nalunaartut tutsiupput: ’Silamiut naalagaaffiat Naalakkatta [Jehova Guutip] tanitaatalu [Kristusip] pigilerpaat, taannalu [Jehova] kunngiussaaq naassaanngilluinnartumik.’ (sarĸ. 11:15) Taamaattumik naalagaaffimmut tamatumunnga tunngasunik tamatumalu naammassisaanik takunninnitta Jehovamut qaninnerulersippaatigut. Kisimi oqartussaassusianut naassaanngitsumik naalattaanissatsinnut tamatuma kissaateqalersippaatigut.
6. Sooq nuannaarutigisinnaavarput Jehova sinnerlugu Jesus Kristus naalakkersuimmat?
úss. 8:30, 31; Kul. 1:15-17) Aap, inunnut ima asannissimatigaaq allaat nammineq nunarsuarmut pisimalluni taakkulu utertinneqaatissaattut inuunini tunniussimallugu. Taamaalilluni ajortimit toqumillu aniguisinnaanissatsinnut tunngavissiuuppaatigut, naassaanngitsumillu inuunissamik periarfissilluta. — Mat. 20:28.
6 Nuannaarutigisinnaavarput Jehovap Jesus Kristus nammineq sinnerluni naalakkersuisussatut issiavissaarsuarmut ingitissimammagu! Guutip nunamik inummillu pinngortitsinermini Jesus „sulisut naalagaat“tut (NV) atorpaa; taamaattumik suut pisariaqartinnerivut taassuma uagutsinnit nalunnginneruaa. Aammattaaq inuit pinngortinneqarmatali ersersittuarsimavaa ’inuit qitornaat nuannaarfigalugit’. (7. (a) Nunarsuarmi naalakkersuinerit assiginagit sooq Guutip naalagaaffia soraajuitsumik naalakkersuinerua? (b) Qilammi naalakkersuinermut tamatumunnga ’inussiaq aalajaallunilu silatooq’ qanoq ittumik attaveqarpa?
7 Guutip naalagaaffia aalajaatsuuvoq soraajuitsuullunilu. Jehova toqusuitsuummat naalagaaffiup ataannarnissaa qularutissaanngilaq. (Hâb. 1:12 NV; Tuss. 146:3-5, 10) Kunngit nunarsuarmiut assiginagit Jesus Kristus, Guutip kunngiusussanngortitaa, aammattaaq toqusuitsuuvoq. (Rûm. 6:9; 1 Tim. 6:15, 16) Issiavissaarsuarni qilammiittuni Guutip kiffai aalajaatsut 144.000-inik amerlassusillit, ’immikkut naggueqatigiissunit immikkullu oqaasilinnit immikkullu inuiaasunit inuiaqatigiinnillu tamanit’ pisut taamaalillutillu toqusuissuseqalersussat, Kristusip naalakkersueqatigissavai. (sarĸ. 5:9, 10; 1 Kor. 15:42-44, 53) Taakkua ilarpassui maanna qilammiilereerput, sinneruttullu suli nunamiittut tassaapput ’inussiaq aalajaallunilu silatooq’ katersaasoq, naalagaaffiup tamatuma maani soqutigisaanik ilumoorlutik siuarsaasuusut. — Mat. 24:45-47, NV.
8, 9. (a) Sunniinerit avissaartuutsitsisut ajortunngortitsisullu suut Naalagaaffiup piissavai? (b) Taamaattumik Guutip naalagaaffianut akeraajumanngikkutta peqatigiiffiit suliniaqatigiiffiillu suut akuleruffiginaveersaartariaqarpavut?
8 Piffissami Jehovap aalajangersarsimasaani, maanna qaneqisumi, 2 Tás. 1:6-9) Tamanna tassaassaaq Jehovap ullua, ulloq erinigisaaqisoq qilammi nunamilu kisimi oqartussaassutsiminik malunnarsisitsivissaa.
eqqartuussummik naammassinnitsitassai sassassapput nunarsuaq salikkiartorlugu. Inuit nammineq piumasaminnik Guutimik ilisarsisimanatillu taassuma kisimi oqartussaassusianik akuersisimanatillu Jesus Kristus aqqutigalugu Guutip asannittumik aaqqissuussaanik suusupaginnittut taakkunannga naassaanngitsumik suujunnaarsinneqassapput. (9 Eqqunngitsumik upperisarsiorneq tamarmi, taamatuttaaq nunarsuarmi naalakkersuisut sakkutuuilu tamarmik, silarsuup matuma naalagaanit takussaanngitsumit ajortumillu aaqqissuunneqarsimasut, naassaanngitsumik piuneerunneqassapput. Namminissarsiortumik, unneqqaserluttumik imaluunniit kanngunartumik inooriaaseqarnermikkut silarsuarmik matuminnga ataasioqatiginnittut tamarmik toqunneqarlutik peerneqassapput. Ukiuni tuusintini Satan inngilipiluilu nunarsuup inuinut attaveerutsinneqarluinnaqqassapput. Naapertuilluassutsimik nuannarisaqartunut tamanut ila tamatuma eqqissiallannassusissaa! — sarĸ. 18:21, 24; 19:11-16, 19-21; 20:1, 2.
Naalagaaffiup siunertaa qanoq anguneqassasoq
10. (a) Naalagaaffiup Messiasikkoortup qanoq ililluni Jehovap nunarsuarmik siunertarisaa naammassissavaa? (b) Inunnut taamanikkussamut nunarsuarmi najugaqartussanut tamanna qanoq kinguneqassava?
10 Naalagaaffiup Messiasikkoortup tamatuma Guutip nunarsuarmik siunertarisavia tamakkiisumik naammassissavaa. (1 Môrs. 2:8, 9, 15; 1:28) Siunertaq tamanna ulloq manna tikillugu inunnit anguneqarsinnaasimanngilaq. Nunarsuarli ’inuit najugaat piumaartussaq’ Inuup Erneranit, Jesus Kristusimit, naalagaaffigineqassaaq, aaqqissuussaanitoqqamillu matuminnga Jehovap eqqartuussutiminik naammassinninneranit aniguisimasut tamarmik kunngi Kristus siulersuisoralugu ataasiussuseqarlutik suleqatigiissapput, nunarsuaq tamaat paratiisinngoqqullugu taassuma peqqusineri nuannaarlutik suliarisassallugit. (Epr. 2:5-9) Inuit tamarmik assammik suliaat nuannaarutigissavaat nunallu inerititai naammattorsuit tamakkiisumik iluaqutigissallugit. — Tuss. 72:1, 7, 8, 16-19; naleqqiuguk Isaia 65:21, 22.
11. (a) Naalagaaffiup innuttai qanoq ilillutik isumakkut timikkullu naammalluinnartunngussappat? (b) Tamanna qanoq kinguneqassava?
11 Adam Evalu pinngortinneqaramik naammalluinnartuupput, Guutillu siunertaraa taakkua kinguaavinit, tamarmik isumamikkut timimikkullu naammalluinnartunit, nunarsuup ulikkaarnissaa. Naalagaaffiup aqutsinerani siunertaq tamanna nuanningaartumik piviusunngussaaq. Tamatuma kingunerissavaa ajortip sunniutaasa tamarmik peerneqarnerat, tamannalu pissutigalugu Kristus tassaaginnanngilaq kunngi aammattaarli tassaalluni palasiuneq. Kamagittarluni innuttani naalattut ikiussavai nammineq inuttut inuunermi pilliutigineratigut saammaanneqaatissiarisimasaminik iluaqutiginnissinnaaqqullugit. Tappiitsut isaat uisinneqassapput. Tusilartut siutaat ammarneqassapput. Katsorsarneqarsinnaanngitsumik nappaateqartut peqqissilluinnassapput. Nappaatit imaluunniit utoqqalineq pissutigalugu timimikkut takussunarsisimasut timaat meeraanerminnit allaat inuummarinnerulissapput. Aap, ulloq takkutissaaq imatut oqarnissamut pissutissaqarfiujunnaarsimasoq: „Napparsimavunga,“ tassami inuit Guutimik mianerinnittut ajortimit tamatumalu kingunipiluinit avaanngunartunit aniguisitaalluinnarsimassapput. — Naleqqiutikkit Isaia 33:22, 24; 35:5, 6; Jûpe 33:25; Lúkarse 13:11-13.
12. (a) Inuit naammalluinnartunngornerat aammattaaq sumik ilaqassava? (b) Tamanna qanoq anguneqassava, qanorlu kinguneqassava?
12 Inuit naammalluinnartunngorunik imaaginnassanngilaq isumamikkut timimikkullu peqqissisut. Aammattaaq Jehovap pissusiinik eqqortumik malinnissinnaalissapput, ’Guuti assilillugu, taassumatut ittussaalluni’ inuk pinngortitaammat. (1 Môrs. 1:26) Tamatumanili annertuumik ilinniartinneqarneq ajoqersorneqarnerlu pisariaqassapput. Aaqqissuussaaneq nutaassaq ’naapertuilluassuseqarfiussaaq’ (NV), taamaattumillu pruffiiti Esajasip siulittuineratut ’iluartumut sungiussileraraat inuit najugaanni nunallit’. (2 Pîtr. 3:13; Is. 26:9) Naapertuilluassuseq tamanna eqqissinermik kinguneqassaaq — inuit inuiannit tamaneersut akornanni eqqissineq, qanimut ikinngutigiit akornanni eqqissineq, ilaqutariit iluanni eqqissineq, tamanillu pingaarnerusoq, Guutimik eqqisseqatiginninneq. (Is. 32:17; Tuss. 85:11-14) Inuit naapertuilluassutsimik sungiussisut Guutip imminnik piumasaanik ilinniartikkiartuaarneqassapput. Jehovap najoqqutassiai uummatiminni pigiliukkunikkik inuunerminni sutigut tamatigut najoqqutassiat tamakku malerualissavaat. Inuk naammalluinnartoq Jesus ima oqarsinnaasimavoq: ’Ataatama iluarisaanik piuaannarpunga.’ (Juán. 8:29) Inuit tamarmik taama ittunngorpata qanoq nuannertigissava!
Guutip naalagaaffiata suut naammassereersimagai
13. Allassimaffiit ilanngunneqarsimasut najoqqutaralugit Naalagaaffiup naammassisimasai taamaattumillu qanoq iliortariaqartugut takutiguk.
13 Uppernitta isaanit Naalagaaffiup naammassereersimasai tupinnangaartut ersarissumik takusinnaavavut. Apeqqutit allassimaffiillu tulliuttut tamakkuninnga eqqaasissavaatsit, tamannalu ilutigalugu erseqqissassavaat Naalagaaffimmut innuttaasut maanna qanoq iliorsinnaasut qanorlu iliortariaqartut:
Kikkut ajugaaffigissallugit Kunngi siullermik iliuuseqarpa, qanorlu kingunilimmik? (sarĸ. 12:7-10, 12)
Kristus kunnginngormat inuit katersanut kikkunnut ilaasut sinneruttut katersorlugit naammassiartorneqalerpat? (Mat. 24:31; sarĸ. 7:1-4)
Kunnginngoreeruni ajortut piiartinnagit suliassaq alla suna suliarissallugu Matîuse 25:31-33-mi Jesusip siulittuutigaa?
Suliaq tamanna qanoq ililluni suliarineqarpa? Kikkut tamatumunnga suleqataappat? (Mat. 24:14; Tuss. 110:3; sarĸ. 14:6, 7)
Sooq suliaq tamanna politikkikkut upperisarsiornikkullu suliaqartunit akerlilersuisunit unitsinneqarsinnaasimanngila? (ap. sul. 5:38, 39; Sagg. 4:6)
Is. 2:4; 1 Kor. 6:9-11)
Ajoqersuineq maanna ingerlanneqartoq maannangaaq inunnik Naalagaaffiup aqutsineranik akuersisunik qanoq allannguisitsisimava? (Naalagaaffik soraajuitsoq
14. (a) Qanoq sivisutigisumik Kristus naalakkersuissava? (b) Piffissap tamatuma ingerlanerani suut naammassineqassappat?
14 Satan inngilipiluilu itinersuarmut iginneqareerpata Jesus Kristus kingornusseqatissani 144.000-iusut ilagalugit ukiuni tuusintini naalakkersuissaaq. (sarĸ. 20:6) Ukiut tamakkua ingerlaneranni inuiaat naammalluinnartunngoriartuaartinneqassapput. Naalakkersuinerit, oqartussaanerit pissaanerillu Jehovamut akerliusut tamarmik peerneqassapput. Tamanna pereerpat Jesusip Naalagaaffik Ataataminut tunniutissavaa, ’Guuti tamani tamarsuussammat’. — 1 Kor. 15:24, 28.
15. Naalagaaffik tamanna ’aserornavianngitsoq’ qanoq paasisariaqarpa?
15 Taamaalilluni Jesusip nammineq nunarsuaq eqqarsaatigalugu inissisimaffia allanngussaaq. Kisianni pissaanera ’soraarnavianngilaq’ aammalu naalagaaffia ’aserujuissaaq’. (Dân. 7:14) Tamanna qanoq paasisariaqarpa? Aap, ima paasisariaqarpoq: naalagaassuseq allanut allamik anguniagaqartunut tunniunneqassanngilaq. Naalagaaffiup naammassisimasai ’aserornavianngillat’. Jehovap aqqanik qutsissisitsiniarnermini nunarsuarmillu siunertarisaanik naammassinninniarnermini Naalagaaffiup naammassisimasai naassaanngitsumik atassapput.
Uteqqiineq
● Sooq Guutip naalagaaffia inuit ajornartorsiutaannik aaqqiisinnaasutuaava? Qanga aqutsilerpa?
● Guutip naalagaaffiani tamatumalu naammassiumaagassaani suut nuannarinerpaavigit? Sooq?
● Naalagaaffiup naammassisimasai suut maannangaaq takusinnaavavut? Tamatumani sutigut peqataavugut?
[Atuaqqissaarnermi apeqqutit]
[Qupp. 84, 85-mi assiliartaq]
Naapertuilluassuseq inunnit ilinniarneqassaaq