Kapiteli 11

’Naalagaaffik salliutittuaan­narsiuk’

1. (a) Sooq ukiut 1900-t matuma sior­nagul­li Jesus oqar­pa Naalagaaf­fik sal­liutin­neqas­sasoq? (b) Im­mitsin­nut qanoq aperisariaqar­pugut?

UKIUT 1900-t matuma sior­na Galilæami oqalugiar­ner-  mi ilaan­ni tusar­naar­tini Jesusip ima kajumis­saar­pai: „Naalagaaf­fil­li naaper­tuil­luas­suserlu taas­suma [Guutip] pia sal­liutit­tuaan­narsigik.“ Soorliuna taamatut kajumis­saarai? Kristusip Naalagaaf­fim­mut iver­tin­neqar­nis­saa ukiut hundredelip­pas­suit tamatuma kingor­na aatsaat pisus­saan­ngin­ner­pa? Ilumut, taamaap­poq. Naalagaaf­fil­li Mes­siasik­koor­toq Jehovap aq­qanik qutsis­sisitsinis­samut aam­malu taas­suma nunarsuarmik siuner­tarisaanik naam­mas­sin­nin­nis­samut ator­neqar­tus­saavoq. Tamatuma pingaaruteqas­susianik paasin­nil­luin­narsimasut Naalagaaf­fik inuunermin­ni sal­liutik­kumas­savaat. Ukiuni hundredelin­ni siul­ler­ni taamaat­toqarsimavoq, ul­lumik­kut­taaq, Naalagaaf­fiup aqutsilereer­nerani, taamatorluin­naq ip­poq. Il­lit inooriaatsivit ersersip­paa Guutip naalagaaf­fia sal­liutik­kit? — Mat. 6:33, NV.

2. Inuit amerlanerit suut sal­liutip­paat?

² Inuil­li amerlanerit al­larluin­nar­nik pingaar­nerutitaqar­put. Pisuus­sutit inuus­sutis­sal­lu, atisat al­lal­lu ator­tus­sat nuan­naar­niutil­lu aningaasanik akilerlugit pineqarsin­naasut sukataaqalutik piniar­paat. (Mat. 6:31, 32) Inooriaasiisa nalunaar­paat im­min­nuin­naq eq­qarsaatigisuul­lutil­lu nam­min­neq iluarisaan­narmin­nik ujar­tuisuusut. Guuti — up­perfigisimagunik­ku — pingaar­ner­paatin­ngilaat.

3. (a) Pisuus­sutit qanoq it­tut sal­liuteq­qul­lugit Jesusip ajoqersuk­kani kajumis­saar­pai — sooq? (b) Timip piinik ingasat­tumik isumakuluutigin­nin­nis­samut sooq pis­sutis­saqan­ngila?

³ Jesusil­li ajoqersuk­kani ima siun­nersor­pai: „Pisuus­sutinik nunamiit­tunik katersuinaveeritsi,“ pisuus­sutit nunamiit­tut arlaan­naal­luun­niit naas­saan­ngitsumik atanavian­ngim­mat. „Pisuus­sutinil­li,“ oqar­poq, „qilam­miit­tunik katersuiniaritsi“  Jehovamut kif­far­tor­nis­sigut. Kajumis­saar­pai „peq­qusersuitsumik isigisunik“ (NV) iseqaq­qul­lugit, ataasiin­naq sam­meq­qul­lugu, tas­sa Guutip piumasaanik ilior­neq. ’Guutilu pisuus­sutil­lu [ataatsik­kut] kif­far­torfigisin­naan­ngilasi,’ oqarfigai. Ator­tus­satigum­mi pisariaqar­titat — inuus­sutis­sat, atisas­sat inis­sarlu? ’Isumakulus­san­ngilasi,’ Jesus siun­nersuivoq. Tim­mis­sat eq­qaasitsis­sutigai — taak­ku Guutip nerisit­tar­pai. Naasunik ilin­niarfigin­nin­nis­saan­nik kajumis­saar­pai — taak­ku Guutip kusanar­tumik isik­kuler­pai. Jehovap kif­fai sianis­susil­lit nunarsuarmiit­tut taak­kunan­nga pingaar­nerun­ngin­ner­pat? „Naalagaaf­fil­li naaper­tuil­luas­suserlu taas­suma pia sal­liutit­tuaan­narsigik,“ Jesus oqar­poq, „taava tamak­ku [pisariaqar­tut] tamaasa ilan­ngul­lugit piumaar­pasi.“ (Mat. 6:19-34, NV) Taman­na up­peraajuk? Tamatumin­nga up­perin­nin­nerit suliak­kut ersip­pa?

Naalagaaffik pillugu sallusuissutip ipitinneqan­nginnissaa sianigiuk

4. Timip piinik pingaar­titsiniar­pal­laar­neq qanoq kinguneqarsin­naava? As­sersuusiorit.

⁴ Timip piinik pingaar­titsiniar­pal­laar­neq ajor­tumik kinguneqarsin­naavoq. Naalagaaf­fim­mik soqutigin­nin­neraraluarluni uum­matik­kut al­lanik pingaar­nerutitaqaraan­ni Naalagaaf­fik pil­lugu sal­lusuis­sut inanger­neqarsin­naavoq imaluun­niit ipitin­neqarsin­naal­luni. (Mat. 13:18, 19, 22) Ilaan­ni angut inuusut­toq naalak­kersuisunut ilaasor­taq pisoorsuaq Jesusimut or­nigup­poq imalu aperaluni: ’Qanoq ilius­saanga inuuneq naas­saan­ngitsoq kingor­nus­sariumal­lugu?’ Tamatumun­nga Jesusip akis­sutaanut angutip inuusut­tup qisuariar­nerata ersersip­paa ileq­qoril­luni inuusoq inun­nul­lu al­lanut ajun­ngitsumik ilior­tar­tuusoq. Pigisaminil­li ungagin­nip­pal­laar­poq. Kristusimik malin­nin­nis­saminut pigisani qimas­sin­naasiman­ngilai. Taamaat­tumik periarfis­saraluani as­seqan­ngitsoq — Kristus ilagalugu Naalagaaf­fim­mi qilam­miit­tumi naalak­kersueqataanis­samik periarfis­saq — pin­ngitsoor­paa. Jesus tas­saniitil­luni ima oqar­poq: ’Ata, pisuunut Guutip naalagaaf­fianut pineq ajor­nakusuus­susia!’ — Mák. 10:17-23.

5. (a) Suut naam­mageq­qul­lugit Paulusip Timoteus kajumis­saar­paa — sooq? (b) ’Aningaasanik piumatuuneq’ qanoq ilil­luni Satanip tam­mar­titsiniutitut aseror­nar­tutut ator­paa?

 ⁵ Ukiualun­nguit tamatuma kingor­na apustili Paulus Timoteusimut, taamani il­loqarfim­mi Efesusimi niuerfiusar­tumi nuimasumiit­tumut, al­lak­kamini taan­na ima eq­qaasip­paa: ’Sun­nguamim­mi nas­sataqar­nata silamut matumun­nga pigat­ta, nalunan­ngilaq sun­nguamik nas­sataqar­nata kingumut qimas­sagip­put. Nerisas­saqarlutali atisas­saqarut­ta tamak­ku naam­magis­savavut.’ Im­minut ilaqut­tal­lu ’nerisas­sanik atisas­sanil­lu’ pilersorsin­naajumal­lugit naleq­qut­tumik an­ner­tus­susilim­mik sulineq ip­pin­naateqan­ngilaq. Paulusili ima mianersoq­qusivoq: ’Pisuun­ngorumasut us­ser­neqarlutil­lu napititaasar­put silaqan­ngitsor­pal­lat­tunil­lu ajoqutaasunil­lu pilerigisar­pas­suaqalersarlutik; tamak­kua inuit aseror­nermut tam­mar­nermul­lu kiviar­tor­tit­tar­paat.’ Satan peq­qusersuuvoq. Siul­lermik im­maqa mikisutigut us­siiniar­tar­poq. Kingor­nagul­li tatisimaneqar­neq an­ner­tunerusoq tak­kut­tar­poq — im­maqa atorfim­mi qaf­fatsitaanis­samik neqeroorfigitit­toqarsin­naavoq taamaalil­lunilu aningaasarsiat qaf­fal­lutik, pif­fis­sarli anersaak­kut sam­misaqarfigisar­tagaraluaq an­naaneqas­saaq. Mianersun­ngik­kut­ta ’aningaasanik piumatuunerup’ Naalagaaf­fiup tungaatigut soqutigisavut inuunermut pisariaqar­tut ipitis­sin­naavai inangersin­naal­lugiluun­niit. Soorlu Paulus oqarsimasoq: ’Tas­sunga [aningaasanik piumatuunermut] kajumis­sil­lutik ilaasa up­per­neq tam­maavaat, erloqinar­tor­pas­suil­lu im­min­nut ator­tip­paat.’ — 1 Tim. 6:7-10.

6. (a) Tamatuman­nga tam­mar­tin­neqarusun­ngik­kut­ta qanoq ilior­tariaqar­pugut? (b) Ul­lumik­kut aningaasarsior­nik­kut pis­sutsit eq­qarsaatigalugit taamatut isumaqar­nis­saq piviusorsior­nerua?

⁶ Kristumiutut qatan­ngum­minut, Timoteusimut, un­neq­qaris­sumik asan­nil­luni Paulus ima kajumis­saarivoq: ’Tamak­ku qimarratigik­kit,’ aam­ma: ’Iluar­tumik sorsun­niarit up­perluarlutit.’ (1 Tim. 6:11, 12) Silarsuup avatangiisit­ta inooriaasianit pigisaleritoor­pasis­sumit sun­ner­neqaruman­ngik­kut­ta sak­kor­tuumik akiuut­tariaqar­pugut. Up­per­ner­pul­li naaper­torlugu ilungersorluta akiuuk­kut­ta Jehovap qiman­navian­ngilaatigut. Qanorluun­niit pisias­sat akitsoriar­tor­tigigaluar­pata aam­malu qanorluun­niit sulif­fis­saaleqineqar­tigigaluar­pat  pisariaqar­titatsin­nik taas­suma isumagis­savaatigut. — Epr. 13:5, 6.

Ajoqersukkat siulliit maligassiuipput

7. Ajoqersuk­kani Israelimut oqaluus­siar­tor­tin­ngin­nerini Jesusip sunik ilitsersuup­pai, aam­malu sooq ilitsersuus­sutai tamak­ku naleq­qut­tuup­pat?

⁷ Jesusip apustilini naleq­qut­tumik ilin­niar­tereeramigit tusagas­samik nuan­nersumik oqaluus­siar­tor­til­lugit Israelimut aal­lar­tip­pai. ’Qilam­miup naalagaaf­fia qanil­livoq.’ Tusarlius­sap ila qiim­man­nas­susia! Jesus Kristus, kun­ngi Mes­siasiusoq, akor­nan­niip­poq. Apustilit Guutimut kif­far­tor­nermin­ni aal­lus­sil­luar­tuum­mata Guutip im­min­nut isumas­suinis­saanik tatigin­neq­qul­lugit Jesusip kajumis­saar­pai. Ima oqar­poq: ’Ingerlatil­lusi sumik nas­sataqas­san­ngilasi, ajaap­pis­samil­luun­niit taquarfim­mil­luun­niit neqis­samil­luun­niit aningaasanil­luun­niit naami; arlaataqas­san­ngilasilu. Il­lumut sumul­luun­niit iseraangas­si tas­saniit­tuaritsi, tas­san­ngalu aal­larlusi.’ (Mat. 10:5-10; Lúk. 9:1-6; 10:4-7) Nunaq­qatimin­nit, Israelik­kun­nit, takor­nar­tanut inoroorsaarajut­tuusunit, pisariaqar­titamin­nik isumagineqar­nis­saat Jehovap isumagis­savaa.

8. (a) Sooq Jesus toqunis­si sioq­qutitsiarlugu al­latut ilitsersuus­siva? (b) Taamaak­kaluar­torli inuunermin­ni suna suli sal­liutit­tus­saavaat?

⁸ Kingor­na, toqunis­si sioq­qutitsiarlugu, Jesusip apustilini ilisimatip­pai maan­na pis­sutsini al­lan­ngorsimasuni sulilis­sasut. Oqar­tus­saasut akerlilersuinerata kingunerisaanik Israelik­kut inoroorsaar­pal­laarun­naas­sagunar­put. Aam­mat­taaq ungasin­ngitsuk­kut nunani Guutimik nalusoqarfiusuni Naalagaaf­fik pil­lugu tusarlius­saq tusarliut­tus­san­ngus­savaat. Taamaat­tumik maan­nak­kut ’aningaasaliveqarlutil­lu’ ’taquarfeqalersin­naaler­put’. Kisian­ni suli Jehovap naalagaaf­fia naaper­tuil­luas­suserlu taas­suma pia sal­liutit­tuar­tus­saavaat, inuuniar­nermin­ni pisariaqar­titamik ilungersorlutik piniar­nerini Guutip pil­luaq­qusinis­saanik tatigin­nil­lutik. — Lúk. 22:35-37.

9. (a) Qanoq ilil­luni Paulusip inuunermini Naalagaaf­fik sal­liutit­tuar­paa? (b) Ator­tus­satigut pisariaqar­titani qanoq ilil­luni pis­sarsiarisar­pai? (c) Tamatuma tungaatigut al­lanut sumik un­nersuus­siva?

⁹ Jesusip un­nersuus­sutaa qanoq maleruar­neqarsin­naasoq  apustili Paulusip maligas­siuil­luar­nermigut takutip­paa. Kif­far­tor­nini inuunermini pingaar­ner­paatip­paa. (ap. sul. 20:24, 25) Oqaluus­siar­torluni angalagaangami inuutis­sarsiutigalugu nam­mineq tupilior­tutut sulinermigut ator­tus­satigut pisariaqar­titani pis­sarsiarisar­pai. Al­lanit isumagineqar­nis­sani utaq­qiin­nan­ngilaa. (ap. sul. 18:1-4; 1 Tás. 2:9; 1 Kor. 9:18) Taamaak­kaluar­toq inuit al­lat im­minut inoroorsaar­nermik­kut tunis­suteqar­nermik­kul­lu asan­nin­nermin­nik pingaar­titsinermin­nil­lu ersersitsinis­sar­tik kis­saatigigaangas­suk nuan­naarluni ilas­sisar­pai. (ap. sul. 16:15, 34; Fil. 4:15-17) Taas­suma kristumiut angutit ar­nal­lu oqaluus­sinermin­ni ilaqut­tamin­ni pisus­saas­sutsimin­nik sumigin­naanis­saan­nik kajumis­saan­ngilai, kisian­ni pisas­samin­nik as­sigiin­ngitsunik oqimaaqatigiis­saarinis­saan­nik kajumis­saar­pai. As­sam­min­nik sulinis­saan­nik, aap­pamin­nik meeq­qamin­nil­lu asan­nin­nis­saan­nik inun­nul­lu al­lanut tunisiumatuunis­saan­nik siun­nersor­pai. (Evf. 4:28; 2 Tás. 3:7-12; Tít. 2:3-5) Aam­mat­taaq kajumis­saar­pai pigisamin­nut pin­natik Guutimul­li tunaar­tarin­nit­tuunis­saan­nik, aam­malu inuunermi suut pingaar­ner­paaneran­nik paasin­nil­luin­narsimanermin­nik ersersitsisumik inuunermin­nik atuinis­saan­nik. Tas­sa imaap­poq, soorlu Jesusip ilin­niar­titsis­sutigigaa, Guutip naalagaaf­fia naaper­tuil­luas­suserlu taas­suma pia inuunermin­ni sal­liutit­tariaqar­paat. — Fil. 1:9-11.

Naalagaaffik inuuninni salliutittuaruk

10. (a) ’Naalagaaf­fim­mik sal­liutitsineq’ qanoq paasisariaqar­pa? (b) Suul­li sumigin­nar­tariaqan­ngil­lat?

¹⁰ Inoqatitsin­nut Naalagaaf­fik pil­lugu tusagas­samik nuan­nersumik tusarliineq qanoq an­ner­tutigisumik aal­lup­par­put? Tamatumani pis­sutsit atuk­kat­ta qanoq it­tuunerat an­ner­tungaatsiar­tumik aalajangiisuuvoq, aam­malu Naalagaaf­fim­mik qanoq pingaar­titsitiginer­put an­ner­toorujus­suarmik aalajangiisuul­luni. Eq­qaamajuk Jesus ima oqan­ngim­mat: ’Al­lamik susas­saqan­ngik­kaangas­si Naalagaaf­fik sal­liutit­tarsiuk.’ Imatut­taaq oqan­ngilaq: ’Ilaan­nik­kuin­naq Naalagaaf­fik oqaluus­sis­sutigisarus­siuk naam­map­poq.’ Imatul­lu oqan­ngilaq: ’Naalagaaf­fiup soqutigisaanik aal­laq­qaataani aal­lus­sil­luar­niarisi; aaq­qis­suus­saanerli nutaaq tak­kutin­ngiler­pat inut­tut al­latul­li inuugin­narsin­naalis­saasi, Guutimut kif­far­tor­nis­sin­ni suliaqalaagin­nar­tarlusi.’ Aap, Naalagaaf­fiup pingaaruteqas­susia  nalun­ngil­luin­naramiuk Ataatami piumasaa oqaatsinik ukunin­nga oqaatigaa: „Naalagaaf­fia sal­liutit­tuaan­narsiuk.“ Imaluun­niit, apustili Mat­tæusip al­lan­neratut: „Naalagaaf­fil­li naaper­tuil­luas­suserlu taas­suma pia sal­liutit­tuaan­narsigik.“ (Lúk. 12:31, NV; Mat. 6:33, NV) Naak amerlaner­paasugut im­mitsin­nik ilaqut­tatsin­nil­lu pilersuiumal­luta silarsuarmi arlaan­nik sulif­feqaraluarluta, up­persuseqarluin­narut­ta sulias­saq Guutip naalagaaf­fim­minut tun­ngatil­lugu suliareq­qusaa inuunitsin­ni qitiutit­tuas­savar­put. Taman­nalu ilutigalugu ilaqut­tatsin­ni pisus­saaf­fivut sumigin­nas­sanagit. — 1 Tim. 5:8; úss. 29:15.

11. (a) Jesusip qanoq ilil­luni ersersip­paa Naalagaaf­fik pil­lugu tusarlius­samik oqaluus­sis­sutigin­nin­nitsin­ni tamat­ta as­sigiim­mik naam­mas­sisaqar­navian­ngitsugut? (b) Naam­mas­sisat­ta an­ner­tus­susis­saanut suut aalajangiisuup­pat?

¹¹ Ilat­ta pif­fis­saq an­ner­tunerusoq oqaluus­sil­luni kif­far­tor­nermut atorsin­naavaat. Jesusil­li is­sunik as­sigiin­ngitsunik pitsaas­susilin­nik as­sersuusior­nermigut ersersip­paa inuit is­sutut ajun­ngitsutut uum­matil­lit tamarmik inerititaqarumaar­tut. Qanoq an­ner­tutigisumik? Inuit ataasiak­kaat pis­sutsit atugarisaat as­sigiin­neq ajor­put. Utoq­qaas­suseq, peq­qis­suseq ilaqut­tanil­lu pisus­saaf­feqar­neq aalajangiisuup­put. Sal­lusuis­sum­mil­li piviusumik pingaar­titsisoq an­ner­tuumik naam­mas­sisaqarsin­naavoq. — Mat. 13:19, 23.

12. Anersaak­kut kinguneqarluar­tar­tumik sumik anguniagaqar­nis­samin­nut inuusut­tut pingaar­tumik kajumis­saar­neqar­pat?

¹² Naalagaaf­fim­mut kif­far­tor­nit­ta an­ner­tusis­sutigisin­naasaanik anguniagaqas­sagut­ta pitsaas­saaq. Timoteusip inuusut­tup suliaminik aal­lus­sil­luarsimasup maligas­siaa inuusut­tunit ilumoorul­lugu eq­qarsaatigeq­qis­saar­neqar­tariaqar­poq. (Fil. 2:19-22) Silarsuarmi tun­ngaviusumik ilin­niar­ner­tik naam­mas­sigunik­ku kristumiut inuusut­tut pif­fis­saq an­ner­tooq atorlugu oqaluus­sisar­tuuneq aal­lar­tin­ngik­kunik­ku al­lamik pitsaanerusumik qinigas­saqar­ner­pat? Aam­mat­taaq utoq­qaanerusut anersaak­kut anguniagaqas­sagunik iluaqutigis­savaat.

13. (a) Naalagaaf­fim­mut kif­far­tor­nin­ni il­lit qanoq iliuuseqar­nis­sat kia aalajangis­savaa? (b) Naalagaaf­fik sal­liutil­luin­naraangatsigu suna ersersit­tar­par­put?

¹³ Qanoq iliuuseqar­nerusin­naagaluar­tutut isumaqarfigisat­ta  isor­nar­torsior­nis­saraluinut taarsiul­lugu nam­mineq up­per­nitsigut tamat­ta im­mik­kut siuariaateqar­nis­sar­put sulis­sutigisariaqar­par­put, taamaalil­luta pis­sutsit nammineq atugarisavut naaper­torlugit periarfis­savut tamak­kerlugit Guutimut kif­far­tor­nitsin­nut atorsin­naajumal­lugit. (Rûm. 14:10-12; Gal. 6:4) Soorlu Jobimut pisimasunit ersersin­neqar­toq Satan oqarsimavoq pigisat, inuul­luataar­nis­sar­put inut­tul­lu atugaris­saar­nis­sar­put soqutigisat­ta pingaar­nersarigaat, aam­malu Guutimut kif­far­tor­ner­put nam­minis­sarsior­nermik peq­quteqar­toq. Naalagaaf­fik inuunitsin­ni sal­liutil­luin­narutsigu Diaavulup qanoq sal­lutuujutigineranik up­per­narsaaqataas­saagut. Ersersis­savar­put inuunitsin­ni sal­liutitavut tas­saan­ngitsut pigisat imaluun­niit inuul­luataar­nis­sar­put, tas­saasorli Guutimut kif­far­tor­neq. Taamaalil­luta oqaatsitsigut suliatsigul­lu ersersis­savar­put itisuumik Jehovamik asan­nit­tuusugut, ilumoorluta kisimi oqar­tus­saaneranik tapersersuisuusugut inoqatitsin­nul­lu asan­nit­tuusugut. — úss. 27:11; Jûpe 1:9-11; 2:4, 5.

14. (a) Oqaluus­sineq eq­qarsaatigalugu pilersaarusior­nis­saq qanoq iluaqutaas­sava? (b) Nalunaajaasut ilar­pas­sui qanoq an­ner­tutigisumik kif­far­tor­nermut tamatumun­nga peqataap­pat — sooq?

¹⁴ Pilersaarusiorsimaneq pisar­nermit naam­mas­sisaqar­nerus­sutaasin­naasar­poq. Siuner­tarisaminik naam­mas­sin­nin­nis­sani eq­qarsaatigalugu Jehova nam­mineq ’pif­fis­sanik aalajangersagaqar­poq’, taamaalior­neralu uagut malin­niar­tariaqar­par­put. (2 Môrs. 9:5; Mák. 1:15; Gal. 4:4) Periarfis­saqarut­ta sapaatit-akun­neri tamaasa pif­fis­sani aalajangersimasuni oqaluus­sinermut peqataasas­sagut­ta pitsaas­saaq. Jehovap Nalunaajaasuisa ilaat tuusintilik­kuutaat silarsuaq tamak­kerlugu sumi tamaani najugaqar­tut pioneritut ikior­taasarsimap­put ul­lormul­lu agguaqatigiis­sil­lugit nalunaaqut­tap-akun­neri marluk amerlanerusul­luun­niit tusagas­samik nuan­nersumik oqaluus­sis­sutigin­nin­nermut ator­tarsimal­lugit. Ilaat aalajangersimasumik taamaalior­tar­put, ilaal­lu ukiumut qaam­matini arlalialun­ni taamaalior­tarlutik. Tuusintilik­kuutaat al­lat pionerin­ngorar­put, taak­kualu Naalagaaf­fik pil­lugu tusarlius­samik oqaluus­sis­sutigin­nin­nermin­nut ul­lormut agguaqatigiis­sil­lugit nalunaaqut­tap-akun­neri min­ner­paamik pingasut ator­tar­paat. Al­lat pioneritut atorfinitsitatut  aam­malu ajoqersuiar­tor­titatut sulip­put nalunaaqut­tap-akun­nerilu suli amerlanerusut Naalagaaf­fim­mut kif­far­tor­nermin­nut ator­tarlugit. Il­lumiit-il­lumut angalaarluta oqaluus­sigaluarut­ta taamaaliun­ngik­kaluarut­taluun­niit periarfis­sat naleq­qut­tut suugaluar­tul­luun­niit Naalagaaf­fim­mik neriugisatsin­nik inun­nut tusarusut­tunut oqaluus­sinermut atorsin­naavavut. (Naleq­qiuguk Juánase 4:7-15.) Tamat­ta isumaliutigeq­qis­saar­tariaqar­par­put Jesusip siulit­tuutaa man­na qanoq paasisariaqar­nersoq: „Naalagaaf­fim­mil­lu tusagas­saq nuan­nersoq taman­na nunarsuarmi inuit najugarisaan­ni tamarsuarmi inuiaat tamarmik nalujun­naarutis­saan­nik oqaluus­sis­sutigineqas­saaq; taavalu naggatis­saq nal­liutis­saaq.“ Pis­sutsit atuk­kavut naaper­torlugit periarfis­savut tamaasa atorlugit sulias­samut tamatumun­nga peqataanis­sar­put kis­saatigisariaqar­par­put. — Mat. 24:14, NV; Evf. 5:15-17.

15. Korintumiunut agdlagkat sujugdlît 15:58-imi un­nersuus­sut sooq maan­nak­kut kif­far­tor­nitsin­nut naleq­qus­soraajuk?

¹⁵ Silarsuup im­mik­koor­tor­taani tamani, inuian­ni tamani, Jehovap Nalunaajaasuisa peqatigiil­lutik sulias­saq taman­na im­mik­kut pisin­naatitaaf­fiusoq angingaar­toq suliaraat. Un­nersuus­sut isumas­sarsiarititaasoq Bibelimiit­toq man­na taak­kua malip­paat: ’Aalajangeritsi saqin­naveerlusilu Naalak­kal­lu suliaanik naam­mas­sisaqangaar­tuin­narlusi, suliniar­nisi Naalak­kami asuliin­naan­ngitsut ilisimagas­sigik.’ — 1 Kor. 15:58.

Uteqqiineq

● Inuunitsin­ni Naalagaaf­fim­mik sal­liutitsinis­satsin­nik Jesusip kajumis­saarinermigut suut sal­liuteq­qun­ngilai?

● Im­minik ilaqut­tatsin­nil­lu pilersuinis­sar­put qanoq isumaqarfigisariaqar­par­put? Taman­na eq­qarsaatigalugu Guutip qanoq ikius­savaatigut?

● Naalagaaf­fim­mik oqaluus­sis­sutigin­nin­nermut qanoq an­nikitsigisumik qanorlu an­ner­tutigisumik peqataanersugut apeq­qutaan­ngila? Peqataagin­narut­ta naam­map­pa? Nas­suiaruk.

[Atuaqqissaarnermi apeqqutit]