Pruffiitit tamarmik nalunaajaassutigisimasaat
Kapiteli 4
Pruffiitit tamarmik nalunaajaassutigisimasaat
1. Jesusip inuttut inunngunngikkallarnermi siorna piusimaneranik paasissutissat taassuma Jehovamut attaveqarnera pillugu sumik oqaluttuuppaatigut?
QANITTUMIK Jehovamut attaveqarnini pillugu Jesus ima oqarsimavoq: ’Ataatap Erneq asavaa, qanoq-iliorninilu tamaasa taassumunnga takutittarpai.’ (Juán. 5:19, 20) Qanittumik attaveqarneq tamanna aallartippoq Jesus inuttut nunami erniunini ukiunik tuusintilipparujussuarnik sioqqullugu pinngortinneqarmat. Taanna Guutip ernituaraa, Jehovap nammineq kisimiilluni pinngortitatuaraa. Qilammiittut nunamiittullu allat tamarmik erneq angajulliliaq asangaagaq taanna ikiortigalugu pinngortinneqarput. Aammattaaq Guutip oqaasiatut imaluunniit oqaaseqartitaatut sulisimavoq, tassa Guutip piumasaanik allanut ingerlateqqitsitsisimalluni. Erneq taanna, Guutip asanerpaasaa, tassaalersimavoq inuk Jesus Kristus. — Kul. 1:15, 16; Juán. 1:14; 12:49, 50.
2. Bibelimi siulittuutit qanoq annertutigisumik Jesusimut innersuussippat?
2 Tupinnartuliornikkut inuttut erniunera sioqqullugu ikinngeqisunik Guutip sunniineratigut isumassarsiarititaasunik siulittuutigineqartarsimavoq. Aap, soorlu apustili Peter Korneliusimut oqarsimasoq: ’Taanna pruffiitit tamarmik nalunaajaassutigaat.’ (ap. sul. 10:43) Pallorfiginninnermi minguitsumi Jesusip inissisimanera Bibelimi pingaartinneqangaarmat allaat inngili apustili Johannesimut ima oqarsinnaasimavoq: „Guuti pallorfigiuk; Jesusimimmi nalunaajaaneq tassaavoq siulittuinerup anersaava.“ (sarĸ. 19:10, NV) Siulittuutit tamakkua taassuma kinaanera ersarissumik ersersippaat aammalu Guutip taassuminnga siunertarisaata, uagutsinnut soqutiginangaartup, immikkoortortaanik assigiinngitsunik tikkuussillutik.
Siulittuutinit suut saqqummersinneqartut
3. (a) Siulittuummi Môrsasip agdlagai sujugdlît 3:14, 15-imiittumi ’pulateriaarsuk’ eqqartorneqartoq kinaava? ’Arnaq’ kikkuuppat? ’Pulateriaarsuup kinguaassaa’ kikkuuppat? (b) ’Pulateriaarsuup niaquata aserorterneqarnissaa’ Jehovap kiffaanut sooq taama soqutiginartigaa?
3 Siulittuuterpassuit tamakkua siullersaat Edenimi pikitsitsinerup kingunitsiannguagut saqqummiunneqarpoq. Jehovap pulateriaarsummut eqqartuussinerata tamanna ilagaa. Taamani Jehova ima oqarpoq: ’Akerariissikkumaarpassi illillu arnarlu, illit kinguaassat taassumalu kinguaassaa; taassuma niaqqut aserortissavaa, illilli kimmia aserorterumaarpat.’ (1 Môrs. 3:14, 15) Tamanna qanoq paasisariaqarpa? Piffissaq Guutip siulittuutiminut aalajangersagaa nalliuttaraangat siulittuutit allat siulittuummik siullermik tamatuminnga ersarinnerulersitsisut aammalu paasissutissartaqarnerusut saqqummiunneqartarsimapput. Taamaattumik nalunngilarput siulittuummi tassani saaffigineqartoq, aammalu pulateriaarsuttut taaneqartoq, tassaasoq Satan Diaavulu. ’Arnaq’ tassaavoq Jehovap qilammi peqatigiissortai unneqqarissut, taassumunngalu nuliaasutut aalajaatsutut ittut. ’Pulateriaarsuup kinguaassaa’ tassaapput inngilit inuillu Diaavulutut pissusilersortut, Jehovamik taassumalu innuttaanik assortuisut. Eqqarsaatigigaanni pulateriaarsummik Edenimi oqalutsitsisoq tassaasoq Diaavulu, taava siulittuutip oqaasertaani, ’pulateriaarsuup niaqua aserorterneqarumaartoq’, paasineqarsinnaavoq inngili pikitsitsiumatooq taanna, Jehovamik mamarliisimasoq inuiannillu naalliunnartumut pisitsisimasoq, suujunnaarsitaajumaartoq. Kisianni ’kinguaassap’ taassuminnga aserorteriumaartussap kinaanera piffissami sivisoqisumi tassaasimavoq anngigisaq illernartoq. — Rûm. 16:25, 26.
4. Jesusip siuaasaasa kikkuuneri qanoq ilillutik taassuma kinguaassaq neriorsuutigineqartuuneranik nalorninaallisaaqataappat?
4 Ukiut 2000-it missaanniittut ingerlareersullu Jehova arlalinnik paasissutisseeqqippoq. Nalunaarpaa kinguaassaq Abrahamip kinguaassaasigut takkukkumaartoq. (1 Môrs. 22:15-18) Kinguaariilli kikkut aqqutigalugit? Timikkuinnaq kinguaajunissaa pineqanngilaq, kisianni Guutip toqqaanera aalajangiisuussaaq. Naak Abrahamip kiffaminit Hagarimit ernini, Ismael, asagaluaraa, Jehova ersarissumik ima oqarpoq: ’Angerusiga nangikkumaarpara Isakimut, Sarap ilinnut erniassaanut.’ (1 Môrs. 17:18-21; 21:8-12) Kingorna angeruseq tamanna uppernarsarneqarpoq, Isakip erneranut angajulliliamut Esauimut pinnani, kisianni Jakobimut, Israelikkut naggueqatigiissortaasa aqqaneq-marluusut nagguigisaannut. (1 Môrs. 28:10-14) Ukiut ingerlaneranni ersersinneqarpoq kinguaassaq Judakkut naggueqatigiissortaasigut, Davidikkutigut, takkukkumaartoq. — 1 Môrs. 49:10; 1 nal. 17:3, 4, 11-14.
5. Jesusip nunami kiffartornerata nalaani siusissukkut pisimasut suut taassuma Messiasiuneranik aammattaaq nalorninaallisaaqataappat?
5 Ukiunik 700-nit amerlanerusunik sioqqullugu Betlehem kinguaassap inunngorfissaatut Bibelimi taaneqareersimavoq, tamannali ilutigalugu saqqummersinneqarpoq kinguaassaq eqqartorneqartoq taanna ’killinganit pilereersuusimasoq’, tassa qilammi pinngortinneqaramili. (Migga 5:1) Jehovap tanitaatut, imaluunniit Messiasinngortitaatut, nunarsuarmi sassarumaarnissaa pruffiitimit Danielimit siulittuutigineqarsimavoq. (Dân. 9:24-26) Aamma anersaamik iluartumik taninneqarmat nipi taassuma kinaaneranik nalunaarutiginnittoq qilammit tutsiussimavoq. (Mat. 3:16, 17) Taamaattumik Filip, Jesusimik malinnittoq, qularuteqarnani ima oqarsinnaasimavoq: ’Naapipparput taanna Mosesip inatsisitigut oqaatigisaa pruffiitillu oqaatigisaat, Jesus Josefip ernera Nazaretimiu.’ — Juán. 1:46.
6. (a) Jesusip toqunerata kingorna ajoqersugaasa suna paasivaat? (b) Pingaarnerusumik ’arnap kinguaassaa’ kinaava, qanorlu paasisariaqarpa pulateriaarsuup niaqua taassuma aserorterumaaraa?
6 Jesusip ajoqersugaasa paasiartuaarsimavaat allakkani isumassarsiarititaasuni siulittuutinik taassuminnga innersuussisunik ikinngeqisunik nassaassaqartoq. Toqunermi makinnermilu kingorna ’allakkani tamani imminik pilluni allassimasunik’ ajoqersukkani nammineq nassuiaappai. (Lúk. 24:27) Maanna qularnarunnaarpoq pingaarnerusutigut Jesus tassaasoq ’arnap kinguaassaa’, ’pulateriaarsuup’ niaquanik aserorterisussaq taamaalillunilu naggataagut Satanimik piuneerulluinnartitsisussaq. Jesus aqqutigalugu Guutip inuiannut neriorsuutigisai, uagut erinigilluinnakkavut, tamarmik eqquutinneqarumaarput. — 2 Kor. 1:20.
7. Siulittuutit tamakkua kikkunnik pinninnerannik aalajangiussinitta saniatigut aammattaaq suna eqqarsaatigeqqissaartariaqarparput?
7 Siulittuutit tamakkua ilaat atuaqqaarakkit kunngip kiffarsuatut Ætiopiamiutut immaqa ima aperivutit: ’Kina pillugu pruffiiti taama oqarpa?’ Apeqqunni akineqareermat kunngip kiffarsua uniinnanngilaq. Filipip nassuiaanera tusarnaaqqissaareerlugu paasivaa Jesusip siulittuutinik eqquutitsisimaneranik paasinninnini pingaartitsininilu nammineq iliuuseqarnermigut takutittariaqarlugu — kuisipporlu. (ap. sul. 8:32-38; Is. 53:3-9) Aammattaaq uagut taamatut qisuariarpugut? Uummatitta killinneqaatigisaa qanoq-iliuuseqarnissatsinnullu kajumissisitsisoq tassaasinnaavoq siulittuutip saqqummiunneqarnerani periaaseq, imaluunniit tassaasinnaalluni siulittuutit inaarutaannik Bibelimi tikkuaaneq.
8. Siulittuutit najoqqutassaasut sisamat Jesus Kristusikkut eqquussimasut matumani sammissavavut. Ataasiakkaarlugit sammikkit, aammalu apeqqutit allassimaffiillu najoqqutaralugit takutiguk qanoq siulittuutit tamakku uagutsinnut attuumassuteqarnersut.
8 Tamanna maluginiariaruk Jesus Kristus pillugu siulittuutit neriorsuutaasut najoqqutassaasullu maanna eqqartulikkavut najoqqutaralugit. Allassimaffiit ilanngunneqarsimasut ikiortigalugit apeqqutit matuma kingulianiittut akiniariakkit.
(1) Jehovap ernini aqqutigalugu utertitsissutissamik aaqqissuussisimaneranik paasinninnissatsinnut pingaartitsilernissatsinnullu Abrahamip ernerminik, Isakimik, pilliiniaraluarneranik oqaluttuap qanoq ililluni ikiorsinnaavaatigut? (Juán. 3:16; 1 Môrs. 22:1-18 [versi 2-mi Isakip eqqartorneqarnera malugiuk.])
Tamatuma qanoq tatiginnilersissavaatigut? (Rûm. 8:32, 38, 39)
1 Môrs. 22:18; Juán. 3:36)
Kisianni qanoq piumaffigineqarpugut? ((2) Jesusip tassaaneranik ’pruffiiti Mosesitut ittoq’ tikkuaanermigut Bibelip annertuumik akisussaaffeqarnitsinnik sumik eqqaasippaatigut? (ap. sul. 3:22, 23; 5 Môrs. 18:15-19)
Jesus uagutsinnut qanoq oqarsimava tamakkulu sooq ullumikkut pingaartinnarpat? (Mat. 28:18-20; 19:4-9; 18:3-6)
(3) Aronikkut palasitut sulisimanerat siumut sumik oqaluttuarneranik Bibelip nassuiaatiitigaluta Jesusip palasiunertut pissusiinik kajungernartunik sunik tikkuuppaatigut? (Epr. 4:15–5:3; 7:26-28)
Taamaattumik sanngiissutivut anigorniarlugit Kristus aqqutigalugu qinunikkut Guutimut saaffiginnittarnerput qanoq isigisariaqarparput?
(4) Mosesip inatsisai malillugit pilliutigineqartarsimasunit tamanit Jesusip pilliutaata pitsaanerunera aammalu inatsisit tamakku taarserlugit atuutilersimanera eqqarsaatigalugu — sooq sianigeqqissaartariaqarparput Guutip iluarinngisaanik iliortalinnginnissarput? (Epr. 10:26, 27)
Inuuneq neriugisarput Jesusip pilliutaatigut periarfissiuunneqarsimasoq ilumut pingaartikkutsigu eqiasuilluta qanoq-iliortariaqarpugut? (Epr. 10:19-25)
Jesusimut uppernerluta qanoq ersersissinnaavarput?
9. Sooq Jesus Kristusip saniatigut allamik annaffissaqanngila?
9 Siulittuutit Jesusikkut eqquussimanerat Jerusalemimi eqqartuussisuunernut erseqqissaatigereerlugulu apustili Peterip oqaatsini naggaserpai oqaatsinik kimittuunik imaattunik: ’Allamik annaffissaqanngilaq, atermimmi allamik annassutissatsinnik qilaap ataani inunni tunniussaasoqanngilaq.’ (ap. sul. 4:11, 12; Tuss. 118:22) Adamip kinguaavi tamarmik ajortiliupput, taamaattumik toquat ajortimik pissuteqarpoq kimulluunniillu utertitsissutaasinnaanani. Jesusili naammalluinnartuuvoq, inuunerminillu iperaanera pilliutitut naleqarpoq. (Tuss. 49:7-10; Epr. 2:9) Taassuma Guuti utertitsissutissamik, Adamip kinguaassaminut annaatitaatorluinnaq naleqartigisumik, pilliuteqarfigaa. Tamatuma qanoq ililluni iluaquserpaatigut? — 1 Tim. 2:5, 6.
10. Jesusip pilliutaata uagutsinnut iluaqutissiingaarsimanerata ilaanik nassuiaagit.
10 Tamanna iluaqutigalugu ajortivut isumakkeerfigineqarsinnaalersimammata ilerasuuteqannginnissarput ajornarunnaarsimavoq — tamannalu Israelikkut Mosesip inatsisai naapertorlugit uumasunik pilliuteqartarnermikkut angusimasaannit annerungaarpoq. (ap. sul. 13:38, 39; Epr. 9:13, 14) Soorunami tamanna ima isumaqarpoq imminut ilumoorfigisariaqartugut Jesus Kristusimullu piviusumik uppissuseqartariaqartugut. Kristusip pilliutaanik qanoq pisariaqartitsitiginerput nammineq misiutiginngilarput? ’Ajorteqarata oqaraluarutta, immitsinnik salloqittarpugut sallusuissullu ilutsinniinngilaq. Ajortivut anngiiaatigigutsigik, taanna ilumoorlunilu iluartuuvoq, ajortitsinnik isumakkeerfigaluta iluaatsunillu sunik tamanik piiaaffigaluta.’ — 1 Juán. 1:8, 9.
11. Sooq imermut morsutsitaanikkut kuisinneq Guutimut ilerasuuteqannginnermik angusinissatsinnut pingaaruteqarpa?
11 Inuit ilaat naak ajortiliunertik ilisimaneraraluarlugu Kristusimullu upperneraraluarlutik, allaallu ilaatigut Jesusip iliorsimaneratut Guutip naalagaaffianik oqaluussissutiginnittaraluarlutik, taamaattoq ingerlariaqqinngitsoortarput tamakkiisumillu Jesusimut uppernermik ersersitsinatik. Qanoq-ilillutik? Aap, Bibelimi ersersinneqarpoq ukiuni hundredelinni siullerni uppertunngortut tamanut ersitsumik iliuuseqarnermikkut uppernerminnik ersersitsisarsimasut. Kuisissimapput. Sooq? Jesus peqqusisimammat ajoqersukkani kuineqassasut. (Mat. 28:19, 20; ap. sul. 8:12; 18:8) Jesus Kristus aqqutigalugu Jehovap aaqqissuussimasaanik inuk uummammigut iluunngarluni pingaartitsiguni, taava tunuarsimaassanngilaq. Inuunermini pingaaruteqartunik allanngortitsiniassaaq, Guutimut tunniulluinnarluni tamannalu imermut morsutsitaalluni kuisinnermigut ersersillugu. Soorlu Bibelimi ersersinneqartoq taamatut iliornikkut uppernermik ersersitsineq ’Guutimut ilerasunnaveerutissamik’ qinuneruvoq. — 1 Pîtr. 3:21.
12. Paasigutsigu ajortuliorsimalluta taava qanoq iliortariaqarpugut — sooq?
1 Juán. 2:1, 2) Tamanna ima paasisariaqarpa qanorluunniit ilioraluarutta suut tamarmik ajornavianngitsut Guutimut ima qinuinnarutta: ’Ajortitsinnik isumakkeerfigisigut’? Naagga. Isumakkeerfigineqassagaanni peqqissimineq piviusoq imaluunniit allamik isumataarneq pisariaqarput. Aammattaaq imaassinnaavoq ilagiinni kristumiuni utoqqaanertanit ikiorneqarnissaq pisariaqartinneqartoq. Eqqunngitsumik iliorsimanerput nassuerutigisariaqarparput tamannalu peqqusersuitsumik peqqissimissutigalugu, taamaalioqqinnginnissarput ilungersuutigisinnaajumallugu. (ap. sul. 3:19; Jâk. 5:13-16) Taamaattoqartillugu qularutigissanngilarput Jesusip ikiussagaatigut. Taassuma pilliutaata nalingata saammaanneqaatissaaneranik upperinninnerput tunngavigalugu Jehovamit iluarisaaqqilersinnaavugut, tamannalu taassuma akuerisinnaasaanik taassuminnga pallorfiginnissagutta pisariaqarpoq.
12 Kisianni allaat tamatuma kingornatigut periaatsit ajortilippalaartut takkuttassapput. Taava qanoq-iliortariaqarpa? ’Tamakkuninnga ilissinnut allappunga ajortulioqqunasi,’ apustili Johannes taama oqarsimavoq. Taamaattumik ajortivut, isumaqarfiginneriaatsitsinni, oqalunnitsinni imaluunniit suliatsinni ersertuugaluarpata, soqutaanngitsutut isigisariaqanngilavut. ’Ajortuliortoqaraluarpallu Ataatami illersuisoqarpugut, Jesus Kristusimik iluartuusumik, taannalu ajortitta matoorneqaatigaat, uaguinnaanngitsummi, silarsuarmiuttaaq tamarmik.’ (13. (a) Jesusip pilliutaata uagutsinnut iluaqutissiisimanera alla nassuiaruk. (b) Sooq tamanna tassaanngila Guutimik kiffartortilluta iliuuserisimasatta nalinganik akissarsiaq? (c) Qanorli iliortariaqarpugut piviusumik uppissuseqarutta?
13 Jesusip pilliutaata aammattaaq inuunermik naassaanngitsumik periarfississimavaatigut — ’savarpannguusunut’ qilammi, inunnullu milliardilinnut nunami paratiisiusumi. (Lúk. 12:32; sarĸ. 20:11, 12; 21:3, 4) Akissarsiaq tamanna pisinnaagatsigu imaanngilaq tamatuma nalinganik suliaqarsimasugut. Qanorsuarluunniit Jehovamut iliuuseqartigigaluarutta inuunerup nalinganik iliuuseqarsinnaanngilagut. Inuuneq naassaanngitsoq tassaavoq ’Guutip tunissutaa Jesus Kristusimi Naalakkatsinni’. (Rûm. 6:23; Evf. 2:8-10) Tunissummulli tamatumunnga upperutta aammalu tamatuminnga aqqutissiuussisimanermut pingaartitsigutta suliatsigut ersersikkumassavarput. Jehovap qanoq ililluni Jesus aqqutigalugu piumasaminik tupinnangaartumik naammassinnissimanera aammalu Jesusip tumaanik malinneqqissaarnissatta qanoq pingaaruteqartiginera paasigutsigik kristumiutut kiffartornerput inuunitsinni pingaaruteqarnerpaatut isigilissavarput. Guutip tunissutaanik tamatuminnga nuanningaartumik qularata inunnut allanut oqaluttuarinninnitsinni uppernerput takuneqarsinnaassaaq. — Naleqqiuguk apustilit suliáinik agdlagkat 20:24.
14. Sooq oqarsinnaavugut Jesus Kristusimut upperneq ataasiussuseqalernartuusoq?
14 Upperneq tamanna ataasiussuseqalernangaartuuvoq. Tamanna ikiortigalugu Jehovamut, taassuma erneranut aammalu ilagiit kristumiut iluanni immitsinnut qaninnerulissaagut. (1 Juán. 3:23, 24) Nuannaarutigissavarput Jehovap ajunngissutsimigut ernini tunisimammagu ’atermik aternit tamanit [Guutip aqqa kisiat pinnagu] annerusumik, Jesusip aqqanik seeqqut tamarmik qilammi nunamilu nunallu ataani ittut seeqqumiassasut, oqqallu tamarmik Jesus Kristus nassuerutigissagaat Naalagaasoq, Guuti Ataataq naalannarseqqullugu’. — Fil. 2:9-11.
Uteqqiineq
● Sooq Jesus nunamiikkallarmat Guutip oqaasiinik upperinnilluartut nalunngilluinnarpaat taanna Messiasiusoq?
● Siulittuutit najoqqutassaasut Jesusimut eqquuttut, quppernermilu 34-mi takutinneqartut, qanoq sunnertariaqarpaatigut?
● Qanoq ililluni maannangaaq Jesusip pilliutaa uagutsinnut iluaqutaalereerpa? Tamatumunnga pingaartitsinerput qanoq ililluta ersersissinnaavarput?
[Atuaqqissaarnermi apeqqutit]
[Qupp. 34-imi ungalusaq/assiliartat]
Jesus pillugu siulittuutit najoqqutassaasut — Tamakkua qanoq sunnertariaqarpaatsit?
Abrahamip Isak pilliutigisimavaa
Moses Guutip oqaaseqartittagaatut
Aron palasiunertut
Uumasunik pilliutit