’Silarsuup inuisa ilaginngilaat’
Kapiteli 21
’Silarsuup inuisa ilaginngilaat’
1. (a) Toqunissi aqaguttoq unnukkut Jesusip ajoqersukkani qanoq qinnuppai? (b) ’Silarsuup inuinut ilaannginnissaat’ sooq taama pingaaruteqartigaa?
KIKIATTORNEQARNISSI aqaguttoq unnukkut Jesusip ajoqersukkani ilungersortumik qinnuppai. Nalunnginnamiuk Satanimit annertuumik tatineqarumaartut Ataatani ima oqarfigaa: ’Qinnutinngilakka silarsuarmit peerseqqullugit, kisianni ajortumut sernigeqqullugit. Silarsuup inuisa ilaginngilaat, soorlu uangattaaq silarsuup inuisa ilaginngikkaannga.’ (Juán. 17:15, 16) Silarsuup inuinit immikkoornissaq sooq taama pingaaruteqartigaa? Satan silarsuup naalagarimmagu. Silarsuup inuinut ilaasut taassuma naalagaassusiata ataaniipput. (Juán. 14:30; 1 Juán. 5:19) Tamanna eqqarsaatigalugu pingaartorujussuuvoq ’silarsuup inuinut ilaannginnerup’ qanoq paasisariaqarneranik kristumiut pinngitsoqaratik paasisimanninnissaat. Silarsuup inuinut Jesusip ilaannginnera taassumunnga sunik nassataqarpa?
2. Jesusip sukkut ersersippaa ’silarsuup inuinut ilaanani’?
2 Jesus inunnit allanit avissaarsimalluni inuuniarsimanngilaq. ’Silarsuup inuinut ilaannginnami’ imaanngilaq inunnik allanik asanninnermik amigaateqarsimasoq. Illoqarfimmiilli illoqarfimmut angalaartarsimavoq Guutip naalagaaffianik tusagassaq nuannersoq inunnut oqaluutigiumallugu. Napparsimasut ajorunnaarsittarsimavai, tappiitsut tappissisittarsimallugit, toqusut makitittarsimallugit, aap allaat nammineq inuunini pilliutigisimavaa inuiaat iluaqutissaannut. Inuilli pissusii guutiitsorpaluttut iliuusiilu ajortut asanngilai. Silarsuup inuisa periaasiat nuannarinngilaa. Kissaatit ileqqorluppaluttut, pigisanik pingaartitsivallaarluni inooriaaseq inuttullu ataqqisaanissamik namminissarsiorluni anguniagaqarneq mianersoqqussutigisarsimavai. (Mat. 5:27, 28; 6:19-21; Lúk. 12:15-21; 20:46, 47) Inuit Guutimit avissaarsimasut assiginagit Jesus Jehovap aqqutigeqqusaasigut ingerlasimavoq. (Juán. 8:28, 29) Naallu juutiugaluarluni naalakkersuinikkut assortuunnernut juutinut Romamiullu naalagaaffiannut tunngassuteqartunut akuliunneq ajorsimavoq.
’Naalagaaffiga silamit matumannga pinngilaq’
3. (a) Juutit upperisarsiornikkut siuttuisa Jesus Pilatusimut qanoq unnerluutigaat — sooq? (b) Sukkut paasineqarsinnaava Jesusip nunami kunnginngornissi soqutigisarinngikkaa?
3 Juutilli upperisarsiornikkut siuttuisa Jesus inuiaassutsimut tunngasunik ajortumeeriniartutut unnerluutigaat. Tigusaatippaat Pontius Pilatusimullu, Romamiut nunasiaminnut naalagarsuaatitaannut, aallugu. Isumakuluutigisavialli tassaavoq ilumoortuusaassutsimik Jesusip ajoqersuutaanit qulaarneqarnera. Nunasianulli naalagarsuaatitaq akuliutsinniarlugu Jesus ima unnerluutigaat: ’Una malugaarput inuit killormut saatsikkai, akileraarutillu kaasarimut tunniuttaqqunngikkai oqarami Kristusiulluni kunngiusoq.’ (Lúk. 23:2) Ilumoortorli mannaavoq: Ukioq ataaseq tamanna sioqqullugu inuit kunnginngoqqugaluarmanni Jesusip itigartissimavai. (Juán. 6:15) Nalunngilaa qilammi kunngiusussaalluni, kunnginngornissaminullu suli piffissanngunngitsoq, aammalu nalunngilaa inuit iliuuseqarneratigut pinani Jehova Guutilli iliuuseqarneratigut issiavissaarsuarmut ivertinneqartussaalluni.
4. Pisimasuiusut naapertussagaanni Jesusip ’kaasarimut akileraartarneq’ qanoq isigaa?
4 Jesusip tigusaanissaa ullunik pingasuinnarnik sioqqullugu akileraartarnermut tunngasumik taassuminnga unnerluutiginnissutigisinnaasaminnik farisiiarit oqartinniarsarigaluarpaat. Peqqusersiortumilli apeqqutaat Jesusip ima akivaa: ’Aningaasannguaq [Romamiut aningaasaat] takulara; kia assinganik kialu titaqqusaanik pilerneqarpa?’ Ima akimmanni: ’Kaasarip,’ akivai: ’Taamaattumik kaasari tunisiuk kaasarip pissaanik, Guutilu Guutip pissaanik.’ — Lúk. 20:20-25.
5. (a) Tigusaanermini Jesusip ajoqersukkani sumik paasitippai? (b) Iliuutsiminut tamatumunnga pissutigisani Jesusip Pilatusimut qanoq nassuiarpaa?
5 Jesusip tigusarineqarnerani pisukkut paasineqarsinnaavoq Juán. 18:3, 12; Mák. 14:43) Apustili Peterip tamanna takugamiuk pannani amuaa angutillu ilaata siutaa talerpilleq panarlugu katatsillugu. Jesusilli Peter appisaluuppaa oqarfigalugu: ’Panat inaanut mangunniaruk, pannamik tigusisut nungullutik pannamik toqunneqassammata.’ (Mat. 26:51, 52) Aqaguani ullaakkut Jesus Pilatusimut sassartinneqarami iliuutsiminut tamatumunnga pissutaasoq nassuiarpaa oqarluni: ’Naalagaaffiga silamit matumannga pinngilaq. Naalagaaffiga silamit matumannga pisimappat kiffama illersoqqajarpaannga juutinut pisitaaqqunanga. Maannali naalagaaffiga tassannga pinngilaq.’ — Juán. 18:36.
taanna Romamut pikitsitsinissamik kajumissaarisuunngitsoq aammalu ajoqersukkami taamaaliornissaat kissaatiginngikkaa. Romamiut sakkutuui juutillu pannanik anaattanillu sakkulersorsimasut Jesus tigusariartorlugu tikiupput. (6. Killisiuinerup tamatuma suna kinguneraa?
6 Nalunaajaatit isumaliutigeqqissaareerlugit Pilatus nalunaarpoq Jesusimik unnerluutiginninnerit tunngavissaqanngitsuusut. Taamaakkaluartorli inuppassuit katersuussimasut piumasaannut akuersiinnarpoq Jesusilu qisummut kikiattortillugu. — Lúk. 23:13-15; Juán. 19:12-16.
Naalakkamik maligassiaa malikkaat
7. Kristumiut siulliit qanoq ersersippaat silarsuup inuisa periaasiat ingalassimagitsik inunnillu asannissuseqarlutik?
7 Kristumiussutsip pileqqaarnerata oqaluttuarisaaneratigut, Bibelimi atuakkanilu allani oqaluttuarisaanermik imaqartuni saqqummiunneqartukkut, paasineqarsinnaavoq Jesusip ajoqersugaasa nalusimanngikkaat ’silarsuup inuinut ilaannginneq’ sumik nassataqartuusoq. Silarsuup inuisa eqqarsariartaasiata ingalassimanissaa ilungersuutigisimavaat. Romamiut isiginnaartitsiviini paannitsitsiviusartuni isiginnaartitsiviinilu nalinginnaasuni aliikkusersuutaasartut nakuusernertaqaqalutillu kanngunartuliornertaqaqisut maajugigamikkik inoqatiminnik uumiginnittutut isigineqarlutik mitaatigineqartarsimapput. Inoqatitilli uumiginngilluinnarlugit kajumillutik imminnut tunulliullutik iliuuseqartarsimapput inoqatitik Guutip asannilluni aaqqissuussaanik
annassutissaasumik iluaqutiginnilernissaannik ikiorniarlugit.8. (a) ’Silarsuup inuinut ilaannginnertik’ pissutigalugu ajoqersukkat siulliit taakku suneqartarpat? (b) Taamaakkaluartorli naalakkersuinikkut pissaanillit akileraartarnerlu qanoq isigaat — sooq?
8 Soorlu Naalagartik taama pineqartarsimasoq sakkortuumik malersorneqartarsimapput, pisortaasut eqqunngitsumik ilisimatinneqarsimasut malersortigigajuttarsimallugit. (Juán. 15:18-20) Ukiulli 56-ip missaani apustili Paulus kristumioqatiminut Romamiittunut allappoq Jesusillu unnersuussutigisimasaa qajannaallisarlugu. Paulusip oqaaqqissaarpai „oqartussaasunut qulliunerusunut“, politikkikkut siuttuusunut, naalattuunissaannik „oqartussaassuseqanngimmat Guutimit pinngitsumik“. Ima paasinagu silamiut naalakkersuisui Jehovap ivertitarigai; taassumali akuersineratigut naalakkersuisuupput. Paulus nassuiaavoq taakku „atorfimminnut annerusumik minnerusumilluunniit oqartussaassuseqarfiusunut Guutimit ivertitaa“sut, tamarmik immikkut pissaanilinngornissaata tulleriiaarnissaat Guutip siumut ilisimareerlugulu siulittuutigisimammagu. Taamaalillutik ’oqartussaasut qulliunerusut’ piffissamut maannakkut atuuttumut ’Guutip aaqqissuussarai’, Guutip nammineq naalagaaffiata Jesus Kristusikkoortup kisiartaalluni nunarsuarmut naalakkersuilernissaata tungaanut atuukkallartussaasut. Taamaattumik Paulusip kristumiut siunnersorpai pisortaasunik naleqquttumik ataqqinnittuunissaannik taakkualu akileraarutigeqqusaannik akileraartarnissaannik. — Rûm. 13:1-7, NV; Tít. 3:1, 2.
9. (a) „Oqartussaasunut qulliunerusunut“ naalattaanermi suna puiorneqassanngila? (b) Qanoq ililluni oqaluttuarisaanerup ersersippaa kristumiut siulliit Jesusip maligassiaanik maleruaalluartuusimasut?
9 Paulusili oqanngilaq Guuti, Guutip oqaasia kristumiutullu nalunngeqatiginnissusertik naatsorsuutiginagit pisortaasunut naalattuulluinnassasut. Nalunngilaat Jesusip Jehova kisiat pallorfigisimagaa, inuit kunnginngoqqugaluarmanni itigartissimagai, aammalu Peter oqarfigisimagaa pannani puuanut mangoqqullugu. Ajoqersukkat peqqissaartumik
Naalakkamik siulersuinera malippaat. Atuakkami On the Road to Civilization — A World History-mik taaguutilimmi (Heckelimit Sigmanimillu, qupperneq 237-mi 238-milu) ima allassimasoqarpoq: „Innuttaasunut Romamiuusunut pisussaaffigititaasut ilaat kristumiunit naammassiumaneqartarsimanngillat. Kristumiut . . . sakkutuutut kiffartorneq upperisaminnut unioqqutitsinertut isigisimavaat. Naalakkersuinikkut atorfinnik atorfeqarumasarsimanngillat. Kaasari pallorfigiumasarsimanngilaat.“10. (a) Kristumiut Jerusalemimiittut ukiumi 66-imi suppat — sooq? (b) Qanoq ilillutik tamatumuuna naleqangaartumik maligassiuippat?
10 Taamani naalakkersuinikkut sakkutooqarnikkullu akerleriinnernut Jesusip ajoqersugai kalluunnaveersaartuulluinnarsimapput. Ukiumi 66-imi juutit Romamiut naalagaaffiata ilaani Judæamiittut kaasarimut pikitsitsipput. Romamiut sakkutuuisa Jerusalem ungugasuarpaat. Kristumiut illoqarfimmi tassaniittut qanoq iliorpat? Kalluunnaveersaarnissamik akerleriittullu qimannissaannik Jesusip siunnersuutaa eqqaamavaat. Romamiut sakkutuuisa tunuarallarnerat iluatsillugu kristumiut Jordanip kuussua ikaarlugu qimaapput qaqqanut Pellap eqqaaniittunut pillutik. (Lúk. 21:20-24) Kalluunnaveersaarnermikkut kristumiunut kingornagut inuusunut maligassaapput aalajaatsut.
Naggatissap nalaani Kristumiut kalluunnaveersaartut
11. (a) Suliaq suna Jehovap Nalunaajaasuisa eqiasuillutik ulapputigaat — sooq? (b) Sunut kalluunnaveersaartuuppat?
11 Oqaluttuarisaanerup ersersinnerpaa maani ’naggatissap nalaani’ immikkooqatigeeqarnersoq kristumiutut siullertut kalluunnaveersaassuseqartunik? Aap. Jehovap Nalunaajaasui taamaapput. Inuit naapertuilluassutsimik nuannarisaqartut silarsuarmi sumi tamaaniittut eqqissinermik, siumukarnermik pilluarnermillu ataavartumik angusissutigisinnaasatuaattut Guutip naalagaaffia nunarsuaq tamakkerlugu eqiasuillutik oqaluussissutigaat. (Mat. 24:14) Naalagaaffiilli akerleriissuteqartarnerinut kalluunnaveersaarluinnarsimapput.
12. (a) Jehovap Nalunaajaasuisa kalluunnaveersaartuunerat palasit iliuusiinit qanoq allaanerutigaa? (b) Jehovap Nalunaajaasui naalakkersuinermik ingerlatsinermut kalluunnaveersaartuunerat sumik nassataqarpa?
12 Taakkunannga allaanerulluinnarlutik kristumiuuneraqatigiit palasertaat naalakkersuinermut akuliusimalluinnartuupput. Nunat ilaanni palasit naalakkersuinikkut qinigassanngortittunik illersuillutik akerlilersuillutilluunniit isumaqatissarsiortarput. Palasit ilaat namminneq naalakkersuisutut atorfeqarput. Ilaasa naalakkersuisunut ilaasortat pinngitsaaliniartarpaat suliniutinik palasit tapersersugaannik siuarsaanissaannik. Nunarsuup ilaani palasit „talerpilliuniat“ pissaanilinnik qanimut suleqateqartarput, palasilli „siumukarniat“ qoqassiiniaqatigiinnut pissaanilinnik uppititsiniaasunut tapersersuisarlutik. Jehovap Nalunaajaasuili nunami sumiluunniit najugaqaraluarunik naalakkersuinermik ingerlatsinermut peqataaneq ajorput. Inuit allat naalakkersuinikkut partiinut ilaasortanngoraluarpata, qinigassanngortikkaluarpata imaluunniit qinersigaluarpata akuliuffigineq ajorpaat. Jesusili oqarsimammat ajoqersukkani ’silarsuup inuisa ilaginngikkaat’, Jehovap Nalunaajaasui namminneq naalakkersuinikkut suliniarnernut sunulluunniit peqataaneq ajorput.
13. Jehovap Nalunaajaasuisa sorsunnermut peqataaneq qanoq isigaat?
13 Soorlu Jesusip siumut oqaatigereersimagaa, inuiaat ’naggatissap nalaani’ matumani amerlaqisunik sorsuttarsimapput, allaallu inuiaat ataatsit iluanni immikkooqatigiit assigiinngitsut sakkuaattarsimapput. (Mat. 24:3, 6, 7) Jehovap Nalunaajaasuili tamakkunani tamani qanoq iliorsimappat? Isumaqatigiinnginnernut taama ittunut kalluunnaveersaartuunerat silarsuup ilaani tamani ilisimaneqarluarpoq. Jesus Kristusip aalajangiussinera naapertorlugu aammalu ajoqersugaasa siulliit kingorna eqqaasaat naapertorlugu, Vagttaarnet 1. januari 1940-mi saqqummersoq ima allappoq: „Naalakkamik tapersersuisut tamarmik inuiannut sorsuttunut kalluunnaveersaartuusariaqarput, aammalu Guutimik Naalagarsuarmik [Jehovamik] taassumalu Kunngiutitaanik [Jesus Kristusimik] tapersersuisuulluinnartuusariaqarlutik.“ Pisimasuiusut ersersippaat Jehovap Nalunaajaasuisa inuiannit tamaneersut pissutsit qanoq ittulluunniit atoraluaraangamikkik tamatuminnga aalajangiusimannittuartuusut. Jehovamik pallorfiginnittutut silarsuaq tamakkerlugu qatanngutigiiussutsiminnut silarsuarmi naalakkersuinikkut periaatsit avissaartuunnartut sorsunnerillu aseruutigitinngilaat. — Is. 2:3, 4; naleqqiuguk Korintumiunut agdlagkat áipait 10:3, 4.
14. (a) Kalluunnaveersaartuunertik pissutigalugu Jehovap Nalunaajaasuisa aammattaaq suut iliuuseriumanngilaat? (b) Tamatumunnga pissutaasoq qanoq nassuiarpaat?
14 Oqaluttuarisaanermi pisimasuiusunik misissuinerup ersersippaa Jehovap Nalunaajaasuisa sakkutuutut atisinissartik sakkulisarnissartilluunniit itigartitsissutigiinnarnagu aammattaaq ukiuni 50-ini kingullerni amerlanerusuniluunniit sakkutuutut kiffartornissamut taarsiullugu sakkutuujunngitsutut arlannik sakkutuunut tunngassuteqartunik sulinissartik itigartitsissutigisarsimagaat. Sooq? Guutip piumasarisai atuaqqissaarsimagamikkik nalunngeqatiginnissusertillu naapertorlugu inuttut ataasiakkaatut aalajangersimagamik. Inuttut ataasiakkaatut qanoq iliuusissaat allanit aalajangerneqarneq ajorput. Inuillu allat qanoq iliuusii akuliuffigineq ajorpaat. Aalajangernertilli pillugu nassuiaaqquneqaraangamik oqaatigisarpaat Guutimut sassarsimanertik taassumunngalu tunniulluinnarsimanertik pissutigalugit pisussaallutik timimik taassumunnga kiffartornermut atornissaanut aammalu naalakkanut nunamiunut Guutip siunertarisaanut akerliusumik iliortunut timertik tunniussinnaajunnaarlugu. — Rûm. 6:12-14; 12:1, 2; Migga 4:3.
15. (a) Silarsuup inuinut ilaannginnertik pissutigalugu Jehovap Nalunaajaasui sunit nalaanneqartarsimappat? (b) Qanoq ilillutik, allaat parnaarussaaqqanerminni, kristumiunut najoqqutassat maleruartuaannarsimavaat?
15 Tamanna Jesusip oqaaserisimasaatut kinguneqarsimavoq: ’Ilaginnginnamisi silamiut uumissorpaasi.’ (Juán. 15:19) Kristumiutut kalluunnaveersaassutsiminnik unioqqutitsiumannginnertik pissutigalugu Jehovap Nalunaajaasuisa ilarpassui parnaarussaasarsimapput. Ilaat peqqarniitsuliorfigineqarsimapput, allaat ilaat toqussutigisaminnik. Allat ukiorpassuarni parnaarusimaneqarnerminni kalluunnaveersaassusertik attattuarsimavaat. Atuakkami Values and Violence in Auschwitz-imik taaguutilimmi (qupperneq 89-imi) Anna Pawelczynska ima allappoq: „Kialuunniit nalunngilaa Jehovap Nalunaajaasuisa [naalliutsitsivimmiittut] arlaannaalluunniit upperisaminut aalajangiusimasaminullu akerliusumik peqquneqaruni imaluunniit inummut allamut, allaat toqutsisumut SS-sakkutuunut naalagaasumulluunniit, akerliusumik iliuuseqaqquneqaruni piumanavianngitsoq. Suliassarli suugaluartorluunniit, qanorluunniit kajuminnanngitsigigaluartoq, ileqqussatigut kalluunnaveerutaappat sapinngisani naapertorlugu suliarisarpaa.“
16. Inuiaat tamarmik sumut ingerlaarpat, taamaattumillu Jehovap Nalunaajaasuisa suna pinngitsoorniarlugu sianigeqqissaarpat? (b) Sooq silarsuup inuinut ilaannginnissaq taama pingaaruteqartigaa?
16 Jehovap Nalunaajaasuisa paasisimavaat inuiaat tamarmik Harmagedonimi ’sorsunnissamut Guutip ajugaqanngitsup ullussarsuani piumaartumut’ ingerlaartut. Inuiattut ataasiusutut Jehovap kiffai taassuma naalagaaffianik Messiasikkoortumik tapersersuiniarlutik aalajangersimapput. Taamaattumik sianiginngisamik sunnerneqarnikkut piumassuserinngisamik naalagaaffimmut tamatumunnga akerliusumik iliortoornissartik sianigeqqissaarpaat. (sarĸ. 16:14, 16; 19:11-21) Ajoqersukkami ’silarsuup inuinut ilaannginnerannik’ Jesusip oqaasiata ilumoorussaassusia paasivaat. Nalunngilaat silarsuatoqaq manna qanittukkut peeruttussaasoq aammalu Guutip piumasaanik naammassinnilluinnartut kisimik naassaanngitsumik atassasut. — 1 Juán. 2:15-17.
Uteqqiineq
● ’Silarsuup inuinut ilaannginnerup’ sumik nassataqarnera Jesusip qanoq ersersippaa?
● Kristumiut siulliit makkuninnga qanoq isiginnissimanerat sukkut paasineqarsinnaava: (1) Silarsuup inuisa periaasiat? (2) Silarsuarmi pissaanillit akileraartarnerlu? (3) Sakkutuutut kiffartorneq?
● Nalitsinni Jehovap Nalunaajaasuisa sutigut uppernarsartarpaat kristumiutut kalluunnaveersaartuullutik?
[Atuaqqissaarnermi apeqqutit]