Biibili pillugu paasisaqar­nerorusuppit?

 Sooq Biibili atuarneqar­tariaqarpa?

BIIBILI atuak­kanit tamanit al­laaneruvoq, Guutimeersunik asan­nit­tunik siun­nersuuteqarami. (1 Thes­salonikamiut 2:13) Biibili malik­kuk­ku ilin­nut iluaqutaasorujus­suus­saaq. Guutimut asan­nin­nerulis­saatit qanin­nerulerlugulu — Taan­na, ’tunis­sutinik ajun­ngitsunik naam­mal­luin­nar­tunil­lu’ Tunisisoq. (Jaaku 1:17) Qinunik­kut qanoq saaf­figis­sanerlugu ilik­karsin­naavat; ajor­nar­torsiuleraangavil­lu ikiuinera misigisas­savat. Najoq­qutas­sanut Biibilimeersunut inuunerit naleq­qus­saruk­ku Guutip inuunermik naas­saan­ngitsumik tunis­savaatit. — Romamiut 6:23.

Biibilip sal­lusuis­sut pingaarutilik imaaraa. Biibilimik paasin­nilersut paasin­nit­taatsinit kuk­kusunit inuit mil­lionil­lit naner­tisimas­sutaan­nit aniguisitaasar­put. Toqup kingor­na susoqarumaar­neranik ilisiman­nin­nit­ta, toqusimasunik ajoquser­neqar­nis­satin­nik an­nilaangagin­nik­kun­naasip­paatigut imaluun­niit ilaqut­tatsin­nik ikin­ngutsitsin­nil­luun­niit toqusimasunik naal­liuuteqarsorin­nik­kun­naarsip­paatigut. (Oqaluus­sisar­tup oqaasii 9:5, 10) Biibilip makif­fis­samik ajoqersuutaa asasamin­nik toqumi anaasaqarsimasunut tup­pal­lersaatis­sarujus­suuvoq.  (Johan­nesi 11:25) In­ngilit ajor­tut pil­lugit paasisat­ta eq­qor­tut anersaarsior­nerup navianaataanik ilisimatip­paatigut, paasitil­lutalu sooq taama silarsuarmi ajor­nar­torsior­toqar­tiginersoq.

Guutip Biibilimi uagutsin­nut najuq­qutas­siaasa timitsin­nut iluaqutaasumik inuuneqalersis­sin­naavaatigut. As­sersuutigalugu „ingasaas­sinaveersaar­tuul­luni“ timimut peq­qin­nar­neruvoq. (1 Timotheusi 3:2) ’Im­mitsin­nut minguiarut­ta, timimi anersaamilu minguk tamaat piiarlugu’ peq­qis­suser­put ajoqusis­san­ngilar­put. (2 Korinthimiut 7:1) Guutip maleruagas­siaanik malin­nin­neq aam­ma im­minut taginerulersitsisar­poq aap­pariin­nermilu pil­luar­nerulersitsisarluni. — 1 Korinthimiut 6:18.

Guutip oqaasii inuunermi maleruaraan­ni nuan­naar­nerulersitsisar­put. Biibilimik ilisimasaqar­neq qamuuna eq­qis­sineqalersitsisarlunilu nalerisimaalersitsisarlunilu neriuuteqalersitsisar­poq. Pis­sutsinik ilaler­nar­tunik soorlu nal­lit­tuinermik, asan­nin­nermik, nuan­naar­nermik, eq­qis­sinermik, inus­siar­nisaar­nermik up­per­nermil­lu ineriar­tor­titsilersit­tar­paatigut. (Galatiamiut 5:22, 23; Efesosimiut 4:24, 32) Pis­sutsit taamaat­tut uiul­lualersit­tarlutalu nuliaal­luarlersit­tar­paatigut,  ataataal­luarlersit­tarlutalu anaanaal­lualersit­tar­paatigut, er­nerul­luarlersit­tarlutalu paniul­lualersit­tar­paatigut.

Ilaatigooriarlutit siunis­saq eq­qarsaatigisar­piuk? Pif­fis­sami sumut kil­lin­nersugut takutitsisumik Biibilimi siulit­tuuteqar­poq. Silarsuarmi pis­sutsit ul­lumi isigisavut kisimik siulit­tuutigineqan­ngil­lat, siulit­tuutigineqar­por­taaq ungasin­ngitsuk­kut Guutip nunarsuarmik paratiisin­ngor­titsinis­saa. — Saq­qum­mersitat 21:3, 4.

Biibilip paasinissaanut ikiuineq

Im­maqa Biibilimik atuar­niaraluar­putit, paasiuminaatsil­luguli. Imaas­sin­naavoq apeq­qutip­pit akis­sutai Biibilimi sumut ujas­sanerlugit nalugit. Taamaap­pat kisimiin­ngilatit. Guutip oqaasii paasis­sal­lugit tamaat­ta ikior­neqar­nis­sar­put pisariaqar­tip­par­put. Nunani 235-t mis­saaniit­tuni Jehovap Nalunaajaasuisa inun­nut mil­lionilin­nut akeqan­ngitsumik Biibilimik ilin­niar­titsineq neqeroorutigisar­paat. Il­lit­taaq ikius­sal­lutit nuan­naarutigis­savaat.

Pitsaanerusar­poq Biibili aaq­qis­suul­luagaasumik misis­sus­sal­lugu ilin­niagas­sal­lu pingaar­nerusut aal­lar­niutigalugit. (Hebræerit 6:1) Paasin­nik­kiar­tuaalis­saatit ’nerisas­sal­lu tamuasaris­sat’, tas­sa sal­lusuis­sutsit itinerusut paasilersin­naalis­sal­lugit. (Hebræerit 5:14) Biibili najoq­qutas­saavoq pingaar­ner­paaq. Atuagas­sial­li Biibililersaarutit, soorlu atuagas­siaaq­qap Guutip  sumik piumaffigaatigut?, sam­misat as­sigiin­ngitsut pil­lugit Biibilimi qanoq al­lasimasoqar­neranik paasitis­sin­naavaatsit.

Sapaatip akunneranut ataasiarlutit Biibili misissortarusuppiuk?

Biibilimik ilin­niar­tsitsineq taamaat­toq pif­fis­sami sumiif­fim­milu il­lit iluarisan­ni pisin­naavoq. Amerlasuut angerlarsimaf­fim­min­ni Biibilimik taamatut atuaq­qis­saar­tar­put; al­laat ilaat oqarasuaatik­kut taamaalior­tar­put. Ataatsimoor­tunik ilin­niar­titsinerun­ngilaq, atuk­katit tunuliaqut­tatil­lu eq­qarsaatigalugit kisimiil­lutit ilin­niar­tin­neqarsin­naavutit, soraarum­meer­navian­ngilatil­lu. Biibili pil­lugu apeq­qutitit akis­sutis­sarsis­savatit Guutimul­lu qanimut qanoq at­taveqar­nis­sat ilik­kas­sal­lugu.

Biibilimik ilin­niar­tin­neqar­neq taamaat­toq akeqan­ngilaq. (Mat­thæusi 10:8) Ilumoorlutik Biibilimik paasisaqar­nerorusut­tunut, up­per­tuup­pata up­per­tuun­ngip­pataluun­niit, akeqan­ngilaq.

Ilaqut­tatit ikin­ngutitil­lu soorunalimi aam­ma peqataanis­samut tikil­luaq­qusaap­put. Kis­saatigineruguk­kuli aam­ma kisimiis­sin­naavutit.

Amerlasuut sapaatip-akun­neranut akun­neq ataaseq Biibili misis­sorumal­lugu im­mik­koor­tit­tar­paat. Pif­fis­saq an­nerusoq min­nerusorluun­niit atorsin­naasat apeq­qutaatin­nagu Jehovap Nalunaajaasuisa ikiorumavaatsit.

 Biibilimik ilikkagaqar­neruler­nissamut qaaqqusissut

Jehovap Nalunaajaasui saaf­figisin­naavatit. Najuk­kamut ataani al­las­simasumut najuk­kan­nut qanin­nermut al­las­sin­naavutit. Akeqan­ngitsumik Biibilimik ilin­niar­tin­neqar­nis­saq siuner­taralugu saaf­figineqas­saatit.

□ Atuagas­siaaraq Guutip sumik piumaffigaatigut? perusup­para. Oqaatsit sorliit?

□ Akeqan­ngitsumik Biibilimik atuaq- qis­saaqateqaar­nis­saq siuner­taralugu saaf­figineqarusup­punga.

Al­lat taaneqan­ngik­kaangata al­las­simaf­fiit uani is­suagaasut Biibilimit kalaal­lisuun­ngor­titami ator­tus­saatitaasumit nutaamit 2000-imeersumit tigusaap­put.