Eqqumasimanngillat

MIANERSOQ­QUS­SUTIT ilumoorutin­ngik­kaan­ni ajunaar­toqarsin­naavoq.

Australiami il­loqarfim­mi Darwinimi 1974-imi juul­lip nalaani kaavit­tulior­tumik anorersuar­nis­saanik siggar­taas­suar­tigut kalerrisaarisoqar­poq. Il­loqarfim­mili ukiuni 30-ngajan­ni taamatut anorersuarsiman­ngilaq aseruif­fiusumik. Sooq maan­nak­kut taamaat­toqas­sava? Il­loqarfim­miut amerlanersaasa up­perin­ngilaat navianar­toq nal­liul­luin­nalersoq — aatsaat kaavit­tulior­torsuup il­lut qaliaat tingit­talermagit qarmaal­lu up­pikaatilermagit paasiler­paat iluaqutaan­ngitsumil­lu qimaaf­fis­sarsiulerlutik. Aqaguani ul­laak­kut il­loqarfik piuneerun­neqarsimavoq.

Colombiami novembari 1985-imi qaq­qami in­nermik anitsisoqar­poq. Aputip sermil­lu aan­neratigut marul­lus­suaq sisoormat il­loqarfim­mi Armeromi inuit 20.000-init amerlanerusut matoorus­saap­put. Ilimagin­ngisamik taman­na piva? Naamik, qaam­matini arlalin­ni nuna sajup­pil­lat­tarsimavoq. Armeromili in­nut­taasut qaq­qap in­nermik anitsisar­tup eq­qaani najugaqar­neq sungiusimavaat, amerlaneril­lu sajup­pil­lat­tar­nerit soqutigin­ngilaat. Oqar­tus­saasut qaq­qap in­nermik anitsinis­saanik aarlerisaar­neqaraluar­put, taak­kuli inun­nik mianersoq­qusinis­samut iliuuseqar­pal­laan­ngil­lat. Radiuk­kut inuit eq­qis­sisar­niarlugit nalunaaruteqar­toqar­tar­poq. Oqaluf­fin­ni højt­talerik­kut inuit eq­qis­sisimaq­quneqar­put. Un­nuk­kuanili marlun­nik qaar­nersuaqar­poq. Il­lit pigisatit tamaasa tunuin­narlugit qimaasimas­sagaluar­pit? Ikit­tuin­naat pif­fis­saagal­lar­til­lugu taamaalior­put.

Ujaras­siuut nunap sajun­nis­saata sumiin­nissaa eq­qor­tumik siulit­tuutigigajut­tar­paat. Qaquguli pinis­saa eq­qor­tumik siulit­tuutigineqarsin­naagajun­ngilaq. 1999-imi nunarsuaq tamak­kerlugu inuit 20.000-ingajaat nunap sajun­nerini toqup­put. Ilar­pas­suisa ilimagisiman­ngilaat inuunermin­ni taama pisoqarsin­naanera.

Mianersoqqussutit Guutimeersut qanoq qisuariar­figisarpigit?

Biibilimi qangarsuarli ul­lus­sanut kingul­ler­nut ilisar­naatit erseq­qis­sumik al­laatigineqarsimap­put. Tamatumun­nga atatil­lugu „Noap ul­luini“ pisut eq­qaamaq­quneqar­put. „Ulersuaq sioq­qul­lugu“ inuit ul­luin­nar­ni sam­misas­sat  nalingin­naasut sam­mineruaat, qular­nan­ngitsumik nakuuser­toqangaar­nera isumakuluutigiitigalugu. Guutip kif­fani Noa aq­qutigalugu mianersoq­quai, ’aatsaal­li ulersuaq nal­lium­mat tamaasalu nungutil­lugit paasisaqaler­put’. (Mat­thæusi 24:37-39) Il­lit mianersoq­qus­sut malis­sagaluar­piuk? Ul­lumik­kut taamaalior­pit?

Imaluun­niit Abrahamip jor­nguata Lotip nalaani Sodomami Im­map Uumaatsup eq­qaaniit­tumi najugaqarsimagaluaruit mianersorsimas­sagaluar­pit? Nuna taman­na paratiisitut is­simavoq. Il­loqarfik pisuujuvoq, in­nut­tai isumakuluuteqan­ngil­lat — „neril­lutil­lu imer­put, pisil­lutik tuniniaal­lutil­lu, naatitas­sanik ik­kus­suil­lutik il­luliorlutil­lu“. In­nut­taaqatigiil­li taak­ku kan­ngunar­tuliungaar­tar­put. Lotip in­nut­taasut eq­qun­ngitsulior­nerat uparuar­tulermagu mianersoq­qus­sutit tusaaniarsimas­sagaluar­pigit? Guutip il­loqarfik aseror­niarlugu aalajangersimagaa oqaatigim­magu il­lit tusaaniarsimas­sagaluar­piuk? Imaluun­niit Lotip ningaas­saasut quiasuin­narsimas­sagaluar­pit? Im­maqaluun­niit il­loqarfik qimalaagin­nariarlugu uterfigerusutsas­simas­sagaluar­piuk, soorlu Lotip nulia taamaalior­toq? Lotip Sodoma qimap­paa naak al­lat mianersoq­qus­sutit ilumoorutin­ngik­kaluaraat, ul­lorlu taan­na ’ikual­las­saam­mik qilam­mit sial­ler­poq tamaasalu nungutil­lugit’. — Lukasi 17:28, 29.

Ul­lumik­kut­taaq amerlanerit mianersoq­quneqar­ner­tik soqutigisan­ngilaat. Oqalut­tuat tamak­ku Guutip oqaasiani mianersoq­qus­sutitut EQ­QUMANIAR­NIS­SAR­PUT pil­lugu al­lan­neqarsimap­put!

[Qupp. 22-mi ungalusaq/​assiliartaq]

Ilumut nunarsuaq tamakkerlugu ulersuaqarsimava?

Isor­nar­torsiuisar­tut amerlasuut naaggaar­put. Biibilimili taamaat­toqarsimaneranik al­las­simasoqar­poq.

Jiisusi Kristusip Ulersuaq eq­qar­tor­paa. Nam­minermi takusimavaa, qilam­mit isigisin­naagamiuk.

[Qupp. 23-mi ungalusaq/​assiliartaq]

Sodoma Gomorralu ilumut suujun­naar­sin­neqarpat?

Itsar­nisarsior­nik­kut paasisat taama pisoqarsimanera up­per­narsar­paat.

Oqalut­tuani Biibilimeersuun­ngitsuni pisimasoq taan­na eq­qaaneqar­tar­poq.

Jiisusi Kristusip pisimasuit­tut in­nersuus­sutigaa. Pisimasorlu Biibilip im­mik­koor­tuisa ilaan­ni 14-ini eq­qaaneqar­poq.