Inuunerit sumut ingerlava?

• Inup­pas­suit ul­luin­nar­ni ulap­puteqangaaramik unikaal­lan­nerluun­niit ajor­put aperalutil­lu ulap­putigisamik sumut ingerlan­neraatik.

• Biibilimi paasinarsivoq qanit­tuk­kut pis­sutsit al­lan­ngorumaar­tut pitsaanerulerlutik. Aaq­qis­suus­saanerut­taaq atuut­tup matuma al­lan­ngorujus­suar­nis­saanut mianersoq­quneqar­pugut. Taman­na iluaqutigis­sagutsigu ajunaaqataas­san­ngik­kut­talu maan­nak­kut eq­qor­tumik iliuuseqar­tariaqar­pugut.

• Ilaasa Biibilimi qanoq al­las­simasoqar­nera nalun­ngilaat maleruarusuk­kaluarlugulu, taamaat­torli inuunerup piinik isumakuluuteqar­pal­laar­tar­put.

• Il­lim­mi? Inuuner­pit ingerlavia naam­magaajuk? Pif­fis­sat sumut atus­sanerlugu eq­qarsaatigigaangak­ku, siunis­samut ungasin­nerusumut anguniagaqar­nis­saq eq­qarsaatigisar­piuk?

[Qupp. 9-mi ungalusaq/​assiliartat]

Ilinnut suna pingaarnerpaava?

Suna pingaar­nerutip­piuk? Kisitsisit 1-imiit 10-mut al­lat­tuk­kit ataani taaneqar­tut saniatigut.

Ilaat pingaaruteqarsin­naap­put, pingaar­nersiuis­sagut­tali suna pingaar­ner­paava, sunalu tul­liua il.il.?

․․․ Sun­ngif­fik aliik­kutas­sal­lu

․․․ Sulif­fik qaf­fak­kiar­tuaar­nis­sarlu

․․․ Peq­qis­susera

․․․ Nam­mineq pil­luar­nis­sara

․․․ Aap­parisara

․․․ Angajoq­qaak­ka

․․․ Meeq­qak­ka

․․․ Najugara, atisak­ka

․․․ Pik­korin­ner­paanis­sara

․․․ Guutimut pal­lorfigin­nin­nera

 [Qupp. 10, 11-mi ungalusaq]

Qinikkavit ilumut anguniak­kannut ingerlatip­paatsit?

APEQQUTIT MAKKU EQQARSAATIGIKKIT

SUNNGIFFIK ALIIK­KUTAS­SALLU: Qinik­kak­ka qiim­mas­saataal­lutil­lu nakus­satsin­nar­pat? Pis­sanganar­torsior­niar­tar­punga peq­qis­sutsin­nut ajoqutaasin­naasunik, im­maqa inuunermut timimul­luun­niit navianar­tunik? ’Nuan­naar­neq’ akun­nialuin­nar­nik sivisus­suseqar­tar­pa, inuunerul­li sin­neranut aliasuutis­san­ngorsin­naal­luni? Aliik­kutara im­mini ajoqutaasariaqan­ngik­kaluar­toq ima pif­fis­saajarfigitigisar­para al­laat pingaaruteqar­nerusut sam­min­ngitsoor­tarlugit?

SULIF­FIK QAF­FAK­KIAR­TUAAR­NIS­SARLU: Inuuniarlunga sulisar­punga, imaluun­niit suliniarlunga inuuvunga? Sulif­figa peq­qis­sutsin­nut akor­nutaava? Qaangiut­toorlunga sulinis­sara piumaneruara aap­parma meeq­qamalu ilaginis­saan­nin­ngar­nit? Sulif­figa ilerasuutigiligas­san­nik piumasaqaateqar­pat imaluun­niit pif­fis­saq anersaak­kut it­tunut ator­tariaqaraluagara piumasarineqarajup­pat akuersiin­nar­tar­punga sulif­figa an­naajumanagu?

PEQQIS­SUSERA: Peq­qis­susera mianersuaal­liorfigisar­para imaluun­niit paaril­luar­para? Eq­qar­tor­tuaan­nar­para? Peq­qis­sutsin­nut soqutigin­nin­nerma takutip­paa aam­ma ilaqut­tak­ka eq­qarsaatigigik­ka?

NAM­MINEQ PILLUAR­NIS­SARA: Taman­na siul­liul­lugu eq­qarsaatigisar­para? Nam­mineq pil­luar­nis­sara ilaqut­tama pil­luar­nis­saan­nit pingaar­nerutip­para? Pil­luarusun­nera Guutimut ilumoor­tumik pal­lorfigin­nin­nermut naaper­tuup­pa?

AAPPARISARA: Aap­parisavit­tut isigisar­para aatsaat iluaqutigigaangak­ku? Ataq­qisarialit­tut naleq­qut­tumik iliorfigisar­para? Guutimut up­per­nera aap­para pil­lugu isum­mer­tar­nin­nut sun­niuteqar­pa?

ANGAJOQ­QAAKKA: Meeraaguma inuusut­tuaraagumaluun­niit angajoq­qaak­ka naalat­tar­pak­ka — ataq­qin­nip­palut­tumik akil­lugit, iliuusereq­qusaat iliuuserisarlugit, pif­fis­samut neriorsuutigisan­nut angerlar­tarlunga aam­malu ilageq­qun­ngisaat sam­misas­sal­lu sam­meq­qun­ngisaat ingalas­simasarlugit? Inersimasuuguma ataq­qin­nil­lunga angajoq­qaak­ka tusar­naar­tuar­pak­ka pisariaqar­pal­lu ikior­tarlugit? Taak­kunun­nga at­taveqar­nera ilorrisimaarusun­nin­nit imaluun­niit Guutip oqaasiani ilitsersuutinit aqun­neqar­pa?

MEEQ­QAKKA: Ileq­qus­sat ilumoor­tut pil­lugit ajoqersor­tar­pak­ka imaluun­niit tamatumun­nga atuarfik isumal­luutigaara? Meeq­qama ilaginis­saan­nut pif­fis­saqar­punga, imaluun­niit pin­ngus­sat, tv qarasaasiarluun­niit sam­mip­patigik naam­magaara? Guutip inatsisai unioq­qutip­patigik aalajaal­lunga naveer­tar­pak­ka, aatsaal­luun­niit uumitsak­kaangama taamaalior­tar­punga?

NAJUGARA, ATISAKKA: Pigisanik isik­kun­nil­lu pingaar­titsinin­nut suna aalajangiisuutip­para — al­lanut malugitik­kusun­neq? Ilaqut­tama iluaqutis­saat? Guutimul­luun­niit pal­lorfigin­nin­nera?

PIKKORIN­NER­PAANIS­SARA: Suut tamaasa pitsaaner­paamik naam­mas­sinis­saat uan­nut pingaaruteqar­pa? Pik­korin­ner­paaniar­punga? Al­lat pik­korin­nerunis­saat iluarin­ngilara?

GUUTIMUT PALLOR­FIGIN­NIN­NERA: Guutip iluarisaanik ilior­nis­saq pingaar­nerutip­para aap­parma, angajoq­qaama, meeq­qama sulisitsisumaluun­niit iluarisaan­nik ilior­nis­samin­ngar­nit? Ilorrisimaar­nar­tumik inuunis­saq pingaar­nerutip­para Guutimut kif­far­tor­nermin­ngar­nit?

 BIIBILIMI SIUN­NERSUUTIT MALUGINIAKKIT

Guuti inuuninni qanoq pingaaruteqartigaa?

Oqaluus­sisartup oqaasii 12:13: „Tamaasa tusareeruk­kit ima ataatsimut katin­neqar­tis­savatit: Guuti mianeruuk inatsisaalu maleruarlugit, inuit tamarmik taamaalior­tus­saap­put!“

IMMINUT APERIGIT: Inuunerma takutip­paa taama isigin­nit­taaseqar­tunga? Sulif­fin­ni, angerlarsimaf­fin­ni atuarfim­miluun­niit takuneqarsin­naava Guutip inatsisai naalan­niarik­ka? Imaluun­niit al­lat ul­luin­nar­nilu isumakuluutit Guutip qanoq pif­fis­saqarfigitiginis­saanut aalajangiisuutit­tar­pak­ka?

Guutimut attaveqar­nerit qanoq ippa?

Ussatit 3:5, 6: „[Jehova] tatigiuk uum­matik­kut iluun­ngarlutit, nam­minerlu paasisimasaqas­sutsit tatigeqinagu! Eq­qarsaatigiuar­taruk sumiik­kaluaraangavil­luun­niit, taava ingerlavis­satit nalim­matsis­savai.“

Matthæusi 4:10: „[Jehova] Guutit pal­lorfigis­savat taan­nalu kisiat kif­far­tuul­lugu.“

IMMINUT APERIGIT: Guutimut at­taveqar­nera taamaap­pa? Ul­luin­nar­ni inuunin­ni, aam­ma ajor­nar­torsiuler­nin­ni, takuneqarsin­naava Guutimut tatigin­nit­tunga taan­nalu eq­qarsaatigiuariga?

Biibilimik atuar­neq atuaq­qis­saar­nerlu ilin­nut qanoq pingaaruteqar­tigaa?

Johannesi 17:3: „Inuunerlu naas­saan­ngitsoq tas­saavoq ilin­nik, ilumut kisimi Guutiusumik aal­lar­titan­nil­lu Jiisusi-Kristusimik, ilisiman­nin­neq.“

IMMINUT APERIGIT: Guutip oqaasianik atuar­nis­samik eq­qarsaatigin­neq­qis­saar­nis­samil­lu pingaar­titsinerma takutip­paa al­las­simaf­fim­mi tas­sani oqaatigineqar­toq up­perigiga?

Kristumiut ilagiis­saan­ni ataat­simiin­nerit najuuf­figisar­nis­saat qanoq pingaar­titsigaajuk?

Hebræerit 10:24, 25: „Im­mitsin­nut isumageqatigiin­niar­ta asaqatigiin­nermut ajun­ngitsulior­nermul­lu kajumis­saaqatigiit­tarluta, ilagiit­tut katisimasar­nivut tamatigut peqataan­ngitsoorfigisar­natigit, . . . taamaalior­nis­saq suli pisariaqar­nerulermat nalun­ngin­nas­siuk ul­lus­saq qanil­lisoq.“

Tussiaat 122:1: „Nuan­naatsaqaanga oqarfigineqarama: Piar­tor­ta [Jehovap] il­luanut!“

IMMINUT APERIGIT: Iliuutsima takutip­paat Guutip peq­qus­sutaa ataq­qigiga? Qaam­matip kingul­liup ingerlanerani ataatsimiin­nerit ilaat peqataaf­figin­ngitsoor­pak­ka al­lamik sam­misaqar­nera pil­lugu?

Guuti siuner­taalu pil­lugit allanut oqalut­tuar­neq ilunger­suutigaajuk?

Matthæusi 24:14: „Naalagaaf­fim­mil­lu iivangkiiliu taan­na silarsuarmi tamarmi oqaluus­sis­sutigineqas­saaq . . . tamanut nalujun­naarsil­lugu, taavalu naggatis­saq nal­liutis­saaq.“

Matthæusi 28:19, 20, NV: „Taamaat­tumik aal­laritsi inun­nil­lu inuian­nit tamaneersunik ajoqersugan­ngor­titsigitsi, . . . ajoqersorsigil­lu ilis­sin­nut peq­qusak­ka tamaasa maleruaq­qul­lugit.“

Tussiaat 96:2: „[Jehova] erinarsorfigisiuk, aq­qa un­nersiutigisiuk, an­naas­sinera nalunaajaatigisiuk ul­lut tamaasa!“

IMMINUT APERIGIT: Suliaq taman­na inuunin­ni pingaar­tip­para? Oqaluus­sinermut peqataanerma takutip­paa pif­fis­sap inuuf­figisat­ta pingaaruteqas­susia paasil­luariga?