Pisut tamarmik qanoq isumaqarpat?

JIISUSI KRISTUSI oqar­poq: „Pis­sut­sit aaq­qis­suus­saanerata nag­gatis­saanut“ ilisar­naatit tas­saajumaar­put sorsun­nerit, kaan­nersuit, nap­paas­suit nunal­lu sajut­tar­neri. — Mat­thæusi 24:1-8, NV; Lukasi 21:10, 11.

1914-imiil­li inuiaqatigiit naggueqatigiil­lu im­min­nut sorsuut­tuarsimap­put, up­perisarsior­tut naalak­kersuinermut akuliut­tar­nerat pis­sutaagajul­luni. Ul­lutsin­nilu peq­qar­niisaar­niar­neq siaruarsimaqaaq.

Naak ilisimatuus­sutsik­kut siuariar­toqaraluaqisoq nunarsuarmi tamarmi inuit 100 millionilik­kuutaat kaat­tuar­put. Ukiut tamaasa inuit mil­lionilip­pas­suit perlerlutik toqusar­put.

Nap­paalanersuit aam­ma nalunaaq­qum­mut Jiisusip siulit­tuutigisaanut ilaap­put. Sior­natigut nap­paalanersuit siam­marsimaval­laan­ngil­lat, sorsun­nersuul­li siul­liup kingor­na silarsuarmi tamarmi nunat, qeqer­tat avin­ngarusimasumiit­tut al­laat, nual­luum­mit eq­qugaap­put. Inuit 21 millionit sin­nerlugit taman­na toq­qutigaat. Nap­paalanersuaq al­la, AIDS, maan­na nunarsuaq tamak­kerlugu perlus­sior­titsivoq. Nap­paatit siooranar­tut, soorlu tuberkulose, malaria, kuus­suit mingutsin­neqar­nerat pis­sutigalugu tap­pinger­neq Chagasillu nap­paataa nunani siuarsar­niak­kani nalingin­naaqaat.

Ukiut tamaasa nunap sajun­neri sak­kukitsut sak­kor­tuul­luun­niit tusindilip­pas­suit pisar­put. Naak inuit ul­lumik­kut tamak­kunin­nga siumut ilisiman­nereersin­naal­lutil­lu sil­limaniar­nermut ator­toris­saaruteqaraluar­tut, nunat inup­pas­suaqarfiusut sajuf­fiugaangata ajunaar­nersuaqar­tar­poq.

Biibilimi aam­ma ima siulit­tuuteqar­poq: „Ilisimas­saval­li ul­lus­sani kingul­ler­ni nal­liuk­kumaarmata ul­lut atugarliungaarfis­sat. Taamanik­kus­samimi inuit tas­saalerumaar­put nam­minis­sarsior­tut, aningaaserituut, usorsitsaar­tut, an­neruniar­tut, asis­suingaar­tut, angajoq­qaamin­nut naalan­ngitsut, qujasuitsut, mital­liisut, asan­niuitsut, saam­mar­titas­saan­ngitsut, mamarliisut, naam­matsiuitsut, qiningasut, ajun­ngitsunut akeraasut, kil­luus­sisut, puf­fajasut, makitaniar­tut, inuul­luar­niutit Guutimit pingaar­nerutil­lugit. Taak­kua Guutimik mianerin­nin­neq ileq­qorisuusaagin­nar­paat pis­saanerali asigin­narlugu. Taamaat­tut nigorsimaniak­kit!“ — 2 Timotheusi 3:1-5.

’Ul­lut atugarliungaarfiit’ — tas­saan­ngin­ner­pat ul­lutsin­ni misigisavut?

Inup­pas­suit qanoq nam­minis­sarsior­tiginerat, aningaaseritutiginerat pingaar­niar­tigineral­lu malugaajuk?

Miserratigineqarsin­naaner­pa silarsuaq inun­nik piumatuunik, qujasuitsunik, saam­mar­titas­saan­ngitsunik ilumoorfigeqatigiin­ngitsunil­lu ulik­kaar­toq?

Malugisimaviuk angajoq­qaanut naalan­ngin­neq asan­niuitsuunerlu tupan­nar­toq sumiif­fin­ni ikit­tuin­naan­ngitsuni, silarsuarmili tamarmi, nalingin­naalersimasoq?

Malugisimaviut­taaq silarsuarmi inuul­luar­niutinik pingaar­titsival­laarfiusumi ajun­ngitsunil­lu nuan­narisaqan­ngif­fiusumi inuusugut?  Biibilimi inuit „ul­lus­sani kingul­ler­ni“ isigin­nit­taasis­saat ilisar­naataasus­saq ima al­laatigineqar­poq.

’Ul­luni kingul­ler­ni’ inuunitsin­nut up­per­narsaatit suli amerlanerusut pisariaqar­tin­neqar­pat? Jiisusip siulit­tuutigaat­taaq pif­fis­sami tamatumani Guutip naalagaaf­fianik nutaarsias­saq nuan­nersoq nunarsuaq tamak­kerlugu oqaluus­sis­sutigineqas­sasoq. (Mat­thæusi 24:14) Taamaap­pa?

Napasuliaq Alaper­naar­suiffik, atuagas­siaq Biibililersaarutaasoq Jehovap naalagaaf­fia pil­lugu nutaarsias­samik nuan­nersumik tusarlius­sisoq, atuagas­sianit tamanit oqaatsinut amerlaner­paanut naqiter­tin­neqar­tar­poq.

Ukiut tamaasa Jehovap Nalunaajaasui nalunaaqut­tap-akun­neri katil­lutik 1 milliardinit amerlanerusut atorlugit Guutip naalagaaf­fia pil­lugu oqaluus­sisar­put.

Maan­nak­kut Jehovap Nalunaajaasuisa atuagas­siat atuak­kal­lu Biibililersaarutit oqaatsinut 400-t mis­saan­nut  naqiter­tar­paat, ilaatigut ungasis­sumi inoqar­pian­ngitsumi inuusut oqaasiinut al­laat. Jehovap Nalunaajaasuisa nutaarsias­saq nuan­nersoq Biibilimeersoq inuiaqatigiin­nut tamanut oqaluus­sis­sutigaat; al­laat qeqer­tan­nguani sumiif­fin­nilu politik­kik­kut pingaar­tin­neqar­pal­laan­ngitsuni. Nunat amerlanersaan­ni aalajangersimasumik peq­qis­saar­tumil­lu Biibili tun­ngavigalugu ajoqersuisar­put.

Aap, Jehovap Nalunaajaasuisa nunarsuarmi inuit najugarisaan­ni tamarsuarmi Guutip naalagaaf­fianik nutaarsias­saq nuan­nersoq oqaluus­sis­sutigaat — silarsuarmi inuit tamaasa isumataar­tin­nis­saat anguniar­nagu, nalunaajaaniarlutil­li. Inuit sumiluun­niit najugaqaraluarunik periarfis­saqar­put kia qilak nunarsuarlu pin­ngor­tis­simaneraa soqutiginerlugu takutis­sal­lugu, taas­sumalu inatsisai ataq­qerusun­nerlugit tul­ler­til­lu asajumanerlugu. — Lukasi 10:25-27; Saq­qum­mersitat 4:11.

Ungasin­ngitsuk­kut Guutip naalagaaf­fiata ajor­tut nunarsuarmit piis­savai nunarsuarlu tamak­kerlugu paratiisi pilersis­sal­lugu. — 2 Petrusi 3:13.

[Qupp. 6-mi ungalusaq]

Ullut kingulliit — suna pillugu?

Nunarsuup inui tamarmiusut pineqan­ngil­lat. Guutip piumasaatut ilior­tut naas­saan­ngitsumik inuusin­naanerat Biibilimi neriorsuutigineqar­poq. — Johan­nesi 3:16, 36; 1 Johan­nesi 2:17.

Aam­ma nunarsuaq pineqan­ngilaq. Guutip oqaasiani neriorsuutigineqar­poq nunarsuaq naas­saan­ngitsumik inoqarluni atas­sasoq. — Tus­siaat 37:29; 104:5; Esaja 45:18.

Naamik, ul­lut kingul­liit tas­saap­put silarsuarmi pis­sutsit aaq­qis­suus­saanerata matuma nakuuserfiusup asan­niuitsul­lu, inuil­lu tamatumin­nga malin­nik­kusul­lutil­lu atajuar­titserusut­tut, naggatis­saat. — Us­satit 2:21, 22.

[Qupp. 7-mi ungalusaq/​assiliartaq]

Biibili ilumut Guutip oqaaseraa?

Arlaleriaqalutik pruf­fiitit Biibilimi al­lap­put: „Ima oqar­poq [Jehova].“ (Esaja 43:14; Jeremia 2:2) Al­laat Jiisusi Kristusip, Guutip er­nerata, erseq­qis­sar­paa oqaatsini ’isumaminik oqaaserin­ngik­kini’. (Johan­nesi 14:10) Biibilimi ersaris­sumik al­las­simavoq: „Al­lak­kat il­ler­nar­tut tamarmik Guutip sun­niineratigut isumas­sarsiarititaap­put.“ — 2 Timotheusi 3:16, NV.

Al­lamik atuagaqan­ngilaq oqaatsinut taama amerlatigisunut naqiter­neqarsimasumik — Biibilimik Naqiterisitsisarfiit Kat­tuf­fiat naaper­torlugu oqaatsinut 2200-nit amerlanerusunut naqiter­neqarsimavoq. Aam­ma al­lamik atuagaqan­ngilaq taama amerlatigisun­ngorlugu naqiter­neqar­tumik — Biibili maan­na 4 milliardin­ngorlugu naqiter­neqarsimavoq. Inuian­nul­li tamanut tusarlius­saq Guutimeersuum­mat taman­na ilimagineqarsin­naan­ngin­ner­pa?

Biibilip Guutimit isumas­sarsiarititaaneranut takus­sutis­sat amerlanerusut atuar­neqarsin­naap­put atuagas­siaaq­qami Inun­nut tamanut atuagaq-mi, Jehovap Nalunaajaasuinit saq­qum­mersin­neqar­tumi.

Biibili Guutip oqaaserigaa akuerigaan­ni atuas­sal­lugu pis­sarsif­figinas­saqaaq.

[Qupp. 8-mi ungalusaq/​assiliartat]

Guutip naalagaaffia sunaava?

Tas­saavoq Guutip ilumoor­tup, Pin­ngor­titsisup Jehovap, piumasaanut naaper­tuut­tumik qilam­mit naalak­kersuineq. — Jeremia 10:10, 12.

Biibilimi erseq­qis­sar­neqar­poq Jiisusi Kristusi Guutimit pis­saaneqar­titaal­lunilu oqar­tus­saas­suseqar­titaasoq. (Saq­qum­mersitat 11:15) Jiisusip nunarsuarmiik­kal­larami takutip­paa tupaal­lan­nar­tumik pis­saaneqalereersimal­luni oqar­tus­saas­suseqalereersimal­lunilu, pin­ngor­titap nukii pis­saaneqarfigalugit, nap­paatinik tamanik ajorun­naarsitsisin­naal­luni toqusunil­lu makititsisin­naal­luni. (Mat­thæusi 9:2-8; Markusi 4:37-41; Johan­nesi 11:11-44) Biibilimi siulit­tuum­mi Guutimit isumas­sarsiarititaasumi oqaatigineqar­poq Jiisusi ’naalagaas­susermik naalan­naam­mil­lu kun­ngius­susermil­lu tunineqar­toq’ aam­ma ’inuiaqatigiit, naggueqatigiit im­mik­kul­lu oqaasil­lit tamarmik kif­far­torfigis­sagaat’. (Danieli 7:13, 14) Naalak­kersuineq taman­na Guutip naalagaaf­fianik taaneqar­poq, Jiisusi Kristusilu maan­nak­kut qilam­mit naalak­kersuivoq.

[Qupp. 7-mi assiliartaq]

Nutaarsias­saq nuan­nersoq Biibilimeersoq nunarsuaq tamak­kerlugu oqaluus­sis­sutigineqar­poq