Silarsuaq sumununa ingerlasoq?

Ul­lut tamaasa silarsuarmi tamarmi ajor­nar­torsiuter­pas­suit pisimasul­lu tupan­nar­tut nutaarsias­saasar­put. Tamak­ku suugamik?

INUT­TUT ISUMAN­NAAS­SUSEQ: Niuerfin­ni qaar­tar­tumeerisoqar­tar­poq. Ilin­niar­titsisut ilin­niar­tul­lu atuarfin­ni aal­laaneqarlutik toqutaasar­put. Angajoq­qaat tunus­sil­latsiar­nermin­ni meeq­qamin­nik inoorlaanik til­lif­figitit­tar­put. Ul­luunerani angutit utoq­qaat ar­nal­lu ujajaaf­figineqar­tar­put.

UPPERISAR­SIORNEQ: Oqaluf­feqarfiit sorsuut­tut tapersersor­tar­paat. Palasit toqoraaqataasutut un­nerluutigineqar­tar­put. Palasit meeq­qanik inuusut­tunil­lu kinguaas­siuutitigut ator­nerluisimasut; qul­lersaasa taman­na iser­tuup­paat. Naalagiat ikin­neruler­put; nunal­lu ilaan­ni oqaluf­fiit tunineqar­tar­put.

AVATANGIISIT: Aningaasameer­nerup or­pip­pas­suit nungusar­pai. Or­pip­pas­suaqarfiit piitsunit qisus­sarsior­tunit nungusar­neqar­put. Er­ngit imer­neqarsin­naajun­naarlutik mingutsin­neqar­put. Nioq­qutis­sior­nermi eq­qak­kat aalisariaatsil­lu nutaat aalisak­kanik nungusaap­put. Mingutsitsinerup silaan­naq najuus­sugar­put navianarsisik­kalut­tuar­paa.

 INUUS­SUTIS­SAR­SIORNEQ: Afrikami Saharap kujataani inuk agguaqatigiis­sil­lugu ukiumut 3000 koruuninit ikin­nerusunik iser­titaqar­tar­poq. Sulif­fis­suaatileqatigiit piumatunerinit sulif­fiit mikinerusut akiliisin­naajun­naar­tar­put, inuil­lu tusindilik­kuutaat sulif­feerul­lutik. Peq­quserlun­neq pis­sutaal­luni inuuneq tamaat aningaasat katersarisimasat an­naaneqar­tar­put.

NERISAS­SAALEQINEQ: Silarsuarmi tamarmi inuit 800 millionit kaal­lutik in­nar­tariaqar­tar­put.

SORSUN­NERIT: Ukiut 1900-kkut ingerlaneran­ni inuit 100 millioninit amerlanerusut sorsun­ner­ni toqutaap­put. Suli atomitor­tunik qaar­tar­toqar­poq inuian­nik tamanik arlaleriarluni suujun­naarsitsisin­naasunik. In­nut­taaqatigiit akor­nan­ni im­min­nut sorsuut­toqar­poq. Silarsuarmi tamarmi peq­qar­niisaar­toqar­poq.

NAPPAATIT TUNIL­LAAS­SUUT­TUT NAP­PAATILLU ALLAT: Spaniamiut nap­paataat 1918-imiit 21 millionit toqus­sutigaat. AIDS tas­saalersimavoq „inuiaat oqalut­tuarisaaneran­ni nap­paatit tunil­laas­suut­tut ajor­nersaat“. Kræfti uum­mal­luutil­lu silarsuarmi tamarmi alianar­tumik piviusuup­put.

Nutaarsias­sat tun­ngavis­sarsiulaariak­kit. Pisimasuin­naaner­pat im­min­nut atas­suteqan­ngitsut? Imaluun­niit ataatsitut im­mik­kut pingaaruteqar­tutut isigineqar­tariaqar­pat? Itinerusumik isumaqar­pat?

 [Qupp. 5-mi ungalusaq/​assiliartaq]

Guuti soqutigisaqan­nginnami?

Pisunik tupan­nar­tunik nam­minerluun­niit alianar­tumik nalaataqarsimatil­luni pis­susis­samisuus­saaq ima im­minut aperis­sal­luni: Sooq Guuti akuliutin­ngila pin­ngitsoor­titsil­lunilu? Soqutigisaqan­ngin­nami?

Naamik, Guuti soqutigisaqarpoq. Isumagingaar­paatigut. Inuunermut peq­qin­nar­tunik maleruagas­siuus­simavaatigut ilitsersuul­lutalu. (Mat­thæusi 11:28-30; 2 Timotheusi 3:16, 17) Nakuuser­neq, nap­paatit toqulu suujun­naarsivin­niarlugit iliuuseqarsimavoq. Iliuusiisa tamarmik takutip­paat inuiaqatigiit ataasiin­naat pin­nagit, inuil­li inuiaqatigiin­nit, naggueqatigiin­nit oqaaseqaqatigiin­nil­lu tamaneersut soqutigigai. — Apustilit Suliaat 10:34, 35.

Uagummi soqutigin­nip­pugut? Nalun­ngiliuk qilam­mik nunarsuarmil­lu Pin­ngor­titsisoq kinaasoq? Qanoq ateqar­nera qanorlu siuner­taqar­nera nalun­ngiliuk? Apeq­qutit tamak­ku Biibilimi akivai. Ilisimatip­paatigut­taaq qanoq iliorluni nakuuser­nerit, nap­paatit toqulu suujun­naarsin­niarlugit. Taman­na misigis­sagutsigu qanoq ilior­tariaqar­pugut? Guuti ilisariniar­tariaqar­par­put siuner­taalu ilin­niarlugu. Sunik siuner­taqar­nera nalul­lugulu up­perin­ngik­kutsigu qanoq iluaqutigisin­naas­sagatsigu? (Johan­nesi 3:16; Hebræerit 11:6) Uagutsin­nut piumasaqaatai naalat­tus­saavavut­taaq. (1 Johan­nesi 5:3) Il­lit taamaalior­nis­san­nut iluamik soqutigin­nip­pit?

Ul­lumik­kut pis­sutsit taamaan­neri sooq Guutip akuerigai paasis­sagutsigu apeq­qut pingaarutilik ilisimasariaqar­par­put. Taman­na Biibilimi nas­suiar­neqar­poq. Atuagas­siaaq­qami matumani qup­per­nermi 15-imi sam­mineqar­poq.