Silarsuassaq nutaaq Guutip neriorsuutaa naapertorlugu

BIIBILIMI, Guutip oqaasiani al­lan­neqarsimasumi, ima as­seqan­ngitsumik neriorsor­neqar­pugut: „Neriorsuutaa naaper­torlugu ilimagisaraavut qilaat nutaat nunalu nutaaq iluas­sutsip najugarisas­sai.“ — 2 Petrusi 3:13.

„Qilaat nutaat“ suup­pat? Biibilimi oqaaseq qilak naalagaas­sutsimut atas­suteqar­tin­neqar­poq. (Apustilit Suliaat 7:49) „Qilaat nutaat“ tas­saap­put nunarsuarmut naalak­kersuinis­saq nutaaq. Nutaajus­saaq ul­lumik­kut nunarsuarmi inuiaqatigiit naalak­kersuineran­nut taar­taasus­saagami; Guutit­taaq siuner­taata naam­mas­sineqar­nis­saanut al­loriar­nerus­saaq nutaaq. Jiisusi Kristusip ilin­niar­tip­paatigut naalagaaf­fik taman­na qin­nutigeq­qul­lugu. (Mat­thæusi 6:10) Guutip taman­na piliaraa, taan­nalu qilam­miip­poq; taamaat­tumik ’Qilaap Naalagaaf­fianik’ taaneqar­poq. — Mat­thæusi 7:21.

„Nuna nutaaq“ sunaava? Tas­saan­ngilaq nunarsuaq al­la, Biibilimimi ersaris­sumik al­las­simavoq Nunarsuaq naas­saan­ngitsus­samut inoqar­tuas­sasoq. „Nuna nutaaq“ tas­saas­saaq inuiaqatigiit nutaat. Nutaajus­saaq ajor­tut guutiitsul­lu peer­neqarsimasus­saam­mata. (Us­satit 2:21, 22) Taamanik­kus­samut inuusut tamarmik Pin­ngor­titsisoq ataq­qil­lugulu naalas­savaat najoq­qutas­siaalu iluar­tut malis­sal­lugit. (Tus­siaat 22:28) Inuit inuiaqatigiin­nit tamaneersut kajumis­saar­neqar­put najoq­qutas­siat tamak­ku ilin­niaq­qul­lugit maan­nak­kul­lu malerualeq­qul­lugit. Il­lit taamaalior­pit?

Guutip silarsuas­saani nutaami naalak­kersuinera kik­kut tamarmik ataq­qis­savaat. Guuti ima asatigaajuk inatsisai naalal­lugit? (1 Johan­nesi 5:3) Angerlarsimaf­fin­ni, sulif­fin­ni atuarfim­miluun­niit takuneqarsin­naava? Inooriaatsin­ni takuneqarsin­naava?

Silarsuas­sami nutaami inuiaat Guutimik ilumoor­tumik pal­lorfigin­nil­lutik ataasius­suseqas­sap­put. Qilam­mik nunarsuarmil­lu Pin­ngor­titsisoq pal­lorfigisar­piuk? Pal­lorfigin­nin­ner­pit inun­nik tamanit inuiaqatigiin­nit, naggueqatigiin­nit oqaaseqatigiis­sunil­lu tamanit pisunik peqateqalersip­paatit? — Tus­siaat 86:9, 10; Esaja 2:2-4; Sefania 3:9.

 [Qupp. 17-mi ungalusaq]

Guuti pisussanik neriorsuuteqartoq

Qilak takus­saasoq nunarsuarlu pin­ngor­tis­simavaa. Jiisusi Kristusip taavaa ’ilumut kisimi Guutiusoq’. — Johan­nesi 17:3.

Inuit amerlanersaasa nam­min­neq guutitik pal­lorfigisatik pilersitaraat. Millionilip­pas­suit inuusaliat uumas­suseqan­ngitsut pal­lorfigisar­paat. Al­lat inuiaqatigiin­ni aaq­qis­suus­sinerit, isumaliutersuutit qal­liin­narsior­tut nam­min­nerluun­niit kis­saatigisatik guutin­ngor­tit­tar­paat. Al­laat Biibilimik najoq­qutaqar­nerar­tut akor­nan­ni ’ilumut kisimi Guutiusup’ aq­qa ataq­qineqan­ngilaq. — 5 Mosesi 4:35.

Pin­ngor­titsisoq nam­mineq pil­luni oqar­poq: „Uanga tas­sa Jahve [Jehova, NV], tas­sa atera!“ (Esaja 42:5, 8) Aq­qa 7000-t sin­nerlugit Biibilip al­las­simaq­qaarfiini al­lan­neqarsimavoq. Jiisusi Kristusil­lu ajoqersuk­kani ilin­niar­tip­pai ima qinoq­qul­lugit: „Ataatar­put qilan­niit­tutit! Aq­qit il­ler­nar­titaali.“ — Mat­thæusi 6:9.

Guuti ilumoor­toq kinaas­susilit­tut qanoq it­tuua? Im­minut pil­luni oqar­poq ’Guutiul­luni nal­lit­tuisoq saam­maasorlu, kamajaatsoq ilumoor­nermik sal­lusuis­sum­mil­lu peqangaar­toq’, taamaat­torli piaaralutik inatsisiminik unioq­qutitsisunik pil­laan­ngitsoor­neq ajor­toq. (2 Mosesi 34:6, 7) Ukiut ingerlanerini inun­nut iliuuserisimasai tamatumun­nga up­per­narsaataap­put.

Ateq taan­na aam­malu kinaas­susilik taama ateqar­toq il­ler­nar­tutut isigineqarlunilu iliorfigineqar­tariaqar­poq. Silarsuaq tamaat pin­ngor­tip­paa kisimilu oqar­tus­saal­luni; taamaat­tumik naalal­luin­nar­tariaqar­par­put pal­lorfigisariaqarlugulu. Il­lit taamaalior­tar­pit?

 [Qupp. 18-mi ungalusaq/​assiliartaq]

„Qilaat nutaat nunalu nutaaq“ qanoq allanngor­titsis­sappat?

Nunarsuaq paratiisin­ngus­saaq 2 Petrusi 3:13

Nunarsuaq tamak­kerlugu Johan­nesi 13:35;

inuiaqatigiin­nit, naggueqatigiin­nit Saq­qum­mersitat 7:9, 10

oqaaseqatigiis­sunil­lu tamaneersut

asaqatigiil­lutik inooqatigiis­sap­put

Nunarsuaq tamak­kerlugu eq­qis­sineq, Tus­siaat 37:10, 11;

tamanut toq­qis­sisimaneq Mika 4:3, 4

Sulif­fiit nalerisimaar­nar­tut, Esaja 25:6; 65:17, 21-23

nerisas­sat naam­mangaar­tut

Nap­paatit, aliasun­neq toqulu Esaja 25:8;

peqarun­naas­sap­put Saq­qum­mersitat 21:1, 4

Silarsuaq tamak­kerlugu tamarmik Saq­qum­mersitat 15:3, 4

Guutimik ilumoor­tumik

pal­lorfigin­nin­nermi

ataasius­suseqas­sap­put

 [Qupp. 19-mi ungalusaq/​assiliartat]

Illit misigiumaarpiuk?

Guuti sal­lusuitsuuvoq! — Titusi 1:2.

Jehova nalunaar­poq: „Oqaasera . . . susaarluni uan­nut utis­san­ngilaq, kisian­ni suliareq­qusak­ka suliaris­savai naam­mas­seq­qusak­kalu naam­mas­sis­sal­lugit.“ — Esaja 55:11.

Jehovap maan­nangaaq „qilaat nutaat nunalu nutaaq“ pin­ngor­tileralut­tuar­pai. Naalagaaf­fia qilam­mi atuutilereersimavoq. „Nunalu nutaaq“ tun­ngaviler­neqareersimavoq.

Silarsuarmut tamarmut Naalak­kap oqar­tus­saaner­paap ’qilaat nutaat nunal­lu nutaap’ inun­nut qanoq iluaqutaanis­saat Saq­qum­mersitat-ni eq­qar­toreerlugu oqar­poq: „Takuat, suut tamaasa nutaan­ngor­tip­pak­ka!“ Oqaatsinilu ima ilavai: „Al­lagit, oqaatsit tamak­ku up­per­narlutil­lu ilumoormata.“ — Saq­qum­mersitat 21:1, 5.

Uagutsin­nut apeq­qut pingaar­toq tas­saavoq: „Qilaat nutaat“ ataan­ni ’nunamut nutaamut’ ilaanis­satsin­nut naleq­qus­sar­niarluta al­lan­ngor­titsisar­pugut?