„Usserneqaqqunasi“

„Eq­qumagitsi, qinugitsilu us­ser­neqaq­qunasi.“ — MATTHÆUSI 26:41.

TATINEQAR­NEQ aatsaat taama sak­kor­tutigiler­poq. Jiisusi Kristusip, Guutip er­nerata, nunarsuarmi inuunera naangajaler­poq. Nalun­ngilaa er­niin­naq par­naarus­saal­lunilu toqumut eq­qar­tuun­neqarumaarluni nap­pak­kamul­lu naal­liutsitaaf­fim­mut kikiat­tugaas­sal­luni. Nalun­ngilaat­taaq aalajanger­nini iliuutsinilu tamaasa Ataataami aq­qanut at­tuumas­suteqar­tin­neqas­sasut. Aam­ma nalun­ngilaa inuit naas­saan­ngitsumik inuusin­naanis­saat navianar­torsior­tin­neqar­toq. Tamak­ku tamaasa naner­tuutigigamigit Jiisusi qanoq ilior­pa?

² Ajoqersuk­kani nuan­naril­luak­kaminut Getsemanep naatsiivianukaqatigai. Tas­sani ajoqersuk­kani qimalaar­pai kisimiin­niarluni. Taava Ataatani qilam­miusoq saaf­figalugu qaman­nga pisumik qin­nuigaa nakus­satseq­qul­luni — ataasiaan­nar­nani pingasoriarlunili taamaalior­poq. Naam­mal­luin­naraluarluni Jiisusi isumaqan­ngilaq ikior­neqar­nani taman­na qaangersin­naal­lugu. — Mat­thæusi 26:36-44.

³ Ul­lumik­kut uagut­taaq tatineqar­tar­pugut. Atuagas­siaaq­qami matumani eq­qaaneqareersutut nalunaajaatit takutip­paat silarsuup matuma ajor­tup ul­luini kingul­ler­ni inuusugut. Saatanip silarsuaanit tatineqar­nerit us­ser­niar­neqar­neril­lu sak­kor­tusiar­tuin­nar­put. Guutimut kif­faasutut paasisariaqar­par­put aalajanger­nivut iliuutsivul­lu tamarmik Guutip aq­qanut atas­suteqar­tin­neqar­tar­tut silarsuas­saanilu nutaami inuusin­naanis­satsin­nut sun­niuteqas­sasut. Jehova asavar­put. ’Naggatis­samut nikal­lujuik­kusup­pugut’ — pis­sutsinik aaq­qis­suus­saanerup matuma naggatis­saa imaluun­niit inuunit­ta naggatis­saa siul­liul­luni pis­sagaluar­pal­luun­niit. (Mat­thæusi 24:13) Qanorli eq­qumanis­sar­put pif­fis­sal­lu nukingin­nas­susiata puigun­ngin­nis­saa qulak­keersin­naavar­put?

⁴ Jiisusip nalun­ngilaa ajoqersuk­kani taamanik­kut ul­lumik­kul­lu tatineqar­tus­saasut. Taamaat­tumik ima oqaaq­qis­saar­pai: „Eq­qumagitsi, qinugitsilu us­ser­neqaq­qunasi.“ (Mat­thæusi 26:41) Oqaasii ul­lumik­kut uagutsin­nut qanoq pingaaruteqar­pat? Qanoq ’us­ser­neqarsin­naavugut’? Qanorlu ’eq­qumasin­naavugut’?

Usserniarneqarnerit suugamik?

⁵ Ul­lut tamaasa Diaavulumit pisunik us­ser­niar­neqar­tar­pugut. Biibilimi oqaatigineqar­poq ’Diaavulup nigaliaanit napitit­toqarsin­naasoq’. (2 Timotheusi 2:26) Mianersoq­quneqar­pugut Saatanip Jehovamik pal­lorfigin­nit­tut im­mik­kut saas­sutariniarmagit. (1 Petrusi 5:8; Saq­qum­mersitat 12:12, 17) Sunaana anguniaraa? Toqunis­sar­put soqutiginerun­ngilaa. Guutimut aalajaal­luta toqugaluarut­ta Saatanip ajugaas­sutigis­san­ngilaa. Nalun­ngilaami Jehovap makin­nis­saq aq­qutigalugu toqu suujun­naarsis­sagaa. — Lukasi 20:37, 38.

⁶ Tas­sami, Saatanip inuunermit naleqar­nerungaar­tumik piiaaf­figiumavaatigut — Guutip isaani as­suar­naas­sutsitsin­nik. Saatanip tamaviaarluni up­per­narsar­niar­paa Jehovamik tunus­sitis­sin­naal­luta. Aalajaak­kun­naar­tis­sin­naagunitigut — soorlu nutaarsias­samik nuan­nersumik oqaluus­siun­naar­til­luta imaluun­niit kristumiunut najoq­qutas­sianik maleruaajun­naar­til­luta — taava ajugaas­saaq! (Efesosimiut 6:11-13) Tas­sa ’Us­siisup’ anguniagaa. — Mat­thæusi 4:3.

 ⁷ Diaavulup ’qoqas­siiniar­neri’ as­sigiin­ngitsorujus­suusin­naap­put. (Efesosimiut 6:11) Nunap piinik pingaar­titsival­laar­nermik aliik­kusersuutinil­lu us­ser­niarsin­naavaatigut imaluun­niit qununermik qular­nermil­lu misiligaatis­sin­naal­luta. Atorsin­naasaali sak­kor­tuner­paaq tas­saavoq nikal­lor­titsiniaaneq. Iluatsitaarinial­laq­qis­suugami nalun­ngilaa nikal­lungalerut­ta san­ngiil­lisin­naasugut pisariuminarsil­lutalu. (Us­satit 24:10) Pingaar­tumik ’sequmisitaasutut’ misiginer­put iluatsil­lugu uniin­nar­tin­nias­savaatigut. — Tus­siaat 38:9.

⁸ Naggatis­saq qanil­liar­tor­til­lugu nikal­lor­nar­tut amerliar­tuin­nar­pasip­put. Uagut­taaq sun­ner­neqar­tar­pugut. (Takuuk ungalusaq „Nikal­lor­titsisin­naasut“.) Nikal­lunganeq sumil­luun­niit pis­suteqaraluar­pat tamatuma nukil­laar­tis­sin­naavaatigut. Timik­kut, eq­qarsar­taatsik­kut misigis­sutsik­kul­lu nukil­laar­tutut misigigaan­ni anersaak­kut pisus­saaf­fin­nut, soorlu Biibilimik atuar­nermut, ataatsimiigiar­tar­nermut kristumiutul­lu oqaluus­sisar­nermut ’pif­fis­saq­qis­sup ator­nis­saa’ unam­miniar­nar­tuusin­naavoq. (Efesosimiut 5:15, 16) Eq­qaamajuk Us­siisup uniin­nar­tin­niarmatigut. Pif­fis­saan­ngilarli eq­qis­sisimaar­nis­samut pif­fis­sal­lu nukingin­nas­susiata puigor­nis­saanut! (Lukasi 21:34-36) Qanoq us­ser­nar­tut akiorsin­naavavut eq­qumajuarsin­naal­lutalu? Aajuku siun­nersuutit sisamat.

„Qinugitsi“

⁹ Jehova tatigiuk qinnuigalugu. Eq­qaamajuk Jiisusi naatsiivim­mi Getsemanemi qanoq ilior­toq. Tatineqangaar­nermini qanoq ilior­pa? Jehova qin­nuigaa ikioq­qul­luni. Ima ilungersor­tigisumik qinuvoq al­laat „kiagun­neri soorlu aap kuser­neri nunamut nak­kaasut“. (Lukasi 22:44) Taman­na eq­qarsaatigiuk. Jiisusip Saatani nalun­ngilaa. Guutip kif­faanik nakutitsiniaal­luni us­siiniar­nermini Saatanip atorsimasai tamaasa qilam­mit takoreersimavai. Taamaat­torli Us­siiniar­tup us­siil­luni iliuusii ajor­nar­torsiutiginagit anigorsin­naasorin­ngilai. Guutil­lu er­nerata naam­mal­luin­nar­tup Guuti ikioq­qul­luni nakus­satseq­qul­lunilu qin­nuigisariaqarsimap­pagu uagut­taaq taamaalior­nerusariaqan­ngin­ner­pugut? — 1 Petrusi 2:21.

¹⁰ Eq­qaamajut­taaq Jiisusip ajoqersuk­kani oqarfigigamigit „eq­qumagitsi qinugitsilu“, nangil­luni oqar­toq: „Anersaaq kajumik­kaluar­poq, uinil­li qajan­nar­poq.“ (Mat­thæusi 26:41) Kia uinia Jiisusip eq­qaavaa? Nam­mineq uinini eq­qarsaatigin­ngilaa. Inut­tut naam­mal­luin­nar­tuugami uinia ’qajan­nas­suseqan­ngilaq’. (1 Petrusi 2:22) Ajoqersugaali al­laap­put. Kingor­nut­tagaasumik naam­mal­luin­nan­ngitsuugamik ajor­tulioq­qajaasaramil­lu us­ser­nar­tut akior­nis­saan­nut im­mik­kut ikior­neqar­tariaqar­put. (Romamiut 7:21-24) Taamaat­tumik taak­ku kristumiul­lu kingor­na inuujumaar­tut tamaasa kajumis­saangaar­pai us­ser­nar­tut  akior­nis­saanut ikioq­qul­lutik qinusaq­qul­lugit. (Mat­thæusi 6:13) Jehovap qin­nutit taamaat­tut tusar­tar­pai. (Tus­siaat 65:3) Qanoq akisar­pai? Ikin­ner­paamik periaatsit marluk atorlugit akisar­pai.

¹¹ Siul­lermik Guutip ikior­tar­paatigut us­ser­niar­neqar­nerit paaseq­qul­lugit. Saatanip us­siiniar­neri aq­qum­mi taar­tumi nakutitsiniutitut ip­put. Takun­ngitsooraan­ni kisian­ni tas­sa pisaritil­luni. Biibilili Biibililersaarutil­lu iluaqutigalugit Jehovap Saatanip nakutitsiniutai qulaar­tar­pai ingalas­simanias­sagatsigit. Ukiut ingerlaneran­ni atuak­kat, atuagas­siat, ataatsimeersuar­nerit al­lal­lu aq­qutigalugit navianar­tunik uparuus­sor­neqar­tar­pugut, soorlu inun­nut qununermik, kinguaas­siuutitigut inuunerlun­nermik, nunap piinik pingaar­titsival­laar­nermik al­lanil­lu Diaavulup ator­tagaanik. (Us­satit 29:25; 1 Korinthimiut 10:8-11; 1 Timotheusi 6:9, 10) Jehovamut qujamasup­pit Saatanip pilersaarutaanik uparuut­tarmatigut? (2 Korinthimiut 2:11) Eq­qaamajuk mianersoq­qus­sutit tamak­ku us­ser­nar­tunut piseq­qunak qin­nutin­nut akis­sutaam­mata.

¹² Aap­pas­saanik Jehovap qin­nutivut akisar­pai us­ser­nar­tut akior­nis­saan­nut nakus­satsitsinermigut. Oqaasiani al­las­simavoq: „Guutip . . . akuersaaruman­ngilaa ar­tuk­kas­sin­nik us­ser­neqar­nis­sarsi, kisian­ni us­ser­neqar­nermut ilagitil­lugu aniguif­fis­saq pilersis­savaa ar­torsar­titaaq­qunasi.“ (1 Korinthimiut 10:13) Guutip tatigiuarutsin­ni akuerin­ngisaan­nas­savaa us­ser­nar­toq ima ingasatsigis­sasoq akior­nis­saanut anersaak­kut naam­mat­tumik nukis­saarul­luta. Qanoq ’aniguif­fis­sar­put pilersis­savaa’? ’Im­minut qinusut Anersaamik Il­ler­nar­tumik tuniumaar­pai.’ (Lukasi 11:13) Anersaaq taan­na ikior­tigalugu najoq­qutas­siat Biibilimeersut eq­qor­tulior­niar­nitsin­ni nakus­satsin­nar­tuusut silatuumil­lu aalajanger­niar­nitsin­nut iluaqutaasut eq­qaamasin­naavavut. (Johan­nesi 14:26; Jaaku 1:5, 6) Anersaap ikiuineratigut ajor­tulioq­qajaasar­nerit ajugaaf­figinis­saan­nut pis­sutsit pisariaqar­tut ineriar­tor­tis­sin­naavavut. (Galatiamiut 5:22, 23) Guutip anersaavata aam­ma up­peqatit ’tup­pal­liutaatis­sin­naavai’. (Kolos­semiut 4:11) Jehovamut qujamasup­pit taama asan­nitsigaluni ikior­neqar­nis­samik qin­nutitit akim­magit?

Piviusorsiortuugit

¹³ Eq­qumas­sagut­ta piviusor­sior­tuusariaqar­pugut. Ul­luin­nar­ni tatineqar­tarat­ta ilaan­nik­kut qasusoor­tar­pugut. Eq­qaamasariaqar­par­pul­li Guuti silarsuarmi pisoq­qami matumani ajor­nar­torsiuteqan­ngitsumik inuunis­samik neriorsuuteqarsiman­ngim­mat. Biibilip nalaani Guutip kif­fai aam­ma ajor­nar­torsior­tar­put; as­sor­tor­neqar­tarlutik, piitsuul­lutik, nikal­lungasarlutik nap­parsimasarlutil­lu. — Apustilit Suliaat 8:1; 2 Korinthimiut 8:1, 2; 1 Thes­salonikamiut 5:14; 1 Timotheusi 5:23.

¹⁴ Ul­lumik­kut uagut­taaq ajor­nar­torsior­tar­pugut. Malersor­neqarsin­naal­luta, aningaasatigut ajor­nar­torsiorsin­naal­luta, nap­parsimanermit, nikal­lunganermit erloqinar­tunil­luun­niit al­lanit eq­qor­neqarsin­naal­luta. Jehovap tupin­nar­tulior­nik­kut ajoqutaasin­naasunut tamanut il­lersoraluar­patigut Saatanip mitaatigis­sagaluar­paa, ilaa? (Us­satit 27:11) Jehovap kif­fami us­ser­neqar­tar­nerat misilin­neqar­tar­neral­lu akuerisar­paa. Ilaan­nik­kut ilaat al­laat as­sor­tuisunit toqun­neqarsin­naap­put. — Johan­nesi 16:2.

¹⁵ Jehoval­li sumik neriorsor­paatigut? Eq­qar­tor­neqareersutut neriorsuisimavoq misilin­neqar­nerit suul­luun­niit misigisin­naasat­ta akior­nis­saan­nut nakus­satsis­sal­luta — tatigil­luin­narutsigu. (Us­satit 3:5, 6) Oqaatsimigut, anersaamigut peqatigiis­sor­tamigul­lu anersaak­kut il­lersor­tar­paatigut, im­minut ajun­ngitsumik at­taveqar­nit­ta aalajangiun­nis­saanut ikior­tarluta. Taas­sumun­nga at­taveqarluarut­ta ajugaas­saagut, al­laat toqugaluarut­ta. Suul­luun­niit, al­laat toqup, Guutip kif­faminut aalajaatsunut akis­sarsisitsinis­saanut akor­nusersin­naan­ngilaa. (Hebræerit 11:6) Silarsuas­samilu nutaami qanil­liar­tor­tumi  Jehovap qular­nan­ngivis­sumik im­minut asan­nit­tut neriorsuutini tamaasa naaper­torlugit pil­luaq­qus­savai. — Tus­siaat 145:16.

Akerleriissutit eqqaamakkit

¹⁶ Naggatis­samut nikal­lujuis­sagut­ta akerleriis­sutit Guutip ajus­sut­simik akuerin­nik­kallar­neranut pis­sutaasut eqqaamasariaqar­pavut. Ilaan­nik­kut ajor­nar­torsiutigisatsin­nit ar­torsar­titaal­luta misigigut­ta tun­niutiin­nar­nialerlutalu, eq­qaamasariaqar­par­put Saatanip Jehovap qutsin­nerus­saar­tuunerata eq­qor­tuunera qularutis­san­ngor­tis­simam­magu. Peq­quserlut­tup taas­suma aam­ma Guutimik pal­lorfigin­nit­tut ilumoor­nerat as­suar­naas­susial­lu qularisimavai. (Jobi 1:8-11; 2:3, 4) Akerleriis­sutit tamak­ku Jehoval­lu aalajangiil­luni periaaserisimasaa uagutsin­nit inut­tut isigaluta pingaaruteqar­nerungaar­put. Sooq taamaap­pa?

¹⁷ Guutip pif­fis­sami aalajangersimasumi an­nikil­lior­nerit atuutitim­magit inuit al­lat periarfis­sin­neqar­put sal­lusuis­sum­mik ilas­sin­nin­nis­saan­nut. Eq­qaamajuk Jiisusi toqusoq uagut inuuneq pinias­sagatsigu. (Johan­nesi 3:16) Taman­na qujamasuutigin­ngin­ner­par­put? Sulilu pif­fis­sami kil­lilim­mi an­nikil­liorluta nikal­lujuis­sin­naan­ngin­ner­pugut al­lat inuunermik pinias­sam­mata? Naggatis­samut nikal­lujuis­sagut­ta akuerisariaqar­par­put Jehovap ilisimas­susiata ilisimas­sutsitsin­nit an­nerungaar­nera. (Esaja 55:9) Akerleriis­sutit aalajangiif­figineqar­nis­saan­nut pif­fis­saal­lualer­pat akuliutis­saaq ajus­suseq peerlugu uagut naas­saan­ngitsumik iluaqutis­satsin­nik. Al­laanerusin­naava? Guutimi iluan­ngitsoqan­ngilaq! — Romamiut 9:14-24.

„Guuti qaninniarsiuk“

¹⁸ Pif­fis­sap nukingin­nas­susia puigoq­qunagu Jehova qanin­niar­tariaqar­par­put. Eq­qaamajuk Saatani Jehovamut at­taveqarluar­ner­put aseror­niarlugu sapin­ngisaminik iliuuseqar­tarmat. Isumaqar­tik­kusup­paatigut naggatis­saq nal­liun­navian­ngitsoq nutaarsias­sal­lu nuan­nersup oqaluus­sis­sutigisar­nera Biibilimilu najoq­qutas­sianik maleruaasar­neq asuliin­naasut. Kisian­ni ’sal­lutuujuvoq sal­lumul­lu ataataavoq’. (Johan­nesi 8:44) Taamaat­tumik ’Diaavulu akerar­torumal­lugu’ aalajangerluin­nar­tariaqar­pugut. Jehovamut at­taveqar­neq taamaat­tus­saan­nar­tut isigisariaqan­ngilar­put. Biibilimi asan­nit­tumik ima kajumis­saar­neqar­pugut: „Guuti qanin­niarsiuk, taava taan­na ilis­sin­nut qanil­lis­saaq.“ (Jaaku 4:7, 8) Qanoq Jehova qanin­niarsin­naavar­put?

¹⁹ Pisariaqar­poq eq­qarsar­nis­samut qinunis­samul­lu pif­fis­saqar­nis­saq. Inuunin­ni tatineqangaarlutit misigiguit uum­mam­miugisatit tamaasa Jehovamut saq­qum­miut­tariaqar­patit. Aalajangersimasunik taaguil­lutit qinusaruit qin­nutin­nut akis­sutis­saa paasinar­nerutis­savat. Im­maqa ilimagisat­tut akineqas­san­ngik­kaluar­putit, Guutil­li ataq­qinaatis­saa nam­minerlu as­suar­naat­tuar­nis­sat kis­saatigiguk­kit nikal­lujuin­nis­san­nut ikius­savaatit. (1 Johan­nesi 5:14) Inuunin­ni siulersuinera malugigaangak­ku taman­na Guutimut qanin­nerulis­sutigisas­savat. Aam­ma Biibilimik atuar­tariaqar­putit tas­sanilu Jehovap pis­susii aq­qutigeq­qusaalu pil­lugit atuarsimasatit eq­qarsaatigisariaqarlugit. Eq­qarsaatigin­neq­qis­saar­taruit Guuti nalun­ngin­nerujar­tus­savat, uum­matik­kul­lu misigis­sutsik­kut kil­lin­neqas­saatit Guutilu asanerulis­sal­lugu. (Tus­siaat 19:15) Asan­nin­nerlu taman­na iluaqutigis­savat eq­qumanis­san­nut us­ser­nar­tunil­lu akiuinis­san­nut. — 1 Johan­nesi 5:3.

²⁰ Jehova qanin­nias­sagutsigu aam­ma up­peqativut qanin­niar­tariaqar­pavut. Tamatuma pingaaruteqar­nera atuagas­siaaq­qap matuma im­mik­koor­tuani kingul­lermi sam­mis­savar­put.

ATUAQQISSAARNERMI APEQQUTIT

• Jiisusi toqungajalerluni tatineqangaar­nermini qanoq ilior­pa, ajoqersuk­kanilu qanoq ilioq­quai? (Im­m. 1-4)

• Sooq Saatanip pingaar­tumik Jehovamik pal­lorfigin­nit­tut saas­sut­tar­pai, qanorlu us­ser­niar­tar­paatigut? (Im­m. 5-8)

• Us­ser­nar­tut akior­niarlugit sooq imaalior­tariaqar­pugut: Guuti qin­nuigalugu (im­m. 9-12); piviusorsior­tuul­luta (im­m. 13-15); akerleriis­sutit eq­qaamal­lugit (im­m. 16-17); Guutilu qanin­niarlugu (im­m. 18-20)?

[Qupp. 25-mi ungalusaq]

Nikallortit­sisinnaasut

Peqqiilliorneq utoqqaliner­luunniit. Katsorsar­neqarsin­naan­ngitsumik utoq­qalil­luniluun­niit nap­paateqar­neq pis­sutaal­lutik Guutimut kif­far­torsin­naaneq sior­natigutut naam­mas­sisaqarfiutigisin­naajun­naar­pat nikal­lor­toqarsin­naavoq. — Hebræerit 6:10.

Pakatsisin­neqarneq. Kristumiutut oqaluus­sinermi angusaqar­pal­laan­ngik­kaan­ni nikal­lor­toqarsin­naavoq. — Us­satit 13:12.

Imminut nikagineq. Ukior­pas­suar­ni ajor­tumik iliorfigineqarsimagaan­ni isumaqar­toqalersin­naavoq kimil­luun­niit, al­laat Jehovamit, asaneqar­nani. — 1 Johan­nesi 3:19, 20.

Ajuallas­simaarneq. Up­peqam­mit narrunarsar­neqar­neq ima ajual­lan­nar­tigisin­naavoq al­laat kristumiut ataatsimiin­nerinut oqaluus­sinermul­luun­niit peqataajumajun­naar­toqarsin­naal­luni. — Lukasi 17:1.

Malersor­neqarneq. Ilaat up­peqatigin­ngisanit as­sor­tor­neqarsin­naap­put, mitaatigineqarsin­naap­put malersor­neqarsin­naal­lutil­luun­niit. — 2 Timotheusi 3:12; 2 Petrusi 3:3, 4.

[Qupp. 26-mi assiliartaq]

Jiisusip kajumis­saar­paatigut Guuti qin­nuigiuaq­qul­lugu us­ser­nar­tut akiorsin­naanias­sagatsigit