Immikkoortoq 3

Guuteqarnera qanoq ililluta nalunngis­sin­naagipput?

1, 2. Suna tun­ngavigalugu Guuteqar­nera nalun­ngis­sin­naavar­put?

PAASINIAS­SAGAAN­NI Guuteqar­nersoq tun­ngavik ilisimaneqarluar­toq man­na ator­neqarsin­naavoq: Sanaaq sunaluunniit pinngitsoorani sanasoqartarpoq. Suup sananeqar­nera nalunar­nerujar­tor­til­lugu sanasua pik­korin­nerujar­tor­tar­poq.

² As­sersuutigalugu, angerlarsimaf­fiit qimerlooriaruk. Nerriviit, is­siaviit, ilisiviit, sinif­fiit igaf­fim­milu ator­tut tamarmik pin­ngitsooratik arlaan­nit sananeqarsimap­put, soorlut­taaq iik­kat, naq­qit qalial­lu arlaan­nit sananeqarsimasut. Sanaat nalunar­pal­laan­ngitsut arlaan­nit sananeqar­tarmata, tun­ngavis­saqarluan­ngin­ner­pa isumaqas­sal­luni sanaat nalunar­nerusut arlaan­nit silas­sorin­nerusumit sananeqarsimas­sasut?

Silarsuarput avataaniittullu tupinnangaartut

3, 4. Silarsuup avataaniit­tul­lu qanoq ilil­lutik Guuteqar­neranik paasitis­sin­naavaatigut?

³ Nalunaaqutaqar­pat nalunaaqutsior­tar­toqarsimas­saaq. Taavami seqineq ul­loris­sal­lu seqinermik ukiuni hundredelip­pas­suar­ni nikinganeqan­ngil­luin­nar­tumik kaaviisut? Imaluun­niit silaan­narsuaq nunarsuat­ta ingerlaaqataaf­fia, ataatsimoor­tunik Qilaap Sil­lianik taaneqar­tunik 100 mil­liardinik ul­loriaqatigiip­pas­sualik? Un­nuak­kut Qilaap Sil­lia isigin­naarsimaviuk? Tupigusup­pit? Taava eq­qarsaatigis­savat avataarsuani aam­ma al­lanik kisis­saan­ngitsunik ul­loriaqatigiip­pas­suaqarmat ataatsimoor­tunik mil­liardilip­pas­suar­nik Qilaap Sil­liatut it­tunik! Ul­loriar­pas­suit tamak­ku ukiuni hundredelip­pas­suar­ni ima nikinganeqan­ngitsigisumik ingerlaar­put al­laat nalunaaqut­tamut nikinganeqan­ngil­luin­nar­ner­paamut as­sersuun­neqarlutik.

⁴ Nalunaaqutaq, sananeqaatsimigut nalunar­pal­laan­ngitsoq, sanasoqarsimap­pat taava silarsuaq avataaniit­tul­lu sananeqaatsimik­kut suli nalunar­neroqisut tupin­nar­neroqisul­lu soorunami aam­ma sanasoqarsimas­sap­put. Taamaat­tumik Bibelimi ima kajumis­saar­neqar­pugut: „Qilaap tungaanut qiviaritsi takus­sagis­silu,“ taavalu ima aperineqar­pugut: „Kia ul­loris­sat pin­ngor­tip­pai?“ Akis­sut imaap­poq: „[Jehovap] kisit­tar­pai sak­kutoor­pas­suar­tut sorsuk­kiar­tor­titas­samisut, tamaasa im­mik­kut atiisigut taasarlugit. Silatungaarlunilu pis­saaneqangaarami ataasiin­narmil­luun­niit minitaqarsiman­ngilaq.“ (Jesaja 40:26) Aap, silarsuaq avataaniit­tul­lu pis­saanermit takus­saan­ngitsumit, paarsisumit silatuumit — Guutimit — pin­ngor­titaap­put.

 Nunarsuaq siunertalimmik sanaaq

5-7. Nunarsuaq pil­lugu paasis­sutis­sat suut takutip­paat Pin­ngor­titsisoqar­toq?

⁵ Ilisimatuut nunarsuaq misis­sor­nerujar­tor­til­lugu paasinerujar­tuin­nar­paat inun­nut najugas­satut tul­luarluin­nar­tumik sanaajusoq. Seqinermit eq­qor­tumik ungasis­suseqarami naleq­qut­tumik qaamaneqar­poq kias­suseqarlunilu. Ukiup ataatsip ingerlanerani seqinermik kaajal­laasar­poq, eq­qor­tumil­lu uinganeqarami aasar­tarlunilu, ukiar­tarlunilu, ukior­tarlunilu uper­nar­tar­poq. Nalunaaqut­tap-akun­nerisa 24-t ingerlaneran­ni im­minut kaajal­lat­tar­poq, taamaalil­luni qaamaneq taar­nerlu akut­toqatigiim­mik paarlakaajaatsit­tarlugit. Silaan­nar­taa as­sigiin­ngitsunik eq­qor­tumik akusaavoq anersaar­torsin­naanis­satsin­nut qin­ngor­ner­nil­lu navianar­tunit avataaniit­tunit il­lersor­neqarsin­naanis­satsin­nut pisariaqar­tunik. Imeq is­sorlu inuus­sutis­siorsin­naanis­satsin­nut pisariaqavis­sut nunarsuarmiip­put­taaq.

⁶ Pis­sutsit tamak­kua tamarmik, al­lar­pas­suil­lu, ataqatigiil­luin­nan­ngik­kaluar­pata inuusoqarsin­naanavian­ngik­kaluar­poq. Tamak­ku tamarmik nalaatsor­nerin­nak­kut pilersimap­pat? Science News-imi ima al­las­simavoq: „Pis­sutsit im­mik­kut it­tut tul­luarluar­tul­lu tamak­ku nalaatsor­nerin­nak­kut pilersimanavian­ngil­lat.“ Aap, taamaat­toqarsin­naan­ngilarmi. Tamak­kua tamaasa Pin­ngor­titsisup pik­koris­sup siuner­taqarluar­tumik piliarisimavai.

⁷ Il­lu kusanar­toq imaqarluar­tunik nerisas­saasivilik, kaavit­tumik silaan­naris­saatilik, kias­saatilik kuuin­nar­tumil­lu imilik, al­latigul­lu ator­toris­saaqisoq iserfigiguk­ku, qanoq isum­mis­savit? Tamarmik im­min­nik pin­ngorsimasoris­savigit? Naamik, soorunami nalus­san­ngilat inuup pik­koris­sup peq­qis­saarluni il­lu sanasimagaa pilersorluarsimal­lugulu. Nunarsuar­taaq peq­qis­saar­tumik pin­ngor­tin­neqarsimavoq inuit uumasul­lu pisariaqar­titaan­nik tamanik pilersugaal­luni, il­lumil­lu sumil­luun­niit sananera nalunar­neroqaaq pilersorluagaaneroqalunilu.

8. Nunarsuarmiit­tut al­lat suut takutip­paat Guutip asan­nil­luni soqutigigaatigut?

⁸ Eq­qarsaatigik­kil­lu inuunermik nuan­nersun­ngor­titsisor­pas­suit. Naasor­pas­suit qalipaatigis­sut tipigis­sul­lu qimerlooriak­kit. Nerisas­sar­pas­suil­lu mamar­tut eq­qarsaatigeriak­kit. Or­pip­pas­suit, qaq­qarsuit, tatsit pin­ngor­tital­lu al­lat isigalugit nuan­ner­taqaaq. Seqer­nup tarriler­nerata kusanaqisup inuunermi nuan­naar­ner­put aam­ma al­lisit­tar­paa. Uumasul­lu eq­qaariarutsigit, qim­miaq­qat, qitsuaq­qat uumasul­lu al­lat piaraat pin­nguarlutik pis­sigar­nerat inequnas­susial­lu nuan­naarutigisar­par­put, ilaa? Nunarsuarmi inuuneq nuan­nersunik uis­suum­minar­tor­pas­suar­nik inuusin­naanis­satsin­nut pisariaqavis­suun­ngik­kaluanik ulik­kaar­poq. Tamak­kua takutip­paat nunarsuaq asan­nit­tumik inuit eq­qarsaatigalugit sanaq­qis­saar­neqarsimasoq, inuutin­nis­sar­put piin­nar­nagu aam­mali inuunermik nuan­naarutigin­nin­nis­sar­put pil­lugu.

9. Kia nunarsuaq pin­ngor­tis­simavaa, sooq?

⁹ Taamaat­tumik tun­ngaveqarluar­tumik isum­mer­niaraan­ni sunik tamanik Tunisisoqar­nera akuerisariaqar­poq, soorlu Bibelimik al­laqataasoq Jehova Guuti pil­lugu ima al­las­simasoq: „Il­lit qilak nunalu pin­ngor­tip­patit!“ Suna siuner­taralugu? Akil­luni Guuti ima al­laatigaa: „Nunarsuarmik ilusiliisoq, pilersitsisoq tun­ngaviliisorlu, soqan­ngitsus­san­ngor­nagu, kisian­ni inoqar­tus­san­ngorlugu pin­ngor­titsisoq.“ — Jesaja 37:17; 45:18.

Timip sananeqaataa celle tupinnartoq

10, 11. Cel­let qanoq tupin­nar­tumik sanaajup­pat?

¹⁰ Uumas­susil­lim­mi? Taak­ku aam­ma pin­ngor­titsisoqan­ngin­ner­pat? Soorlu timip sananeqaataata cellep pis­susiisa ilaat eq­qarsaatigeriak­kit. Atuak­kami Evolution: A Theory in Crisis-mi  uumas­suseqar­tut sananeqaataan­nik ilisimatooq Michael Denton ima nas­suiaavoq: „Ul­lumik­kut nunarsuarmi uumas­suseqar­tut al­laat min­ner­paat, bakteriat cel­lii, paasiuminaatsorujus­suarmik sanaajup­put. Bakteriat cellii min­ner­paat naak mikisuararsuugaluarlutik, . . . tamarmik im­mik­kut sulif­fis­suar­tut mikisuararsuar­tut ingerlaqatigiil­luin­nar­tunik tuusintilik­kuutaanik pisatar­pas­sualit­tut ip­put . . . maskiinanit inuit sanasimasaan­nit paasiuminaan­neroqalutik, uumas­suseqan­ngitsul­lu akor­nan­ni as­seqan­ngivil­lutik.“

¹¹ Kinguaariit kingor­nut­tagaat DNA-mik taaneqar­tar­toq timip celliini tamaniit­toq eq­qarsaatigalugu ima al­las­simavoq: „DNA-p paasis­sutis­sanik im­mersin­naas­susia paasis­sutis­sanik im­mersin­naasunit ilisimasatsin­nit al­lanit tamanit an­neroqaaq; ima sun­niisin­naas­suseqar­tigaaq paasis­sutis­sat pin­ngor­titap pisataqangaar­tup, soorlu inuup, im­mik­kut ilusilersor­neqar­nis­saanut pisariaqar­tut gram­mi tuusintinik mil­lionin­ngorlugu aggoraan­ni aggor­nerinit arlaqan­ngitsuin­nar­nit oqin­nerul­lutik. Timip sananeqaataasa ilisimatul­luin­nar­tumik paasiuminaal­luin­nar­tumil­lu sanaajuneran­nut naleq­qiul­lugit inuit sanasimasaat ator­toris­saar­ner­paat al­laat pik­korlut­tumik sanaatut ip­put. Nikanar­tutut misiginaqaaq.“

12. Ilisimatooq cel­let pin­ngorsimanerat pil­lugu qanoq oqarsimava?

¹² Denton ima nangip­poq: „Cellet pisatakin­nersaat ima paasiuminaatsigisumik katitigaam­mat nalaatsor­nerin­nak­kut im­minik pin­ngoriataarsimasin­naaneranik isuma akuerineqarsin­naan­ngivip­poq.“ Pin­ngor­titsisoqarsimas­saaq.

Qarasarput tupinnartoq

13, 14. Sooq qarasaq cel­lenit tupin­nangaar­nerua?

¹³ Ilisimatooq taan­na nangip­poq: „Paasiuminaatsumik sanaajuneq eq­qarsaatigalugu celle sianiut ataaseq miluumasup qarasaanut naleq­qiul­lugu suun­ngivip­poq. Inuup qarasaa cellenik sianiutinik 10.000 mil­lionit mis­saan­nik sanaajuvoq. Cellet sianiutit tamarmik cellenut sianiutinut al­lanut 10.000-t 100.000-llu akor­nan­niit­tunut at­taveqar­tar­put. Inuup qarasaani at­taveqar­nerit katil­lutik mil­lioninik tusindilin­nik mil­lioniliup­put.“

¹⁴ Denton ima nangip­poq: „Qaratsami at­taveqar­nerit aggor­nerisa hundredet ilaat ataasiin­narluun­niit im­mik­kut aaq­qis­sugaagaluaruni, nunarsuarmi tamarmi at­taveqaatinit tamanit inuit sanasimasaan­nit an­ner­tunerungaas­sagaluar­poq.“ Taava ima aperaaq: „At­taveqar­nerit tamak­ku nalaatsor­nerin­nak­kut katitersimasin­naas­saner­pat?“ Soorunami naamik. Qarasaq pin­ngitsoorani sanasumit pin­ngor­titsisumil­lu isumas­suisumit pin­ngor­tin­neqarsimas­saaq.

15. Al­lat qarasaq qanoq oqaatigisimavaat?

¹⁵ Al­laat qarasaasiat ator­toris­saar­ner­paat inuup qarasaanut naleq­qiutis­sagaan­ni suun­ngitsutut  ip­put. Ilisimatuus­sutsimik al­laaserin­nit­tar­toq Morton Hunt ima oqarsimavoq: „Paasis­sutis­sat eq­qaamasin­naasavut ul­lumik­kut qarasaasiap ator­toris­saar­ner­paap imarisin­naasaanit arlalin­nik milliardileriaammik amerlanerup­put.“ Taamaat­tumik nakorsaq qaratsanik pilat­taasar­toq Dr. Robert J. White ima isum­mer­poq: „Silatoorsuup inun­nit qutsin­nerusup piunera al­latut ajor­nar­tumik akuerisariaqar­para, tas­sa qaratsap isumal­lu im­min­nut at­taveqar­neran­nik tupin­naqisumik — inuit qaqugumul­luun­niit as­silisin­naan­ngisaan­nik — pilior­tumik. . . . Up­perisariaqar­para tamak­ku tamarmik silatuumit qutsin­nerusumit pilerfeqar­tut, Arlaan­nit pin­ngor­tin­neqarsimasut.“ Taan­na „Arlaat“ tas­saasimas­saaq uagutsin­nik soqutigin­nit­toq.

Aap kaaviiaarnera asseqanngilluinnartoq

16-18. (a) Aap kaaviiaar­nera qanoq ilil­luni as­seqan­ngil­luin­nar­pa? (b) Qanoq isum­mer­tariaqar­pugut?

¹⁶ Aam­ma eq­qarsaatigeriaruk aak kaaviiaar­toq as­seqan­ngil­luin­nar­toq, inuus­sutis­sanik iltimil­lu pilersuisoq tunil­latsin­nis­samul­lu il­lersuisoq. Aap akui aap­palut­tut, aap akuisa pingaar­ner­paar­taasa ilaat, pil­lugit atuak­kami ABC’s of the Human Body-mi ima al­las­simavoq: „Aap kuseriar­nerisa ilaat ataaseq aap akuinik 250 millioninit amerlanerusunik imaqar­poq . . . Timip tamarmi aavani aap akui im­maqa 25 billioniupput, siam­mar­neqaraluarunil­lu ten­niser­tarfiit sisamat qal­lersin­naas­sagaluar­paat. . . . Sekundit tamaasa aap akui 3 mil­lionit nutaanik taarser­neqar­tar­put.“

¹⁷ Aap akuisa ilaat al­lat qaqor­tut pil­lugit atuak­kami tas­sani ima paasitin­neqar­pugut: „Aap akui aap­palut­tut tamarmik as­sigiip­put, qaqor­tul­li as­sigiin­ngitsor­pas­suup­put, tamarmik periaatsit as­sigiin­ngitsut atorlugit timi il­lersor­tarlugu. As­sersuutigalugu, ilaat cel­lenik toqungasunik suujun­naarsitsior­tor­tar­put. Al­lat virusinut akiuus­sutis­sanik sanaar­tor­tar­put, toqunar­tunik avataaneersunik piiaasarlutik imaluun­niit eq­qor­tumik oqaatigalugu bakteriat neril­lugil­lu uut­tarlugit.“

¹⁸ Aaq­qis­suus­sineq uis­suum­minar­toq iluarsaal­luagarlu! Taama sanal­luagaal­lunilu il­lersuisuul­luar­tigisoq silatul­luin­nar­tumik isumas­suil­luin­nar­tumil­lu pin­ngitsoorani pilerfeqarsimas­saaq — tas­sa Guutimik.

Tupinnartorsuit allat

19. Isi inuit sanaavinut tupin­nar­tunut naleq­qiul­lugu qanoq ip­pa?

¹⁹ Inuup timaa tupin­nar­tor­pas­suaqar­poq. Ilagaat isi, as­siliivin­nit tamanit sanal­luagaaneroqisoq. Ul­loriarsior­toq Robert Jastrow ima oqarsimavoq: „Isi pilersaarusiorluagaar­paseqaaq; ul­loriarsium­mik qin­ngus­sualior­tar­toq kinaluun­niit isimit pitsaanerusumik sanasin­naan­ngilaq.“ Aam­ma atuagas­siami Popular Photography-mi ima nas­suiar­neqar­poq: „Inuup isaata as­siliivim­mut naleq­qiul­lugu an­nikitsualuit amerlaneroqisut takusar­pai. Isi qum­mut, am­mut, sanimut siumul­lu nalunaarsuisar­poq, avatangiisil­lu taamaan­nerat­tut al­lan­ngor­tin­nagit takusarlugit. . . . As­siliivik inuup isaanut as­sersuutis­sal­lugu naleq­qup­pal­laan­ngilaq. Inuup isaa as­sersuutas­saq­qin­neruvoq qarasaasiamut tupin­naan­nar­tumik eq­qarsarsin­naas­susiusalim­mut inuit qarasaasialiaan­nit as­siliivialiaan­nil­lu tamanit pisin­naasaqar­neroqisumut suk­kaneroqisumul­lu.

20. Inuup timaani tupin­nar­tut al­lat suut eq­qarsaatigisin­naavavut?

²⁰ Aam­ma eq­qarsaatigiuk timip pisataasa paasis­saan­ngiusat­tumik katitersimasut tamarmik eq­qarsaatigin­ngisatsin­nik suleqatigiin­nerat. As­sersuutigalugu, nerisas­sat imigas­sal­lu as­sigiin­ngitsor­pas­suit neril­lugil­lu imer­tar­pavut,  timit­talu uut­tar­pai nukis­siarisarlugil­lu. Benziinamut taarsiul­lugu iisarisar­tagar­pas­suatsin­nik biili orserlugu aal­lar­teriaraluariaruk, aal­larsin­naas­saner­pa? Inun­ngor­tar­nerul­lu tupin­nar­tua eq­qarsaatigeriaruk, qaam­matit qulingiluat ingerlanerin­naan­ni angajoq­qaat as­siaran­nguatalusooq pin­ngoriar­tor­tar­nera. Imaluun­niit meeraaq­qap marlun­nik ukiul­lip oqaatsinik nalunar­tunik ilik­karsin­naanera eq­qarsaatigisin­naavar­put.

21. Inuup timaani tupin­nar­torsuit eq­qarsaatigalugit qanoq oqar­tariaqar­pugut?

²¹ Aap, inuup timaa ‘ator­toris­saaruter­pas­suaqar­poq’ ataq­qin­nil­luta tupigusuutigisin­naasatsin­nik. Ingeniørip kialuun­niit tamak­ku as­silisin­naan­ngilai. Nalaatsor­nerin­nak­kut pin­ngorsimasin­naas­saner­pat? Naamerluin­naq. Inuul­li timaani tupin­nar­tor­pas­suit eq­qarsaatigalugit inuit silatuut tus­siaasior­tutut ima oqar­tariaqar­put: „Qutsavigis­savak­kit [Guuti] pin­ngor­titaagama tupin­nangaar­tumik, suliatit tupin­nangaar­put — taman­na nalun­ngil­luin­nar­para. — Tus­siaat 139:14.

Sanasoq Qutsinnerussaartoq

22, 23. (a) Sooq Pin­ngor­titsisoqar­nera akuerisariaqar­par­put? (b) Bibelimi Guuti pil­lugu qanoq eq­qor­tumik al­las­simasoqar­pa?

²² Bibelimi ima al­las­simavoq: ‘Il­lut tamarmik kimit piareersar­neqar­tar­put; tamanil­li piareersaasoq tas­sa Guuti.’ (Eprîarit 3:4) Il­lut tamarmik, al­laat ajor­nan­ngin­ner­paat, arlaan­nit sananeqar­tarmata, silarsuaq avataaniit­tul­lu paasiuminaan­neroqisut nunarsuarmilu uumas­suseqar­tor­pas­suit pin­ngitsooratik arlaan­nit pin­ngor­tin­neqarsimas­sap­put. Inuit soorlu tim­misar­tunik, TV-nik qarasaasianil­lu nas­saar­tut piunerat akuerigatsigu, taava taamatut inun­nik pigin­naas­susiliisup piunera akueris­san­ngin­ner­par­put?

²³ Bibelimi Guuteqar­nera akuerineqar­poq, ima al­las­simam­mat: „Guuti [Jehova] qilam­mik pin­ngor­titsisoq isuisil­lugulu, nunamik siaar­titsisoq inerit­tuilu pin­ngor­til­lugit, inuinut anersaar­nermik tun­nius­sisoq tas­saniit­tunil­lu inuuneqalersitsisoq.“ (Jesaja 42:5) Bibeli eq­qor­tumik ima nalunaar­poq: ‘Jehova Guuter­put, ilin­nut pigititas­saap­put naalan­naat ataq­qinaal­lu pis­saanerlu, il­lit suut tamaasa pin­ngor­tik­kak­kit, il­lil­lu peq­qusak­kut ip­put pin­ngor­titaal­lutil­lu.’ — sarĸúmersitat 4:11.

24. Qanoq ilil­luta Guuteqar­nera nalun­ngis­sin­naavar­put?

²⁴ Aap, Guuteqar­nera nalun­ngis­sin­naavar­put pin­ngor­titai takusin­naagatsigik. ‘Takus­saan­ngis­susiami pis­saanera it­tuin­nar­toq Guutius­susialu silarsuup pin­ngor­titaaq­qaar­neranit malun­narmata suliaanit paasinarlutik.’ — Rûmamiut 1:20.

25, 26. Sanaanik ator­nerluisoqar­pat taava sooq isumaqarsin­naan­ngilagut arlaan­nit sanaajun­ngitsut?

²⁵ Sanaaq sunaluun­niit ajor­tumik ator­neqar­pat imaan­ngilaq taas­sumin­nga sanasoqan­ngitsoq. Tim­misar­toq eq­qis­sinar­tumut ator­neqarsin­naavoq, soorlu ilaasar­taatitut. Aam­mali aseror­terutitut ator­neqar­tar­poq, soorlu sorsuutitut. Naak toqoraatitut ator­neqaraluarluni soorunami arlaan­nit sananeqarsimavoq.

²⁶ Taamatut­taaq inuit inoqatimin­nik ajor­tumik pin­nit­tarmata imaan­ngilaq Pin­ngor­titsisoqan­ngitsoq, tas­sa Guuteqan­ngitsoq. Bibelimi imatut erseq­qis­sar­neqar­poq: „Ukorsii, kuk­koqaasi! Marraq marrior­torlu naligiis­sin­neqar­tar­ner­pat? Sanaap sanasini ima oqarfigisin­naaner­paa: ‘Sanaarin­ngilarma!’ — imaluun­niit marriugaq marrior­tumut oqarsin­naaner­pa: ‘Qaatusimasaqan­ngilatit!’“ — Jesaja 29:16.

27. Sooq ilimagisin­naavar­put Guutip naal­liun­nerit pil­lugit apeq­qutit akis­sagai?

²⁷ Pin­ngor­titsisup piliarisimasami tupin­nangaar­neratigut ilisimas­sutsi takutis­simavaa. Nunarsuup inuuf­figisas­satsitut tul­luarluin­nar­tumik pin­ngor­tin­neratigut, aam­malu timit­ta isumat­talu tupin­nangaar­tumik pin­ngor­tin­nerisigut ajun­ngitsor­pas­suar­nil­lu nuan­naarutigisin­naasatsin­nik pilersor­nitsigut takutis­simavaa ilumut soqutigaluta. Soorunami aam­ma ilisimas­suseq soqutigin­nin­nerlu takutis­savai apeq­qutit soorlu mak­ku akinerisigut: Sooq Guutip naal­liun­nar­tut akuerai? Qanoq iliuuseqarfiginiar­pai?

[Atuaqqissaarnermi apeqqutit]

[Qupp. 5-mi assiliartaq]

Nunarsuaq il­lersuutaasumik silaan­nalik angerlarsimaf­figaar­put as­seqan­ngitsoq Guutimit isumas­suisumit pin­ngor­titaasimasoq

[Qupp. 6-mi assiliartaq]

Nunarsuaq pin­ngor­tin­neqarsimavoq uagutsin­nut inuunermik nuan­naarutigin­nif­fis­san­ngorlugu

[Qupp. 7-mi assiliartaq]

‘Inuup ataatsip qarasaani at­taveqar­nerit nunarsuarmi tamarmi at­taveqaatinit tamanit inuit sanasimasaan­nit an­ner­tunerungaar­put.’ — Uumas­suseqar­tut sananeqaataan­nik ilisimatooq

[Qupp. 8-mi assiliartaq]

„Isi pilersaarusiorluagaar­pase- qaaq; ul­loriarsium­mik qin­ngus- sualior­tar­toq kinaluun­niit isimit pitsaanerusumik sanasin­naan­ngi- laq.“ — Ul­loriarsior­toq