Immikkoortoq 8

Guutip siunertaa naammas­sineqangajalerpoq

1, 2. Guutip qanoq ilil­luni naal­liun­nar­tut peersitaanis­saat piareersarsimavaa?

INUN­NIT in­ngilipilun­nil­lu pikitsitsisunit naalak­kersor­neqarlutik inuiaat ingerlanerat ukiut hundredelip­pas­suit ingerlaneran­ni ajorsiar­tuin­narsimavoq. Guutil­li naal­liun­ner­put ilagin­naan­narsiman­ngilaa, inuiaam­mi ajus­sutsimit naal­liuutinil­lu aniguisitaanis­saat ukiut ingerlaneran­ni piareersarsimavaa.

² Naalagaaf­fim­mik nunarsuarmik inuiaat angerlarsimaf­fis­saan­nik paratiisin­ngor­titsisus­samik pilersitsinis­sani Guutip Edenimi pikitsitsisoqareermat saq­qum­miup­paa. (1 Moses 3:15) Tamatuma kingor­na Jesusip, Guutip oqaaseqar­tit­tagaatut, Guutip naalagaaf­fia tikiut­tus­saq taman­na pingaar­ner­paatil­lugu ajoqersuutigaa, inuiaat neriuutis­satuaat­tut eq­qar­torlugu. — Daniel 2:44; Matîuse 6:9, 10; 12:21.

3. Nunarsuarmut naalagaaf­fik tikiut­tus­saq Jesusip qanoq taasimavaa?

³ Guutip naalagaaf­fia taman­na tikiut­tus­saq Jesusip ‘qilam­miup naalagaaf­fia’-nik taavaa, qilam­miit naalak­kersuis­sam­mat. (Matîuse 4:17) Aam­ma ‘Guutip naalagaaf­fia’-nik taavaa, Guutimit pilerfeqarmat. (Lúkarse 17:20) Ukiut hundredelip­pas­suit ingerlaneran­ni Guutip al­latsini isumas­sarsisil­lugit naalagaaf­fim­mut peqataasus­sat tamatumalu naam­mas­siumaagas­sai pil­lugit siulit­tuutit al­latsis­simavai.

Nunarsuarmut kunngi nutaaq

4, 5. Guutip qanoq takutis­simavaa Jesus kun­ngin­ngor­tus­saasoq?

⁴ Guutip naalagaaf­fiani kun­ngin­ngor­tus­saq pil­lugu siulit­tuuter­pas­suit ukiut 2000-ingajaat matuma sior­na Jesusip im­minut eq­quutip­pai. Taan­nami tas­saavoq inuian­nut naalagaaf­fim­mi qilam­miit­tumi tamatumani Naalagaasoq Guutip qinigaa. Toquneratalu kingor­na Guutip Jesus anersaajusutut pis­saanilit­tut toqusuitsutut qilam­mi inuunermut makitis­simavaa. Makis­simaneranik ilisiman­nit­tor­pas­suaqar­poq. — apustilit suliáinik agdlagkat 4:10; 9:1-9; Rûmamiut 1:1-4; 1 Korintumiut 15:3-8.

⁵ Taava Jesus ‘Guutip taler­piata tungaani is­siat­tuin­naler­poq’. (Eprîarit 10:12) Tas­sani utaq­qis­simavaa naalagaaf­fim­mi qilam­miit­tumi kun­ngitut iliuuseqar­nis­saminut Guutip im­minik pisin­naatitsinis­saa. Taamaalil­luni Guutip ima oqar­neranik siulit­tuut Tus­siaat 110:1-imiit­toq eq­quup­poq: „Taler­pim­ma tungaanut ingin­niarit akeq­qatit uanga tum­marfiliun­nias­sagak­kit il­lit isik­kan­nut!“

6. Jesusip qanoq ilil­luni takutis­simavaa Guutip naalagaaf­fiani kun­ngin­ngor­nis­saminut piuk­kun­narluni?

⁶ Nunamiik­kal­larami Jesusip takutip­paa atorfim­mut tamatumun­nga piuk­kun­nar­tuul­luni.  Malersor­neqaraluarluni Guutimut at­taveqar­nermini as­suar­naat­tuarsimavoq. Taamaaliorami takutis­simavaa Satan sal­lusoq oqarsimagami inuit tamarmik misilin­neqarunik Guutimut aalajaas­san­ngitsut. Jesusip, inuup naam­mal­luin­nar­tup, ‘Adamip kingul­liup’, up­per­narsar­paa Guuti inuit naam­mal­luin­nar­tut pin­ngor­tik­kamigit kuk­kusiman­ngitsoq. — 1 Korintumiut 15:22, 45; Matîuse 4:1-11.

7, 8. Nunamiik­kal­larami Jesus qanoq ajun­ngitsulior­tarsimava, tamatumuunalu suna takutip­paa?

⁷ Naalak­kersuisoq kina Jesusip ukiuni ikit­tuin­nar­ni kif­far­tuus­sinermini ajun­ngitsunik naam­mas­sisaqar­tigineratut naam­mas­sisaqar­tigisin­naaner­pa? Guutip anersaava il­ler­nar­toq ikior­tigalugu Jesusip nap­parsimasut, iloqiaat, tap­piitsut, tusilar­tut oqajuitsul­lu ajorun­narsit­tarsimavai. Toqungasut al­laat makitis­simavai! Taamaalil­luni takutil­latsiarsimavaa Naalagaaf­fim­mi pis­saanilis­suul­luni tikiuk­kuni nunarsuarmiut tamaasa qanoq iliorfigiumaarlugit. — Matîuse 15:30, 31; Lúkarse 7:11-16.

⁸ Jesus nunamiik­kal­larami ajun­ngitsulior­tarsimangaarmat ajoqersugaq Johan­nes ima al­las­simavoq: ‘Jesusil­li suliai al­lat­taaq amerlagaluaqaat; tamak­kulu tamarmik im­mik­kut al­lak­katigut oqaatigineqas­sagaluar­pata isumaqar­punga map­persak­kat al­lat­tariaqas­sasut silarsuup inis­saqar­tis­san­ngik­kai.’ — Juánase 21:25. *

9. Sooq inuit peq­qusersuitsut Jesus or­nigar­tarsimavaat?

⁹ Jesus inus­siar­nersuul­lunilu misigin­neqataasuusimavoq, inun­nul­lu asan­neqaluni. Piitsut naqisimaneqar­tul­lu ikior­tarsimavai, pisoorsuil­li ataq­qisaasul­lu im­mik­koor­titarinagit. Inuit peq­qusersuitsut Jesusip asan­nit­tumik ima qaaq­qusinera ilas­sivaat: ‘Or­nis­singa tamas­si erloqisusi naner­tugaasusilu, qasuersis­savas­si. Nam­maatara ilis­sin­nut pisis­siuk ilin­niarfigalungalu, qanilaarama uum­matik­kul­lu makitajuik­kama; taava tar­nis­sin­nut qasuerfis­sarsiumaar­pusi. Nam­maatarami iluaqaaq, nam­mak­kius­saralu oqeqaluni.’ (Matîuse 11:28-30) Inuit Guutimik mianerin­nit­tut or­nigar­tarsimavaat naalak­kersuiler­nis­saa qilanaaralugu. — Juánase 12:19.

Naalakkersueqataasut

10, 11. Kik­kut Jesus ilagalugu nunarsuarmut naalak­kersuisuus­sap­pat?

¹⁰ Naalak­kersuisut kik­kul­luun­niit naalak­kersueqateqar­tar­put, aam­ma taamaas­saaq Guutip qilam­mi naalagaaf­fiani. Jesus nunarsuarmut naalak­kersuinermini naalak­kersueqateqas­saaq, qanimum­mi suleqatigisani neriorsorsimavai ilagaluni inuian­nut kun­ngiujumaar­tut. — Juánase 14:2, 3; sarĸúmersitat 5:10; 20:6.

¹¹ Taamaat­tumik inuit kil­lilim­mik amerlas­susil­lit Jesus ilagalugu qilam­mi inuunis­samin­nut makitior­tor­neqar­put. Taak­ku ataatsimut tas­saap­put Guutip naalagaaf­fia inuian­nut naas­saan­ngitsumik pil­luaq­qusisus­saq. (2 Korintumiut  4:14; sarĸúmersitat 14:1-3) Ukiut ingerlaneran­ni Jehovap taamaalil­luni naalagaas­suseq inuian­nut naas­saan­ngitsumik pil­luaq­qus­sutis­sanik pilersuisus­saq tun­ngavilersimavaa.

Naalakkersuinerit Guutimut atanngitsut peersitaassapput

12, 13. Guutip naalagaaf­fia maan­na sumut piareersimava?

¹² Ukiuni hundredelin­ni maan­na atuut­tuni Guutip nunarsuarmi pis­sutsit toq­qaan­nar­tumik akuliuf­figisimavai. Soorlu atuags­siaaq­qami matumani im­mik­koor­tumi 9-mi ersaris­sumik nas­suiar­neqas­sasoq, Bibelimi siulit­tuutit takutip­paat Guutip naalagaaf­fia Kristusik­koor­toq 1914-imi pilersin­neqarsimasoq maan­nalu Satanip aaq­qis­suus­sinera tamaat aserus­sal­lugu piareersimal­luni. Naalagaaf­fik taan­na Kristusip ‘akeraasa akor­nan­ni naalagaanis­saminut’ piareersimavoq. — Tus­siaat 110:2.

¹³ Taman­na pil­lugu Daniel 2:44-imi ima siulit­tuuteqar­poq: „Naalagaaf­fin­nguit taak­kua kun­ngii [maan­nak­kut atuut­tut] inuutil­lugit Guutip qilam­miusup naalagaaf­fik [qilam­mi] qaqugumul­luun­niit atasus­saq pilersik­kumaar­paa, kingor­nalu inuiaat al­lat naalagaaf­fim­mik pilersitsisin­naas­san­ngil­lat. Guutip naalagaaf­fiata naalagaaf­fiit taak­ku tamaasa aserus­savai sequmisil­lugit, nam­minerli soraajuitsumik atas­saaq.“

14. Inuit naalak­kersuinerata peersitaanis­saata suut ajun­ngequtigis­savai?

¹⁴ Naalagaaf­fiit Guutimut atan­ngitsut tamarmik peer­neqar­pata Guutip naalagaaf­fia nunarsuaq tamak­kerlugu naalak­kersuis­saaq. Naalagaaf­fik qilam­miit ingerlataagami inun­nit ajor­tumeer­neqarsin­naanavian­ngilaq. Naalagaas­suseq qilam­mi, aal­laq­qaataanit if­figisamini, Guutimiis­saaq. Guutil­lu nunarsuaq tamak­kerlugu naalak­kersus­sam­magu, eq­qun­ngitsumik up­perisarsior­nermit imaluun­niit inuit isumaliutersuutaan­nit naalak­kersuinik­kul­lu isumaan­nit tam­mar­titaasoqar­tarun­naas­saaq. Tamak­ku tamarmik akuerineqarun­naas­sap­put. — Matîuse 7:15-23; sarĸúmersitat kapitalit 17-19.

[Quppernerup ataani ilanngussaq]

[Atuaqqissaarnermi apeqqutit]

[Qupp. 18-mi assiliartaq]

Nunamiik­kal­larami Jesusip nap­parsimasut ajorun­naarsit­tarlugil­lu toqusut makitit­tarsimavai, takutin­niarlugu silarsuas­sami nutaami qanoq iliuuseqarumaarluni

[Qupp. 19-mi assiliartaq]

Guutip naalagaaf­fiata in­ngilit pis­saanilis­suit atorlugit naalak­kersueriaatsit im­minut atan­ngitsut tamaasa aseror­tis­savai