Immikkoortoq 4

Guutip siunertaminik paasitippaatigut

1, 2. Qanoq ilil­luta nalun­ngis­sin­naavar­put Guutip ilumoorlutik aperisut akis­sagai?

GUUTIP asan­nit­tup inuit ilumoorlutik im­minik ujarlersut siuner­taminik soorunami paasitik­kumas­savai, aperip­patalu sooq naal­liun­nar­tut akuerigini akiumas­savai.

² Bibelimi ima al­las­simavoq: „[Guuti] ujarun­ni nanitik­kumaar­poq.“ „Guuteqar­poq qilam­miusumik iser­tuk­kanik saq­qum­mersitsisar­tumik.“ „[Jehova] qanoq ilior­tarin­ngilaq pilersaarutini kif­faminut pruf­fiitinut saq­qum­merseq­qaar­tin­nagit.“ — 1 Israelik­kut oqalut­tuarisaanerat 28:9; Daniel 2:28; Amos 3:7.

Sumi akissutissaqarpa?

3. Sooq Guutip naal­liun­nar­tut akuerigai sumi paasitin­neqar­pugut?

³ Guutip naal­liun­nar­tunik akuerin­nin­neranik tamak­kunin­ngalu qanoq iliuuseqarfigin­nin­nis­saanik apeq­qutit al­lak­kani iluaqutis­satsitut Guutimit isumas­sarsiarititaasuni akineqar­put. ‘Al­lak­kat il­ler­nar­tut tamarmik Guutip sun­niineratigut isumas­sarsiarititaap­put iluaqutis­saal­lutil­lu ajoqersuutaal­lutik, ilitsersuutaal­lutik, iluarsiar­tuutaal­lutik, iluar­nermut perorsaataal­lutik, inuk Guutip pigisaa ineril­luaq­qul­lugu ajun­ngitsulior­ner­nul­lu tamanut pigin­naan­ngorsagaaq­qul­lugu.’ — 2 Timûtiuse 3:16, 17, NV.

4, 5. Suna pil­lugu Bibeli atuagaava as­seqan­ngil­luin­nar­toq?

⁴ Bibeli atuagaavoq as­seqan­ngil­luin­nar­toq. Inuiaat oqalut­tuarisaanerat tas­sani eq­qorluar­tumik al­laatigineqar­poq, al­laat inuup pin­ngor­tin­neqar­nera sioq­qul­lugu pisimasunik imaqarluni. Nalitsin­nul­lu soqutiginaateqarluar­poq, nalitsin­nimi pisar­tut qanit­tumilu piumaar­tus­sat tas­sani siulit­tuutigineqar­put.

⁵ Al­lamik atuagaqan­ngilaq oqalut­tuarisaanermik taama eq­qorluar­tigisumik imalim­mik. As­sersuutigalugu, atuak­kior­tut itsarsuaq inuusimasut al­lagaat as­silil­lugit al­laq­qitat ikit­tuin­naat nas­saas­saap­put. Kisian­ni Al­lak­kat Hebriiarisuut („Testamentitoq­qami“ atuak­kat 39-t) tamak­kerlugit ilaan­naal­luun­niit as­silil­lugit al­latat 6000-t aam­ma Kristumiut Al­lagaataat Griikerisuut („Testamentitaami“ atuak­kat 27-t) tamak­kerlugit ilaan­naal­luun­niit as­silil­lugit al­latat 13.000-t nas­saas­saap­put.

6. Qanoq ilil­luta qularisariaqan­ngilar­put Bibeli ul­lumik­kut an­nerusutigut al­lak­katut siul­ler­tut Guutimit isumas­sarsiarititaasutut it­toq?

⁶ Guutip Ajugaqan­ngitsup, Bibelimik isumas­sarsisitsisup, al­lak­kat tamak­kua al­lan­ngor­titaan­ngin­nis­saat isumagisimavaa. Taamaat­tumik ul­lumik­kut bibeliutivut an­nerusutigut itsarsuaq al­lak­katut siul­ler­tut isumas­sarsiarititaasutut imaqar­put. Tas­sami Kristumiut Al­lagaataat Griikerisuut as­silil­lugit al­latat ilaat al­lak­kat siul­ler­paat al­lan­neqar­neran­nit ukiut hundredel­lit inorlugit kingor­na al­lan­neqarsimap­put. Atuak­kior­tul­li kristumiuun­ngitsut itsarsuaq inuusimasut al­lagaat as­silil­lugit al­latat suli piusut ikit­tuin­naat atuak­kior­tup al­lan­neranit ukiut arlalin­nik hundredel­lit kingor­na amerlaner­tigut al­lan­neqarsimasuup­put.

Guutip tunissutaa

7. Bibeli qanoq siam­marsimatigaa?

⁷ Bibeli oqalut­tuarisaanermi atuak­kat siam­marsimaner­paar­taraat. Naqiter­neqarsimasut 3 milliardit mis­saan­niip­put. Atuak­kanik al­lanik taama siam­marsimatigisoqan­ngilaq. Tamarmilu ilaaluun­niit oqaatsinut 2000-ingajan­nut nutser­neqarsimavoq. Taamaalil­luni mis­siliuun­neqar­poq nunarsuarmiut 98 procentiisa Bibeli nam­min­neq oqaatsimin­nik atuarsin­naagaat.

8-10. Ilaatigut sooq Bibeli misis­sor­tariaqar­par­put?

⁸ Atuagaq Guutimeersuunerar­toq ilorlik­kut qal­lik­kul­lu ilumoor­tuuneranut up­per­narsaatis­salik soorunami misis­sor­tariaqar­par­put. * Tas­sani nas­suiar­neqar­put inuunerup siuner­taa, silarsuarmi pis­sutsit qanoq paasisariaqar­tut siunis­samilu piumaar­tus­sat. Atuagaq al­la taamaaliorsin­naan­ngilaq.

⁹ Aap, Bibeli tas­saavoq Guutip inuian­nut oqariar­tuutaa. Pis­saanini sun­niisar­toq, imaluun­niit anersaani il­ler­nar­toq, atorlugu tamatuma  al­lan­neqar­nera siulersorsimavaa, angutit 40-t mis­saat al­lat­toralugit. Taamaalil­luni Guutip Bibeli aq­qutigalugu oqaluf­figisar­paatigut. Apustili Paulus ima al­las­simavoq: ‘Guutip oqaasia uatsin­nit tusagarsi taamani pigilerlugu ilas­sivarsi inun­nut oqaaseritin­nagu Guutimul­li oqaaseritil­lugu (mas­salu ilumut taamaap­poq).’ — 1 Tásalûníkamiut 2:13.

¹⁰ Abraham Lincolnip, USA-p præsidentiisa 16-iata, Bibeli ‘Guutip inuian­nut tunis­sutaasa pitsaaner­paar­taat’-tut taasimavaa. Ima oqarsimavoq: „Bibeli pigin­ngitsuugutsigu ajun­ngitsoq ajor­torlu im­mik­koor­tis­sin­naas­san­ngik­kaluar­pavut.“ Taavami tunis­sutip pitsaasup tamatuma naal­liun­nar­tut aal­lar­tis­simanerat, Guutip tamak­kunin­nga akuerin­nin­nera tamak­kunin­ngalu iliuuseqarfigin­nin­nis­saa pil­lugit sunik paasitip­paatigut?

[Quppernerup ataani ilanngussaq]

[Atuaqqissaarnermi apeqqutit]

[Qupp. 10-mi assiliartaq]

Bibeli Guutimit isumas­sarsiarititaasoq tas­saavoq taas­suma inuian­nut oqariar­tuutaa