Immikkoortoq 2

Nunarsuaq naalliunnar­toqanngitsoq

1, 2. Inup­pas­suit siunis­saq qanoq al­laal­luin­nar­tumik isigaat?

INOQAR­PORLI arlalin­nik mil­lionilin­nik silarsuarmi sumi tamaaniit­tunik al­laal­luin­nar­tumik isumalin­nik. Taak­kua inuiaat siunis­saat nuan­ningaar­tumik isigaat, oqar­tarlutik maani nunarsuatsin­ni qanit­tuk­kut atuutilerumaar­toq silarsuaq ajus­suseqaranilu naal­liun­nar­toqan­ngitsoq. Qularin­ngivip­paat qanit­tuk­kut ajor­tut suut tamarmik piiar­neqas­sasut silarsuarlu nutaavik pilersin­neqas­sasoq. Al­laat oqar­tar­put silarsuas­saq taman­na maan­nak­kut tun­ngavilior­neqalereersoq.

² Inuit taak­kua up­peraat silarsuas­sami sorsun­nerit, naak­kit­taas­suseq, pinerlut­tulior­nerit, naaper­tuil­luan­ngis­suseq piitsuus­suserlu atuutis­san­ngitsut. Aam­magooq nap­paatit, aliasuutit, qul­lilinerit al­laal­lu toqu peerutis­sap­put. Taamanik­kus­saq inuit naam­mal­luin­nar­tun­ngoriar­tuaas­sap­put  nuan­naarlutil­lu paratiisimi nunamiit­tumi naas­saan­ngitsumik inuus­sal­lutik. Al­laat toqusimasut makeq­qis­sap­put naas­saan­ngitsumil­lu inuunis­samin­nut periarfis­saqas­sal­lutik!

3, 4. Inuit taak­ku sooq taama qulan­ngitsigaat?

³ Siunis­samut isigin­nin­neq taman­na tas­saan­naaner­pa takorluuk­kersaarut piviusorsiun­ngitsoq? Naamerluin­naq. Paratiisip tamatuma pin­ngitsoorani atuutiler­nis­saanut up­per­nermik aalajaatsumik taman­na tun­ngaveqar­poq. (Eprîarit 11:1) Sooq taama qularin­ngitsigaat? Tas­sa silarsuarmik Pin­ngor­titsisoq ajugaqan­ngitsoq taama neriorsuisimam­mat.

⁴ Guutip neriorsuutai pil­lugit Bibelimi ima al­las­simavoq: „Ajun­ngitsut [Jehovap] Guutis­si ilis­sin­nut neriorsuutigisaasa tamarmik ilaat ataasin­nguarluun­niit qam­muin­narsiman­ngi[laq]. Tamarmik piviusun­ngorsimap­put, Guutip neriorsuutigisimasaasa ilaat ataasiin­narluun­niit eq­quutin­ngitsoorsiman­ngilaq.“ „Guuti tas­saan­ngilaq angut sal­lusar­toq. . . . Oqaaserisani naam­mas­sisan­ngin­ner­pai, neriorsuutigisani aalajangiut­tan­ngin­ner­paa?“ „Katersaarsuit Naalagaat [Jehova] up­per­narsaavoq oqarluni: ‘Ilumut eq­qarsaatik­ka eq­qorlugit pisoqas­saaq, pilersaarutik­kalu pin­ngitsoor­natik naam­mas­sineqas­sap­put.’“ — Josva 23:14; 4 Moses 23:19; Jesaja 14:24.

5. Apeq­qutit suut akineqar­tariaqar­pat?

⁵ Kisian­ni Guutip nunarsuarmi paratiisip naal­liun­nar­toqan­ngitsup pilersin­neqar­nis­saa siuner­tariguniuk, soormitaava ajus­suseq akuerigal­larsimavaa? Sunalu pil­lugu pis­sutsit ajor­tut aaq­qin­nis­saat man­na tikil­lugu ukiuni 6000-ini utaq­qis­simavaa? Ukiut hundredelik­kaat naal­liun­nar­toqarfioqisut tamak­kua tamarmik takutin­ngin­ner­paat Guutip soqutigin­ngik­kaatigut, imaluun­niit Guuteqan­ngitsoq?

[Atuaqqissaarnermi apeqqutit]