Immikkoortoq 7

Pikitsitsineq qanoq kinguneqarsimava?

1-3. Pif­fis­sap ingerlanerani Jehovap ilumoor­nera qanoq up­per­narsar­neqarsimava?

GUUTIP naalak­kersuisus­saaneranik apeq­qusiineq eq­qarsaatigalugu, ukiuni hundredelik­kuutaani inuit Guutimut atanatik naalak­kersuinerat qanoq kinguneqarsimava? Paasinarsisimava inuit Guutimit naalak­kersuisuul­laq­qin­nerusut? Inuit inoqatimin­nut naak­kit­taatsulior­tarsimaner­pas­sui eq­qarsaatigalugit naaggaar­tariaqar­pugut.

² Siuaasat­ta siul­liit Guutip naalak­kersuineranik ajat­tuinerat ajunaar­nersuarmik kinguneqar­poq. Im­min­nut kinguaamin­nul­lu tamanut naal­liun­nar­tut pilersip­paat. Tamatumun­ngalu nam­min­ner­piaq pisuup­put. Guutip oqaasiani ima al­las­simavoq: „Eq­qarleriit peq­quserlut­tut, naalas­seriitsul­lu ilumuun­ngitsuliorfigim­man­ni Guutip ajor­tuliaat pil­lugit qitor­nariun­naar­pai.“ — 5 Moses 32:5.

 ³ Oqalut­tuarisaanerup up­per­narsarsimavaa Guutip Adamik­kun­nut mianersoq­qus­sutaa ilumoor­toq, tas­sa aaq­qis­suus­sai tunuk­kunik­kik aseroriar­tulerumaar­tut naggataatigul­lu toqus­sal­lutik. (1 Moses 2:17; 3:19) Mianersoq­qus­sut sumigin­nar­paat, ukiul­lu ingerlaneran­ni aseroriar­torlutik naggataatigut toqup­put.

4. Sooq tamat­ta inun­nguutsitsin­nit naam­mal­luinan­ngitsuuvugut, nap­parsimasarluta toqusus­saal­lutalu?

⁴ Taman­na kinguaavinut tamanut Rûmamiut 5:12-imi nas­suiar­neqar­tutut kinguneqar­poq: ‘Taamaat­tumik soorlu inuk­kut ataasiusuk­kut [Adamik­kut, inuiaat siuaasaatigut] ajor­ti silarsuarmut tikiut­toq ajor­tik­kul­lu toqu tikiul­luni, taamalu toqup inuit tamak­kerlugit tikip­pai.’ Siuaasat­ta siul­liit Guutip nak­kutil­liinera pikitsitsif­figigamik­ku ajor­tulior­tun­ngor­put naam­mal­luin­nan­ngitsut. Timik­kut kingor­nut­tak­kat inatsisaat naaper­torlugit, naam­mal­luin­nan­ngis­suseq taman­na kisiat kinguaamin­nut kingor­nus­sas­saatiler­paat. Taamaat­tumik tamat­ta inun­nguutsitsin­nit naam­mal­luin­nan­ngitsuuvugut, nap­parsimasarluta toqusus­saal­lutalu.

5, 6. Inuit eq­qis­sinermik atugaris­saar­nermil­lu pilersitsiniar­neri eq­qarsaatigalugit oqalut­tuarisaanerup suna takutis­simavaa?

⁵ Ukiut hundredelip­pas­suit ingerlareersimap­put. Naalagaaf­fis­suit pin­ngor­tarsimap­put aseror­tarsimal­lutil­lu. Naalak­kersueriaatsit suul­luun­niit tamarmik misilerar­neqarsimap­put. Taamaak­kaluar­torli inuiaat an­nilaar­nar­tor­pas­suar­nik atuisariaqar­tarsimap­put. Ukiut 6000-t ingerlareersimam­mata ilimagineqarsin­naagaluar­poq inuit nunarsuaq tamak­kerlugu eq­qis­sineq, naaper­tuil­luas­suseq atugaris­saar­nerlu atuutilersis­simas­sagaat, tamarmil­lu pis­sutsit ajun­ngitsut soorlu inus­siar­nis­suseq, naak­kin­nis­suseq suleqatigin­nik­kumatus­suserlu ilik­kareersimas­sagaat.

⁶ Piviusul­li al­laal­luin­nar­put. Naalak­kersueriaatsit inuit pilersis­simasaasa arlaan­naataluun­niit tamanut eq­qis­sineq atugaris­saar­nerlu pilersis­sin­naasiman­ngilaat. 1900-kkut ingerlanerin­naan­ni inuit mil­lionilik­kuutaat Sorsun­nersuit aap­paan­ni inuian­nik toqoraanersuar­nermi toqutaasimap­put, sorsun­ner­nilu al­lani inuit 100 millioninit amerlanerusut toqutaasimal­lutik. Al­latut isumalin­nik akaarin­nin­ngin­neq naalak­kersuinik­kul­lu isumaqatigiin­ngin­neq pis­sutigalugit inuit kisis­saan­ngitsut naal­liutsitaal­lutil­lu toqutaal­lutil­lu par­naarus­saasimap­put.

Ullumikkut pissutsit

7. Pis­sutsit inuiaat ul­lumik­kut atugaat qanoq oqaatigineqarsin­naap­pat?

⁷ Inuiaat akor­nan­ni ul­lumik­kut pis­sutsit eq­qarsaatigeriak­kit. Pinerlut­tulior­neq nakuuser­nerlu atugaaqaat. Ikiaroor­nar­tunik ator­nerluineq siam­marsimaqaaq. Nap­paatit kinguaas­siuutitigut tunil­laat­tar­tut sualus­siar­tuin­nar­put. Nap­paat siooragisaaqisoq AIDS inun­nik mil­lionilik­kuutaanik eq­quisimavoq. Ukiut tamaasa inuit mil­lionilip­pas­suit nap­paatit kaan­nerlu toqus­sutigisar­paat, uf­fa inuit ikit­tuin­naat piisaar­torsuit. Inuit nunarsuaq mingutsip­paat atupilul­lugulu.  Sumiluun­niit ilaqutariit­tut inuuneq ileq­qus­sal­lu eriaginar­tut aseroriar­tor­put. Ilumut, ul­lumik­kut inuunermi malun­nar­poq ‘silarsuup matuma guutia’ Satan ajor­tumik naalagaasoq. Taas­suma silarsuaa misigit­taaqalunilu naak­kitaaqalunilu aseruul­luin­naq­qavoq. — 2 Korintumiut 4:4.

8. Sooq inuiaat angusimasaat siuariarsimanivim­mik taaneqarsin­naan­ngil­lat?

⁸ Guutip inuit ator­tus­satigut ilisimatuus­sutsik­kul­lu siuariar­tor­nis­saan­nut pif­fis­saqar­til­luarsimavai. Pisis­sil­li qarsul­lu aal­laasinik eq­qarasuar­taatinik, qamus­suar­nik sorsuutinik, tim­misar­torsuar­nik qaar­tar­torsuutinik atomimil­lu qaar­tar­tulianik taarser­neqar­nerat tas­saaner­pa siuariar­neq? Inuit nunarsuarmi eq­qis­sil­lutik inooqatigiin­neq saperlutik nunarsuup avataanut aal­larsin­naalersimanerat siuariar­ner­tut taaneqarsin­naaner­pa? Inuit un­nuk­kut, ilaan­nilu ul­luk­kut al­laat, aq­qusinermi angalaar­nis­samin­nut siooralersimanerat tas­saaner­pa siuarsimaneq?

Piffissap paasinarsisitai

9, 10. (a) Ukiuni hundredelin­ni kingul­ler­ni suna paasinarsisimava? (b) Sooq Guutip inuit piumasamik iliorsin­naas­sutsimik arsaarumasiman­ngilai?

⁹ Ukiut hundredelip­pas­suit ingerlaneran­ni paasinarsivoq inuit Guutimut atanatik im­min­nut aqus­sin­naan­ngitsut. Taman­na saperluin­nar­paat, soorlut­taaq nerisan­ngik­kaan­ni, imer­tan­ngik­kaan­ni anersaar­tor­tan­ngik­kaan­nilu inuusoqarsin­naan­ngitsoq. Ersarip­poq: Pin­ngor­titsisup un­nersuus­sineranik pin­ngitsoorsin­naan­ngitsutut pin­ngor­titaavugut, soorlut­taaq nerisas­sat, imeq silaan­narlu pin­ngitsoorsin­naan­ngik­kivut.

¹⁰ Ajus­sutsit naal­liuutil­lu akuerinerisigut Guutip inaarutaasumik takutis­simavaa piumasamik iliorsin­naas­sutsimik ator­nerluineq kingunipiloqar­tar­toq. Piumasamik iliorsin­naas­suseq tunis­sutaam­mat erlin­naqisoq Guutip inuit tamatumin­nga arsaar­nagit periarfis­sip­pai ator­nerluinerata kingunipiluinik misigitil­lugit. Guutip oqaasiani ilumoor­tumik ima al­las­simavoq: ‘Angutip aalajangigas­sarin­ngilai qanoq ingerlanis­sani al­loriar­tar­nis­sanilu.’ Aam­ma ima al­las­simavoq: ‘Inuit ilaat inoqatimin­nut ajoqutaasumik pis­saaneqar­pal­laar­put.’ — Jeremia 10:23; Nalunaajaasup oqaasii 8:9.

11. Inuit naalak­kersueriaasiisa ilaasa naal­liun­nar­tut peersis­simavaat?

¹¹ Guutip ukiuni 6000-ini inuit naalak­kersuineran­nik akuerin­nis­simanerata takutil­luar­paa inuit naal­liun­nar­tunik nungutitsisin­naan­ngin­nerat. Iluatsitsin­ngivis­simap­put. As­sersuutigalugu, Israelik­kut kun­ngiata Salomonip ilisimaqalunilu pisuujoqalunilu pis­saaneqaqisup nalimini inuit naalak­kersuinerata nas­satai alianar­tut aaq­qis­sin­naasiman­ngilai. (Nalunaajaasup oqaasii 4:1-3) Ul­lumik­kut­taaq silarsuarmi siulersuisut teknik­kik­kut siuarsimagaluaqalutik naal­liun­nar­tut peer­neq saper­paat. Sulilu ajor­nerusumik, oqalut­tuarisaanerup takutis­simavaa inuit Guutip naalak­kersuineranik tunus­sisimasut naal­liun­nar­tut peer­nagit amerliar­tor­tiin­narsimagaat.

 Guutip siumut isigisinnaassusia

12-14. Siunis­saq eq­qarsaatigalugu Guutip naal­liun­nar­tunik akuerin­nis­simanera iluaqutaasumik qanoq kinguneqas­sava?

¹² Guutip naal­liun­nar­tunik akuerin­nis­simanera inun­nut an­ner­narsimaqaaq. Taas­sumali siumut takoreersimavaa taamaalior­nini naggataatigut qanoq kinguneqarluar­tigiumaar­toq. Guutip aaq­qiis­sutaa pin­ngor­titaasa iluaqutigis­savaat, ukior­paalun­ni imaluun­niit ukiuni tuusintilip­paalun­niin­naan­ngitsoq, ukiunili mil­lionilip­pas­suar­ni, aap, naas­saan­ngitsumik.

¹³ Guutip iliuusianik apeq­qusiil­luni siunis­sami piumasamik iliorsin­naas­sutsimik ator­nerluisoqas­sagaluar­pat apeq­qusiinerminut up­per­narsaaniar­nis­saanut pif­fis­saler­neqar­tariaqas­san­ngilaq. Guuti pikitsitsisunik ukiunik tuusintilin­nik periarfis­siinermigut inatsisitigut najoq­qutas­siivoq silarsuarmi tamarmi naas­saan­ngitsumik ator­tus­samik.

¹⁴ Guutip ajus­sutsimik naal­liun­nar­tunil­lu man­na tikil­lugu akuerin­nik­kal­lar­nermigut naam­mangaar­tumik up­per­narsaatis­sereer­paa piumasaminut naaper­tuutin­ngitsumik ingerlasut tamarmik iluatsis­sin­naan­ngitsut. Qular­narun­naavil­lugu takutin­neqareer­poq inuit anersaal­luun­niit Guutimut atanatik naalak­kersuineri pil­luaq­qus­sutis­sanik ataavar­tus­sanik pilersitsisin­naan­ngitsut. Taamaat­tumik Guutip naaper­tuil­luarluni pikitsitsinerit tamaasa er­niin­naq piias­savai, „Guutiitsut tamaasa nungutis­savai.“ — Tus­siaat 145:20; Rûmamiut 3:4.

[Atuaqqissaarnermi apeqqutit]

[Qupp. 15-mi assiliartaq]

Siuaasavut siul­liit Guutimut atan­ngin­nis­sar­tik qinersimagamik­ku pif­fis­sap ingerlanerani utoq­qaliar­torlutik toqup­put

[Qupp. 16-mi assiliartaq]

Inuit Guutimut atanatik naalak­kersuinerat ajunaarutaasimaqaaq

[Suminngaanneernera]

U.S. Coast Guard-imiit as­siliaq