Immikkoortoq 10

Silarsuaq nutaaq nuanningaartoq Guutip pilersitassaa

1, 2. Sorsun­nerup Harmagedonip minguiaasup kingor­na susoqas­sava?

GUUTIP Harmagedonimi sorsun­nis­saani nunarsuaq minguiar­neqareer­pat susoqas­sava? Ul­lut nutaat nuan­nersut atuutilis­sap­put. Harmagedonimit aniguisut Guutil­lu naalak­kersuineranut ilumoorsutsimin­nik takutitsereersimasut silarsuas­samut nutaamut eq­qun­neqas­sap­put. Oqalut­tuarisaanermi ul­lut nutaat pis­sanganar­tut inuian­nut pil­luaq­qus­sutis­sanik tupin­nar­tunik Guutip ‘kueraaf­fis­sai’ atuutilis­sap­put!

² Aniguisut Guutip naalagaaf­fianit siulersor­neqarlutik paratiisi sanarfilis­savaat. Inuusut tamarmik iluaqutis­saan­nut nukitik nam­minis­sarsiun­ngitsumik atus­savaat. Nunarsuarlu inuian­nut angerlarsimaf­fin­ngoriar­tuaas­saaq kusanar­toq, eq­qis­sinar­toq nalerisimaar­nar­torlu.

Naapertuilluassutsip ajussuseq taarsissavaa

3. Aniguisitaaneq suna ingerlaan­naq misigineqas­sava?

³ Tamak­ku tamarmik pisin­naan­ngus­sap­put Satanip silarsuaa aseror­neqas­sam­mat. Eq­qun­ngitsumik up­perisarsior­nerit, in­nut­taaqatigiin­ni aaq­qis­suus­sinerit naalak­kersuisul­lu avis­saar­tuus­sutaasut atorun­naas­sap­put. Inuit Satanip sun­niiniar­neranit uukapaatitaaq­qis­san­ngil­lat; sun­niiniarfii tamarmik aaq­qis­suus­saanera ilan­ngul­lugu nungutitaas­sap­put. Eq­qarsaatigeriaruk: Satanip silarsuaata silaan­naa toqunar­toq peer­neqas­saaq! Qanoq iluaal­latsigis­sava!

4. Ilin­niar­titaanermut tun­ngasumik al­lan­ngor­titsinis­saq nas­suiaruk.

⁴ Inuit naalak­kersuinik­kut isumaat aseror­nar­tut ilin­niar­titsinermik ineriar­tor­nar­tumik Guutimeersumik taarser­neqas­sap­put. „Qitor­natit tamarmik uan­nit, [Jehovamit], ajoqersor­neqas­sap­put.“ (Jesaja 54:13) Ilin­niar­titaaneq peq­qin­nar­toq taman­na ukiut ingerlaneran­ni imatut kinguneqas­saaq: „[Jehovamik] ilisarsinerup nuna tamak­kerumaar[paa] soorlu ermit matoq­qagaat im­map naq­qa.“ (Jesaja 11:9) Taamanik­kus­saq inuit ajor­tulior­nis­saq pin­nagu, ‘iluar­tulior­nis­saq ilin­nias­savaat’. (Jesaja 26:9) Eq­qarsaataat suliaal­lu tamarmik ineriar­tor­nar­tuus­sap­put. — apustilit suliáinik agdlagkat 17:31; Filípimiut 4:8.

5. Ajus­suseq inuil­lu ajor­tut tamarmik qanoq pineqas­sap­pat?

⁵ Taamaat­tumik inuar­neq, nakuuser­neq, pin­ngitsaaliil­luni tiinganeq, piiaaneq pinerlut­tulior­neril­lu al­lat atorun­naavis­sap­put. Al­lat ajor­tuliaan­nik naal­liuutigin­nit­toqar­tarun­naas­saaq. Us­satit 10:30-mi ima al­las­simavoq: „Iluar­toq aalajaat­tuaan­nas­saaq, iluaatsul­li nunani nunagiuas­san­ngilaa.“

Peqqilluinnarneq pilerseqqinneqartoq

6, 7. (a) Guutip naalagaaf­fiata naalak­kersuinerata pis­sutsit alianar­tut suut piis­savai? (b) Nunamiik­kal­larami Jesusip qanoq ilil­luni taman­na takutis­simavaa?

⁶ Pikitsitseq­qaar­nerup kingunipilui tamarmik silarsuas­sami nutaami peer­neqas­sap­put. As­sersuutigalugu, Guutip naalagaaf­fiata naalak­kersuinerata nap­paatit utoq­qalisar­nerlu  atuuk­kun­naarsis­savai. Ul­lumik­kut al­laat peq­qik­kaluarlutit utoq­qaliar­tus­saatit, isigiarsulis­sal­lutit, kigutitit aseroriar­tulis­sal­lutik, tusil­las­sal­lutit, am­mit amequsulis­sal­luni, timivit pisatai ilorliit aseroriar­tulis­sal­lutik naggataatigul­lu toqus­sal­lutit.

⁷ Pis­sutsil­li alianar­tut tamak­ku siuaasatsin­nit siul­ler­nit kingor­nus­savut er­niin­naq qangan­ngus­sap­put. Eq­qaamavigit Jesusip nunamiik­kal­larami peq­qis­sutsimut atatil­lugu takutitai? Bibelimi ima oqalut­tuarineqar­poq: ‘Inup­pas­suil­lu or­nip­paat tusiat­tunik tap­piitsunil­lu oqajuitsunil­lu iloqiaasunil­lu al­lanil­lu qas­seersuar­nik ilaqarlutik, taak­kulu Jesusip isik­kami saan­nut ilim­matigik ajorunnaarsippai. Inuil­lu tupigusuler­put takugamik­kik oqajuitsut oqalulersut iloqiaasul­lu ajorun­naarsut tusiat­tul­lu pisut­tut tap­piitsul­lu tap­pis­sisut.’ — Matîuse 15:30, 31.

8, 9. Silarsuas­sami nutaami peq­qil­luin­nas­suseqaler­nis­saq pis­sutigalugu nuan­naar­nis­saq eq­qar­toruk.

⁸ Silarsuas­sami nutaami nap­paatit tamarmik ajorun­naarsin­neqar­pata ila nuan­nis­susis­saa! Kingor­na peq­qiil­lior­nerup erloqiseq­qis­san­ngilaatigut. „Nunatsin­ni ima oqar­toqas­san­ngilaq: ‘Nap­parsimavunga!’“ „Taava tap­piitsut isaat uisitaas­sap­put, tusilar­tut siutaat am­mar­neqas­sap­put. Tusiat­toq tut­tutut pis­sigarumaar­poq, oqajuitsuugaluaq qiim­mat­tarluni ap­pik­kumaar­poq.“ — Jesaja 33:24; 35:5, 6.

⁹ Ul­laat tamaasa iterluni peq­qil­luin­narluni ila nuan­nis­saqaaq! Utoq­qaal­luni nuan­nis­saqaaq ul­lut tamaasa inuusus­siar­torluni, timik­kut isumak­kul­lu aal­laq­qaataani Adamik­kutut naam­mal­luin­nar­tun­ngus­sal­luni. Bibelimi ima neriorsuuteqar­poq: „Taava timaa inuusuk­kal­lar­neranisut nukit­torumaar­poq.“ (Job 33:25) Isarus­sat, tusar­taatit, ajaap­pis­sat, is­siaviit kaamisar­tak­kat nakorsaatil­lu igiin­narsin­naalerlugit nuan­nis­susis­saa! Nap­parsim­maviit, nakorsat kigutil­lu nakorsaat pisariaqarun­naas­sap­put!

10. Toqu qanoq pineqas­sava?

¹⁰ Inuit taama peq­qil­luin­nar­tigisut toqorusun­navian­ngil­lat. Toqusariaqas­san­ngil­lal­lu, naam­mal­luin­nan­ngis­sutsim­mi toqul­lu kingor­nus­saasut inuiaat tigusareq­qajun­naas­savaat, Kristus ‘kun­ngius­sagami qin­ngarsuisut tamaasa isik­kami ataan­nut ilitserlugit. Qin­ngarsuisut suujun­naarsitas­sat nun­ngutis­saat tas­sa toqu.’ ‘Guutil­li saam­maan­nermit tunis­sutaa tas­sa inuuneq naas­saan­ngitsoq.’ — 1 Korintumiut 15:25, 26; Rûmamiut 6:23; aam­ma takuuk Jesaja 25:8.

11. Silarsuas­sami nutaami pil­luaq­qus­sutis­sat sarĸúmersitat-ni qanoq al­laatigineqar­pat?

¹¹ Pil­luaq­qus­sutis­sat Guutimit soqutigin­nit­tumit inuiaat paratiisimiut nuan­naarutigisin­naasaat Bibelimi atuak­kami kingul­lermi eqik­karlugit ima al­laatigineqar­put: ‘Qul­liil­lu tamaasa isaan­nit [Guutip] al­lar­terumaar­pai, toqulu peqarun­naas­savoq, aliasut­toqarun­naarlunilu nil­liasoqarun­naarlunilu an­niar­toqarun­naas­savoq, siul­liit peermata.’ — sarĸúmersitat 21:3, 4.

Toqusimasut makissapput

12. Jesusip qanoq ilil­luni makititsisin­naas­sutsi Guutimeersoq takutis­simavaa?

¹² Jesus nap­parsimasut iloqiaasul­lu ajorun­naarsiin­nar­nagit al­lamit­taaq iliuuseqar­tarsimavoq. Toqusimasut ilaat iliver­nit makitis­simavai. Taamaalil­luni makititsisin­naas­sutsi tupin­nar­toq Guutimeersoq takutis­simavaa. Eq­qaamajuk Jesus ilaan­ni angutip toqusumik paneqar­tup il­luanukar­toq? Jesusip niviarsiaraq toqungasoq ima oqarfigaa: ‘Niviarsiaraq, oqarfigaak­kit: Makigit.’ Suna kinguneralugu? ‘Niviarsiaraq er­niin­naq makip­poq angalaalerlunilu.’ Takugamik­ku  najuut­tut ‘an­nilaaqaat’. Nuan­naar­tupilus­suup­put. — Mákorse 5:41, 42; takuk­kit­taaq Lúkarse 7:11-16; Juánase 11:1-45.

13. Inuit qanoq it­tut makik­kumaar­pat?

¹³ Silarsuas­sami nutaami ‘toqusut makik­kumaar­put, iluar­tul­lu iluaatsul­lu’. (apustilit suliait 24:15) Taamanik­kus­saq Jesusip pis­saanini Guutimeersoq atorlugu toqusimasut makitis­savai, imami oqarsimavoq: ‘Uanga makis­sutaal­lungalu inuus­sutaavunga; uan­nut up­per­toq naak toqugaluaruni inuus­saaq.’ (Juánase 11:25) Aam­ma ima oqarsimavoq: ‘Taava iliver­niit­tut [Guutip eq­qaamasai] tamarmik taas­suma [Jesusip] nipaa tusarumaar­paat; anil­lutil­lu makis­sap­put.’ — Juánase 5:28, 29.

14. Toqu peqarun­naar­pat aam­ma al­lat suut atorun­naas­sap­pat?

¹⁴ Toqusimasut ataatsimoor­tuk­kuutaarlugit inuunermut uter­tin­neqar­pata asasatil­lu najulerlugit nunarsuaq tamak­kerluni nuan­naarfius­saqaaq! Aviisini toqusimasunik nalunaaruteqar­tar­navian­ngilaq inuusut aliasuutigisaan­nik. Im­maqali makeq­qam­mersut nalunaarutigineqar­tas­sap­put asasaasa nuan­naarutigisaan­nik. Ilisinerit, iliveqarfiit, toqusul­lu timaan­nik ikual­laasarfiit tamarmik atorun­naas­sap­put!

Silarsuaq eqqissineqarfiusoq

15. Mikap siulit­tuutaa qanoq ilil­luni piviusun­ngor­tin­neqarumaar­pa?

¹⁵ Inuuneq sutigut tamatigut piviusumik eq­qis­sinar­tuus­saaq. Sorsun­nerit, sorsun­ner­nik pilersitsisar­tut sak­kus­sialior­neril­lu qangan­ngus­sap­put. Sooq? Inuiaqatigiin­nik, naggueqatigiin­nik am­mil­lu qalipaataa pis­sutigalugu avis­saar­tuutsitsisut nungus­sam­mata. Taamanik­kus­saq „inuiaat panamik im­min­nut silugutis­saas­sap­put sak­kunil­lu atuinis­samut sungiusarun­naas­sal­lutik“. — Mika 4:3.

16. Guutip qanoq ilil­luni sorsun­nerit ajor­narluin­nar­tun­ngor­tis­savai?

¹⁶ Inuiaat oqalut­tuarisaaneran­ni sorsut­toqar­tuar­tarsimanera eq­qarsaatigalugu taman­na tupin­naraluar­poq. Sorsut­toqar­tarsimaneranul­li pis­sutaavoq inuiaat inun­nit in­ngilipilun­nil­lu naalak­kersor­neqarsimanerat. Silarsuas­sami nutaami, Guutip naalagaaf­fiata aqutsinerani, ima pisoqas­saaq: „Qaal­lusi takuniarsigit [Jehovap] suliai . . . Nunarsuarmi tamarmi sorsun­nerit soraarsik­kumaar­pai, pisis­sit nal­lorumaar­pai qalugiusal­lu aseror­terlugit, qamus­suit sorsuutit ikik­karumaar­pai.“ — Tus­siaat 46:9, 10.

17, 18. Silarsuas­sami nutaami inuit uumasul­lu im­min­nut qanoq at­taveqarumaar­pat?

 ¹⁷ Inuit uumasul­lu eq­qis­seqatigiis­sap­put­taaq, soorlu Edenimi taamaas­simasoq. (1 Moses 1:28; 2:19) Guuti ima oqar­poq: „Ul­lormi is­sumani anger­tik­kumaar­pak­ka nersutit nujuar­tat, tim­mis­sat qilaap ataaniit­tut nunamilu paarmor­tut, . . . eq­qis­sinar­tumil­lu najugaqar­tis­savak­ka.“ — Hosea 2:20.

¹⁸ Eq­qis­sineq qanoq an­ner­tutigis­sava? „Amaq­qup najus­savaa savaaraq, milakulaal­lu savaasaaraq aqupeqatigis­savaa. Us­siup piaraa løvel­lu piaraa mangiaqatigiis­sap­put, nukappiarannguullu paariumaarpai.“ Nersutit inun­nut im­min­nul­luun­niit siooranar­torsior­titsiun­naas­sap­put. Al­laat „løveq karriiar­nikutorumaar­poq us­sit­tut“. — Jesaja 11:6-9; 65:25.

Nunarsuaq paratiisinngortinneqassaaq

19. Nunarsuaq sun­ngor­tin­neqas­sava?

¹⁹ Nunarsuaq tamarmi inuian­nut angerlarsimaf­fit­tut paratiisin­ngor­tin­neqas­saaq. Taamaat­tumik Jesusip angut im­minut up­per­toq ima neriorsorsin­naasimavaa: „Paratiisimeeqatigiumaar­parma.“ Bibelimi ima al­las­simavoq: „Inoqajuitsoq naggorlut­torlu tipaatsus­sap­put. Nuna naasuitsoq qiim­mat­tas­saaq naasunil­lunilu. . . . Puilalerumaarmata er­ngit puilasuitsumi, kuun­nguil­lu kuulerumaarlutik naasuitsumi.“ — Lúkarse 23:43, NV; Jesaja 35:1, 6.

20. Sooq inuiaat kaan­nersuarmit eq­qor­neqaq­qis­san­ngil­lat?

²⁰ Guutip naalagaaf­fiata aqutsinerani inuit kaan­nersuarmit eq­qor­neqar­tas­san­ngil­lat. „Karrit naam­mangaar­tut nunami naasimas­sap­put, qaq­qat qaan­ni aalataarumaar­put.“ „Narsap or­pii inerititaqar­tis­savak­ka nunalu naatitaqar­til­lugu. Eq­qis­sisimal­lutik nunamin­ni najugaqas­sap­put.“ — Tus­siaat 72:16; Hesekiel 34:27.

21. Inis­saaleqineq, il­lupalaat pinerlut­toqarfiil­lu qanoq pineqas­sap­pat?

²¹  Piitsuus­suseq, inis­saaleqineq, il­loqarfis­suar­ni il­lupalaat sumiif­fiil­lu pinerlut­tuliorfioqisut tamarmik atorun­naas­sap­put. „Il­luliorumaar­put  nam­min­neq inigisas­samin­nik viin­nequtinil­lu ik­kus­suil­lutik inerititai nerisas­samin­nik. Il­lulius­san­ngil­lat al­lamiut inis­saan­nik ik­kus­suis­sanatil­lu takor­nar­tat nerisas­saan­nik.“ „Tamarmik eq­qis­sil­lutik inuus­sap­put viin­nequtaatimik or­piutimil­lu figenil­lit ataan­ni kimil­luun­niit an­nilaar­tin­neqaratik.“ — Jesaja 65:21, 22; Mika 4:4.

22. Guutip naalak­kersuinerani pil­luaq­qus­sutis­sat Bibelimi qanoq al­laatigineqar­pat?

²² Tamak­ku tamaasa al­lar­pas­suil­lu inuit paratiisis­sami nuan­naarutigis­savaat. Tus­siaat 145:16-imi Guuti pil­lugu ima al­las­simasoqar­poq: „As­satit am­mar­tar­patit pin­ngor­tital­lu tamaasa ajun­ngitsuutin­nik qaarsil­lar­tit­tarlugit.“ Tupin­nan­ngilaq Bibelimi ima siulit­tuuteqarmat: „Qanilaar­tut nuna kingor­nutis­savaat, pil­luangaarlutil­lu inuus­sap­put. . . . Iluar­tut nuna kingor­nutis­savaat najugaqas­sal­lutil­lu tas­sani naas­saan­ngitsus­samut.“ — Tus­siaat 37:11, 29.

Ajoqusiisimanerit iluarsineqassapput

23. Guutip naalagaaf­fiata qanoq ilil­luni naal­liun­nar­tut misigisimasavut tamaasa qangan­ngor­tis­savai?

²³ Ukiuni 6000-ini qaangiut­tuni inuian­nut ajoqusiisimanerit tamarmik Guutip naalagaaf­fiata naalak­kersuineratigut iluarsineqas­sap­put. Taamanik­kus­saq nuan­naar­nerup naal­liun­nar­tut inuit misigisimasaat tamaasa taarserluin­nas­savai. Naal­liun­nar­tut pereersut inuunermi nuan­niil­liuutaajun­naas­sap­put. Eq­qarsaatit sulial­lu ineriar­tor­nar­tut ul­luin­nar­ni atuut­tus­sat eq­qaamasanik ar­tor­nar­tunik nungutitsiar­tuaas­sap­put.

24, 25. (a) Guutip qanoq ilior­nis­saa Esajasip siulit­tuutigisimavaa? (b) Sooq qularis­san­ngilar­put naal­liun­nar­tut eq­qaamaneerutis­sasut?

²⁴ Guuti isumas­suiumatooq ima nalunaar­poq: „Nutaan­ngor­tis­savak­ka qilak [inuian­nut naalagaaf­fik nutaaq qilam­miit­toq] nunalu [inuiaqatigiit nutaat naaper­tuil­luar­tut], pereersut eqqaamaneerutissapput eqqaaqqinneqarnatillu. Kisian­ni pin­ngor­titak­ka soraajuitsumik tipaatsuutigineqarlutil­lu qiim­mat­taatigineqas­sap­put.“ „Maan­na nunamiut tamarmik eq­qis­sip­put uneril­lutil­lu, tipaatsun­nermil­lu nipitik anip­paat.“ — Jesaja 14:7; 65:17, 18.

²⁵ Naalagaaf­fini aq­qutigalugu Guutip pis­sutsit ajor­tut man­na tikil­lugu atuus­simasut  al­lan­ngor­til­luin­nas­savai. Soraajuitsumik isumas­sus­savaatigut pil­luaq­qus­sutis­sanik, naal­liuutigisimasatsin­nik taarsiil­luin­narsin­naasunik, kuueraaf­figis­sal­luta. Ajor­nar­torsiutigisimasatsin­nik eq­qaamasavut peeruk­kiar­tus­sap­put, im­maqalu puiorluin­nas­savavut.

26. Sooq Guutip naal­lius­simanivut tamaasa taarsis­savai?

²⁶ Taamaalil­luni Guutip silarsuarmi matumani naal­lius­simanitsin­nit aniguisis­savaatigut. Nalun­ngilaa nam­mineq pisuunata naam­mal­luin­nan­ngitsutut inun­ngorsimasugut, naam­mal­luin­nan­ngis­suseq siuaasatsin­nit siul­ler­nit kingor­nus­simagip­put. Silarsuarmi Satanimit siulersor­neqar­tumi inun­ngorsimaner­put nam­mineq pisuus­sutigin­ngilar­put, Adamik­kum­mi aalajaat­tuarsimagaluar­pata paratiisimi inun­ngorsimas­sagaluar­pugut. Taamaat­tumik misigin­neqataaqaluni Guutip ajor­tut nam­mineq pisuus­sutigin­ngisatsin­nik ator­tariaqarsimasavut taarserluin­nas­savai.

27. Siulit­tuutit suut silarsuas­sami nutaami tupin­nar­tumik eq­quutin­neqarumaar­pat?

²⁷ Silarsuas­sami nutaami inuiaat kif­faan­ngis­suseq Rûmamiunut agdlagkat 8:21, 22-mi siulit­tuutigineqar­toq misigis­savaat: ‘Pin­ngor­titat­taaq aserujasumut kif­faasut kif­faajun­naarsin­neqarumaar­put Guutip qitor­naasa kif­faan­ngis­susiata naalan­naataat pigilerlugu. Ilisimavugum­mi pin­ngor­titat tamarmik suli tamas­sa anersaameqatigiil­lutik erloqeqatigiis­sut.’ Taamanik­kus­saq inuit qin­nutip matuma eq­quun­nis­saa misigiumaar­paat: ‘Naalagaaf­fiit tikiul­li; peq­qusat qilam­misut nunamis­saaq pili.’ (Matîuse 6:10) Nunarsuarmi paratiisiusumi pis­sutsit nuan­ningaar­tut qilam­mi pis­sutsinut as­singus­sap­put.

[Atuaqqissaarnermi apeqqutit]

[Qupp. 23-mi assiliartat]

Silarsuas­sami nutaami utoq­qaat inuusut­tun­ngoq­qis­sap­put

[Qupp. 24-mi assiliartaq]

Silarsuas­sami nutaami nap­paatit iloqiaas­sutsil­lu tamarmik nungutitaas­sap­put

[Qupp. 25-mi assiliartaq]

Silarsuas­sami nutaami al­laat toqusimasut inuunermut makititaas­sap­put

[Qupp. 26-mi assiliartaq]

‘Sak­kunik atuinis­samut sungiusarun­naas­sap­put’

[Qupp. 27-mi assiliartat]

Inuit uumasul­lu paratiisis­sami eq­qis­seqatigiis­sap­put

[Qupp. 27-mi assiliartaq]

‘Guutip as­sani am­mar­tas­savai pin­ngor­tital­lu tamaasa ajun­ngitsuutiminik qaarsil­lar­tit­tarlugit’

[Qupp. 28-mi assiliartaq]

Guutip naalagaaf­fiata naal­liun­nar­tut misigisimasavut taarsiin­nar­nagit amerlanerusunik tunis­savaatigut