Immikkoortoq 11

Silarsuassaq nutaaq maanna tunngaviliorneqarpoq

1, 2. Isigitil­luta Bibelimi siulit­tuut suna eq­quup­pa?

MAAN­NA Satanip silarsuatoqaa ajorsiar­tuin­nar­til­lugu Guutip silarsuas­saa nutaaq tun­ngavilior­neqar­poq. Isigitil­luta Guutip inuiaqatigiin­nit tamanit inuit katersor­pai, taak­kulu atorlugit silarsuup avis­saarsimasup maan­na atuut­tup qanit­tuk­kut taar­tis­sai inuiaqatigiit nunamiusut nutaat tun­ngaviliorlugit. Bibelimi, Pîtrusip agdlagaisa áipait 3:13-imi, inuiaqatigiit nutaat taak­ku ‘nunas­samik nutaamik’ taaneqar­put.

² Bibelimi ima siulit­tuuteqar­poq: „Ul­lus­sani kingul­ler­ni [inuuf­figisatsin­ni] . . . inuiaqatigiip­pas­suit tas­sunga ingerlaar­tut oqas­sap­put: ‘Qaa, majuar­ta [Jehovap] qaq­qaanut [taas­sumin­nga pal­lorfigin­nin­neq ilumoor­toq], . . . aq­qutigeq­qusaminik ajoqersus­savaatigut ingerlavigeq­qusamigut ingerlasin­naaleq­qul­luta.’“ — Jesaja 2:2, 3.

3. (a) Kik­kut akor­nan­ni Esajasip siulit­tuutaa eq­quup­pa? (b) Bibelip atuagar­taani kingul­lermi taman­na qanoq al­laatigineqar­pa?

³ Inuit ‘Guutip aq­qutigeq­qusaanik ajoqersor­neqarlutik ingerlavigeq­qusaani ingerlasut’ akor­nan­ni siulit­tuut taman­na maan­nak­kut eq­quup­poq. Inuit eq­qis­sinermik nuan­narisaqar­tut inuian­nit tamalaaneersut taak­ku Bibelip atuagar­taani kingul­lermi ima eq­qar­tor­neqar­put: ‘Amerlangaar­tut . . . inuiaqatigiit im­mik­kul­lu naggueqatigiis­sut im­mik­kul­lu inuiaasut im­mik­kul­lu oqaasil­lit’. Bibeli naaper­torlugu ‘tas­saap­put an­nikil­lior­nar­tumit angisuumit pisut’. Tas­sa pis­sutsit aaq­qis­suus­saanerata matuma ajor­tup naggatis­saanit aniguiumaar­put. — sarĸúmersitat 7:9, 14; Matîuse 24:3.

 Qatanngutigiissuit inuiannit tamalaaneersut ilumoortut

4, 5. Jehovap nalunaajaasuisa silarsuaq tamak­kerlugu qatan­ngutigiin­nerat qanoq ilil­luni ajor­nan­ngila?

⁴ Jehovap nalunaajaasui arlalin­nik mil­lionil­lit ilumoorlutik Guutip ingerlavigeq­qusai malil­lugit inuuniarsarip­put. Guutip silarsuas­saani nutaami naas­saan­ngitsumik inuunis­sar­tik neriuutigaat. Ul­luin­nar­ni Guutip inatsisaanik maleruaanermik­kut takutip­paat taas­suman­nga oqar­tus­saaf­figineqarusul­lutik, maan­nak­kut silarsuas­samilu nutaami. Sumiik­kaluarunik qanorluun­niil­lu naggueqaraluarunik tamarmik Guutip oqaatsimini najoq­qutas­siai maleruar­paat. Taamaat­tumik qatan­ngutigiis­suup­put inuian­nit tamalaaneersut ilumoor­tut, tas­sa silarsuaq tamak­kerlugu inuiaqatigiit nutaat Guutip pilersis­simasai. — Jesaja 54:13; Matîuse 22:37, 38; Juánase 15:9, 14.

⁵ Nunarsuaq tamak­kerlugu nalis­saqan­ngitsumik qatan­ngutigiis­suuner­tik taman­na im­min­nut ataq­qinaataatin­ngilaat. Nalun­ngilaat Guutip anersaavata pis­saaneqangaar­tup inuit taas­suman­nga oqar­tus­saaf­figineqarusut­tut sun­ner­tarai taama kingunilim­mik. (apustilit suliait 5:29, 32; Galâsiamiut 5:22, 23) Tas­sa Guutip taman­na naam­mas­sisaraa. Soorlu Jesus oqarsimasoq ‘inun­nut ajor­nar­tut Guutimut ajor­nan­ngil­lat’. (Lúkarse 18:27) Guutip silarsuarmik avataaniit­tunil­lu naas­saan­ngitsunik pin­ngor­titsisimasup aam­ma silarsuas­sami nutaami inuiaqatigiis­sat aaq­qis­sor­pai.

6. Sooq oqarsin­naavugut Jehovap nalunaajaasuisa qatan­ngutigiin­nerat tas­saasoq ul­lumik­kut tupin­nar­tuliaq?

⁶ Jehovap silarsuas­sami nutaami naalak­kersueriaasis­saa silarsuas­samut nutaamut ul­lumik­kut tun­ngaviliaani takusin­naalereer­par­put. Nalunaajaasumigut iliuusii ul­lumik­kut tupin­nar­tuliatut ip­put. Sooq? Jehovap Nalunaajaasui silarsuaq tamak­kerlugu qatan­ngutigiis­suar­tut aaq­qis­sorsimam­magit, tas­sa inuiaqatigiit qatan­ngutigiiusut, naggueqatigiis­sutsik­kut am­mip qalipaataatigut up­perisarsior­nik­kul­luun­niit soqutigisat pis­sutigalugit avis­saar­tuun­nermit aseror­neqan­ngisaan­nar­tus­sat. Nalunaajaasut taak­ku arlalin­nik mil­lioniliugaluarlutik nunanilu 200-ni inuugaluarlutik ataasius­suseqar­put aseror­neqarsin­naan­ngitsumik. Silarsuaq tamak­kerlugu qatan­ngutigiis­suit taak­ku, oqalut­tuarisaanermi as­seqan­ngivis­sut, ataatsimut tas­saap­put ul­lumik­kut tupin­nar­tuliaq — Guutip tupin­nar­tuliaa. — Jesaja 43:10, 11, 21; apustilit suliáinik agdlagkat 10:34, 35; Galâsiamiut 3:28.

Guutip innuttaasa ilisarnaataat

7. Jesusip oqar­neratut taas­suma malit­tai ilumoor­tut qanoq ilil­lutik ilisarineqarsin­naap­pat?

⁷ Qanoq ilil­luta paasisin­naavar­put Guutip silarsuas­samut nutaamut kik­kut tun­ngaviliarigai? Aap, kik­kut Jesusip Juánase 13:34, 35-mi oqaasiinik eq­quutitsip­pat? Tas­sani ima nalunaar­poq: ‘Inas­sum­mik nutaamik tunivas­si, asaqatigeeq­qul­lusi; soorlu uanga asagis­si, taamat­taaq ilis­si asaqatigiis­saasi. Matuman­nga tamarmik ilisaris­savaasi ajoqersugarigis­si: asaqatigiik­kus­si.’ Jehovap Nalunaajaasuisa Jesusip oqaasii up­peraat maleruarlugil­lu. Guutip oqaasiani peq­qus­sutigineqar­tutut ‘tamanik an­nerusumik ilungersorlutik asaqatigiip­put’. (1 Pîtruse 4:8) Aam­ma ‘asan­nin­neq atiniar­paat, taman­na iluarluin­nas­sutsip nimerim­magu’. (Kulorsamiut 3:14) Qatan­ngutigiit­tut asan­nin­neq taak­kua silarsuaq tamak­kerlugu nimeraat ataqatigiis­sitsisoq.

8. Juánasip agdlagai sujugdlît 3:10-12 naaper­torlugu Guutip in­nut­tai suk­kut ilisarineqarsin­naap­pat?

⁸ Juánasip agdlagai sujugdlît 3:10-12-imi ima al­las­simavoq: ‘Tas­san­nga nalunarun­naararaat Guutip qitor­nai Diaavulul­lu qitor­nai. Kinaluun­niit iluar­nermik ileq­quliun­ngitsoq Guutimit pin­ngilaq, aam­mat­taaq qatan­ngum­minik asan­nin­ngitsoq. Tas­saavormi oqaas­sut pileq­qaar­neranit tusagarsi: asaqatigiis­sasugut, ima pin­nata soorlu Kain ajor­tumit pisoq nuk­kilu toquk­kaa.’ Tas­sa Guutip in­nut­tai tas­saap­put nunarsuarmi tamarmi qatan­ngutigiis­suit nakuuser­nian­ngitsut.

Ilisarnaat alla

9, 10. (a) Ul­luni kingul­ler­ni Guutip kif­fai suliamik sumik ilisar­naateqar­pat? (b) Jehovap nalunaajaasuisa qanoq ilil­lutik Matîuse 24:14 eq­quutip­paat?

⁹ Guutip kif­fai al­latigut­taaq ilisarineqarsin­naap­put. Silarsuup naggatis­saa siulit­tuutigigamiuk Jesusip pif­fis­sap tamatuma ilisar­naatis­sai  arlal­lit eq­qar­tor­pai. (Takuuk im­mik­koor­toq 9.) Siulit­tuutip tamatuma ilaa pingaar­toq Matîuse 24:14-imi al­laatigineqar­poq: ‘Naalagaaf­fim­mil­lu iivangkiiliu taman­na oqaluus­sis­sutigineqas­saaq inuit najugaan­ni tamarsuarmi inuiaqatigiit tamarmik nalujun­naarutis­saan­nik; taavalu naggatis­saq nal­lius­saaq.’

¹⁰ Siulit­tuutip tamatuma eq­quun­nera takusimavar­put? Aap. 1914-imiil­li, ul­lut kingul­liit aal­lar­tin­neran­nit, Jehovap nalunaajaasuisa Guutip naalagaaf­fianik tusarlius­saq nuan­nersoq silarsuaq tamak­kerlugu oqaluus­sis­sutigisalersimavaat Jesusip peq­qusineratut, tas­sa inuit angerlarsimaf­fiini. (Matîuse 10:7, 12; apustilit suliait 20:20) Nunani tamani nalunaajaasut mil­lionilik­kuutaat inun­nut pulaar­tar­put silarsuas­saq nutaaq pil­lugu oqalut­tuun­niarlugit. Tamatuma kingunerisaanik il­lit atuagas­siaaraq man­na pisimavat, Jehovam­mi nalunaajaasuisa sulinerata ilaagaa Guutip naalagaaf­fianut tun­ngasumik mil­liardilik­kuutaanik atuagas­sior­neq tamak­kunin­ngalu agguaas­sineq. Jehovap nalunaajaasuun­ngitsunik al­lanik silarsuarmi tamarmi Guutip naalagaaf­fia pil­lugu il­lumiit il­lumut oqaluus­sisar­tunik ilisimasaqar­pit? Mákorse 13:10 naaper­torlugu oqaluus­sineq ajoqersuinerlu taman­na naggatis­saq nal­liutsin­nagu naam­mas­sineqaq­qaar­tus­saavoq.

Akerleriissutit aappaat akivaat

11. Guuti naalal­lugu suna al­la Jehovap nalunaajaasuisa naam­mas­sivaat?

¹¹ Guutip inatsisai najoq­qutas­siaalu naalal­lugit Jehovap nalunaajaasuisa aam­ma al­la naam­mas­sivaat. Inuit misilin­neqarunik Guutimut aalajaat­tuaan­nar­navian­ngin­nerarlugit Satanip oqarsimanera ilumuun­ngitsoq takutit­tar­paat taamaalil­lutil­lu akerleriis­sutit aap­paat, inuiaat as­suar­naas­susian­nut tun­ngasoq, akil­lugu. (Job 2:1-5) Nalunaajaasut inuiaqatigiin­nit tamaneersuugaluarlutik ataasius­suseqarlutik Guutip naalak­kersuinera ilumoorfigaat. Inut­tut naam­mal­luin­nan­ngik­kaluarlutik naal­lu Satanimit tatineqaraluarlutik qilam­mi nunamilu oqar­tus­saas­suseq pil­lugu apeq­qum­mi akerleriis­sutaasumi Guuti tapersersor­paat.

12. Up­persutsimik­kut Jehovap nalunaajaasuisa kik­kut malip­paat?

¹² Ul­lumik­kut Jehovap nalunaajaasuisa mil­lionilik­kuutaat taak­kua nalunaajaasor­pas­suit Guutimut ilumoor­tuarsimasut siunermik­kut nalunaajaatigisaat nangip­paat. Taak­kua ilagaat Abel, Noa, Job, Abraham, Sara, Isak, Jakob, Debora, Rut, David Danielilu, ilaan­naat taas­sagaan­ni. (Takuuk Eprîarit kapitali 11.) Taak­ku Bibelimi taaneqar­put ‘nalunaajaasut eqimasut’ ilumoor­tut. (Eprîarit 12:1) Taak­kua al­lal­lu Guutimut as­suar­naat­tuarsimap­put, soorlut­taaq Jesusip ajoqersugai taamaas­simasut. Jesusilu as­suar­naas­sutsimigut an­ner­paamik maligas­siuisimavoq.

13. Satan pil­lugu ilumoor­toq suna Jesusip up­perisarsior­nik­kut pisor­taasunut oqalut­tuaraa?

¹³ Tamatuma takutip­paa Jesusip Satan eq­qor­tumik oqaatigigaa up­perisarsior­nik­kut pisor­taasut ima oqarfigigamigit: ‘Maan­nali toqun­niar­pas­singa, uanga sal­lusuis­sum­mik Guutimit tusak­kan­nik ilis­sin­nut oqalut­tunga; . . . Ataataq nagguigisarsi tas­sa Diaavulu, ataatas­silu pilerigisai suliariniar­pasi. Taan­na pileq­qaar­nerminit inun­nik toqutsisuuvoq, sal­lusuis­sul­lu aalajangiutin­ngilaa ilumigut sal­lusuis­suteqan­ngin­nami. Sal­lul­luni oqaluk­kaangami nam­minerminit oqalut­tar­poq, sal­lutuugami sal­luneril­lu ataatagim­man­ni.’ — Juánase 8:40, 44.

Suna qinissaviuk?

14. Silarsuas­sap nutaap tun­ngavianut atatil­lugu ul­lumik­kut susoqar­pa?

¹⁴ Jehovap nalunaajaasui silarsuaq tamak­kerlugu inuiaqatigiiusut atorlugit silarsuas­samut nutaamut Guutip tun­ngaviliaa nukit­toralut­tuin­nar­poq. Ukiut tamaasa inuit 100.000-lik­kuutaat piumasamik iliorsin­naas­suser­tik atorlugu, eq­qor­tumik paasisaqalerlutik, Guutip naalak­kersuineranik tapersersuiler­tar­put. Taak­ku silarsuas­sap nutaap inuiaqatigiis­saanut ilan­ngup­put, qilam­milu nunamilu oqar­tus­saanermik apeq­qum­mi akerleriis­sutaasumi Guuti tapersersorlugu Satanil­lu sal­lunera up­per­narsarlugu.

15. Im­mik­koor­titerinermik sulias­saq suna Jesusip nalitsin­ni suliaraa?

¹⁵ Guutip naalak­kersuinera qineramik­ku Kristusip ‘savanik’ ‘savaasanil­lu’ im­mik­koor­titerinerani  ‘taler­piata tungaanut’ katersor­neqar­put. Ul­lut kingul­liit siulit­tuutigalugit Jesus ima oqarsimavoq: ‘Inuiaqatigiit tamarsuarmik saanut katersus­sap­put, avis­saar­tis­savaalu soorlu savanik paarsisup savat savaasanit avis­saar­tit­tarai. Saval­lu taler­pim­mi tungaanut pisis­savai savaasal­lu saamim­mi tungaanut.’ Savat tas­saap­put inuit maniguut­tut Kristusip qatan­ngutaanik tapersersuisut, Guutip naalak­kersuineranut naalaatigalutik. Savaasat tas­saap­put inuit uteriitsut Kristusip qatan­ngutaanik ajat­tuisut Guutil­lu naalak­kersuineranik tapersersuiuman­ngitsut. Suna kinguneralugu? Jesus ima oqar­poq: ‘Aal­larumaar­pul­lu taak­ku [savaasat] naas­saan­ngitsumik uter­naveersitaas­sal­lutik, iluar­tul­li [savat] naas­saan­ngitsumik inuus­sal­lutik.’ — Matîuse 25:31-46, NV.

16. Paratiisis­sami inoorusuk­kuit qanoq ilior­tariaqar­pit?

¹⁶ Ilumut, Guutip soqutigaatigut! Er­niin­naq nunarsuarmi paratiisi nuan­nersoq pilersis­savaa. Paratiisis­sami tamatumani inoorusup­pit? Taamaap­pat, Jehovap iliuusiinik pingaar­titsinerit takutiguk taan­na pil­lugu ilin­niarlutit ilin­niarsimasatil­lu naaper­torlugit iliuuseqarlutit. „[Jehova] ujarsiuk nanisas­saatil­lugu, torlorfigisiuk qanitsil­lugu! Guutiitsup qimal­liuk aq­qutigisani, iluaatsulior­tul­lu soraarul­ligit pilersaarutini saal­lunilu [Jehovamut], nal­lit­toq­qul­luni Guutitsin­nut, taan­na isumak­keerfigin­nit­tuar­tarmat.“ — Jesaja 55:6, 7.

17. Kina kif­far­tuutis­sal­lugu qinersinis­saq sooq massakkut pisariaqar­pa?

¹⁷ Pif­fis­saarutiler­poq. Pis­sutsit aaq­qis­suus­saanerata matuma pisoq­qap naggatis­saa qanit­tuararsuuvoq. Guutip oqaasiani ima siun­nersor­neqar­pugut: ‘Silarsuarluun­niit silarsuul­luun­niit pii asaqinasigik. Silarsuarmik asan­nit­toq Ataatap asan­nin­neranik ilumiugisaqan­ngilaq. . . . Silarsuarlu pilerinar­tuilu nungujar­tor­put; Guutil­li peq­qusaanik naam­mas­sin­nit­toq naas­saan­ngitsumik atas­saaq.’ — 1 Juánase 2:15-17.

18. Qanoq ilil­lutit isumal­luarlutit Guutip silarsuas­saani nutaami nuan­nersumi naas­saan­ngitsumik inuusin­naanis­sat qilanaarilersin­naaviuk?

¹⁸ Guutip in­nut­tai maan­nak­kut silarsuas­sami nutaami naas­saan­ngitsumik inuunis­samut ilin­niar­tin­neqar­put. Pigin­naas­sutsinik anersaak­kut it­tunik al­lanil­lu paratiisip pilersin­neqar­nis­saanut pisariaqar­tunik ilin­niar­tin­neqar­put. Kajumis­saar­patsigit Guuti naalak­kat­tut qineq­qul­lugu an­naas­siniar­nermil­lu sulineq taas­suma ul­lumik­kut nunarsuaq tamak­kerlugu siulersugaa peqataaf­figeq­qul­lugu. Jehovap nalunaajaasui ilagalugit Bibeli atuaq­qis­saar­niaruk, Guutilu ilin­nik ilumut soqutigin­nit­toq naal­liun­nar­tunil­lu peersitsisus­saq ilik­karlugu. Taamaalil­lutit il­lit­taaq silarsuas­sap nutaap tun­ngavianut ilaasin­naavutit. Taava isumal­luarlutit Guutimit iluarisaanis­sat silarsuas­samilu nutaami nuan­nersumi naas­saan­ngitsumik inuunis­sat qilanaarisin­naalis­savatit.

[Atuaqqissaarnermi apeqqutit]

[Qupp. 31-mi assiliartaq]

Jehovap nalunaajaasui silarsuaq tamak­kerlugu qatan­ngutigiis­suup­put

 [Qupp. 32-mi assiliartaq]

Guutip silarsuas­saa nutaaq maan­nak­kut tun­ngavilior­neqar­poq