Immikkoortoq 6

Sooq Guutip naalliunnartut akuerisimagai

1, 2. Siuaasat­ta siul­liit qanoq ilil­lutik Guutip im­min­nik pitsaasumik aal­lar­titsinera aserorsimavaat?

SOOQ ajor­tumik ingerlasoqalersimava? Sooq Guutip siuaasatsin­nut siul­ler­nut Edenip naatsiiviani pitsaasumik aal­lar­titsinera ajor­tumeer­neqarsimava? Sooq paratiisimi eq­qis­sineq ingerlal­luar­nerlu taarserlugit ajus­suseq naal­liun­nerlu atuutilersimap­pat, ukiunilu tuusintilik­kuutaani an­ner­tusigalut­tuin­narsimal­lutik?

 ² Adamip Eval­lu piumasamik iliorsin­naanermin­nik ator­nerluisimanerat pis­sutaavoq. Taak­kua Guutimut inatsisaanul­lu atasus­satut pin­ngor­titaaner­tik akueriumasiman­ngilaat. Guutimit siulersor­neqarusuk­kun­naarsimap­put, isumaqarlutik taamaalil­lutik inuuner­tik pitsaanerulis­sasoq. Taamaat­tumik piumasamik iliorsin­naanerup kil­lis­sai Guutimeersut unioq­qutis­simavaat. — 1 Moses kapitali 3.

Guutip kisimi oqartussaaneranik akerleriissut

3-5. Sooq Guuti Adamik­kut suujun­naarsiin­nariarlugit aap­pariin­nik al­lanik pin­ngor­titsin­ngila?

³ Sooq Guutip Adamik­kut suujun­naarsiin­nariarlugit aap­pariin­nik al­lanik pin­ngor­titsisiman­ngila? Tas­sa qilam­mi nunamilu kisimi oqar­tus­saanini, naalagaanini arsaarin­nis­sutigineqarsin­naan­ngitsoq, apeq­quser­neqarmat.

⁴ Man­na apeq­qutaalersin­neqar­poq: Kina naalagaasus­saava, kialu naalagaas­susia eq­qor­tuua? Guuti ajugaqan­ngitsuugami tamanil­lu Pin­ngor­titsisuugami pin­ngor­titaminut naalagaasus­saavoq. Suut tamaasa nalun­ngim­magit naalak­kersuinera pin­ngor­titaanut tamanut iluaqutaas­saaq. Guutil­li aqutsinera unam­mil­ler­neqaler­poq. Aam­malu, pin­ngor­titaa — inuk — ajoquteqarami? Inuup as­suar­naas­susia qanoq ilil­luni at­tor­neqarsimasoq kingor­na misis­sus­savar­put.

⁵ Inuit Guutimut atajun­naarmata al­la apeq­qutaaler­poq: Guutimit naalagaaf­figineqan­ngik­kunik inuit ingerlal­luar­nerusin­naas­sap­pat? Akis­sut Pin­ngor­titsisup soorunami nalun­ngilaa, inuil­lu akis­sut taman­na paasil­luar­nerunias­sam­mas­suk kil­leqan­ngitsumik kif­faan­ngis­suseqalerumanerat akueraa. Nam­min­neq taman­na qiner­paat, taamaat­tumil­lu Guutip akueraa.

6, 7. Sooq Guutip inuit kif­faan­ngis­susiat kil­leqan­ngitsoq taama sivisutigisumik akuerisimavaa?

⁶ Inuit kif­faan­ngis­sutsimik kil­leqan­ngitsumik misileraanis­saan­nut naam­mat­tumik pif­fis­saler­nerisigut Guutip inaarutaasumik tamanut nalunarun­naarsis­sin­naas­savaa inuit Guutip naalak­kersuineranut malin­nik­kunik imaluun­niit nam­mineerunik ingerlal­luar­ner­paas­sanersut. Inuil­lu naam­mangaar­tumik pif­fis­saqar­tin­neqas­sagamik naalak­kersuinik­kut, nioq­qutis­sior­nik­kut, ilisimatuus­sutsik­kut nakorsaatitigul­lu siuarsimaner­paatut isigisatik tikivil­lugit misileraasin­naas­sap­put.

⁷ Taamaat­tumik Guutip ul­loq man­na tikil­lugu inuit piumasamin­nik ilior­nerat akuerisimavaa qularisariaarutsin­niarlugu ilumut inuit im­minut atanatik iluatsit­tumik naalak­kersuisin­naanersut. Taamaalil­lutik inuit inus­siar­nis­suseq naak­kit­taas­suserluun­niit, asan­nin­neq uumis­suinerluun­niit, naaper­tuil­luas­suseq naaper­tuil­luan­ngis­suserluun­niit qinersin­naasimavaat. Qinik­kamil­li kinguneri aam­ma ator­tariaqar­paat: ajun­ngis­suseq eq­qis­sinerlu imaluun­niit ajus­suseq naal­liuutil­lu.

Pinngortitat anersaajusut pikitsitsinerat

8, 9. (a) Anersaat akor­nan­ni qanoq pikitsitsisoqaler­pa? (b) Adamip Eval­lu saniatigut aam­ma kik­kut Satanip pikitsitsisip­pai?

⁸ Aam­ma al­la eq­qarsaatigineqar­tariaqar­poq. Siuaasavut siul­liit kisimiun­ngitsoq Guutip naalak­kersuineranut pikitsitsisimap­put. Kik­kut al­lat aam­ma taamanik­kut piup­pat? Pin­ngor­titat anersaajusut. Guutip inuit pin­ngor­tin­ngik­kal­laramigit uumas­susil­lit qutsin­nerusut pin­ngor­tis­simavai, in­ngiler­pas­suit qilam­miusut. Taak­kut­taaq  piumasamik iliorsin­naas­susilit­tut Guutil­lu naalak­kersuineranut naalan­nis­samik pisariaqar­titsisus­satut pin­ngor­titaap­put. — Job 38:7; Tus­siaat 104:4; sarĸúmersitat 5:11.

⁹ Bibelimi takutin­neqar­poq anersaat akor­nan­ni pikitsitsisoqaq­qaarsimasoq. Anersaat ilaat kil­leqan­ngitsumik kif­faan­ngis­suseqarusulersimavoq. Al­laat inun­nit pal­lorfigineqarusulersimavoq. (Matîuse 4:8, 9) Pikitsitsisup anersaajusup taas­suma Adam Evalu sun­ner­pai pikitsitsisil­lugit, sal­lul­luni oqarfigigamigit Guutip ajun­ngitsunik erliguuk­kai. (1 Moses 3:1-5) Taamaat­tumik Diaavulumik (Mamarliisumik) aam­ma Satanimik (As­sor­tuisumik) taaneqar­poq. Kingor­nalu anersaat aam­ma al­lat pikitsitsisip­pai. Tamak­ku anersaapilun­nik taaneqar­tar­put. — 5 Moses 32:17; sarĸúmersitat 12:9; 16:14.

10. Inuit anersaal­lu pikitsitsinerat qanoq kinguneqar­pa?

¹⁰ Guutimut pikitsitsinermik­kut inuit Satanimit anersaapiluinil­lu sun­ner­tip­put. Taamaat­tumik Bibelimi Satan taaneqar­poq ‘silap matuma guutia’, ‘up­pin­ngitsut isumaan­nik tap­piil­lisitsisoq’. Guutip oqaasiani al­las­simavoq ‘silarsuaq iluun­ngarmi ajor­tormiusoq’, Jesusil­lu nam­mineq Satan ‘silarsuup matuma naalagaa’-nik taasimavaa. — 2 Korintumiut 4:4; 1 Juánase 5:19; Juánase 12:31.

Akerleriissutit marluk

11. Satanip al­lamik sumik akerleriis­susiorluni Guuti unam­mil­ler­paa?

¹¹ Satanip aam­ma al­lamik akerleriis­susiorluni Guuti unam­mil­ler­paa. Oqar­poq Guutip inuit kuk­kusumik pin­ngor­tis­simagai tamarmil­lu tatineqarunik eq­qor­tuliorumajun­naarumaar­tut. Oqar­poq misilin­neqarunik Guuti al­laat perloq­qujumaaraat. (Job 2:1-5) Taamaalil­luni Satanip inuit as­suar­naas­susiat apeq­quser­paa.

12-14. Akerleriis­sutit taak­ku marluk eq­qarsaatigalugit pif­fis­sap ingerlanerani suna paasinarsis­sava?

¹² Taamaat­tumik Guuti naam­mat­tumik pif­fis­saliisimavoq pin­ngor­titat sianis­susil­lit tamarmik takusin­naanias­sam­mas­suk apeq­qut taman­na Guutil­lu kisimi oqar­tus­saaneranik akerleriis­sut qanoq ilil­luni iner­neqarumaar­tut. (Naleq­qiuguk 2 Moses 9:16.) Inuiaat oqalut­tuarisaanerata ingerlanerani apeq­qutit taak­ku marluk akineqas­sap­put.

¹³ Siul­lermik, Guutip kisimi oqar­tus­saaneranik, tas­sa aqutsinerata eq­qor­tuus­susianik, akerleriis­sut eq­qarsaatigalugu pif­fis­sap ingerlanerani suna paasinarsis­sava? Inuit Guutimut atanatik nam­min­neerlutik naalak­kersuil­luar­nerusin­naas­sap­pat? Inuit Guutimit siulersor­neqaratik naalak­kersueriaasiisa ilaat silarsuarmik pil­luarfiusumik, sorsuf­fiun­ngitsumik, pinerlut­tuliorfiun­ngitsumik naaper­tuil­luan­ngis­suseqarfiun­ngitsumil­lu pilersitsisin­naas­sava? Inuit piitsuus­sutsimik atuutititsiun­naarsin­naas­sap­pat tamanul­lu atugaris­saar­nermik pilersitsisin­naas­sal­lutik? Nap­paatit, utoq­qalineq toqulu ajugaaf­figisin­naas­savaat? Tamak­kor­piaat Guutip naalak­kersuinerani anguneqarsin­naas­sap­put. — 1 Moses 1:26-31.

¹⁴ Akerleriis­sutit aap­paat eq­qarsaatigalugu, pif­fis­sap ingerlanerani inuit naleqas­susiat pil­lugu suna paasinarsis­sava? Guutip inuit kuk­kusumik pin­ngor­tis­simavai? Misilin­neqarunik ilaat eq­qor­tuliorumas­sap­pat? Inuit ilaasa ersersis­saner­paat Guutip naalak­kersuinera inuit Guutimut atajuman­ngitsut naalak­kersuineran­nit piumanerul­lugu?

[Atuaqqissaarnermi apeqqutit]

[Qupp. 13-mi assiliartaq]

Guutip inuit sapin­ngisamik pitsaaner­paamik angusaqar­niar­nis­saan­nut naam­mat­tumik pif­fis­salersimavai

[Suminngaanneernera]

Avataarsualiar­taat: NASA-mit as­siliaq tun­ngavigalugu