APEQQUT 7
Nalerput pillugu Biibilimi qanoq siulittuuteqarpa?
“[Inuiaat] pikitsitsiumaarput inuiannut, naalagaaffillu naalagaaffimmut, ... Tamakku tamarmik nallisitsinernut aallaqqaataapput.”
“Pruffiitioqqusersut amerlasuut saqqummerumaarput amerlasuullu tammartikkumaarlugit. Inatsisaatsuliornerlu ingasatsikkiartussammat asanninneq amerlanerni nillertunngorumaarpoq.”
“Sorsuuppalunneq tusaalerussiuk tusaamalerlugulu sorsuttoqartoq taava annilaarniaqinasi. Taama pisoqartussaavoq, naggatissarli suli nalliutinngilaq.”
“Nunami sajunnersuaqartarumaarpoq sumilu tamani kaannersuaqartarumaarluni nappaassuaqarlunilu toqoraataasunik; amiilaarnartorsuarnik pisoqarumaarpoq nalunaaqutillu angisuut qilammit saqqummerumaarlutik.”
“Ullussani kingullerni [nalliukkumaarput] ullut atugarliungaarfissat. Taamanikkussamimi inuit tassaalerumaarput namminissarsiortut, aningaaserituut, usorsitsaartut, anneruniartut, asissuingaartut, angajoqqaaminnut naalanngitsut, qujasuitsut, mitalliisut, asanniuitsut, saammartitassaanngitsut, mamarliisut, naammatsiuitsut, qiningasut, ajunngitsunut akeraasut, killuussisut, puffajasut, makitaniartut, inuulluarniutit Guutimit pingaarnerutillugit. Taakkua Guutimik mianerinninneq ileqqorisuusaaginnarpaat pissaanerali asiginnarlugu.”
