Biibili tassaavoq Guutip uagutsinnut oqariartuutaa. Qanoq pilluarluta inuusinnaasugut qanorlu Guutimit iluarisaalersinnaasugut Biibilimi paasitinneqarpugut. Aamma apeqqutit uku akineqarput:

Biibili atuagaaqqanik 66-inik katitigaavoq. Marlunnut immikkoortitigaavoq: Allakkat Hebræerisuut Aramæerisuullu (“Testamentitoqaq”) aamma Allakkat Grækerisuut (“Testamentitaaq”). Biibilip atuagartai tamarmik kapitalinut versinullu immikkoortiterneqarsimapput. Allassimaffiit innersuussutigineqartut ima tulleriiaarneqartarput: Siullermik atuakkap taaguutaa, taava kisitsit, kapitali, kingulliullugulu versi imaluunniit versit. Assersuutigalugu 1 Mosesi 1:1 isumaqarpoq Mosesimik allakkat siulliit kapitali 1, versi 1.