Ilinniagassaq 15

Allat Guutip piumasaatut iliornissaannik ikiukkit

Sooq ilik­kak­kan­nik al­lat oqalut­tuut­tariaqar­pigit? (1)

Kik­kut nutaarsias­samik nuan­nersumik oqalut­tuus­sin­naavigit? (2)

Il­lit pis­susilersoriaatsit qanoq al­lanut sun­niuteqarsin­naava? (2)

Qaqugu ilagiit peqatigalugit oqaluus­sisin­naalis­savit? (3)

1. Maan­na nuan­nersor­pas­suar­nik Biibilimeersunik ilik­kagaqareersimaler­putit. Ilik­kak­katit tamak­ku kristumiutut pis­suseqalis­sutiginiar­tus­saavatit. (Evfisumiut 4:22-24) Inuuneq naas­saan­ngitsoq angusin­naas­saguk­ku ilisimasas­sat tamak­kua Biibilimeersut pingaarluin­nar­tuup­put. (Juánase 17:3) Aam­mali al­lat an­nas­sin­naas­sagunik nutaarsias­saq nuan­nersoq tusar­tariaqar­paat. Kristumiut ilumoor­tut tamarmik al­lanut oqaluus­sisus­saap­put. Taman­na Guutip inas­sutigaa. — Rûmamiut 10:10; 1 Korintumiut 9:16; 1 Timûtiuse 4:16.

2. Qaniginer­paasatit aal­lar­niutigalugit ilik­kak­kan­nik nuan­nersunik oqalut­tuus­sin­naavatit. Ilaqut­tatit, ikin­ngutitit, atuaqatitit suleqatitil­lu oqalut­tuus­sin­naavatit. Oqaluus­sif­figigaangak­kit inus­siar­nersumik qanilaar­tumil­lu pis­suseqar­niar­tarit. (2 Timûtiuse 2:24, 25) Eq­qaamas­savat inuit pis­suser­put oqaatsitsin­nit maluginiar­nerusarmas­suk. Pis­suseris­saarut­ta tusarlius­satsin­nut tusar­naarumanerusin­naas­sap­put. — Matîuse 5:16; 1 Pîtruse 3:1, 2, 16.

3. Im­maqa pif­fis­sap ingerlanerani Jehovap nalunaajaasuisa ilagiivi peqatigalugit oqaluus­sisaler­nis­samut piumasaqaatit naam­mas­sisimalis­savatit. Taman­na siumukar­nermi al­loriar­neruvoq pingaar­toq. (Matîuse 24:14) Jehovamut kif­fan­ngor­nis­samut inuunermil­lu naas­saan­ngitsumik angusisin­naaler­nis­samut al­lamik ikiuisin­naaleruit nuan­naar­nerit angis­saqaaq! — 1 Tásalûníkamiut 2:19, 20.