Ilinniagassaq 4

Diaavulu kinaava?

Satan Diaavulu sumin­ngaan­neer­pa? (1, 2)

Qanoq iliorluni inun­nik tam­mar­titsiniaasar­pa? (3-7)

Sooq Diaavulu as­sor­tor­tariaqar­par­put? (7)

1. Oqaaseq „diaavulu“ isumaqar­poq al­la pil­lugu ajor­torujus­suarmik sal­lulior­toq. „Satan“ isumaqar­poq akeraq imaluun­niit akerlilersuisoq. Taaguutit taak­ku Guutip akeraanut an­ner­paamut naleq­qup­put. Taan­na aal­laq­qaam­mut Guuti najorlugu qilam­mi in­ngiliusimagaluar­poq naam­mal­luin­nar­toq. Kingor­nali im­minut pingaar­tip­pal­laalerami Guutisut pal­lorfigineqarusuler­poq. — Matîuse 4:8-10.

2. In­ngili taan­na, Satan, pulateriaarsuk aq­qutigalugu Evamut oqalup­poq. Sal­luliorfigineratigut Guutimut naalan­ngitsip­paa. Taamaalil­luni Satanip Guutip kisimi oqar­tus­saanera, Qutsin­ner­paatut inis­sisimanera, saas­sup­paa. Apeq­quser­paa ilumut Guuti eq­qor­tumik naalatsimilu iluaqutis­saan­nik aqutsinersoq. Aam­ma inuup kialuun­niit Guutimut ilumoorluin­narsin­naanera apeq­quser­paa. Taamaalior­nermigut Satan im­minut Guutimut akeran­ngor­tip­poq, taamaat­tumik Satan Diaavulumik taaneqar­tar­poq. — 1 Moses 3:1-5; Job 1:8-11; sarĸúmersitat 12:9.

3. Satanip inuit im­minut pal­lorfigin­nileq­qul­lugit tam­mar­tin­niarsarai. (2 Korintumiut 11:3, 14) Ilaatigut upperisar­sior­neq ilumuun­ngit­soq aq­qutigalugu inun­nik tam­mar­titsiniaasar­poq. Up­perisarsior­tut Guuti pil­lugu eq­qun­ngitsumik ajoqersuuteqarunik Satanimik il­lersuis­sap­put. (Juánase 8:44) Im­maqa inuit up­perisarsior­nermut ilumuun­ngitsumut ilaasut isumaqaraluar­put Guuti ilumoor­toq pal­lorfigalugu, iluamil­li oqaatigalugu Satan kif­far­torfigaat. Taan­na tas­saavoq ’silap matuma guutia’. — 2 Korintumiut 4:4.

4. Aamma aner­saar­sior­neq aq­qutigalugu Satanip inuit naalagaaf­figiler­niar­tar­pai. Im­maqa inuit ilaat il­lersor­neqar­niarlutik, al­lanik ajoqusiiniarlutik, siunis­samik siulit­tuiniarlutik imaluun­niit tupin­nar­tulior­niarlutik anersaanik torlorfigin­nit­tar­put. Tamak­kunun­ngali tamanut Satan tunuliaqutapiluuvoq. Taamaat­tumik Guutimit iluarisaajumagut­ta anersaarsior­neq ingalas­simal­luin­nar­tariaqar­par­put. — 5 Moses 18:10-12; apustilit suliait 19:18, 19.

5. Aam­mat­taaq Satanip inuit tam­mar­tin­niar­tar­pai nagguigisamik pingaar­tit­sival­laar­nik­kut aam­malu naalak­ker­suinik­kut suliniaqatigiif­fin­nik pal­lor­figin­nin­nik­kut. Inuit ilaat isumaqar­put inuiaas­suser­tik  imaluun­niit nagguigisar­tik al­lanit pitsaanerusoq. Taman­nali ilumuun­ngilaq. (apustilit suliait 10:34, 35) Al­lat isumaqar­put naalak­kersuinik­kut suliniar­nik­kut inuit ajor­nar­torsiutaat aaq­qin­neqarsin­naasut. Taamatut isumaqar­nerup Guutip naalagaaf­fianik ajat­tuineq as­sigiin­nar­paa — Guutim­mi naalagaaf­fia kisimi ajor­nar­torsiutitsin­nik aaq­qiisin­naavoq. — Daniel 2:44.

6. Satanip inun­nut tam­mar­titsiniutigisar­tagai al­lat tas­saap­put ajor­tilit­tut kajungerisatigut us­ser­nar­tut. Jehovap iliuutsit ajor­tut ingalas­simaq­quai nalun­ngin­namiuk uagutsin­nut ajoqutaasut. (Galâsiamiut 6:7, 8) Im­maqa inuit ilaasa iliuutsinut tamak­kunun­nga peqatigeq­qul­lutik kajumis­saas­savaatsit. Eq­qaamajul­li iluamik oqaatigalugu eq­qun­ngitsulior­titsiniarsarisoq tas­saam­mat Satan. — 1 Korintumiut 6:9, 10; 15:33.

7. Akerliler­suineq imaluun­niit qinugin­ninneq aq­qutigalugu Satanip Jehovamit qimagutitin­niarsin­naavaatit. Im­maqa Biibilimik atuaq­qis­saar­tar­nerit qanigisavit ilaasa kamaatigis­savaat. Im­maqalu al­lat il­laruaatigis­savaatsit. Kisian­ni kina inuunin­nik akiitsoqarfigaajuk? Satanip Jehova pil­lugu ilin­niar­nerit unitseq­qul­lugu qunulersin­niarsaraatit. Satan ajorsarfigeqinagu! (Matîuse 10:34-39; 1 Pîtruse 5:8, 9) Diaavulup ajat­tor­neratigut Jehova nuan­naar­tis­savat, takutis­saval­lu Jehovap kisimi oqar­tus­saanera il­lersorit. — Us­satit 27:11.

[Qupp. 9-mi assiliartat]

Up­perisarsior­neq ilumuun­ngitsoq, inuiaas­susersior­neq anersaarsior­nerlu inun­nik tam­mar­titsiniutaap­put

[Qupp. 5-mi assiliartaq]

Jehova pil­lugu ilin­niar­ner­pit ingerlatiin­nar­neratigut Satan ajat­toruk