Ilinniagassaq 2

Guuti kinaava?

Guuti ilumoor­toq kinaava, qanorlu ateqar­pa? (1, 2)

Qanoq it­tumik timeqar­pa? (3)

Pis­susii malun­nar­ner­paat suup­pat? (4)

Taas­sumin­nga pal­lorfigin­nin­nermi as­silis­sat inuusalial­lu ator­neqar­tus­saap­pat? (5)

Sutigut marlutsigut Guuti ilin­niarsin­naavar­put? (6)

1. Inuit sor­pas­suar­nik pal­lorfigisaqar­put. Biibilimili oqaatigineqar­poq ataasiin­narmik ILUMOOR­TUMIK Guuteqar­toq. Taas­suma qilam­mi nunarsuarmilu suut tamaasa pin­ngor­titarai. Taas­suma inuunermik tunisimam­matigut Taan­na kisiat pal­lorfigisus­saavar­put. — 1 Korintumiut 8:5, 6; sarĸúmersitat 4:11.

2. Guuti taaguuter­pas­suaqar­poq, ataasiin­narmil­li ateqarluni. Aq­qa tas­saavoq JEHOVA. Ajoraluar­tumil­li biibilini nutsik­kani amerlaner­ni Guutip aq­qa peer­neqarsimavoq, taarsiul­lugulu ator­neqarlutik „Naalagaq“ imaluun­niit „Guuti“. Biibilili al­lan­neqaq­qaarmat ateq Jehova 7000-it mis­saan­ni ator­neqarsimavoq! — 2 Moses 3:15; Tus­siaat 83:19.

3. Jehova timeqar­poq, uagul­li timitsitut in­ngitsumik. ’Guuti anersaajuvoq,’ Biibilimi al­las­simavoq. (Juánase 4:24) Anersaajunera isumaqar­poq uagutsin­nit qutsin­nerujus­suarmik inuusoq. Inuup kialuun­niit Guuti takusiman­ngilaa.  Jehova qilam­miip­poq, suul­li tamaasa takusin­naal­lugit. (Tus­siaat 11:4, 5; Juánase 1:18) Taavami anersaaq il­ler­nar­toq suua? Anersaaq il­ler­nar­toq Guutitut kinaas­susiliun­ngilaq. Tas­saavorli Guutip nukinga sulisoq. — Tus­siaat 104:30.

4. Jehovap qanoq it­tuunera Biibilimi saq­qum­mersin­neqar­poq. Takutin­neqar­poq pis­susii malun­nar­ner­paat tas­saasut asan­nin­neq, naaper­tuil­luas­suseq, ilisimas­suseq pis­saanerlu. (5 Moses 32:4; Job 12:13; Jesaja 40:26; 1 Juánase 4:8) Biibilimi aam­ma oqaatigineqar­poq Guuti naak­kin­nit­tuusoq, inus­siar­nersuul­luni, isumak­keerfigin­nit­tar­tuul­luni, tunisiumatuujul­luni naam­magit­tar­tuul­lunilu. Uagut taas­suma meeraatut naalat­tutut taas­sumatut pis­suseqar­niar­tariaqar­pugut. — Evfisumiut 5:1, 2.

5. Jehova pal­lorfigigaangatsigu as­silis­sat inuusalial­lu ator­tas­savavut, taak­kunun­ngalu qinusarluta? Naamik! (2 Moses 20:4, 5) Jehova oqar­poq nam­mineq kisimi pal­lorfigis­sagitsin­ni. Kinaluun­niit imaluun­niit sunaluun­niit naalan­nas­sutsiminik aveqatigiuman­ngilaa. Inuusaliat uagutsin­nik ikiuinis­samut pis­saaneqan­ngil­lat. — Tus­siaat 115:4-8; Jesaja 42:8.

6. Qanoq ilil­luta Guuti ilisarisimanerulersin­naavar­put? Ilaatigut taas­suma pin­ngor­titaasa qimerloor­nerisigut, tamak­kualu qanoq uagutsin­nut oqalut­tuar­neran­nik isumaliutigin­neq­qis­saar­tar­nik­kut. Guutip pin­ngor­titaasa takutip­paatigut pis­saanilis­suul­lunilu ilisimas­suseqarluin­nar­tuusoq. Aam­ma asan­nin­nera pin­ngor­titaani tamani takusin­naavar­put. (Tus­siaat 19:1-6; Rûmamiut 1:20) Biibilimik atuaq­qis­saar­nitsigut­taaq Guuti ilisarisimanerulersin­naavar­put. Guutitut qanoq it­tuunini pil­lugu atuak­kami tas­sani suli amerlaner­nik paasis­sutis­siivoq. Aam­ma siunis­sami iliuusis­sani uagul­lu qanoq ilior­nis­satsin­nik kis­saateqar­nini oqalut­tuarai. — Amos 3:7; 2 Timûtiuse 3:16, 17.

[Qupp. 5-mi assiliartat]

Pin­ngor­titarsuaq Biibililu aq­qutigalugit Guuti pil­lugu ilin­niarsin­naavugut