Ilinniagassaq 5

Guutip nunarsuaq sumik siunertaqarfigaa?

Sooq Jehovap nunarsuaq pin­ngor­tis­simavaa? (1, 2)

Sooq ul­lumik­kut nunarsuaq paratiisiun­ngila? (3)

Inuit ajor­tut qanoq pineqas­sap­pat? (4)

Siunis­sami Jesus qanoq iliuuseqas­sava nap­parsimasunut? utoq­qar­nut? toqusimasunut? (5, 6)

Siunis­sami tamak­ku misigiumal­lugit qanoq ilior­tariaqar­pit? (7)

1. Jehovap nunarsuaq man­na pingor­tis­simavaa inun­nit naas­saan­ngitsumik inuusunit najugarineqarsin­naaq­qul­lugu. Kis­saatigaa nunarsuaq naaper­tuil­luar­tunik pil­luar­tunil­lu inoqar­tuaan­nas­sasoq. (Tus­siaat 115:16; Jesaja 45:18) Taamaat­tumik nunarsuaq aserun­ngisaan­nas­saaq; naas­saan­ngitsumik atas­saaq. — Tus­siaat 104:5; Nalunaajaasup oqaasii 1:4.

2. Guutip inuk pin­ngor­tin­ngik­kal­laramiuk nunarsuup ilaminin­ngua paratiisiliaraa alianaatsoq. Edenip Naatsiivianik taavaa. Tas­sunga angut ar­narlu siul­liit, Adam Evalu, najugas­sip­pai. Taak­kua meeq­qiorlutik nunarsuaq ulik­kaas­sagaat nunarsuarlu tamaat paratiisin­ngoriar­tuaar­tis­sagaat Guutip siuner­taraa.. — 1 Moses 1:28; 2:8, 15.

3. Kisian­ni Adam Evalu Guutip inatsisaanik piaaralutik unioq­qutitsinermik­kut ajor­tulior­put. Taamaat­tumik Jehovap Edenip Naatsiivianit anisip­pai. (1 Moses 3:1-6, 23) Jehoval­li nunarsuarmut siuner­tani puiun­ngilaa. Neriorsuisimavoq paratiisin­ngor­tik­kumaarlugu inuit naas­saan­ngitsumik inuuf­figisin­naasaat. Qanoq iliorluni taman­na piviusun­ngor­tis­savaa? — Tus­siaat 37:29.

4. Nunarsuaq paratii- sin­ngorsin­naas­sap­pat inuit ajor­tut nungutin­neqaq­qaar­tariaqar­put. (Tus­siaat 37:38) Taman­na pis­saaq Harmagedonimi, sorsun­nermi Guutip ajor­tunik tamanik nungutitsif­fis­saani. Taava Satan ukiuni tuusintini susin­naajun­naarsin­neqas­saaq. Tamatuma kingunerisaanik inoqarun­naas­saaq ajor­tunik nunarsuarmik aseror­terisunik. Guutip kif­fai kisimik aniguis­sap­put. — sarĸúmersitat 16:14, 16; 20:1-3.

 5. Taava Jesus Kristus ukiuni tuusintini nunarsuarmut kun­ngitut aqutsis­saaq. (sarĸúmersitat 20:6) Taas­suma ajor­ti isumatsin­nit timitsin­nil­lu peeriar­tuaas­savaa. Adamip Eval­lu ajor­tuliun­ngik­kal­laramik is­simanerat­tut inut­tut naam­mal­luin­nar­tun­ngus­saagut. Nap­paatit, utoq­qalisar­neq toqulu atuuk­kun­naas­sap­put. Inuit nap­parsimasut ajorun­naarsin­neqas­sap­put, utoq­qalisimagaluar­tul­lu inuusus­seq­qis­sap­put. — Job 33:25; Jesaja 33:24; sarĸúmersitat 21:3, 4.

6. Jesusip ukiuni tuusintini naalak­kersuinerani inuit aalajaatsut nunarsuaq tamaat paratiisin­ngor­tik­kiar­tuaas­savaat. (Lúkarse 23:43) Aam­ma toqusimasut mil­lionilik­kuutaat nunarsuarmi inuunermut makitin­neqas­sap­put. (apustilit suliait 24:15) Guutip piumasaqaatai malik­kunik­kik nunarsuarmi naas­saan­ngitsumik inuujuaan­narsin­naas­sap­put. Taamaaliun­ngik­kunil­li toqus­sap­put naas­saan­ngitsumut suujun­naarsitaas­sal­lutik. — Juánase 5:28, 29; sarĸúmersitat 20:11-15.

7. Taamaalil­luni Guutip nunarsuarmut aal­laq­qaam­mul­li siuner­taa piviusun­ngus­saaq. Taman­na misigerusus­sin­naaviuk? Taava Jehova ilin­niar­tuaan­nar­tariaqar­pat piumasaqaataalu malit­tuarlugit. Najuk­kan­ni Jehovap nalunaajaasuisa naalagaaf­filersaar­tarfian­ni ataatsimiin­nerit taamaalior­nis­san­nut iluaqutigis­saqaatit. — Jesaja 11:9; Eprîarit 10:24, 25.

[Qupp. 10-mi assiliartaq]

Paratiisi maangaan­nar­toq

[Qupp. 11-mi assiliartat]

Harmagedonip kingor­na nunarsuaq paratiisin­ngor­tin­neqas­saaq