Ilinniagassaq 1

Guutip piumasaqaatai suunersut qanoq ililluni paasineqarsinnaava?

Paasis­sutis­sanik pingaar­tunik sunik Biibili imaqar­pa? (1)

Kina Biibilimik atuak­kior­tuua? (2)

Sooq Biibili misis­sor­tariaqar­par­put? (3)

1. Biibili tas­saavoq Guutip tunis­sutaa nalilerujus­suaq. Ataatap asan­nit­tup meeq­qaminut al­lagaatut ip­poq. Guuti pil­lugu sal­lusuis­sut imaraa — kinaanera qanorlu najoq­qutas­siaqar­nera oqalut­tuarineqarlutik. Ajor­nar­torsiutit qanoq ilil­luni aaq­qin­neqarsin­naanerat pil­luar­nerul­lu piviusup qanoq ilil­luni nanineqarsin­naanera nas­suiar­neqar­put. Biibilip kisimi oqalut­tuup­paatigut Guutimit iluarisaas­sagut­ta qanoq ilior­tariaqar­tugut. — Tus­siaat 1:1-3; Jesaja 48:17, 18.

2. Biibili ukioq 1513 u.n.s. aal­lar­nerfigalugu ukiut 1600-t ingerlaneran­ni inun­nit as­sigiin­ngitsunit 40-t mis­saan­niit­tunit al­lan­neqarsimavoq. Atuagaaq­qanit 66-init katitigaavoq. Biibilimik al­lat­tut Guutimit isumas­sarsisitaanermik­kut al­las­simap­put, taamaat­tumik nam­min­neq eq­qarsaatitik pin­nagit Guutip eq­qarsaatai al­las­simavaat. Tas­sa Guuti qilam­miit­toq, inuk nunarsuarmiit­toq pin­nani, Biibilimut atuak­kior­tuuvoq. — 2 Timûtiuse 3:16, 17; 2 Pîtruse 1:20, 21.

3. Biibilip eq­qoq­qis­saar­tumik as­silil­lugu al­lan­neqar­nis­saa atatin­neqar­nis­saalu Guutip isumagisimavaa. Ul­lumik­kut atuak­kanit al­lanit tamanit Biibili naqiter­neqar­ner­paavoq. Biibilimik atuaq­qis­saar­taler­nerit inuit ilaasa iluarinavian­ngilaat, taman­nali unis­sutigeqinagu. Akerlilersor­neqaraluarlutit Guuti pil­lugu ilin­niar­nerit taas­sumalu piumasaatut ilior­nerit naas­saan­ngitsumik siunis­san­nut aalajangiisuuvoq. — Matîuse 5:10-12; Juánase 17:3.