Ilinniagassaq 12

Inuunermik aammillu ataqqinninneq

Inuuneq qanoq isigisariaqar­par­put? (1) Naar­tuersin­nermi? (1)

Kristumiut qanoq iliorlutik navialinaveersaar­tuusin­naap­pat? (2)

Uumasunik toqutsineq eq­qun­ngitsulior­nerua? (3)

Iliuutsit suut inuunermik ataq­qin­nin­ngitsulior­nerup­pat? (4)

Aak pil­lugu Guuti qanoq inatsiseqar­pa? (5)

Aalersor­tin­neq tamatumun­nga ilaava? (6)

1. Jehova inuunerup Pilerfigaa. Uumas­suseqar­tut tamarmik inuuner­tik taas­suman­nga pisimavaat. (Tus­siaat 36:10) Inuuneq Guutimut il­ler­nar­tuuvoq. Aam­ma meeq­qap inun­ngorsiman­ngitsup anaanami il­liaaniit­tup inuunera Jehovap nalilerujus­suar­tut isigaa. Taamaat­tumik naar­tumik toqutsineq Guutip isaani eq­qun­ngitsulior­neruvoq. — 2 Moses 21:22, 23; Tus­siaat 127:3.

2. Kristumiut ilumoor­tut navialinaveersaar­tuup­put. Biilimik angerlarsimaf­fim­mil­lu isuman­naatsuunis­saat qulaak­keer­niar­tar­paat. (5 Moses 22:8) Nuan­nariin­narlugu pis­sanganar­torsiutiginiaan­narluguluun­niit inuunermut ulorianar­torsiutaasumik pisariaqan­ngitsumik sapiiser­neq ajor­put. Aam­ma timersuutinut nakuuser­nermik ilalin­nut, piaaraluni al­lanik ajoqusiinermut, peqataaneq ajor­put. Aliik­kutas­siat­taaq nakuuser­nermut kajumis­saarisut ingalas­simasar­paat. — Tus­siaat 11:5; Juánase 13:35.

 3. Uumasut­taaq inuunerat Pin­ngor­titsisup il­ler­nar­tutut isigaa. Kristumiut inuus­sutis­saqarumal­lutik atisas­saqarumal­lutil­lu, imaluun­niit nap­paatinut ulorianar­tunul­lu il­lersor­niarlutik, uumasunik toqutsisin­naap­put. (1 Moses 3:21; 9:3; 2 Moses 21:28) Uumasunil­li naal­liutsitsineq imaluun­niit timersuutitut nuan­nariin­narluguluun­niit uumasunik toqutsineq eq­qun­ngitsulior­neruvoq. — Us­satit 12:10.

4. Pujor­tar­neq, qaq­qor­taris­sanik betelinik sukuloor­neq ikiaroor­nerlu kristumiunut ileq­qus­saan­ngil­lat. Iliuutsit tamak­kua eq­qun­ngitsuup­put (1) pin­ngitsoor­neqarsin­naajun­naar­taramik, (2) timimut ajoqutaagamik kiisalu (3) mingun­nar­tuugamik. (Rûmamiut 6:19; 12:1; 2 Korintumiut 7:1) Ileq­qut tamak­ku asooruk­kuminaatsorujus­suusin­naap­put. Jehovamul­li iluarisaas­sagaan­ni asoorut­tariaqar­put.

5. Aam­ma aak Guutip isaani il­ler­nar­tuuvoq. Guuti oqar­poq tar­neq, imaluun­niit inuuneq, aam­miit­toq. Taamaat­tumik aat­tor­neq eq­qun­ngitsulior­neruvoq. Aam­mat­taaq uumasup aaver­neqarsiman­ngitsup neqaanik nerineq eq­qun­ngitsulior­neruvoq. Uumasoq ipisoq imaluun­niit napiagaq nerineqar­tariaqan­ngilaq. Uumasoq kapil­lugu aal­laal­luguluun­niit toquk­kaan­ni nerineqarsin­naas­sap­pat ingerlaan­naq aaver­tariaqar­poq. — 1 Moses 9:3, 4; 3 Moses 17:13, 14; apustilit suliait 15:28, 29.

6. Aalersor­tin­neq eq­qun­ngitsulior­nerua? Eq­qaamajuk Jehovap ’aam­mik nereq­qun­ngim­matigut’. Taman­na isumaqar­poq al­lap aavanik uagul­luun­niit nam­mineq aatsin­nik maqereersimasumik qanorluun­niit iliorluta timitsin­nut pisitsis­san­ngitsugut. (apustilit suliait 21:25) Taamaat­tumik kristumiut ilumoor­tut aalersor­tik­kuman­ngil­lat. Suliarineqariaatsit al­lat akuerisin­naavaat, soorlu aat­taqan­ngitsumik suliaritin­neq. Inoorusup­put, Guutil­li inatsisaanik unioq­qutitsinik­kut inuuner­tik an­naan­niarsariuman­ngilaat. — Matîuse 16:25.

[Qupp. 25-mi assiliartat]

Guutimit iluarisaas­sagut­ta aalersor­tin­neq, ileq­qupalaat pisariaqan­ngitsumil­lu sapiiser­neq ingalas­savavut