Jehovap Nalunaajaasui qanoq aaqqissuussaasut
Ilinniagassaq 14
Jehovap Nalunaajaasui qanoq aaqqissuussaasut
Jehovap Nalunaajaasui nalitsinni qanga aallartippat? (1)
Ataatsimiinneri qanoq ingerlanneqartarpat? (2)
Aningaasartuutitik qanoq ilillutik matussutissittarpaat? (3)
Ilagiit ataasiakkaat qanoq aqunneqarpat? (4)
Ataatsimiinnerit annerusut suut ukiut tamaasa ingerlanneqartarpat? (5)
Qullersaqarfimmi immikkoortortaqarfinnilu suut suliarineqartarpat? (6)
1. Nalitsinni upperisarsioqatigiit Jehovap Nalunaajaasui 1870-ikkunni aallartipput. Aallaqqaammut Biibilimik atuaqqissaartartunik taaneqartarput. 1931-mili taaguut Biibilimik tunngaveqartoq, Jehovap Nalunaajaasui, taaguutigilerpaat. (Jesaja 43:10, NV) Aallaqqaammut ikittunngooriarlutik ullumikkut nunani 230-nit amerlanerusuni oqaluussisartut eqiasuitsut millionilikkuutaanngorsimapput.
2. Jehovap Nalunaajaasuisa ilagiivisa amerlanersaat sapaatit-akunneri tamaasa pingasoriarlutik ataatsimiittarput. Ataatsimiinnerinut aggernissannut tikilluaqqusaavutit. (Eprîarit 10:24, 25) Ataatsimiinnerni ajoqersuutigineqartartut Biibilimik tunngaveqarput. Ataatsimiinnerit qinunermik aallarnerneqarlutillu naggaserneqartarput. Aamma ataatsimiinnerit amerlanersaanni ’erinniukkat anersaap pii’ uummammit pisumik erinarsuutigineqartarput. (Evfisumiut 5:18, 19) Iserneq akeqanngilaq, aningaasanillu katersuiniartitsisoqarneq ajorpoq. — Matîuse 10:8.
3. Ilagiit amerlanertigut naalagaaffilersaartarfimmi ataatsimiittarput. Naalagaaffilersaartarfiit illuliaapput kusassagarsuunngitsut, Jehovap nalunaajaasuinit kajumissutsiminnit sulisunit sananeqarsimasut. Naalagaaffilersaartarfinni inuusaliaqanngilaq, 2 Korintumiut 9:7.
sanningasuleqarani tamakkuluunniit assigisaannik soqarani. Aningaasartuutit kajumissutsimit tunissutinit matussutissinneqartarput. Kajumissutsiminnit tunissuteqarusuttut nakkaatitsivinnguamut nakkartitsisinnaapput. —4. Ilagiinni tamani utoqqaanertaqarpoq, imaluunniit nakkutilliisoqarpoq. Taakkua ilagiinni ajoqersuineq siuttuuffigaat. (1 Timûtiuse 3:1-7; 5:17) Ilagiinni kiffartortunit ikiorneqartarput. (1 Timûtiuse 3:8-10, 12, 13) Angutit taakkua ilagiinnut ilaasortaasunit allanit nuimanerunngillat. (2 Korintumiut 1:24) Immikkut taaguuteqartinneqanngillat. (Matîuse 23:8-10) Allanit allaanerusunik atisaqarneq ajorput. Aamma suliaminnut akissarsiaqanngillat. Utoqqaanertat kajumillutik nuannaarlutillu ilagiit anersaakkut pisariaqartitaannik isumaginnittarput. Ajornartorsiortoqaraangat tuppallersaallutillu ikiuisinnaasarput. — Jâko 5:14-16; 1 Pîtruse 5:2, 3.
5. Jehovap Nalunaajaasui aamma ukiut tamaasa ataatsimeersuartarput ataatsimeersuaarartarlutillu. Ilagiit amerlasuut katersuuttarput Biibilimut tunngasumik immikkut ilinniartinneqarniarlutik. Ataatsimeersuarnerni ajoqersukkat nutaat kuisittarput. — Matîuse 3:13-17; 28:19, 20.
6. Jehovap Nalunaajaasuisa nunarsuarmut tamarmut qullersaqarfiat New Yorkimiippoq. Tassaniipput Siulersuisoqatigiit, utoqqaanertat misilittagaqarluartut eqimattat nunarsuaq tamakkerlugu ilagiinnut siuttuusut. Nunarsuarmi tamarmi 100-nit amerlanerusunik immikkoortortaqarfeqarpoq. Tamakkunaniipput kajumissutsiminnit sulisut atuagassianik Biibililersaarutinik naqiterinermut nassiussuinermullu suleqataasut. Oqaluussineq immikkoortortaqarfinnit aaqqissuunneqartarpoq. Immikkoortortaqarfimmut qaninnerusanniittumut pulaarnissannut tikilluaqqusaavutit.