Jesus Kristus kinaava?
Ilinniagassaq 3
Jesus Kristus kinaava?
Sooq Jesus Guutip ’pinngortitaasa tamarmik siornatigut erniusumik’ taaneqarsimava? (1)
Sooq ’Oqaaseq’-mik taaneqarsimava? (1)
Sooq Jesus inuttut nunarsuarmut tikiussimava? (2-4)
Sooq tupinnartuliortarsimava? (5)
Jesus ungasinngitsukkut qanoq iliussava? (6)
1. Jesus nunarsuarmut pinngikkallarami qilammi anersaatut inuusimavoq. Guutip pinngortitaasa siullersaraat, taamaattuminguna ’pinngortitat tamarmik siornatigut erniusumik’ taaneqartoq. (Kulorsamiut 1:15; sarĸúmersitat 3:14) Jesus Guutip kisimiilluni pinngortitatuaraa. Guutip qilammi nunarsuarmilu allanik tamanik pinngortitsinermini Jesus inuttut inunngunngikkallarmat ikiortigisimavaa. (Ussatit 8:22-31; Kulorsamiut 1:16, 17) Aamma oqaaseqartitamisut pingaarnerpaatut Jehovap Jesus atorsimavaa. Taamaattuminguna Jesus ’Oqaaseq’-mik taaneqartoq. — Juánase 1:1-3; sarĸúmersitat 19:13.
2. Guutip ernini nunarsuarmut aallartippaa inuunera Mariap illiaanut nuutsillugu. Taamaattumik Jesus inummik ataataqanngilaq, taamaammallu inuttut ajortiliussuseq naammalluinnanngissuserluunniit kingornutinngilaa. Guutip Jesusimik nunarsuarmut aallartitsinera pingasunik pissuteqarpoq: (1) Guuti pillugu sallusuissummik oqaluttuunniarluta (Juánase 18:37), (2) assuarnaalluinnassutsiminik aalajangiusimanninnermigut maligassiorniarluta (1 Pîtruse 2:21) taavalu (3) inuiaat ajortimit toqumillu annaanneqarsinnaaqqullugit inuunini pilliutiginiarlugu. Sooq tamanna pisariaqarsimava? — Matîuse 20:28.
3. Inuk siulleq, Adam, Guutip inassutaanut naalannginnermigut Biibilip taasaatut ’ajortuliorpoq’. Taava Guutip toqumut eqqartuuppaa. (1 Moses 3:17-19) Guutip maleruaqqusai malikkunnaaramigit naammalluinnartuujunnaarpoq. Utoqqaliartulerpoq, naggataatigullu toqulluni. Adamip kinguaaminut tamanut ajorti kingornutsippaa. Taamaattuminguna utoqqaliartortarlutalu napparsimasartugut, naggataatigullu toqusarluta. Inuiaat qanoq ilillutik annaanneqarsinnaassappat? — Rûmamiut 3:23; 5:12.
1 Timûtiuse 2:5, 6; Juánase 3:16; Rûmamiut 5:18, 19.
4. Jesus Adamisut inuusimavoq naammalluinnartoq. Adamisulli iliornani Jesus Guutimut naalalluinnartuusimavoq, allaat sakkortunerpaamik misilinneqarnermini. Taamaattumik inuttut inuuneq naammalluinnartoq taassuma pilliutigisaa Adamip ajortuliaanut matussutitut akiliutigineqarsinnaasimavoq. Tamanna Biibilimi „utertitsissut“-mik taaneqarpoq. Adamip kinguaavi toqumik eqqartuunneqarnerminnit Jesusip pilliutaatigut aniguisinneqarsinnaalerput. Jesusimut uppertut tamarmik ajortiminnik isumakkeerfigineqarsinnaalerput naassaanngitsumillu inuusinnaalerlutik. —5. Jesus nunarsuarmiikkallarami napparsimasunik ajorunnaarsitsisarsimavoq, kaattunik nerisitsisarsimalluni anorersuarmillu qatsortitsisimalluni. Allaat toqusunik makititsisinnaasimavoq. Sooruna taamatut tupinnartuliortarsimasoq? (1) Inuit naalliuttut nalligigamigit ikiorusukkamigillu. (2) Tupinnartuliortarneratigut uppernarsarneqarpoq Guutip ernerigaa, kiisalu (3) tupinnartuliaasigut takutinneqarpoq nunarsuarmut kunngiuleruni inuiannut naalattunut qanoq iliortarumaartoq. — Matîuse 14:14; Mákorse 2:10-12; Juánase 5:28, 29.
6. Jesus toqummat Guutip anersaatut makitippaa. Jesusilu qilammut uterpoq. (1 Pîtruse 3:18) Taava kingorna Guutip Jesus kunnginngortippaa. Ungasinngitsukkut Jesusip nunarsuarmi maani ajussuseq naalliuutillu piiassavai. — Tussiaat 37:9-11; Ussatit 2:21, 22.
[Qupp. 7-mi assiliartat]
Jesus inunnik ajoqersuisarsimavoq, tupinnartuliortarsimalluni namminerlu inuunini pilluta pilliutigisimallugu.