Ilinniagassaq 11

Paasinnittaatsit ileqqullu Guutip iluarinngisai

Paasin­nit­taatsit ileq­qul­lu suut eq­qun­ngitsuup­pat? (1)

Kristumiut up­peris­savaat Guuti ataasiul­lunilu pingasuusoq? (2)

Sooq kristumiut ilumoor­tut juul­lisior­tar­natil­lu, poorskisior­tar­natil­lu inuuis­sior­tan­ngil­lat? (3, 4)

Toqungasut inuusunik ajoqusiisin­naap­pat? (5)

Jesus san­ningasulim­mi toqua? (6)

Guutip iluarisaanik ilior­nis­saq qanoq pingaar­tigaa? (7)

1. Paasin­nit­taatsit ileq­qul­lu ilaan­naat eq­qun­ngitsuup­put. Up­perisamil­li ilumuun­ngitsumeersuup­pata imaluun­niit Biibilimi al­las­simasunut akerliup­pata Guutip iluarineq ajor­pai. — Matîuse 15:6.

2. Ataasiul­lunilu pingasuus­suseq: Jehova ataasiul­lunilu pingasuua — Guutimi ataatsimi kinaas­susil­lit pingasut? Naamik! Ataataq Jehova ’kisimi ilumut Guutiuvoq’. (Juánase 17:3; Mákorse 12:29) Jesus taas­suma Er­neraa angajul­lersaq, taan­nalu Guutimut naalatsigitip­poq. (1 Korintumiut 11:3) Ataataq Er­nermit an­neruvoq. (Juánase 14:28) Anersaaq il­ler­nar­toq kinaas­susiliun­ngilaq; tas­saavoq Guutip nukinga sulisoq. — 1 Moses 1:2; apustilit suliait 2:18.

3. Juulli poorskilu: Jesus decembarip 25-ani inun­ngun­ngilaq. Oktobarip aal­lar­tin­nerani, pif­fis­sami savanik paarsisut savaatimin­nik paarsil­lutik un­nuak­kut silamiif­figisin­naasaan­ni, inun­ngor­poq. (Lúkarse 2:8-12) Jesusip ajoqersuk­kani peq­qun­ngisaan­narsimavai inuuini nal­liut­torsiutigisas­sagaat. Peq­qusimavaali toqunini eq­qaaniar­tas­sagaat. (Lúkarse 22:19, 20) Juul­li ileq­qulersuutil­lu tamatumun­nga atasut itsaq up­perisarsior­nermik ilumuun­ngitsumik aal­laaveqar­put. Aam­ma taamaap­put poorskimi ileq­qulersuutaasar­tut, soorlu man­niit ukal­lil­lu. Kristumiut siul­liit ul­lumik­kut ileq­quusutut juul­lisior­tar­natil­lu poorskisior­tarsiman­ngil­lat, taamatut­taaq ul­lumik­kut kristumiut taamaalior­neq ajor­put.

4. Inuuis­siorneq: Inuuis­sior­nerit marluk Biibilimi eq­qar­tor­neqar­tutuat tas­saap­put Jehovamik pal­lorfigin­nin­ngitsut inuis­sior­neri. (1 Moses 40:20-22; Mákorse 6:21, 22, 24-27)  Kristumiut siul­liit inuuis­sior­tarsiman­ngil­lat. Inuuis­sior­neq itsaq up­perisamik ilumuun­ngitsumik aal­laaveqar­poq. Kristumiut ilumoor­tut ukiup ingerlanerani suk­kul­luun­niit tunisisin­naap­put nuan­naaqatigiis­sin­naal­lutil­lu.

5. Toqusimasunut ersineq: Toqungasut susin­naan­ngil­lat malugisaqarsin­naanatil­luun­niit. Ikiorsin­naan­ngilavut, taak­kualu ajoqusersin­naan­ngilaatigut. (Tus­siaat 146:4; Nalunaajaasup oqaasii 9:5, 10) Tar­neq toqusar­poq; toqup kingor­na inooq­qin­neq ajor­poq. (Hesekiel 18:4, NV; aam­ma takuuk nutsigaq pisoqaq.) Ilaan­nik­kul­li in­ngilipiluit, anersaapilun­nik taaneqar­tar­tut, tas­saasuusaar­tar­put toqusimasut tar­nai. Ileq­qut suul­luun­niit toqusimasunut ersinermut imaluun­niit toqusimasunik pal­lorfigin­nin­nermut at­tuumas­suteqar­tut eq­qun­ngitsulior­nerup­put. — Jesaja 8:19.

6. Sanningasulik: Jesus san­ningasulim­mi toqun­ngilaq. Qisum­mi nap­pak­kami toquvoq. Oqaaseq griikerisooq biibilit ilar­pas­suini ’san­ningasulim­mik’ nutser­neqar­toq isumaqaan­nar­poq qisuk. San­ningasulik itsaq up­perisarsior­nermik ilumuun­ngitsumik aal­laaveqar­poq. San­ningasulik kristumiunit siul­ler­nit ator­neqan­ngilaq pal­lorfigisaananiluun­niit. Taamaat­tumik Guutimik pal­lorfigin­nin­nermi san­ningasulik atus­sal­lugu eq­qor­tulior­nerus­sava? — 5 Moses 7:26; 1 Korintumiut 10:14.

7. Paasin­nit­taatsit ileq­qul­luun­niit ilaasa taamaatin­niar­nerat as­sut ajor­nakusoorsin­naavoq. Im­maqa qanigisat ikin­ngutil­lu tamak­kunin­nga taamaatitseq­qusinatik kimigiiser­tar­put. Guutil­li iluarisaanik ilior­nis­saq inuit iluarisaan­nit ilior­nis­samit pingaar­neruvoq. — Us­satit 29:25; Matîuse 10:36, 37.

[Qupp. 22-mi assiliartaq]

Guuti ataasiul­lunilu pingasuun­ngilaq

[Qupp. 23-mi assiliartaq]

Juul­li poorskilu itsaq up­perisamit ilumuun­ngitsumeersuup­put

[Qupp. 23-mi assiliartaq]

Toqusimasunut ersinis­samut taak­kunin­ngalu pal­lorfigin­nin­nis­samut pis­sutis­saqan­ngilaq