Qinunikkut Guutimut palligugit
Ilinniagassaq 7
Qinunikkut Guutimut palligugit
Sooq akuttunngitsumik qinusarnissaq pisariaqarpa? (1)
Kimut qinusariaqarpa, qanorlu iliorluni? (2, 3)
Suut qinnutigineqarsinnaappat? (4)
Qaqugukkut qinusariaqarpa? (5, 6)
Qinnutit tamaasa Guutip tusartarpai? (6)
1. Guutimut qinuneq maniguulluni taassumunnga oqalunneruvoq. Akuttunngitsumik Guutimut qinusariaqarpugut. Taamaaliortarutta misigilissaagut ikinngutitut asasatut qanimut attavigalugu. Angingaaraluaqaluni pissaaneqangaaraluaqalunilu Jehovap qinugaangatta tusarnaartarpaatigut! Illit akuttunngitsumik Guutimut qinusarpit? — Tussiaat 65:3; 1 Tásalûníkamiut 5:17.
2. Qinuneq pallorfiginninnitsinnut ilaavoq. Taamaattumik taamaallaat Jehova Guutimut qinusariaqarpugut. Jesus nunarsuarmiikkallarami Matîuse 4:10; 6:9) Tamatigulli Jesusip aqqani qinusariaqarpugut. Taamaalilluta takutissavarput Jesusip inissisimaffia ataqqigipput taassumalu pilliutaanut utertitsissutaasumut uppertugut. — Juánase 14:6; 1 Juánase 2:1, 2.
Ataataminut, allanuunngitsoq, qinujuaannarsimavoq. Uaguttaaq taamaaliortariaqarpugut. (3. Guutimut qinugaangatta uummatitsinnit oqaluttariaqarpugut. Alanngaakkanik, imaluunniit atuakkamik najoqqutaqarluta, qinusariaqanngilagut. (Matîuse 6:7, 8) Qaqugukkulluunniit, sumiluunniit ataqqinnippaluttumillu qanorluunniit inissisimalluta qinusinnaavugut. Allaat uummatitsigut nipaatsumik qinnutivut Guutip tusarsinnaavai. (1 Samuel 1:12, 13) Ajunnginnerussaaq nipaatsumut pilluni, allanit akornusersorneqarani, qinusaraanni. — Mákorse 1:35.
4. Guutimut qinunermi suut taaneqarsinnaappat? Suulluunniit taassumunnga ikinngutaanitsinnut attuumassuteqarsinnaasut. (Filípimiut 4:6, 7) Qinunermut najoqqutassiami ’Ataatarpuumi’ takutinneqarpoq Jehovap aqqa siunertaalu pillugit qinusinnaasugut. Aamma timikkut pisariaqartitatta matussutissinneqarnissaat, ajortitsinnit isumakkeerfigineqarnissarput ussernartumullu akiuunnitsinni ikiorneqarnissarput qinnutigisinnaavavut. (Matîuse 6:9-13) Namminissarsiortumilli qinunngisaannassaagut. Qinnutivut tamatigut Guutip piumasaanut naapertuuttuusariaqarput. — 1 Juánase 5:14.
5. Uummatikkut Guuti qutsavigerusuummeraanni unnersiutigerusuummeraanniluunniit sukkulluunniit qinusoqarsinnaavoq. (1 Israelikkut 29:10-13) Ajornartorsiuteqaraanni uppernikkullu misilinneqaraanni qinusariaqarpoq. (Tussiaat 55:23; 120:1) Aamma nerinnginnermi qinuneq naleqquttuuvoq. (Matîuse 14:19) Jehovap kajumissaarpaatigut ’tamatigut’, tassa sukkulluunniit, qinusarnissatsinnik. — Evfisumiut 6:18.
6. Ingammik ingasattumik ajortuliorsimagutta Guutimut qinunissarput atorfissaqartissavarput. Jehovap naakkinninnissaa isumakkeerfiginninnissaalu ilungersorluta qinnutigisariaqarparput. Ajortuliavut taassumunnga anngiiaatigigutsigik sapinngisarpullu tamaat iliuusereqqinnaveersaarlugit, Guuti isumakkeerfiginninnissamut piareersimassaaq. — Tussiaat 86:5; Ussatit 28:13.
7. Inuit iluartut qinnutaat kisiisa Jehovap tusarnaartarpai. Qinnutitit Guutimit tusarneqaqqugukkit taassuma inatsisai naapertorlugit sapinngisannik inuuniartariaqarputit. (Ussatit 15:29; 28:9) Qinugaangavit maniguuttariaqarputit. (Lúkarse 18:9-14) Qinnutigisatillu sulissutigisariaqarpatit. Taamaalillutit ersersissavat uppissuseqarlutit qinnutitillu ilumoorulluinnaritit. Taamaappat aatsaat Jehovap qinnutitit akissavai. — Eprîarit 11:6.