Kapiteli 2

Aappariilernissarsi ajunngitsumik tunngavilersiuk

1-3. Matîuse 7:24-27-mi al­las­simasoq naaper­torlugu, suna inuunermi pil­luar­nermut aalajangiisuua?

ILLU, inuuneq aap­pariin­nerluun­niit tun­ngavigisamin­nit pitsaaneruneq ajor­put. As­sersuutimi ilaan­ni Jesusip angutit marluk oqalut­tuarai — sianisooq qaarsumi il­lulior­toq sianiitsorlu nunami sioralim­mi il­lulior­toq. Anorersualermat qarsutsinersuaqalermal­lu anorersuil­lu pitorarlutik il­lut taak­ku sakam­matik, qaarsumiit­toq up­pin­ngilaq, sioq­qaniit­torli up­pip­poq up­perujus­suarluni.

² Tas­suuna Jesusip inuit il­lulior­nermik ajoqersuutin­ngilai. Erseq­qis­sar­paa pisariaqar­toq inuuneq ajun­ngitsumik tun­ngavilis­sal­lugu. Guutip aal­lar­titaatut oqar­poq: ’Kinaluun­niit oqaatsin­nik tamak­kunin­nga tusar­toq malin­nit­torlu’ as­sersuun­neqarsin­naasoq angum­mut qaarsumi il­lulior­tumut. ’Kinaluun­niil­li oqaatsin­nik tamak­kunin­nga tusar­toq malin­nin­ngitsorlu’ as­sersuun­neqarsin­naavoq sioq­qani il­lulior­tumut. — Matîuse 7:24-27.

³ Malugiuk Jesusip tamatigut takutim­magu un­nersuus­sutinik silatuunik tusarnerinnaq qanorlu ilior­tariaqar­nermik ilisiman­nin­nerinnaq naam­man­ngitsut. Iluatsitsingaar­nerup iluatsitsin­ngitsoor­nermit al­laas­sutigaa un­nersuus­sutinik silatuunik malin­ninneq. ’Taman­na ilisimagus­siuk taamaaliorlusi pil­luas­saasi.’ — Juánase 13:17.

4. Aap­pariit siul­liit aap­pariin­nerat sumik ilin­niarfigisin­naavar­put? (1 Môrsase 2:22-miit 3:19 ilan­ngul­lugu)

 ⁴ Aap­pariin­neq eq­qarsaatigalugu taman­na ilumoorluin­nar­poq. Aap­pariin­neq qaarsumut aalajaatsumut tun­ngavileraan­ni, inuunermi ar­torsaatis­sin­neqar­nermini atas­saaq. Tun­ngavis­sarli pitsaasoq taan­na sumit pisin­naavar­put? Aap­pariin­nermik Pilersitsisumit, Jehova Guutimit. Taas­suma aap­pariin­neq pilersip­paa inuit aap­pariit siul­liit katitik­kamigit. Taava silatuunik un­nersuup­pai iluaqutis­saan­nik. Un­nersuus­sutit silatuut taak­ku malik­kunik­kik aatsaat nuan­ningaar­tumik naas­saan­ngitsumil­lu siunis­saqas­sap­put; taamaaliun­ngik­kunil­li siunis­saarutis­sap­put. Tamarmik Guutip un­nersuus­sutai ilisimavaat, ajoraluar­tumil­li nam­minis­sarsior­nermit najoq­qutas­sat tamak­ku maleruan­ngitsoor­paat. Un­nersuus­sutit malik­kuman­ngilaat, taman­nalu pis­sutigalugu aap­pariin­nerat inuuneral­lu aseror­poq il­lutut anorersuarmit up­pitin­neqar­tutut sioq­qani tun­ngaviligaasutut.

5, 6. Guutip inuit aap­paqar­tut aap­panik­kusut­tul­lu qanoq ikior­pai?

⁵ Jehova Guutip aap­pariit siul­liit taak­ku katitip­pai, ul­lumik­kul­li nam­mineerluni inun­ni aap­pariin­ner­nik aaq­qis­suineq ajor­poq. Aap­pariin­nermul­li pil­luar­nar­tumut un­nersuus­sutai silatuut suli ator­neqarsin­naap­put. Aap­panik­kusut­tut tamarmik im­mik­kut aalajanger­tariaqar­put un­nersuus­sutit tamak­ku maleruarumanerlugit. Aam­ma Guutip oqaasiani takutin­neqar­poq taan­na qin­nuigisin­naagip­put ikioq­qul­luta aap­pas­sarsior­nitsin­ni silatuumik aalajangeeq­qul­luta. — Jâko 1:5, 6.

⁶ Soorunami nunani as­sigiin­ngitsuni pis­sutsit as­sigiin­ngiiaaqaat. Ul­lumik­kut nunat ilar­pas­suini nam­min­neq aap­pas­samik qinersisar­neq nalingin­naasuuvoq. Nunarsuul­li ilangaatsiarsuani kik­kut katis­sanersut angajoq­qaat aalajanger­tar­paat, ilaatigut akun­nermiliut­toq ikior­tigalugu. Nunat ilaan­ni angut nuliarsin­naavoq aatsaat nulias­sani pisiaralugu, tas­sa nulias­sap angajoq­qaavinut akiliiguni aatsaat, imalu akisutigisin­naavoq al­laat angut aap­panin­nis­saminut akis­saqar­tar­nani. Pis­sutsil­li  qanoq ik­kaluar­pataluun­niit, Bibeli un­nersuus­suteqar­poq aap­pariin­nerup pil­luar­nar­tuujuar­nis­saanut iluaqutaasunik.

IMMINUT ILISARINIAQQAARIT

7-10. (a) Aap­panik­kusuk­kuni inuup im­minut pil­luni suut ilisimasariaqar­pai? Qanoq ilil­luni ilisarinialersin­naavai? (b) Aap­panik­kusun­nermut pis­sutaasut Bibelimi qanoq oqaatigineqar­pat?

⁷ Aap­pariin­neq sumik ilimasuf­figaajuk? Sumik pisariaqar­titsivit  — timik­kut, misigis­sutsik­kut anersaak­kul­lu? Suut pingaar­nerutip­pigit, inuunermi sumik anguniagaqar­pit, anguniarlugil­lu sumik periaaseqar­pit? Apeq­qutit tamak­ku akisin­naas­sal­lugit imminut ilisariniaq­qaar­tariaqar­putit, taman­nalu ilimagisaraluat­tut ajor­naatsigin­ngilaq. Misigis­sutsik­kut inersimal­luarut­ta aatsaat im­mitsin­nut misilis­sin­naavugut, inersimal­luaraluarut­taluun­niil­li qanor­piaq it­tuus­suser­put tamatigorluin­naq takusin­naaneq ajor­par­put. Apustilip kristumiuusup Paulusip taman­na takutitsiar­paa Korintumiunut agdlagkat sujugdlît 4:4-mi al­lak­kami: ’Nam­mineq put­tarsisaqan­ngik­kaluar­punga, taman­nali iluar­tuutitaas­sutigin­ngilara; kisian­ni Jehova eq­qar­tuus­sisigaara.’

⁸ Ilaan­ni Pin­ngor­titsisup angut Job piviusunik arajutsisaanik paasin­neq­qul­lugu oqarfigaa: ’Apersus­savak­kit, il­lit ajoqersun­nga.’ (Jûpe 38:3) Apeq­qutit ikiorsin­naavaatigut im­mitsin­nut ilisariniar­nis­satsin­nut pis­sutiginiak­katsin­nil­lu paasin­nin­niar­nis­satsin­nut. Taamaat­tumik im­minut apersorit paasiniarlugu suna siuner­taralugu aap­panik­kusul­lutit.

⁹ Aap­panik­kusup­pit timik­kut pisariaqar­tut — nerisas­sat, atisas­sat, inis­sarlu — piniarlugit? Tamat­ta tamak­ku pisariaqar­tip­pavut, soorlu Bibelimi al­las­simasoq: ’Nerisas­saqarlutali atisas­saqarut­ta tamak­ku naam­magis­savavut.’ Aam­malu kinguaas­siuutitigut atoqateqar­nis­sat pisariaqar­tik­kak­ku? Taman­nat­taaq pileris­susiuvoq pis­susis­samisoor­toq. ’Aap­panil­luni pileritsaan­nar­nermit iluar­nerum­mat.’ (1 Timûtiuse 6:8; 1 Korintumiut 7:9) Imaluun­niit pisariaqar­tik­kak­ku ikin­nguteqar­nis­sat? Ikin­nguteqar­nis­samik peqateqar­nis­samil­lu pisariaqar­titsineq pis­sutiginerul­lugu Guutip aap­pariin­neq pilersip­paa. Pis­sutigaat­taaq inuit marluk suleqatigiin­nik­kut naam­mas­sisaqar­niar­nis­saat. (1 Môrsase 2:18; 1:26-28) Ajun­ngitsumik naam­mas­sisaqar­neq tul­luusimaar­nar­poq, suliaminul­lu akis­sarsiani inuup nuan­naarutigisariaqar­paa: ’Aam­mat­taaq inuup neril­lunilu imerlunilu ajun­ngitsoq takul­luaraangagu sulior­nermini [sulinermini] tamani, taman­na Guutip tunis­sutigisaraa.’ — akugdlîs­sup oĸausê 3:13.

 ¹⁰ Inuit asan­nilerlaat uum­mat misigis­sutsimin­nut as­sersuutaatit­tar­paat. Bibelimili uum­mat pil­lugu apeq­qut er­numatsan­nar­toq apeq­qutigineqar­poq: ’Kia ilik­karsin­naavaa?’ (Jerimia 17:9) Suna uum­mam­miorinerlugu qularutigin­ngiliuk?

11. Misigis­sutsik­kut pisariaqar­tut suut aap­pariin­nermi naam­mas­sineqarsin­naasariaqar­pat?

¹¹ Timik­kut kajungis­sutsip misigis­sutsik­kut pisariaqar­tunut al­lanut tap­piil­lisit­tar­paatigut. Aap­pas­sarsior­nin­ni paasineqar­nermik, avaagineqar­nermik misigin­neqatigineqar­nermil­lu pisariaqar­titsinerit naam­mat­tumik pingaar­tip­piuk? Tamat­ta atorfis­saqar­tip­par­put inum­mik qanigisaqar­nis­sar­put, tatigalugu oqalut­tuarfigisin­naasar­put, paasinerlun­neqar­nis­sar­put ajat­tor­neqar­nis­sar­pul­luun­niit aarleq­qutiginagu eq­qarsaatitsin­nik ilorler­nik saq­qum­miif­figisin­naasar­put, uum­mam­minik uatsin­nut mat­tus­sin­ngitsoq. (1 Juánase 3:17) Il­lit aap­pan­nut taamaas­sin­naavit, aam­malu aap­pat ilin­nut taamaas­sin­naava?

12. Aap­pariin­nermi pil­luas­sagut­ta timik­kut misigis­sutsik­kul­lu pisariaqar­tut naam­mas­sineqar­tar­nis­saan­naat suna pil­lugu naam­man­ngila?

¹² Jesus oqar­poq: „Pil­luar­put anersaak­kut it­tunik pisariaqar­titaqar­nermin­nik miserratigin­nin­ngitsut.“ (Matîuse 5:3, NV) Il­lit anersaak­kut it­tunik sunik pisariaqar­titsivit? Qaf­fak­kiar­tor­neq pingaar­nerutip­piuk? Pisuus­suseq? Nunap piinik peqangaar­neq? Tamak­ku qamuuna eq­qis­sinermik tul­luusimaar­nermil­lu tunisisin­naap­pat? Taamaak­kajun­ngilaq. Taava miserratigis­san­ngilar­put inuit amerlanerit anersaak­kut kaam­mata ilumik­kul­lu maqaasinermik misigalutik, naak timik­kut pisariaqar­titatik tamaasa pigigaluarlugit. Iluun­ngarluta kinaas­sutsitsigut ilisimaneqarusup­pugut — kinaas­suser­put ilisimajumal­lugu, qanoq-it­tuus­suser­put ilisimajumal­lugu, suna siuner­taralugu tamaaniit­tugut paasiumal­lugu, sumun­narfis­sar­pul­lu nalujun­naarumal­lugu. Pisariaqar­tut anersaak­kut it­tut tamak­ku miserratigin­ngiligit, qanorlu ilil­lutik pis­sarsiariniar­nis­saat nalun­ngiliuk?

 IMMISSINNUT NALEQQUPPISI?

13. Aap­pariin­nermi pil­luas­saguit, nam­mineq pisariaqar­titsinerit piin­nar­nagit aam­mat­taaq suut paasisariaqar­pigit?

¹³ Il­lit pisariaqar­tut timik­kut, isumak­kut anersaak­kul­lu it­tut tamak­ku tamaasa miserratigin­ngik­kuk­kit, im­minut aperisariaqar­putit aap­pas­savit­taaq tamak­ku paasisimal­luar­nerai. Aap­pariin­nermi pil­luas­saguit il­lit im­mik­kut pisariaqar­titatit piin­nar­nagit aam­mat­taarli aap­pas­savit pisariaqar­titai ilisimasariaqar­patit. Soorunami kis­saatigivat aap­pat aam­ma pil­luas­sasoq. Arlaat pil­luan­ngip­pat, taava tamarmik pil­luarun­naas­sap­put.

14. Aap­pariit ilar­pas­suisa suut im­min­nut naleq­qutin­ngis­sutigaat?

¹⁴ Aap­pariit amerlasuut pil­luan­ngil­lat avis­simal­lutil­luun­niit im­min­nut naleq­qutin­ngin­ner­tik pis­sutigalugu. Im­min­nut naleq­qun­neq aap­pariin­nermi pingaar­torujus­suuvoq. Inuit marluk suleqatigiit im­min­nut naleq­qutin­ngik­kunik, ingerlal­luar­navian­ngil­lat. Taman­na Mosesip inatsisaani aalajangik­kamut naak­kin­nit­tumut eq­qaanar­poq: tas­sani uumasut marluk as­sigiin­ngitsumik nakuus­susil­lit uniaqatigiis­seq­qusaan­ngil­lat, taman­na uumasunut ajoqutaas­sam­mat. (5 Môrsase 22:10) Taamaap­por­taaq angut ar­narlu im­min­nut naleq­qutin­ngitsut aap­pariin­nermi suleqatigiin­niar­pata. Aap­pariit tamarmik im­mik­kut as­sigiin­ngitsunik soqutigisaqar­pata, tamarmik im­mik­kut as­sigiin­ngitsunik pis­susilin­nik ikin­nguteqarumap­pata, tamarmik im­mik­kut aliik­kusersuutinik as­sigiin­ngitsunik nuan­narisaqar­pata, as­sigiin­nil­lu soqutigisaqaqatigiin­neq ajungajap­pata, aap­pariin­nerat ar­torsaatis­sin­neqangaas­saaq.

15, 16. Aap­pas­siariit suut oqaloqatigiis­sutigisariaqar­paat, qanorlu ilil­lutik?

¹⁵ ’Isumalior­nerit unioq­qut­tar­put isumalioqatigiis­sutigineqan­ngik­kaangamik,’ Bibelimi al­las­simavoq. (ús­satit 15:22) Aap­pas­sal­lu qanoq iliuusis­sanik aaq­qis­suinis­sarsi oqaloqatigiis­sutigisimavisiuk? Uiusup sulif­fia aap­pariin­nermut qanoq sun­niuteqas­sava? Sulif­fiata sumiif­fia sumi najugaqar­nis­sas­sin­nut aningaasal­lu qanoq an­ner­tutigisut  inuuniar­nis­sin­ni atus­sanerisi aalajangiisuus­saaq. Arlarsi aningaasanut tun­ngasunik nak­kutigin­nit­tuus­sava? Nuliaq sulisariaqas­sava, sulinis­saalu kis­saatiginar­pa? Eq­qarlisi, pingaar­tumik sakisi, qanoq qanitsigisumik atas­suteqarfigiumavisigik? Tamas­si im­mik­kut atoqatigiin­neq, meeq­qat meeq­qanil­lu perorsaaneq qanoq isumaqarfigaasigik? Arlarsi aap­parminut naalagaaniar­tuua, imaluun­niit aap­pariin­nis­sin­ni paaseqatigiin­neq soqutigeqatigiin­nerlu malun­nar­nerus­sava?

¹⁶ Apeq­qutit tamak­ku al­lal­lu eq­qis­sisimal­lusi tun­ngaveqarluar­tumil­lu oqaloqatigiis­sutigisin­naavisigik, tamas­silu marluul­lusi iluarisas­sin­nut aalajangersin­naavisigik? Ajor­nar­torsiutit marluul­lusi peqatigiil­lusi atorsin­naavisigik anigor­niarlugil­lu, tamatigul­lu kisin­nasi oqaloqatigiil­luarsin­naasar­pisi? Taamaap­pat aatsaat aap­pariin­nis­sin­ni pil­luas­saasi.

17-19. Suna pil­lugu ilaqutariin­ni tunulequtarisat aap­pariit im­min­nut naleq­qun­neran­nut sun­niuteqar­tar­pat?

¹⁷ Inuit marluk as­sigiingajat­tumik tunulequtal­lit im­min­nut naleq­qun­nerusar­put. Atuak­kami Aid to Bible Understanding-imi, qup­per­neq 1114-imi, Bibelip pilerfiata nalaani aap­pariin­neq imaat­tumik al­laatigineqar­poq:

„Angutip eq­qarlimi imaluun­niit naggueqatigisami akor­nan­ni nuliarsar­nis­saa ileq­quun­nguatsiar­poq. Tun­ngaviatigut periaaseq taman­na takutin­neqar­poq Labanip Jakobimut oqaasianit: ’Paniga tun­nius­sal­lugu il­lit iluarineruak­kit angum­mit al­lamit.’ (1 Môrs. 29:19) Pingaar­tumik Jehovamik pal­lorfigin­nit­tut akor­nan­ni taman­na ileq­quuvoq, soorlu Abraham eq­qarliminut nunagisaminiit­tunut aal­lar­titsisoq er­nerminut Isakimut nulias­sarsioq­qusil­luni, Kana’anik­kut paniinik, nunaq­qatigisaminik, pin­nani. (1 Môrs. 24:3, 4)“

¹⁸ Soorunami tas­sa imaan­ngilaq ul­lumik­kut pitsaanerusoq eq­qarlimik qanigisamik aap­panin­nis­saq, meerar­taas­sagaluarunik kinguaariit kingor­nut­tagaan­nik ajoquteqarsin­naam­mat iloqiaanis­saal­lu aarleq­qutiginar­nerum­mat.  Inuul­li ilaqut­tamini tunulequtarisai sunik pingaar­nerutitaqar­nis­saanut sunil­lu eriagisaqar­nis­saanut aalajangiisuusar­put. Meeraanermini inuusut­tuunerminilu inuup ileq­qui misigis­susiilu ilaqutaani pis­sutsinit sun­ner­neqar­tar­put. Inuit marluk tamarmik as­sigiingajat­tumik tunulequtaqarsimagunik inooqatigiin­nermin­ni pil­luar­nerus­sap­put, soorlulusooq ’is­sumi ataatsimi naal­luarsin­naasut’. Taamaak­kaluar­torli, inuit as­sigiin­ngitsunik tunulequtal­lit as­sigiin­ngitsunil­lu nagguil­lit aap­pariin­nermin­ni naleq­qut­tun­ngorsarsin­naap­put, ingam­mik tamarmik misigis­sutsik­kut inersimal­luar­tuugunik.

¹⁹ Soorunami iluaqutaas­saaq aap­pas­savit ilaqutai katin­ngin­nis­sin­ni ilisarisimalersin­naaguk­kit. Malugiut­taarli aap­pas­savit angajoq­qaani qatan­ngutinilu qanoq iliorfigisarai. Inuit utoq­qaanerusut qanoq pisar­pai, meeq­qal­lu qanoq peqatigisar­pai?

20, 21. Aap­pas­siamik qinersinermi inuup kuk­kuneri amigaataalu qanoq isumaqarfigineqas­sap­pat?

²⁰ Qanorluun­niit tamak­kunun­nga piareersimatigigaluaruit, una eq­qaamasariaqar­pat: Inuit marluk im­min­nut naleq­qul­luar­tun­ngorsin­naan­ngisaan­narmata. Tamarmik kuk­kuneqas­sap­put amigaateqas­sal­lutil­lu. Ilaat katin­ngin­nermin­ni paasilis­savaat; ilaal­li katereerlutik aatsaat paasilis­savaat. Taava?

²¹ Inuup kuk­kunerisa amigaataasalu aap­pariin­neq aseror­neq ajor­paat, aap­pal­li tamak­kunun­nga qanoq isumaqar­nerata. Paasiviuk pis­susii ajun­ngitsut amigaataalu naligiit­tut, imaluun­niit kuk­kunerin­nai isiginiar­tar­pigit taak­kuin­naal­lu oqaluuseriuaan­narlugit? Kamagineqar­nis­samik pisariaqar­titsinerit misiutiginagu aam­mat­taaq il­lit kamagin­nin­nermik aap­pat ersersitsivigisar­piuk? Apustili Peter oqar­poq ’asan­nin­nerup ajor­ter­pas­suit matoor­tarai’. (1 Pîtruse 4:8) Aap­par­taariumasat asan­nin­nermik taama it­tumik asaviuk? Taamaan­ngip­pat, pitsaanerus­saaq inuk taan­na aap­par­taarin­ngik­kuk­ku.

 ’ALLANNGORTIS­SINNAAVARA’

22-24. Suna pil­lugu silatusaar­nerun­ngila inuk aap­parilis­sal­lugu oqaan­nar­pat ileq­quni al­lan­ngor­tik­kumaarlugit, imaluun­niit inuk taan­na al­lan­ngor­tin­niarlugu pilersaaruteqaruit?

²² Oqar­pit: ’Al­lan­ngor­tis­sin­naavara’? Kinali asan­nilerfigaajuk? Inuk taan­naasoq, imaluun­niit kis­saatigisat­tut al­lan­ngor­titas­sat? Im­minut al­lan­ngor­tin­niar­neq ar­tor­nar­tar­poq, al­lanil­lu al­lan­ngor­titsiniar­neq suli ar­tor­nar­nerul­luni. Ajoqersuutil­li ilumoor­tut kil­lin­nangaar­tut Guutip oqaasianiit­tut kil­lin­neqaatigalugit inuk im­minut al­lan­ngor­tis­sin­naavoq. Inuup ’inutoqaq sior­nagut angalaaserisani iperarsin­naavaa’, nutaan­ngor­tis­sin­naal­lunilu anersaak­kut isumamigut. (Evfisumiut 4:22, 23) Aap­pas­sal­li neriorsuip­pat il­lit pil­lutit tas­san­ngaan­naq al­lan­ngor­tik­kumaarluni, mianersuutigiuk! Ileq­qupiluit soraarun­neqarsinnaagaluar­put imaluun­niit sak­kukil­lisin­neqarsin­naal­lutik, tamatumun­ngali pif­fis­saq sivisooq, al­laat ukiut arlal­lit, ator­neqarsin­naap­put. Arajutsis­san­ngilar­put­taaq pis­sutsit ilaat inun­nguuserigatsigik avatangiisit­talu aalajangersimasumik pis­susilersorsimam­matigut, tamak­kunuunalu tamat­ta im­mik­kut it­tuus­suseqalersimavugut inun­nit al­lanit al­laas­sutigisatsin­nik. Asan­nin­neq ilumoor­toq kil­lin­neqaatigalugu ikioqatigiik­kumas­saagut pitsan­ngorsar­niarluta san­ngiis­sutil­lu ilaat ajugaaf­figinias­sal­lugit, asan­nin­nermil­li aap­par­put pin­ngitsaalinias­san­ngilar­put nutaamik inun­nguuserin­ngisaanil­lu, pis­susivianut akerliul­luin­nar­tumik, pis­susilersor­nias­sal­lugu.

²³ Inuit ilaat inum­mik aalajangersimasumik nuan­naar­torisaqar­tar­put, ajuutigisar­tak­katil­lu kik­kul­luun­niit nuan­naar­torisamit­tut taas­sumatut pis­suseqar­tun­ngor­tin­niar­tarlugit. Soorunami kialuun­niit takorluugaq piviusuun­ngitsoq as­sigisin­naan­ngilaa, ajuutigin­nit­tul­li takorluuk­kani aalajangiusimajuar­paa asasanilu taas­sumatut pis­suseqalersin­niarlugu. Taman­na iluatsin­ngitsooraangat pakatsisar­poq al­lamul­lu saal­luni takorluuk­kamisut pis­susilim­mik ujarler­nini nangit­tarlugu.  Inuil­li taamaat­tut ujagar­tik nanineq ajor­paat. Inuk piun­ngitsoq eq­qarsaataan­narmin­niit­toq ujar­paat. Inuit taamatut eq­qarsar­tar­tut aap­paal­lualer­navian­ngil­lat.

²⁴ Im­maqa aam­ma il­lit takorloor­tarsimavat uis­sat nulias­sal­luun­niit qanoq it­tuus­sanersoq. Tamangajat­ta taamatut kis­saateqarsimavugut; ingam­mik inuusut­tuaraanitsin­ni. Misigis­sutsik­kul­li ineril­luariar­tor­til­luta paasilersar­par­put eq­qarsaataan­nak­kut takorluuk­kat taamaat­tut piviusunut atas­suteqan­ngin­namik taamaatit­tariaqar­tut. Aap­pariin­nermi piviusut pingaaqaat, im­minut sal­loqit­tar­nik­kut takorluugaan­naan­ngitsut.

25. Asan­nin­niviup asan­nilersoor­nerul­lu suna as­sigiin­ngis­sutigaat?

²⁵ Asan­nin­neq ilumoor­toq tap­piil­lisitsisarin­ngilaq, naak akerlianik taamatut oqar­toqar­taraluar­toq. Ilumoor­poq asan­nin­nerup kuk­kuner­pas­suit matoor­tarai, asan­nin­nerul­li ilumoor­tup kuk­kunerit isigin­ngitsuusaar­neq ajor­pai. Asan­nin­neq ilumoor­toq pin­nani kisian­ni asan­nilersoor­neq tap­piil­lisitsisar­poq, ajor­nar­torsiutis­sat inuit al­lat siumut takusin­naasaat asan­nilersoor­tup takujumaneq ajormagit. Al­laat nam­mineq qularutigisani eq­qis­siviil­liuutaajuar­tut naqisimaniar­tar­pai; qularis­san­ngilal­li qularutigisai kingusin­nerusuk­kut tak­kuteq­qik­kumaar­tut! Aap­pas­siariin­nis­sin­ni nuan­nin­ngitsut isigin­ngitsuusaaraluaruk­kil­luun­niit qular­nan­ngivis­sumik katereerus­si tak­kuteq­qis­sap­put. Kimul­luun­niit iluaritik­kumagaangat­ta malugitik­kumagaangat­taluun­niit sapin­ngisatsin­nik ileq­qoris­saar­tar­pugut pis­suseris­saar­tarlutalu, pis­susivip­pul­li tamarmi tak­kuk­kiar­tuaarumaar­poq. Kina aap­parilis­sal­lugu aalajanger­tin­nak sivisungaatsiar­tumik taan­na ilisariniaruk pis­susivii paasiniarlugit, il­lil­lu pis­susivitit ilumoorlutit takutik­kit. Apustilip oqaaq­qis­saarutaa Korintumiunut agdlagkat sujugdlît 14:20-mi al­las­simasoq aap­pas­sarsior­nermis­saaq ator­tuusin­naavoq: ’Merler­tun­ngor­naveeritsi, silaqarsutsis­sigul­li inersimasun­ngoritsi.’

 AAQQISSUUSSAANEQ UNIOQQUTIN­NEQAR­TUS­SAANNGITSOQ

26. Bibeli naaper­torlugu aap­pariin­neq qanoq sivisutigisumik atasus­saava? (Rûmamiut 7:2, 3)

²⁶ Paasisariaqar­par­put aap­pariin­neq aaq­qis­suus­saanerusoq unioq­qutin­neqar­tus­saan­ngitsoq. Aap­pariit arlaat isumaqan­ngip­pat aap­parminut neriorsuutini naam­mas­sis­sal­lugu pin­ngitsoorani pisus­saal­luni, aap­pariin­nerat patajasumik tun­ngaveqas­saaq. Ul­lumik­kut nunat ilar­pas­suini inuit katit­tar­put er­niin­narlu avit­tarlutik. Tamatuma pis­sutigisar­paa inuit aap­pariilersut neriorsuuter­tik ileq­qus­sat tun­ngavigalugit unioq­qutin­neqar­tus­saan­ngitsutut isigin­ngim­mas­suk, isumaqarlutil­lu aap­pariin­ner­tik ’ingerlal­luan­ngip­pat, aviin­narsin­naal­lutik’. Taamatut isumaqar­toqar­pat aap­pariin­neq aal­laq­qaataanin­ngaan­niil­li al­laat iluatsin­ngitsoor­tus­satut isigineqas­saaq, pil­luar­nermil­lu kinguneqar­nani aliasuutaan­naas­sal­luni. Akerlianil­li Bibelimi takutin­neqar­poq aap­pariin­neq inuuneq naal­lugu atasus­saasoq. Aap­pariit siul­liit pil­lugit Guuti oqar­poq taak­ku marluk ’uinius­sasut ataaseq’. (1 Môrsase 2:18, 23, 24) Aap­pariit saniatigooqar­tus­saan­ngil­lat. Guutip er­nerata taman­na aalajangersar­paa oqarluni: ’Marluujun­naarlutik uiniup­put ataaseq. Taamaat­tumik Guutip katititai inuup avis­saar­tis­san­ngilai.’ Kinguaas­siuutitigut ilumuun­ngin­neq aap­pariit avin­nis­saan­nut patsisis­satuaavoq eq­qor­toq. — Matîuse 19:3-9.

27-29. (a) Katis­samaak­kami pis­susii suut ar­nap maluginiar­tariaqar­pai? (b) Katis­samaak­kami pis­susii suut angutip maluginiar­tariaqar­pai?

²⁷ Aap­pariin­neq ataq­qinar­tuum­mat ar­nap aap­pariin­nermi pil­luarusut­tup aap­parilerumas­savaa angut ataq­qisin­naasani — angut tutsuiginar­toq isum­mamigul­lu aalajaatsoq, siuneqas­suseqarluar­toq, akisus­saas­sutsiminik eq­qor­titsisin­naasoq imalu inersimal­luar­tigisoq iluaqutaasumik isor­nar­torsior­neqar­nerminik narraatigin­nin­neq ajor­toq. Im­minut apereriarit: Pilersuisuul­luarsin­naas­sava, meeraqas­sagut­talu ataataal­luas­sava? Ileq­qus­sanik najoq­qutas­siat eriaginar­tut pingaar­tingaar­ner­pai  tamas­si marluul­lusi aalajangerluin­naq­qul­lusi aap­pariin­neq ataq­qinar­tis­sal­lugu aap­pariil­lu in­narfiat mingutsin­naviis­sal­lugu? Makitanaveersaar­pa an­neruniajuil­lunilu? Imaluun­niit pingaar­niakujut­tuua nam­miniin­narlu isum­maminik atuiumal­luni, aalajangiisus­saas­sutsiminik usorsisimaarutigin­nip­pal­laarluni? Isumaqar­tar­pa tamatigorluin­naq eq­qor­tumik oqar­tarluni pineqar­tul­lu oqaloqatigiis­sutigiumaneq ajorlugit? Aap­par­taaritin­nagu sivisungaatsiar­tumik ilagisaruk­ku tamak­ku paasilersin­naas­savatit, ingam­mik Bibelimi najoq­qutas­siarineqar­tut naliliiniar­nin­ni tun­ngavigiguk­kit.

²⁸ Taamatut­taaq angut aap­pariin­nermi pil­luar­nermik pingaar­titsisoq ar­namik nam­mineq uinimisut asasin­naasaminik nuliarumas­saaq. Angerlarsimaf­fim­min­nik pilersitsiniar­nermi suleqataal­luar­tutut ikior­tigis­savaa. (1 Môrsase 2:18) Il­lumi ningiuul­luar­neq sulias­saavoq ilungersor­naqisoq as­sigiin­ngitsor­pas­suar­nik pisus­saas­suseqarfiusoq. Il­lumi ningiuusoq igasutut, pin­nersaasar­tutut, aningaasanik nak­kutil­liisutut, anaanaasutut, ilin­niar­titsisutut al­lar­pas­suar­tigul­lu pik­koris­suseqar­tariaqar­poq. Sulias­samini pilersitsisin­naas­sutsi atorsin­naavaa aal­lar­niisin­naas­suseqarluar­tariaqarlunilu, periarfis­saqarluarami kinaas­sutsini ineriar­tor­tis­sal­lugu sulianilu tul­luusimaarutigis­sal­lugit. Nuliaal­luar­toq, uiul­luar­tutut, eqiasuitsuuvoq: ’Il­lumini qanoq ilisut alaper­naarsor­tar­pai, neqis­sarlu nerisaa eqiasul­luni pigiligaan­ngilaq.’ — ús­satit 31:27.

²⁹ Aap, tamarmik isigisatik eq­qarsaatigisariaqar­paat — aap­paa eq­qiluitsuunersoq peq­qis­saar­tuunersorlu taamaan­ngin­nersorluun­niit; eqiasuitsuunersoq eqiasun­nersorluun­niit; ingasaas­sinian­ngitsuunersoq in­nimisut­tuunersorlu, imaluun­niit uteriitsuunersoq im­minuin­narlu isumagisuunersoq; ileq­qaar­tuunersoq piisaapilut­tuunersorluun­niit; eq­qarsarsin­naanik­kut uum­maris­suunersoq soqutiginar­tumik anersaak­kul­lu pis­sarsif­fis­saal­luar­tumik oqaloqatigin­nis­sin­naal­luni, imaluun­niit anersaak­kut ilatsiin­nar­tuunersoq taamaalil­luni  inooqatigiin­neq as­sigiipajaagin­nar­tumik pis­suseqas­sal­luni ul­lormut pisariaqar­tuin­nar­nut sam­mil­luni.

30, 31. Suna pil­lugu aap­pas­siariin­nerup nalaani kan­ngunar­tulior­neq aap­pariin­nermi pil­luar­nis­samut akor­nutaasin­naava?

³⁰ Aap­pariit ataq­qeqatigiil­luarunik aatsaat aap­pariin­nermin­ni pil­luarsin­naap­put. Aam­mat­taaq aap­pas­siariin­nermin­ni misigis­sutsimin­nik nit­taagaangamik ataq­qeqatigiit­tariaqar­put. Aap­pas­siariit im­min­nut qanin­niar­pal­laarunik imaluun­niit im­min­nut il­ligus­suser­tik kil­lilersorsin­naan­ngik­kunik­ku aap­pas­siariin­nerata kusanaal­lis­sutigisin­naavaa. Kinguaas­siuutitigut kan­ngunar­tulior­neq aap­pariin­nis­samut tun­ngavis­saal­luan­ngilaq. Ileq­qorlun­nermigut inuk nalunaar­poq nam­minis­sarsiorluni aap­pami pil­luar­nis­saa soqutigin­ngik­kini. Il­ligutsangaar­neq mas­sak­kut unioq­qutin­neqarsin­naan­ngitsumik ataqatigiis­sutis­satut ik­kaluar­toq er­niin­naq nil­loriar­torsin­naas­saaq, sapaatil­lu akun­neri arlaqan­ngitsun­nguit ul­lualun­nguil­luun­niit ingerlanerin­naan­ni aap­pariin­neq ingerlanerliulersin­naas­saaq aserorsin­naal­lunilu. — Naleq­qiuguk Amnonip Tamarimut il­ligutsangaar­nera pil­lugu oqalut­tuaq Sâmualip agdlagaisa áipait 13:1-19-imi al­las­simasoq.

³¹ Aap­pas­siariin­nermi il­ligutsan­ner­tus­suseqangaarluni ilior­toq qulalersitsisin­naavoq, kingor­nagul­lu aap­paata eq­qarsaatigilersin­naas­savaa sunar­piaq pis­sutigalugu katik­kusun­nersoq. Kis­saatigiin­nar­ner­paa il­ligus­sutsini naam­mas­siniaan­narlugu, imaluun­niit kis­saatiginer­paa inuup pingaar­tingaak­kami inut­tul­lu pis­susii pis­sutigalugit asangaak­kami inooqatiginis­saa? Katin­ngin­nermi im­minut naalak­kersorsin­naan­ngitsoq katin­nerup kingor­nagut­taaq im­minut naalak­kersorsin­naanavian­ngilaq, taamaat­tumil­lu al­lasior­nermik kinguneqar­titsisin­naal­luni. (Galâsiamiut 5:22, 23) Aap­pas­siariin­nerup nalaani inuunerlus­simanermik nuan­nin­ngitsumik eq­qaamasaqar­neq aap­pariin­nerup aal­laq­qaataani misigis­sutsitigut aaq­qiagiis­sumik sungius­siniar­nis­samut akor­nutaasin­naavoq.

32. Aap­pas­siariin­nerup nalaani kan­ngunar­tulior­nerup inuup Guutimut at­taveqar­nera qanoq ajoqusersin­naavaa?

 ³² Unali eq­qarsaatigisariaqar­neruvoq: Inuunerlun­nerup Pin­ngor­titsisitsin­nut at­taveqar­ner­put ajoquser­tar­paa, taas­sumalu ikiuinis­saa pin­ngitsoorsin­naan­ngilar­put. ’Tas­saam­mat Guutip peq­qusaa iluarsis­sutis­sarsi, uersaaneq [kan­ngunar­tulior­neq] nigus­sagis­si; ilas­si kialuun­niit qatan­ngun­ni suk­kut peq­qusersiorfigalugu in­narlis­san­ngik­kaa. Taamaam­mat narrugin­nit­tup inuit pin­nagit Guuti narrugaa; taas­suma anersaani il­ler­nar­toq ilis­sin­nut tun­niup­paa.’ — 1 Tásalûníkamiut 4:3-8.

TUNNGAVIK QAARSUTUT ITTOQ

33, 34. Aap­pas­sarsior­nermi pis­sutsit timik­kut qanoq isik­koqar­nermit pingaar­neroqisut suut Bibelimi takutin­neqar­pat?

³³ Inoqutigiit, ilaqutariit, ilis­si qaarsumi sioq­qaniluun­niit tun­ngaveqas­savisi? Aap­pas­sarsior­nin­ni qanoq atsigisumik silatusaar­nis­sat tamatumun­nga ilaatigut aalajangiisuus­saaq. Pin­nersuseq atoqatigiin­nerlu naam­man­ngil­lat. Tamak­ku eq­qarsar­taatsimut anersaamul­lu tun­ngasunut naleq­qiul­lugit pingaaruteqan­ngin­neroqaat. Un­nersuus­sutit Guutip oqaasianiit­tut tas­saap­put aap­pariin­nermut qaarsutut it­tumik tun­ngaviliisus­sat.

³⁴ Bibelimi takutin­neqar­poq inuup ilorlik­kut pis­susia qal­lik­kut isik­kuanit pingaar­nerusoq. ’Alianaas­sut sal­lutaasar­poq, inugin­nerlu piun­ngilaq,’ isumas­sarsiarititaasumik us­sateqar­poq, ’ar­naq Jehovamik mianerin­nit­toq tas­sa nersor­tariaqar­toq.’ (ús­satit 31:30) Apustili Peter, nam­mineq nulialiusoq, oqar­poq ’inuk iser­tugaq uum­matip pia anersaal­lu piuaatsup sal­laatsup pia Guutimut erlin­naqisoq’. (1 Pîtruse 3:4) Inuup qaagin­naa Guutip isigineq ajor­paa, uagul­lu taas­suma maligas­siaa iluaqutigisin­naavar­put aap­pas­sarisin­naasat­ta qal­lik­kut isik­kuanit sun­ner­tip­pal­laar­naveersaarluta. — 1 Sâmuale 16:7.

35, 36. (a) Suna pil­lugu pisariaqar­pa inuk Guutimut up­per­toq oqaasianil­lu up­perfigin­nit­toq aap­parilis­sal­lugu? (b) Aap­pas­siavit up­per­neq taamaat­toq qanoq an­ner­tutigisumik nit­tas­sagaa kis­saatigis­saviuk?

³⁵ Kun­ngip silatuup Salomonip inuuneq eq­qarsaatigeq­qis­saar­paa  isumaliuul­lu una inaarutigalugu: „Guuti ilumoor­toq mianeriuk inas­sutaalu maleruarlugit. Tas­saam­mat inuup naam­mas­siniagas­saa tamarmi.“ (akugdlîs­sup oĸausê 12:13, NV) Israelik­kut, angerutsik­kut Guutip inatsisaanik maleruaasus­saasut, peq­qis­saar­tumik inan­neqar­put guutisioqatigin­ngisatik aap­par­taareq­qunagit, Guutimit ilumoor­tumit nigor­tin­neqaqinagamik. ’Ningaas­siuteqatigis­san­ngilatit; paniit tun­nius­san­ngilat taak­kua ilaata er­neranut, ilaata panialuun­niit nulis­siutis­san­ngilat er­ner­nut; er­nerit uan­nit Jehovamit nigor­tik­kumaarmagu, guutit al­lat kif­far­torfigeq­qul­lugit.’ — 5 Môrsase 7:3, 4.

³⁶ Pis­sutit tamatumun­nga as­singusut pis­sutigalugit Guutip angerusiani nutaami angerfigin­neqataasut, tas­sa kristumiut ilagiis­saan­niit­tut, oqaaq­qis­saar­neqar­put taamaal­laat ’Naalak­kami’ kateq­qul­lugit. (Jerimia 31:31-33; 1 Korintumiut 7:39) Oqaaq­qis­saarineq taman­na up­perisarsior­nik­kut ingasat­tumik uungaan­naq isiginerun­ngilaq, ilisimatunermil­li asan­nin­nermil­lu oqaaq­qis­saarinerul­luni. Aap­pariit tamarmik Pin­ngor­titsisumut tun­niul­luin­narsimanermik­kut ataqatigiin­neran­nik sak­kor­tunerusumik pis­satsitsisoqarsin­naan­ngilaq. Inuk Guutimut up­per­toq oqaasianil­lu up­perin­nit­toq Guutil­lu oqaasianik ilit­tut paasin­nit­toq katik­kuk­ku, siun­nersor­neqarusuk­kaangas­si tamas­si tatigisas­sin­nik naalagas­saqas­saasi. Im­maqa taman­na pingaar­tin­ngilat, ’tam­mar­naveeril­li; ajor­tut ikin­ngutigalugit ileq­qut ajun­ngitsut aseror­tar­put’. (1 Korintumiut 15:33) Ilagiin­ni kristumiuni al­laat silatusaar­neruvoq paasiniaq­qaas­sal­lugu inuk aap­parilerumasat uum­mam­migut iluun­ngarluni Guutimik kif­far­tuus­sisuunersoq, imaan­ngitsorlu kristumius­sutsip kil­lingani inuuniar­toq silamiul­lu isumaan­nik ileq­quinil­lu isumaqaq­qajaasar­toq. Guuti saqeqatigis­sal­lugu silarsuul­lu inui ingerlaqatigis­sal­lugit ataatsik­kut ajor­naqaaq. — Jâko 4:4.

37, 38. (a) Suna pil­lugu pis­siar­taar­nis­saq aap­panin­nerluun­niit tuaviuut­tariaqan­ngil­lat? (b) Aap­panik­kusut­tut kik­kut un­nersuus­sutaat maleruar­patigik pitsaanerus­sava?

³⁷ ’Kinami ilarsi qaqif­filiorumaguni,’ Jesus aperivoq,  ’ingik­kal­las­san­ngin­ner­pa akis­saa naatsorsorlugu, iner­nis­saanut ator­tus­sat piginerini? Tun­ngavilersimal­lugu iner­neq ajuleqinagamiuk.’ (Lúkarse 14:28, 29) Taamaap­por­taaq aap­pariin­neq eq­qarsaatigalugu. Guutip aap­pariin­neq ataqatigiin­ner­tut inuuneq naal­lugu atasus­saasutut isigim­magu, aap­pas­sarsior­neq tuaviuut­tariaqan­ngilaq. Taman­nalu ilutigalugu piareersimasariaqar­putit aalajangersimasariaqarlutil­lu aal­lar­teriik­kavit naam­mas­sinis­saan­nut. Aap­pas­sarsior­neq qarsupit­tumik pineqas­san­ngilaq, asuleer­ner­tut pineqas­sanani. Inuit al­lat misigis­susiinik pin­nguar­neq naak­kit­taatsulior­neruvoq. Taamaalior­neqar­neq ajual­lan­nangaar­poq sivisuumil­lu aliasun­nangaarluni. — ús­satit 10:23; 13:12.

³⁸ Inuusut­tut aap­panik­kumasut isumatusaas­sap­put, utoq­qaanerusut, ingam­mik sior­natigut inuusut­tut iluaqutis­saan­nik pingaar­titsinermin­nik takutitsisimasut, siun­nersuutaat tusar­naar­tarunik­kik. Tamatuma ilumuus­susia Jûpimik agdlagkat 12:12-imi erseq­qis­sar­neqar­poq: ’Utoq­qarsuar­niip­poq ilisimas­sut, inuuner­tuunilu ip­poq siuneqar­neq.’ Misilit­tagaqar­tut nipaat tusak­kit. Pingaar­tumil­lu ’Jehova isumal­luarfiguuk uum­matik­kut iluun­ngarlutit, siuneqarsutsil­lu tatiginagu; suk­kut ingerlasaraangavit ilisariniaruk, taava aq­qutigisas­satit iluar­tik­kumaar­pai’. — ús­satit 3:5, 6.

39. Inuit aap­paqar­tut Bibeli qanoq ikior­tigisin­naavaat?

³⁹ Oqaatsinik tamak­kunin­nga atuar­tut ilar­pas­sui katereersimas­sap­put. Naak ilaatigut tun­ngavilioreersimagaluar­tusi, Bibeli ikior­tigalugu arlaatigut pisariaqar­tunik al­lan­ngor­titsiniarsin­naas­saasi, taman­nalu nuan­nersumik kinguneqarsin­naas­saaq. Aap, aap­pariin­nersi qanoq it­tuugaluar­pal­luun­niit, pitsan­ngorsarsin­naavarsi Pin­ngor­titsisup ilaqutariit pil­luar­tumik inooqatigiin­nis­saan­nut un­nersuus­sutai eq­qarsaatigeq­qis­saar­tarus­sigik maleruarus­sigil­lu.

[Atuaqqissaarnermi apeqqutit]

[Qupp. 14-imi asseq]

Ul­luni ajor­nar­torsiuteqarfiusuni aap­pariin­nersi ataan­narsin­naas­sava?