Kapiteli 11

Ammasumik attaveqatigiittaritsi

1, 2. At­taveqatigiin­niar­neq sunaava, sunalu pil­lugu pingaaruteqar­pa?

AT­TAVEQATIGIIN­NIAR­NEQ oqaloqatigiin­nerin­naan­ngilaq. Soorlu apustili Paulusip nas­suiaraa: Tusar­naar­tup oqaatsisi paasin­ngip­pagit, ’taava silaan­narmut oqalut­tuus­sagaluar­pusi’. (1 Korintumiut 14:9) Qitor­navit il­lit oqaatsitit paasil­luar­tar­paat, qitor­navil­lu ilin­nut oqaaseriniagaat paasil­luar­tar­pigit?

² At­taveqatigiil­luar­neq eq­qarsaatinik, isum­manik misigis­sutsinil­lu tigooraateqatigiif­fiuvoq. Asan­nin­neq ilaqutariit pil­luarlutik inooqatigiin­nerata uum­mataatut taaneqarsin­naap­pat, taava at­taveqatigiil­luar­neq aavatut inuus­sutaasutut taaneqarsin­naas­saaq. Aap­pariit at­taveqatigiil­luarun­naar­nerat ajor­nar­torsiutinik nas­sataqar­tar­poq; angajoq­qaal­li qitor­naasalu at­taveqatigiil­luarun­naar­nerat taamatut is­sin­naavoq, aap, im­maqa suli ingasan­nerusumik.

PISUSSAT PIAREERSIMAF­FIGISARSIGIK

3. Meeq­qap inuunerata ukiuini sorler­ni angajoq­qaat qitor­natil­lu at­taveqatigiin­niar­nermin­ni ajor­nar­torsiuteqaler­nis­saq ilimagis­savaat?

³ Angajoq­qaat qitor­naasalu at­taveqatigiin­nerat meeq­qat ukiuini siul­ler­ni sak­kor­tuner­paamik ar­torsaatis­sin­neqar­neq ajor­poq, kisian­ni qitor­nat inersimaliler­neran­ni — inuusut­tuaraan­ngor­neran­ni — pisarluni. Angajoq­qaat taamaan­nis­saa piareersimaf­figisariaqar­paat. Piviusorsior­palun­nerun­ngilaq isumaqas­sal­luni meeq­qap ukiui siul­liit ajor­nar­torsiuteqar­pal­laarfiun­ngim­mata, inersimaliler­nerani taamatut­taaq is­sasoq. Al­latut ajor­nar­tumik  ajor­nar­torsiuteqalerumaar­poq, at­taveqatigiil­luaraan­nili aaq­qiis­sutis­saal­luarsin­naavoq imaluun­niit sak­kukil­liis­sutis­saasin­naal­luni. Taamaat­toq paasil­lugu angajoq­qaat piumaar­tus­sanik piareersimaf­figin­nin­nis­saat, ’qanoq ilisup naggataa pileq­qaataanit ajun­ngin­nerusarmat’. — akugdlîs­sup oĸausê 7:8.

4. Ilaqutariit at­taveqatigiin­niar­nerat oqaloqatigiin­nerin­naas­sava? Nas­suiaruk.

⁴ Ilaqutariit at­taveqatigiil­luar­nis­saat pilersin­nias­sal­lugu, ineriar­tor­tin­nias­sal­lugu atatin­nias­sal­lugulu sor­pas­suit ator­tariaqar­put. Ukiut ingerlanerisigut aap­pariit ima ititigisumik tatigeqatigiik­kiar­torsin­naap­put, misigeqatigiik­kiar­torsin­naal­lutik paaseqatigiik­kiar­torsin­naal­lutil­lu oqaatsit atun­ngik­kaluarlugit at­taveqatigiis­sin­naal­lutik — isiginerup, qungujun­nerup at­tulaar­neqar­nerul­luun­niit oqaaser­pas­suit taarsersin­naam­matigik. Qitor­natil­lu at­taveqatigiil­luar­nis­samut taama pitsaatigisumik tun­ngavilior­niar­tariaqar­put. Naalungiarsuup oqaatsinik paasin­nis­sin­naan­ngik­kal­lar­nerani al­laat at­taveqatigiin­neqalersin­naavoq, meeq­qam­mi toq­qis­sisimaneq asan­nin­nerlu malugisarmagit. Meeq­qat al­liar­tor­neran­ni ilaqutariit sulisar­neq pin­nguar­nerlu, pingaar­ner­paamil­lu Guutimik pal­lorfigin­nin­neq, peqatigiik­kunik­kik, at­taveqatigiil­luar­nerat sak­kor­tusiar­tuin­nas­saaq. At­taveqatigiin­nermil­li atatitsis­sagaan­ni ilungersungaar­neq ilisimas­suseqarluar­nerlu pisariaqarluin­nar­put.

QITORNATIT ISUMMAMINNIK ANNISSINISSAANNIK KAJUMISSAARTAKKIT

5-7. (a) Suna pil­lugu angajoq­qaat mianersus­sap­pat qitor­namik oqaasii kipitiin­narlugit oqarfiginis­saanut? (b) Angajoq­qaat qanoq ilil­lutik qitor­natik pis­suseris­saar­nis­saan­nik ilin­niar­tis­sin­naavaat?

⁵ Imaat­tumik us­satitoqaqar­poq: „Meeq­qat takusas­saap­put tusagas­saanatil­li.“ Taman­na ilaatigut ilumoor­poq. Meeq­qat ilin­niar­tariaqar­paat, soorlu Guutip oqaasiani al­las­simasoq, ’nipangerfis­saqar­tar­toq oqarfis­saqar­tarlunilu’. (akugdlîs­sup oĸausê 3:7) Meeq­qal­li sam­mineqarusut­tar­put, angajoq­qaal­lu mianersor­tariaqar­put qitor­natik  isum­mamin­nik an­nis­siumagaangata pisariaqan­ngitsumik nangar­tor­tas­san­ngin­namik­kik. Ilimagis­san­ngilat meeq­qap misigisani inersimasutut misigisas­sagai. Inersimasup pisimasut ataasiak­kaat inuunerup pisimasor­pas­suisa ilaan­naatut isigisar­pai. Meerarli soqutigisaminik takusaqaruni ima qiim­matsatsigisin­naavoq al­laat avatangiisini tamangajaasa puiorlugit. Meeran­nguaq inimut iseriasaarsin­naavoq angor­nior­torujus­suul­lunilu ataatani anaananiluun­niit arlaan­nik oqalut­tuutilerlugu. Meeraq suusupagalugu paamitsaal­lugulu oqarfigigaan­ni: „Nipangerit!“ al­lamil­luun­niit kamal­luni oqarfigigaan­ni, meeq­qap angor­nior­nera aseror­neqas­saaq. Meeq­qap meerar­palut­tumik oqalun­nera soqutiginan­ngitsutut is­sin­naagaluar­poq. Maan­nak­kul­li qitor­natit isum­mamin­nik an­nis­sinis­saan­nik kajumis­saar­taruk­kit taava kingor­na arlaan­nik ilin­nut iser­tuus­siler­nis­saat aam­malu paaserusutan­nik paasisariaqarluin­nak­kan­nil­lu oqaatiginaveersaarinis­saat pin­ngitsoor­tis­sin­naavat.

⁶ Pis­suseris­saar­neq at­taveqatigiil­luar­nis­samut al­lis­sutaasar­poq. Meeq­qat pis­suseris­saar­neq ilin­niar­tariaqar­paat, qitor­natil­lu oqaloqatigigaangamik­kik al­latigut­taaq angajoq­qaat qitor­namin­nut maligas­siuisariaqar­tar­put. Ilaatigut meeq­qat soorunami ilitsersor­neqar­tariaqar­tas­sap­put, pisariaqaraangat sukan­nersumik al­laat. (ús­satit 3:11, 12; 15:31, 32; Títuse 1:13) Meeq­qal­li oqalutsil­lutik oqarfigipiloor­neqarlutik nipangersin­neqar­tarunik, isor­nar­torsior­neqar­taan­narunik, imaluun­niit, ajor­nerusumik, nikanarsar­neqar­taan­narunik il­laruaatigisas­san­ngor­tin­neqar­tarunil­lu, ilimanar­poq matoq­qasun­ngus­sasut — imaluun­niit oqaasis­saqaleraangamik al­lat saaf­figisalis­sagaat. Meeraq al­liar­tor­til­lugu taman­na ingasatsik­kiar­tuin­nas­saaq. Atagu un­nugu eq­qis­sil­lutit ul­lup ingerlanerani er­neril­lu imaluun­niit paniil­lu oqaloqatigiin­nisi eq­qarsaatigeriak­kit, im­minul­lu aperalutit: Ul­lumi qas­seriarlunga oqaaseqar­punga qujamasun­nermik, kaam­mat­tuinermik, iluarin­nin­nermik nersualaarinermil­luun­niit ersersitsisunik? Akerlianil­lu qas­seriarlunga kajumis­sinan­ngitsumik oqaaseqar­tar­punga, nikanarsaataasumik, naam­magin­nin­ngin­nermik, puf­fan­nermik kaman­nermil­luun­niit  ersersitsisunik? Eq­qarsaativit iner­nerat im­maqa tupaal­laatigis­savat. — ús­satit 12:18.

⁷ Angajoq­qaat kamajuis­sutsimik­kut naam­magit­tas­sutsimik­kul­lu misilin­neqarajut­tar­put. Meeq­qat eq­qarsaq­qaangaar­natik periar­tar­put. Uum­mam­miorisatik an­niseriataarsin­naasar­paat, eq­qarsaatiginagu inersimasut oqaloqatigiin­nerata akor­nuser­nis­saa. Angajoq­qaap meeraq imaalial­laan­naq naveersin­naavaa. Ilaatigul­li silatusaar­nerusin­naavoq pis­suseris­saar­tumik tusar­naas­sal­lugu, tas­suuna im­minut naalak­kersorsin­naas­sutsimik maligas­siuil­luarluni, taavalu, naatsumik akeriarlugu inus­siar­nerluni meeraq eq­qaasil­lugu pis­suseris­saar­tariaqar­nermik al­lanil­lu pingaar­titsisariaqar­nermik. Taamaat­toqar­til­lugu un­nersuus­sut una ator­tuus­saaq: ’Inul­li kinaluun­niit tusarasuarluni pili oqaluk­kumaar­ner­tul­lunilu kamak­kumaar­ner­tul­lunilu.’ — Jâko 1:19.

8. Angajoq­qaat qitor­natik qanoq kajumis­saarsin­naavaat or­nit­taq­qul­lutik ajor­nar­torsiuteqaleraangamik?

⁸ Qitor­natit ajor­nar­torsioraangamik ilin­nut saaf­figin­nin­nis­saat kis­saatigis­savat. Taamaalior­tar­nis­saan­nut kaam­mat­torsin­naavatit paasitin­nerisigut il­lit­taaq siun­nersor­neqar­nis­samik, saaf­figisar­tagas­samik naalatas­san­nil­lu atorfis­saqar­titsisutit. Qitor­nani suli meeran­nguugal­larmata at­taveqatigil­lualer­niarlugit periaatsini oqaatigalugu, ataataq imaat­tumik oqaaseqar­poq:

„Un­nuit tamangajaasa in­nalerfik­kut meeq­qat qinoqatigisar­pak­ka. In­nareersimasar­put, uangalu sinif­fiup saniani seeq­qumiar­tar­punga meeq­qal­lu eqil­lugit. Uanga qinusar­punga ilaatigul­lu kingor­nagut taak­ku qinusar­put. Qaqutiguun­ngitsumik kunit­tar­paan­nga oqar­tarlutil­lu: ’Ataata, asavak­kit,’ taavalu uum­mam­miumin­nik oqalut­tuut­tarlunga. Qipim­min­ni kialaar­tumiin­ner­tik ataatamin­nil­lu at­tuumaneqar­ner­tik toq­qis­sisimas­sutigalugu ajor­nar­torsiutimin­nik nam­min­neq anigorsin­naan­ngisamin­nik ikior­neqarusun­ner­tik oqaatigisar­paat, imaluun­niit asan­nin­ner­tik ersersiin­nar­tarlugu.“

Nerinermi al­latigul­lu qinusar­nitit sungiutiin­nagaan­ngip­pata  imaqarluarlutil­li, uum­matin­nit pisar­pata Pin­ngor­titsisin­nut Ataatan­nul­lu qilam­miusumut at­taveqarluar­nin­nik malun­nar­titsip­pata, taman­na qitor­natil­lu at­taveqatigiil­luar­nis­sas­sin­nut al­lis­sutaasorujus­suusin­naavoq. — 1 Juánase 3:21; 4:17, 18.

INERSIMASUN­NGULERNERUP NALAA

9. Inuusut­tut ajor­nar­torsiutaat atorfis­saqar­titaal­lu meeq­qat min­nerusut ajor­nar­torsiutaan­nut atorfis­saqar­titaan­nul­lu naleq­qiutis­sagaan­ni qanoq oqaatigineqarsin­naap­pat?

⁹ Inersimasun­nguler­nerup nalaa al­lan­ngulerfiuvoq, ukiunimi tamak­kunani er­nerit paniil­luun­niit meeraajun­naar­poq sulili inersimasun­ngor­nani. Timaa malun­nangaar­tumik al­lan­ngoriar­tuler­poq, al­lan­ngor­neril­lu tamak­ku misigis­sutsinut sun­niuteqar­tar­put. Inuusut­tut angutitut ar­natul­luun­niit inersimasun­ngulersut meeq­qanit mikinerusunit al­laanerusunik ajor­nar­torsiuteqar­tarlutil­lu atorfis­saqar­titsisar­put. Angajoq­qaat taman­na naatsorsuutigisariaqar­paat. Paasisariaqar­paat meeq­qamut atorsin­naagaluar­toq inuusut­tuaq­qamut im­maqa atorsin­naas­san­ngitsoq. Pissutsit tunngavii ersersin­nerusariaqaler­put, iliuuseqar­nerusariaqaler­pusi, min­nerun­ngitsumik oqaloqatigiin­nerusariaqalerlusi.

10. (a) Suna pil­lugu kinguaas­sior­nermut tun­ngasunik nas­suiaatit paasiuminar­tut inersimasun­ngulersunut naam­man­ngil­lat? (b) Angajoq­qaat qitor­natik atoqatigiin­neq pil­lugu qanoq ilil­lutik oqaloqatiginialersin­naavaat?

¹⁰ Kinguaas­sior­nermut tun­ngasunik meeran­nguamut nas­suiaatit paasiuminar­tut inuusut­tuaq­qat atorfis­saqar­titaan­nut naam­man­navian­ngil­lat. Kinguaas­siuutitik maluginiar­neruler­paat, it­toor­ner­til­li pis­sutigalugu tamak­kunun­nga tun­ngasunik anaanamin­nut ataatamin­nul­luun­niit apeq­quteqan­ngitsuuin­nar­tar­put. Angajoq­qaat siul­liul­lutik iliuuseqar­nialer­tariaqar­put, kisian­nili aal­laq­qaataaniil­li meeq­qatil­lu at­taveqatigiil­luarsiman­ngik­kunik, ingam­mik kam­malaatitut suleqatiginerisigut pin­nguaqatigisar­nerisigul­lu, taamaalior­nis­saat ajor­naatsuunavian­ngilaq. Nukap­piaq­qap anisoor­taler­nini niviarsiaq­qal­lu qaam­mam­mut aaqar­taler­nini tupaal­laatigin­ngin­nerus­savaat angajoq­qaat sior­natigut piumaar­tus­samik  nas­suiaatereersimap­patik. (3 Môrsase 15:16, 17; 18:19) Ataataasup er­nini pisulooqatigitil­lugu im­minut anisoor­tin­niar­nerup oqaloqatigiis­sutiginis­saa aal­lar­nersin­naavaa, oqarluni angutit inuusut­tut amerlanerit an­nerusumik min­nerusumil­luun­niit taman­na ajor­nar­torsiutigisaraat, aperalugulu: ’Il­lim­mi?’ imaluun­niit: ’Il­lit taman­na ajor­nar­torsiutigaajuk?’ Ajor­nar­torsiutit inuusut­tuaq­qani pilersar­tut ilaat ilaqutariit oqaloqatigiin­nerini sam­mineqarsin­naasar­put, taavalu ataataasup anaanaasul­lu saq­qumisumik eq­qis­sisimasumil­lu eq­qar­torsin­naas­savaat.

INUUSUTTUAQQAT ATORFISSAQARTITAAT PAASINIAKKIT

11. Inersimasun­ngulersut inersimasunit sutigut al­laas­suteqar­pat?

¹¹ ’Ilisimas­sum­mik pisiniarit; pigisatit tamaasa akigalugit siuneqar­nermik pisiniarit.’ (ús­satit 4:7) Angajoq­qaajususi, inuusut­tut ingerlavii ilisimaniarsigik; misigis­susii paasisimaniarsigik. Ilis­si inuusut­tuugal­laras­si qanoq is­simanersi puior­naveersiuk. Eq­qaamasiul­lu inersimasut tamarmik inuusut­tuusimam­mata qanorlu it­tuunera nalun­ngim­mas­suk, inuusut­tul­li inersimasuuneq misilis­siman­ngilaat. Inuusut­tuaraq meeq­qatut iliorfigineqaq­quneq ajoraluar­poq, sulili inersimasun­ngorsiman­ngilaq inersimasutul­lu soqutigisaqan­ngik­kal­larluni. Suli pin­nguarumatuuvoq pin­nguar­nis­samul­lu pif­fis­saqar­tariaqarluni.

12. Inuusut­tuaq­qat angajoq­qaamin­nit qanoq iliorfigineqarumasar­pat?

¹² Inuunerup ukiuini taak­kunani inuusut­tuaq­qat angajoq­qaatik aalajangersimasunik piumaf­figisar­paat. Paasineqarumap­put; aatsaat taama atsigisumik inut­tut nam­mineersin­naasutut iliorfigineqarumap­put; najoq­qutas­siat siun­nersuutil­lu aalajaatsut inersimasun­nguler­nermin­nul­lu naleq­qut­tut kis­saatigaat; atorfis­saqar­tin­neqar­nermik pingaar­tin­neqar­nermil­lu misigiumaqaat.

13. Inuusut­tut angajoq­qaamik kil­liliineri qanoq isumaqarfigisin­naasar­paat, sunalu pis­sutigalugu?

¹³ Angajoq­qaat tupaal­laatigis­san­ngilaat inuusut­tut kil­lilius­sat ilaatigut as­sor­tuler­patigik. Tamatuma pis­sutigaa  inuusut­tut nam­minersorsin­naan­nguler­nerat, pis­susis­samisoor­porlu an­nerusumik nam­mineq qinersisin­naatitaajumam­mata nam­minersorsin­naatitaajumam­matalu. Naalungiarsuit saperluin­nar­tut angajoq­qaat isumagin­nit­tuaan­nar­nerat pin­ngitsoorsin­naan­ngilaat, meeran­nguit peq­qis­saar­tumik paarineqar­tariaqar­put, al­liar­tor­til­lutil­li an­ner­tunerujar­tor­tumik iliorfis­saqalersar­put, inun­nul­lu ilaqutariit avataan­niit­tunut at­taveqar­nerat an­ner­tunerujar­tus­sal­lunilu sak­kor­tunerujar­tus­saaq. Nalor­nisumik nam­minersor­nerusin­naajar­tuler­nerup tungaanut ingerlatil­luni er­neq imaluun­niit panik im­maqa ilak­kuminaal­lisin­naasar­poq. Qitor­nat iluaqutis­saat eq­qarsaatigalugu angajoq­qaat oqar­tus­saaner­tik qitor­namin­nit sumigin­nar­neqar­pat akueriin­nas­san­ngilaat. Inuusut­tul­li ilaatigut pis­sutsimik­kut ajor­nar­torsiuteqar­tar­neran­nut suna patsisaasin­naasoq eq­qarsaatigisarunik­ku, silatuumik iliuuseqarsin­naap­put qitor­namin­nul­lu at­taveqatigiil­luar­niar­neq atatis­sin­naal­lugu.

14. Inuusut­tut nam­minersor­nerulerusun­nerat pil­lugu angajoq­qaat qanoq kinguneqarluar­tus­samik iliorsin­naap­pat?

¹⁴ Er­nermik panim­mil­luun­niit nam­minersor­nerulerusun­nerat malugigunik­ku angajoq­qaat qanoq ilius­sap­pat? Nam­minersor­nerulerusun­nerup tamatuma as­sigaa ajorin­ngujuitsoq as­sam­mi ataatsimut naqigus­simasoq. Tas­san­ngaan­naq iperar­neqaruni sumul­lu tamaanga paatsiveqarani aal­las­saaq, siumut oqaatigineqarsin­naanani suup tungaanut aal­las­sanersoq. Sivisual­laar­tumik naqiguteq­qagaan­ni, tigum­misoq nukil­laas­saaq, ajorin­ngujuitsorlu noqangajun­naalis­saaq. Arriitsumil­li iperariar­toraan­ni tamatigut aqun­neqarsin­naas­saaq tul­luar­tumil­lu inis­sisin­neqarsin­naas­sal­luni.

15. Jesus angajoq­qaami aqutsinerisigut ineriar­tor­toq suut takutip­paat?

¹⁵ Nam­minersor­nerujar­tor­nermut nak­kutigisaal­luar­tumut maligas­saq nukap­piaq­qami Jesusimi takuneqarsin­naavoq. Meeraanera pil­lugu Lúkarse 2:40-mi al­las­simavoq: ’Naalungiarli al­liar­tor­poq nakus­satsil­lunilu ilisimas­sum­mil­lu peqangaalerluni; Guutil­lu saam­maan­nerata qulanger­paa.’ Qular­nan­ngilaq ineriar­tor­nerani  angajoq­qaavi an­ner­tuumik sun­niuteqarsimas­sasut, naam­mi naam­mal­luin­nar­tuugaluarluni ilisimas­susia im­mineerluni tak­kutin­ngilaq. Soorlu oqalut­tuap nangin­nerani paasineqarsin­naasoq, angajoq­qaavisa anersaak­kut pis­sutsit ajun­ngitsut perorsagaanis­saanut tul­luar­tut isumagiuar­paat. Aq­qaneq-marlun­nik ukioqarluni, ilaqutariit poorskisioriar­torlutik Jerusalemimiim­mata, Jesus naalaf­fim­mukar­poq up­perisarsior­nermik ajoqersuisar­tut tas­saniit­tut oqaloqatigiar­torlugit. Nalunan­ngilaq angajoq­qaavisa er­nermik aq­qaneq-marlun­nik ukiul­lup taama atsigisumik angalasin­naanis­saanik akuerisimagaat. Jerusalemimit aal­lar­put sianiginagu taan­na qimataasoq, isumaqaramik ikin­ngutini eq­qarliniluun­niit angerlamut aal­lakaasut ilagigai. Ul­lut pingasut qaangium­mata naalaf­fim­mi nanivaat, utoq­qaaner­tat ilin­niar­tin­niar­nagit kisian­ni ’tusar­naarlugit apersor­tarai’. Anaanaata oqarfigaa qanoq isumaaluutigisimatigigitsik, Jesusilu soqutigitsaan­nani oqar­poq naatsorsuutigisimagaluarini angajoq­qaami nalun­ngik­kaat angerlamut aal­lalerunik sumi nanis­sagaan­ni. Naak Jesus akor­nuser­neqar­nani angalasin­naatitaagaluarluni, oqalut­tuami al­las­simavoq ’naalal­luarai’. Inuusut­tuunermini angajoq­qaami un­nersuus­sutaat kil­liliinerilu maleruar­tar­pai. Aam­malu ’al­liar­tor­poq ilisimas­sutsimigut ukiumigul­lu nuan­narineqar­nermigul­lu Guutimi inun­nilu’. — Lúkarse 2:41-52.

16. Angajoq­qaat inersimasun­ngulersoq ajor­nar­torsiuteqarfigigaangamik­ku suna eq­qarsaatigisas­savaat?

¹⁶ Taamatut­taaq angajoq­qaat qitor­natik inersimasun­ngulersut ilaatigut kif­faan­ngis­suseqar­tit­tariaqar­paat, meeq­qal­lu utoq­qaanerujar­tor­til­lugit an­nerusumik nam­minersor­nerujar­tuaar­til­lugit. Angajoq­qaamin­nit siulersor­neqarlutik nak­kutigineqarlutil­lu inuusut­tut nam­min­neq aalajangiisin­naanerujar­tuaar­tin­neqarsin­naap­put. Ajor­nar­torsiuteqaleraangata suna patsisaasoq angajoq­qaat paasinias­savaat pingaan­ngitsul­lu akerleriis­sutis­sarsuan­ngor­nis­saat pitsaalior­nias­sal­lugu. Ilaatigut imaat­tar­poq: inuusut­toq angajoq­qaaminut piaaraluni akerliunian­ngik­kaluar­poq, nam­minersor­neruniaan­narlunili, qanorli periaasis­saq nalul­lugu. Taman­na pil­lugu  ilaatigut angajoq­qaat kuk­kusar­put, pisariaqan­ngik­kaluar­tumik akerleriis­sutis­samik pilersitsisoorlutik. Pisimasoq sualup­pal­laan­ngip­pat, sumigin­naruk. Sualup­pal­li, aalajaatsumik isumaqarit. ’Ip­per­nat kinerinaveerlugil­lu qatigat­tuut iisar­naveersigik.’ — Matîuse 23:24.

17. Inersimasun­ngulersut kil­liliif­figiniar­til­lugit angajoq­qaat suut eq­qarsaatigisariaqar­tar­paat?

¹⁷ Angajoq­qaat qitor­natik inersimasun­ngulersut at­taveqatigil­luar­tuarsin­naas­savaat taak­kunun­nga kil­liliinermin­ni ingasaas­sinaveersaarunik. Eq­qaamas­savat ’ilisimas­sut pavan­nga pisoq pingaar­ner­paatil­lugu naak minguitsuugaluarluni’, aam­mat­taaq „ingasaas­sinian­ngitsuuvoq“, „nal­lit­tuingaarlunilu“, „pisuusaar­nerlu ajorluni“. (Jâko 3:17, NV) Bibeli naaper­torlugu ajorluin­nar­toqar­poq, soorlu til­lin­niar­neq, al­lasior­neq, guutipilus­sior­neq kan­ngunar­tulior­neril­lu tamak­kunun­nga as­singusut al­lat. (1 Korintumiut 6:9, 10) Al­lar­pas­suar­tigul­li apeq­qutaavoq qanoq ingasatsigisumik ator­neqar­nerat. Nerisas­sat ajun­ngeqaat, kisian­ni ingasat­tumik nerigaan­ni nerrersoorsuan­ngor­nar­poq. Aam­mat­taaq aliik­kusersuutis­sat ilaat, soorlu qitin­neq, pin­nguar­neq, nuan­naterujun­nerit taamaaqataal­lu, taamaap­put. Amerlasuutigut sumik iliuuseqarneq apeq­qutaan­ngilaq, kisian­nili qanoq ittumik kikkullu peqatigalugit taamaalior­neq apeq­qutaanerusar­poq. Taamaat­tumik, soorlu nerisar­neq imer­nerluun­niit ajor­nerar­navian­ngik­kip­put kisian­nili ingasaal­lugu nerineq imer­nerlu taamaal­laat ajoralugu, taamatut­taaq angajoq­qaat inuusut­tut qanoq-iliuusiat ajor­nerarluin­nas­san­ngilaat, ajorisatik tas­saagin­narmata ingasat­tulior­nerit sualup­pal­laar­tulior­neril­lu ilaatigut takuneqar­tar­tut, imaluun­niit pis­sutsit kis­saatiginan­ngitsut ilaatigut kingunerineqar­tar­tut. — Naleq­qiuguk Kulorsamiut 2:23.

18. Angajoq­qaat qitor­namin­nut ilagisar­tagapalaat qanoq ilil­lutik mianersoq­qus­sutiginiarsin­naavaat?

¹⁸ Inuusut­tut tamarmik ikin­ngutinik pisariaqar­titsip­put. Im­maqa ikin­ngutaasa ilaan­naat „pitsaal­luar­tutut“ isigis­savatit, aam­mat­taarli il­lit qitor­natit kuk­kusar­put, ilaa? Im­maqa qitor­natit iner­terumas­savatit inuusut­tut  aalajangersimasut ilagisaq­qunagit, ilagisar­tagapalaatut isigigak­kit. (ús­satit 13:20; 2 Tásalûníkamiut 3:13, 14; 2 Timûtiuse 2:20, 21) Ikin­ngutaasali ilaat pis­suseqarsin­naap­put ilaatigut nuan­narisan­nik ilaatigul­lu nuan­narin­ngisan­nik. Ilaata arlaan­nik san­ngiis­suteqar­nera pis­sutigalugu ikin­ngutigeq­qunagu qitor­natit iner­ter­nagit, nas­suiaas­sin­naavatit ikin­ngutaata pis­susiisa ilaat ajun­ngitsut nuan­narigitit, aam­mat­taarli san­ngiis­suteqar­toq mianersuutigisariaqagaan­nik, er­neril­lu paniil­luun­niit kaam­mat­torsin­naavat tamak­kunatigut ajun­ngitsumik sun­niiviginiaq­qul­lugu, ikin­ngutaata soraajuitsumik iluaqutis­saanut.

19. Meeq­qat qanoq ikior­niar­neqarsin­naap­pat kif­faan­ngis­suser­tik eq­qor­tumik isumaqarfigeq­qul­lugu, tamatigut najoq­qutaasoq Lúkarse 12:48-mi al­las­simasoq naaper­torlugu?

¹⁹ Er­nerit paniil­luun­niit inersimasun­ngulersoq ikiorsin­naavat kif­faan­ngis­sutsini al­liar­tor­toq eq­qor­tumik isumaqarfigileq­qul­lugu, paasitil­lugu kif­faan­ngis­suseq al­liar­tor­til­lugu aam­mat­taaq akis­sus­saas­suseq al­liar­tor­tar­toq. ’Amerlasuunim­mi tunineqar­toq amerlasuunik piniarfigineqas­saaq.’ (Lúkarse 12:48) Meeq­qat akisus­saas­susermik paasin­nin­nerusutut pis­suseqar­pata, angajoq­qaavisa an­nerusumik tatigisin­naas­savaat. — Galâsiamiut 5:13; 1 Pîtruse 2:16.

PAASINNITTUMIK UNNERSUUSSISARIT ILITSERSUISARLUTILLU

20. Meeq­qanut pis­saaneqar­nerup oqar­tus­saanerul­lu saniatigut, suna pisariaqar­pa at­taveqatigiik­kun­naaler­nis­saq pitsaalior­niarlugu?

²⁰ Pis­sutsit atuk­katit suli paasinagit inuup siun­nersor­niaraluar­patit, un­nersuus­sutaa tul­luan­ngitsutut isigis­savat. Peq­qus­sutini maleruaq­qul­lugit pin­ngitsaalis­sal­lutit pigin­naaneqar­pat, as­sor­torumas­savat naaper­tuil­luan­ngitsutut isigalugu. Angajoq­qaat eq­qaamas­savaat ’sianisuup uum­mataa ilisarsis­sum­mik ujarlersar­toq’, aam­malu ’angut ilisimatooq pis­saasar­toq’. (ús­satit 15:14; 24:5) Qitor­natit pigin­naaneqarfigisin­naavatit, ilisarsis­sul­li ilisimas­sul­lu pis­saatigiguk­kit qitor­natit at­taveqatigil­luar­nerulis­savatit. Inuusut­tut ilitsersor­neran­ni paasin­nin­nermik takutitsin­ngik­kaan­ni kinguaariit  avis­saar­titer­neran­nik kinguneqarsin­naavoq, taamaalil­lutil­lu at­taveqatigiik­kun­naalis­sap­put.

21. Meeq­qat sualut­tumik eq­qun­ngitsulior­pata, angajoq­qaat qanoq ilior­tus­saap­pat?

²¹ Qanoq ilius­savit qitor­nat nalor­ninar­torsiuler­pat, sualut­tumik kuk­kup­pat eq­qun­ngitsulior­pal­luun­niit, ilimagin­ngisavin­nik uis­suum­misin­neqarlutit? Soorunami ajor­tulior­neq isigin­ngitsuusaagin­nas­san­ngilat. (Isaia 5:20; Malakia 2:17) Paasisariaqar­pal­li er­nerit paniil­luun­niit paasin­nit­tumik ikior­neqar­nis­samik pik­koris­sumil­lu un­nersuun­neqar­nis­samik aatsaat taama atorfis­saqar­titsitigilersoq. Jehova Guutip oqar­neratut oqarsin­naavutit: ’Qaagit, im­mitsin­nut at­tuumas­suteqar­tut iluarsiniariar­tigik; pis­sutsit ilungersunaraluaqaaq neriunar­tuerun­nanili.’ (Isaia 1:18, NV) Kamaam­mer­nerit imaluun­niit sukan­nersumik as­suarin­nin­nerit ataqatigiin­nermik aseruisin­naap­put. Ajoraluar­tumik inuusut­tut tam­malersut amerlaval­laat oqar­tar­put: ’Angajoq­qaak­ka oqaloqatigisin­naan­ngilak­ka — kamaaterujus­suaan­nas­sam­man­nga.’ Evfisumiut 4:26-mi al­las­simavoq: ’Kamatsil­lusi ajor­tulin­ngin­niaritsi.’ Misigis­sutsitit noqik­kit er­ner­pit panip­pil­luun­niit oqaasii tusar­naar­til­lugit. Il­lit paasin­nil­luarlutit tusar­naaruk­ku, kingor­nagut ilitsersuutitit maleruarumanerus­savai.

22. Angajoq­qaat suna pil­lugu ersersin­ngisaan­nas­savaat qitor­natik im­miniigin­naritik?

²² Im­maqa pisimasoq ataasiaan­nagaan­ngilaq nangeqat­taar­tuul­lunili, ileq­qupiloqar­nerup erser­neralugu. Naak perorsaanis­saq pisariaqaraluar­toq, angajoq­qaat oqaatsik­kut isumak­kul­luun­niit isumaqalersitsinaviis­sap­put meeraq isumak­keeritsik. Asan­nin­nis­si qanoq itis­susia kamagin­nin­nermik malun­naateqas­saaq. (1 Korintumiut 13:4) Ajor­tumut ajugaaniarlutit ajor­toq sak­kuginaveeruk, ajun­ngitsorli sak­kugalugu. (Rûmamiut 12:21) Ajoqutaan­naas­saaq inuit al­lat tusaatil­lugit inuusut­toq nikanarsar­neqaruni taaneqarluni „eqiasut­tumik“, „naalas­seriitsumik“, „silaatsumik“ imaluun­niit „aaq­qeriarfis­saqan­ngivis­sumik“. Asan­nit­toq neriuk­kun­naar­neq ajor­poq. (1 Korintumiut 13:7) Inuusut­toq ima ingasatsigisin­naalis­saaq  pis­susis­saq uniorlugu inuunerlut­talerluni, taavalu angerlarsimaf­fim­minit qimaal­luni. Ajor­tuliorsimanera angajoq­qaat soorunami akuerisin­naan­ngivip­paat, uter­nis­saanul­li periarfis­saq am­matit­tuaan­nas­sal­lugu. Qanoq ilil­lutik? Takutil­lugu imaan­ngitsoq inut­taa narrugigitsik, kisian­ni qanoq-iliuuseqar­nera as­suarigitsik. Oqarfigiuarsin­naavaat ajun­ngitsunik pigin­naaneqar­nera qularinagu, neriul­lutil­lu pigin­naaneri taak­ku ajugaajumaar­tut. Taamaap­pat, taava er­neq tam­maraluar­toq Jesusip as­sersuum­mini eq­qar­tugaa as­sigalugu, angerlarsin­naas­saaq isumal­luarluni peq­qis­simil­luni angerlar­nermigut naak­kitaatsumik sukan­nersumil­luun­niit ilas­sineqar­naviar­nani. — Lúkarse 15:11-32.

INUTTUT NALEQARNERMIK MISIGISAQARNEQ

23. Suna pil­lugu pingaaruteqar­pa inersimasun­ngulersut misigis­sasut ilaqutariin­nut ilaasor­taal­lutik pingaar­tut?

²³ Inuit tamarmik akuerineqar­nermik misigisaqarusup­put. Pis­susis­samisoor­poq akuerisaajumas­sal­luni at­taveqarlunilu misigisimas­sal­luni. Akuerineqarumaguni iluarineqarumal­lunilu, soorunami inuk nam­mineq iluarisaan­narminik ilior­niaan­nas­san­ngilaq. Ileq­qoreq­qusat ilagisar­tak­kami iluarisaat maleruaq­qis­saar­tariaqar­pai. Inuusut­tut ilaqutariin­nut atanermik misigisaqarusup­put. Ilaqutariin­nut ilaasor­taasutut pingaar­tuusutut ilaqutariil­lu pil­luar­nis­saan­nut suleqataasutut misigitik­kit, ilaqutariil­lu periusis­samin­nik aaq­qis­suigaangata aalajangersagas­sanil­lu aalajangiigaangata peqataatit­tarlugit.

24. Angajoq­qaat qanoq ilior­tus­saap­pat meeraq meeraqatiminut usorutsaalis­sal­lugu?

²⁴ ’Piun­ngitsumik ataq­qineqar­nis­saq piniaqinatigu,’ apustili oqar­poq, ’kamas­saaqatigeeq­qunata sin­ngaat­taq­qunatalu.’ (Galâsiamiut 5:26) Taamatut isumaqaler­neq pitsaalior­neqarsin­naas­saaq angajoq­qaat qitor­natik ajun­ngitsulioraangata nersor­tar­patigik. Meerarli ajor­neragaal­luni meeraqam­minut pitsaanerusumik pis­suseqarsorineqar­tumut naleq­qiun­neqar­taan­naruni, usoruleratarsin­naavoq akaarin­nin­ngileratarsin­naal­lunilu. Apustili oqar­poq ’kialuun­niit nam­mineq suliani misilis­sagaa, taava  im­minuin­naq usorsitsaatis­saqas­sasoq aap­parminul­lu pin­nani’, tas­sa aap­parminut naleq­qius­sinani. (Galâsiamiut 6:4) Inuusut­tut nam­min­neq pis­sutsitik pil­lugit, nam­min­neq pigin­naas­sutsitik pil­lugit nam­min­nerlu sapin­ngisatik pil­lugit akuerineqarumap­put, tamak­ku pil­lugit angajoq­qaamin­nit asaneqarumal­lutik.

25. Angajoq­qaat qanoq ilil­lutik qitor­natik ikiorsin­naavaat inut­tut naleqar­nermik misigisaqaleq­qul­lugit?

²⁵ Angajoq­qaat er­ner­tik panitsil­luun­niit ikiorsin­naavaat inut­tut naleqar­nerminik misigisaqaleq­qul­lugu, perorsas­sal­lugulu inuunermi tamatigut pin­ngitsoorani naam­mas­sisas­sani naam­mas­sisaq­qul­lugit. Qitor­natik mikineran­niil­li perorsar­paat ilumooq­qul­lugit, peq­qusersueq­qul­lugit inuil­lu al­lat eq­qor­tumik iliorfigeq­qul­lugit; maan­nak­kul­li tamak­ku tun­ngavigalugit pis­sutsit tamak­kua in­nut­taaqatigiit inooqatigiin­neran­ni qanoq pingaaruteqar­neran­nik paasitin­nerisigut ineriar­tor­teq­qis­sin­naavaat. Tamatumun­nga ilaatil­lugu meeq­qat suliaqar­nermi tatiginar­tuunis­saq akisus­saas­sutsimil­lu misigisimanis­saq ilin­niar­tariaqar­paat. Jesusip inuusut­tuul­luni ’ilisimas­sutsimigut al­liar­torluni’ angutisiaminit Josefimit as­sas­sorluni sananeq ilin­niar­paa, 30-nim­mi ukioqalerluni tamarmik tak­kuan­ni Naalagaaf­fim­mut atatil­lugu suliaqalermat, inuit taasar­paat ’sanasoq’. (Mákorse 6:3) Inuusut­tuutil­lutik pingaar­tumik nukap­piaq­qat sulil­luar­neq sulisitsisul­lu sulis­sutal­luun­niit iluarisaanik ilior­neq ilik­kar­tariaqar­paat, taasaan­nar­tul­luun­niit kif­far­tuus­sis­sagaluarunik. Paasisariaqar­paat eqiasuil­lutik, ilumoorus­sil­lutik tatiginar­tumil­lu suleriaaseqarunik, im­minut ataq­qineq al­lanil­lu ataq­qineqar­neq nersor­neqar­nis­sarlu angus­sal­lugit; tas­suunalu angajoq­qaamik ilaqut­tamil­lu nersor­naatigiin­nas­san­ngik­kaatsik, aam­mat­taarli ’Guutip an­naas­sisit­ta ajoqersuutaa tamatigut naalan­narsisin­nias­sagaat’. — Títuse 2:6-10.

26. Qanga ileq­quusup suup takutip­paa paniup tas­saanera ilaqutariin­nut ilaasor­taq pingaar­toq?

²⁶ Paniusut il­lulerineq il­lumilu ningiuuneq ilin­niarsin­naavaat tas­suunalu ilaqutariin­nit ilaqutariil­lu avataan­niit­tunit nersugaas­sal­lutik iluarineqas­sal­lutil­lu. Bibelip  pilerfiata nalaani paniup ilaqut­taminut naleqar­nera takutin­neqar­tar­poq ileq­quum­mat angajoq­qaat panitsik uinitsik­kaangamik­ku kater­naas­sutis­samik akileeq­qusisarlutik. Nulias­sap akia taar­tis­satut ersiutaagunar­poq ar­nap ilaqutariin­ni sulinerata an­naaneqar­neranut. — 1 Môrsase 34:11, 12; 2 Môrsase 22:16.

27. Suna pil­lugu ilin­niar­titaanis­samut periarfis­sat atorluar­niar­neqar­tariaqar­pat?

²⁷ Inuusut­tut ilin­niar­titaanis­samut periarfis­sat silatusaar­nerusumik atorluar­niar­tariaqar­paat, pis­sutsit aaq­qis­suus­saaneran­ni matumani inuunermi pin­ngitsooratik naam­mas­siniagas­satik naam­mas­sisin­naaq­qul­lugit. Inuusut­tut­taaq pineqar­put apustili kajumis­saarim­mat: ’Ilavut ilik­kar­niarlit pisariaqar­tut naam­matsil­lugit ajun­ngitsulior­nias­sagamik, [peq­qusersuitsumik sulinias­sagamik, New English Bible], inerititaatsooq­qunatik.’ — Títuse 3:14.

BIBELIMI ILEQQUSSANIK NAJOQQUTASSAT ILLERSUUTAASUT

28, 29. (a) Ilagisar­tagapalaat pil­lugit Bibelimi sumik un­nersuus­suteqar­pa? (b) Angajoq­qaat qanoq ilil­lutik qitor­natik ikiorsin­naavaat un­nersuus­sut taman­na maleruar­niaq­qul­lugu?

²⁸ Tupin­nan­ngilaq angajoq­qaat isumakulut­tar­pata al­latut ajor­nar­tumik qitor­natik najuk­kamik eq­qaani atuarfim­miluun­niit meeq­qat naalas­seriitsut as­suar­nar­tulior­tar­tul­lu akor­nan­niit­tariaqar­tarmata. Im­maqa angajoq­qaat Bibelimi al­las­simasoq una eq­qarsaatigis­savaat: ’Ajor­tut ikin­ngutigalugit ileq­qut ajun­ngitsut aseror­tar­put.’ Taamaat­tumik akuersiin­narumas­san­ngil­lat meeraq uteriiserluni arlaan­nut akuereq­qugaangat, oqarluni: ’Meeraqatik­ka tamarmik taamaalior­tar­put; soormi taava uanga taamaaliorsin­naan­ngilanga?’ Nalunan­ngitsumik tamakkeratik taamaalior­tar­put; tamarmil­li taamaalior­taraluar­pataluun­niit, pisariaqan­ngilaq aam­ma il­lit meeq­qavit taamaalior­nis­saa, ingam­mik eq­qun­ngitsulior­neq silatusaan­ngitsulior­nerlu pineqar­pata. ’Inuit [meeq­qal­luun­niit] ajor­tut ilungersuutiginaveerigit [usorinaveerigit, NV], akor­nan­niik­kumal­leqinatil­lu; mas­sa uum­mataasa perlus­saq eq­qarsaatigaat, qarluisalu erloqinar­tus­sat  oqaaseraat. Ilisimas­sut atorlugu il­lu qarmar­neqararaaq, siuneqar­nerlu atorlugu aalajangeraraaq.’ — 1 Korintumiut 15:33; ús­satit 24:1-3.

²⁹ Qitor­natit atuar­tuunerisa nalaan­ni inuunermiluun­niit tamatigut tasiorlugit ingerlaqatigisin­naan­ngilatit. ’Il­lul­li ilisimas­sut atorlugu qarmaruk­ku’ ingerlaneran­ni ajun­ngitsumik ileq­qus­sanik najoq­qutas­siuus­sin­naavatit eq­qor­tumil­lu ilitsersuutis­siuul­lugit. ’Ilisimatuut oqaasii kap­poq­qutitut kikis­satul­lu ip­put.’ (akugdlîs­sup oĸausê 12:11) Qanga qisumer­nit amitsut tak­kajaat in­ngigis­sumik kapinar­tul­lit ator­neqar­tar­put nersutit sam­mivim­mut eq­qor­tumut ingerlatin­niarlugit. Guutip oqaasiisa sianisuut uagut sam­mivim­mut eq­qor­tumut ingerlajuar­tis­sin­naavaatigut, nigus­sagaluarut­talu ilerasulersis­savaatigut ingerlavis­samul­lu eq­qor­tumut uter­til­luta. Qitor­natit taama it­tumik ilisimas­suseqalersik­kit naas­saan­ngitsumik iluaqutis­saan­nut. Oqalun­nik­kut maligas­siuinik­kul­lu ilisimas­sum­mik tunik­kit. Eriagisas­saviusunik najoq­qutas­siuuk­kuk­kit taava ikin­ngutis­sarsior­nermin­ni taama it­tunik najoq­qutas­sial­lit pingaar­nerutis­savaat. — Tus­siaat 119:9, 63.

30. Angajoq­qaat qanoq ilil­lutik qitor­natik ileq­qus­sanik Guutimit pisunik najoq­qutas­siuus­sin­naavaat?

³⁰ Tamak­ku tamaasa eq­qarsaatigitil­lugit, eq­qaamajuk meeq­qat eriagisas­saviusunik najoq­qutas­sanik pigilius­sinis­saat ilimanar­nerus­sasoq angerlarsimaf­fim­mi eriaginar­tut tamak­kua ataq­qineqarfigisaan­ni ator­neqarluarfigisaan­nilu al­liar­torsimagunik. Il­lit nam­mineq isigin­nit­taaseqarit qitor­nan­nut isigin­nit­taasereq­qusan­nik. Angerlarsimaf­fis­sin­ni, ilaqut­tas­si akor­nan­ni, qitor­navit inersimasunit paasineqar­nis­saat, asaneqar­nis­saat isumak­keerfigineqar­tar­nis­saal­lu isumagik­kit, aam­mat­taaq ingasaas­sin­ngitsumik kif­faan­ngis­suseqar­nis­saat, nam­mineersin­naatitaanis­saat, akuerineqar­nermil­lu ilaqutariin­nul­lu atasuunermik misigisaqar­nis­saat isumagalugu. Tas­suuna ileq­qus­sanik Guutimit pisunik najoq­qutas­siuus­sin­naavatit pigiin­narsin­naasaan­nik ilaqutariil­lu avataan­ni maleruarsin­naasaan­nik. Pitsaanerusumik kingor­nutas­saqar­tis­sin­naan­ngilatit. — ús­satit 20:7.

[Atuaqqissaarnermi apeqqutit]