Kapiteli 12

Angajoqqaavit uummataat nuannaartikkit

1. Suna pil­lugu angajoq­qaavut ataq­qisus­saavavut?

SULI meeraagaluarut­ta, inuusut­tuugaluarut­ta inersimasuugaluarut­taluun­niit, tamat­ta arlaan­nit qitor­narineqar­pugut. Ukiuni naalungiarsun­nguunitsin­niit nam­mineersin­naaler­nis­sat­ta tungaanut isumagineqarsimanitsin­nut suliarujus­suaq aningaasar­pas­suil­lu ator­neqarsimasut naatsorsus­sal­lugit ajor­nakusuus­saqaaq. Imaap­por­taaq angajoq­qaat­ta tunisimagaatigut uagut akil­lugit tun­nius­sin­naan­ngisatsin­nik. Sunil­luun­niit qutsavigisas­sarigaluarlugit, maan­nak­kut inuunitsin­nik tamanit an­nermik qutsavigisas­saraavut. Taak­ku piusiman­ngik­kaluar­pata, uagut pin­ngorsimanavian­ngik­kaluar­pugut. Miserratigisas­saan­ngitsoq taman­na pis­sutaal­luar­poq Guutip inas­sutaa una maleruas­sal­lugu: ’Ataatat anaanal­lu ataq­qik­kit, tas­sa inas­sut siul­leq un­nersuum­mik ilalik: Nunami pil­luaq­qul­lutit inuum­mersoq­qul­lutil­lu.’ — Evfisumiut 6:2, 3.

2. Suna pil­lugu angajoq­qaavut qutsavigisas­saraavut?

² Pin­ngor­titsiser­put inuunerup Pilerfiviatut siul­liusumik qutsavigisas­sarigaluarlugu, angajoq­qaavut­taaq qutsavigisas­saringaar­pavut. Tunis­sutigisimasaat akil­lugit uagut sumik tunisin­naavavut? Guutip er­nera oqar­poq inuup silarsuaq tamaat pigigaluaruniul­luun­niit akigisin­naan­ngik­kaa inuuneq pisiarinias­sal­lugu, inuunermi aningaasanit pisiarineqarsin­naan­ngim­mat. (Mákorse 8:36, 37; Tus­siaat 49:7-9) Guutip oqaasiani al­las­simavoq: ’Pisas­saqarfigitin­naveeritsi, asaqatigiin­nermik kisian­ni.’ (Rûmamiut 13:8) Angajoq­qaavut inuutil­lugit uagul­lu inuutil­luta im­mik­kut asasariaqar­pavut. Soorunami inuunermik tunisin­naan­ngilavut soorlu taak­kua tunigaatigut,  tunisin­naavavul­li inuunerata pil­luar­nas­susianut al­lis­sutaasunik. Nuan­naar­tis­sin­naavavut tul­luusimaangaar­til­lugil­lu. Im­mik­kut it­tumik taamaaliorsin­naavugut im­maqa inuit al­lat kik­kuugaluar­tul­luun­niit sapigaan­nik, uagut qitor­narim­matigut.

3. ús­satit 23:24, 25 naaper­torlugu, meeq­qap pis­susii suut angajoq­qaavisa nuan­naarutigisin­naavaat?

³ Soorlu ús­satit 23:24, 25-mi al­las­simasoq: ’Iluar­tup angutaa nuan­naas­saaq, ilisimatuumil­lu er­ner­taar­toq taas­sumin­nga tipaatsuutis­saqas­saaq. Ataatal­lu anaanal­lu tipaatsul­lit, nuan­naarli ilin­nik er­nisoq.’ Angajoq­qaat pis­susis­samisoor­tumik kis­saatigisar­paat qitor­namik qanoq-ilior­neri tul­luusimaarutigisin­naajumal­lugit, nuan­naarutigisin­naajumal­lugil­lu. Il­lit angajoq­qaavit usorsisimaarutigisin­naavaatsit?

4. Kulorsamiut 3:20 naaper­torlugu meeq­qat qanoq ilioq­quneqar­pat?

⁴ Taamaaliorsin­naas­sap­put aatsaat oqar­tus­saanerat ataq­qiguk­ku un­nersuus­sutaal­lu maleruaruk­kit. Suli inuusut­tuusunut Guutip un­nersuus­sutaa imaap­poq: ’Meeq­qat ukorsii, angajoq­qaasi tamatigut naalas­sigik, taman­na Naalak­kap iluarim­magu.’ (Kulorsamiut 3:20) Al­las­simam­mat ’tamatigut’ soorunami imaan­ngilaq angajoq­qaat piumasaqarfigisus­saagaatigut sunik Guutip oqaasianut naaper­tuutin­ngitsunik, takutip­paali inuusut­tuutil­luta inuunermut tun­ngasutigut tamatigut siulersor­tus­saagaatigut. — ús­satit 1:8.

5. Inuusut­toq qanoq im­minut aperisin­naava?

⁵ Maan­na inuusut­tuuit? Im­maqa il­lit nam­mineq qitor­naqalerumaar­putit. Ilin­nik ataq­qin­nit­tunik qitor­naqarumas­savit, imaluun­niit naalas­seriitsunik, im­maqa naalat­tuusaar­tunik, peqan­ngin­nin­nili naalan­ngitsunik? Meeq­qat naalas­seriitsut angajoq­qaamin­nik nuan­naar­titsineq ajor­put. ús­satit 17:25-mi al­las­simavoq: ’Er­neq silaqan­ngitsoq angutaata narrutsaatigisaraa, er­niarisiatalu aliasuutigisaraa.’ Soorlu il­lit im­mik­kut pigin­naas­suseqar­tutit angajoq­qaatit pil­luar­tin­nias­sal­lugit, aam­mat­taaq il­lit inun­nit al­lanit an­nerusumik angajoq­qaan­nik aliasungaar­titsisin­naavutit pakatsisitsisin­naal­lutil­lu. Qanoq ileq­qoqar­nerit apeq­qutaavoq.

 ILISIMAS­SUSEQALER­NIAR­NISSAMUT PIFFISSAQ SIVISOOQ ATORTARIAQARPOQ

6. Suna as­sersuutigalugu takutin­neqarsin­naava ukioq­qor­tusiar­tor­til­luni ilisimas­suseqaleriar­tor­nar­tar­toq?

⁶ Inuusut­tut paasisariaqar­paat ilisimas­suseqar­niar­nermi utoq­qaas­suseq qanoq apeq­qutaatigisoq. Maan­nak­kut qulinik ukioqaruit nalun­ngilat maan­na tal­limanik ukioqar­nin­niit ilisimasaqar­nerul­lutit, ilaa? Maan­nak­kut 15-inik ukioqaruit qulinik ukioqar­nin­niit ilisimasaqar­neruvutit, ilaa? 20-nik ukioqangajalersimaguit qular­nan­ngitsumik maan­na ilisimasaqar­neruvutit 15-inik ukioqar­nin­niit. Ajor­nan­ngin­neruvoq kingumut qivias­sal­luni paasil­lugulu ukioq­qor­tusiar­tor­til­luni silatunerujar­tor­nar­toq. Ajor­nar­neruvorli siumut qivias­sal­luni akueris­sal­lugulu suli ilin­niagas­sar­pas­suaqar­toq. Inuusut­tuunermili qanorluun­niit silatutigisorigaluaraan­ni nas­suerutigisariaqar­poq ukioq­qor­tusiar­tor­til­luni suli ilisimas­suseqar­nerulersoqarsin­naal­lunilu ilisimas­suseqar­neruler­tariaqar­toq.

7. Silatus­suseq pil­lugu kun­ngimut Rehabeamimut siun­nersuutigineqar­tut sumik ilin­niarfigisin­naavavut?

⁷ Taman­na qanoq paasisariaqar­pa? Ima paasisariaqar­poq angajoq­qaat ilin­nit utoq­qaanerugamik ilin­nil­lu misilit­tagaqar­nerul­lutik, soorunami aam­ma ilin­nit ilisimatunerus­sasut inuunerup ajor­nar­torsiutaanik aaq­qiiniar­nermi. Inuusut­tut ilar­pas­suisa taman­na akueriuminaatsit­tar­paat. Isumaqar­tar­put ’utoq­qaat’ pis­susitoq­qanik atareersunik aalajangius­siniar­pal­laar­tuusut. Im­maqa ilaat taamaap­put, ilar­pas­suili taamaan­ngil­lat, soorlut­taaq inuusut­tut tamak­keratik soqutigit­taatsuusut. Nutaajun­ngilaq inuusut­tut isumaqar­tar­nerat utoq­qaanerusunit ilisimatunerul­lutik. Israelimi kun­ngit ilaat taamatut isumaqar­nini kuk­kus­sutigaa, kingunipiloqar­tumik. Rehabeamip 41-nik ukiul­lup ataatani Salomon kun­ngisut kingoraarmagu, in­nut­taasa qin­nuigaat nam­mak­katik oqiliseq­qul­lugit. Rehabeamip angutit utoq­qaanerusut siunersior­pai, taak­kualu siun­nersor­paat qajas­suus­seq­qul­lugu saamaq­qul­lugulu. Taavali angutit inuusut­tut siunersior­pai, taak­kualu naak­kit­taatsumik periaaseqaq­quaat. Taak­kua siun­nersuutaat malip­paa. Taman­na qanoq kinguneqar­pa? Naggueqatigiit aq­qaneq-marluk ilaat qulit pikitsitsip­put, Rehabeamil­lu naalagaaf­fim­mi aggor­nerisa arfer­nat  kisiat pigiin­nar­paa. Utoq­qaat, inuusut­tuun­ngitsut, silatuumik siun­nersuuteqarsimagaluar­put. ’Utoq­qarsuar­niip­poq ilisimas­sut, inuuner­tuunilu ip­poq siuneqar­neq.’ — Jûpe 12:12; 1 kúngit 12:1-16; 14:21.

8. Utoq­qar­nut, aam­mat­taaq angajoq­qaanut, isuma suna Bibelimi atoq­quneqar­pa?

⁸ Angajoq­qaatit inuusut­tuujun­naarmata siun­nersuutaat itsangasutut isigeqinagit. Soorlu Guutip oqaasiani al­las­simasoq: ’Ataatat ilin­nik er­ner­taar­toq [imaluun­niit: panis­saar­toq] naalaguk, anaanal­lu asigin­naqinagu utoq­qaaler­pat.’ Utoq­qaat ataq­qisas­saap­put. ’Qeersooq nikuif­figis­savat utoq­qaap taan­naas­susia ataq­qis­sal­lugu, Guutil­lu mianeris­savat; uanga tamas­sa Jehova.’ Ilumoor­poq inuusut­tut ilar­pas­suisa inas­sutit tamak­ku sumigin­naraat. Taamaalior­neral­li pil­luar­nan­ngilaq — nam­min­neq pil­luaatigin­ngilaat, angajoq­qaavisalu pil­luaatigin­ngivip­paat. — ús­satit 23:22; 3 Môrsase 19:32.

SULEQATAAGIT

9. Qanoq ilaqutariin­nut sun­niuteqar­tar­pa ilaat naalas­seriip­pat imaluun­niit pisariaqan­ngitsumik naam­magit­taal­lior­tar­pat?

⁹ Qanoq ilior­nivut inun­nut al­lanut sun­niuteqan­ngitsoor­neq ajor­put. Ilaqutariin­nut ilaasor­taasut ilaat naal­liuk­kaangat, ilai tamarmik isumaalut­tar­put. Ilaal­lu naam­magit­taal­lior­tuaan­nar­pat naalas­seriip­pal­luun­niit, ilaqutariit tamarmik eq­qis­siun­naalis­sap­put. Ilaqutariit pil­luarlutik inooqatigiis­sap­pata, tamarmik suleqataasariaqar­put. — Naleq­qiuguk Korintumiunut agdlagkat sujugdlît 12:26.

10. Suna pil­lugu iluaqutaas­sava meeq­qat sulil­luar­neq ilin­niar­pas­suk?

¹⁰ Piviusunik iluaqutaasunil­lu iliuuseqarsin­naavutit. Angajoq­qaat ilungersorlutik sulisar­put ilaqutariit pisariaqar­titaat pis­sarsiariniarlugit. Inuusut­tuuguit ilaqut­tatil­lu suli najorlugit, suleqataasin­naavutit. Inuunerup ilarujus­sua sulineruvoq. Inuit ilaasa taman­na maalaarutigisar­paat. Sulil­luar­nerli sungiusaruk­ku eq­qor­tumil­lu pis­suteqarlutit sulisaruit, tul­luusimaarutigingaas­savat. Akerlianil­li, inuup pisus­saas­sutsiminik suleqataajuman­ngitsup al­lanil­li kif­far­torfigeq­qujuaan­nar­tup tul­luusimaar­neq taman­na misigineq ajus­savaa, inuil­lu narraatigis­savaat,  soorlu Bibelimi al­las­simasoq, soorlu ’pujoq it­toq isinut’. (ús­satit 10:26; akugdlîs­sup oĸausê 3:12, 13) Taava il­lumi sulias­sin­neqaraangavit ilin­nut suliareq­qusat suliarisak­kit naam­mas­sil­luarlugil­lu. Angajoq­qaatil­lu nuan­naar­tik­kusuk­kuk­kit, peq­qus­sutigisaasa saniatigut suliaqar­tarit. Misigis­sagunar­pat sulineq taanna nuan­naar­nar­ner­paasoq — tas­sami qaman­ngavik pil­luarsar­niarlugit suliarigak­ku.

11. Meeq­qap oqaasiisa iliuusiisaluun­niit angajoq­qaavi qanoq iluarisaasumik isumaqarfigineqalersis­sin­naavaat?

¹¹ Inuit inuusut­toq nersor­nar­tutut isigigaangamik­ku, kia qitor­narigaa apeq­qutigisar­paat. Inuusut­toq David up­perluarmat tupaal­lan­nar­tumil­lu sapiitsuliormat, kun­ngi Saulip apeq­qutiginasuar­paa: ’Kia er­neraa nukap­piaq taan­na?’ (1 Sâmuale 17:55-58) Eq­qarlivit kinguliaqutaan­nik kinguliaqutaqar­putit. Qanoq ilior­nitit pis­sutsitil­lu tun­ngavigalugit inuit ateq taan­na isumaqarfigis­savaat, angajoq­qaatil­lu atermik taas­sumin­nga ilin­nut atsiisut isumaqarfigis­sal­lugit. As­sigiin­ngitsor­pas­suar­tigut eq­qas­sin­ni atuarfim­milu angajoq­qaatit ataq­qinar­tis­sin­naavatit — inun­nut al­lanut avaagin­nit­tulior­nik­kut, ikiuuk­kumatus­sutsik­kut, ataq­qin­nin­nik­kut ikin­ngutin­nersulior­nik­kul­lu. Taamaalior­nik­kut aam­mat­taaq Pin­ngor­titsisit ataq­qis­savat. — ús­satit 20:11; Eprîarit 13:16.

12. Suna pil­lugu iluaqutaava meeq­qat angajoq­qaatik perorsaaniar­nerini tapersersor­patigik?

¹² Angajoq­qaavit pil­luar­nerat il­lil­lu pil­luar­nerit im­min­nut at­tuumas­suteqar­put. Ilin­nik perorsaaniar­nerisa siuner­taraat inuunermi aal­lar­til­luar­tik­kumal­lutit. Suleqatigiguk­kit nuan­naangaar­tis­savatit, ajun­ngin­ner­paamim­mi kis­saap­paatsit. Soorlu us­sas­sior­tup Guutip anersaavata sun­niineratigut isumas­sarsisitaal­luni al­laatigigaa: ’Er­nin­nguara, uum­matit ilisimatuup­pat, uangat­taaq uum­matiga tipaatsus­saaq.’ (ús­satit 23:15) Angajoq­qaavit ilisimas­sutsip ilumoor­tup aq­qutaatigut ingerlanis­sat Guutimut pisus­saaf­figalugu misiutigin­ngip­pas­suk, taava ikiuk­kit ilumoorlutik pisus­saaf­fim­min­nik tamatumin­nga suliniar­neran­ni. ’Siun­nersuum­mut naalan­niarit, iner­teq­qul­lu ilas­siniarlugu, kingul­lis­sak­kut ilisimatuun­ngoq­qul­lutit.’ — ús­satit 19:20.

13. Suna eq­qarsaatigalugu meeq­qap angajoq­qaami kil­liliineri eq­qor­tumik isumaqarfigilersin­naas­savai?

 ¹³ Im­maqa ilaatigut isumaqar­tas­saatit angajoq­qaavit sualut­tumik piumasaqarfigigaatsit, imaluun­niit amerlaval­laar­tunik kil­liliif­figigaatsit. Perorsaanermi eq­qor­tumik oqimaaqatigiis­sitsiniar­neq ajor­naatsuun­ngilaq. Il­lit nam­mineq qaquguluun­niit qitor­naqaleruit, im­maqa aam­ma taman­na ajor­nar­torsiutigilerumaar­pat. Angajoq­qaavit iner­ter­patsit inuusut­tut aalajangersimasut ilagisaq­qunagit, imaluun­niit ikiaroor­nar­tutoq­qunatit, imaluun­niit nukap­piaaguit niviarsis­sat niviarsiaaguil­lu nukap­pis­sat kil­lilim­mik ilageq­qul­lugit, taava eq­qarsaatigeriaruk pitsaanerus­susia perorsaal­luar­tunik angajoq­qaaqaravit, soqutigin­nin­ngitsunik angajoq­qaaqar­nermiit! (ús­satit 13:20; 3:31) Perorsaataat naalat­tak­kit. Nam­mineq iluaqutigis­savat angajoq­qaavil­lu uum­mataat nuan­naar­tis­sal­lugit. — ús­satit 6:23; 13:1; 15:5; Eprîarit 12:7-11.

14, 15. Ilaqutariin­ni ajor­nar­torsiuteqaleraangat Bibelimi ileq­qoreq­qusaasut suut eq­qarsaatigalugit meeq­qap eq­qis­siviil­lior­neq pinaveersimatin­nias­savaa?

¹⁴ Soorunami angerlarsimaf­fis­sin­ni pisar­tut ilar­pas­suinut il­lit pisuun­ngilatit. Il­lil­li qanoq periaaseqar­nerit angerlarsimaf­fim­mi pis­sutsinut sun­niuteqar­tas­saaq. Bibelimi ima un­nersuus­suteqar­poq: ’Ajor­nan­ngip­pat sapin­ngisas­sin­nik inuit tamaasa eq­qis­siveqatiginiarsigik.’ (Rûmamiut 12:18) Taman­na tamatigut ajor­naatsuun­ngilaq. Tamat­ta as­sigiin­ngitsuuvugut; pis­sutsit as­sigiin­ngitsumik isumaqarfigisar­pavut as­sigiin­ngitsumil­lu qisuariar­tarluta. Isum­mat kis­saatil­lu as­sigiin­ngil­luin­nar­tuusin­naasar­put. Oqar­ta qatan­ngutit isumaqatigin­ngik­kit. Im­maqa isumaqar­putit qatan­ngutit nam­minis­sarsior­toq. Qanoq ilius­savit?

¹⁵ Meeq­qat ilaat nipituumik naam­magit­taal­lior­tar­put angajoq­qaamil­lu arlaat akuliutsil­lugu. Imaluun­niit nam­min­neerlutik iliuuseqalis­sap­put ajat­taasalerlutil­lu patitsisalerlutil­lu piumasar­tik piniarlugu. Imali Guutip anersaavata sun­niineratigut isumas­sarsiarititaasumik us­sateqar­poq: ’Inuk silaqar­nerata kamajuitsun­ngor­tit­tar­paa.’ (ús­satit 19:11) Qanoq ilil­lugu? Inuup silaqar­tup qajas­suus­sinerunis­samut pis­sutaasin­naasut eq­qarsaatiginiar­tar­pai.  (Im­maqa aap­paata narras­saarinera piaaraluneer­nerusiman­ngilaq.) Nam­mineq kuk­kusarsimanini eq­qarsaatigis­savai. (Guutil­lu isumak­keerfigin­nit­tar­nera qujas­sutigingaar­paa!) Im­maqalu paasilis­savaa, naak qatan­ngun­ni kuk­kusimagaluar­toq, eq­qun­ngitsulior­nerus­sasoq taman­na kamaatigis­sal­lugu taamaalil­lunilu ilaqutariit tamaasa eq­qis­siun­naalersil­lugit. Taamatut silatusaar­toq pil­lugu, us­sat is­suaaf­figineqaq­qam­mersoq nangip­poq: ’Nersor­nas­saarlu pinerluf­figineqar­nini qaangiin­narsin­naagunigit.’ — Aam­ma takuuk Kulorsamiut 3:13, 14.

16. Qitor­namik qanoq ilior­nis­saat angajoq­qaat Guutimik mianerin­nit­tut nuan­naarutigisar­paat?

¹⁶ Angajoq­qaat Guutimik mianerin­nit­tut Jehovap uum­mataanik nuan­naar­titsisoq nuan­naarutigisar­paat. Angajoq­qaat aliasuutigisar­tagaat Jehovap aliasuutigisar­tagaasut ip­put. (Tus­siaat 78:36-41) Angajoq­qaat, Jehova Guutip isumaanik nalusut, im­maqa nuan­naarutigis­savaat qitor­natik silarsuarmi tamanit nuan­narisaap­pata, tusaamasan­ngor­pata, aningaasarsiorluar­pata, ilaal­lu ilan­ngul­lugit. Angajoq­qaal­li Jehovamik guutisior­tut nalun­ngilaat silarsuaq man­na pilerinar­tuilu nungujar­tor­tut ’Guutil­li peq­qusaanik naam­mas­sin­nit­toq naas­saan­ngitsumik atas­sasoq’. (1 Juánase 2:15-17) Taamaat­tumik qitor­natik Pin­ngor­titsisimin­nut naalat­tut, peq­qusaanik ilior­tut pis­susiinil­lu ersersitsisut takul­lugit pil­luaatiginerus­savaat. Soorunami angajoq­qaat Guutimik mianerin­nit­tut qitor­natik atuarfim­mi atuar­tuul­luar­pata pil­luaatigisar­paat. Pil­luaatiginerus­savaal­li atuarfim­mi al­lamilu ileq­quisa Guutip ileq­qoreq­qusaanik maleruaajumaneq taas­suman­ngalu iluarisaajumaneq ersersip­patigik. Sulilu nuan­naarutiginerus­savaat meeq­qat taak­ku Jehovap aq­qutigeq­qusaanik inersimasuunermin­nut al­laat nuan­narisaqar­tuar­pata.

ANGAJOQQAANIK ISUMASSUISUS­SAASSUSEQ

17-19. Er­nerusut paniusul­lu inersimasut angajoq­qaamin­nik pingaar­titsiner­tik qanoq ilil­lutik takutin­niarsin­naavaat?

¹⁷ Inersimasuul­luta im­mik­kut ineqalereersimagut­ta angajoq­qaatsin­nik soqutigin­nik­kun­naariar­tuaas­san­ngilagut.  Inuuner­tik naal­lugu pil­luar­tuar­nis­saat kis­saatigaar­put. Ukior­pas­suit paarisimavaatigut isumas­sorsimal­lutalu, amerlasuutigut uagut pil­luta soqutigisamin­nik taamaatitsisarsimal­lutik. Maan­nak­kut qanoq iliorsin­naavugut qujamasun­ner­put takutin­niarlugu?

¹⁸ Guutip inas­sutaa una eq­qaamasin­naavar­put: ’Ataatal­lu anaanal­lu ataq­qik­kit.’ (Matîuse 19:19) Naak ulapit­tarsin­naagaluarluta puius­san­ngilar­put qanoq angajoq­qaatsin­nut pingaaruteqar­tigisoq tutsiut­tar­nis­sar­put pulaar­tar­nis­sar­pul­lu.

¹⁹ Ukiut ingerlaneran­ni as­sigiin­ngitsutigut angajoq­qaavut ataq­qiniarsin­naavavut. Timip piisigut ikior­neqar­tariaqar­pata periarfis­saqar­pugut takutis­sal­lugit uagut pil­luta iliuuserisimasaan­nik tamanik qujamasuutigin­nin­nitsin­nik, aam­mat­taaq Jehovap piumasaanik iluar­tumik akuerin­nin­ner­put. Apustili Paulus utoq­qaat pil­lugit ima al­lap­poq: ’Uil­lar­neqar­pal­li qitor­nalim­mik er­ngutalim­mil­luun­niit, taak­ku ilin­niaq­qaaral­larlit inoqutimin­nut Guutimik mianerin­nit­tutut ilius­sal­lutik angajoq­qaatil­lu akiniarluas­sal­lugit, taman­nami Guutimi iluarisaam­mat.’ — 1 Timûtiuse 5:3, 4.

20, 21. (a) Matîuse 15:1-6 naaper­torlugu, angajoq­qaanik ataq­qin­nin­nerup suna ilagaa? (b) Angajoq­qaanut ataq­qin­nit­tus­saatitaaneq eq­qarsaatigalugu arlaan­nik taamaaliun­ngitsoor­nis­samut patsisis­saqar­pa?

²⁰ Angajoq­qaanut ’ataq­qin­nin­nerup’ timip piisigut ikiuinermik ilaqarsin­naanis­saa Bibelimi erseq­qis­sumik takutin­neqar­poq. Ilaan­ni farisiiarit Jesus akerliler­paat ajoqersugaalu pasil­lerlugit siulinit maligas­sarsiarineqar­tunik saneq­qutsitsisar­nerarlugit. Jesusip akivai: ’Soormi taava ilis­si Guutip inas­sutai saneq­qut­tar­pisigik maligas­sarsiasi pil­lugit? Guutimi ima peq­qusivoq: „Ataatal­lu anaanal­lu ataq­qik­kit;“ imalu: „Ataataminul­luun­niit anaanaminul­luun­niit oqar­nit­toq toqus­saaq“. Ilis­sili oqararaasi: „Angum­minul­luun­niit ar­naminul­luun­niit ima oqar­toqar­pat: ’Uan­nit pisas­saraluit naalaf­fim­mut tunis­sutaavoq;’ taas­suma angun­nilu ar­nilu ataq­qisariaqas­san­ngilai.“ Taamalu Guutip inas­sutaa atorun­naarsip­parsi maligas­sarsiasi pil­lugit.’ — Matîuse 15:1-6.

 ²¹ Aningaasaatitik pigisatil­luun­niit ’naalaf­fim­mut tunis­sutaasut’ nalunaaraan­ni, ileq­qutoq­qat naaper­torlugit angajoq­qaanik isumagin­nit­tus­saajun­naar­nermik kinguneqar­tar­poq. Jesusil­li taman­na akuerin­ngilaa. Uagul­lu ul­lumik­kut taman­na pingaar­tit­tariaqar­par­put. Ilumoor­poq nunat ilar­pas­suini ’inun­nik isumagin­nin­nerup’ nas­satarisaanik utoq­qaat aalajangersimasumik an­ner­tus­susilim­mik isumagineqar­tarmata. Pis­sarsiaal­li naam­map­pat? Naam­man­ngip­pata, imaluun­niit inun­nik isumagin­nin­neqan­ngip­pat, meeq­qat angajoq­qaamin­nik ataq­qin­nit­tut sapin­ngisamin­nik amigaataan­nik isumaginias­savaat. Angajoq­qaanik utoq­qalisunik ajorsar­tunik isumagin­nin­neq, soorlu apustili Paulus oqar­toq, ’Guutimik mianerin­nin­nermut’ ersiutaavoq, Jehova Guutimik, ilaqutariin­nik aaq­qis­suus­saanermik pilersitsisumik, asan­nin­nermut malun­naataal­luni.

22. Timip piisa saniatigut sunik angajoq­qaavut tunisus­saavavut?

²² Isumaqas­san­ngilagul­li angajoq­qaavut utoq­qan­ngor­tut naam­mat­tumik nerisas­saqar­pata, atisas­saqar­pata inigisaqar­patalu al­lanik atorfis­saqar­titsin­ngitsut. Aam­mat­taaq misigis­sutsik­kut anersaak­kut­taaq atorfis­saqar­titsip­put. Ilaatigut asan­nin­nermik soqutigineqar­nermil­lu al­laat an­ner­toorujus­suarmik atorfis­saqar­titsisar­put. Inuuner­put naal­lugu misigisariaqar­par­put asaneqarluta, at­tavigisaqarluta, kisimiin­natalu. Qitor­nat angajoq­qaatik utoq­qalilersut timik­kut misigis­sutsik­kul­luun­niit atorfis­saqar­titaat eq­qarsaatigalugit isumak­kiigin­nan­ngisaan­nas­savaat. ’Angum­minik perlutsitsisoq ar­naminil­lu qimaatitsisoq tas­sa er­neq pakatsinar­toq kan­ngusutsitsisorlu.’ — ús­satit 19:26.

23. Meeq­qap qanoq ilil­luni angajoq­qaani nuan­naar­tis­sin­naavai?

²³ Inuusut­tuunermiit inersimasuunermut qitor­nat angajoq­qaamik inuuneran­ni pingaar­tumik inis­sisimaf­feqar­put. Qitor­nar­pas­suit angajoq­qaamin­nut aliasuutis­saal­lutil­lu pakatsis­sutis­saasar­put. Angajoq­qaavil­li oqar­tus­saanerat ataq­qiguk­ku un­nersuus­sutaal­lu maleruar­tarlugit, asan­nil­luar­nermik nuan­narin­nil­luar­nermil­lu nit­taavigisaruk­kit, ul­lut tamaasa uum­mataasa nuan­naarutigisas­savaatsit. ’Ataatal­lu anaanal­lu tipaatsul­lit, nuan­naarli ilin­nik er­nisoq.’ — ús­satit 23:25.

[Atuaqqissaarnermi apeqqutit]