Kapiteli 6

Asanninneq, „ataasiussutsip nimeraa iluarluinnartoq“

1-6. (a) Aap­pariit nam­min­neq misigis­sutsitik pingaar­tip­pal­laraangatigik, qanoq pisoqar­tar­pa? (b) Bibelimi un­nersuus­sutit suut maleruaraan­ni oq­qan­neq ingalan­neqarsin­naas­sava?

’SOORUNA nerisas­sat pif­fis­saq eq­qorlugu iner­neq ajor­pat?’ uia saapiloorluni oqar­poq, tas­sami utaq­qikatak­kami sulingaarsimanermil­lu qasugami.

² ’Atali naam­magit­taal­lioqinak. Iniler­put,’ nuliata saapiloorlugu akivaa. Taas­sumun­ngat­taaq ul­loq taman­na oqitsuin­naasiman­ngilaq.

³ ’Kingusinaar­tuaannar­putim­mi. Soormi pif­fis­saq eq­qorlugu nerisas­sat iner­neq ajorpigit?’

⁴ ’Taamaan­ngilaq!’ nuliata akipiloor­paa. ’Il­lil­li nam­mineq ul­lut arlaan­ni misilis­sagaluar­pat meeq­qat paaralugit, taava taamatut naam­magit­taal­lior­tigis­san­ngik­kaluar­putit. Aam­mami il­lit meeraraatit!’

⁵ Taamaaliorlutik aap­pariit suun­ngitsun­nguaq sorujus­suan­ngor­tip­paat, kiisalu naggataatigut marluul­lutik narras­simaangaaramik im­min­nut oqaluuk­kusuk­kun­naarlutik. Akioriit­tuaan­naramik kiisa im­min­nut narrujuum­misingaar­put ajual­latsingaarlutil­lu — mas­sak­kul­lu un­nuup sin­nera aseror­poq. Tamarmik im­mik­kut kaman­ner­tik sak­kor­tusival­laar­tin­nagu unitsis­simasin­naagaluar­paat. Tamarmil­li nam­min­neq misigis­sutsitik eq­qarsaatigival­laar­paat, aap­pamil­lu misigis­susii sumigin­narlugit. Im­min­nut qasunaril­luin­naler­put.

 ⁶ Ajor­nar­torsiutinut taama it­tunut as­sigiin­ngitsut pis­sutaasin­naap­put. Aningaasat isumaqatigiin­ngin­nermut pis­sutaasin­naap­put. Imaluun­niit uiusoq isumaqarsin­n­naavoq nuliami naqisimaval­laaraani, inun­nik al­lanik ilaqaq­qun­ngim­mani. Nulialu isumaqarsin­naavoq uimi sumigin­nar­taraani naleq­qut­tumil­lu pingaar­tin­neq ajoraani. Ataatsimik pingaar­tumik ajor­nar­torsiuteqar­nerat imaluun­niit arlalin­nik pingaan­ngin­nerusunik ajor­nar­torsiuteqar­nerat eq­qis­sisimajun­naar­neran­nut pis­sutaasin­naavoq. Sunaluun­niil­li pis­sutaagaluar­pat, mas­sak­kut soqutigaar­put ajor­nar­torsiutip qanoq pin­ngitsoor­tin­niar­neqarsin­naanis­saa. Arlaata sorliul­luun­niit ajor­nar­torsiut sak­kor­tusiar­tor­naveersaar­tis­sin­naavaa ’ulus­sami il­luat­taaq maniguniuk’, ’ajor­tumik ilior­toq ajor­tumik akilerumanagu’, kisian­ni ’ajor­tumut ajun­ngitsoq sak­kugalugu ajugaaniarluni’. (Matîuse 5:39; Rûmamiut 12:17, 21) Taamaalius­sagaan­nili im­minut naalak­kersorsin­naas­suseqar­tariaqarlunilu inersimasuusariaqar­poq. Kristumiutut asan­nin­neq pisariaqar­poq.

ASANNINNERUP SUUT IMARIGAI

7-9. (a) Korintumiunut agdlagkat sujugdlît 13:4-8-mi asan­nin­neq isumasiorlugu qanoq nas­suiar­neqar­pa? (b) Asan­nin­neq taan­na qanoq it­tuua?

⁷ Jehova Guutip asan­nin­neq isumas­sarsisitsinermigut nas­suiar­neqar­tip­paa, Korintumiunut agdlagkat sujugdlît 13:4-8-mi al­las­simasumik: ’Asan­nit­toq kamajuil­lunilu inus­siar­neraraaq; asan­nit­toq sin­ngasarin­ngilaq; asan­nit­toq usorsitsaar­tuunanilu an­nerujumatuusarin­ngilaq; ip­pin­nar­tumik ilior­tarin­ngilaq; nam­minis­saminik piniar­tarin­ngilaq, narrutsat­tarin­ngilaq, ajor­tumik isumaqar­tarin­ngilaq; iluan­ngin­neq tipaatsuutigisarin­ngilaa, sal­lusuis­sul­li tipaatsuutigisaraa; tamatigut kamagin­nit­taraaq, tamatigut up­peraraaq, tamatigut neriut­taraaq, tamatigut ilalaararaaq.’

⁸ Asan­nin­nerup as­sigiin­ngitsut tun­ngavigisin­naavai — angutip ar­nal­lu im­min­nut kajungis­susiat, eq­qarleriin­neq imaluun­niit im­minut najorluni nuan­nariin­neq. Bibelimili  takutin­neqar­poq asan­nin­neq naleqarluas­saguni nuan­narin­nil­luar­nerin­naq kajungeqatigiin­nerin­narlu tun­ngavigis­san­ngik­kai, an­ner­tunerusumil­li siuner­taqas­sasoq asasaq sapin­ngisamik iluaqusersorumal­lugu. Taamatut asan­nit­toq pisariaqar­pat naveersisin­naavoq imaluun­niit sukan­nersumik perorsaasin­naavoq al­laat, soorlu ataataasoq qitor­naminik naveersisar­toq imaluun­niit Jehova Guuti pal­lorfigisiminik ilitsersuisar­toq. (Eprîarit 12:6) Soorunami misigis­sutsit aam­ma sun­niuteqar­tar­put, inuil­li al­lat iliorfigineqar­neran­ni misigis­sutsit tun­ngaviusumik najoq­qutas­sanit siuneqarluas­susermil­luun­niit malun­nar­nerus­san­ngil­lat. Asan­nin­neq taamaat­toq kajumis­sis­sutigalugu inuup inoqatini qajas­suus­sisumik naaper­tuil­luar­tumil­lu pisas­savai.

⁹ Ilaqutariit inooqatigiin­neran­ni asan­nin­nerup taamaat­tup qanoq iluaqutaanera paasineruniarlugu, nas­suiagaanerata Korintumiunut agdlagkat sujugdlît 13:4-8-mi al­las­simasup im­mik­koor­tor­tai ataasiak­kaarlugit sam­mis­savavut.

10, 11. Aap­paqar­tup kamajuil­lunilu inus­siar­nersup qanoq ilior­nis­saa ilimagis­savar­put?

¹⁰ ’Asannittoq kamajuillunilu inussiar­neraraaq.’ Il­lit aap­pan­nut kamajuip­pit? Im­minut naalak­kersorsin­naas­sutsit takutit­tar­piuk, aam­mat­taaq kamas­saar­neqaraangavit im­maqalu sal­lusumik pasil­ler­neqaraangavit? Jehova tamatsin­nut kamagin­nit­tuuvoq, ’kamagin­ningaar­neratalu al­lamik isumataarsar­niar­paatigut’. Guutip anersaavata inerititaasa kamagin­nin­neq inus­siar­ner­nerlu ilagaat. — Rûmamiut 2:4; Galâsiamiut 5:22.

¹¹ Asan­nit­tup eq­qun­ngitsulior­neq ilagin­nar­neq ajor­paa, kisian­nili al­lanik isor­nar­torsiuiuaan­nar­neq ajor­poq. Naam­magit­taal­liajasuun­ngilaq. Qajas­suus­sinerunis­samut pis­sutaasut naatsorsuutigisar­pai. (1 Pîtruse 4:8; Tus­siaat 103:14; 130:3, 4) Sualut­tumik ajor­tulior­toqar­nerani al­laat isumak­keerfigin­nik­kumas­saaq. Qular­nan­ngilaq apustili Peter isumaqar­toq nam­mineq kamagin­nit­tuul­luni Jesus aperigamiuk: ’Qatan­ngutiga uan­nut ajor­tulior­tar­til­lugu qas­sinik isumak­keerfigisas­savara?  Arfineq-marlun­nik al­laat?’ Jesusip akivaa oqarluni: ’Arfineq-marlun­nik pin­natit, arfineq-marlun­nil­li qulil­lit [70-it] arfineq-marloriarlugit al­laat.’ (Matîuse 18:21, 22; Lúkarse 17:3, 4) Asan­nit­toq isumak­keerfigin­nit­tuar­tar­poq avaagin­nit­tarlunilu. Il­lit taamaalior­tar­pit?

12, 13. Sin­nganeq qanoq malun­niut­tar­pa, sunalu pil­lugu taman­na nununias­sal­lugu inuk ilungersor­tariaqar­pa?

¹² ’Asannittoq sinngasarinngilaq.’ Aap­parisaq patsiseqarani sin­ngasoq inooqatigiuminaat­tar­poq. Sin­nganeq pasin­nik­kajus­sutsimit pigin­nik­kumatunermil­lu pisar­poq. Sangiat­toq ningar­torlu meerar­palut­tuup­put aap­par­til­lu inun­nut al­lanut pis­susis­samisoor­tumik inus­siar­ner­nis­saanut akor­nuser­tar­paa. Pin­ngitsaalisaanani tunisineq pil­luar­nar­poq, sin­nganermil­li piumasarineqar­tumik naam­mas­sin­nin­neq pil­luar­nan­ngilaq.

¹³ ’Sin­nganeq kia akiorsin­naavaa?’ Bibelimi apeq­qutigineqar­poq. Uin­ngup naam­mal­luin­nan­ngitsup suliaasa taan­na ilagaat. (ús­satit 27:4; Galâsiamiut 5:19, 20) Sin­nganeq nalor­ninermit pilersoq eq­qarsaatersuutinil­li tun­ngaveqan­ngitsuusunit al­lisagaasoq ilin­ni malun­naateqar­pa? Inuit al­lat kuk­kuneri ersarin­nerusutut it­tar­put, im­mitsin­nul­li misilin­neq iluaqutiginerus­savar­put. ’An­nerus­sisoqarlutil­lumi saqitsaat­tar­toqar­tut perlulior­toqaleraraat nalingin­nar­nil­lu ajor­tulior­toqar­tarlutik.’ (Jâko 3:16) Aap­pariin­nerup sin­nganeq aseruutigisin­naavaa. Aap­pat pigiumaguk­ku nin­ngar­tuneq sangian­ner­tunerlu iluaqutaan­ngil­lat, asan­nit­tumil­li soqutigalugu, qajas­suul­lugu tatigalugulu iluaqutaas­saaq.

14, 15. (a) Asan­nin­nikin­neq usorsitsaar­nik­kut qanoq malun­niut­tar­pa? (b) Aap­parisani nikanarsar­niar­nagu qanoq ilior­tariaqar­pa?

¹⁴ Asan­nit­toq ’usorsitsaar­tuunanilu annerujumatuusarin­ngilaq’. Inuit amerlasuut usorsitsaar­tuup­put, inuil­li ilaan­naralan­nguisa usorsitsaar­neq tusarumasar­paat. Ilisarisimal­luak­kal­lu usorsitsaar­nera tusarlugu peq­qusiileqinarsin­naavoq. Inuit ilaat usorsitsaar­tar­put pingaakujul­lutik oqalut­tarlutik, ilaal­li peq­qusersior­tumik periaaseqar­tar­put.  Inuit al­lat isor­nar­torsior­tar­paat nikanarsar­niarlugil­lu, mamarlik­kamin­nut naleq­qiul­lutik nam­min­neq pitsaanerusutut isumaqarfigilersin­niarlutik. Al­lat nikanarsar­nerisigut im­min­nut nersor­niar­tar­put. Aap­pani nikanarsaruniuk inuk im­minut nersor­tar­porlusooq.

¹⁵ Inuit al­lat tusaatil­lugit aap­pavit naam­mal­luin­nan­ngis­sutai oqaluuserisar­pigit? Qanormitaava aap­pavit taman­na misigaa? Il­lit kuk­kunitit saq­qum­miun­neqar­pata qanoq misigis­sagaluar­pit? Asaneqarlutit misigis­sagaluar­pit? Naagga, asan­nit­toq ’usorsitsaar­tuun­ngilaq’, im­minut nersorluni imaluun­niit al­lat nikanarsar­niarlugit. Aap­pat oqaluuserigaangak­ku ajun­ngitsumik oqaluuserisaruk; taamaasior­nerup at­taveqaatersi pis­satsik­kumaar­paa. Il­lil­lu pil­lutit, un­nersuus­sut silatooq ús­satit 27:2-mi al­las­simasoq maleruar­tariaqar­pat: ’Al­lap nersorlisit, qaner­pit pinatit; takor­nar­tap usorilisit, qarluvit pinatit.’

16. Ip­pin­nar­tut ilaat suut asan­nit­tup ingalan­nias­savai?

¹⁶ Asan­nit­toq ’ippinnartumik iliortarinngilaq’. Erseq­qis­sumik ip­pin­nar­tut amerlap­put, soorlu al­lasior­neq, aalakoor­neq kaman­nerlu. (Rûmamiut 13:13) Asan­nin­nermit al­laanerul­lutik tamak­ku tamarmik aap­pariin­nermut ajoqutaap­put. Perorsarsimar­palun­ngitsumik ilior­neq, kan­ngunakujut­tumik oqalun­neq naam­man­ngitsumil­lu im­minut eq­qiluitsuutin­neq ileq­qorin­ngis­sutsimut malun­naataap­put. Taman­na eq­qarsaatigalugu aap­pan­nut ip­pin­nar­tumik ileq­qoqar­naveersaar­tar­pit? Qajas­suus­sisumik, ataq­qin­nit­tumik pis­suseris­saar­tumil­lu pisar­piuk? Tamak­ku tamarmik aap­pariin­nerup pil­luar­nas­susianut al­lis­sutaas­sap­put, ataavar­nis­saanul­lu pis­sutaaqataal­lutik.

17. Oq­qan­nerit qanoq ingalan­neqarsin­naasar­pat inuup im­minut pingaar­nerutitani piniar­neq ajorunigit?

¹⁷ Asan­nit­toq namminis­saminik piniartarin­ngilaq, nar­rutsat­tarin­ngilaq’. Im­minuin­naq isumagisuun­ngilaq. Pitsaanerungaas­susis­sarigalua aap­pariit kapitalip uuma aal­laq­qaataani eq­qar­tor­neqar­tut taman­na isumaliutigigaluar­pas­suk.  Taava uiusup nuliani saapiloorlugu pis­san­ngik­kaluar­paa nerisas­sat inersiman­ngim­mata, nuliatalu akil­lugu saapiluus­san­ngik­kaluarlugu. Nuliata ilisimagaluaruniuk ilaatigut qasunermit puf­fat­toq, kamaatiginagu im­maqa akis­sagaluar­paa: ’Nerisas­sat naam­mas­siler­put. Ul­lumi sulingaarsimas­saatit. Najoq­qagas­san­nik kis­sar­tumik tunis­savak­kit nerrivilior­nin­ni.’ Uialu misigin­neqataanerugaluaruni im­minul­lu pingaar­tip­pal­laarani, nuliani aperisimas­sagaluar­paa arlaan­nik ikiorsin­naanerlugu.

18. Asan­nit­toq qanoq narrutsan­naveersin­naava?

¹⁸ Aap­pavit oqaasiinit qanoq ilior­neranil­luun­niit kamajavit, imaluun­niit oqaasiinut qanoq ilior­neranul­luun­niit suna pis­sutaasoq paasiniar­tar­piuk? Im­maqa piaarinani isumaal­liorluniluun­niit, ajual­latsitsinian­ngivik­kaluarluni taamaalior­poq. Asan­nit­tuuguit ’seqineq tarrisinaviis­savat narrutsas­simanin­ni’. (Evfisumiut 4:26) Aap­pam­mi as­sut naam­magit­taal­liorluni piaaralunilu ajual­latsin­niarlutit oqaaseqar­pat iliuuseqarluniluun­niit, qanoq ilius­sagaluar­pit? Qanoq iliuuseqar­nis­sat utaq­qisis­sagaluar­piuk eq­qis­sinis­saata tungaanut? Tamas­si an­ner­paamik iluaqutis­sarsi pingaar­tik­kuk­ku eq­qor­tumik oqaasis­sarsisin­naas­saatit. ’Ilisimatuup qar­na uum­mataata sianisuutip­paa.’ ’Pinerlun­nermik matoorsisup asan­nin­neq piniar­paa,’ isumaqatigiin­ngin­neq al­lisar­niar­nagu. (ús­satit 16:23; 17:9) Naak eq­qor­tumik oqalun­nerit takutik­kumal­lugu akioriin­neq nangik­kumagaluarlugu, nununiaruk, taava asan­nin­nik­kut ajugaas­saatit.

19. (a) ’Iluan­ngin­neq tipaatsuutigalugu’ oqaraan­ni suut pineqarsin­naap­pat? (b) Suna pil­lugu tamak­ku ingalan­neqar­tariaqar­pat?

¹⁹ Asan­nil­luar­tup ’iluannginneq tipaat­suutigisarin­ngilaa, sallusuis­sulli tipaat­suutigisaraa’. Isumaqas­san­ngilaq ’pik­koril­luni’ aap­pani sal­loqit­tarsin­naal­lugu — qanoq iliorsimal­luni, aningaasat sumut atorsimal­lugit imaluun­niit kik­kut ilagisimal­lugit eq­qarsaatigalugit. Ilumoor­tup ilaan­naa oqaatigis­san­ngilaa ilumoor­tuusaar­niarluni. Ilumuun­ngis­sutsip tatigeqatigiin­neq asiutit­tar­paa. Asan­nin­neq piviusuus­sap­pat marluul­lusi im­mis­sin­nut  ilumoor­tumik oqaluun­neq tipaatsuutigisariaqar­parsi.

ASANNILLUARNEQ NAKUUSSUSEQARLUNILU AALAJAATSUUVOQ

20. Asan­nit­toq qanoq ilil­luni (a) ’tamatigut kamagin­nit­tar­pa’? (b) ’Tamatigut up­per­tar­pa’? (c) ’Tamatigut neriut­tar­pa’? (d) ’Tamatigut ilalaar­tar­pa’?

²⁰ ’Tamatigut kamagin­nit­taraaq, tamatigut upperaraaq, tamatigut neriut­taraaq, tamatigut ilalaararaaq.’ Asan­nil­luar­toq kamagin­nit­tar­poq naak aap­pariin­nermi tatineqarlunilu ar­torsaatis­sin­neqar­taraluarluni, aap­pariit qanimut pis­suseqar­neran­ni aap­paq pingaar­tin­niarlugu iliuuseqar­nis­saq ilin­niar­til­lugu. Ilitsersuutit Guutip oqaasiani al­las­simasut tamaasa up­perai ilungersor­tumil­lu maleruar­niarlugit, al­laat pis­sutsit piuminaak­kaluar­tul­luun­niit. Soorunami inun­nit peq­quserlut­tunit up­per­tik­kuminar­tuus­san­ngilaq, aap­paatigul­li pasin­nik­kajup­pal­laas­sanani. Tatigin­nin­nermik malun­nar­titsivoq. Isumal­luar­tuaan­nar­tar­poq. Isumal­luar­tuaan­nar­nerup nakimanaveerutigaa Bibelimi ajoqersuutigineqar­tunik maleruaanerup pitsaaner­paanik kinguneqar­tar­nera. Taamaat­tumik asan­nit­toq isumal­luarsin­naavoq, neriul­luarsin­naal­luni siunis­samul­lu qilanaarsin­naal­luni. Aalajasuun­ngilarli; asan­nin­nera asan­nilersoor­nerin­naan­ngilaq sivikitsoq. Asan­nil­luar­toq aalajaap­poq, ul­luni ajor­nar­torsiuteqarfiusuni atugarliuutit sapin­ngisaminik ator­tarlugit. Taamaat­tuar­tuuvoq. Nakuuvoq, aam­mat­taarli saamavoq avaagin­nil­lunilu, maleruutiasuuvoq ilak­kuminaqalunilu.

21, 22. Pis­sutsit suut ator­til­lugit asan­nin­neq soraar­navian­ngila?

²¹ Asan­nin­neq taamaat­toq ’soraar­navian­ngilaq’. Ul­luni ajor­nar­torsiuteqarfiusuni aap­pariit aningaasatigut ajor­nar­torsiuteqalis­sagunik, taava qanoq ilius­sap­pat? Inuuneq atoruminar­nerusoq anguniarlugu al­lamut saan­nani, nuliap taamatut asan­nit­tup ilumoorluni aap­pani at­tavigiuas­savaa, sapin­ngisaminik ileq­qaar­niarluni im­maqalu uimi akis­sarsiai taper­talerlugit. (ús­satit 31:18, 24) Nuliarli ukior­pas­suar­ni nap­parsimap­pat? Uiusup  taamatut asan­nit­tup sapin­ngisaminik paaris­savaa, il­lumi suliarisin­naajun­naagai suliarisarlugit qularun­naarsit­tarlugu suli asagini. Guuti nam­mineq tamatumani maligas­siuivoq. Kif­fai ilumoor­tut qanorluun­niit atugaqaleraluar­pata, ’suul­luun­niit Guutip asan­nis­susianit avis­saar­tin­navias­san­ngilai’. — Rûmamiut 8:38, 39.

²² Ajor­nar­torsiuteqar­ner­pa asan­nin­nerup taamaat­tup ar­tugaanik? Asan­nin­neq taamaat­toq ilis­si aap­pariin­nis­sin­ni atuup­pa? Il­lit nam­mineq taamatut asan­nip­pit?

ASANNINNEQ ALLIARTORTIGUK

23. Asan­nit­tumik ilior­nis­satsin­nut suna aalajangiisuua?

²³ Asan­nin­neq nukit­tut ip­poq: ator­neqar­nermigut nakus­satsit­tar­poq. Akerlianil­li, asan­nin­neq, up­per­ner­tut, suliar­taqan­ngik­kuni toqungavoq. Oqaatsit sulial­lu, misigis­sutsinit ilutsin­niit­tunit kil­lin­neqar­tut, oqaatigineqar­tar­poq uum­mam­mit pisar­tut, uum­mat as­sersuutaam­mat pis­sutitsin­nut, ilutsin­ni kajumis­sis­sutis­samut. ’Uum­matim­mi ulik­kaarutaanit qaneq oqalut­taraaq. Inuup ajun­ngitsup ajun­ngitsut anisit­tarai uum­mam­mi pequusivianit ajun­ngitsumit.’ Misigis­sutsil­li ilutsin­niit­tut ajor­pata ’uum­mam­mit pisar­put isumapiluit, toqutsinerlu ar­naaneqar­nerlu [al­lasior­neq] uersaanerlu [kan­ngunar­tulior­neq] til­lin­nerlu nalunaajaatil­lu sal­lusut mital­liineril­lu’. — Matîuse 12:34, 35; 15:19; Jâko 2:14-17.

24, 25. Kajumis­sis­sutis­saq asan­nit­tulior­nik­kut malun­nar­tar­toq qanoq pis­satsis­sin­naavar­put?

²⁴ Eq­qarsaatit misigis­sutsil­lu qanoq it­tut uum­matin­ni ineriar­tor­tip­pigit? Guutip asan­nin­nini qanoq takutit­taraa ul­lut tamaasa eq­qarsaatigisaruk­ku, maligas­siaalu maleruar­niarlugu, pis­sutitit kajumis­sis­sutis­satil­lu ajun­ngitsut pis­satsin­neqas­sap­put. Asan­nin­neq taamaat­toq ator­nerujar­tor­til­lugu, taman­na malil­lugu iliuuseqar­nerujar­tor­til­lutit oqalun­nerujar­tor­til­lutil­lu, erseq­qin­nerujar­tor­tumik uum­matin­niitin­neqalis­saaq. Ul­lut tamaasa an­nikitsutigut ator­taruk­ku asan­nin­neq taamaat­toq ileq­quliutiin­nalis­savat. Taava an­ner­tuumik ajor­nar­torsiuteqaler­nermi asan­nin­neq malun­niutis­saaq, aalajaal­luin­narluni,  taman­nalu pis­satsis­sutigalugu ajor­nar­torsiutit anigorsin­naasas­savatit. — Lúkarse 16:10.

²⁵ Aap­pan­ni nersor­nar­tumik maluginiagaqar­pit? Taava nersoruk! Ajun­ngitsumik iliorfigiumal­ler­piuk? Taava taamaaliorit! Asan­nit­tumik pineqarumagut­ta asan­nin­neq takutit­tariaqar­par­put. Tamatumani eq­qar­tor­neqar­tut malil­lugit ilior­tarus­si, im­mis­sin­nut qanil­liar­tuin­narumaar­pusi, marluul­lusi ataasin­ngorumaar­pusi, asan­nin­nersi al­liar­tuin­narumaar­poq.

26, 27. Asan­nin­neq peqatigiin­nik­kut qanoq al­lis­sava?

²⁶ Asan­nin­neq al­lis­sap­pat peqatigiit­tariaqar­pusi. Angut siul­leq, Adam, paratiisimi inuusimavoq. Timik­kut pisariaqar­titani tamaasa pigai. Aal­laq­qaataanin­ngaan­niil­li alianaatsut avatangiisigai. Or­pip­pas­suaqaan­narani narsarsuaqaan­naranilu naasor­pas­sualin­nil­lu kuup­palut­tunik kooqaan­narani, aam­mat­taarli as­sigiin­ngitsor­pas­suar­nik uumasoqar­poq inum­mut taas­sumun­nga nunarsuarmik paarsisumut naalat­tus­saasunik. Naal­li tamak­kor­pas­suar­nik peqaraluarluni, suli ataatsimik amigaateqar­poq: inoqateqan­ngilaq paratiisimik alianaatsumik peqatigisin­naasaminik. Seqer­nup tarrin­nera alutor­nangaar­toq kisimiil­lutit nuan­naarutigisiman­ngin­ner­piuk kis­saatigalugulu asasamik aap­paqar­nis­sat isigisamik kusanangaar­tumik nuan­naarutigin­neqatigisin­naasan­nik? Imaluun­niit nuan­ningaar­tumik tusarlius­sas­saqarsiman­ngin­ner­pit tusarligas­saqar­nal­li? Adamip amigaatigisaa Jehova Guutip paasivaa aap­pas­siorlugulu eq­qarsaatiminik misigis­sutsiminil­lu peqatigisin­naasaanik. Arlaan­nik peqateqar­neq inuit marluk im­min­nut qanil­lis­sutigisar­paat, peqatigiin­nik­kul­lu asan­nin­neq sorlanis­sin­naal­lunilu al­liar­torsin­naavoq.

²⁷ Aap­pariin­neq peqatigiin­neruvoq. Qiviatsiar­neq, at­tor­neqatsiar­neq, oqaaseq asan­nip­palut­toq, tamarmik pingaaruteqarsin­naap­put, imaluun­niit eq­qis­sisimal­lutik is­siaqatigiin­ner­tik oqaaseqaratil­lu im­min­nut najor­ner­tik nuan­naarutigisin­naavaat. Iliuutsit suul­luun­niit asan­nin­nermut ersiutaasin­naap­put: sinif­filior­neq, erruineq, aningaasar­tuutitik qaangerumanagit nuliata perusutaraluaminik  uiminut qin­nutigin­nin­ngitsuugaa pisiarisin­naajumal­lugu uiata aningaasanik katersinera, imaluun­niit arlaata kinguar­toor­nerani sulias­saanut ikiuun­neq. Asan­nin­neq tas­saavoq sulinermik pin­nguar­nermil­lu, ajor­nar­torsiutinik nuan­naarutinil­lu, angusaqar­ner­nik iluatsin­ngitsoor­ner­nil­lu, isum­map eq­qarsaataanik uum­matil­lu misigis­susiinik peqatigiin­neq. Peqatigiil­lusi anguniagaqaritsi angusaqaqatigiigitsilu. Tas­suuna inuit marluk ataasin­ngor­tar­put; tas­suunalu asan­nin­neq al­lisar­poq.

28. Kif­far­tuuteqatigiin­neq asan­nin­nermut qanoq al­lis­sutaava?

²⁸ Aap­parisamik kif­far­tuus­sinik­kut asan­nin­neq al­lisin­naavoq. Nuliaq kif­far­tuus­sisar­poq nerisas­siorluni, sinif­filiorluni, asaal­luni, errorsil­luni, pisior­torluni taamaaqataanil­lu iliorluni. Uiusoq kif­far­tuus­sisar­poq aningaasarsiorluni nuliami nerisas­siaanut, sinif­filiaanut, il­lumut paarisaanut, atisanul­lu errugaanut, ilaalu ilan­ngul­lugit. Taamaasiorluni kif­far­tuus­sineq tunisinerlu pil­luar­nar­poq asan­nin­nermil­lu al­lisaal­luni. Soorlu Jesus oqarsimasoq, tunisineq tigusinermit pil­luar­nar­neruvoq. Imaluun­niit: kif­far­tuus­sineq kif­far­torfigineqar­nermit pil­luar­nar­neruvoq. (apustilit suliait 20:35) Ajoqersuk­kani oqarfigai: ’An­ner­tarsi kif­faris­savarsi.’ (Matîuse 23:11) Taamatut isumaqarunik ingiar­niun­navian­ngil­lat, pil­luar­neran­nul­lu al­lis­sutaas­saaq. Kif­far­tuus­sigaangat­ta misigisar­pugut atorfis­saqar­tin­neqarluta, siuner­taqar­tumik inuul­luta, taman­nalu im­minut ataq­qin­nilis­sutaavoq naam­magisimaarin­nin­narlunilu. Aap­pariin­nermi uiusoq nuliaasorlu tamarmik kif­far­tuus­sinis­samut taamatul­lu tul­luusimaar­nis­samut periarfis­saqarluar­tar­put, tas­suunalu aap­pariin­nerat asan­nin­nik­kut aalajangersugaanerus­saaq.

29. Suna pis­sutigalugu asan­nin­neq Guutimut kif­faan­ngitsunut al­laat kajunger­nas­sava?

²⁹ Qanormi aap­paa kristumiuup­pat Guutimut kif­faal­luni ileq­qoreq­qusanik Bibelimeersunik tamak­kunin­nga maleruaasoq, aap­paali taamaan­nani? Taamaap­pat kristumiu al­latut iliuuseqar­tus­saava? Taamaat­tariaqan­ngilaq. Im­maqa Guutip siuner­tarisai aap­paasup up­per­tup  oqaluutigival­laar­navian­ngilai, ileq­qulersuutaali al­laanavian­ngil­lat. Up­pin­ngitsoq aam­ma Jehovamik guutisior­toq amerlaner­tigut as­sigiis­sumik pisariaqar­titsisar­put, ilaatigul­lu as­sigiis­sumik isumalior­tarlutik. Soorlu Rûmamiut 2:14, 15-imi al­laaserineqar­toq: ’Guutimik nalusut inatsiseqan­ngitsut inatsisit peq­qusaat isumamin­nik naam­mas­sisaramik­kik, taava inatsiseqan­ngitsut taak­ku im­min­nut inatsisitut ip­put, inatsisit suliareq­qusaat uum­matimin­ni al­las­simasut nalunaaramik­kik, tar­nimik nalun­ngis­susiata nalunaajaaf­figim­matik, eq­qarsaataal­lu paarlaat­tarmata im­min­nik pasil­lersarlutik il­lersor­tarlutil­luun­niit.’ Kristumiutut ileq­qoqar­neq maligas­saal­luar­toq pingaar­tin­neqar­tar­poq asan­nin­nermul­lu al­lis­sutaasarluni.

30. Pisut ilungersor­nar­tut tak­kuk­kaangata aatsaat asan­nit­tumik ilior­toqar­tas­sava? Akis­sutit erseq­qin­nerusumik nas­suiaruk.

³⁰ Pisut ilungersor­nar­tut pigaangata aatsaat asan­nin­neq saq­qum­mersarin­ngilaq. Ilaatigut asan­nin­neq atisanut as­sersuun­neqarsin­naavoq. Atisanukua suut ataqatigiis­sutigaat? Al­lunaasami sil­lajaar­tumi qiler­nersuit ikit­tut? Imaluun­niit ujalus­siami amitsumi kilut mikisuaq­qat tuusintilip­pas­suit? Soorunami kilut mikisuaq­qat tuusintilip­pas­suit atatip­paat, atisaviusut imaluun­niit anersaak­kut „atisat“ pineqar­pata. An­nikitsualup­pas­suit — ul­lut tamaasa oqaatsit­ta suliat­talu — qanoq it­tuus­suser­put nalunaar­tar­paat. Anersaak­kut „atisat“ taak­ku nungul­lar­neq ajor­put naleerun­nerlu ajorlutik, naak atisaviusut naleerut­taraluar­tut. ’Aserujuip­put,’ soorlu Bibelimi al­las­simasoq. — 1 Pîtruse 3:4.

31. Kulorsamiut 3:9, 10, 12, 14-imi asan­nin­neq pil­lugu sunik ajun­ngitsumik un­nersuus­suteqar­pa?

³¹ Aap­pariin­nis­si ’ataasius­sutsip nimia iluarluin­nar­toq’ atas­sutiginis­saa kis­saatigaajuk? Taava Kulorsamiut 3:9, 10, 12, 14-imi al­las­simasoq maleruaruk: ’Inutoqaq ileq­qui tap­pul­lugit iperaras­siuk inut­taarlu nutaan­ngor­toq atisimal­lugu. Atiniarsigik imaat­tut: nal­lit­tuingaar­neq avaagin­nin­nerlu nikanar­tin­nerlu qanilaar­nerlu kamajuin­nerlu. Atiniarsiuk asan­nin­neq; taman­na [ataasius­sutsip nimeraa iluarluin­nar­toq, NV].’

[Atuaqqissaarnermi apeqqutit]