Kapiteli 10

Asannittumik perorsaanerup pingaaruteqassusia

1. Meeq­qat naalat­tuus­sap­pata, suna pisariaqar­pa?

MEEQ­QAT im­mineerlutik naalat­tun­ngor­tin­naviaratil­lu, asan­nit­tun­ngor­tin­naviaratil­lu perorsarluagaasun­ngor­tin­navian­ngil­lat. Angajoq­qaat maligas­siuinerisigut perorsaanerisigul­lu pis­susilersor­neqar­tariaqar­put.

2. Meeq­qat tar­naasa pis­susiinik ilisimatuut ilar­pas­suisa isumaasa Bibelimi un­nersuus­sutigineqar­tut suk­kut as­sigin­ngilaat?

² Meeq­qat tar­naasa pis­susiinik ilisimatuut amerlasuut oqar­tar­put meeq­qat patit­tar­neqan­ngisaan­nas­sasut, soorlu ilaat oqarsimasoq: „Ilis­si anaanaasusi, paasisimavisiuk qitor­narsi patit­taraangas­siuk takutit­taris­si qitor­narsi uumigalugu?“ Guutili oqaatsimini oqar­poq: ’Patitsim­minik qajas­suus­sisup er­nini uumigaa, asaguniul­li perorsajaararaa.’ (ús­satit 13:24) Ukiut qulil­lit arlaqan­ngitsun­nguit matuma sior­nagut, ingam­mik nunani kil­ler­ni, atuagar­pas­suaqar­poq meeq­qanik perorsaanermut tun­ngasunik meeq­qat naqisimaneqan­ngivis­sumik perorsagaanis­saan­nik pingaar­titsisunik. Tar­nip pis­susiinik ilisimatuut oqar­taraluar­put pil­laasarluni perorsaanerup meeraq naqisimaneqalersit­taraa ineriar­tor­neralu akor­nuser­tarlugu; patitsinerlu eq­qarsaatigiin­narluguluun­niit an­nilaar­naqisoq. Taak­kua isumaasa Jehova Guutip un­nersuus­sutai akerleril­luin­nar­paat. Guutip oqaasiani al­las­simavoq ’inuk siaruar­tik­kani naaper­torlugit katersuiumaarmat’. (Galâsiamiut 6:7) Ukiuni qulilin­ni arlaqan­ngitsun­nguani meeq­qat naqisimaneqan­ngivis­sumik perorsagaanis­saan­nik  pingaar­titsineq siaruar­tin­neqar­poq. Sunik katersuisoqarsimava?

3, 4. Angerlarsimaf­fim­mi eq­qor­tumik perorsaan­ngin­nerup suut kingunerisar­pai, taman­nalu pil­lugu inuit amerlasuut suna siun­nersuutigaat?

³ Naluneqan­ngilaq pinerlun­nerit inatsisaatsulior­neril­lu aatsaat taama amerlatigilersimasut. Nunat sulif­fis­suaqarfiusut ilar­pas­suini pinerlun­nerit an­ner­tuut af­faan­nut inuusut­tuaq­qat pisuup­put. Nunat ilaan­ni atuarfin­ni akerar­tuun­nerit, as­sor­tuun­nerit, asis­suinerit taqas­sinar­tulior­neril­lu, aseror­terinerit, saas­sus­sinerit, ingasap­pal­laar­tumik iluanaar­niarfigin­nin­nerit, ikual­latsitsisar­nerit, til­lin­niar­nerit, angutaaserluni ar­nerinerit, ikiaroor­nar­tunik ator­nerluinerit inuar­neril­lu atugaaqaat. Nunat an­nerit ilaan­ni ilin­niar­titsisut kat­tuf­fiata oqaaseqar­titaat oqarsimavoq meeq­qat naalatsik­kuminaan­nerisa pis­sutigigaa atuarfeqarfiit meeq­qanut suli mikisuugal­lar­til­lugit an­ngus­sin­naasiman­ngin­nerat, inuusut­tuaq­qal­lu inatsisaatsulior­tar­nerinut pisuutip­paa ilaqutariil­luni inuunerup aserorsimanera angajoq­qaal­lu qitor­namin­nut silatuunik najoq­qutas­sioruman­ngin­nerat. Suna pil­lugu ilaqutariin­ni ilaasor­tat ilaasa pinerlut­tun­ngor­tar­neran­nik ilaasali pinerlut­tun­ngor­tan­ngin­neran­nik apeq­qutip al­laaserineqar­nerani, atuak­kami qinerlerfis­siami The Encyclopædia Britannica-mi al­las­simavoq: „Ilaqutariit meeq­qanik perorsaanermik najoq­qutas­siaat sukangan­ngip­pal­laarsin­naap­put, sukan­ner­pal­laarsin­naal­lutil­luun­niit, imaluun­niit najoq­qutas­siaat al­lan­ngorar­pal­laarsin­naap­put. Amerikami misis­suinerit takutitsiar­paat angutit pinerlus­simasut 70 procentii mis­siliorlugit pinerlus­simaneran­nut silatuun­ngitsumik perorsagaasimanerat pis­sutaaqataasimas­sasoq.“

⁴ Kingunerit taamaam­mata inup­pas­suit isum­matik al­lan­ngor­teq­qis­simavaat sukan­ner­nerusumil­lu perorsaariaaseq atuleq­qis­simal­lugu.

PATITSIT PERORSAATAASOQ

5. Timik­kut an­nersitsil­luni pil­laaneq Bibelimi qanoq oqaatigineqar­pa?

⁵ Meeq­qap patin­neqar­nini an­nas­sutigisin­naavaa, Guutim­mi  oqaasiani al­las­simavoq: ’Inuusut­toq perorsar­neqar­nis­saanik erliguun­naveeruk, mas­sa patitsim­mik patik­kuk­ku toqus­sutigis­san­ngilaa; patitsim­mik patis­savat tar­naa unerif­fim­mit [ilivermit] an­natsin­niarlugu.’ Aam­ma: ’Sianiis­sut inuusut­tup uum­mataani nipin­ngasaraaq; patitsisip perorsaataasup taas­suman­nga ungasil­lisis­savaa.’ (ús­satit 23:13, 14; 22:15) Angajoq­qaat kis­saatigigunik­ku qitor­namik inuunermin­ni ingerlal­luar­nis­saat, san­ngiin­ner­tik sumigin­naaner­til­luun­niit pis­sutigalugit qitor­namik piumasaat akueriin­nar­pal­laas­san­ngilaat. Asan­nin­neq kil­lin­neqaatigalugu pisariaqar­taraangat akuliut­tas­sap­put silatuumik ingasaas­sinian­ngitsumil­lu perorsaal­lutik.

6. Perorsaaneq sunaava?

⁶ Perorsaaneq pil­laanerin­naan­ngilaq. Eq­qor­tumik perorsaaneq tas­saaneruvoq ’ajoqersuineq sungiusaanerlu aalajangersimasumik aaq­qis­sugaasut’. Taman­na pil­lugu ús­satit 8:33-mi al­las­siman­ngilaq ’perorsaat misiginiarsiuk’, al­las­simavorli: ’Perorsaat tusarniarsiuk ilisimatuun­ngorlusilu.’ Timûtiusimut agdlagkat áipait 2:24, 25 naaper­torlugu, kristumioq ’tamanut inus­siar­nersuus­saaq ajoqersuineq sapin­ngitsuul­luni, ilalaarsin­naal­lunilu naal­liuk­kuni; oqaatseriitsul­lu qanilaarluni ajoqersor­nias­savai’. ’Ajoqersor­nias­savai’ grækerit oqaasian­nit „eq­qor­tumik perorsaaneq“-mik isumaqar­tumit nutsigaavoq. Oqaaseq taan­nar­piaq Eprîarit 12:9-mi taamatut nutsigaavoq: ’Uinik­kut ataatagisavut perorsaasigigatsigik mianeralugil­lu, angeq­qinganik anersaat ataataat [anersaak­kut inuunit­ta Ataataa, NV] naalas­san­ngin­nerip­put inuul­lutalu?’

7. Angajoq­qaat perorsaanerat ajun­ngitsunik sunik kinguneqarsin­naava?

⁷ Angajoq­qaat maleruutiinar­tut qitor­namin­nit ataq­qineqar­navian­ngil­lat, soorlut­taaq naalak­kersuisut inatsisaatsulior­tunik pil­laan­ngitsoor­tar­tut naalagaaf­fim­mut in­nut­taasunit ataq­qineqar­neq ajor­tut. Eq­qor­tumik perorsar­neqaruni meeq­qap paasis­savaa angajoq­qaami asagaan­ni. Eq­qor­tumik perorsaaneq angerlarsimaf­fim­mi eq­qis­sis­sutis­saas­saaq, kingor­nami ’eq­qis­sinar­tumik iluar­nis­samik  tas­suuna sungiusagaasut pis­saan­nik kingunis­saqararaaq’. (Eprîarit 12:11) Meeq­qat naalan­ngitsut perorsar­nerlugaasul­lu angerlarsimaf­fim­mi sumiluun­niit paamin­nar­tar­put, meeq­qal­lu taamaat­tut pil­luarluin­nar­neq naluaat, im­min­nil­luun­niit naam­magisimaar­neq ajorlutik. ’Er­nerit perorsar­niaruk, taava unin­ngal­luar­tik­kumaar­paatit [eq­qis­sisimal­luar­tik­kumaar­paatit] tar­nik­kul­lu nuan­naar­til­lutit.’ (ús­satit 29:17) Sukan­nersumik aam­mat­taarli asan­nit­tumik perorsar­neqaraangami meeraq paasin­nit­taasia iluarsineqar­tar­poq, piuminar­nerulersarluni najoruminar­nerulersarlunilu. Ilumut, perorsaaneq ’eq­qis­sinar­tumik kingunis­saqararaaq’.

8. Angajoq­qaat qanoq ilil­lutik asan­nit­tumik perorsaasin­naap­pat?

⁸ ’Asasani Jehovap perorsar­tar­pai.’ (Eprîarit 12:6) Angajoq­qaat­taaq qitor­namik iluaqutis­saan­nik pingaar­titsisut taamaalior­tar­put. Eq­qor­tumik perorsaaneq asan­nin­nermut ersiutaavoq, asan­nit­tumil­lu taamaalior­tariaqar­poq. Meeraq naalan­ngik­kaangat, pis­susis­samisoor­poq kamas­sal­luni, kisian­nili, soorlu Bibelimi takutin­neqar­toq, im­minut naalak­kersorsin­naasariaqar­poq. (2 Timûtiuse 2:24) Kaman­nini nunoreerlugu meeq­qap ajor­tuliai sualun­ngitsut an­ner­tuutut isumaqarfigiun­naararai: ’Inuk silaqar­nerata kamajuitsun­ngor­tit­tar­paa, nersor­nas­saarlu pinerluf­figineqar­nini qaangiin­narsin­naagunigit.’ (ús­satit 19:11; aam­ma takuuk akugdlîs­sup oĸausê 7:8, 9.) As­sigiin­ngitsunik patsisis­saqarsin­naavoq: Im­maqa meeraq qasual­laar­poq im­maqaluun­niit peq­qip­piar­nani. Im­maqa qanoq oqarfigineqarsimanini ilumut puior­paa; inersimasut­taarmi puior­tar­put, ilaa? Ajor­tulior­nerali patsisis­saqavip­pat sumigin­nagas­saan­ngip­pal­lu, angajoq­qaavisa kamaam­merlutik perorsar­nias­san­ngilaat, narran­ner­til­lu an­nin­niaan­narlugu patit­tas­sanagu. Perorsaanerup ilin­niar­titsineq ilagaa, angajoq­qaamil­li kamaam­mer­nerat meeq­qap sumik ilin­niarfigis­savaa? Im­minut naalak­kersorsin­naaneq pin­nagu, tamatumali akerlianik ilin­niarfigis­savaa. Angajoq­qaat kamaam­mer­neran­ni perorsar­neqaruni meeq­qap isumas­sor­neqar­nini misiginavian­ngilaa, eq­qor­tumil­li perorsar­neqaraangami isumas­sor­neqar­nini  misigisaraa. Ingasaas­sinian­ngin­neq pisariaqar­poq eq­qis­sinerlu an­ner­tusas­sal­lugu.

ERSEQQISSUMIK KILLILIISARITSI

9. ús­satit 6:20-23 naaper­torlugu angajoq­qaat qitor­namin­nut qanoq ilior­tus­saap­pat?

⁹ Angajoq­qaat qitor­namin­nut najoq­qutas­siuisus­saap­put. ’Er­nin­nguara, ataatavit inas­sutai maleruak­kit, anaanavil­lu inatsisai tunul­liuteqinagit. Uum­matin­nut qilerus­simat­tuin­nak­kit, qungatsin­nut ujamiliuk­kit; angalasaraangavit tasis­sersuus­savaatsit, in­naraangavit ser­nigis­savaatsit, iteraangavil­lu oqaloqatigis­savaatsit. Inas­sut naneruutaam­mat, inatsisil­lu qaam­maq­qutaal­lutik, iner­teq­qul­lu perorsaataasoq inuunar­tumut aq­qutaal­luni.’ Angajoq­qaat najoq­qutas­siaasa meeraq siulersus­savaat ser­nis­sus­sal­lugulu, angajoq­qaal­lu qitor­namik inuul­luar­nis­saanik pil­luar­nis­saanil­lu pingaar­titsineran­nut ersiutaal­lutik. — ús­satit 6:20-23.

10. Angajoq­qaat qitor­namin­nik perorsaan­ngip­pata, qanoq pisoqarsin­naava?

¹⁰ Ataataq pisus­saas­sutsiminik sumigin­naasoq an­ner­tuumik akisus­saas­suseqar­poq. Elip, itsarsuaq Israelimi palasiunerusup, er­nermi piumatuunerat, soq­qusaatsuunerat kan­ngunar­tulior­tuuneral­lu ilagin­nar­paa; as­suaritsiaraluar­pai, eq­qun­ngitsulior­tar­neral­li unitsin­niarlugu iluamik iliuuseqarsimanani. Taamaat­tumik Guuti oqar­poq: ’Inoqutai uanga naas­saan­ngitsumik eq­qar­tuuk­kumaar­pak­ka ajor­tuliaq pil­lugu, er­nini nalun­ngim­magit perloq­qusas­san­ngor­tit­tut an­nuf­figinagil­lu.’ (1 Sâmuale 2:12-17, 22-25; 3:13) Taamatut­taaq, pisus­saas­sutsi sumigin­naruniuk, anaanaq kan­ngunarsagaas­saaq: ’Patitsit iner­teq­qul­lu ilisimatitsisar­put, inuusut­torlu isumamineersitaq ar­naata kan­ngusuutigisar­paa.’ — ús­satit 29:15.

11. Suna pil­lugu meeq­qat kil­liliif­figineqar­ner­tik iluaqutigisar­paat?

¹¹ Meeq­qat kil­liliif­figisaaner­tik iluaqutigisar­paat. Kil­liliif­figineqan­ngik­kunik nalor­nilersar­put. Kil­liliif­figisaagunik kil­liliineril­lu maleruarunik­kik atas­suteqaqatigiin­neq misigisar­paat; eqimat­tamut atal­lutik misigisar­put,  piumasarineqar­tul­lu naam­mas­sigamik­kik eqimat­tamit akuerineqarlutik misigisar­put. Piumasamin­nut tamanut akuerineqar­tarunik inuusut­tut misigisar­put im­miniigin­nar­titaal­lutik, nalor­nil­lutil­lu nam­min­neerlutik misiliiniar­nermik­kut siumut ingerlasariaqarlutik. Iner­nerit takutit­tar­paat inersimasut kil­lilius­sanik paasisiman­nil­luar­tut, kil­lilius­sanil­lu inun­nut al­lanut nas­suiaasar­tut meeq­qat atorfis­saqar­tik­kaat. Meeq­qat paasisariaqar­paat nunami najugal­lit tamarmik as­sigiin­ngitsunik kil­liliif­figisaasut, aam­ma tamat­ta kil­liliinerit iluaqutigigivut pil­luar­nerus­sutigalugil­lu. Kif­faan­ngis­suseqar­toqarsin­naavoq aatsaal­li inuit al­lat uagut piumasatsin­nik iliorsin­naaner­put akuerip­pas­suk uagul­lu taak­kua piumasamin­nik iliorsin­naanerat akuerigutsigu. Kil­liliiner­nik eq­qor­tuusunik unioq­qutitsisoqaruni, ’qatan­ngun­ni suk­kut peq­qusersiorfigalugu in­narlis­savaa’. — 1 Tásalûníkamiut 4:6.

12. Suna pil­lugu im­minut naalak­kersorsin­naaneq pisariaqar­pa, angajoq­qaal­lu qitor­natik qanoq ikiorsin­naavaat taman­na ineriar­tor­teq­qul­lugu?

¹² Meeq­qat paasilerunik­ku unioq­qutitsinerit suk­kut arlaatigut pil­lar­neqar­nermik kinguneqar­tar­tut, kil­lis­satik paasilis­savaat, angajoq­qaal­lu as­sigiis­sumik ilitsersuineratigut im­minut naalak­kersorsin­naaneq, tul­luusimaar­nar­tumik inuuniar­nis­samin­nut pisariaqar­titar­tik, ineriar­tor­tin­nias­savaat. Im­minut perorsan­ngik­kuni al­lanit perorsar­neqas­saaq. (1 Korintumiut 9:25, 27) Im­minut naalak­kersorsin­naaner­put sak­kor­tusarutsigu qitor­navul­lu ikiorutsigik taamaalioq­qul­lugit, uagut inuuner­put taak­kualu inuunerat pil­luar­nar­nerus­saaq, aliasuutil­lu ajor­nar­torsiutil­lu an­nikin­nerus­sap­put.

13. Angajoq­qaat qitor­namin­nut najoq­qutas­sioraangamik pingaar­tut suut eq­qaamasariaqar­paat?

¹³ Meeq­qanut najoq­qutas­siat kil­liliineril­lu erseq­qis­suusariaqar­put ingasan­natil­lu, qajas­suun­neqar­nis­saan­nul­lu inis­saqar­tariaqarluni. Ingasat­tumik an­nikip­pal­laar­tumil­luun­niit ilimasuf­figinaveersigik. Qas­sinik ukioqar­nerat puior­naveersiuk, utoq­qaas­suser­tim­mi naaper­torlugu pis­susilersor­tas­sap­put. Suli meeraatil­lugit inersimasutut ileq­qoqar­nis­saat ilimagis­san­ngilarsi. Soorlu apustili oqar­toq: meeraagal­larami meeq­qatut ilior­tar­poq. (1 Korintumiut  13:11) Malit­tarisas­sal­li naleq­qut­tut aalajanger­neqareermata qitor­nas­silu paasereermatigik, taava ilis­si aam­ma aalajaal­lusi maleruar­niaq­qis­saar­tariaqar­pasi. „Oqaasersi aap aapimik isumaqar­tis­siuk, oqaasersilu naagga naaggamik isumaqar­til­lugu.“ (Matîuse 5:37, NV) Imaap­pormi: Angajoq­qaat oqaatsimin­nik eq­quutititsisar­tut, aalajangeriik­katik tun­ngavigalugit ilior­tar­tut tutsuiginar­tul­lu meeq­qat pingaar­tit­tar­paat, angajoq­qaamim­mi pis­saanerat an­ner­toq­qutigigamik­ku, nalun­ngilaal­lu ajor­nar­torsiulis­sagunik ikior­neqar­nis­samil­lu atorfis­saqar­titsilis­sagunik tatigisin­naagitsik. Angajoq­qaat sukan­ner­pal­laan­ngip­pata taamaak­kaluar­torli naalan­ngitsulior­nermik sumigin­naaneq ajor­pata, pis­susiat taman­na meeq­qat isumal­luutigis­savaat toq­qis­sisimas­sutigis­sal­lugulu. Meeq­qat sumik piumaf­figineqar­ner­tik ilisimajumavaat, aam­ma taama it­tunik angajoq­qaaqarunik, sumik piumaf­figineqar­ner­tik nalus­san­ngilaat.

14. Meeq­qat angajoq­qaamik un­nersuus­sutaat maleruaruman­ngik­kaangatigik, suna pil­lugu angajoq­qaat aalajaat­tariaqar­pat?

¹⁴ Angajoq­qaat peq­qus­sutaat meeq­qap maleruaruman­ngik­kaangagu angajoq­qaat aalajangeriataal­laq­qis­suusariaqar­put najoq­qutas­siamin­nik aalajangius­sisimaner­tik takutis­sagunik­ku. Taamatut pisoqar­nerani angajoq­qaat ilaasa qitor­natik pil­laatis­samik sioorasaar­tar­paat, ilaasa iluaqutaan­ngitsumik oq­qateqatigisar­paat, ilaasalu qitor­natik akilerlugit peq­qus­sutigisamin­nik maleruaatin­niar­tarlugit. Amerlasuutigul­li al­la pisariaqan­ngilaq kisian­ni meeraq naalat­tariaqar­tutut aalajaatsumik oqarfigis­sal­lugu pinngitsoorani massakkorpiaq naalat­tariaqar­toq. Biilimik aggersoqar­til­lugu meeraq aq­qusinermut avalap­pat, angajoq­qaavisa paatsuugas­saan­ngitsumik iner­tis­sagaluar­paat. Soorlu tamak­kunin­nga paasiniaasimasut ilaat oqar­tut: „Angajoq­qaat tamangajam­mik qitor­natik atuariar­toq­qugaangamik­kik, . . . kigutimin­nik saleeq­qugaangamik­kik, il­lup qaliata qaavanut qaqeq­quneq ajoraangamik­kik, uf­faq­qugaangamik­kik, ilaal­lu ilan­ngul­lugit, iluatsitsisar­put. Meeq­qat pinaaser­taraluar­put. Naalat­tar­pul­li nalun­ngin­namik­ku angajoq­qaamik peq­qusiner­tik ilumooruk­kaat.“ ’Inas­sutisi inatsisisilu’ aalajangiut­tuaan­narus­sigik  aatsaat ilimagisin­naavarsi qitor­nas­si ’uum­matimin­nut qilerus­simat­tuin­nas­sagaat qungatsimin­nul­lu ujamilius­sagaat’. — ús­satit 6:21.

15. Angajoq­qaat najoq­qutas­siamin­nik unioq­qutitsaalisitsinermin­ni aalajangeriik­katik tun­ngavigalugit iliun­ngip­pata, meeq­qat qanoq isumaqalersin­naap­pat?

¹⁵ Angajoq­qaat najoq­qutas­siat piumal­leraangamik aatsaat unioq­qutin­neqatsaalisit­tar­patigik, imaluun­niit perorsaanis­saq pil­laanis­sarluun­niit kinguar­teqat­taar­tarlugu, meeq­qat sapiiserlutik misiliiniar­tar­put qanoq naalan­ngitsulior­tigisin­naanerlutik imaluun­niit pil­lar­neqar­natik qanoq ingasatsigisumik iliorsin­naanerlutik paasiniarlugu. Pil­lar­neqan­ngilerunik meeq­qat inersimasunit pitsaanerujun­naavit­tar­put — eq­qun­ngitsulior­nermut sapiil­lisar­put. ’Eq­qar­tuus­sut er­niin­naq naam­mas­sineqan­ngim­mat ajor­tuliaq pil­lugu, taman­na pis­sutigalugu inuup qitor­naasa uum­mataat ajor­tulius­sanganer­nik ulik­kaararaat iluini.’ (akugdlîs­sup oĸausê 8:11) Taamaat­tumik isumaviit oqaatigisaruk, ilumoor­tumil­lu oqar­tarit. Taava qitor­nas­si paasis­savaat aalajangersimasuusutit, paasis­sal­lugulu iluaqutaan­ngitsoq an­nukujuin­nas­sal­luni, akerliliis­sal­luni isumaqar­tuusaas­sal­luniluun­niit naak­kit­taatsutit asan­nin­ngitsutil­luun­niit.

16. Naleq­qutin­ngitsunik najoq­qutas­sior­naveersaarlutik angajoq­qaat qanoq iliorsin­naap­pat?

¹⁶ Taamaas­sap­pat il­lit oqalutsin­nak eq­qarsaq­qaar­tariaqar­tas­saatit. Najoq­qutas­siat inas­sutil­luun­niit eq­qarsaatigil­luaq­qaar­nagit inas­sutigineqar­tut naleq­qutin­ngitsuusar­put. ’Inuk kinaluun­niit tusarasuarluni pili oqaluk­kumaar­ner­tul­lunilu kamak­kumaar­ner­tul­lunilu.’ (Jâko 1:19) Perorsaatit eq­qor­tuun­ngip­pata tun­ngavigisal­lu naaper­torlugit naam­mas­siniar­neqaratik, meeq­qat naaper­tuil­luar­nis­samik paasisimasaqar­nerat inun­nguutsimit pigisaat ajoqusis­savarsi, meeq­qal­lu im­maqa akaariun­naas­savaasi.

ALIIKKUSER­SUUTISSAT NAKKUTIGISIGIK

17. Meeq­qat sulineq pin­nguar­nerlu qanoq isumaqarfigis­savaat?

¹⁷ Pin­nguar­neq meeq­qap inuunerata pis­susis­samisoor­tumik ilagaa. (Saggaria 8:5) Angajoq­qaat taman­na paasisariaqar­paat,  aam­mat­taarli meeraq sulinermik pingaar­titsinermik akisus­saas­susermil­lu misigisaqar­nermik ilin­niar­tik­kiar­tuaar­tariaqarlugu. Taava sulias­saqar­tin­neqaleriar­tor­til­luni meeq­qap paasisariaqar­paa sulias­sani siul­liul­lugit isumagisas­sagini; pin­nguar­neq tunul­liut­tariaqar­toq.

18. Meeq­qat ilagisar­tak­kamin­nit qanoq sun­ner­neqarsin­naap­pat?

¹⁸ Meeq­qat ilaat al­lami pin­nguarfis­sarsiorlutil­lu aliik­kutas­sarsior­tuaan­nar­tut angerlarsimaneq ajungajat­taramik angerlarsimaf­fim­mi „takor­nar­tan­ngor­tar­put“. Ilagisar­tagapalaaqarunik, ajor­tumik sun­ner­neqas­sap­put. (1 Korintumiut 15:33) Soorunami inun­nik angerlarsimaf­fiup avataaniit­tunik atas­suteqar­neq meeq­qap iluaqutigis­savaa, tas­suunami inun­nik al­lanik ilaqar­neq ilin­nias­sagamiuk. Angerlarsimaf­fiul­li avataani ilagisar­tagaqar­pal­laar­pat, imaluun­niit qanoq it­tunik ikin­nguteqar­nera nak­kutigineqan­ngip­pat, ilaqutariit ataqatigiin­nerat sak­kukil­liar­tulis­saaq al­laal­lu aseroriar­tulersin­naal­luni.

19. Angajoq­qaat suut eq­qarsaatigisin­naavaat paasiniarlugu qanoq ilil­lutik angerlarsimaf­fitsik qitor­namin­nut kajunger­nar­tuutis­sin­naal­lugu?

¹⁹ Taman­na pitsaalior­niarlugu aam­mat­taaq perorsaatil­lutik, angajoq­qaat im­min­nut aperisariaqar­put qanoq iliorsin­naanerlutik meeq­qat angerlarsimajumanerulersin­niarlugit. Pif­fis­saq naam­mat­toq qitor­nas­sin­nut ator­tar­ner­pisiuk, perorsaan­nar­nagit ajoqersuin­nar­nagil­lu, aam­mat­taarli ikin­ngutiginiarlugit as­sigiin­ngitsunil­lu suleqatiginiarlugit? „Ulapin­nermit“ qitor­nasi arlaan­nik suleqatigis­sal­lugit pin­nguaqatigis­sal­lugil­luun­niit pif­fis­saqar­neq ajor­pisi? Meeraq peqatigalugu ilioriarfis­sat maangaan­nar­tin­neqar­tut uter­navian­ngil­lat. Pif­fis­saq uter­neq ajor­poq, meerarlu al­liar­tor­tuarlunilu al­lan­ngoriar­tor­tuar­poq. Ukiut qaangius­sor­put, aam­ma naak il­lit misigigaluarit soorlulusooq ip­pas­saan­naq er­nersi pisun­nialeq­qaar­toq, imaalial­laan­naq inuusut­tun­ngulersimavoq, panin­nguarisimasarsilu inersimasun­ngulerluni ar­nan­ngulereersimal­luni. Aatsaat nam­mineq pif­fis­sarsi mianersor­tumik atorus­siuk, ilungersorus­silu pif­fis­sarsi eq­qor­tumik ator­niarlugu, ukiuni erlin­nar­tuni tamak­kunani  periarfis­sasi asiutin­navian­ngilasi — imaluun­niit qitor­nasi al­liar­tor­nermin­ni ilis­sin­nit ungasil­linavian­ngil­lat. — ús­satit 3:27.

20, 21. Angerlarsimaf­fim­mi fjer­nsyneqaraan­ni, angajoq­qaat qanoq ilior­tus­saap­pat, sunalu pil­lugu?

²⁰ Fjer­nsyneqaraan­ni pisariaqarsin­naavoq isigin­naar­tar­neq kil­liler­nias­sal­lugu. Angajoq­qaat ilaasa fjer­nsyni meeq­qanik paarsisutut ator­tar­paat. Isumaqar­put aaq­qiineq taman­na ajor­nan­ngitsuul­lunilu akikitsuusoq; akisuumil­li kinguneqarsin­naavoq. Fjer­nsynik­kut isigin­naagas­siat persut­taasunik atoqatigiit­tunil­lu ingasat­tumik imaqar­tar­put. Isumaqalersitsisar­poq ajor­nar­torsiutit persut­taasar­neq atorlugu aaq­qin­neqar­tar­nerat pis­susis­samisoorluin­nar­tuusoq, aam­malu ul­lumik­kut kinguaas­siuutitigut kik­kun­nik tamanik atoqatigin­nin­neq inun­nit tamanit akuerisaasoq. Misis­suinerit amerlasuut takutip­paat sun­niinerup taamaat­tup inuit, pingaar­tumil­lu inuusut­tut, misigit­taatsun­ngor­tis­sin­naagai, ileq­qul­lu taamaat­tut ajun­ngitsutut isumaqarfigilersil­lugit. Qitor­natit nerisas­sanik peq­qin­nar­tunik nereq­qusar­patit, mingut­tunik mikiarsimasunil­lu nereq­qunagit. Isum­mamin­nut iser­titaat sianiginerusariaqar­patit. Soorlu Jesus oqar­toq, nerisat inuup uum­mataanut pineq ajor­put; isum­matsin­niititavul­li uum­matitsin­nut pisar­put. — Mákorse 7:18-23.

²¹ Angajoq­qaat qitor­namik fjer­nsynik­koorusianik sunik isigin­naar­tar­neran­nik qanorlu isigin­naar­tigisar­neran­nik nak­kutigin­nin­nerat meeq­qat ineriar­tor­nis­saan­nut an­ner­tuumik pingaaruteqarsin­naavoq. Fjer­nsyni aliik­kutaal­luarsin­naasunik ilin­niutaal­luarsin­naasunil­lu aal­lakaatitsisin­naasar­poq; nak­kutigineqan­ngip­pal­li uerinerlun­narsin­naavoq, meeq­qat ingasap­pal­laar­tumik fjer­nsynimik isigin­naar­tar­tun­ngorsin­naap­put, pif­fis­sarlu sivisungaar­toq ator­nerlus­sin­naal­lugu. Pif­fis­saq inuuneruvoq, pif­fis­sal­lu tamatuma ilaa an­ner­tooq ajun­ngin­nerusumut ator­neqarluarsin­naavoq. Imaak­kami: fjer­nsynip nam­mineq iliuuseqar­tarneq isigin­naagin­nar­nermik taarser­paa. Timik­kut sulinerin­naan­ngitsoq aam­mat­taarli atuar­neq oqaloqatigiin­nerlu tunuar­tit­tar­pai. Ilaqutariit  oqaloqatigiit­tariaqar­tar­put ataqatigiis­suseqar­tariaqar­tarlutil­lu, pisariaqar­torlu taman­na naam­mas­sinavian­ngilaat inimi ataasiusumi nipangersimal­lutik is­siaqatigiil­lutik fjer­nsynimik isigin­naagin­nar­nermik­kut. Fjer­nsynimik isigin­naar­tar­nerat ingasap­pal­laar­pat, taman­na taarserlugu angajoq­qaat qitor­natik suliner­nik al­lanik peq­qin­nar­tunik — pin­nguar­nermik, atuar­nermik, ilaqutariil­lu suleqatigiin­neran­nik — soqutigin­nin­nerulersin­niarsin­naavaat, ingam­mik angajoq­qaat siulersuil­lutik maligas­siuil­luarunik.

PAASEQATIGIIL­LUARAANGASSI AATSAAT PERORSAASARIT!

22. Sooq meeq­qat oqaatsit angajoq­qaamik ator­tagaat paasisin­naasariaqar­paat?

²² Ataataq imatut oqalut­tuar­poq:

„Er­nera pingasunik ukioqalermat sivisungaatsiar­tumik oqaluup­para sal­lusar­neq pil­lugu; paasitip­para Guutip sal­lusut uumigigai, ús­satit 6:16-19 al­las­simaf­fiil­lu al­lat is­suaaf­figalugit. Naalaarluar­poq oqaatsik­kalu naleq­qut­tumik qisuariarfigisarai malun­nar­poq. Taamaak­kaluar­torli misigivunga oqaatsima pingaar­tor­taat paasin­ngik­kai. Taamaat­tumik aperaara: ’Sal­lu sunar­piaasoq nalun­ngiliuk?’ ’Naagga,’ akivoq. Kingor­na oqaaserisak­ka paasinerai sunalu pis­sutigalugu naveer­neqarluni perorsar­neqarluniluun­niit nalun­ngin­neraa paasiniarluaq­qis­saar­tar­para.“

23. Qanoq ilior­toqarsin­naava meeq­qat paasitin­niarlugit iliuuseq aalajangersimasoq eq­qor­tuusoq?

²³ Meeq­qat naalungiarsuutil­lugit angajoq­qaat iner­terigaangamik oqar­tar­nis­saat „Naamik“ naam­mat­tar­poq, soorlu meeq­qap kis­sarsuut at­tor­niaraangagu. Mianersoq­qus­sutil­li paasiuminar­tut siul­liit tamak­ku nas­suiaaser­neqarsin­naap­put. Soorlu: kis­sarsuut tik­kuaatigalugu oqar­toqarsin­naavoq „Uunar­poq!“ at­toraan­nilu „An­ner­nar­toq!“ Aal­laq­qaataaniil­li meeraq paasitin­niar­taruk piumasarineqar­tut tamaasa meeq­qap iluaqutigis­sagai; taavalu pis­sutsit, soorlu ajun­ngis­suseq, qajas­suus­sineq asan­nin­nerlu, kis­saatiginar­tuuneri ersersit­taruk. Meeraq paasitin­niaruk inas­sutit iner­teq­qutil­lu eq­qor­tut tamarmik pis­sutsit  tamak­ku tun­ngavigigaat. Erseq­qis­sar­tarut­taaq suna pil­lugu qanoq ilior­nerata aalajangersimasup pis­sutsit kis­saatiginar­tut tamak­ku ersersik­kai ersersin­ngik­kaaluun­niit. Tamatigut taamaalior­taruit meeq­qap isumaa kisiat sun­nis­san­ngilat, aam­mat­taarli uum­mataa sun­nersin­naas­savat. — Matîuse 7:12; Rûmamiut 13:10.

24. Meeq­qap oqar­tus­saasunik ataq­qin­nin­nis­saa sooq pingaaruteqar­pa?

²⁴ Aam­mat­taaq meeraq naalat­tariaqar­nermik oqar­tus­saatitaasunul­lu ataq­qin­nit­tariaqar­nermik puiutsaalineqariar­tuaar­tariaqar­poq. Inuunerata ukiuani siul­lermi meeq­qap inersimasut peq­qus­sutaan­nut naalak­kumanera naalak­kuman­ngin­neraluun­niit malun­narsis­saaq. Isumak­kut naam­mat­tumik ineris­simaler­pat, erseq­qis­saatis­savat angajoq­qaat Guutimut akisus­saaneran­nik. Taman­na meeq­qap naalak­kumaneranut as­sut sun­niuteqarsin­naavoq. Taman­na paasin­ngik­kunik­ku meeq­qat isumaqarsin­naap­put naalat­tariaqarlutik angajoq­qaatik an­nerum­mata nukeqar­nerum­matalu. Meerarli paasitin­neqaruni angajoq­qaat nam­min­neq eq­qarsaatitik pin­nagit Pin­ngor­titsisul­li oqaasii, Bibelimi al­las­simasut, meeq­qamut ajoqersuutigigaat, taava meeq­qap angajoq­qaat un­nersuus­sutaat peq­qus­sutaal­lu maleruar­tariaqar­tutut isumaqarfigis­savai. Meeq­qap taman­na pis­satsis­sutigingaarsin­naavaa inuunermini ajor­nar­torsiuteqaleruni, tatineqar­nermini us­ser­niar­neqar­nerminilu ileq­qoreq­qusanik eq­qor­tunik aalajangius­sinerup qanoq ar­tor­nar­tigisin­naas­susia paasileruniuk. — Tus­siaat 119:109-111; ús­satit 6:20-22.

25. Siun­nersuut ús­satit 17:9-mi al­las­simasoq angajoq­qaat qanoq ikior­tigisin­naavaat qitor­natik eq­qor­tumik perorsar­niarlugit?

²⁵ ’Pinerlun­nermik matoorsisup asan­nin­neq piniar­paa, oqaatigisamil­li nangitsisup ikin­ngutigiit avis­saar­tit­tar­pai.’ (ús­satit 17:9) Taman­na ilumoor­por­taaq angajoq­qaat meeq­qal­lu eq­qarsaatigalugit. Meeraq kuk­kunermik paasitin­neqareer­pat sunalu pil­lugu pil­lar­neqar­tariaqarluni paasereer­pagu, pil­lar­neqareer­pal­lu, angajoq­qaat asan­nit­tumik taman­na pereersutut isigisariaqar­paat kuk­kusimaneralu eq­qaaq­qis­sanagu. Qanorluun­niit pisoqaraluar­pat, meeraq paasitis­savat eq­qun­ngitsulior­neq uumigisaasoq,  meeraq uumigisaan­ngitsoq. (Jûtarse 23) Meeraq isumaqas­saaq naam­mat­tumik pil­lar­neqareerluni, pereersorlu eq­qaaq­qin­neqar­tar­pat nikanarsagaaner­tut pisariaqan­ngitsutut isigis­savaa. Taamaalior­neq meeq­qap angajoq­qaavisalu qatan­ngutaasaluun­niit akerleriin­nis­saan­nik kinguneqaratarsin­naavoq. Meeq­qap ileq­qorlut­tun­nguler­nis­saa angajoq­qaat aarleq­qutigigunik­ku, taman­na kingusin­nerusuk­kut ilaqutariit oqaloqatigiin­neran­ni oqaluuserineqarsin­naas­saaq. Taamaalil­lutik ajor­tuliai pereersut tul­leriiaarlugit taagus­san­ngilaat, tun­ngaviusumil­li najoq­qutas­sat suut ator­tuusut oqaluuseris­savaat, pineqar­tumi qanoq ator­niar­neqarsin­naanis­saat maleruar­neqar­nis­saasalu naas­saan­ngitsumik pil­luar­nis­samut qanoq al­lis­sutaasin­naanis­saat oqaluuseralugit.

PERORSAARIAATSIT ASSIGIINNGITSUT

26. Sooq meeq­qat perorsaariaatsit as­sigiin­ngitsut as­sigiin­ngitsumik qisuariarfigisar­paat?

²⁶ ’Sianisooq ap­pisaluul­lugu an­nermik kil­lin­neqar­tar­poq, silaqan­ngitsoq hundredelin­nik unataraluarlugu min­nermik kil­lin­neqar­tar­poq.’ (ús­satit 17:10) Meeq­qat as­sigiin­neq ajor­put, as­sigiin­ngitsumil­lu perorsar­neqar­tariaqar­put. Meeq­qap aalajangersimasup iluk­kut isumak­kul­lu pis­susia naatsorsuutigineqar­tariaqar­poq. Meeraq aalajangersimasoq im­maqa malus­saris­suuvoq, timik­kul­lu an­nersil­lugu pil­lar­neqar­tar­nis­saa ilaatigut pisariaqar­tar­naviarani. Meeq­qamul­li al­lamut timik­kut pil­lagaaneq im­maqa sun­niuteqar­neq ajor­poq. Meeq­qal­lu al­lap as­sigisin­naavaa kif­faq ús­satit 29:19-imi al­laatigisaq, ’oqaatsinik perorsagas­saasarin­ngitsoq; paasigaluaraangamigit akisarin­ngitsoq’. Taamaat­toqar­til­lugu timik­kut an­nersin­neqarluni perorsagaaneq pisariaqar­tar­poq.

27. Qanoq ilil­luni ataataasup nukap­piaraatini iik­kamut titar­taasarun­naarsip­paa?

²⁷ Anaanaq imatut oqalut­tuar­poq:

„Er­nerma suli marlun­nik ukioqaler­nani iigaq titar­taaf­figaa — naq­qup sinaak­kutaata qulin­nguagut titar­ner­nik naatsunik aap­palut­tunik. Ataataata tik­kuar­pai taak­kualu suunerinik nukap­piaraq aperalugu. Meeran­nguup nak­kutiin­nar­paa uis­suum­mil­luni oqar­nanilu.  Kiisalu ataataa oqar­poq: ’Aam­ma uanga ilit­tut mikitigigal­larama iik­kamut titar­taal­lunga misilin­nikuuara. Nuan­ni, ilaa?’ Taava nukap­piaran­nguaq qungujulaler­poq, nuan­naangaarlunilu qiim­matsal­luni nuan­nis­susia oqalut­tuaraa. Nalun­ngilaa ataatami paasigaani! Taavali ataataata nas­suiaap­paa naak nuan­neraluar­toq, iik­kat titar­taaf­figisas­saan­ngitsut. Paaseqatigiiler­put, nukap­piararlu al­latut perorsagaasariaqan­ngilaq kisian­ni oqaluun­neqar­tariaqarluni.“

28. Qanoq ilil­luni qitor­nal­lu akioriin­neq oq­qan­nerluun­niit ingalan­niarsin­naavisiuk?

²⁸ Soorlu oqaatigereerip­put, perorsaatil­luni iluaqutaas­saqaaq perorsaat pis­suteqar­tit­tarlugu, tas­suuna meeraq ajoqersor­niarlugu perorsar­niarlugulu. Silatusaar­nerun­ngilarli meerarlu akioriit­tarluni ap­pisaluut­tarluguluun­niit. Sulias­saq aalajangersimasoq meeq­qap suliariuman­ngim­magu, anaanaa oqaan­nar­poq: „Ineruk­ku naatsiivis­sualias­saagut,“ meeq­qap qilanaarutigim­magu ul­loq taan­na taavun­nar­nis­sar­tik. Suliareq­qusaq naam­mas­sineqar­tin­nagu aneer­toqar­navian­ngilaq. Meeq­qap sulias­sani ingerlan­neraa paasiniarlugu alak­karlugu paasigaangamiuk suli suliarisiman­ngik­kaa, ar­naa oqararaaq: „Suli inin­ngilatit? Suliareeruk­ku aniumaar­pugut.“ Naveersin­ngilaq, kinguneqarluar­titsivorli.

29. Qanoq ilior­toqarsin­naava eq­qun­ngitsulior­nerata kinguneri nuan­nin­ngitsut meeq­qamut misigitin­niarlugit?

²⁹ Meeq­qat eq­qun­ngitsulior­nermik kinguneri nuan­nin­ngitsut ator­tariaqar­tarunik­kik, eq­qor­tulior­tar­nerup silatusaar­nerus­susia paasinerus­savaat. Meeraq tukas­saava? Nam­mineq torersaaq­quneqaruni sak­kor­tunermik ilin­niutigis­savaa. Meeraq pis­susis­samisuun­ngitsumik imaluun­niit ataq­qin­nip­palun­ngitsumik ilior­pa? Utoq­qatser­neq ilin­niaruniuk taamaaliorajun­nini qular­nan­ngitsumik anigorsin­naas­savaa. Kamal­luni aseruiva? Meeraq naam­mat­tumik utoq­qaas­suseqaruni aseruk­kaminik taarseeq­quneqarsin­naavoq. Meeq­qat ilaan­nut sun­niuteqar­ner­paasar­poq arlaan­nik im­mik­kut akuerineqaatigisaan­nik unitsitsigal­lar­nis­saq. Kristumiut ilagiis­saan­ni inuit naalas­seriitsut kan­ngusutsin­neqarsin­naap­put ikin­ngutigiit­tut katersuus­simaner­nut  najuuteq­quneqan­ngik­kunik. (2 Tásalûníkamiut 3:6, 14, 15) Meeq­qat eq­qarsaatigalugit, ilaqutariit nuan­naaqatigiin­neran­nut peqataaq­quneqan­ngik­kal­lar­neq timik­kut an­nersin­neqarluni pil­lagaanermit sun­niuteqar­nerusin­naavoq. Ingasap­pal­laar­tumil­li naveersineq, soorlu meeraq par­naarul­lugu anitsaalil­luguluun­niit, asan­nin­nermut tul­luan­ngivip­poq. Suna periaaserineqaraluar­pal­luun­niit, meeq­qat erseq­qis­saan­neqar­tariaqar­put qanoq ilior­nermik kinguneri ator­tariaqaritik. Tas­suuna meeq­qat akisus­saas­susermik misigisimaneq ilin­nias­savaat.

ASANNITTUMIK PERORSAAGITSI

30. Suna pil­lugu angajoq­qaat qitor­namin­nut najoq­qutas­sior­nermin­ni oqimaaqatigiis­saariniar­tariaqar­pat?

³⁰ ’Sorliit iluar­nersut misilit­tarsigik,’ puior­naveerlugulu ’ilisimas­sut pavan­nga pisoq ingasaas­sinian­ngitsuusoq’. (Filípimiut 1:10; Jâko 3:17, NV) Eq­qaaniarsiuk meeran­nguit uum­maaril­luin­nar­tuusut, ilin­niarumatuusut, paasiniaajumatuusut misis­suiumatuusul­lu. Siuneqas­suseqaritsi qajas­suus­sil­lusilu kil­liliigaangas­si najoq­qutas­sioraangas­silu. Pisariaqar­tut pisariaqan­ngitsul­lu oqimaaqatigiis­saar­niar­tarsigik. Kil­lileereerlusilu sun­nguit tamaviisa nak­kutiginiaq­qis­saaqinasigik, meerarli naqisimaneqan­ngitsumik toq­qis­sisimasumil­lu ilioq­qusiuk kil­liliinis­si iluani. (ús­satit 4:11, 12) Taamaan­ngik­kus­si meeq­qasi ’uumitsak­kajus­sin­naap­put anusin­ngorlutil­lu’, ilis­silu qasul­luin­nas­saasi sun­nguit pingaan­ngitsut akerleriis­sutin­ngor­tit­taras­sigik. — Kulorsamiut 3:21.

31. Perorsaanermi Jehova Guuti qanoq it­tumik maligas­siuiva?

³¹ Taamaat­tumik, ilis­si angajoq­qaajususi, ’er­nersi [panis­siluun­niit] perorsarsiuk suli neriuutis­saqar­til­lugu’, Guutil­li periaasia periaaseralugu, asan­nit­tumik. Guuti malin­niarsiuk. ’Asasani Jehovap iner­ter­tarmagit, soorlu ataataasup er­ni pisar­taraa nuan­narisani.’ Ilungersoritsi perorsaanersi iluaqutaaq­qul­lugu asas­sutaaq­qul­lugulu, Pin­ngor­titsisup perorsaanera malil­lugu, ’iner­teq­qut perorsaataasoq inuunar­tumut aq­qutaam­mat’. — ús­satit 19:18, NV; úss 3:12; 6:23.

[Atuaqqissaarnermi apeqqutit]