Kapiteli 14

Ilaqutariillusi suligitsi siunissaq naassaanngitsoq pillugu

1. Ilaqutariit pil­luar­nerat an­ner­tusar­niaraan­ni, suna pil­lugu iluaqutaava siunis­saq eq­qarsaatigis­sal­lugu?

PIF­FIS­SAQ ingerlajuar­poq. Ul­lunit pereersunit im­maqa nuan­nersunik eq­qaamasaqar­pugut, ul­lunili qaangiutereersuni inuusin­naan­ngilagut. Sior­nagut pisimasut, aam­mat­taaq kuk­kunerit, ilin­niarfigisin­naavavut, maan­nak­kul­li pis­sutsit atuut­tut malil­lugit inuusin­naavugut. Naal­li ilaqutariit maan­na inuunerat ingerlal­luaraluar­toq, eq­qaamasariaqar­par­put pif­fis­saq maan­nak­kuusoq sivikitsuin­naasoq; ul­loq man­na tas­suuguin­naq ip­pas­san­ngor­tar­poq, pif­fis­sarlu maan­nak­kuusoq tas­suuguin­naq qangan­ngor­tarluni. Taamaat­tumik ilaqutariit­tut pil­luar­tuas­sagut­ta pingaar­poq siunis­samut qiviar­tuas­sal­luta, piareersas­sal­luta piumaar­tus­sal­lu naatsorsuutigalugit periusis­sanik aaq­qis­suis­sal­luta. Siunis­sami uagut ilat­talu atugas­sat­ta qanoq in­nis­saan­nut maan­nak­kut aalajanger­nivut an­ner­tuumik aalajangiisuus­sap­put.

2. (a) Suna pis­sutigalugu inup­pas­suit siunis­saq eq­qarsaatigerusun­neq ajor­paat? (b) Pil­luar­nar­tumik siunis­saqarumagut­ta, kina naalaar­tus­saavar­put?

² Siunis­sar­put qanormitaava is­sava? Inuit amerlanerit siunis­sar­tik eq­qarsaatigalugu ukior­paalun­nguaan­naat naatsorsuutigisar­paat. Inuit amerlasuut siunis­samut ungasin­nerusumut qiviarumaneq ajor­put naggatis­saq  nuan­nin­ngitsoq kisiat, tas­sa ilaqutariit toquk­kut avis­saar­nis­saat, takorloorsin­naagamik­ku. Inup­pas­suit inuuneran­ni isumakuluutit inuunerup pil­luar­nar­tor­taanit sivikitsunit malun­nar­nerusar­put. ’Qilam­mili nunamilu ataataasut [ilaqutariit, NV] tamarmik ateqaatigisaat’ naalaarutsigu, paasilis­savar­put inuuneq ilimagisamit pis­sarsif­fis­saanerusoq. — Evfisumiut 3:14, 15.

3. (a) Guutip inuit siul­liit sumik siunis­saqar­tik­kaluar­pai? (b) Suna pis­sutigalugu al­laal­luin­nar­tumik kinguneqar­pa?

³ Inuit aap­pariit siul­liit pin­ngor­tik­kamigit, Guutip siuner­tarin­ngilaa taak­ku qitor­nas­saal­luun­niit ukior­paalun­nguaan­naat erloqinar­tut inuuf­figis­sagaat taavalu toqus­sasut. Angerlarsimaf­fim­mik paratiisiusumik tunivai naas­saan­ngitsumil­lu inuusus­san­ngorlugit. (1 Môrsase 2:7-9, 15-17) Inuusin­naatitaaner­til­li qitor­nas­samil­lu inuusin­naatitaanerat an­naavaat Guutip, inuunermik aal­laaviata, inatsisaa piaaralutik unioq­qutik­kamik­ku. Bibelimi ima nas­suiar­neqar­poq: ’Inuk­kut ataasiusuk­kut [Adamik­kut] ajor­ti silarsuarmut tikiup­poq ajor­tik­kul­lu toqu tikiul­luni, taamalu toqup inuit tamak­kerlugit tikip­pai, tamarmik ajor­tuliormata.’ — Rûmamiut 5:12.

4. Jehova Guuti sumik sulis­sutigin­nip­pa inuit pil­lugit aal­laq­qaam­mut siuner­tarisami piviusun­ngor­nis­saanut?

⁴ Guutili asan­nin­nermigut sulis­sutigin­nip­poq inuit an­naasaat uter­titaasin­naaq­qul­lugu. Nam­mineq er­nerata, Jesus Kristusip, inut­tut inuunini tun­niup­paa Adamip kinguaavinut tamanut. (1 Timûtiuse 2:5, 6) Pis­sarigaluar­put Adamip an­naasaa Jesusip tas­suuna uter­til­lugu pisiaraa, tamatumin­ngalu up­perin­nit­tut periarfis­sin­neqar­put Guutip aap­pariin­nut siul­ler­nut tun­nius­simasaanik, inuunermik naas­saan­ngitsumik, pinis­samin­nut. Ul­lumik­kut nap­parsimarujus­suar­neq ajunaar­nerluun­niit pis­sutigalugit toqujaan­ngik­kaan­ni, inuup ukiut 70-it 80-il­luun­niit inuuf­figisin­naasar­pai, ikit­tul­lu sivisunerulaar­tumik inuusin­naasar­put. ’Guutil­li saam­maan­nermit tunis­sutaa tas­sa inuuneq naas­saan­ngitsoq Kristus-Jesusimi Naalak­katsin­ni.’ — Rûmamiut 6:23.

5-7. (a) Guutip piumasaa maan­nak­kut naam­mas­siniarutsigu, suna siunis­sami atorumaarlugu ilimagisin­naavar­put? (b) Ilaqut­tatit pil­lugit suna apeq­qutigisin­naaviuk?

 ⁵ Taman­na il­lit ilaqut­tan­nut qanoq kinguneqarsin­naava? Inun­nut Guutip inas­sutaanut naalaar­tunut inatsisaanil­lu maleruaasunut siunis­samik naas­saan­ngitsuusumik kinguneqarsin­naavoq. (Juánase 3:36) Oqaatsimini eq­quutin­ngitsoorsin­naan­ngitsumi Guuti neriorsuisimavoq pis­sutsit aaq­qis­suus­saanerat naqisiman­nit­toq maan­nak­kut atuut­toq peersik­kumaarini inun­nul­lu at­tuumas­suteqar­tut tamaasa naalak­kersuisunit naam­mal­luin­nar­tunit naaper­tuil­luar­tunil­lu nam­mineq iver­titaminit nak­kutigineqar­tik­kumaarlugit. (Dâniale 2:44) Taman­na ersersil­lugu oqaasiani al­las­simavoq siuner­tarisaqar­toq ’qilam­miit­tul­lu nunamiit­tul­lu tamaasa Kristusimi ataasin­ngor­tik­kumal­lugit’. (Evfisumiut 1:10) Aap, taamanik­kus­samut qilam­mi nunamilu tamarmi aaq­qiagiin­neqarumaar­poq, inuil­lu ilaqutariit­tut nunarsuarmi tamarmi ataasin­ngorumaar­put. Inuian­nik al­lanik nagguilin­nik qin­ngarsuineqas­san­ngilaq, naalak­kersuinik­kut isumaqatigiin­ngin­neqarani, naak­kit­taatsumik pinerlut­tulior­tar­neqarani imaluun­niit sorsun­nik­kut persut­taasar­neqarani. Ilaqutariit tamarmik aarleq­quteqaratik inuus­sap­put ’an­nilaarsar­neqas­sanatik’. (Tus­siaat 37:29, 34; Migga 4:3, 4) Pis­sutsit taamaasiumaar­put inuit taamanik­kus­saq inuusut tamarmik ’Guutimik qitor­natut asanar­tutut malin­nit­tun­ngorsimas­sam­mata’, ’asan­nil­lutil­lu saqiuas­sap­put’. — Evfisumiut 5:1, 2.

⁶ Guutip naalagaaf­fiani aqutsisut nak­kutigin­nin­neratigut inuit tamarmik aaq­qiagiil­lutik sulias­saq tipaatsun­nar­toq sulis­sutigis­savaat nuna paratiisin­ngor­tin­niarlugu Pin­ngor­titsisup siuner­tarisaa naaper­torlugu, angerlarsimaf­fin­ngor­til­lugu naatsiiviusoq nerisas­sanik inuian­nut tamanut naam­mat­tunik inerititaqar­tar­toq. Tim­mis­sat, aalisak­kat uumasul­lu as­sigiin­ngitsor­parujus­suit nunamiit­tut inuit asan­nit­tumik naalagaaf­figilis­savaat nuan­naarutigis­sal­lugil­lu, Guutip taman­na oqaatsini naaper­torlugu siuner­tarim­magu. (1 Môrsase 2:9; 1:26-28) Nap­paatit an­niar­neril­lu, utoq­qalinerup qajan­narsisitsinera  toqumul­luun­niit siooraneq inuit inuunermik nuan­narin­nin­neran­nut aserorsaataasut peerus­simas­sap­put. ’Iliver­niit­tut’ al­laat uterumaar­put taamanik­kus­saq inuuneq nuan­ningaar­tumik pis­sarsif­figilis­sal­lugu. — Juánase 5:28, 29; sarĸúmersitat 21:1-5.

⁷ Il­lit qanoq iliorsin­naavit siunis­sami anguneqarsin­naasut tamak­ku ilaqut­tan­nut piviusun­ngorsin­naaq­qul­lugit?

QANOQ ILIORTARIAQARPUGUT?

8. Guutimit iluarisaas­sagut­ta qanoq pin­ngitsoor­nata ilior­tariaqar­pugut?

⁸ Kuk­kusumik isumaqar­naveer­ta nam­mineq isumar­put naaper­torlugu „pis­suseris­saa“gin­narut­ta Guutip pis­sutsinik aaq­qis­suus­sinis­saani nutaami inuusunut ilaas­sal­luta. Naam­mas­seq­qusat uagut aalajanger­tus­saan­ngilavut; Guutip aalajanger­tus­saavai. Ul­lut ilaan­ni Jesus Judæami ajoqersuitil­lugu, angutip aperaa: ’Qanoq ilius­saanga inuuneq naas­saan­ngitsoq kingor­nus­sariumal­lugu?’ Akis­sut imaap­poq: ’Jehova Guutit asas­savat uum­matik­kut iluun­ngarlutit tar­nik­kul­lu iluun­ngarlutit nukisil­lu tamak­kerlugit isumak­kul­lu iluun­ngarlutit; tul­lil­lu ilit­tut asas­savat.’ (Lúkarse 10:25-28) Al­latut oqaatigalugu Guutimut up­per­nerar­nerin­naq naam­man­ngilaq, imaluun­niit ilaatiguin­naq Bibeli pil­lugu ataatsimiin­ner­nut najuut­tar­neq, kiisalu ilaatiguin­naq inun­nut ajun­ngitsulior­tar­neq. Imaap­porli: Up­per­nit­ta isum­mavut, pilerigisavut qanorlu iliuutsivut ul­lut tamaasa suk­kul­luun­niit sun­niuteqarfigingaar­tus­saavai.

9. Inuunermi pisar­tut oqimaaqatigiis­sumik isiginiarlugit, Bibelimi najoq­qutas­siat tun­ngaviusut suut iluaqutigisin­naavavut?

⁹ Guutimut pis­suser­put isumaliutigiuaan­narutsigu pingaar­tit­tuaan­narutsigulu silatuumik iliuuseqar­tarsin­naas­saagut, Guutil­lu iluarin­nin­nis­saa ikiuinis­saalu ilimagil­luarsin­naas­savavut. (ús­satit 4:10) Inuunitsin­ni pisar­tut Guutimut taas­sumalu siuner­tarisaanut naleq­qiul­lugit isigisarutsigik, inuunitsin­nik atuinitsin­ni oqimaaqatigiis­sitsil­luarsin­naas­saagut. Sulisariaqar­pugut timik­kut pisariaqar­titavut isumaginiarlugit. Guutil­li er­nerata eq­qaasip­paatigut timip piinik isumakuluuteqar­nerup  noq­qaaniar­pal­laar­nerul­lu inuuner­put sivitsor­tin­navian­ngivik­kaa; Guutil­li naalagaaf­fianik iluar­nermil­lu taas­suma pianik piniaq­qaar­nerup inuuneq naas­saan­ngitsumik sivitsor­tis­savaa. (Matîuse 6:25-33; 1 Timûtiuse 6:7-12; Eprîarit 13:5) Guutip kis­saatigaa ilaqutariil­luni inooqatigiin­ner­put nuan­naarutigil­luin­nas­sagip­put. Ilaqutariin­nul­li tun­ngasut kiserluin­naasa soqutigigutsigik eq­qarlerin­ngisavul­lu asan­nin­niviusumik nit­taavigin­ngitsoorlugit, im­mitsin­nut ajoqusis­saagut, ilaqutariin­ner­put uungaan­naq isigin­nin­nerulis­sam­mat Guutil­lu pil­luaq­qusinera an­naas­sagatsigu. Ilaqutariil­luni nuan­naaqatigiin­niar­neq aliik­kusersor­nerlu nuan­naarutaanerusar­put ingasaan­neqan­ngik­kaangamik, Guutimul­lu asan­nin­nermit pingaar­nerutin­neqan­ngik­kunik. (1 Korintumiut 7:29-31; 2 Timûtiuse 3:4, 5) Ilaqutariit­tut imaluun­niit nam­mineerluta qanoq ilior­nivut tamaasa Guutip oqaasiani najoq­qutas­sat tun­ngaviusut iluaqutaasut najoq­qutaralugit naam­mas­sisarutsigik, inuuneq pis­sarsif­figil­luas­savar­put, misigiumaarlutalu angusaqarluta, siunis­samul­lu naas­saan­ngitsumut patajaatsumik tun­ngavilius­sal­luta. Taamaat­tumik ’qanoq iliugas­sasilu tamaasa kajumil­lusi suliarisigik Jehovamul­lusooq, ilisimal­lusilu kingor­nus­sas­saq Jehovamit akis­sarsiariumaaris­si’. — Kulorsamiut 3:18-24.

ILAQUTARIILLUSI SIUNISSAMUT SULIGITSI

10. Angerlarsimaf­fim­mi Bibelimik atuaqatigiit­tar­neq oqaloqatigiit­tar­nerlu qanoq pingaaruteqar­tigaat?

¹⁰ Ilaqutariin­nut ilaasor­taasut tamarmik ataatsimik anguniagaqar­tuas­sap­pata, Guutip oqaasianik oqaloqatigiis­suteqar­tar­nis­saat pingaar­torujus­suuvoq, pisariaqarluin­narluni al­laat. Ul­lut tamaasa amerlasuunik periarfis­saqar­tar­pugut takusavut iliuutsivul­lu Guutip siuner­tarisaanut atas­suteqar­tin­niar­nis­saan­nut. (5 Môrsase 6:4-9) Iluaqutaavoq aalajangersimasunik pif­fis­saler­tas­sal­luni tamarmiul­luni Bibelimik atuaqatigiit­tar­nis­samut oqaloqatigiit­tar­nis­samul­lu, im­maqa atuak­kiat Bibelimik nas­suiaatital­lit ikior­tigalugit. Taamaalior­tar­neq ilaqutariin­nik ataasin­ngor­titsis­sutaavoq. Taava ilaqutariin­nut  ilaasor­taasut Guutip oqaasia is­suaaf­figisarsin­naas­savaat ajor­nar­torsiutinik tak­kut­tar­tunik aniguiniarlutik ikioqatigiin­nermin­ni. Angajoq­qaat maligas­siuil­luarunik, ilaqutariit Bibelimik atuaqatigiit­tar­nis­saat soqutigisanit al­lanit imaaliin­narlugu akor­nuser­neqatsaalil­lugit, taava meeq­qat Guutip oqaasianik ataq­qin­ningaar­nerup pingaar­titsinerul­lu pisariaqarluin­nas­susiat paasil­luas­savaat. Guutip er­nera oqar­poq: ’Timiusaan­naq inuup inuus­sutigin­ngilaa, oqaaserli sunaluun­niit Guutip qar­nanit anisoq inuus­sutigisaraa.’ — Matîuse 4:4.

11. Tamarmik anersaak­kut ineriar­tor­tuas­sagunik, ilaqutariin­nut ilaasor­tat qanoq ilior­naveersaas­sap­pat?

¹¹ Timimi ’as­suariis­soqar­tus­saan­ngilaq, avatil­li as­sigiis­sumik isumaqatigiit­tus­saal­lutik’. (1 Korintumiut 12:25) Aam­ma ilaqutariin­ni taamaat­tus­saavoq. Aap­pariit arlaat anersaak­kut ilisimasaqar­niar­nik­kut paasin­nin­niar­nik­kul­lu ineriar­tor­nerminik ima sal­liutitsitigis­san­ngilaq aap­parmi ineriar­tor­nis­saa naam­mat­tumik isumagin­ngitsoorlugu. Soorlu imaat­toq: Uiusup nuliami anersaak­kut pisariaqar­titai naam­mat­tumik isumagin­ngitsoor­pagit, taava im­maqa nulia uimi anguniagaasa as­singinik anguniagaqarusuk­kun­naas­saaq. Angajoq­qaat qitor­namik anersaak­kut ineriar­tor­nis­saat naam­mat­tumik nam­min­neerlutik isumagin­ngitsoorunik­ku, paasitin­ngitsoorlugit Guutip oqaasiani najoq­qutas­sat tun­ngaviusut ator­neqar­nis­saan­nik inuunermilu pil­luar­nis­samik an­nermik nas­sataqarsin­naanis­saan­nik, im­maqa misigilis­savaat qitor­namik uum­mataat isumaal­lu silars­suup inuuf­figisaata anersaavata nunap piinik pingaar­titsiniar­pal­laar­tuusup sun­niineratigut al­lamut saatsin­neqaleriar­tor­tut. Ilaqutariil­lusi tamas­si ajun­ngitsumik ingerlajuaan­nas­sagus­si pingaar­torujus­suuvoq Guutip oqaasianik ilisarsiniar­nis­si ileq­qoriuaan­nar­nis­saa.

12. Kik­kut naapeqatigisar­nis­saat pin­ngitsoor­naveersaas­savar­put?

¹² Ima us­sateqar­poq: ’Asan­nin­nerup angerlarsimaf­fik aal­lar­nerfigaa;’ unif­figisus­saan­ngilaali. Guutip oqaasiani siulit­tuutigineqar­poq pis­sutsit aaq­qis­suus­saanerat man­na atuuk­kal­lar­til­lugu al­laat Guutip kif­fai ilaqutariin­ngorumaar­tut  silarsuaq tamak­kerlugu qatan­ngutigiin­ngorlutik. Guutil­lu oqarfigaatigut ’pigin­naaf­fis­saqar­til­luta tamanut ajun­ngitsulius­sasugut, pingaar­tumil­li up­peqatitsin­nut’, ’silarsuarmi qatan­ngutigisatsin­nut’ tamanut. (Galâsiamiut 6:10; 1 Pîtruse 5:9) Ilaqutariil­luni ’ilaqutariit’ an­nerusut naapeqatigisarlugit nuan­naarutaasus­saavoq, taak­kulu soqutigisatsin­nit al­lanit sal­liutin­nerusariaqar­pavut. — Eprîarit 10:23-25; Lúkarse 21:34-36.

13. Inuit kristumiut ilagiis­saasa avataan­niit­tut qanoq akisus­saas­suseqarfigaavut?

¹³ Asan­nin­ner­pul­li ’Guutip il­luata’, ’Guutip ilagiis­saasa’, iluaniit­tunuin­naq nit­tar­tus­saan­ngilar­put. (1 Timûtiuse 3:15) Soorlu Guutip er­nera aperisoq, asasivut, tas­sa qatan­ngutivut, kisiisa asagutsigik, ’suna pingaar­toq taava ileq­qoraar­put?’ Ataatar­put qilam­miusoq malis­sagutsigu, inuit tamaasa uum­matik­kut iluun­ngarluta asasariaqar­pavut aam­malu kik­kul­luun­niit inus­siar­nerfigalugil­lu ikior­tarlugit, Guutip naalagaaf­fia pil­lugu tusagas­samik nuan­nersumik oqaloqatiginiar­nis­saan­nut periarfis­sarsior­tuar­tar­nitsigut. Taamaalior­nik­kut ilaqutariil­luta Guutimik asan­nin­neq nit­tarutsigu, inuuner­put aatsaat iluamik imaqalis­saaq siuner­taqalerlunilu. Angajoq­qaajugaluarut­ta meeraagaluarut­taluun­niit tamat­ta as­sigiim­mik paasis­savar­put asan­nin­nermik, Guutip uatsin­nut nit­tarsimasaatut atsigisumik, tunisigaan­ni qanoq misiginar­nersoq. (Matîuse 5:43-48; 24:14) Aam­mat­taaq pil­luarluin­nar­neq uum­matik­kut iluun­ngarluni tunisigaan­ni aatsaat misigineqarsin­naasoq misigis­savar­put. — apustilit suliait 20:35.

14. Un­nersuus­sut suna malis­sagutsigu ilaqutariit inooqatigiin­nerat pil­luar­nar­nerulersis­savar­put?

¹⁴ Ilaqutariit asan­nin­nermik taama it­tumik nit­taasut siunis­saq nuan­ningaar­toq qilanaarisin­naavaat. Paasilersimavaat ilaqutariil­luni inooqatigiin­neq pil­luar­nas­sap­pat Guutip oqaasiani un­nersuus­sutit maleruar­tariaqar­tut. Ajor­nar­torsiutit nalor­ninar­torsior­nar­tul­lu inun­nut tamanut sun­niuteqar­tar­tut naak atoraluarlugit, ilaqutariit taamaat­tut taamaalior­nermik kinguneri ajun­ngitsut  maan­nak­kut al­laat ator­tar­paat. Uungaan­narli isigisarin­ngil­lat, ukior­paalun­nguil­lu ingerlanerini inuuneq sivikitsoq toqumit kipitin­neqar­tus­satut isiginagu. Guutip neriorsuutaasa up­per­nas­susiat tatigalugu, ilaqutariin­nut ilaasor­taasut tamarmik im­mik­kut siunis­saq naas­saan­ngitsoq pil­lugu pil­luarlutik sulip­put.

15. Bibelimi najoq­qutas­siat atuak­kami uani al­laaserineqar­tut pil­lugit apeq­qutit suut ilin­nut apeq­qutigisin­naavigit?

¹⁵ Atuak­kami uani Bibeli up­per­narsaatigalugu takutin­neqar­poq Guutip nuna pin­ngor­tik­kamiuk inoqar­nis­saa siuner­tarigaa. Tamatuma naam­mas­siniar­nis­saa pil­lugu ilaqutariin­nik pilersitsivoq. Aam­mat­taaq Jehova Guuti ataataasunut, anaanaasunut meeq­qanul­lu najoq­qutas­siuivoq, najoq­qutas­siaalu matuma siuliani sam­mineqareer­put. Najoq­qutas­sat tun­ngaviusut tamak­kua ilaat ilaqutariin­nis­sin­ni atorsin­naalereer­pigit? Tamak­ku iluaqutigaagit ilaqutariil­luni inooqatigiin­nersi pil­luar­nar­nerulersil­lugu? Taama neriup­pugut. Siunis­samilu il­lit ilaqut­tatil­lu sunik atugas­saqar­ner­pusi?

16-18. Pis­sutsit nuan­ningaar­tut suut nunamut atulersik­kumaarlugit Jehova Guuti aalajanger­pa?

¹⁶ Nunamik naggoris­saaqataarusus­sin­naavit narsaatit inerititaqangaar­tit­tarlugit puilasuitsuilu sik­ker­tilersil­lugit? Kakil­lar­naqutinut naasupilun­nul­lu kapinar­tulin­nut taarsiul­lugit naatsiiviit paar­naqar­tar­tunik or­pil­lit or­pip­pas­suil­lu alutor­nangaar­tut takujumas­sagaluar­pigit? Il­lit ilaqut­tatil­lu uumasunut naalagaajumagaluar­pisi, aal­laasit, iperaat­tat sisam­mil­lu ungalut sak­kuginagit, kisian­nili asan­nin­nik­kut tatigeqatigiin­nik­kul­lu?

¹⁷ Panat as­sal­latserutinut savis­san­ngorlutik qalugiusal­lu viin­nequtinut kil­luutis­san­ngorlutik saf­fior­neqar­nis­saat uum­matik­kut erinigiguk­ku, qaar­tar­tulior­toqarun­naar­pat sorsutsitsisoqarun­naar­pal­lu, taava Jehovap pis­sutsinik aaq­qis­suus­sinis­saa nutaaq tipaatsuutigis­savat. Naalak­kersueriaatsit naqisiman­nit­tut, niuer­niar­nik­kut piumatuneq up­perisarsior­nik­kul­lu ilumoor­tuusaar­niar­neq peqarun­naas­sap­put. Ilaqutariit tamarmik im­mik­kut eq­qis­sil­lutik viin­nequtimik ataan­ni fiigequs­suaatimil­lu ataan­ni ineqas­sap­put. Meeq­qat toqusunit makititaasut  nipaat nuan­naar­palut­tut tim­miar­pas­suil­lu qarlor­neri kil­lin­nar­tut nunami tamarmi tusarsaas­sap­put. Silaan­narlu sulif­fis­suit mingutsitsinerinit narlan­ngunar­nani naasut tipigin­nerinit inuum­maris­sinas­saaq. — Migga 4:1-4.

¹⁸ Uum­matik­kut neriuk­kuit tusiat­tut tut­tutut pis­sit­tut takujumal­lugit, oqajuitsut erinarsor­tut tusarumal­lugit, tap­piitsut isaasa tap­pis­sinis­saat takujumal­lugu, tusilar­tut siutaat am­mar­neqar­tut tusarumal­lugu, anersaamisar­tut qiasul­lu qungujut­talersut misigiumal­lugit, nikal­lungasut toqusoqar­nermil­lu aliasut­tut il­lar­talersut tusarumal­lugit, an­niar­toqar­nerlu toqusoqar­nerlu taarserlugit peq­qin­neq inuunerlu naas­saan­ngitsoq atorumagaluarlugit, taava sapin­ngisan­nik iliuuseqarit il­lit ilaqut­tatil­lu pin­ngitsoor­nani naam­mas­sisas­sat naam­mas­siniarlugit Jehovap aaq­qis­suus­sinis­saani nutaami pis­sutsit taak­kua naas­saan­ngitsumik atuuf­fis­saan­ni naas­saan­ngitsumik inuusin­naaq­qul­lusi. — sarĸúmersitat 21:1-4.

19. Il­lit ilaqut­tatil­lu qanoq iliorus­si aatsaat Guutip aaq­qis­suus­sinis­saani nutaami pil­luaq­qus­sutis­sar­pas­suar­nik angusaqar­tut ilagis­savisigik?

¹⁹ Amerlangaar­tut pil­luar­tut taamanik­kus­saq nunarsuaq tamak­kerlugu najugaqar­tus­sat ilaqutariit ilis­si ilagis­saner­pasi? Ilis­si aalajangis­savarsi. Ilaqutariit inooqatigiin­neran­nut Jehovap un­nersuus­sutai maan­nak­kut maleruarsigik. Maan­nangaaq ilaqutariil­lusi ilungersoritsi inooriaatsimut aaq­qis­suus­saanis­sami nutaami atuut­tus­samut tul­luar­nersi takutin­niarlugu. Guutip oqaasia atuaq­qis­saar­tarsiuk, maleruarsiuk, inuit al­lat neriugisamik piviusun­ngor­tus­samik oqalut­tuut­tarsigik. Taamaaliorus­si ilaqutariit­tut ilis­si Guutimi ’tusaamasaal­lualis­saasi’. ’Tusaamasaal­luarluni tas­sa pisuus­suter­pas­suar­nit piuminar­nerusoq; iluarisaal­luni tas­sa sølvimil­lu kuultimil­lu ajun­ngin­nerusoq.’ Taamatut tusaamasaaneq Jehovap puius­san­ngilaa: ’Iluar­tut eq­qaaneqar­tar­put pil­luaq­quneqar­nar­tumik.’ (ús­satit 22:1; 10:7) Jehovap ajun­ngis­susiatigut pisas­sarin­ngisaraluatsigut il­lit ilaqut­tavil­lu siunis­saq naas­saan­ngitsoq pil­luar­narluin­nar­toq pil­luaq­quneqaatigisin­naavarsi.

[Atuaqqissaarnermi apeqqutit]

 [Qupperneq 189-mi tamakkerlugu asseq]