Kapiteli 3

Katinnerup kingornagut

1. Suleqatigiin­neq akugdlîs­sup oĸausê 4:9, 10-mi al­laatigineqar­toq aap­pariin­nermut qanoq iluaqutaasin­naava?

KATEREER­PUSI, aap­pal­lu ilaqutariiulerlaatut nam­minersor­tutut inuul­lusi aaq­qis­suiler­pusi. Pil­luangaar­pit? Kisimiik­kun­naar­putit aap­paqalersimal­lutil­li tatigalugu oqaloqatigisin­naasan­nik, nuan­naar­ner­nik ajor­nar­torsiutinil­lu atueqatigisin­naasan­nik. akugdlîs­sup oĸausê 4:9, 10-mi al­las­simasoq ilin­nut ator­tuutip­piuk? — ’Aap­pariit kisimiit­tumit pitsaanerup­put, sulior­nermin­nit [sulinermin­nit] ajun­ngitsumik pisaqar­taramik. Arlaat orlugaluar­pat aap­paata makitik­kumaar­paa; kisimiit­torli eq­qanarsis­saaq, orlugaluar­pat makititsisis­saminil­lu aap­paqar­nani.’ Ilis­si aap­pariin­nis­si suleqatigiin­neq taama it­toq ingerlal­luaatigaa? Inuit marluk inuunermin­ni pil­luar­nar­tumik aaq­qiagiin­neq taman­na angus­sagunik­ku pif­fis­saq sivisungaatsiar­toq ator­tariaqar­paat ilungersuutigisariaqarlugulu. Ajoraluar­tumil­li aap­pariit ilar­pas­suisa taman­na anguneq ajor­paat.

2, 3. (a) Ul­lup katif­fiup kingor­nagut inuunermi pisariaqar­tut suut sam­mineqar­tariaqar­pat? (b) Katereer­nermi aap­pariit al­lan­ngor­titsisariaqar­nis­saat sooq ilimanarluin­nar­pa?

² Oqalut­tuat asan­nin­nilersaarutaasut oqalut­tuarisar­paat asaqatigiit an­nikil­lior­nar­tor­pas­suit aq­qutigereersimal­lugit aatsaat katis­sin­naan­ngor­tar­tut. Taavalu inuuner­tik naal­lugu pil­luarlutik inooqatigiit­tar­tut. Inuunermili piviusumi al­laasar­poq. Katin­nerup kingor­nagut inuuneq, ul­luin­nar­ni pil­luarluni inuuniar­neq, ilungersorlutik anguniar­tar­paat. Ul­lormi katif­fim­mi qiimanar­tut pereer­neran­ni ul­luin­nar­ni sam­misas­sat suliarineqar­tariaqaler­put: Makiaar­tar­neq, suliar­tor­tar­neq, pisiniar­tar­neq, nerisas­sior­tar­neq, erruisar­neq, asaasar­neq, ilaal­lu ilan­ngul­lugit.

 ³ Aap­paqaler­neq sungiun­niar­neqar­tariaqar­poq. Tamas­si marluul­lusi aap­pariiler­pusi neriugisaqarlusi siuner­tarisaqarlusilu ilaatigut inor­nar­tunik piviusorsior­tuul­luan­ngitsunil­lu. Ilimagisaagaluaq unior­neqar­pat, sapaatit akun­neri amerlan­ngitsut qaangiutsin­nagit pakatsiar­tulersin­naavusi. Puioqinaguli inuunin­ni an­ner­tuumik al­lan­ngor­titsisimal­lutit. Kisimiik­kun­naar­putit ilaqut­tatil­lu inun­ngor­nin­niil­li nalun­ngisatit inooqatigiun­naarlugit. Inuk nutaaq inooqatigilersimavat, im­maqalu paasiar­tuler­pat ilimagisaraluat­tut ilisarisimatigin­ngik­kit. Sulif­fis­savit siumut aaq­qis­sugaanerat al­lan­ngorsimavoq, im­maqa sulif­fit­taarsimavutit, aningaasat iser­titas­sat ator­titas­sal­lu al­lan­ngorsimap­put, ikin­ngutil­lu nutaat aap­pavil­lu eq­qarlii sungiut­tariaqar­patit. Sungius­siniar­nis­san­nut piumas­suseqaruit aatsaat aap­pariin­nis­sin­ni iluatsitsisin­naas­saasi pil­luarsin­naas­sal­lusilu.

SUNGIUSSISIN­NAAS­SUSEQARPIT?

4. Bibelimi najoq­qutas­siarineqar­tut tun­ngaviusut suut ikior­tigalugit aap­palik al­lan­ngor­niarsin­naas­sava? (1 Korintumiut 10:24; Filípimiut 4:5)

⁴ Inuit ilaat pingaar­niar­ner­tik pis­sutigalugu sungius­siumaar­ner­tusar­put. Soorluli Bibelimi al­las­simasoq: ’Aseror­nis­sap siuleraa makitaneq, naak­kiun­nis­sal­lu siuleraa an­neruniar­neq.’ Saqitseriitsuuneq ajor­nar­torsiutaal­luin­narsin­naavoq. (ús­satit 16:18) Jesusip akuersiin­narsin­naaq­quaatigut isum­matsin­nil­lu al­lan­ngor­titsisin­naaq­qul­luta oqarami ’an­noraan­nik arsaarumap­patit qal­lersaatit­taaq piliuk’, ’erloq­qup­patil­lu miilitut ataatsitut ungasitsigisumut aap­pariumal­lutit, marlut­tut ungasitsigisumut aap­paruuk’. Qanigisar­put as­sor­tuuteqatiginaveersaarumal­lugu apustili Paulusip oqaaq­qis­saarutaa una malit­tariaqar­par­put: ’Sooq iluar­nerutin­ngilisiuk arsaar­til­lusi?’ (Matîuse 5:40, 41; 1 Korintumiut 6:7) Kristumiut inuit al­lat eq­qis­seqatigiumal­lugit taama an­ner­tutigisumik iliuuseqarsin­naap­pata, soorunami aap­pariit asaqatigiit al­lan­ngor­titsisin­naas­sap­put im­min­nut pis­suser­tik nutaaq pil­luar­narsarumal­lugu.

5. Inuup aap­pani qanoq pil­luar­nar­tumik nuan­nin­ngitsumil­luun­niit isumaqarfigisin­naavaa?

 ⁵ Pil­luar­titsisin­naasut pil­luaatsitsisin­naasul­lu sumiluun­niit naapitas­saasar­put. Il­lit taak­kua arlaat maluginiar­nerorusup­piuk? Pil­luar­nar­tut pingaar­tin­nerus­savigit imaluun­niit nuan­nin­ngitsut eq­qarsaatiginerul­lugit? Ar­naq kater­ngaaq eq­qarsarsin­naavoq: ’Aap­pas­siariik­kal­larat­ta angut taan­na najoruminar­toq soqutiginar­tunut takor­nariar­titsisigisarsimasara ilagisar­tagarisarsimasaralu sumut-una pisoq? Aap­pariilerat­tali inuunera as­sigiiaagin­narmik ingerlaler­poq. Pingaar­tin­ngivip­paanga. Pis­susii qangar­nit al­lan­ngorluin­narsimap­put!’ Imaluun­niit paasiner­paa maan­na uini sulerulut­tar­toq ilani pilersorluarumal­lugit? Uitaal­lu paasiner­paa nuliani ulapit­tar­toq nerisas­sior­tarluni asaasarlunilu, ilaatigut qasungaar­tar­toq qangatul­lu pif­fis­saqar­piar­nani kusas­sar­tar­nis­saminut? Imaluun­niit im­minut oqarfigisar­ner­pa: ’Ar­naq inuusut­toq ajuutiginangaar­toq aap­par­taarisara naak-una? Katik­kamingali al­lan­ngorluin­nar­poq’?

6. Uiusoq nulialu ilungersungaar­pata aap­pariin­nermin­nik ingerlal­luar­titsiniarlutik, taamaalior­nerat im­min­nut pis­susian­nut qanoq sun­niuteqas­sava?

⁶ Tamarmik inersimal­luar­tutut isumaqar­tariaqar­put paasil­lugulu tamarmik marluul­lutik katin­ngin­nermin­ni iliuuserisar­tagaraluamin­nut pif­fis­saqarun­naarsimal­lutik. Maan­nak­kul­lu pis­sutsit nutaat piareersimaf­figisariaqaler­paat, aap­pariin­nermil­lu ingerlal­luar­titsinis­samik akisus­saaf­fitsik tul­luusimaar­nangaar­toq isumaginiar­tariaqalerlugu. Inuup ataasiin­naap aap­pariin­neq ajutoor­tis­sin­naavaa, inuil­li marluusariaqar­put aap­pariin­neq ingerlal­luas­sap­pat. Aap­pariin­nermik ingerlal­luar­titsineq angusaavoq imaan­naan­ngitsoq. Angusaqarluar­neq tas­saavoq naak ajor­nar­torsiuteqaraluarluni naam­mas­sin­nil­luar­neq. Tamas­si marluul­lusi taamaalior­nermut ilungersoqatigiik­kus­si, iner­nis­saa tamas­sin­nut piliaas­saaq. Marluul­lusi ilungersoqatigiin­nersi ataatsimik angusaqarlusi ataqatigiis­sutigilis­savarsi, aaq­qiagiis­sutigilerlugu ataasin­nguutigilis­sal­lugulu. Asan­nin­neq ataqatigiis­sutaasoq tamatuma ineriar­tor­titaa naggataatigut  aap­pariin­ngik­kal­lar­nermi ilimagisaraluamit sumil­luun­niit an­nerungaalis­saaq, taavalu pil­luar­neq ilis­sin­nik ataasin­ngor­titsisoq tamas­si aap­pas­si as­sigiin­ngis­sutigisaanut sungius­siniar­nis­sin­ni nuan­naarutigiin­nalis­savarsi.

7. Aalajangigas­saqar­nermi, qaquguk­kut akuersiin­nar­neq ajun­ngila?

⁷ Asan­nin­neq al­liar­tor­til­lugu pingaar­niar­neq sak­kukil­liar­tor­tar­poq, aam­ma, najoq­qutas­sat tun­ngaviusut pineqan­ngik­kaangata inuul­li piumanerusaan­naa pineqaraangat, tunisinerin­naan­ngitsoq aam­mat­taarli akuersiin­nar­neq pil­luar­nar­tar­poq. Taman­na maleruagas­saasin­naavoq arlaan­nik pisiniar­neq imaluun­niit sumi ferieqar­niar­neq pineqaraangat. Tamarmik im­mik­kut aap­parmik pil­luar­nis­saa nam­min­neq pil­luar­nis­samin­nit pingaar­nerutit­tarunik­ku, apustili Paulusip oqaasii uku maleruarumas­savaat: ’Kialuun­niit nam­minis­sani pin­nagu, kisian­ni al­lat­taaq iluaqutis­saat piniarliuk.’ — Filípimiut 2:4.

ATOQATIGIINNERMIK ISUMAQARNEQ INGASAAS­SINIAN­NGITSOQ

8, 9. Aap­pariit­tut asaqatigiin­neq Bibelimi qanoq al­laatigineqar­pa?

⁸ Kinguaas­siuutitigut atoqatigiin­neq eq­qarsaatigalugu Bibeli sukanganiar­pal­laar­tuun­ngilaq. Taal­latut oqariaatsit atorlugit Bibelimi al­laaserineqar­poq angutip nuliatalu atoqatigiin­nermin­ni nuan­naangaas­susiat; erseq­qis­sar­paat­taaq uiusoq nuliaasorlu kisimik atoqatigiit­tus­saasut. ús­satit 5:15-21-mi (NV) al­las­simavoq:

„Imeqarfik nam­mineq pigisat imerfiguuk, kuun­nguil­lu nam­mineq puilasuliaatin­nit pisut. Puilasuutitit silataanut kuutsitaas­sap­pat, il­lut akor­nan­ni kuutsitaas­sal­lutik? Kisivit pigik­kit, takor­nar­tat pigin­neqatigeqinagit. Puilasuutit pil­luaq­qunarsili, inuusun­ner­nilu nuliarilik­kat tipaatsuutiguuk, kulavak isigiuminar­toq, savaasaq in­narmiu alianaatsoq. Taas­suma iviangii putus­sutigisaan­nak­kit. Taas­suma asas­susia qiim­matsaatigit­tuin­naruk. Sul­lutit al­lap nulia qiim­matsaatiginias­saviuk,  er­nin­nguara, ar­naq al­laner­taq saan­nut eqis­sul­lugu? Mas­sa inuup aq­qutigisai Jehovap isaasa saan­niip­put, ingerlaviilu tamaasa taas­suma misilit­tar­pai.“

⁹ Akerlianil­li kuk­kunerus­saaq angutip ar­nal­lu atoqatigiin­neran­nut tun­ngasut pingaar­tip­pal­laas­sal­lugit, isumaqarluni aap­pariit atoqatigiin­nerup tungaatigut ingerlal­luarunik aatsaat aap­pariin­nermin­ni pil­luarsin­naasut, imaluun­niit isumaqarunik atoqatigiil­luar­nerup al­lanut tun­ngatil­lugit amigaatit kuk­kuneril­lu soqutaajun­naarsis­sin­naagai. Atuagar­pas­suit, filmer­pas­suit nioq­qutis­sanil­lu us­sas­saarutit tak­kut­tuaan­nar­tut, angutit ar­nal­lu im­min­nut pileritsaler­nis­saan­nik an­ner­tuumik siuner­tarisaqar­tut, isumaqalersitsigajup­put angutip ar­nal­lu atoqatigiin­nerat pingaar­ner­paasoq. Guutil­li oqaasia al­latut oqar­poq. Tas­sani inuunermut tun­ngasuni tamani im­minut naalak­kersorsin­naaq­quneqar­pugut. Al­laal­lu aap­pariit asaqatigiin­nermin­ni pileris­suser­tik naalak­kersor­nagu iliuuseqar­nis­saat un­nersuus­sutis­saan­ngilaq, qanoq iliuutsinik aap­pariit atoqatigiin­neran­nik kusanaal­lisitsisunik kinguneqaratarsin­naagami. — Galâsiamiut 5:22, 23; Eprîarit 13:4.

10. Suut eq­qarsaatigigunik­kik aap­pariit atoqatigiin­nermut sungius­sisin­naas­sap­pat?

¹⁰ Angutip ar­nal­lu atoqatigiin­nerat sungiuk­kuminaak­kajup­poq, katereer­nermin­nilu sivisulaar­tumik sungius­siniar­nis­saat pisariaqarsin­naavoq. Ilisimasakin­neq aap­pal­lu pisariaqar­titaanik paasisakin­neq pis­sutaasin­naap­put. Katin­ngin­nermi ikin­ngut aap­palik ataq­qisaq oqaloqatigalugu iluaqutaasin­naavoq. Angutit ar­nal­lu timik­kuin­naan­ngitsoq aam­mali misigis­sutsik­kut as­sigiin­ngis­suteqar­put. Angutip paasisariaqar­paa nuliaasup pingaar­tik­kaa qajas­suar­tumik asaneqar­nis­sani. Piitaajuin­niar­pal­laar­tuusaar­nerli ingasaal­luguluun­niit iluar­tuusaar­niar­neq pisariaqan­ngil­lat, isumaqarluni angutip ar­nal­lu atoqatigiin­nerat kan­ngunar­tulior­nerusoq. Angutil­lu ajugaaniar­tutut isumaqas­san­ngil­lat. ’Angutip nulii ileq­qus­samisut ilas­siliuk,’ Bibelimi al­las­simavoq, ’taamat­taaq nuliaasup uini.’ Taamaaliorlutil­lu Bibelimi  ileq­qoreq­qusaq una maleruar­tariaqar­paat: ’Nam­minis­saminik piniar­toqan­ngik­kili, aap­parmili iluaqutis­saanik.’ Marluul­lutik taama asan­nitsigigunik aap­parmil­lu nuan­narisaanik iliuuseqarumagunik, tamarmik sungius­sil­luarsin­naas­sap­put. — 1 Korintumiut 7:3; 10:24.

ISUMAQATIGIINNGIS­SUTEQAR­TARALUARLUTIK IKINNGUTIGIITTUARTUT

11-13. As­sigiin­ngitsunik isumaqar­nis­si ajor­nar­torsiuterujus­suan­ngor­nis­saa pin­ngitsoor­tin­niarlugu suut eq­qarsaatigisariaqar­pisigik?

¹¹ Nunarsuarmi tamarmi marlun­nik inoqar­navian­ngilaq as­sigiil­luinar­tunik. Inuit tamarmik im­mik­kut as­sigiin­ngis­suteqar­put. Taamaat­tumik inuit marluk tamatigut isumaqatigiit­tuaan­nar­navian­ngil­lat. Isumaqatigiin­ngis­sutit amerlanerit an­nikitsuin­naasin­naap­put, ilaal­li an­nerusin­naal­lutik. Ilaqutariit ilaan­ni isumaqatigiin­ngin­nerit akiuun­nersuan­ngor­tar­put. Nil­lial­lutik, im­min­nut mil­luul­lutik, ajat­taal­lutik patit­taal­lutil­luun­niit; arlaata angerlarsimaf­fik ul­lut imaluun­niit sapaatit akun­neri arlal­lit qimat­tar­paa, imaluun­niit aap­pariit im­min­nut oqaloqatigiis­saar­tarlutik. Aap­paatigul­li isumaqatigiin­ngis­suteqarsin­naap­put taama ingasatsigisumik iliuuseqan­ngik­kaluarlutik. Qanoq ilil­lutik? Ilumoor­tut tun­ngaviusut paasigunik­kik.

¹² Tamat­ta naam­mal­luin­nan­ngitsuuvugut, ajor­teqar­pugut, kuk­kusar­pugut, aam­ma naak ajun­ngil­luin­nar­tumik siuner­taqaraluarluta san­ngiis­sutivut erser­tar­put. Apustili Paulusip taman­na im­minut pil­luni miserratiginian­ngilaa: ’Piumasarami ajun­ngitsoq suliarisarin­ngilara, kisian­ni piuman­ngisara ajor­toq suliarisar­para.’ (Rûmamiut 7:19) Ajor­ti siuaasatsin­nit siul­ler­nit kingor­nup­par­put, taamaat­tumil­lu im­mitsin­nut naam­mal­luin­nar­tun­ngor­tis­sin­naanata. Taava ’kina ima oqarsin­naava: „Uum­matiga minguersar­para, ajor­tuliaatsin­nik peerup­punga“?’ — ús­satit 20:9; Tus­siaat 51:7; Rûmamiut 5:12.

¹³ Nam­mineq san­ngiis­sutivut naam­magalugit ator­pavut utoq­qatsis­sutigisarlugil­lu. Aap­pat­ta san­ngiis­sutai  naam­magalugit atus­san­ngin­ner­pavut utoq­qatsis­sutigalugil­lu? Qular­nan­ngitsumik miserratigisin­naan­ngilar­put ajor­tiliul­luta. Kisian­ni ajor­tuliar­put aalajangersimasoq uparuar­neqaraangat, im­mitsin­nut il­lersor­niar­tar­pugut kuk­kus­suter­pul­lu nas­suerutigiumaneq ajorlugu? Ima silatutiginer­pugut paasis­sal­lugu inuit ajor­tiliusut kuk­kunermin­nik nas­suerutigiuman­nin­ngin­neq pis­susin­naarigaat, taman­nalu pil­lugu inoqatitsin­nut aam­mat­taaq aap­patsin­nut kamagin­nin­nis­satsin­nut piareersimaner­pugut? ’Inuk silaqar­nerata kamajuitsun­ngor­tit­tar­paa, nersor­nas­saarlu pinerluf­figineqar­nini [iluan­ngitsuliorfigineqar­nini] qaangiin­narsin­naagunigit,’ isumas­sarsiarititaasumik us­satini al­las­simavoq. Qular­nan­ngitsumik il­lit, soorlut­taaq inuit amerlanerit, „maleruagas­saq ator­tuujuaan­nar­toq“ nersor­pat. Jesusip taman­na oqaatigaa qaq­qami oqaluutsimini tusaamasaasumi: ’Taamaat­tumik inun­nut qanorluun­niit iliorfigeq­qugus­si ilis­sis­saaq taamatut iliorfigisigik.’ Inuit amerlanerit isumaqar­put najoq­qutas­saq taan­na pitsaasuusoq, amerlan­ngitsuin­naal­li taman­na suliamik­kut maleruar­paat. Peq­qusersuitsumik maleruar­neqar­tuugaluar­pat inuit akor­nan­ni aam­mat­taaq aap­pariit iluan­ni ajor­nar­torsiuter­pas­suit anigor­tin­neqarsin­naas­sagaluar­put. — ús­satit 19:11; Matîuse 7:12.

14, 15. (a) Aap­parisaq iluarinagu inum­mut al­lamut sanil­liun­neqaraangat qanoq pisoqarsin­naava? (b) Suut pil­lugit taamatut sanil­lius­sisoqar­niar­tar­pa?

¹⁴ Tamat­ta inut­tut nam­mineersin­naasutut iliorfigineqarumavugut, kinaas­suser­pul­lu tun­ngavigalugu akuerineqarumal­luta. Inum­mut al­lamut sanil­liun­neqaraluarut­ta, pis­sutsivut pigin­naas­sutsivul­lu taas­suman­nga nikanar­nerusutut oqaatigineqarlutik, qanoq misigis­sagaluar­pugut? Misigisar­pugut narrunarsagaal­luta ajual­latsitaal­lutalu. Oqar­pugul­lusooq: ’Kisian­nimi uanga taan­naanngilanga. Uanga UANGAAVUNGA.’ Sanil­liun­neqar­nerit taamaat­tut kajumis­sinar­neq ajor­put; paasin­nit­tumik iliorfigineqarumasar­pugut.

¹⁵ As­sersuutitut uku taasin­naavavut: Uiusutit, ersersit­tar­piuk nuliavit nerisas­siai mamaralugit, imaluun­niit  maalaarutigisar­piuk anaanat­tut nerisas­siul­laq­qitsigin­ngin­nera? Kisian­ni qanoq ilil­lutit nalun­ngis­sin­naaviuk anaanat kater­ngaajugami maan­nak­kutut nerisas­siul­laq­qitsigisimanersoq? Im­maqa taamanik­kut anaanat nulian­nit pik­korlun­neruvoq. Nuliat pif­fis­saqar­tiguk sulias­samini nutaani sungius­sinis­saanut pik­koris­siar­tor­nis­saanul­lu. Nuliaasutit, maalaarutigaajuk uiit ataatat­tut akis­sarsiaqar­tigin­ngim­mat? Kisian­ni ataatat kater­ngaajugami qanoq akis­sarsiaqar­tigaa? Taman­nali pingaaruteqar­torsuun­ngilaq. Pingaar­neruvorli uin­nut qanoq ikiuun­nis­sat. Makit­tar­pit ul­laak­korsiuut­tarlugulu suliar­tun­ngin­nerani, misigeq­qul­lugu ilungersor­nerani tapersersorit sulineralu pingaar­tik­kit? Sakisi pil­lugit oq­qat­tuaan­nar­pisi, imaluun­niit kik­kut ikin­ngutiginias­sal­lugit sulin­ngif­fim­milu qanoq ilius­sanerlusi isumaqatigiin­ngit­tar­pisi? Isumaqatigiin­ngis­sutit taama it­tut as­sigisaal­lu tak­kut­tarsin­naap­put. Qanoq ilil­lusi tamak­ku aaq­qin­niar­tas­savisigik?

16. Oq­qaterujus­suar­nerit ajor­nar­torsiutinut aaq­qiis­sutaasin­naaneran­nik eq­qarsaatip suna kuk­kus­sutigaa?

¹⁶ Tar­nip pis­susiinik ilisimatuut misis­suisar­tul­lu ilaat isumaqar­put kamarujus­suar­neq iluaqutaasin­naasar­toq. Iman­nak isumaqar­put: Pakatsinerit amerliar­tuin­nar­tar­put, naner­tuisarlutik naggataatigul­lu oq­qaterujus­suar­nermik kinguneqar­tarlutik. Isum­mat as­sigiin­ngitsut saq­qum­miul­lugit akioriin­nermi sak­kor­tuumi narrutsaatigisatik malun­nar­tin­naveersaarsimasaraluatik anip­paat, uum­mam­miugisatik aniatil­lugit isuman­naarlugil­lu — paasiniaaq­qis­saar­tar­tut taama is­soraat. Siul­lermik pakatsinerit malun­nar­tin­naveersaar­neqar­tar­put, taamaalil­lunilu sak­kor­tusar­neqarlutik naggataagul­lu „utsersor­tin­neqalerlutik“. Taamatul­li kamat­torujus­suutil­luni oqaaseriuman­ngisaraluanik oqaaseqar­toor­toqarsin­naavoq, tamatumalu kingunerisin­naavaa aap­parisap ajual­latserujus­suar­neqar­nera mamit­tus­saan­ngitsumil­lu ikiler­neqar­nera. Aap­pat ima sak­kor­tutigisumik eq­qun­ngitsuliorfigisin­naavat al­laat akor­nis­sin­ni as­siaqutaqalerlusilusooq kingor­na peer­neqarsin­naan­ngitsumik. ús­satit 18:19-imi imaat­tumik mianersoq­qus­suteqar­poq:  ’Qatan­ngut qatan­ngutigiumajun­naagaq ungaluuk­kamit tiguneqar­taalisamit ar­tor­nar­nerusar­poq, saqitsaaneril­lu il­lus­saarsuup par­naarsaas­suisut it­tar­put.’ Bibelimi siun­nersuut pitsaasoq imaap­poq: ’Saqitsaat­tut qimak­kit ilungersuarulun­ngin­neran­ni.’ — ús­satit 17:14.

OQALOQATIGIITTARITSI!

17. Isumaqatigiin­ngis­sutit toq­qor­tariin­nar­nagit „qar­torar­nis­saal­lu“ utaq­qiin­nar­nagu qanoq ilior­tariaqar­pugut?

¹⁷ Isumaqatigiin­ngis­sutisi toq­qor­tariin­nar­nagit „qar­torar­nis­saan­nul­lu“ utaq­qiin­narasi tak­kun­niariar­tut piaar­tumik oqaloqatigiis­sutigisarsigik. Ajor­tumik pineqar­neq aliasuutigiuaraan­ni sorujus­suar­tut isumaqarfigineqalersar­poq. Mas­sak­korluin­naq oqaloqatigiis­sutigisiuk imaluun­niit puiuin­narsiuk. Tusangiasaarinerin­naava? Taava ilagin­naruk. Oqaloqatigiis­sutigineqar­nis­saa pisariaqar­pa? Aap­pat arlaan­nik nuan­narin­ngisan­nik iliorsimava? Ingerlaan­nar­tumik isor­nar­torsius­san­ngilat; pineqar­toq apeq­qutin­ngorlugu saq­qum­miuguk, imaluun­niit siun­nersuigit oqaluuserineqar­nis­saanik periarfis­siisumik. Soorlu ima oqarsin­naavutit: ’Asasan­nguaraa! Paasin­ngisaqar­punga. Nas­suiaatilaarsin­naavinga?’ Taava tusar­naarit. Aap­pavit isumaa paasiniariaruk. ús­satit 18:13-imi mianersoq­qus­sut sianigiuk: ’Tusar­tin­nani akisup taamaas­sutsi sianiitsor­pal­laatigalugulu kan­ngusuutis­saraa.’ Arlaan­nat­taluun­niit nuan­narineq ajor­paa al­lat eq­qarsaatigil­luar­nagu kuk­kusumik isumaqarfigileraangatigut. Taamaat­tumik tuavior­pal­laar­tumik qisuariarfigeqinagu, kisian­nili qanoq iliuutsiminut suna pis­sutivigigaa siuner­tarigaaluun­niit paasiniaq­qaar­taruk. ús­satit 20:5-imi siun­nersuut maliguk: ’Inuup uum­mataata pilersaarutaa imer­tut itisuutut ip­poq, siuneqar­tul­li qalul­lugu qaqit­tar­paa.’

18. Qanoq iliorsin­naavugut isumaluk­kun­naar­niarluta?

¹⁸ Isumak­kut al­lan­ngujavit? Isumak­kut al­lan­ngujasumik inooqateqar­neq ar­tor­narsin­naavoq. Oqar­toqar­tar­poq inuup isum­mami al­lan­ngorar­nera naalak­kersorsin­naan­ngik­kaa, sananeqaatit qaratsamiit­tut isum­map qanoq is­susianut aalajangiisuum­mata. Taman­na ilumooraluar­pat  ilumuun­ngik­kaluar­pal­luun­niit isum­map qanoq is­susia tuniluut­tar­poq. Avatangiisit­ta isumagis­saar­tilersin­naasar­paatigut isumalutsilersin­naal­lutaluun­niit. Nipilersor­nerup as­sigiin­ngitsunik misigilersis­sin­naavaatigut. Aam­mat­taaq oqalualaarutit taama sun­niuteqarsin­naap­put. Eq­qarsaatit isumatsin­niitsitat­ta misigis­sutsivut sun­ner­tar­paat. Nuan­nin­ngitsunik eq­qarsaateqarujuuin­naraangat­ta nikal­lungasar­pugut; kisian­ni im­mitsin­nut pin­ngitsaalil­luta isum­mat nuan­nersut neriul­luar­nar­tul­lu eq­qarsaatigilersin­naas­savavut. Taamaalior­tarit! (Filípimiut 4:8) Taamaalior­nis­sal­li saper­nar­tik­kuk­ku taava timik­kut as­soroor­nar­tumik suligit. Suleruloorit. Nivagit, imaluun­niit asaagit; asimut pisut­tuarit imaluun­niit ilungersuuterujus­suan­ngik­kaluarlugu timigis­saatigalugu ar­parusaarit; pitsaanerusumil­luun­niit, inuk al­la ikior­niarlugu suliaqarit — sumil­luun­niit eq­qarsaatinik nukinil­lu al­lamut sangutitsisin­naasumik iliuuseqarit. Isumagis­saar­nermik ineriar­tor­titsineq isumalun­nermik atatitsiniar­nermit pitsaaneroqaaq. Nuan­ner­neroqaluni — ilin­nut min­nerun­ngitsumil­lu aap­pan­nut!

19. Aap­parisaq isumaluk­kaangat, misigeqatigalugu qanoq ilior­toqarsin­naava?

¹⁹ Ilaatigul­li arlaan­nik nikal­lor­tin­neqarsin­naasar­pugut. Im­maqa nap­paam­mik ar­tor­nar­tumik imaluun­niit an­niaateqarujus­suar­nermik nalaan­neqarsin­naasar­pugut. Nuliaasoq eq­qarsaatigalugu, qaam­mam­mut aaqar­tar­nera naar­tuneraluun­niit pis­sutigalugit qinersit aam­mut akulius­saasa sun­niuteqangaar­tut timip sianiutaanut tamarmiusunut misigis­sutsinul­lu sun­niisar­tut pin­ngor­tar­nerat sak­kor­tuumik al­lan­ngorar­titsisin­naap­put. Ar­naq qaam­mam­mut aaqalin­ngitsiar­nermini piumas­suserin­ngisaminik an­nilaangasarlunilu nikal­lungasin­naavoq. Taman­na pingaar­tuuvoq uiusup sianigisariaqagaa, taamaalil­luni isumalukujuutiginagu paasin­nin­nermik takutitsisin­naanias­sagami. Taamatut pisoqar­til­lugu uiusup nuliaasul­lu isum­mak­kut al­lan­ngor­nermut suna pis­sutaasoq paasisariaqar­paat, kajumis­sinar­tumil­lu iliuuseqar­tariaqarlutik. ’Ilisimatuup qar­na uum­mataata sianisuutip­paa ilik­karsaal­lu al­lisil­lugu qarluini.’ Aam­ma  ’ikin­ngutaasoq ul­lut nungul­lugit asan­nit­tar­poq, qatan­ngutaasorlu er­niarititaasar­poq an­nikil­lior­nar­tus­saq pil­lugu.’ — ús­satit 16:23; 17:17.

20-22. (a) Suna pil­lugu patsiseqan­ngitsumik sangias­sanatalu ningas­san­ngilagut? (b) Qanoq ilior­toqarsin­naava aap­parisaq toq­qis­sisimanar­tumik misigitin­niarlugu?

²⁰ Uiit sangiat­tar­pa, imaluun­niit nuliat ningar­tar­pa? Qanoq isumaqarfigineqar­neq sianigis­sal­lugu eq­qor­tulior­neruvoq, soorunamilu aap­pariin­neq ser­nis­sor­tariaqarluni. Soorlu adrenalinip uum­matip til­ler­nera sak­kor­tusisis­sin­naagaa, aam­ma sangian­nerup ningar­nerul­luun­niit tar­neq eqeersimaar­tilersin­naavaa nuan­narisaq il­lersoriaq­qul­lugu. Sangian­nerup imaluun­niit ningar­nerup pis­susis­samisoor­tup akerleraa soqutigisaqan­ngin­neq, mas­sami, aap­pariin­ner­put soqutaan­ngitsutut isumaqarfigisariaqan­ngilar­put.

²¹ Sin­nganerli al­laavoq. Sin­nganerup patajaneq pis­sutigaa, aam­ma eq­qarsaatersor­nerup sin­nganeq sak­kor­tusar­tar­paa. Pigin­nik­kumatuup, tun­ngaveqar­tumik eq­qarsarsin­naan­ngitsup sin­nganerata aap­pariin­neq par­naarus­sivin­ngor­tit­tar­paa nuan­niitsoq, tatigin­nin­nerup asan­nil­luar­nerul­lu ineriar­torfigisin­naan­ngisaat. ’Asan­nit­toq sin­ngasarin­ngilaq,’ al­las­simavoq, sin­nganerlu ingasat­toq ’saar­nit mar­neqaatigaat’. — 1 Korintumiut 13:4; ús­satit 14:30.

²² Aap­pavit patajaneranut sin­nganeranul­lu patsiseqarluar­pat, taava suna patsisaasoq er­niin­naq peer­niar­niaruk. Patsiseqarluan­ngip­pat, taava sapin­ngisan­nik sin­ngasoq tatigin­nilersin­niaruk — oqaatsik­kut aam­ma, pingaar­nerusumik, suliatigut. Uum­mataagut kil­lin­niaruk!

23. Aap­pariin­nermi ajor­nar­torsiutit aaq­qin­niar­neqar­nis­saan­nut avataaniit­tut siun­nersuinis­saan­nik qin­nuiginis­saan­nik eq­qarsaateqar­nermi, suut eq­qarsaatigeq­qaar­tariaqar­pat?

²³ Aap­pariit isumaqatigiin­ngis­sutimin­nik aaq­qiiniar­neran­ni avataaniit­tut ikiuus­sin­naap­pat? Im­maqa taamaaliorsin­naap­put, aatsaal­li aap­pariit marluul­lutik isumaqatigiis­sutigip­pas­suk akuliuteq­quneqas­sap­put. Siul­lermik ’saqitsaatigisat saqitsaatiguuk tul­lin­nut al­lap an­ngigeq­qusaa  an­ngiiar­nagu’. (ús­satit 25:9) Angajoq­qaat sakil­luun­niit akuliuteq­qus­sal­lugit navianarsin­naavoq. Nakerisarsiun­ngin­nis­saat ilimanan­ngilaq. Pis­suteqarluar­tumik Bibelimi al­las­simavoq: ’Angutip angun­nilu ar­nilu qimas­savai, nuliilu at­tavigalugu.’ (1 Môrsase 2:24) Aam­mat­taaq nuliaasup angajoq­qaani qimas­savai uini at­tavigalugu. Angajoq­qaat sakil­lu qin­nuiginagit aap­pariit arlaat il­lersor­niarlugu aap­paalu akerleriniarlugu akuliuteq­qul­lugit, uiusoq nuliaasorlu ataqatigiit­tariaqar­put, paasil­lugulu ajor­nar­torsiutitik ataatsimooruk­kitik peqatigiil­lutil­lu anigor­niar­tariaqaritik. Al­lat akuliun­nis­saan­nik qin­nuigiguk­kit naak aap­pavit taman­na akuerin­ngik­kaluaraa, tamas­si marluul­lusi ataq­qineqarun­naariar­tus­saasi. Saq­qumisumik, ilumoor­tumik asan­nit­tumil­lu oqaloqatigiit­tarus­si, ilimanarluin­nar­poq nam­mineq ajor­nar­torsiutisi anigorsin­naas­sagisi. Inuit al­lat misilit­tagaqar­tut siunersior­neqarsin­naap­put, il­lil­li aap­pal­lu inaarutaasumik aalajangiisus­saavusi.

24, 25. Im­minut pingaar­tin­niar­pal­laar­neq pis­sutigalugu aap­pariin­nermi ajor­nar­torsiut aaq­qik­kuminaap­pat, qanoq ilior­toqarsin­naava?

²⁴ ’Nungul­lusi oqarfigaas­si im­mis­sin­nik isumas­saq qaangerlugu isumaqarfigeq­qunasi,’ apustili Paulus siun­nersuivoq. (Rûmamiut 12:3) Nangil­lunilu al­lap­poq: ’Ataq­qeqatigiigitsi ingiaqat­taal­lusi.’ (Rûmamiut 12:10) Misigigut­ta pingaar­niar­ner­put ikiler­neqar­toq taava iluaqutaas­saaq qanoq an­nikitsigis­suser­put eq­qarsaatigis­sal­lugu. Nunarsuarmut naleq­qiul­luta uagut inuit mikisuararsuuvugut, seqineqarfim­mul­lu naleq­qiul­lugu nunarsuar­put mikivoq, silarsuul­lu avataaniit­tunut tamanut naleq­qiul­lugu seqineqarfik mikisuaraan­naavoq. Jehovap isaani ’inuiaat tamarmik suun­ngitsutut ip­put, suujun­naarsunit min­nerutip­pai, piun­ngitsuutip­pai’. (Isaia 40:17) Tamak­ku eq­qarsaatigigutsigik pis­sutsit eq­qor­tumik isumaqarfigisin­naavavut, paasis­savar­pul­lu isumaqatigiin­ngin­nerit amerlaner­tigut pingaaruteqar­pal­laar­neq ajor­tuusut.

²⁵ Im­mitsin­nut pingaar­tip­pal­laar­nata isumaqar­niar­nitsin­ni,  ilaatigut quianar­tus­sanik ujarler­neq iluaqutigisin­naasar­par­put. Im­minut pil­luni il­larsin­naas­suseq inersimal­luar­nermut ilisar­naqutaavoq inuunermilu maniilar­pas­suar­nik manis­saasarluni.

’NEQISSAATITIT IMARSIORTIKKIT’

26, 27. Aap­parisap isumaqatigiin­ngin­nerit eq­qis­sisimasumik aaq­qin­niaraangagit, aap­paa akerliliip­pat suleqataajuman­ngip­pal­luun­niit, Bibelimi najoq­qutas­siarineqar­tut tun­ngaviusut suut malit­tariaqar­pat, sunalu pil­lugu?

²⁶ Isumaqatigiin­ngin­nerit eq­qis­sisimasumik aaq­qin­niar­neran­ni aap­pat akerliliip­pat suleqataajuman­ngip­pal­luun­niit taava il­lit qanoq ilius­savit? Bibelimi siun­nersuut una malin­niariuk: ’Ajor­tumik ilior­toq ajor­tumik akileqinasiuk.’ Jesus maligas­saraar­put: ’Taan­na oqagaagami oqar­nin­ngilaq.’ Nalingin­naavoq inuit inoqatimin­nik qanoq iliorfigineqar­ner­tik naaper­torlugu ilior­tar­nerat. Il­lil­li taamaalioruit inun­nut al­lanut qanoq pis­susilersor­nis­sat aalajangersor­tis­savat. Taak­kua aalajangiisip­patit il­lit qanoq it­tuunis­san­nik, tas­sa taak­kunatut it­tuunis­san­nik. Taamaalior­tik­kuk­kit pis­suserin­ngisan­nik ilius­saatit, pingaar­titatit tunutis­savatit, najoq­qutas­sat tun­ngaviusut erligisatit ilumoorfiginagit ilius­saatit. Taamaalior­nak Jesus malin­niaruk, taan­na pis­suserisaminik ilior­tarmat, al­lat san­ngiis­sutaan­nit sun­ner­neqar­nani: ’Ilumuun­ngik­kaluarut­ta taan­na ilumoorsin­nar­poq, im­minik miserratigisin­naan­ngin­nami.’ — Rûmamiut 12:17; 1 Pîtruse 2:23; 2 Timûtiuse 2:13.

²⁷ Ajor­tik­kiar­tuin­nar­neq ajun­ngitsoq atorlugu unitsis­sin­naaguk­ku, im­maqa taava ajun­ngitsumik qisuariaataasin­naalis­saaq. ’Akis­sut qanilaar­tumik oqaaserisaq kamak­kun­naarsitsisaraaq.’ (ús­satit 15:1) Saamasumik akisineq san­ngiis­susermit pinani nakuus­susermit pivoq, aap­pavil­lu taman­na malugis­savaa. Inuit taamaaqataanik akiniaasarmata, il­lit ajun­ngitsumik iliuuseqar­niar­nik­kut ajun­ngitsoq aal­lar­tis­sin­naas­savat. Taman­na al­las­simaf­fin­ni as­sigiin­ngitsuni takutin­neqar­poq. ’Al­lanik tuman­nguersaasoq nam­miner­taaq tuman­nguersar­neqas­saaq.’ ’Uut­tuutigisas­sin­nik uut­tuif­figineqarumaar­pusi.’  ’Neqis­saatitit imarsior­tik­kit; ul­lor­pas­suit qim­muup­pata naniumaar­patit.’ (ús­satit 11:25; Lúkarse 6:38; akugdlîs­sup oĸausê 11:1) Im­maqa pif­fis­saq sivisulaar­toq qaangiup­pat aatsaat ajun­ngitsulior­nerit aap­pan­ni ajun­ngitsumik kinguneqalis­saaq. Ul­lumimi siaruar­teriguit aqagu katersuinavian­ngilatit. Imaap­porli: ’Inuk siaruar­tik­kani naaper­torlugit katersuiumaarmat. Ajun­ngitsulior­tali arajus­sinata nal­liup­pat katersuiumaarat­tat­taaq qasun­ngik­kut­ta.’ — Galâsiamiut 6:7-9.

28. Ileq­qoreq­qusat ajun­ngitsut Bibelimi ús­satit-ni al­las­simasut aap­pariin­nermik pil­luar­nar­nerulersitsisin­naasut suut ilagaat, qanorlu maleruar­neqarsin­naap­pat?

²⁸ Al­las­simaf­fiit apeq­qutil­lu aap­pariit eq­qarsaatigisariaqagaat matuma kinguliiniip­put:

ússatit 14:29: ’Kamajuitsoq sianisuuvoq, arrajasulli sianiissutsi malunnartittaraa.’ Eq­qarsaq­qaar­taruit kaman­nis­san­nut pis­sutis­saqarluan­ngin­nera paasis­san­ngin­ner­piuk?

ússatit 17:27: ’Ilisarsisimasup oqaatsini nunutsiartarpai, siuneqartorlu arrajanngilaq.’ Il­lit arrajanaveersaar­tar­pit, oqaatsil­lu aap­pan­nik kamatsitsisin­naasut anin­naveersaar­tarlugit?

ússatit 25:11: ’Oqaaseq oqaaserisariaqarfimmigut oqaaserisaq taamaappoq soorlu paarmarsooqqinnersuaasat [iipilit] kuultiusut sølviusunik pinnequsersukkat.’ Oqaaseq pif­fis­saatigut anitaq pif­fis­sak­kut al­lak­kut im­maqa tul­luar­navian­ngilaq. Il­lit malus­sarip­pit oqaatsit pif­fis­saal­luar­tuk­kut anin­nis­saan­nut?

ússatit 12:18: ’Qanerminit anisoortoqartarpoq, oqaasii soorlu panap kapisineri; ilisimatuulli oqaat katsorsaataapput.’ Oqaluler­tin­nak eq­qarsaatigeq­qaar­tar­piuk oqaatsivit aap­pan­nut qanoq sun­niuteqarsin­naanis­saat?

ússatit 10:19: ’Oqaatsit amerlasaraangata pinerluttoqaannaaraaq, qarlumigulli nunusoq ilisimasutut iliorpoq.’ Ilaatigut kamak­kaangat­ta oqaaseriuman­ngisatsin­nik oqar­toor­tar­pugut, kingor­natigul­lu peq­qis­simis­sutigalugu. Oq­qat mianersuutigisar­piuk?

 ússatit 20:3: ’Inuk ataqqinarsissaaq saqitsaattut taamaatikkunigit, sianiitsulli taakkununnga ilungersuarulullaaraat.’ Oq­qatis­sagaan­ni marluusariaqar­poq. Il­lit ima inersimal­luar­tigivit akeq­qin­naveersaarsin­naal­lutit?

ússatit 10:12: ’Uumissuinerup saqitsaanerit pilersittarpai, asanninnerulli pinerlunnerit tamaasa matoortarpai.’ Isumaqatigiin­ngis­sutigeriik­kat put­tarsisar­pigit, imaluun­niit aap­pat ima asatigigak­ku tamak­ku pereersut isumak­keer­tar­pigit?

ússatit 14:9, „New English Bible“: „Sianiitsoq imminut pingaartinnermit eqqunngitsuliorsimanini anigorniarlugu aaqqinniarumaneq ajorpoq; peqqusersuitsut nalunngilaat saammaateqatigiinneq suusoq.“ Pingaar­niar­nermit kuk­kunitit nas­suerutigineq ajorlugil­lu aap­pariin­nis­sin­ni eq­qis­sinis­saq anguniar­neq ajor­piuk?

ússatit 26:20: ’Qisussat nungukkaangata inneq qamittaraaq.’ Il­lit akioriin­neq unitsis­sin­naaviuk, imaluun­niit aap­pat oqaasis­saarutin­niar­tar­piuk?

Evfisumiut 4:26: ’Seqineq tarrisinaveersiuk narrutsassimanissinni.’ Nam­mineq aap­pavil­lu an­nikil­liuutigisas­sin­nik isumaqatigiin­ngis­sutisi eq­qaaq­qajaajuar­tar­pigit?

29. Aap­pariin­nersi pil­luar­nar­nerulersin­niarlugu, tun­ngaviusut suut eq­qaamasariaqar­pat?

²⁹ Siun­nersuutit isumatuut maleruar­neqarunik aatsaat iluaqutaas­sap­put. Misilin­niariaruk. Aam­mat­taaq aap­pavit siun­nersuutaanik maleruaanis­san­nut piumas­suseqar­tarit. Kinguneqarluas­sanersoq misileriaruk. Ingerlanerliorus­si kia pisuus­sutigis­savaa? Taman­na soqutaan­ngilaq. Pingaar­nerusorli tas­saavoq qanoq aaq­qin­niar­neqarsin­naanis­saa. Sungius­siniar­niarit, isum­mat naner­tuisut aniatik­kit, oqaloqatigiis­sutigisigik, im­minul­lu pingaar­tin­niar­pal­laaqinak. Oqaloqatigiit­taritsi! ’Aap­pat ilit­tut asaguk­ku’ aap­pariin­nermut sungius­sinis­saq ajor­nar­pal­laar­navian­ngilaq, aap­pariin­nerlu pil­luar­nas­saaq. — Matîuse 19:19.

[Atuaqqissaarnermi apeqqutit]