Kapiteli 9

Meeqqanik naalungiar­suuneriniit perorsaaneq

1-4. Suup takutip­paa meeran­nguup an­ner­tuumik ilin­niarsin­naas­suseqar­nera?

INOORLAAP isumaa as­sersuun­neqar­tar­poq qup­per­nermut al­laf­figineqarsiman­ngitsumut. Taamaat­torli as­sigiin­ngitsor­pas­suar­nik anaanami il­liaaniik­kal­laramili malugisaqareersimavoq. Katat­tus­saan­ngitsunil­lu ilisar­naateqar­poq siulit qanoq it­tuuneran­nik pis­suteqar­tunik. Er­niunerminiil­li meeraq an­ner­tuumik ilin­niarsin­naas­suseqar­poq. Meeq­qap isumaa qup­per­nermut ataasiin­narmut as­sersuun­nagu, naleq­qun­nerus­sagaluar­poq atuagar­pas­suar­nut al­laf­figineqarsiman­ngitsunik qup­per­nilin­nut qaam­marsaatis­sanik im­mersuin­nariaasunut as­sersuuk­kaan­ni.

² Er­niunermini meeq­qap qarasaa inersimaleruni oqimaas­susis­saata sisamar­terutaan­naanik oqimaas­suseqar­poq. Qarasarli ima suk­katigisumik al­liar­tor­tar­poq ukiut marluk ingerlanerin­naan­ni inersimasup qarasaata oqimaas­susiata tre fjerdedeliinik oqimaas­suseqalersarluni. Silaqas­susiat­taaq taama suk­katigisumik ineriar­tor­tar­poq. Ilisimatuutut misis­suisut isumaqar­put meeq­qap silaqas­susiata ukiut siul­liit sisamat ingerlaneran­ni ineriar­tor­nerata naligigaa ukiut 13-it tul­liusut ingerlaneran­ni ineriar­tor­nis­saa. Inuit ilaat oqar­tar­put „meeq­qap tal­limanik ukioqalin­ngin­nermini ilik­kagai ilik­kagas­sariumaagas­saasa ilik­karuminaan­ner­paat ilagigaat“.

³ Paasisas­sat tun­ngaviusut, soorlu taler­pik saamil­lu,  qum­mut am­mul­lu, ulik­kaar­toq imaqan­ngitsorlu, aam­ma piit angis­susii oqimaas­susiilu im­min­nut naleq­qiul­lugit, uatsin­nut paasiuminar­put. Meeq­qal­li tamak­ku al­lar­parujus­suil­lu ilin­niar­tariaqar­pai. Oqalus­sin­naanerlu meeran­nguup isumaanut ik­kun­neqar­tariaqar­poq.

⁴ Inuit ilaasa oqaatsinik ilin­niar­neq „inuup silaqas­susermut tun­ngasumik pin­ngitsoorani angusas­saasa ilik­karuminaan­ner­paar­taat­tut“ isigaat. Il­lit oqaatsit nutaat sior­natigut tamaviaarlutit ilin­niar­niarsimaguk­kit, taama oqar­tut isumaqatigis­savatit. Il­lil­li iluaqutigaat oqaasilerineq ilaatigut nalun­ngin­nak­ku. Meeran­nguup taman­na naluaa, taamaat­torli oqaatsit tun­ngaviusut paasisin­naavai atorsin­naal­lugil­lu. Meeq­qat angerlarsimaf­fim­mi imaluun­niit nunami arlalin­nik oqaaseqarfiusumi al­liar­tor­tut ajor­nan­ngitsumik oqaatsit arlariit atorsin­naasar­paat — atualin­ngin­nermin­ni al­laat! Paasin­nis­sin­naas­suseqar­nerat malun­nar­poq, ineriar­tor­tin­neqar­niar­nis­saanul­lu utaq­qiin­nar­poq.

PIAARTUMIK ILINNIARTITTALERUK

5. Qanoq piaar­tigisumik meeraq ilin­niar­tin­neqalis­sava?

⁵ Suleqan­ni Timoteus al­laf­figalugu apustili Paulusip eq­qaasip­paa ’naalungian­nguunerminiit’ Al­lak­kat Il­ler­nar­tut ilisimagai. (2 Timûtiuse 3:15, NV) Angajoq­qaat silatuut ilisimavaat meeq­qap ilin­niarumas­suseq pis­susis­samisoor­tumik pigisarigaa. Meeran­nguit tupin­naan­nar­tumik alaper­naatsuup­put; naalaaq­qis­saar­tar­put; qiner­tuul­lutil­lu. Angajoq­qaat sianigigaluar­pas­suk sianigin­ngik­kaluar­pas­sul­luun­niit meeran­nguit paasiniaajuaan­nar­put, paasisatik im­mik­koor­titer­tarlugit, ilaar­tor­tarlugit isum­mer­tarlutil­lu. Angajoq­qaal­lu sianigin­ngip­pan­ni taava meeran­nguup er­niin­naq nam­mineq iluarisani maliin­narlugu aaq­qis­suus­siniar­talersin­naas­saaq. Taamaat­tumik oqaaq­qis­saarut Guutip oqaasiani it­toq una meeq­qap inun­ngor­neraniil­li ator­tus­saavoq: ’Inuusut­toq ajoqersoruk [ingerlavis­saa, NV] naaper­torlugu; utoq­qan­ngoruniluun­niit tas­san­nga nigus­san­ngilaq.’ (ús­satit 22:6) Meeq­qap ilin­niagas­sai siul­liit soorunami asan­nin­nermut tun­ngap­put, asan­ningaar­tumik paarineqarami qujagineqaramilu. Taamaat­torli  pisariaqaraangat meeraq qajas­suar­tumik aalajangersumil­lu perorsar­neqar­tariaqar­tas­saaq.

6. (a) Oqaatsit qanoq it­tut atorlugit meeraq oqaluf­figineqar­tas­sava? (b) Apeq­quter­parujus­suit meeq­qap apeq­qutigisar­tagai qanoq isigineqas­sap­pat?

⁶ Meeraq meeraarar­palut­tumik oqaluf­figinaveeruk inersimar­palut­tul­li paasiuminar­tul­lu atorlugit oqaluf­figisaruk, meeq­qam­mi oqaasiviusut ilin­niar­tus­saavai. Oqalus­sin­naaleruni meeran­nguup apersor­torujus­suan­ngus­savaasi: ’Sooq sial­ler­tar­pa? Uanga sumit pivunga? Ul­loris­sanuku ul­luk­kut sumiit­tar­tut? Suit? Sooq-una? Susoq-una?’ Apeq­qutis­saarun­neq ajor­poq! Tusar­naar­taruk, apeq­qutim­mi meeq­qap ilin­niutaasa pingaar­ner­paar­taraat. Apeq­qutai akiuman­ngik­kuk­kit meeq­qap eq­qarsar­taatsik­kut ineriar­tor­nera akor­nusersin­naavat.

7. Meeran­nguup apeq­qutai qanoq ajun­ngin­ner­paamik akineqarsin­naap­pat, sunalu pil­lugu?

⁷ Apustilil­li oqaasii eq­qaamaniak­kit: ’Meeraagal­larama meeq­qatut oqalut­tar­punga meeq­qatul­lu isumaliorlunga meeq­qatul­lu eq­qarsarlunga.’ (1 Korintumiut 13:11) Meeq­qap apeq­qutai sapin­ngisan­nik akil­luar­tar­niak­kit, kisian­ni paasiuminar­tumik naatsumil­lu. Apeq­qutigiguniuk: ’Sooq sial­ler­pa?’ meeq­qap takisuumik paasiuminaatsumil­lu akineqar­nis­sani naatsorsuutiginavian­ngilaa. Ima akineqaruni naam­magis­savaa: ’Nuis­sat imermik ulik­kaaraangata imeq nak­kaasarami.’ Meeq­qat aalajangersimasoq sivikitsumik soqutigisar­paat; er­niin­naq al­lamut saat­tar­put. Taamaat­tumik, soorlu meeraq im­mum­mik nerisit­tarit nerisas­sanik imer­palasuun­ngitsunik nerisin­naaler­nis­saata tungaanut, taamatut paasiuminar­tumik ilisimatit­taruk ilisimasanik paasiuminaan­nerusunik paasin­nis­sin­naaler­nis­saata tungaanut. — Naleq­qiuguk Eprîarit 5:13, 14.

8, 9. Meeraq atuar­nermik qanoq ilik­kar­tik­kiar­tuaar­neqarsin­naava?

⁸ Ilin­niar­titaaneq siuariar­tor­tariaqar­poq. Soorlu taaneqareersoq, Timoteusip naalungian­nguunerminiit Al­lak­kat Il­ler­nar­tut ilisimavai. Meeraanerminiit eq­qaamasaasa siul­ler­paat ilagigunar­paat Bibelimik ajoqersor­neqar­nini. Soorunami taman­na an­ner­tusiar­torsimas­saaq. Taamatut­taaq ul­lumik­kut ataataasup anaanaasul­luun­niit meeraq  atuar­nermik ilik­kar­tik­kiar­tuaas­savaat. Qitor­nat atuf­fat­taruk. Mikisun­nguuneraniit atuf­fat­taruk, sarlis­siul­lugu eqil­lugu, nuan­nersumik ikin­ngutin­nersumil­lu nipeqarlutit. Taava meeraq toq­qis­sisimaarlunilu nuan­naas­saaq, atuf­fas­sinerlu nuan­naris­savaa, naak im­maqa tamaat paasin­ngik­kaluarlugu. Kingor­nagut naqin­ner­nik ilin­niar­tis­sin­naalis­savat, im­maqa pin­nguaatigalugit. Taava naqin­nerit ataasiak­kaat oqaasin­ngor­tik­kit, oqaaseqatigiiliulerlutil­lu. Sapin­ngisan­nil­lu ilin­niar­neq meeq­qamut nuan­naarutis­saatiguk.

⁹ Aap­pariit er­ner­tik pingasunik ukiulik atuf­fat­tar­paat, atuf­fas­sitil­lutil­lu oqaatsit atuak­katik tik­kuar­tarlugit, nukap­piaraq malin­naanias­sam­mat. Oqaatsit aalajangersimasut tikik­kaangamik­kik unitsiar­tar­put, nukap­piaq­qap nam­mineq oqaaseq taanias­sam­magu, soorlu „Guuti“, „Jesus“, „angut“ imaluun­niit „or­pik“. Oqaatsit amerlanerusut atuarsin­naaleriar­tor­pai, sisamanil­lu ukioqalerami nam­mineq oqaatsit amerlanerit atuarsin­naalersimavai. Atuarsin­naalersut al­las­sin­naaler­tariaqar­put­taaq, siul­lermik naqin­nerit ataasiak­kaat, taavalu oqaatsit ilivitsut. Aterminik al­las­sin­naaneq meeq­qamut pis­sanganar­tuuvoq!

10. Suna pil­lugu pitsaanerua meeq­qat tamaasa im­mik­kut ikius­sal­lugit pigin­naas­susii ineriar­toq­qul­lugit?

¹⁰ Meeq­qat as­sigiin­neq ajor­put, tamarmik im­mik­kut pis­suseqarlutik, tamarmil­lu im­mik­kut ikior­neqar­tariaqar­put piuk­kun­naatitik pigin­naanitil­lu inun­nguuserisatik naaper­torlugit ineriar­tor­nis­samin­nut. Meeq­qat tamarmik im­mik­kut pigin­naas­sutsimik inun­nguutsimin­nit pigisatik ineriar­tor­tin­nis­saat ilin­niarunik­ku, taava meeq­qat al­lat sapin­ngisaat usorinavian­ngilaat. Meeq­qat tamarmik im­mik­kut qanoq it­tuus­suser­tik pil­lugu asaneqas­sap­put pingaar­tin­neqas­sal­lutil­lu. Soorunami eq­qor­poq meeraq ikior­nias­sal­lugu pis­sutsini eq­qun­ngitsut akior­niaq­qul­lugit, kisian­ni qitor­nat pin­ngitsaalinias­san­ngilat aalajangersimasumik pis­susilersoq­qul­lugu. Pitsaanerus­saarli meeraq perorsas­sal­lugu nam­mineq im­mik­kut pis­sutsiminik ajun­ngitsunik atorluaanis­saanut.

11. Suna pil­lugu ajor­pa meeraq meeraqataanut naleq­qiutis­sal­lugu?

¹¹ Angajoq­qaat meeraq isumaqalersik­kunik­ku meeq­qanit  al­lanit pitsaanerusoq nikanar­nerusorluun­niit, nam­minis­sarsior­tumik ingiar­niuk­kumatus­suseqalersis­sin­naavaat. Ilumoor­poq al­laat meeran­nguit nam­minis­sarsior­neq inun­nguutsimit pigisar­tik nalunaar­taraat, meeq­qal­li akimas­sutsik­kut naleqar­titaanermik ilisimasaqan­ngil­lat, pigin­naaneqar­nerus­sutsimik misigineq naluaat im­minul­lu angisuutin­neq nalul­lugu. Taman­na pis­sutigalugu Jesusip meeran­nguaq as­sersuutitut tigusimavaa ilaan­ni ajoqersuk­kani ataq­qinaateqar­neq­qusaal­lutil­lu nuimaneruniut­tut as­suarigamigit. (Matîuse 18:1-4) Taamaat­tumik meeraq meeraqataanut naleq­qiun­naveeruk. Ajor­neruneraruk­ku, meeraq misigisin­naavoq iluarineqar­nani. Siul­lermik ajual­las­saaq, taamatul­lu pineqar­tuaruni uumis­suisun­ngorsin­naas­saaq. Meerarli oqarfigineqar­taruni al­lanit pitsaanerul­luni, pingaar­niarumatuun­ngorsin­naas­saaq taamaalil­lunilu al­lanit iluarineerutis­sal­luni. Meeq­qamut asan­nin­nerit pingaar­titsineril­lu meeq­qanut al­lanut naleq­qiul­lugu qanoq in­neranik tun­ngaveqar­tariaqan­ngilaq. Meeq­qat as­sigiin­ngis­suteqar­nerat ajun­ngiin­nar­poq. Nipilersoqatigiin­ni nipilersuutit as­sigiin­ngitsor­pas­suit nipinik amerlasuunik al­lan­ngorar­tunil­lu pilersitsisar­put, taamaat­torli nipigil­luaqatigiit­tarlutik. Inuit pis­susiisa as­sigiin­ngin­nerisa ilaqutariit inooqatigiin­nerat suus­suseqar­nerulersil­lugulu soqutiginar­nerulersit­tar­paat, tamarmil­lu Pin­ngor­titsisup ileq­qoreq­qusai ajun­ngitsut malil­lugit pis­susilersor­tik­kunik aaq­qiagiil­luar­nis­saan­nut akor­nutis­saqas­san­ngilaq.

QITORNAVIT INERIARTORNERA SIUARSARUK

12. Inersimasut pis­susiisa suut takutip­paat meeq­qat eq­qor­tumik siulersor­neqar­tariaqar­tut?

¹² Guutip oqaasiani al­las­simavoq „inuup ingerlavis­si oqar­tus­saaf­figin­ngik­kaa“. (Jerimia 10:23, NV) Inup­pas­suil­li akerlerluin­naanik isumaqar­put. Taamaat­tumik Guutip un­nersuus­sutai sumigin­nar­tar­paat, inun­nit siulersor­til­lutik, taamaalil­lutil­lu ajor­nar­torsiuter­pas­suit naam­mat­toor­tarlugit, naggataatigul­li paasilersarlugu Guuti eq­qor­tumik oqarsimasoq. Jehova Guuti oqar­poq aq­quteqar­toq inuup iluarsorisaanik, kingunis­saali tas­sa toqumut aq­qutaasut.  (ús­satit 14:12) Inuit aq­qut iluarsorisartik ingerlavigiuarsimavaat, taman­nalu sorsun­ner­nik, kaan­nersuar­nik, nap­paatinik toqumil­lu kinguneqar­tarsimavoq. Aq­qut inuup inersimasup misigisar­tuul­lu iluarsorisaa toqumik kinguneqar­tarmat, aq­qut meeq­qap iluarsorisaa al­lamik kinguneqarsin­naaner­pa? Inuup inersimasup ingerlavis­si aqus­sin­naan­ngip­pagu, qanormi taava meeran­nguup misilit­tagaqan­ngitsup inuunermi ingerlavis­si aqus­sin­naas­savaa? Pin­ngor­titsisup oqaatsimigut najoq­qutas­siai angajoq­qaat meeq­qal­lu atorfis­saqar­tip­paat.

13, 14. Môrsasip agdlagaisa tatdlimait 6:6, 7-imi oqaaq­qis­saarut malil­lugu, angajoq­qaat qitor­natik qanoq ajoqersorsin­naas­savaat?

¹³ Guuti angajoq­qaanut ima oqar­poq: ’Oqaatsil­lu mak­ku ul­lumi ilin­nut inas­sutigisak­ka uum­mam­miugis­savatit. Puiugaanaveersas­savatil­lu qitor­nan­nut oqaluuseris­sal­lugil­lu il­lun­ni is­siasaraangavil­luun­niit aq­qusinik­kul­luun­niit ingerlasaraangavit, in­naraangavil­lu makik­kaangavil­lu.’ (5 Môrsase 6:6, 7) Suk­kul­luun­niit, qaquguluun­niit periarfis­saqaleraangat, angajoq­qaat ajoqersuisariaqar­put. Soorlu ilaqutariit ul­laak­korsioqatigiin­neran­ni. Naak ul­laak­kut suliar­tor­nis­samut atuariar­tor­nis­samul­lu piareersar­nermin­ni ulapik­kaluarlutik, nerisas­sat qujas­sutigalugit qinoqatigiit­tariaqar­put. Tas­suuna Pin­ngor­titsisoq eq­qarsaatigilis­savaat, as­sigiin­ngitsul­lu ilaqutariit anersaak­kut iluaqutigisas­saat eq­qar­tor­neqarsin­naap­put. Im­maqa ul­lup ingerlanis­saani sam­misas­sat imaluun­niit atuarfim­mi atuagas­sat oqaluuseris­sal­lugit periarfis­saqar­poq, ajor­nar­torsiutil­lu tak­kus­sin­naasut qanoq anigor­tin­niar­neqarsin­naanis­saan­nut siun­nersuuteqar­toqarsin­naal­luni. Pif­fis­sarlu in­nar­tarfik (’in­naraangavit’) meeq­qat as­sut nuan­naarutigisin­naavaat taamaalinerani angajoq­qaamik im­mik­kut soqutigisar­patik. Meeq­qat oqalualaarutit sinil­luarsaatit pingaar­teqaat, tamak­kulu ajoqersuinermut periarfis­saal­luarsin­naap­put. Bibeli imaqar­torujus­suuvoq, oqalut­tuar­taalu pis­sanganarsaarlugit tiguar­tin­nar­tun­ngorlugil­lu angajoq­qaanit atuf­fas­sis­sutaal­luarsin­naap­put meeq­qat nuan­naarutigisaan­nik. Il­lit nam­mineq misigisimasatit tusas­sal­lugit meeq­qat kajungerisaqaat,  iluaqutis­saasumil­lu ilin­niutigiin­naas­sal­lugit. Im­maqa un­nuit tamaasa oqalut­tuamik nutaamik nas­saar­nis­sat ajor­nakusoor­tis­sagaluar­pat, paasilis­saval­li meeq­qat oqalut­tuaq ataaseq tusaq­qeqat­taas­sal­lugu nuan­nareqigaat. Pif­fis­saq naam­mat­toq atoruk­ku, paasilis­savat meeq­qal­lu im­mis­sin­nut oqaluul­luar­nerulis­sal­lusi. In­naler­neran­nilu meeq­qat qinoqatigisaruk­kit, meeraanermin­ni al­laat Siulersuiser­tik Il­lersor­ter­til­lu naleqan­ngitsoq at­tavigisin­naalis­savaat. — Evfisumiut 3:20; Filípimiut 4:6, 7.

¹⁴ Sumiik­kaluaruil­luun­niit, ’il­lun­ni is­siasaraangavil­luun­niit aq­qusinik­kul­luun­niit ingerlasaraangavit’, periarfis­saqar­tas­saatit qitor­nat soqutiginar­tumik kinguneqarluar­tus­samil­lu ajoqersus­sal­lugu. Ajoqersuinerup ilaa pin­nguar­ner­tut ingerlan­neqarsin­naavoq. Aap­pariit oqalut­tuar­put qanoq meeq­qat ikior­niaritik Bibelimut tun­ngasumik ataatsimiin­nermi ilik­kagaat eq­qaamasin­naaq­qul­lugit:

’Un­nuit ilaan­ni nukap­piaran­nguaq arfinilin­nik ukiulik ataatsimiin­ner­ni naalaarluar­neq ajor­toq ilagaar­put. Rigs­saliliar­til­luta oqar­punga: „Eq­qaamaneq­qusaat­ta. Angerlarut­ta eq­qaanias­savavut erinarsuutit ataatsimiin­nermi erinarsuutigisavut suunersut aam­ma ataatsimiin­nermi oqaluuserineqar­tut pingaar­nersaasa ilaat suunersut.“ Angerlarat­ta tupaal­laqaagut. Nukap­piaran­nguaq naalaarluar­neq ajoraluar­toq siul­liul­luni oqaloq­quneqar­poq, oqaluuserineqar­tul­lu ilar­pas­sui eq­qaamavai. Taavalu uagut qitor­navut nas­suiaaq­quneqar­put, kiisalu uagut inersimasut oqaaseqar­pugut. Ar­tun­ngivip­paat. Pin­nguar­nerin­nar­tut ip­poq.’

15. Meeraq qanoq kajumis­saar­neqarsin­naava pigin­naanini siuarsaq­qul­lugit?

¹⁵ Al­liar­tor­til­luni meeq­qap eq­qarsaatini oqaatigisin­naalersar­pai, titar­taasin­naalersarluni, sulisin­naalersarluni nipilersorsin­naalersarlunilu. Meeq­qap paasiler­paa angusaqarsin­naal­luni. Misigaa naam­mas­sisani im­minerminin­ngaanersuusut. Nam­mineq pigai. Suliaa takul­lugu oqar­taruit: ’Uumaa, pik­koringaaravit!’ meeq­qap nuan­naar­nera isaani takuneqarsin­naas­saaq. Suliaanik nersor­tariaqar­tunik  ilumoorlutit nersor­taruk­ku, meeq­qap kajumis­sis­sutigis­savaa. Ingasat­tumik isor­nar­torsior­taruk­ku, meeraq pakatsis­saaq nikal­lus­sal­lunilu. Pisariaqar­pat suna arlaat iluarsisas­saq apeq­qutigisin­naavat, imatul­li oqaatiginaveeruk meeraq isumaqalersil­lugu suliaa ajor­nerarit. Meeq­qap titar­tagaa titar­taaf­figinagu, iluarsiis­sutis­saq pap­piaq­qami al­lami titar­tarsin­naavat. Taava meeq­qap piumaguni kingor­natigut nam­mineq titar­tak­kani iluarsisin­naas­savaa. Meeraq ilungersor­nerani kajumis­saaruk­ku ineriar­tor­nis­saa siuarsas­savat; ingasat­tumil­li isor­nar­torsior­taruk­ku, nikal­lor­tis­savat, misileeq­qik­kumajun­naas­saarlu. Galâsiamiut 6:4-mi al­las­simasup pingaar­tor­taa meeq­qanut­taaq ator­tuusin­naavoq: ’Kialuun­niil­li nam­mineq suliani misilil­liuk, taava im­minuin­naq usorsitsaatis­saqas­saaq aap­parminul­lu naleq­qiun­nani.’ Meeraq kajumis­saar­neqar­tariaqar­poq, ingam­mik misileeq­qaar­nermini. Meeq­qap qas­sinik ukioqar­neranut naleq­qiul­lugu naam­mas­sisaa pitsaap­pat, taava nersoruk. Pitsaaval­laan­ngip­pat, taava ilungersorsimanera pil­lugu nersoruk, meerarlu kajumis­saarlugu misileeq­qin­niaq­qul­lugu. Aam­ma pisun­nialeq­qaar­nermini pisus­sin­naasiman­ngilaq, ilaa?

ATOQATIGIINNERMIK QANOQ NASSUIAATISSAVARA?

16. Bibelimi al­las­simasut eq­qarsaatigalugit, meeq­qap kinguaas­siuutinut tun­ngasunik apeq­qutai qanoq akineqas­sap­pat?

¹⁶ Qitor­navit apeq­qutai akisar­patit al­lanul­lu saq­qumisumik atas­suteqar­niar­nis­saanut kaam­mat­tor­tarlugu. Taavali angutit ar­nal­lu atoqatigiin­neran­nut tun­ngasumik apeq­quteqariataar­poq. Ilumoor­tumik akis­sagaluar­piuk, imaluun­niit sal­lusumik akis­suteqas­savit, soorlu oqarlutit nuka, naja imaluun­niit aq­qaluk nap­parsim­mavim­mi pisiarineqarsimasoq? Qitor­natit eq­qor­tumik ilisimatit­tar­pigit, imaluun­niit meeq­qanit angajul­liunerusunit eq­qorluan­ngitsumik eq­qun­ngivis­sumil­luun­niit, im­maqa ileq­qorlun­nermut tun­ngasunik, oqalut­tuun­neqar­tar­nerat akueraajuk? Angutit ar­nal­lu atoqatigiin­neran­nut tun­ngasut kinguaas­siuutinul­lu tun­ngasut Bibelimi saq­qumisumik oqaluuserineqar­tar­put. (1 Môrsase 17:11; 18:11; 30:16, 17; 3 Môrsase 15:2) Guutip in­nut­tani peq­qugamigit ilaan­ni  katisimasaq­qul­lugit oqaatsini atuf­fas­sis­sutigineqar­tut tusar­naaq­qul­lugit, oqar­poq: ’Inuit katisimatik­kit, angutil­lu ar­nal­lu meeq­qal­lu tusaq­qul­lugit ilin­niaq­qul­lugil­lu.’ (5 Môrsase 31:12) Taamaalil­lutik meeq­qat tamak­ku tusar­tas­savaat ilumoorsaar­tut ataq­qinar­tul­lu avatangiisigalugit, aq­qusinermi taqas­sinar­tumik oqalut­tut ilin­niarfiginagit.

17-19. Kinguaas­sior­neq pil­lugu apeq­qutit qanoq an­ner­tusiar­tor­tumik nas­suiar­neqarsin­naap­pat?

¹⁷ Meeq­qat kinguaas­siuutinut tun­ngasunik nas­suiaatis­sal­lugit angajoq­qaat ilar­pas­suisa ilimagisaat­tut ajor­nakusoor­tigin­ngilaq. Meeq­qat er­niin­naq timer­tik soqutigilersar­paat timil­lu ilai as­sigiin­ngitsut maluginiar­talersarlugit. Aq­qi il­lit taagor­tar­patit: as­saat, isik­kat, qingaq, naaq, nul­lut, usuk, utsuit. Meeran­nguaq it­toor­navian­ngilaq, aatsaal­li il­lit nam­mineq al­lamik nipeqaleruit isumaqalersil­lugu kinguaas­siuutinut tun­ngasut oqaluuserisas­saan­ngitsut. Angajoq­qaat ilaasa atoqatigiin­neq kinguaas­siuutinul­lu tun­ngasut pil­lugit aperineqaraangamik tamak­kerlugit nas­suiar­nis­saat siooragisar­paat. Imaap­porli: meeq­qat ineris­simas­suser­tik naaper­torlugu apeq­qutis­sat taamaat­tut apeq­qutigisar­paat. Meerarlu al­liar­tor­til­lugu tamak­ku apeq­qutigisaraangagit il­lit eq­qor­tumik nas­suiar­tas­savatit taaguutaalu eq­qor­tut ator­tarlugit.

¹⁸ Ul­lut ilaan­ni aperineqarsin­naavutit: ’Naalungiarsuit sumit pisar­pat?’ Ima akiin­narsin­naavat: ’Anaanamik iluani al­liar­tor­tar­put.’ Akis­sut taama it­toq maan­na naam­mak­kal­lar­poq. Kingusin­nerusuk­kut qitor­nat im­maqa aperis­saaq: ’Meeraq qanoq ilil­luni anisar­pa?’ Akis­saatit: ’Im­mik­kut it­tumik anif­fis­saqar­poq.’ Akis­sut taman­na naam­mak­kal­las­saaq.

¹⁹ Kingusin­nerusuk­kut apeq­qutigisin­naavaa: ’Meeraq qanoq ilil­luni al­liar­tuler­pa?’ Imatut akisin­naavat: ’Ataataq anaanarlu meerar­taarusup­put. Anisuup ataatamit pisup man­nis­saq anaanamiit­toq naapip­paa, taavalu meeras­saq al­liar­tuler­poq, soorlu naatsiias­saq is­sumiit­toq naajar­tor­tar­toq naasun­ngorluni or­pin­ngorluniluun­niit.’ Oqalut­tuar­neruvoq nangeqat­taar­toq, im­mik­koor­tul­lu tamaasa im­mik­kut meeq­qap naam­magigal­lar­tar­pai. Kingor­nagut  im­maqa meeq­qap apeq­qutigis­savaa: ’Anisooq ataatamit pisoq qanoq ilil­luni anaanamut pisar­pa?’ Il­lil­lu akiin­nas­savat: ’Nalun­ngilat nukap­piaraq qanoq isik­koqar­toq. Usoqar­poq. Niviarsiaraq putoqar­poq usuup iserfis­saanik. Tas­suuna anisooq anaanamut iser­tar­poq. Jehovap inuit taamatut pin­ngor­tip­pai meeras­saq anaanami al­liar­tulersin­naaq­qul­lugu naggataatigul­lu inun­ngorluni anisin­naaq­qul­lugu.’

20. Sooq pitsaanerua al­lat pin­natik kisian­ni angajoq­qaat qitor­natik kinguaas­siuutinut atoqatigiin­nermul­lu tun­ngasunik nas­suiaat­tas­sagaat?

²⁰ Oqalut­tuanit ilumuun­ngitsunit imaluun­niit oqaluuserisas­saan­ngitsutut paquminar­tutul­luun­niit isigin­nin­nermit ilumoor­tumik nas­suias­sal­lugu pitsaaneroqaaq. (Naleq­qiuguk Títuse 1:15.) Pitsaaneruvorlu meeraq angajoq­qaaminit tamak­kunin­nga ilisimatin­neqas­sap­pat, nas­suiaatil­lutik erseq­qis­sarsin­naagamik­ku suna pil­lugu aap­pariit katis­simasut asaqatigiis­sut qitor­natil­lu asas­sal­lugit paaris­sal­lugil­lu akisus­saaf­feqar­tut kisimik meeq­qiorsin­naatitaasut. Taamaalil­luni oqaluuserisas­saq kusanar­tumik ilumoorsaar­tumil­lu oqaluuserineqar­tas­saaq, atoqatigiin­neq mingut­tuutut isumaqarfigineqaleq­qunagu.

INUUNERMI ILINNIAGASSAT PINGAARNERSAAT

21. Suna pis­sutigalugu angajoq­qaat qitor­namin­nut maligas­siuil­luar­tariaqar­pat?

²¹ Ilaan­ni Jesusip inuit nalimini inuusut as­sersuup­pai ’meeq­qanut niueriar­tor­tarfim­mi is­siasunut ilamin­nul­lu torlulasunut oqarlutik: Qarlor­tarfigigaluaris­si taparuman­ngilasi; up­putersoraluarat­talu qiajuman­ngilasi.’ (Matîuse 11:16, 17) Meeq­qat pinguar­nermin­ni inersimasut is­suar­tar­paat, nal­liut­torsior­nerilu ilisinerilu is­suar­tarlugit. Meeq­qat takusatik tamaasa is­suarajut­tarmatigik, meeq­qap perorsar­neqar­nerani angajoq­qaat maligas­siaat pingaaruteqar­torujus­suuvoq.

22. Angajoq­qaat ileq­qui qitor­naan­nut qanoq sun­niuteqarsin­naap­pat?

²² Er­niunerminiil­li qitor­navit il­lit ilin­niarfigaatit — oqaatsisit piin­nar­nagit aam­mat­taarli oqaluttaatsit, naalungiarsum­mut nam­minermut, aap­pan­nut inun­nul­lu al­lanut  oqaluk­kaangavit nipit ilin­niarfigalugu. Angajoq­qaat im­min­nut, ilaqut­tamin­nut pulaar­tunul­lu qanoq pis­susiat malugisar­paat. Tamak­kunani maligas­siuinik­kut qitor­nat ilin­niar­tis­sin­naalis­savat ilin­niagas­samik pisus­sin­naanermit, kisitsisin­naanermit ABC-rsin­naanermil­lu pingaaruteqar­nerusumik. Maligas­siuinik­kut ilisimas­susermik paasin­nin­nermil­lu, pil­luarluin­narluni inuunermik kinguneqar­tus­sanik, tun­ngaviliisin­naavutit. Maligas­siuiner­pit meeraq najoq­qutas­sianik iluar­tunik ajoqersoruminarsitis­sin­naavaa, naam­mat­tumik utoq­qaas­suseqalerluni oqalun­nik­kut atuagas­siatigul­lu ajoqersor­neqarsin­naaler­nis­saata tungaanut.

23, 24. Angajoq­qaat qanoq ilior­tariaqas­sap­pat kis­saatigigunik­ku qitor­naasa najoq­qutas­sat aalajangersimasut maleruas­sagaat?

²³ ’Guuti qitor­natut asanar­tutut malin­niarsiuk, asan­nil­lusilu saqigitsi,’ apustilip kristumiut oqaaq­qis­saar­pai. Taama oqan­ngitsiar­nermini Guuti malin­nias­sal­lugu qanoq iliuuseqar­tariaqar­nis­saat takutip­paa al­lak­kami: ’Ajual­latsitsinerit narran­neril­lu kaman­neril­lu nil­lianeril­lu mital­ler­neril­lu tamarmik ilis­sin­nit peerlit iluaatsulior­neril­lu tamaasa ilan­ngul­lugit. Ajun­ngitsumil­li iliorfigeqatigiigitsi isumas­suigajul­lusilu isumak­keerfigeqatigiil­lusilu, soorlu Guutip isumak­keerfigigaasi Kristusimi. Taamaat­tumik Guuti qitor­natut asanar­tutut malin­niarsiuk . . .’ (Evfisumiut 4:31, 32; 5:1, 2) Nipit naalungiarsuup tusar­tagai ilior­neril­lu takusar­tagai ajual­lajanermut arrajanermul­lu ilin­niutis­saap­pata — soorlu nipituumik siutin­ngunar­tumil­lu oqalun­neq, naam­magit­taal­lior­tuaan­nar­neq, makitasuumik oqalun­neq kamat­torsuan­ngor­tar­nerlu — taamaat­tut meeq­qami pigiliun­neqas­sap­put soraaruk­kuminaaqalutik. Akerlianil­li ilis­si tamanut inus­siar­nersuugus­si in­nimisut­tuugus­silu, ajun­ngitsunil­lu najoq­qutaqar­tarus­si, meeq­qap tamak­ku ilaarajus­savai. Ileq­qoqaritsi qitor­nas­sin­nut ileq­qoreq­qusas­sin­nik, pis­suseqaritsilu qitor­nas­sin­nut pis­susereq­qusas­sin­nik.

²⁴ Angajoq­qaat marlun­nik as­sigiin­ngitsunik najoq­qutas­siuis­san­ngil­lat, arlaat oqaatigiin­nar­tagar­tik arlaal­lu najoq­qutarisar­tik, arlaat qitor­namin­nut najoq­qutas­siarisar­tik arlaal­lu nam­min­neq najoq­qutarisar­tik. Sumut iluaqutaas­sava  meeq­qat oqarfigigus­sigik sal­lusas­san­ngitsut, ilis­si nam­mineq sal­lusarus­si? Ilimagisin­naavisiuk qitor­nas­si ilis­sin­nut neriorsuutigisatik eq­qor­tit­tas­sagaat, ilis­si qitor­nas­sin­nut neriorsuutigisasi eq­qor­tin­neq ajorus­sigik? Meeq­qat ataq­qin­nin­neq qanoq ilin­nias­savaat angajoq­qaat im­min­nut ataq­qin­ngip­pata? Meeq­qap maniguun­neq qanoq ilin­nias­savaa, ataatani anaananilu maniguun­nermik malun­nar­titsisut takuneq ajorunigit? Angajoq­qaat kuk­kuneq ajorlutik isumaqalersitsiniar­pata, ajoraluar­tumik meeq­qat isumaqas­sap­put angajoq­qaatik qanoq ilioraluarunil­luun­niit eq­qor­tulior­tuusut — angajoq­qaat naam­mal­luin­nan­ngis­suser­tik ajor­tilius­suser­til­lu pis­sutigalugit eq­qun­ngitsulioraangata al­laat. Oqaatsimik akerlianik ilior­tut as­sigaat farisiiarit ilumoor­tuusaar­niar­tut Jesusip ima oqaatigisai: ’Ilis­sin­nut maleruaq­qusaat tamaasa maleruarsigik taamaaliorlusi, suliaal­li malis­san­ngilasi. Oqaraluarlutim­mi taamaalior­tarin­ngil­lat.’ Taamaat­tumik farisiiareeq­qanik ilaqarusun­ngik­kus­si, ilis­si farisiiarersuunaveeritsi! — Matîuse 23:3.

25. Meeq­qat asan­nin­nermik takutitsinis­samik qanoq ilin­niar­tin­neqas­sap­pat?

²⁵ Meeq­qat asan­nin­nermik takun­nin­nermik­kut asan­nin­nerup suus­susia ilin­niar­tar­paat, asaneqar­nermik­kul­lu asan­nin­nermik nit­taanis­saq ilin­niar­tar­paat. Asan­nin­neq pisiarineqarsin­naan­ngilaq. Angajoq­qaat qitor­natik tunis­suter­pas­suar­nik tunisin­naagaluar­paat, kisian­nili asan­nin­neq anersaamut tun­nganeruvoq, uum­mat apeq­qutaam­mat, aningaasivik apeq­qutaanani, tunis­sutaan­naal­lu asan­nin­neq piviusoq taarsersin­naan­ngivip­paat. Asan­nin­neq pisiariniaraluaraan­ni nalikil­lisin­neqas­saaq. Tunis­sutinik tunisinis­saq pingaar­tip­pal­laar­nagu im­minut tun­niut­tariaqar­putit — pif­fis­sat, nukitit asan­nin­neril­lu. Taava uut­tuutigisan­nik uut­tuif­figineqarumaar­putit. (Lúkarse 6:38) Soorlu Juánasip agdlagai sujugdlît 4:19-imi Guutimut asan­nin­ner­put pil­lugu al­las­simasoq: ’Uagut asan­nip­pugut taas­suma asaq­qaarmatigut.’

26, 27. Meeq­qat tunisinerup pil­luar­nas­susianik qanoq ilin­niar­tin­neqarsin­naap­pat?

²⁶ Tigusisar­nermik­kut meeq­qat tunisineq ilin­niarsin­naavaat.  Tunisinerup, agguaqatigin­nin­nerup kif­far­tuus­sinerul­lu pil­luar­nas­susiat ilin­niarsin­naas­savaat. Paasitin­niak­kit tunisinerup pil­luar­nas­susianik — meeraqatimin­nut, ilin­nut inersimasunul­lu al­lanut tunisinermik. Inersimasut ilaasa meeq­qat tunis­sutaat tigujumaneq ajor­paat, kuk­kul­lutik isumaqaramik meeq­qat asan­nin­nermik takutik­kitik tunis­sutigiumasaralui tigum­miin­naq­qugamik­kik. Soorlu angut oqalut­tuarsimasoq:

„Meeq­qap mamar­tukujuum­minik tuniniaraanganga sior­natigut qujaan­nar­tarsimagaluar­punga. Isumaqarsimagaluar­punga inus­siar­nisaarlunga meeq­qap nuan­narisaa tigujuman­ngin­nak­ku. Qujaan­naraangamali meeq­qamul­lu tamaat pigiin­naq­qul­lugu, ilimagisaraluat­tut nuan­naajal­lan­neq ajor­poq. Taava paasiler­para tunis­sutigiumasaralua tigujuman­ngin­nak­ku, meeq­qap tunisiumas­susia ajat­torlugu, taamaalil­lungalu meeraq ajat­torlugu. Taman­na paasilerak­kuli tunis­sutit taamaat­tut tigusar­pak­ka, meeraq tunisinerup pil­luar­nas­susianik misigisaqar­tik­kumal­lugu.“

²⁷ Aap­pariit angajoq­qaajusut er­nin­nguar­tik ikiorumavaat ’tuk­koq­qul­lugu ikiuisaq­qul­lugulu’, soorlu Bibelimi Timûtiusimut agdlagkat sujugdlît 6:18-imi kajumis­saarutigineqar­toq. Taamaat­tumik Bibelimik atuaq­qis­saarlutik ataatsimiik­kaangamik aningaasat nak­kar­tik­kumasatik er­nermin­nut tun­niut­tar­paat taas­sumun­nga aningaasanut nak­kaatitsivim­mut nak­kar­teq­qul­lugit. Taman­na puiutsaaliis­sutigaat anersaamut tun­ngasunik tapersersuinerup tamatumun­ngalu atatil­lugu aningaasanut atugas­sanut tapiis­suteqaqataanerup pingaaruteqas­susian­nik.

28, 29. Meeq­qat kuk­kugaangamik utoq­qatser­tar­nis­saan­nik qanoq ilil­luni ilin­niar­tin­neqarsin­naap­pat?

²⁸ Soorlu meeq­qat asan­nin­neq tunisiumatunerlu ilin­niarsin­naagaat eq­qor­tumik ajoqersuineq maligas­siuil­luar­nermik ilaneqar­pat, taamatut­taaq pisariaqaraangat utoq­qatser­neq ilin­niarsin­naavaat. Ataataq ima oqalut­tuar­poq: „Qitor­nan­nut kuk­kusaraangama, taak­kunun­nga miserratiginiar­neq ajor­para. Naatsumik nas­suiaat­tar­pak­ka qanoq ilil­lunga kuk­kusimal­lunga, eq­qun­ngitsuliorlungalu.  Taamaat­tumik meeq­qat kuk­kusaraangamik uan­nut nas­suer­nis­sar­tik ajor­nakusoor­tin­neq ajor­paat, nalun­ngin­namik­ku uanga kuk­kusuitsuun­ngitsunga paasin­nis­sasungalu.“ Taman­na pisimasumit matuman­nga takuneqarsin­naavoq: Ilaqutariit takor­nar­tamit pulaar­neqar­put ataataasul­lu ilaqut­tani pulaar­tumut ilisaritip­pai. Pulaar­toq oqalut­tuar­poq:

„Najuut­tut tamarmik uan­nut ilisaritin­neqar­put. Taava nukap­piaran­nguaq qungujulaqisoq inimut iser­poq. Ataataa oqar­poq: ’Aajunalu er­ner­put nukarleq, ilul­lia marmelader­talik.’ Nukap­piaraq qungujulajun­naar­poq, ajual­lat­tutul­lu isik­koqalerluni. Ataataata paasileramiuk nukap­piaraq ima kan­ngutsatsigisoq al­laat qiangajal­luni, tigunasuar­paa oqarfigalugulu: ’Taama oqarsimasus­saan­ngik­kaluar­punga; utoq­qatser­punga.’ Nukap­piaraq manit­tutsiar­poq inimil­lu anil­luni. Er­niin­narli iseq­qip­poq siul­lermin­nit suli qungujulanerul­luni — ipeqan­ngitsumik ilul­lilersimal­luni.“

²⁹ Meeq­qap nuan­narin­nin­nera ataataata maniguun­neranit pis­satsin­neqar­poq. Soorunami kingor­nagut angajoq­qaat meeraq nas­suiaas­sin­naavaat inuunerup ajor­nar­torsiutaanik an­ner­tuunik an­nikitsunil­lu qanoq oqimaaqatigiis­sumik isumaqarfigalugit periaaseqar­niarsin­naanis­saanik. Qitor­natik paasitis­sin­naavaat mikisun­nguit aliasuutigival­laas­san­ngik­kaat, im­min­nut il­laatigisin­naasariaqar­tut, inoqatimil­lu kuk­kusuitsuunis­saat naatsorsuutigis­san­ngik­kaat, soorlut­taaq nam­min­neq kis­saatiginavian­ngik­kitsik kuk­kusuitsuunis­sar­tik inuit al­lat naatsorsuutigis­sagaat.

ERIAGISAS­SAVIUSUNIK NAJOQQUTAS­SIUUTIKKIT

30-32. Suna pil­lugu pingaaruteqar­pa angajoq­qaat piaar­tumik qitor­natik ajoqersus­sagaat inuunermi suut eriagisas­saviusut paaseq­qul­lugit?

³⁰ Ul­lumik­kut angajoq­qaar­pas­suit suut inuunermi eriagisas­saviunersut nalor­nis­sutigaat. Taman­na pis­sutigalugu meerar­pas­suit eriagisas­saviusunik najoq­qutas­siuun­neqar­neq ajor­put. Angajoq­qaat ilaasa qitor­namik isumaan­nik pis­susilersuisus­saaner­tik al­laat qularaat. Angajoq­qaal­li  pis­susilersun­ngip­patigik, meeraqataasa, sanilit, filmit fjer­nsynimilu isigin­naak­kat pis­susilersus­savaat. Kinguaariit im­min­nut avis­saar­nis­saat, inuusut­tut pikitsitsinerat, ikiaroor­nar­tut, ileq­qulersuutit nutaat atoqatigiin­nermul­lu tun­ngasunik mumisitsineq — tamak­ku tamaasa angajoq­qaat aarleq­qutigaat. Imaap­porli: Ajor­nar­torsiutit taamaat­tut meeq­qap inuunerani malun­niutiler­tin­nagit, kinaas­susia ineriar­tungaatsiareersimasar­poq.

³¹ Misis­suinerit atuagas­siami ilisimatuus­sutsimut tun­ngasumi al­laaserineqar­tut naaper­torlugit „inuup kinaas­susiata an­nersaa atualin­ngin­nerani ineriar­toreersimasar­poq. Soorunami naluneqan­ngilaq meeq­qat suli atualer­tin­natik sun­ner­tiasuusut pis­susilersoruminar­tuusul­lu. . . . Paasilersimavar­pul­li isum­mat misigisimasal­lu meeraanermin­ni naapitatik ataavar­tumik, ilaatigul­lu al­lan­ngor­tus­saan­ngitsumik, ileq­qulersuutigilersimasaraat“.

³² Ileq­qulersuutipiluit al­lan­ngor­tin­neqarsin­naap­put; ilisimatuutul­li misis­suisup al­lap nas­suiar­paa qanoq pisoqar­tar­toq ukiut ingerlanerini ilagin­naasoqar­pat: „Meeraq ukiuni inuuf­figisamini siul­ler­ni arfineq-marlun­ni pis­susilersoruminar­nerusar­poq, ilagin­naanerli sivitsoriar­tor­til­lugu, avatangiisii an­ner­tusiar­tuin­nar­tumik al­lan­ngor­tin­niar­neqar­tariaqas­sap­put — meeq­qal­lu al­lamik pis­suser­taarsinnaanissaa sivitsoriar­tor­til­lugu ilimanaataaruk­kiar­tuin­nar­tar­poq.“

33. Paasisas­sat meeq­qat ilin­niagas­saat pingaar­nerit suup­pat?

³³ Meeq­qat paasisas­sat tun­ngaviusut amerlasuut ilin­niar­tariaqar­paat, pingaar­ner­paavorli paaseq­qis­saas­sagaat suna ilumoor­tuusoq sunalu ilumuun­ngitsuusoq, suna eq­qor­tuusoq sunalu eq­qun­ngitsuusoq. Kristumiunut Efesusimiit­tunut al­lak­kamini apustili Paulusip up­peqatini kajumis­saar­pai eq­qorluar­tumik ilisimaq­qul­lugit, oqarluni: ’Meeraajun­naaq­qul­luta, mal­lisut aalateq­qunata angalateq­qunatalu ajoqersuum­mit nalingin­narmit anorlersumit, inuit im­meraat­tar­nerinit, qoqas­siisut tam­mar­titsisut peq­qusersuuneran­nit, asan­nin­nik­kul­li ilumoorluta niaqorisamut tamatigut al­liar­toq­qul­luta, tamas­sa Kristusimut.’ (Evfisumiut 4:13-15) Angajoq­qaat qitor­natik meeran­nguuneriniil­li peq­qusersuin­nermik ilumoor­nermil­lu,  ajun­ngitsuunermik eq­qor­tuunermil­lu nuan­narisaqalersin­ngip­patigik, meeq­qat eq­qun­ngitsuuneq ilumuun­ngin­nerlu akiorsin­naas­san­ngilaat. Imaalial­laan­naq ukiut qaangius­sus­sap­put, meeq­qal­lu atualis­sap­put. Pif­fis­saq asiutin­naveersiuk. Ukiut siul­liit pingaaruteqar­tut pis­susilersoruminar­neruf­figisaat atorluarsigik qitor­nasi pis­susilersor­niarlugit eriagisas­saviusunik najoq­qutas­siuul­lugit. Taamaaliorus­si ukiuni aggersuni aliasuutis­saqas­san­ngilasi. — ús­satit 29:15, 17.

34. Al­lan­ngujuitsunik najoq­qutas­saqar­neq sooq pingaaruteqar­pa, najoq­qutas­sal­lu taamaat­tut sumi pitsaaner­paamik nas­saas­saap­pat?

³⁴ „Silap matuma pis­susia nikit­tar­poq,“ apustili Guutip sun­niineratigut isumas­sarsisitaal­luni al­lap­poq, taamaal­luin­nar­porlu nunap piisigut, misigis­sutsik­kut ileq­qus­satigul­lu najoq­qutas­siat eq­qarsaatigalugit. (1 Korintumiut 7:31, NV) Silarsuarmi al­lan­ngujuitsut amerlan­ngil­lat. Angajoq­qaat paasisariaqar­paat inuin­naagamik patajasumik iliuuseqar­toorsin­naal­lutik. Qitor­namin­nut iluaqutaaner­paat pingaar­tik­kunik­kik siunis­samilu pil­luar­nis­saat soqutigil­luin­narunik­ku, angajoq­qaat qitor­natik najoq­qutas­sianik al­lan­ngujuitsunik maleruaaq­qus­savaat. Taamaaliorsin­naap­put qitor­natik meeran­nguuneriniil­li puiutsaalil­lugit sunaluun­niit apeq­qutaalis­sagaluar­pat, ajor­nar­torsiut sunaluun­niit qaanger­niar­neqas­sagaluar­pat, Guutip oqaasia al­las­simasoq, Bibeli, saaf­figisas­saasoq, taas­suma imarim­magit un­nersuus­sutit pitsaaner­paat ikiuutis­saal­luar­tul­lu. Suna arlaat pis­sutigalugu inuuneq qanoq ar­tor­nar­torsior­nar­tigigaluar­pat nikal­lor­nangaaraluar­pal­luun­niit, Guutip oqaasii tamatigut ’isigaan­nut naneruaas­sap­put, aq­qutaan­ni qaam­maq­qutaas­sal­lutik’. — Tus­siaat 119:105.

35. Qitor­nanik perorsaaneq qanoq pingaar­tigaa?

³⁵ Aap, ilis­si naleqan­ngitsumik periarfis­saqar­pusi qitor­nasi eriaginar­tunik najoq­qutas­siuutis­sal­lugit inuuner­tik naal­lugu najoq­qutarisin­naasaan­nik. Qitor­nanik perorsaanermit naleqar­nerusumik anguniagas­saqan­ngilaq, pingaar­nerusumil­lu sulias­saqarani. Inun­ngor­niariar­tul­li, naalungiarsuuneriniil­lu, aal­lar­tigitsi!

[Atuaqqissaarnermi apeqqutit]

 [Qupp. 119-mi assiliartaq]

Ilin­niar­neq nuan­nersuutiguk