Kapiteli 5

Nuliaasoq asangaagaq

1-4. Ar­nat aap­pal­lit ilaasa suna naam­magit­taal­liuutigisar­paat?

AR­NAP un­nerlual­luni ar­naqan­ni oqarfigaa: ’Nalun­ngik­kaluar­para uima asagaanga, taman­nali oqaatigineq ajor­paa. Qaqutiguin­naq oqaatigisar­paa, pin­ngitsaalil­luni taamaalior­tik­kaangan­ni, nam­mineerlunili oqaatigisuup­pagu an­nerungaar­tumik pingaar­tis­sagaluar­para.’

² Aap­paa akivoq: ’Nalun­ngilara. Angutit taamaat­tar­put. Ilaan­ni uiga aperaara asaneraanga, oqaan­nar­porlu: „Katis­simavak­kim­mi, ilaa? Pilersor­tar­pak­kit, inooqatigaak­kit; asan­ngik­kuk­kit taamaalius­san­ngik­kaluar­punga.“’

³ Nipangersimatsiar­poq, taava nangil­luni oqar­poq: ’Is­sarli un­nuk­kut kil­litsin­naqisumik pisoqar­poq. Al­laf­fiani ul­luk­kut eq­qiaagama al­laf­fiup amusar­tuisa ilaan­ni as­si takuler­para. Tas­saavoq as­si uanga nam­mineq uin­nut takutin­nikuusara atuagaasani as­siisivin­ni ilaqutariit as­siinik imaqar­tuni, uanga as­sera, arfineq-marlun­nik ukioqarlunga nalun­nguf­faseqarlunga. Atuagaasanit as­siisivin­nit peersimavaa al­laf­fim­milu amusar­tuanut ilil­lugu.’

⁴ Taman­na eq­qarsaatigalugu qungujup­poq ikin­ngun­nilu qiviarlugu. ’Un­nuk­kut angerlarmat uin­nut takutip­para. Tiguaa qungujul­lunilu, oqarlunilu: „Niviarsiaran­nguaq taan­na asangaar­para.“ Taava nerrivim­mut ilivaa, kiinaralu tigul­lugu oqar­poq: „Aam­ma ar­nan­ngorsimasoq asangaar­para.“ Taava sal­laatsumik kunip­paanga. Soorunami qul­lilitsiar­punga.’

5. Uiminit asaneqangaas­saguni nuliaasoq qanoq ilior­tariaqas­sava?

⁵ Nalun­ngik­kuniuk uimi asagaani, nuliaq  nuan­naas­saaq ilumigul­lu aarleq­quteqas­sanani. Guutip oqaasiani angutit un­nersuun­neqar­put nuliatik taamatut asaq­qul­lugit. ’Angutit nuliatik asasariaqar­paat soorlu timitik. Nuliaminik asan­nit­toq im­minik asasaraaq. Inum­mi uinim­minik qin­ngarsuin­ngisaan­nar­poq, nerisit­tarluguli paaq­qisar­paa, taak­kulu marluk uinius­sap­put ataaseq.’ (Evfisumiut 5:28, 29, 31) Soorlu eq­qar­toreerip­put, nuliaasup uini ataq­qingaar­tariaqar­paa, uiusorli ileq­qoqar­tariaqar­poq ataq­qineqar­nis­saminut naleq­qut­tumik. Taamaap­por­taaq uiit inan­neqarmat asaq­qul­lutit paareq­qul­lutil­lu: Il­lit iliuuseqar­tariaqar­putit uin­nit kajumis­seq­qul­lugu qaman­nga pisumik asaneqas­saguit.

TAPERSER­SORTARPIUK?

6, 7. (a) Môrsasip agdlagai sujugdlît 2:18 naaper­torlugu, sumik sulias­saqar­til­lugu Jehovap ar­naq pin­ngor­tip­paa? (b) Nuliaq uiminut ikior­tis­saal­luas­saguni, qanoq ilior­tariaqar­pa?

⁶ Nuliaasoq asaneqangaas­saguni, uimi qul­lersaaneranut naalan­nis­saan­naa naam­man­ngilaq. Hesteqarsin­naavoq qim­meqarsin­naal­luniluun­niit sungiusagaal­luar­tumik naalat­tumil­lu. Edenip naatsiiviani Adamip uumasut najor­pai, tamarmil­lu taas­sumun­nga naalat­tuup­put. Taamaak­kaluar­torli kiserlior­poq inoqateqan­ngin­nami. Inuk silaqas­susilik ilagisar­tagarisin­naasani im­minut naam­maataasus­saq suleqatigalunilu ikior­tis­saq amigaatigaa. „Jehovalu Guuti oqar­poq: ’Iluan­ngilaq inuk kisimiim­mat. Ikior­tis­sius­savara, angum­mut naam­maataasumik.’“ — 1 Môrsase 2:18, NV.

⁷ Uiusup atorfis­saqar­titaa tas­saavoq nuliaq asan­nil­lunilu ataq­qin­nit­tuin­naan­ngitsoq aam­mat­taarli ikior­taal­luar­toq, aalajangiinermigut tapersersor­tigisin­naasani. Aalajangigas­sat oqaloqatigiis­sutigereerlugit isumaqatigiis­sutigisimasat soorunami tapersersus­sal­lugit ajor­nan­ngin­nerusar­poq. Ar­tor­nar­nerusin­naavorli isumasior­neqaq­qaarsiman­ngik­kuit imaluun­niit uiit isumaqatigin­ngik­kuk­ku. Taamatut pisoqar­til­lugu uiit ilumoorfigalugu tapersersorsin­naaviuk — aalajangigaa sapin­ngisan­nik iluatsitin­niarlugu, inatsisinut Bibelimul­luun­niit  akerliun­ngip­pat? Imaluun­niit qanoq-iliuuseqar­nias­san­ngilatit neriul­lutit iluatsin­ngitsuus­sasoq, oqarsin­naalerlutit: ’Qanormi oqar­punga?’ Akerlianil­li, naak nangaagaluarlutit pilersaarutaata iluatsin­nis­saa sapin­ngisan­nik sulis­sutigiguk­ku, uiit kajumis­sis­san­ngin­ner­pa suli an­nerusumik asalis­sal­lutit?

8. Nuliaasup uini qanoq kajumis­saarsin­naavaa eq­qor­tumik qul­lersaaniaq­qul­lugu?

⁸ Pingaar­torujus­suuvoq uivit qul­lersaanera nam­minersuutigalugu tigunian­ngin­nis­saa! Tigus­sagaluaruk­ku uiit nuan­narinavian­ngilat; taas­sumalu nuan­narinavian­ngilaatit im­minul­lu nuan­narinaviar­nani. Im­maqa pisus­saasutut siulersuineq ajor­poq, aat? Taava im­maqa kajumis­saarsin­naavat ajun­ngitsumik siulersuileq­qul­lugu. Ilaatigut ilungersorluni siulersuigaangat, taamaasior­neranik nersualaarin­nin­nerit ersersit­tar­piuk? Nam­minersorluni an­nikitsumil­luun­niit aal­lar­niisaraangat suleqatigisar­piuk kajumis­saar­tarlugulu, imaluun­niit oqarfigisar­piuk kuk­kusoq, pilersaarutaa atorsin­naan­ngitsoq? Amerlasuutigut uiusoq siulersuil­luan­ngik­kaangat nuliaq pisooqataasar­poq — as­sersuutigalugu isumas­sarsiai nikas­sarlugit oqaatigisarunigit, ilungersor­neri as­sor­tor­tarunigit, imaluun­niit uiata anguniak­kani angun­ngitsoor­taraangagu toq­qarlugu oqarfigisaruniuk „oqarfigigaluar­pak­kit iluatsin­navian­ngitsoq!“ Taamatut pineqar­taruni uiusoq nalor­nisuulis­sal­lunilu aalajangersin­naas­suseerutilis­saaq. Il­lua-tungaanili, ilumoor­nerit ikiuineril­lu, isumal­luar­nerit tatigin­nin­neril­lu uivit pis­satsis­sutigis­savai, iluatsitsinis­saanul­lu pis­sutaasunut ilaas­sap­put.

’NULIAQ PIKKORISSOQ’

9. ús­satit 31:10 naaper­torlugu, nuliaq pik­koris­soq qanoq it­tuua?

⁹ Nuliaas­saguit asangaagaq il­lumi pisus­saaf­fiit isumagil­luar­tariaqar­patit. Ar­naq taamaat­toq pil­lugu Bibelimi ima al­las­simavoq: ’Sapan­ngaris­sunit saper­nar­nerungaar­poq,’ tas­sa naleqar­nerungaar­poq. (ús­satit 31:10) Il­lit nuliaavit taamaat­toq? Taamatut nuliaarusup­pit?

10, 11. Nuliaasup qanoq takutin­niarsin­naavaa ús­satit 31:15-imi al­las­simasoq im­minut naleq­qut­tuusoq?

 ¹⁰ ’Nuliap pik­koris­sup’ suliai pil­lugit, ús­satit-ni al­las­simavoq: ’Suli un­nuaasoq makit­tar­poq inoqutini nerisas­sil­lugit.’ (ús­satit 31:15) Ar­nat inuusut­tut ilar­pas­suisa nerisas­sior­neq anaanamin­nit ilin­niarsiman­ngin­namik­ku aap­pariileq­qaar­nermin­ni ajor­nar­torsiutigisar­paat. Ilin­niarsin­naavaal­li, ar­nal­lu silatuup ilik­karluarsin­naavaa! Nerisas­siorsin­naaneq imaan­naan­ngilaq. Nerisas­sat mamarunarsaarluak­kat mamarsaatis­satut il­lin­nangaagin­nan­ngil­lat aam­mat­taarli uum­mam­mut qiim­mas­saataal­lutik.

¹¹ Nerisas­sior­nermik ilin­niagas­sat amerlaqaat. Iluaqutigis­savat ajun­ngitsumik inuus­suteqar­nis­saq pil­lugu malit­tarisas­sat pingaar­nerusut ilisimas­sal­lugit, ilaqut­tavit peq­qis­susiat paarisin­naaq­qul­lugu. Uiit peq­qin­nar­tunik nerisas­siuut­tarak­ku taava imaan­ngilaq tamatigut nersualaar­tas­sagaatit. Bibelimi oqalut­tuarineqar­poq qanoq Isakip nulia Rebek­ka mamartunik nerisas­sior­tar­toq, uimi mamarisaanik. (1 Môrsase 27:14) Ar­nat ilar­pas­suisa taas­suma maligas­siaa ilin­niarfigisin­naavaat.

12. Ar­naq qanoq iliorsin­naava ús­satit 31:14-imi al­las­simasoq maleruar­niarlugu?

¹² Nunat ilaan­ni il­lumi ningiuusut ul­laat tamaasa tuniniaasarfim­mukar­tar­put ul­lormut nerisas­sat pisiariniarlugit. Nunani al­lani im­maqa sapaatip akun­neranut ataasiarlutik pisior­tor­tar­put nerisas­sal­lu asiujasut nil­lataar­titsivim­miitil­lugit. Sorlerluun­niit ileq­quugaluar­pat, uiusup nuliaq ileq­qaar­toq ilaqutariil­lu aningaasaataan­nik iser­titas­sanik ator­titas­sanil­lu atorluaasoq pingaar­tin­ngitsoorsin­naan­ngilaa. Nerisas­sat atisas­sal­lu akimin­nut naleq­qiul­lugit qanoq pitsaatiginerat nalilersin­naan­ngoruniuk, taava sunaagaluar­torluun­niit naam­magalugu pisiariin­nas­san­ngilaa. Imaas­saarli soorlu ús­satit 31:14-imi al­las­simasoq: ’Umiarsuit niuf­fagiat as­sigai, neqis­saatini ungasis­sumit aggersit­taramigit.’

13. ús­satit 31:27 naaper­torlugu nuliap pik­koris­sup il­lumi sam­misas­sat qanoq ilil­luni isumagisas­savai?

 ¹³ Nuliaasup sulias­saminik peq­qis­saarluar­tumik tamaviaarutigin­nin­nera il­luata qanoq isik­koqar­nerani malun­nas­saaq. Nuliaasup pik­koris­sup ilisar­naatai al­laaseralugit ús­satit 31:27-mi nangil­luni al­las­simavoq: ’Il­lumini qanoq ilisut alaper­naarsor­tar­pai, neqis­sarlu nerisaa eqiasul­luni pigiligaan­ngilaq.’ Ul­laak­kut sin­nar­tuval­laar­neq saniliminil­lu sivisual­laar­tumik pingaan­ngin­nerusut pil­lugit oqaloqatigeerujoor­neq ileq­qorin­ngilai. Imaas­sin­naavoq nap­parsimaneq imaluun­niit pisimasut ilisimareer­neq ajor­nar­tut pis­sutigalugit il­lumi sulias­samigut kinguar­toorsin­naas­sasoq, amerlaner­tigul­li il­lua eq­qiluitsuus­saaq torersuus­sal­lunilu. Uiata qularis­san­ngilaa il­lup iluata torersuunis­saa nalaatsor­nik­kut ikin­ngutini pulaas­sagaluar­pata.

14, 15. Atisat pin­nersaatil­lu eq­qarsaatigalugit ar­nat Bibelimi qanoq oqaaq­qis­saar­neqar­pat?

¹⁴ Ar­nat amerlanerit oqaluun­neqar­tariaqan­ngil­lat qanoq isik­koqar­ner­tik isumageq­qul­lugu, ilaal­li taman­na pil­lugu siun­nersor­neqar­tariaqar­put. Ar­naq isik­kuminik sumigin­naar­pasis­soq soqutigiuminaap­poq. Bibelimi ar­nat oqaaq­qis­saar­neqar­put pin­nersaq­qul­lugit ’an­noras­sanik ip­pin­naatsunik it­toorajul­lutik piitaajuil­lutil­lu’. Aam­mat­taarli mianersoq­quai nutsat iluarsaan­nerat, pin­nersaatit atisal­lu akisuut ima pingaar­titsigeq­qunagit al­laat avatangiisiminit maluginiar­neqar­pal­laalerluni. — 1 Timûtiuse 2:9.

¹⁵ Inuup nam­mineq qanoq is­susia atisanit taama it­tunit pingaar­neroqaaq. Apustili Peterip nuliat kristumiuusut oqarfigai ’anersaaq piuaatsup sal­laatsup pia Guutimut erlin­naqisoq’. (1 Pîtruse 3:3, 4) ús­satit-nilu, nuliap pik­koris­sup ilisar­naataasa al­laaserineqar­neran­ni, al­las­simavoq ’as­sani isatsik­kai ajorsar­tunut’ ’inatsil­lu isumas­sueq­qus­sut oqaanit pisar­toq’. Nam­minis­sarsior­nanilu isumapiluliun­ngilaq, tunisiumatuul­lunili inus­siar­nersuuvoq. (ús­satit 31:20, 26) „Kusanas­suseq nakutitsisuusin­naavoq,“  al­laaserineqar­nerani nangip­poq, „pin­nis­suserlu piun­ngitsuusin­naal­luni. Ar­naq Jehovamik mianerin­nit­toq nersor­tariaqar­toq.“ — ús­satit 31:30, NV.

16. Uiusup pingaar­titsisup nuliaq taama it­toq qanoq isumaqarfigis­savaa?

¹⁶ Aap, ar­naq taama it­toq uiusumit Pin­ngor­titsisup isumaanik isumaliusumit asaneqangaas­saaq. Nuliani us­sas­sior­tup al­lan­neratut isumaqarfigis­savaa: „Ar­nar­pas­suaqar­poq pik­koris­sunik, il­lil­li tamaasa qaanger­patit.“ (ús­satit 31:28, 29, NV) Kajumis­saar­neqan­ngik­kaluarlunilu nuliani nalunaarfigiumasas­savaa taama isumaqar­nerminik.

ATOQATIGIINNERMIK QANOQ ISUMAQARNERIT PINGAARTUUVOQ

17, 18. Nuliap atoqatigiin­nermik isumaqar­nerata uimi im­minut misigis­susii qanoq sun­niuteqarfigis­savai?

¹⁷ Atoqatigiin­nerup tungaatigut ingerlanerlior­neq aap­pariin­nermi ajor­nar­torsiutit ilar­pas­suinut pis­sutaasar­poq. Ilaatigut uiusup nuliaminik qajas­suus­sinikin­nera timik­kut misigis­sutsik­kul­lu pisariaqar­titaanik paasisakin­nera pis­sutaasar­put. Ilaatigul­lu nuliaasup uini atoqatigitil­lugu timik­kut misigis­sutsik­kul­lu iliuuseqaruman­ngin­nera pis­sutaasar­poq. Uiusoq nuliaasorlu marluul­lutik piumal­lutik atoqatigiit­tarunik nangaanatik asan­ningaar­ner­tik ersersil­lugu, atoqatigiin­neq asaqatigiil­luin­nar­neran­nut ersiutaas­saaq.

¹⁸ Uiata qajas­suus­sinikin­nera ar­nap il­ligus­suseqar­neq ajor­neranut pis­sutaasin­naavoq. Akerlianil­lu: ar­nap qanoq-iliuuseqaruman­ngin­nera angutip ajual­laatigisin­naavaa, ar­nal­lu piuman­ngin­nerata uiusoq il­ligus­suseerus­sin­naavaa imaluun­niit ar­namut al­lamut kajungerisaqaler­neranik kinguneqarsin­naal­luni. Nuliaq soqutigin­nin­nani akuersiin­nar­pat, uiata isumaqar­tis­sin­naavaa nuan­narin­ngik­kaani. Isum­mat misigis­sutsil­lu atoqatigiin­nik­kut il­ligus­suseqar­nermut aalajangiisuusar­put, nuliarlu il­ligus­suseqar­neq ajoruni atoqatigiin­nerup  tungaatigut isum­mani im­maqa isumaliutigeq­qit­tariaqalis­savai.

19. (a) Bibelimit qanoq paasineqarsin­naava eq­qun­ngitsulior­nerusoq aap­parisaq sivisuumik atoqatigisaruman­ngik­kaan­ni? (b) Suna pil­lugu pisariaqas­san­ngila aap­pariit inuit al­lat qin­nuigis­sagaat atoqatigiin­nermik­kut suut ip­pin­nan­ngitsuusut aalajangeq­qul­lugit?

¹⁹ Uiusoq nuliaasorlu Bibelimi oqaaq­qis­saar­neqar­put: ’Erliguuteqatigiin­nasi pigitsi.’ Guutip oqaasia malil­lugu aap­pariit atoqatigiin­neq im­min­nut pil­laatis­satut imaluun­niit naam­magin­nin­ngin­nermin­nut ersiutis­satut ator­tus­saan­ngilaat — soorlu nuliaasup uini sapaatit akun­neri qaam­matil­luun­niit arlal­lit kinguaas­siuutitigut atoqatigiuman­ngik­kaangagu. Soorlu „uiusup nuliani pisariaqar­neratut ilas­si“sariaqaraa, „aam­mat­taarli nuliaasoq uiminut taamaalior“tariaqar­poq. (1 Korintumiut 7:3-5, NV) Taman­nali imaan­ngilaq nuliaasup iliuutsit pis­susis­samisuun­ngitsut ileq­qus­satigut ip­pigisani akueriin­nas­sagai; angutip nuliaminik asan­nit­tup ataq­qin­nit­tul­lu taama it­tumik piumaf­figinavian­ngilaa. ’Asan­nit­toq ip­pin­nar­tumik ilior­tarin­ngilaq.’ (1 Korintumiut 13:4, 5) Pisariaqas­san­ngilaq aap­pariit inuit al­lat qin­nuigis­sagaat atoqatigiin­nik­kut qanoq-iliuutsitik as­suar­naatsuunersut imaluun­niit as­suar­naatsuun­ngin­nersut aalajangeq­qul­lugit. Bibelimi Korintumiunut agdlagkat sujugdlît 6:9-11-mi qanoq-ilior­nerit Jehova Guutip pal­lorfigisiminut iner­teq­qutigisai eq­qar­tor­neqar­put, tas­sa: kan­ngunar­tulior­neq (tas­sa katis­siman­ngitsut atoqatigiin­nerat), al­lasior­neq angutil­lu im­min­nut ar­nal­lu im­min­nut atoqatigiin­nerat. (Naleq­qiuguk Môrsasip agdlagaisa pingajue 18:1-23.) „Ileq­qulersuutinik nutaanik“ — imaan­neruvoq kan­ngunar­tulior­nermik — il­lersuisut nutaalerisut atoqatigiin­nerup tungaatigut qanoq-ilior­nerit iner­teq­qutaasut taak­kua ilaasa akuerineqaler­nis­saat kajumis­saarutigingaar­paat, inuil­li pis­susitoq­qanik as­sut aalajangius­sisut iner­teq­qutaasut al­lat ilan­nguk­kumagaluar­paat. Bibelimili tamak­ku pil­lugit un­nersuus­suteqar­poq. Inuit tamaasa  nalingin­naasumik isigalugit oqarsin­naavugut aap­pariin­neq al­latigut ingerlal­luar­pat — aap­pariit asaqatigiip­pata, ataq­qeqatigiip­pata, im­min­nut oqaluul­luar­tar­pata paaseqatigiil­luar­patalu — taava atoqatigiin­nerup tungaatigut ajor­nar­torsiuteqar­navian­ngitsoq.

20. Nuliaasup atoqatigiin­neq akis­sarsiniutitut atoruniuk piumasani piniarlugu, qanoq kinguneqarsin­naava?

²⁰ Nuliap asaneqangaar­tup timini ’akigis­san­ngilaa’ arlaan­nik piniarluni. Ar­nal­li ilaat taamaalior­tar­put. Nakutitseriaanik­kut atoqatigiin­neq akiginiar­tar­paat uitik akuersiin­naq­qul­lugit. Taman­na qanoq kinguneqar­tar­pa? Niuer­titsisoq atisanik ilin­nut tuniniaasoq qamuuna asangaar­neq ajor­pat, ilaa? Angutil­lu nuliani pin­ngitsaalil­luni akuersiin­nar­tin­niarluni timiminik tuniniaasoq qajas­suus­sisumik asanavian­ngilaa. Im­maqa taman­na timip piinik pis­sarsis­sutigisin­naavaa, kisian­nili misigis­sutsik­kut anersaak­kul­lu an­naasaqangaas­sutigisin­naal­lugu.

QIAJUARTUT, KIMIGIISERTUARTUT

21-23. Soorlu Samsonimik oqalut­tuami takuneqarsin­naasoq, ar­nap qiarusaar­nera kimigiiser­tuar­neralu qanoq pil­luarun­naarsitsisin­naap­pat?

²¹ Samson nukit­toorsuusimavoq, ar­nal­li piumasatik piniarlugit qiajuar­tut kimigiiser­tuar­tul­lu saper­pai. Ilaan­ni nulias­saata qiajuar­nerata kil­lip­paa. Soorlu erĸar­tũs­sis­sut 14:16, 17-imi oqalut­tuarineqar­toq, ar­nap qis­savigaa oqarluni: ’Uumigiin­nar­parma asanangalu; in­nut­tama er­neri nalorsitsaar­patit nalorsitsaarum­mik uan­nul­lu nalunaar­nagu.’ Akivaa: ’Takuat ataatan­nul­luun­niit anaanan­nul­luun­niit nalunaan­ngik­kiga, ilin­nut taava nalunaas­sagiga?’ Samsonil­li silatusaaq­qusinera kinguneqan­ngilaq. Misigis­sutsit aalater­neqaraangata silatusaaq­qusineq iluaqutaaneq ajor­poq. ’Qis­savigim­manili ul­luni arfineq-marlun­ni qas­simiuaarfigisamin­ni, ul­lut arfineq-aap­paan­ni nalunaarfigaa erloq­qum­mani; in­nut­tami er­nerinut taava nalorsitsaarut nalunaar­paa.’

 ²² Isumaqas­san­ngilatit uivit asan­ngik­kaatit piumasatit ilaatigut akuerineq ajormagit. Samsonip nulias­saa oqar­poq asan­ngik­kaani, imaap­porli taas­suma Samson asan­ngik­kaa. Nulias­saata kimigiiserfigiuar­paa tun­niutiin­nar­nis­saata tungaanut. Kiisamilu iser­tuk­kani nulias­saminut nalunaarmagu, tatigin­nin­nera sumigin­nar­paa er­niin­narluin­naq iser­tugaa akeraanut nalunaarutigiar­torasuaramiuk. Naggataatigut angum­mut al­lamut nulis­siutin­neqar­poq.

²³ Kingor­nagut Samsonip ar­naq al­la, Dalilamik atilik, ajuutigiler­paa. Isik­kumigut pin­ningaaraluar­poq, kisian­nili ar­naava asanangaar­toq? Nam­minis­sarsiorluni atorsin­naasaminik paasis­sutis­sanik iser­tugaasunik Samson nalunaar­tin­niarlugu kimigiiser­tuar­poq. Oqalut­tuami ima al­las­simavoq: ’Oqaatsiminil­li ul­lut tamaasa erloq­qum­mani naal­liutsingaarlunilu ilalaar­neq sapiler­poq toqus­saguni al­laat.’ Taman­na alianangaar­tumik kinguneqar­poq. — erĸar­tũs­sis­sut 16:16.

24-27. (a) Nuliap kimigiiser­tuar­nerata sun­niuteqar­nera ús­satit-ni qanoq al­laaserineqar­pa? (b) Suna pil­lugu tamak­kunani ar­nat im­mik­kut oqaaq­qis­saar­neqar­pat? (c) Qanoq iliorfigineqaruni angut qular­nan­ngitsumik periarfis­sarsiorumalis­sava nuliani nuan­naar­tin­niarlugu?

²⁴ Silatusaar­nerun­ngilaq angut taamatut kimigiiserfigiuas­sal­lugu. Taamaaliorfigineratigut ajat­tor­neqar­tutut pineqar­tar­porlusooq, aap­pariin­nerlu navianar­torsior­tin­neqalersarluni. Bibelimi taamatut ilior­nis­samut mianersoq­quneqar­pugut, soorlu al­las­simaf­fin­nit ukunan­nga paasineqarsin­naasoq: ’Oqaatigisamik nangitsisup ikin­ngutigiit avis­saar­tit­tar­pai.’ ’Ar­nap saqitsaanerisa il­lu kipisuitsumik kusersutut itit­tar­paat.’ ’Nuna puilasuitsoq najoruminar­neruvoq ar­namit saqitsaagajut­tumit narrutsak­kajut­tumit.’ ’Il­lu sial­lersumi kipisuitsumik kusersoq ar­narlu saqitsaagajut­toq as­sigeeqaat. Taas­sumin­nga iser­tuiniar­tup anori iser­tor­niar­paalusooq, as­saasalu taler­pil­liit orsuin­naasoq tigusaraal­lusooq.’ — ús­satit 17:9; 19:13; 21:19; 27:15, 16.

²⁵ Suna pis­sutigalugu Bibelimi tamatumuuna ar­nat kisimik im­mik­kut oqaaq­qis­saar­neqar­pat? Pis­sutaagunar­poq  ar­nat misigis­suseqar­palun­nerusarmata misigis­sutsitil­lu ersersik­kajut­tarlugit, ingam­mik arlaan­nit toq­qis­siun­naarsin­neqaraangamik. Aam­mat­taaq isumaqarsin­naap­put taman­na sak­kus­satuaralugu. Ilaqutariin­nut qul­lersaagami angutip nam­miniin­naq naalagaaniarluni piumasani pisin­naasar­paa, taamaat­tumik ar­naq isumaqarsin­naavoq al­latut ajor­narmat misigis­sutsik­kut pin­ngitsaaliiguni aatsaat piumasani piniarsin­naas­sagini. Il­lil­li nuliaasutit, taamaat­tut iliuuserisariaqan­ngilatit, uivil­lu pis­sutis­saqar­tit­tariaqan­ngilaatit taamatut ilior­nis­san­nut.

²⁶ Soorunami ilaatigut nuan­naan­ngikujut­tar­putit qian­ngitsoorsin­naasar­nal­lu naak qias­sat nununiaraluarlugu. Taman­nali al­laal­luin­nar­poq qiarujoor­nik­kut misigis­sutsimik piaaraluneerluni ersersitsinermit piumasaq piniaan­narlugu.

²⁷ Nuan­narinerusat iluarinerusal­lu pineqaraangata angutip nuliaminik asan­nil­luar­tup nuliami piumanerusai sal­liutin­niarumasas­savai, nam­mineq piumanerusani tunul­liul­lugit. Uiit nuan­naarsar­taruk, taamaalior­taruil­lu qular­nan­ngitsumik taan­na periarfis­sarsiniar­tas­saaq il­lit nuan­naarsar­niarlutit.

’NIPANGERFIS­SAQARTARPOQ OQARFISSAQAR­TARLUNILU’

28-35. (a) Pis­sutsinik angutip nuliatalu oqaloqatigiit­tar­neran­nut akor­nutaasin­naasunik taasaqarit. (b) Aap­pariit oqaloqatigiit­tar­ner­tik pitsan­ngorsar­niarlugu qanoq iliorsin­naap­pat?

²⁸ Ar­nar­pas­suit maalaar­tar­put oqarlutik: ’Uima oqaloqatigineq ajor­paanga.’ Immaqa uiusoq pisuuvoq. Amerlasuutigul­li uiusup nuliani oqaloqatigerusut­taraluar­paa, nuliatali periarfis­sin­neq ajor­paa. Qanoq ilil­luni? Ar­nat as­sigiin­neq ajor­put. Im­minul­li aperigit ima it­tut ilaat as­siginerit:

²⁹ Siul­lermik ar­naqar­tar­poq ar­naqam­minut oqaluk­kumatuumik. Qanorli ilil­lutik oqaloqatigiit­tar­pat? Eq­qaamiuni ar­naq oqalun­nermini anersaar­niarluni unitsiariaraangat nam­mineq akuliutipal­lat­taraaq. Im­maqa apeq­qutit ilaat akun­niliup­pai, imaluun­niit oqaluuserisas­samut  al­laal­luin­narmut saat­tarluni. Kingunitsian­nguagut aap­paata kipitit­tar­paa, taan­nalu nangil­luni oqalut­tuarluni. Soorlulusooq tamarmik oqalun­nik­kut sak­kuaaqatigiin­neq taama it­toq ajorin­ngik­kaat.

³⁰ Taava uia angerlar­poq oqalut­tuas­saqarluni. Iseriarluni oqaluler­poq: ’Ul­lumi sulif­fin­ni qanor­toq pisoqarami? . . .’ Taava kipitin­neqar­poq. Nuliata kipitip­paa oqarluni: ’Qanoq ilil­lutit qaatiguut simer­tik­kak­ku? Tum­misas­sat sis­suilaariaruk. Aatsaanuna asaal­lunga iner­tunga.’ Uiatalu oqalut­tuar­nis­sani kajungeriun­naar­paa.

³¹ Im­maqaluun­niit ikin­ngutitil­lu oqaloqatigeerujoor­put. Uiusup misigisimasar­tik oqalut­tuaraa, an­nikitsualuil­li ilan­ngutin­ngitsoorlugit eq­qoq­qis­saan­ngitsumil­luun­niit oqaatigisarlugit. Taava nulia akuliup­poq, siul­lermik uini naq­qin­niarlugu taavalu oqaatigin­ngitsuugai oqalut­tuaralugit. Kingunin­nguagut uia anersaarulup­poq oqarlunilu: ’Il­lit sin­nera oqalut­tuariin­nar­niaruk.’

³² Ar­nal­li ilaat uimin­nik oqalulersitsil­laq­qis­suup­put. Oqaamiin­nar­tuusaar­niaraluarluni alaper­naatsuuvoq, aperalunilu: ’Sumiik­kavit?’ ’Kik­kut ilagigak­kit?’ ’Susoqarami?’ Pisimasut nalingin­naat soqutigival­laan­ngilai, al­lanul­li oqaatigeq­qusaan­ngin­nerusut soqutigingaarlugit. Paasis­sutis­sat ataasiak­kaat uiminit pis­sarsiani katiter­tar­pai, amigaataasul­lu nam­mineq eq­qarsaatersuutiminik ilan­ngut­tarlugit. Paasis­sutis­sat ilaat uiusup nuliaminut oqaatigisus­saan­ngik­kaluar­pai. Ilaal­li nulianut oqaloqatigiis­sutis­satut naleq­quk­kaluar­put, al­lanul­li oqaatigeq­qusaanatik. Nuliata tamak­ku al­lanut oqalut­tuarigunigit tatigeqatigiin­ner­tik sumigin­nas­savaa. ’Tul­lin­nut al­lap an­ngigeq­qusaa an­ngiias­san­ngilat,’ ús­satit 25:9-mi mianersoq­qus­suteqar­poq. Al­lanut oqaluuserigunigit ajor­nar­torsiulersitsisin­naavoq. Taamaalior­pat taava uiata siunis­sami qanoq saq­qumitigisumik oqaluuk­kumas­savaa?

³³ Ar­nal­li ilaat nipaarluusuup­put. Angerlarsimaf­fim­min­ni sulias­samin­nut pik­korip­put, oqaaseqar­pal­laar­natil­li.  Oqaloqatiginiaraan­ni aap­paa oqalun­nerusariaqar­tas­saaq. Im­maqa kisip­poq, im­maqaluun­niit ilin­niagakip­poq. Sunaluun­niit pis­sutaagaluar­pat, taan­na oqaloqatiginias­sagaan­ni iluatsin­ngitsoor­tar­poq.

³⁴ Al­lan­ngor­niarsin­naavorli. Oqaloqatigiis­sin­naaneq ilin­niar­neqarsin­naavoq. Ar­nap il­lumi sulias­saan­naat sam­minagit aam­mat­taarli atuagas­sat pitsaal­luar­tut atuar­tarunigit al­lanul­lu ikiuut­tarluni, uinilu ineriar­tor­nar­tunik oqaloqatigiis­sutis­saqalis­sap­put. Oqaloqatigiis­sin­naas­sagunik oqaloqatigiis­sutis­saqar­tariaqar­put. Ataq­qisariaqarlutil­lu — aap­paq oqaasis­sani naal­lugit oqalutsil­lugu, oqalut­taasia naaper­torlugu oqalut­tuar­til­lugu, paasil­lugulu oqaluuserisat suut al­lanut oqaatigeq­qusaan­ngitsut. Soorlu akugdlîs­sup oĸausê 3:7-imi al­las­simasoq: ’Nipangerfis­saqar­tar­poq oqarfis­saqar­tarlunilu.’

³⁵ Taamaat­tumik uivit qaqutigut oqaluut­tarmatit avoq­qaarinagu iliuuseqaler­niarit oqalun­nis­saanut kajumis­seq­qul­lugu. Sulis­sutigisar­tagai soqutigik­kit. Oqalut­tuaraangat naalaaq­qis­saar­tarit. Qanoq-iliuutsik­kut uin­nik asan­ningaar­nerit ataq­qin­ningaar­neril­lu ersersit­tak­kit. Piviusut ineriar­tor­nar­tul­lu oqaluuserinerusak­kit. Taava malugilerasuas­savat oqaloqatigiin­nersi tamas­sin­nut nuan­naarutaasin­naasoq.

’OQAASEQANNGIK­KALUARLUNI ILATAARINEQAR­SINNAAPPUT’

36-38. Uimi up­peqatigin­ngip­pani, nuliaasoq qanoq iliorsin­naava uum­mataagut kil­lin­niarlugu?

³⁶ Ilaatigut suliat oqaatsinit sun­niuteqar­nerusar­put. Taamaap­poq ingam­mik uiusut Bibelimik up­perin­nin­ngitsuup­pata. Taak­ku pil­lugit apustili Peter oqar­poq: ’Oqaaseqan­ngik­kaluamik nuliaasup saqineratigut ilataarineqarsin­naap­put, mianerin­nil­lusi piitaajuitsumik saqinersi isigisaraangamik­ku.’ (1 Pîtruse 3:1, 2) Uiusut up­pin­ngitsut ilar­pas­suisa maalaarutigisar­paat nuliamik „oqaluus­sif­figiuaan­narmatik“, taman­nalu nuan­narineq ajor­paat. Akerlianil­li, ilaat up­per­tun­ngor­put sal­lusuis­sutip Guutip oqaasianeersup nuliamin­nik al­lan­ngor­titsisimanera  takusin­naagamik­ku. Nalunaajaam­mik takusaqar­neq tusagaqar­nermit kil­lin­nar­nerusar­poq.

³⁷ Uiit up­pin­ngitsoq oqaluut­taraangak­ku, ’alianaatsunik oqaaseqar­taan­narit’, pis­suseris­sumik iluarinar­tumil­lu, tas­sa ’tarajulin­nik’, soorlu Bibelimi al­las­simasoq. Oqarfis­saqar­tar­poq. ’Oqaaseq oqaaserisariaqarfim­migut oqaaserisaq taamaap­poq soorlu paarmarsooq­qin­nerusuaasat [iipilit] kuultiusut sølviusunik pin­nequsersuk­kat,’ Bibelimi al­las­simavoq. Arlaanik nikal­lungas­suteqar­pa? Im­maqa sulif­fimini ingerlanerliorsimavoq. Im­maqa mas­sak­kor­piaq misigin­neqataal­lutit oqatsiaruit kajumis­sis­sutigis­savaa. ’Oqaatsit alianaatsut tar­nimut tungusun­nip­put saaner­nul­lu katsorsaataal­lutik.’ (Kulorsamiut 4:6; ús­satit 25:11; 16:24) Imaluun­niit pis­sutsit pisul­lu malil­lugit pisariaqar­nerup­pat, as­saatigut tiguin­naruk oqarlutil­lusooq: Uanga paasivak­kit, misigeqatigaak­kit, sapin­ngisan­nik ikiorumaar­pak­kit.

³⁸ Naak up­peqatigin­ngik­kaluaraatit, Guutip oqaasia naaper­torlugu uin­nut naalat­tus­saavutit. Im­maqa ileq­qorin­nik­kut naggataatigut ilataarineqas­saaq up­peqatigilerlutit. Ila pil­luar­nas­susis­saralua! Ul­lorlu taan­na nal­lius­sap­pat, paasilis­savaa il­lit asas­sal­lutit ilimagisaminit amerlanerusunik pis­sutis­saqarluni. Asan­ningaar­nik­kut aam­mat­taaq nalun­ngisatit naaper­torlugit eq­qor­tuusunik aalajangius­sinik­kut ikiorsimas­savat ’inuuneq piviusoq tigoq­qul­lugu’. — 1 Korintumiut 7:13-16; 1 Timûtiuse 6:19.

39, 40. Pis­sutsit Títuse 2:4, 5-imi al­laaserineqar­tut suut pis­suserigunigit nuliaq uiminut aam­mat­taaq Jehovamut erlin­nas­sava?

³⁹ Uiusut up­per­tuup­pata up­pin­ngitsuup­pataluun­niit, nuliaasut kristumiuusut Bibelimi kajumis­saar­neqar­put ’uitik asaq­qul­lugit qitor­natil­lu asaq­qul­lugit, piitaajuitsooq­qul­lugit, titsiitsooq­qul­lugit, il­lumi paarsil­luaq­qul­lugit, avaagin­nit­taq­qul­lugit, uitil­lu naalaq­qul­lugit, Guutip oqaasia mitaatigineqaq­qunagu’. — Títuse 2:4, 5.

⁴⁰ Il­lit nuliaasutit sapin­ngisan­nik taamaalioruit, uin­nit aam­mat­taaq Jehova Guutimit asaneqangaas­saatit.

[Atuaqqissaarnermi apeqqutit]

 [Qupp. 59-mi assiliartaq]

’Nuliaq pik­koris­soq sapan­ngaris­sunit naleqar­nerungaar­poq.’ — ús­satit 31:10.

 [Qupp. 66-mi assiliartaq]

Ar­nat Samsonip inuunerani