Kapiteli 4

Uiusoq ataqqingaagaq

1, 2. Al­lanit ataq­qineqar­neq qanoq anguniar­neqarsin­naava, taman­nalu Jesus Kristusip maligas­siaani qanoq takuneqarsin­naava?

AL­LANIT ataq­qineqar­neq anguneqarsin­naan­ngilaq ataq­qeq­quin­narluni. Qanoq it­tuus­sutsit, qanoq oqaloriaatsit qanorlu iliuutsit tun­ngavigalugit taman­na anguneqarsin­naavoq.

² Taman­na Jesus Kristusip maligas­siuineratigut takuneqarsin­naavoq. Ajoqersuisutut ataq­qineqaler­poq ajoqersueriaatsi pis­sutigalugu. Qaq­qami oqaluusaata kingor­nagut ’inup­pas­suit ajoqersuisaasia tupigusuutigaat’. Qanoq ilil­luni ataq­qineqaler­pa? Guutip oqaasia Bibeli an­ner­toq­qutigigamiuk, inuit al­lat eq­qarsaataat an­ner­toq­qutiginagit. Jehova Guuti taas­sumalu oqaasia sal­lusuis­sutaasoq kiserluin­naasa aalajangiisus­saatip­pai. Jesus ikin­ngum­minit as­sor­tor­timinil­lu ataq­qineqaler­poq iliuutsini pis­sutigalugit. — Matîuse 7:28, 29, NV; 15:1-9; Juánase 7:32, 45, 46.

3. Evfisumiut 5:33 naaper­torlugu nuliaasoq sumik pisus­saaf­feqar­pa, taamaalius­sap­pal­lu uiusoq qanoq ilior­tariaqar­pa?

³ ’Ar­nap uini ataq­qingaas­sagaa,’ Evfisumiut 5:33-mi (NV) piumasarineqar­poq. Uiusorli ilungersor­tariaqar­poq ataq­qineqaq­quguni; taamaan­ngip­pat nuliata inas­sum­mik taas­sumin­nga maleruaanis­saa ajor­nakusuus­saqaaq. Uiusup inis­sisimanis­sani Bibelimi nas­suiar­neqar­toq qanoq eq­qor­tin­niarsin­naavaa ataq­qineqaleq­qul­luni?

QULLERSAANINI EQQORTUMIK ATORLUGU

4. Bibeli naaper­torlugu uiusoq sumi inis­sisimava?

⁴ Bibeli naaper­torlugu uiusoq aap­pariin­nermi qul­lersaasus­saavoq,  al­las­simam­mat: ’Ilis­si ar­nat, uisi naalas­sigik soorlu Naalagaq, ar­nap uini niaqorim­magu, soorlut­taaq ilagiit Kristus niaqorigaat; taan­na timaata an­naas­sisigaa; soorluli ilagiit Kristus naalak­kaat, taamat­taaq ar­nat uitik tamatigut naalas­savaat.’ (Evfisumiut 5:22-24) Aaq­qis­suus­saaneq taman­na ilaqutariit pil­luar­nis­saan­nut ilumut ilas­sutaal­luas­sava? Angutip ar­namut naleq­qiul­lugu inis­sisimaneranik ingasat­tumik pingaar­titsineq ar­nat ilaasa sak­kor­tuumik as­sor­tor­tar­paat, angutit ilaasa ar­nanut qul­lersaaner­tik pingaakujut­tumik ingasat­tumil­lu aalajangiut­tarmas­suk. Taamaat­tumik aalajangiutsigu angutip qul­lersaaneranik ingasat­tumik pingaar­titsineq Bibelimi ajoqersuutigineqan­ngitsoq.

5. Qul­lersaaneq eq­qarsaatigalugu uiusup suna paasisariaqar­paa, kik­kul­lu maligas­siaat malit­tariaqarlugu?

⁵ Bibelimi erseq­qis­sar­neqar­poq ar­naan­naan­ngitsoq aam­mat­taarli angut naalagaqar­toq. Bibilimi Korintumiunut agdlagkat sujugdlît, kapitali 11-mi, versi 3-mi oqaatsit apustili Paulusip ilagiin­nut Korinthimiit­tunut al­lagai uku atuarsin­naavavut: ’Imaat­tumil­li ilisimaq­quas­si, angutip kialuun­niit Kristus niaqorigaa, ar­nal­lu angut niaqorigaa, Kristusil­lu Guuti niaqorigaa.’ Angutip Kristus niaqoraa, imaap­poq: qul­lersaraa, Guutil­lu Kristusil­lu maligas­siuinerat ajoqersuineral­lu najoq­qutaralugit il­lit uiusutit qul­lersaanerup qanoq eq­qor­tin­niar­neqar­nis­saa ilin­niar­tariaqar­pat.

6. Qul­lersaanermut atatil­lugu uiusup Jehova Guuti Jesus Kristusilu sumik ilin­niarfigisin­naavai?

⁶ Jehovap Kristusimut qul­lersaanini asan­nit­tumik ator­paa, Kristusil­lu tamatumin­nga akuerin­nin­nini ima oqaatigaa: „Piumasat, Guutiga, naam­mas­sis­sal­lugu kajungeraara.“ (Tus­siaat 40:8, NV [kalaal­lisuumi versi 9]; Eprîarit 10:7) Jesus Kristusit­taaq qul­lersaanini asan­nit­tumik ator­paa. Im­minut ajoqersugan­ngorumaar­tus­sanut ima oqar­poq: ’Qanilaar­punga uum­matik­kul­lu makitajuip­punga; tar­nis­sin­nut qasuerfis­sarsiumaar­pusi.’ (Matîuse 11:29) Jesusip ilagiis­saanut  ilaasor­taasut, Bibelimi nulias­samut as­sersuun­neqar­tut, qul­lersaanerata ataani nutaamik nakus­satsif­fis­sarsisimap­put. Ator­nerlun­neq ajor­pai, asan­nil­lunili im­minik tun­niup­poq. Qul­lersaas­suseq taama it­toq uiusup nuliaminut taamatut­taaq ator­tus­saavaa: ’Ilis­si angutit, nuliasi asaniarsigik, soorlut­taaq Kristusip ilagiit asagai im­minil­lu tun­niul­luni taak­ku pis­sutigalugit. Taama angutit nuliatik asasariaqar­paat soorlu timitik. Nuliaminik asan­nit­toq im­minik asasaraaq. Inum­mi uinim­minik qin­ngarsuin­ngisaan­nar­poq, nerisit­tarluguli paaq­qisar­paa, soorlut­taaq Kristusip ilagiit taamaalior­tarai. Ilis­sis­saaq tamas­si nuliasi im­mis­sisut asas­savasi, ar­nal­li uini mianeriniarliuk [ataq­qingaas­savaa, NV].’ (Evfisumiut 5:25-29, 33) Il­lit Kristusip qul­lersaaneranut naalan­nik­kut maligas­siuiguit, taava nuliavit ajor­nakusoorutigis­san­ngilaa — im­maqaluun­niim­mi nuan­naarutigiin­nas­sal­lugu — il­lit uiusutut qul­lersaas­sutsit ataq­qinias­sal­lugu.

7, 8. Ilaqutariin­nut qul­lersaanermin­ni uiusut ilaasa suna kuk­kus­sutigisar­paat?

⁷ Ajor­nar­torsiutaasorujus­suuvorli naam­mal­luin­nan­ngis­suseq nam­minis­sarsior­nerlu inun­nguuserisaq pis­sutigalugit ilaatigut uiusup, naak ilaqutariin­nut qul­lersaasutut ataq­qineqarusuk­kaluarluni, nuliani naam­mat­tumik asan­ngitsoor­tarmagu isumas­sun­ngitsoor­tarlugulu. Nuliaasut ilaat oqar­tar­put misigin­ngik­kitsik uimin­nit asaneqarlutik, aam­malu uimik nam­min­neq nuan­narisatik naam­matsinis­sar­til­lu kiserluin­naasa soqutigigaat. Nuliaasul­lu ilaasa uimik naalagaaniar­pal­laar­nerat maalaarutigisar­paat. Im­maqa tamatuma pis­sutigisin­naavaa nuliaasup uimi qul­lersaas­susianik inangeeriar­taraluar­nera, uiusul­lu tamatumun­nga akerliliisar­nera. Imaluun­niit uiusup uiusut amerlanerit an­neruniar­tut naalagaaniar­pal­laar­tul­lu akor­nan­ni peroriar­torsimanera. Sunaluun­niit pis­sutaagaluar­pat, qul­lersaanermik ator­nerluineq ataq­qisaanermik an­nerulersitsinavian­ngilaq.

 ⁸ Angutil­li al­lat qul­lersaaner­tik ator­nerlun­nagu im­miniigin­nar­tar­paat. Nuliatik tamanik aalajangiisit­tar­paat. Ilaasalu nuliatik oqarfigisar­paat ’tuavisaarinak’, imalu aalajangigas­sanik kinguarsaatigisarlutik al­laat ilaqutariit soqutigisaan­nut ajoqutaasin­naasarluni. Naak timik­kut eqiasun­ngik­kaluarlutik, isum­mak­kut eqiasun­nerisa kingunerisin­naavaa soorlu ús­satit 24:33, 34-mi al­laatigineqar­toq: ’Sinilaagin­naral­laat, pil­litsilaagin­naral­laat, as­satit paarlatsilaagin­naral­lak­kit in­nangajumal­lutit; taava piitsun­ngor­nis­sat tikiuk­kumaar­poq tigusas­sarsior­tutut, ajorsar­nis­sal­lu angutitut eq­qor­naveeq­qutilit­tut.’

9, 10. Aalajangigas­sanik ilaqutariin­nut tamanut sun­niuteqar­tus­sanik aalajangiin­ngin­nermini, kia eq­qarsaatai uiusup tusar­niaq­qaar­tariaqar­tar­pai?

⁹ Nulian­nit ataq­qineqalis­saatit isum­mak­kut aalajasuun­ngik­kuit, tutsuiginar­tuuguit aalajangiisin­naaguil­lu. Taman­nali imatut paasisariaqan­ngilaq inoqutitit siunersior­tus­saan­ngik­kitit nuliavil­lu isumaa il­lit isum­man­nit al­laanerup­pat iluamik eq­qarsaatigisus­saan­ngik­kit. Bibelimi oqalut­tuarineqar­tut siul­liit ilagaat Abrahamip Saral­lu inoqutaasa iluan­ni ajor­nar­torsiut ilungersor­nar­toq saq­qum­mersoq. Taman­na er­neran­nut Isakimut kif­faatalu ar­nap Hagarip er­neranut tun­ngavoq. Aaq­qiis­sutis­samik Abrahamip iluarin­ngisaanik Sara siun­nersuuteqar­poq. Guutil­li Abraham oqarfigaa: ’Sarap qanoq oqarfigim­matit naalaan­naruk.’ — 1 Môrsase 21:9-12.

¹⁰ Tas­sali imaan­ngilaq uiusup nuliami piumasai tamatigut akueriin­nar­tas­sagai. Kisian­nili aalajangigas­saqaraangat ilaqutariin­nut sun­niuteqar­tus­sanik, iluaqutaasin­naavoq nuliani oqaloqatigisar­pagu, kajumis­saar­pagulu eq­qarsaatiminik misigisaminil­lu am­masumik saq­qum­mius­seq­qul­lugu. Im­mis­sin­nut oqaloqatigiil­luar­taritsi, oqaluuk­kuminar­tuugit, aalajangiigaangavil­lu nuliavit kis­saatigisai eq­qarsaatigeq­qis­saar­tak­kit. Qul­lersaas­sutsit ator­til­lugu naalagaaval­laaqinak naqisiman­neqinal­lu, kisian­nili maniguut­tuugit.  Naam­mal­luin­nar­tuun­ngilatit, tas­sa imaap­poq: kuk­kujuitsuun­ngilatit. Kuk­kusar­putit, kuk­kusaraangavil­lu nuliavit paasin­nin­nis­saa kis­saatigis­savat. Taamatut pisoqar­til­lugu uiusoq makitanaveersaar­pat nuliata uiminik ataq­qin­nin­nis­saa ajor­nan­ngin­nerus­saaq, uiusorli an­neruniar­tuup­pat ajor­nar­nerus­sal­luni.

PILERSUILLUAR­TUULLUTIT

11, 12. (a) Uiusup suna akisus­saaf­figaa timip piisigut inuunermut pisariaqar­tunik pis­sarsiarin­nin­nermut atatil­lugu? (b) Sooq oqar­toqarsin­naava marluul­lusi sulinis­sigut pisariaqar­tut taak­ku pis­sarsiarineqar­tar­tut?

¹¹ Uiusup akisus­saaf­figaa timip piinik inuunermut pisariaqar­tunik ilani pilersus­sal­lugit. Taman­na Timûtiusimut agdlagkat sujugdlît 5:8-mi takutin­neqar­poq: ’Kialuun­niit ilani an­nerusumil­lu inoqutini isumagin­ngik­kunigit, taas­suma up­per­neq soraarus­simavaa up­pin­ngitsumit ajor­nerul­luni.’ Ul­lumik­kut inuuniar­neq nunat ilar­pas­suini akisoorujus­suuvoq, il­lil­lu uiugavit aalajangiisus­saavutit ingerlal­luar­niar­nis­sas­sin­nut qanoq periaaseqar­niar­nis­sas­sin­nik. Misigis­san­nguatsiar­pat ilaqutariit atugaris­saar­nis­saan­nut aningaasarsior­nerit kisimi naam­man­ngitsoq, aam­mat­taarli nulial­lu marluul­lusi aningaasat iser­titas­sat ator­titas­sal­lu naatsorsor­tariaqarisi marluul­lusi isumaqatigiil­lusi. Al­latut oqaatigalugu aningaasanut ator­titas­sanut pilersaarusior­tariaqar­pusi. Taamaaliorus­si pis­sarsias­sin­nut naaper­tuut­tumik atuisin­naas­saasi, taamaalil­lusilu oq­qaterujus­suar­nerit ul­loq akis­sarsif­fik nal­liutsin­nagu nunguutsisoor­nermi pisar­tut pin­ngitsoorsin­naavasi.

¹² Naak amerlaner­tigut uiusoq ilaqutariit inuus­sutis­saqar­tin­niar­neqar­nis­saan­nut aningaasarsior­tuusaraluar­toq, puior­neqas­san­ngilaq marluul­lusi sulinis­sigut aningaasat pis­sarsiarineqar­tarmata. Il­lit uiusutit isumaqaruit kisivit aningaasarsior­tuul­lutit, naatsorsor­niariaruk qanoq akeqas­sagaluar­nersoq pisinius­sisus­samik, igasumik, erruisus­samik, eq­qiaasus­samik,  pin­nersaasar­tumik, meeq­qanik paarsisus­samik as­sigisaan­nil­lu atorfinitsitsis­sagaluaruit. Taak­kunun­nga akilersugas­saqan­ngilatit nuliavit sulias­sat tamak­ku isumagisarmagit, aap­pariin­nermimi ar­nap tamak­ku sulias­sarisarmagit. Taas­sumalu ilaqutariin­ni aningaasanut inuus­sutis­saqar­nermul­lu tun­ngasut naatsorsor­tar­pagit, „naatsorsuuserisoq“ taaneqareersunut ilan­ngus­sin­naavat. Ilumoorluin­nar­poq ús­satit 18:22-mi al­las­simam­mat: ’Nulias­saminik nas­saar­toq ajun­ngitsuum­mik nas­saar­poq.’

13. Aap­pariit timip pii qanoq isumaqarfiginaveersaar­tariaqas­savaat, taamaaliorunil­lu qanoq iluaqutigis­savaat?

¹³ Timip piisigut ilaqut­tanik pilersuinermi aarlerinar­toqar­taan­nar­poq. Aarlerinar­toq tas­saavoq timip piinik il­lit imaluun­niit nuliat pingaar­titsiniar­pal­laaleriar­tuaarsin­naagas­si. Ilaqutariit pil­luarlutik inooqatigiin­nerata tun­ngavianut qajan­narsaataasin­naasut taman­na ilagaat. ’Sun­nguamik nas­sataqar­nata silamut matumun­nga pigat­ta, nalunan­ngilaq sun­nguamik nas­sataqar­nata kingumut qimas­sagip­put,’ Bibelimik al­lat­tut ilaat, Paulus, ima oqarsimavoq. ’Nerisas­saqarlutali atisas­saqarut­ta tamak­ku naam­magis­savavut. Pisuun­ngorumasul­li us­ser­neqarlutil­lu napititaasar­put silaqan­ngitsor­pal­lat­tunil­lu ajoqutaasunil­lu pilerigisar­pas­suaqalersarlutik; tamak­kua inuit aseror­nermut tam­mar­nermul­lu kiviar­tor­tit­tar­paat, aningaasanik piumatuunermit ajor­tut tamalaat naasarmata; tas­sungalu kajumis­sil­lutik ilaasa up­per­neq tam­maavaat, erloqinar­tor­pas­suil­lu im­min­nut ator­tip­paat.’ Ilaqutariit at­taveqatigiin­nerata san­ngiil­liar­tor­nerani naggataagul­lu aseror­nerani aliasun­neq misigineqarsin­naasoq qanorluun­niit timip piinik peqar­tigigaluaraan­ni peer­neqarsin­naan­ngilaq. Timip piisigut peqangaar­nerup anersaak­kut misigis­sutsik­kul­lu an­naasaqar­neq taarsersin­naan­ngivip­paa. — 1 Timûtiuse 6:7-10.

14. Timip pii inuunermi pingaar­tin­neqar­pal­laar­nersut qanoq aalajanger­niar­neqarsin­naava?

 ¹⁴ Timip piinik pingaar­titsiniar­pal­laar­neq tas­saan­ngilaq timip piinik pigisaqar­neq, tas­saal­lunili timip piinik asanninneq. Inuk piitsuugaluarluni timip piinik pingaar­titsiniar­pal­laar­tuusin­naavoq, imaluun­niit pisuujugaluarluni anersaap piinik pingaar­titsisuusin­naal­luni. Apeq­qutaavoq uum­matit­ta suna kajungerineraa. Jesus oqar­poq: ’Pequutinik nunami katersuinias­san­ngilasi, oquil­lu man­nger­tor­nerul­lu aserugas­saan­nik til­lik­kajut­tul­lu am­mar­terif­figisas­saan­nik til­ligas­saan­nil­lu. Pequutinil­li qilam­mi katersuiniaritsi, oquil­lu man­nger­tor­nerul­lu aserus­san­ngisaan­nik til­lik­kajut­tul­lu am­mar­terif­figis­san­ngisaan­nik til­lis­san­ngisaan­nil­lu; uum­matis­simi pequutisi najor­tar­paat.’ — Matîuse 6:19-21.

15, 16. Ilaqutariit pil­luas­sap­pata, timip piisigut ilaqut­taminik pilersuiin­narani uiusoq aam­mat­taaq qanoq ilior­tariaqar­pa?

¹⁵ Uiusup pilersuil­luar­tup Bibelimi oqaaq­qis­saarutit taama it­tut isum­maminiitis­savai. Timip pisariaqar­titaan­nai pingaar­tis­san­ngilai, aam­mat­taarli ilami anersaak­kut pisariaqar­titaasa isumaginiar­nis­saat pif­fis­saqarfiginias­sal­lugu. Sumut iluaqutaas­sava timip piinik pis­sarsiniarlutit pif­fis­sarujus­suaq atorlugu sulisaruit ilaqut­tavil­li anersaak­kut ineriar­tor­tin­nis­saan­nut nukis­saqar­nal­lu pif­fis­saqar­neq ajorlutit? Ajor­nar­torsiutit inuunermi naapit­tak­kat anigor­niar­nis­saan­nut ilisimas­suseqalis­sagaan­ni, pisariaqar­poq ilaqutariit peqatigiil­lutik pif­fis­samik atuinis­saat ileq­qoreq­qusanik eq­qor­tunik nuan­narisaqangaar­neq ineriar­tor­tin­niarlugu. Taamaalior­toqarsin­naavoq Guutip oqaasianik atuaqatigiit­tar­nik­kut, oqaloqatigiis­sutigisar­neratigut qinoqatigiit­tar­nik­kul­lu. Il­lit uiusutit ilaqutariin­nut qul­lersaagavit tamatumuuna siulersuisus­saavutit. Pif­fis­saq ator­tariaqagas­sat ilungersor­neril­lu suun­ngitsutut is­sap­put kingunis­saanut iluaqutaasunut naleq­qiutis­sagaan­ni. Guutip neriorsuutaa eq­quutin­ngitsoor­navian­ngilaq:  ’Suk­kut ingerlasaraangavit ilisariniaruk, taava aq­qutigisas­satit iluar­tik­kumaar­pai.’ — ús­satit 3:6.

¹⁶ Uiusup Pin­ngor­titsisumut isumal­luar­tup taas­suman­ngalu siulersor­tit­tup un­nersuus­sut aalajaatsoq ús­satit 7:12-imiit­toq pingaar­tis­savaa: ’Ilisimas­sut pinaveeq­qutaavoq, soorlu aningaasat pinaveeq­qutaasar­tut; kisian­ni ilisarsil­luni iluanaaqutigisaq tas­sa ilisimas­sut inuata inuus­suteqaatigisarmagu.’ Taamaat­tumik pilersuil­luar­tutut tamaviaar­tariaqar­poq ilani timik­kut pisariaqar­titaan­nik pilersor­niarlugit. Taamaak­kaluar­torli ’pisuus­sutit al­lan­ngujaqisut isumal­luutigin­ngilai Guutili isumal­luutigalugu’. Maligas­siuil­luar­poq anersaamut tun­ngasut pingaar­nerutik­kamigit, nam­mineq nulianilu ’inuuneq piviusoq [aalajaatsumik, NV] tigusin­naaq­qul­lugu’. (1 Timûtiuse 6:17-19) Uiusoq taamatut ilaminik timik­kut pisariaqar­titaan­nik pilersuil­luni anersaak­kul­lu isumagin­nil­luni ilungersor­nermigut nuliaminit Guutimik mianerin­nit­tumit ataq­qineqalis­saaq.

NULIAQ ATAQQILLUGU

17-19. Bibelimi un­nersuus­sut ’nuliaasoq ataq­qeq­qul­lugu’ atoqatigiin­nermut atatil­lugu qanoq maleruar­niar­neqarsin­naava?

¹⁷ Apustili Peterip uiusut oqaluup­pai nuliaat pil­lugit peq­qul­lugil­lu ’pisat­tatut qajan­nar­nerusutut ilioq­qul­lugit, ataq­qeq­qul­lugil­lu’. (1 Pîtruse 3:7) Versimi tas­sani Peterip ersersip­paa uiusup nuliani ataq­qis­sagaa ’silalim­mik’ inooqatigalugu.

¹⁸ Taman­na min­nerun­ngitsumik atoqatigiin­nermut tun­ngavoq. Nuliaasut ilaasa il­ligus­suseqar­neq ajor­neran­nut amerlasuutigut pis­sutaasar­poq uiusup ar­nap timik­kut misigis­sutsik­kul­lu qanoq it­tuus­susianik ilisimasakin­nera. „Uiusup nuliani pisariaqar­neratut ilas­siliuk,“ taamaaliorlili ’silalim­mik, pisat­tatut qajan­nar­nerusutut iliorlugu ataq­qil­lugulu’, Guutip oqaasiani un­nersuus­suteqar­poq. (1 Korintumiut 7:3, NV) Nuliat  ’ataq­qil­luaruk­ku’ taava naak­kit­taal­lutit malar­taal­lutil­lu kimigiiserfiginiar­navian­ngilat il­ligus­sutsit naam­mas­seq­qul­lugu, ingam­mik nuliat qasoq­qagaangat aaqar­neratalu naligigaangagu. (Naleq­qiuguk Môrsasip  agdlagaisa pingajue 20:18.) Ilagiik­kaangas­silu nam­mineq pileris­sutsin­nik naam­mas­sin­nin­niar­neq ima ilungersuutigitigis­san­ngilat nuliavit atorfis­saqar­titai sumigin­narlugit. Tamatumani ar­naq angum­mit arriin­nerusumik periar­tar­poq. Ar­nap qajas­suar­tumik pineqar­neq asaneqar­nerlu atorfis­saqar­tin­neruai. Bibelimilu al­las­simam­mat ’angutip nuliani pisariaqar­neratut ilas­sis­sagaa’, tunisineq pingaar­nerutin­neqar­poq, tigusinermin­ngar­nit.

¹⁹ Tamatumun­nga atatil­lugu soorunami aap­pat kisiat soqutigis­savat. Ul­lumik­kut anguter­pas­suit al­lasior­tar­put. Tas­suunali suna angusar­paat? Angerlarsimaf­fim­min­ni pil­luar­neq ajoqusiin­nar­tar­paat. Nuliatik ataq­qineq ajor­paat, tas­suunalu nuliamin­nit ataq­qineqaler­navian­ngil­lat. Al­laat aap­pariin­neq, aaq­qis­suus­saaneq Guutip pilersis­simasaa, ataq­qinaataajar­paat. Taman­na aliasungaar­ner­pas­suar­nik nas­sataqar­tarmat, paasinar­poq Eprîarit 13:4-mi (NV) imatut kajumis­saaruteqarmat: „Aap­pariin­neq tamani ataq­qisas­saatin­neqarli aap­pariil­lu in­narfiat minguitsuutin­neqarli, Guutip kan­ngunar­tulior­tut al­lasior­tul­lu eq­qar­tuuk­kumaarmagit.“

20. Soorlu Evfisumiut 5:28-mi takutin­neqar­toq, aam­mat­taaq qanoq ilil­luni uiusup nuliani ataq­qiniarsin­naavaa?

²⁰ Nuliamik ataq­qin­nin­neq atoqatigiin­nerin­narmut tun­ngan­ngilaq. Al­lanut­taaq tun­ngasutigut uiusup ataq­qineqangaar­tup nuliani pingaar­tit­tas­savaa. Soorunami ingasat­tumik pingaar­tis­san­ngilaa inus­siaaf­figis­sanagulu. Imaas­saarli soorlu siusin­nerusuk­kut Evfisumiut 5:28-mi al­las­simasoq: ’Angutit nuliatik asasariaqar­paat soorlu timitik. Nuliaminik asan­nit­toq im­minik asasaraaq.’ Angutip taamaalior­tup nuliani inut­tut nikanar­nerusutut pisas­san­ngilaa. Nerinerup nalaani isumaqas­san­ngilaq nam­mineq mamar­nerin­naat pisus­saal­lugit, nuliamilu sin­nikut naam­magis­sagai — taamatut isumaqas­san­ngilaq nuliani ’timimisut’ asaguniuk. Qanoq isik­koqar­nini pil­lugu im­minuin­naq isumaginani,  nuliami qanoq isik­koqar­nera taamatorluin­naq an­nerusumil­luun­niit soqutigis­savaa, sapin­ngisaminil­lu atisaanik iluarisimaarin­nilersin­niarlugu. Kuk­kugaangami angut im­minut isan­neq ajor­poq. Aam­mat­taaq uiusup kristumiuusup nuliani ilimagisaraluamisut pitsaatigisumik iliuuseqan­ngitsooraangat isat­tas­san­ngilaa. Tamatumali akerlerluin­naanik, kialuun­niit ajor­tumik pigaluar­pagu, ilumoorfigalugu ser­nis­sus­savaa. Timimisut asatigaa.

21, 22. Uiusup qanoq iliorluni nuliani ikiorsin­naavaa ar­natut sulias­saminik nuan­naarutigin­neq­qul­lugu?

²¹ Arlalitsigut as­sigiis­sumik atorfis­saqar­titsivusi, nulial­li ’ataq­qinias­saguk­ku’ isum­mak­kut suut as­sigiin­ngis­sutiginerisi paasisariaqar­patit. Ar­nat piumanerusar­paat oqar­tus­saqar­tumik naalagaqarlutik sulinis­sar­tik, aatsaal­li oqar­tus­saatitaaneq eq­qor­tumik ator­neqar­pat. Jehova Guutip taamatut pin­ngor­tip­paa. Ar­naq pin­ngor­titaavoq angutip ’ikior­tis­saatut’, angum­mut ’naam­maataal­luni’. (1 Môrsase 2:18, NV) Nak­kutigineqar­pal­laarunili, nam­mineerluni suleq­qusaaneq ajoruni nam­minerlu pigin­naas­sutsini atus­sal­lugit periarfis­sin­neqar­neq ajoruni, ar­nap inuunini nuan­naarutigiun­naalersin­naas­savaa kajumis­suseerutis­sal­lunilu.

²² Al­lamit­taaq pingaar­toqar­poq eq­qarsaatigisariaqak­kan­nik, tas­sa ar­nap pis­susis­samisoor­tumik kis­saataa atorfis­saqar­tin­neqarluni misigisimas­sal­luni. Nuliaasut amerlanerit uiusoq ikiuiumatooq pingaar­tit­tar­paat, uiusul­li nuliani qaangiin­nar­taruniuk sam­misas­sal­lu tamaasa nam­mineq suliarisarlugit misigisin­naavaa ajoqusiinini iluaqusersuinerminit an­nerusimasoq. Nulian­nit ilumoorfigineqalis­saatit asan­nik­kuit qujamasuk­kuil­lu paasitik­kuk­kulu atorfis­saqar­titaasoq, ataq­qigak­ku, marluul­lusi suleqatigiil­lusi, oqar­taruit „uagut“ aam­ma „uagut pigisavut“, oqar­tar­nal­lu „uanga“ aam­ma „uanga pik­ka“, „il­lit“ aam­ma „il­lit pitit“. Nuliat oqarfigisar­piuk qanoq pingaar­titsigalugu qanorlu  atorfis­saqar­titsigalugu? Akis­saatinik akilerlugu taamaaliorsin­naan­ngin­navit al­latigut taamaalior­tariaqar­putit.

ARNATUT PISSUSII PAASINIAKKIT

23. Angutit ar­nal­lu misigis­sutsinut tun­ngasutigut suut as­sigiin­ngis­sutigisar­paat?

²³ Tar­nip pis­susiinik ilisimatooq ar­naq ilaan­ni ima al­lap­poq: „Tamatigungajak ar­nat misigisarput angutil­li eqqarsartarput.“ Pigin­naas­sutsit taak­kua arlaan­naal­luun­niit aap­paanit pitsaanerun­ngilaq; kisian­nili as­sigiin­ngil­lat. Inuit misigit­taatsut kajungerin­ngilavut; aam­mat­taaq inuit isumaatsut kajungerin­ngilavut. Soorunami ar­nat misigisin­naas­suseqarlutil­lu eq­qarsarsin­naas­suseqar­put, aam­mat­taaq angutit taamaap­put. Amerlaner­tigul­li ar­nap misigis­sutsini ersersin­nerusar­pai, angutil­li misigis­sutsini nununerusarlugit silaqas­susermul­lu tun­nganerusumik aaq­qeeriaaseqar­niar­tarluni. Soorunami taman­na eq­qarsaatigalugu inuit as­sigiin­neq ajor­put; kisian­nili taama it­tumik as­sigiin­ngis­suseqaramik angut ar­narlu im­min­nut naleq­qup­put taper­taal­lutil­lu. Misigis­sutsik­kut pis­suseqar­nerunini pis­sutigalugu, aam­mat­taaq ar­naq inun­nik soqutigin­ningaar­nini pis­sutigalugu angum­mit oqalun­nerusar­poq. Oqaloqateqarusut­tar­porlu. Tamatumani uiusut ilar­pas­sui ajor­nar­toor­tar­put.

24. Suna pil­lugu pingaaruteqar­pa uiusup nuliani tusar­naar­tas­sagaa oqaloqatigisarlugulu?

²⁴ Nuliat oqaloqatigisar­piuk? Illit suliatit piin­nar­nagit, aam­mat­taarli nuliavit suliai pil­lugit? Suliai soqutigaagit, paasitip­piul­lu soqutigigitit? Ul­lumi ul­loq nulian­nut qanoq ingerlava? Ul­lumi meeq­qat sup­pat? Angerlaan­navil­lutit aperisar­nak ’sutus­saagut?’ taavalu nerereerlusi aviisi kisiat nak­kutigilersarlugu nuliavil­lu oqaluun­niaraluaraangatit oqaatsit naatsun­nguaan­naat atorlugit akisarlugu. Nuliat soqutigiuk, eq­qarsaatai, suliai isumaliutigisar­tagaalu soqutigalugit. Sulis­sutigisaanik tapersersoruk, naam­mas­sisimasaanil­lu  nersor­tarlugu. Suliarisaanik nersor­taruk­ku aam­mat­taaq sam­misas­sat al­lat im­maqa suliarin­ngitsuuk­kani sulis­sutigiumalis­savai. Isor­nar­torsiuineq toqunar­tutut sal­laatsumik malun­niuk­kiar­tor­tutut is­sin­naavoq nikal­lor­titsisin­naal­lunilu, akerlianil­li nersor­tariaqaraan­ni peq­qusersuitsumik nersor­neqar­neq ilorraal­laataasar­poq kaam­mat­tuutaasarlunilu qiim­matsitsisar­toq! — ús­satit 12:18; 16:24.

25, 26. (a) Uiusup nuliaminut tunis­sutaa sumut ersiutaasar­pa? (b) Nuliaasup sunik tunineqar­nis­sani pingaar­ner­paatit­tar­paa?

²⁵ Ilaatigut angerlaraangavit tunis­sutis­san­nik nas­saat­tar­piuk? Im­maqa akisun­ngitsun­nguugaluamik — an­nikitsun­nguugaluarluni matumin­nga ersersitsisumik: ’Eq­qarsaatigaak­kit.’ Taamaalior­tar­pil­lu im­mik­kut it­tumik pis­sutis­saqar­neq piin­nar­nagu kisian­nili taamaaliorusus­suseqaravit? Ilimagin­ngisamik tunis­sutisineq nuan­ner­taqaaq. Il­lit nuan­naar­tan­ngin­ner­pit ilimagin­ngisan­nik nuliavit mamariner­paasan­nik nerisas­siuut­taraangatit? Taava akil­lugu nuan­naajal­lan­nar­tumik iliorfigiuk — nuan­naar­til­lugulu. Tunis­sutin­nguanik asan­nin­nik­kut tunineqar­neq tunis­sutinik akisuunik aalajangersimasuin­nak­kut tun­niun­neqar­tar­tunit, im­maqalu kajumin­nermit pisuun­ngitsunit tunisisariaqar­tutul­lu misiginermit pisar­tunit naleqar­nerungaar­put. ’Kajumit­tumik tunisisoq Guutip asavaa.’ (2 Korintumiut 9:7) Nuliavit­taaq asavaa. Aam­mat­taaq nerisas­sat pitsaanersiungaan­ngik­kaluaraangata eq­qaamajuk una: ’Naasut igasat ataasiagas­sat asan­nin­nermik ilal­lit ajun­ngin­nerup­put us­sim­mit pual­larsak­kamit uumis­suinermik ilalim­mit.’ — ús­satit 15:17.

²⁶ Im­minil­li tun­niun­neq pisariaqar­ner­paavoq — pif­fis­samik, nukis­sanik, soqutigin­nin­nermik eq­qarsaatinil­lu, ingam­mik ilorliunerusunik uum­mam­meersunik. Angutit ilar­pas­suisa taman­na ajor­nakusoor­tit­tar­paat. Qajas­suar­tumik asan­nin­neq ersersis­sal­lugu ingasat­tumik kil­lisimaar­nar­tutut anguter­palun­ngitsutul­lu  isumaqarfigisar­paat. Nulial­li asaguk­ku, eq­qarsaatiginerus­savat ar­nap qiviar­neqar­neq, at­tor­neqatsiar­neq, oqarfigineqar­nerlu qanoq pingaar­titsigigai. Tamak­ku amigaatigigunigit naam­magit­taal­liulersin­naas­saaq, aliasulersin­naal­luni nikal­lungalersin­naal­lunilu. Taamaat­tumik maligas­siaq Bibelimi eríniugags­siat angners­sât-ni Salomonip erin­niaani al­laaserineqar­toq maliguk. Inun­nik al­lanik ataq­qin­nin­nerminik asan­nin­nerminil­lu saq­qum­mersitsisar­toq im­minut­taaq iluaquser­taraaq. Inuit asan­nin­nermik saamar­palut­tut inun­nit al­lanit kajungerineqar­nerusar­put. Tas­sa kik­kut? Tas­saap­put kisin­natik misigis­sutsimin­nik nuan­narin­nin­nermin­nil­lu asasamin­nut ersersitsisar­tut. Misigin­neqataaneq taamaat­toq tuniluut­tar­poq; misigin­neqataasoq akineqarluni misigeqatigineqar­tar­poq. — eríniugags­siat angners­sât 1:2, 15; Lúkarse 6:38.

27, 28. (a) Qul­lersaanini eq­qor­tumik ator­nerini paasiniarlugu uiusoq im­minut qanoq aperisin­naava? (b) Sooq taman­na eq­qarsaatigis­sal­lugu pingaaruteqar­pa?

²⁷ Im­minut apereriarit: Nuliama uan­nik ilaqutariin­nut qul­lersaasutut ataq­qin­nin­nis­saa oqilisar­para? Uat­tul­li taan­na asatigivara? Imaluun­niit nam­mineq pisariaqar­titama piumasamalu naam­mas­sineqar­niar­nis­saat siul­liutil­lugulu pingaar­nerutit­tar­para? Nuliama pisariaqar­titai qanoq akulikitsigisumik isumagisar­pak­ka? Ilaqutariit sin­nerlugit aalajangiiniar­nin­ni, nuliama qanoq isumaqar­nera tusar­niaq­qaar­tar­para taas­sumalu piumasai naatsorsuutigisarlugit? Aalajangigas­saqaraangama taas­suma pil­luar­nis­saa eq­qarsaatigisar­para? Pisat­tatut qajan­nar­nerusutut, ar­naasutut, ataq­qisar­para? Oqaloqatigisar­para, saq­qumisumik uum­mam­miugisan­nik oqaloqatigisarlugu?

²⁸ Piumasarineqar­tut naam­mal­luin­nar­tumik naam­mas­sisin­naanavian­ngilatit. Taman­nali maniguul­lutit ilungersuutigiuaan­naruk­ku ilimanarluin­nar­poq uin­ngorumaar­tutit nulian­nit ataq­qineqalersoq Guutimul­lu iluaritit­toq.

[Atuaqqissaarnermi apeqqutit]

[Qupp. 51-mi assiliartaq]

An­nikik­kaluar­tut pingaaruteqangaar­tar­put